12 KiB
ဖော်ပြချက်
သင်္ကေတလုပ်ဆောင်ချက်ဆိုသည်မှာ တစ်စုံတစ်ယောက်သည် စိတ်ကူးအချို့အား ဖော်ပြရန် လုပ်သော တစ်စုံတစ်ခုဖြစ်သည်။ ဥပမာအားဖြင့်၊ အချို့ယဥ်ကျေးမှုများတွင် လူတို့သည် “ဟုတ်ကဲ့” ဟုဆိုလိုရန် ခေါင်းအား အပေါ်မှအောက်သို့ ငြိမ်သည် သို့မဟုတ် “မဟုတ်” ဟုဆိုလိုရန် တစ်ဖက်မှ တစ်ဖက် သို့ ခါသည်။ သင်္ကေတလုပ်ဆောင်ချက် သည် ယဥ်ကျေးမှုအားလုံးတွင် တူညီသော အရာများအား ဆိုလိုမည်မဟုတ်ပေ။ သမ္မာကျမ်းစာထဲ၌၊ တစ်ခါတစ်ရံတွင် လူတို့သည် သင်္ကေတလုပ်ဆောင်ချက်အား ပြုလုပ်၍ တစ်ခါတစ်ရံတွင် သူတို့သည် သင်္ကေတလုပ်ဆောင်ချက် ကိုသာ ပို၍ သဘောကျကြသည်။
သင်္ကေတလုပ်ဆောင်ချက်၏ဥပမာများ
-
အချို့ယဥ်ကျေးမှုများတွင် လူတို့သည် တွေ့ဆုံသောအခါ သူငယ်ချင်းဖြစ်ရန် လိုလားကြောင်း ပြရန်အတွက် လက်ဆွဲနှုတ်ဆက်ကြသည်။
-
အချို့ယဥ်ကျေးမှုများတွင် လူတို့သည် တွေ့ဆုံသောအခါ တစ်ယောက်ကိုတစ်ယောက် လေးစားကြောင်း ပြရန်အတွက် ဦးညွှန့်ကြသည်။
ဘာသာပြန်ရခြင်း၏အကြောင်းပြချက်
လုပ်ဆောင်ချက်တစ်ခုသည် ယဥ်ကျေးမှုတစ်ခုတွင် အဓိပ္ပါယ်တစ်ခုရှိနိုင်ပြီး နောက်ထပ် ယဥ်ကျေးမှု တစ်ခုတွင် ကွဲပြားသော အဓိပ္ပါယ်သို့မဟုတ် အဓိပ္ပါယ်လုံးဝမရှိသည်လည်း ဖြစ်နိုင်သည်။ ဥပမာအားဖြင့်၊ အချို့ယဥ်ကျေးမှုများတွင် မျက်ခုံးအားပင့်ခြင်းသည် “ အံ့သြသွားသည် “ သို့မဟုတ် “ဘာကိုဆိုလိုတာလဲ” ဟု အဓိပ္ပါယ်ရသည်။ အခြားယဥ်ကျေးမှုများတွင် ယင်းသည် “ဟုတ်ကဲ့” ဟု အဓိပ္ပါယ်ရသည်။
သမ္မာကျမ်းစာထဲတွင် လူတို့သည် သူတို့၏ ယဥ်ကျေးမှုတွင် တိကျသော အဓိပ္ပါယ်များရှိသည့် အရာများအား လုပ်လေ့ရှိသည်။ ကျွန်ုပ်တို့သည် သမ္မာကျမ်းစာအား ဖတ်သောအခါ အကယ်၍ ကျွန်ုပ်တို့ သည် ကျွန်ုပ်တို့၏ ကိုယ်ပိုင်ယဥ်ကျေးမှုတွင် လုပ်ဆောင်ချက်များ၏ ဆိုလိုရင်းအပေါ်မူတည်၍ အဓိပ္ပါယ်ကောက်ပါက တစ်စုံတစ်ယောက်သည် မည်သည်ကိုဆိုလိုသည်ကို နားမလည်နိုင်ပဲ ရှိလေသည်။
သင် (ဘာသာပြန်သူ) သည် သမ္မာကျမ်းစာထဲရှိ လူတို့သည် သင်္ကေတလုပ်ဆောင်ချက်အား ပြုလုပ်သောအခါ မည်သည်ကို ဆိုလိုသည်ကို နားလည်ရန် လိုအပ်သည်။ အကယ်၍ လုပ်ဆောင်ချက် သည် သင်၏ ကိုယ်ပိုင် ယဥ်ကျေးမှုတွင် တူညီသောအရာအား မဆိုလိုပါက၊ လုပ်ဆောင်ချက်ဆိုလိုသည် ကို မည်ကဲ့သို့ ဘာသာပြန်ရမည်ကို ရှာဖွေတွေ့ရှိရန် လိုအပ်သည်။
သမ္မာကျမ်းစာမှဥပမာများ
ယာဣရုသည် ယေရှု၏ခြေတော်ရင်း၌ ပြပ်ဝပ်လျက်… (လုကာ ၈:၄၁ ULT)
သင်္ကေတလုပ်ဆောင်ချက်၏ဆိုလိုရင်း - သူသည် ဤသည်ကို ယေရှုအပေါ်တွင်ထားသော ကြီးမားသည့် လေးစားမှုအား ပြသရန် လုပ်ခြင်းဖြစ်သည်။
ငါသည်တံခါးရှေ့မှာရပ်၍ခေါက်လျက်နေ၏။ အကြင်သူသည် ငါ၏အသံကိုကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။ (ဗျာဒိတ် ၃:၂၀ULT)
သင်္ကေတလုပ်ဆောင်ချက်၏ဆိုလိုရင်း - လူတို့သည် တစ်စုံတစ်ယောက်အား သူတို့၏ အိမ်၌ ကြိုဆိုစေလိုသောအခါ၊ သူတို့အား တံခါး၌ ရပ်၍ ခေါက်လေ၏။
ဘာသာပြန်ခြင်းနည်းစနစ်များ
အကယ်၍ လူတို့က သင်္ကေတလုပ်ဆောင်ချက်တို့သည် သမ္မာကျမ်းစာထဲမှလူများအတွက် မည်သည်တို့ကို ဆိုလိုသည်ကို မှန်ကန်စွာ နားလည်ပါက၊ ယင်းတို့အား အသုံးပြုရန် စဥ်းစားပါ။ အကယ်၍ မဟုတ်ပါက၊ ဤသည်မှာ ယင်းအား ဘာသာပြန်ရန် နည်းနစ်များ ဖြစ်သည်။
(၁) လူတစ်ယောက်သည် မည်သည်ကိုပြုလုပ်ခဲ့သည် နှင့် ဘာကြောင့်ပြုလုပ်ခဲ့သည်ကို ပြောပြပါ။
(၂) လူတစ်ယောက်သည် မည်သည်ကိုပြုလုပ်ခဲ့သည် ကိုမပြောဘဲ ဘာကိုဆိုလိုသည်ကို ပြောပြပါ။
(၃) သင်၏ကိုယ်ပိုင်ယဥ်ကျေးမှုတွင် တူညီသော အဓိပ္ပါယ်ရှိသည့် လုပ်ဆောင်ချက်အား အသုံးပြုပါ။ ယင်းတို့အား ကဗျာစာပေများ၊ ဆုံးမစကားများ နှင့် တရားတော်များတွင်သာ အသုံးပြုပါ။ လုပ်ဆောင်ချက်အား ပြုလုပ်သောသူသည် အမှန်တစ်ကယ်လူတစ်ယောက်ဖြစ်လျှင် ယင်းအား မပြုလုပ်ပါနှင့်။
ဘာသာပြန်ခြင်းနည်းစနစ်များအား အသုံးပြုထားသည့်ဥပမာများ
(၁) လူတစ်ယောက်သည် မည်သည်ကိုပြုလုပ်ခဲ့သည် နှင့် ဘာကြောင့်ပြုလုပ်ခဲ့သည်ကို ပြောပြပါ။
ယေရှု၏ခြေတော်ရင်း၌ ပြပ်ဝပ်လျက်… (လုကာ ၈:၄၁ ULT)
ယာဣရု သည်ယေရှု အပေါ်တွင်ထားသော ကြီးမားသည့် လေးစားမှုအား ပြသရန် သူ၏ ခြေတော်ရင်း၌ ပြပ်ဝပ်လျက်။
ငါသည် တံခါးရှေ့မှာရပ်၍ခေါက်လျက်ရပ်နေ၏။ (ဗျာဒိတ် ၃:၂၀ ULT)
ငါသည်တံခါးရှေ့မှာရပ်၍ခေါက်လျက် ဝင်ခွင့်ပေးရန် သင့်အား မေးနေ၏။
(၂) လူတစ်ယောက်သည် မည်သည်ကိုပြုလုပ်ခဲ့သည် ကိုမပြောဘဲ ဘာကိုဆိုလိုသည်ကို ပြောပြပါ။
ယေရှု၏ခြေတော်ရင်း၌ ပြပ်ဝပ်လျက်… (လုကာ ၈:၄၁ ULT)
ယာဣရုသည်ယေရှုအား ကြီးမားသည့်လေးစားမှုအား ပြသခဲ့သည်။
ငါသည် တံခါးရှေ့မှာရပ်၍ခေါက်လျက်ရပ်နေ၏။ (ဗျာဒိတ် ၃:၂၀ ULT)
ငါသည်တံခါးရှေ့မှာရပ်၍ခေါက်လျက် ဝင်ခွင့်ပေးရန် သင့်အား မေးနေ၏။
(၃) သင်၏ကိုယ်ပိုင်ယဥ်ကျေးမှုတွင် တူညီသော အဓိပ္ပါယ်ရှိသည့် လုပ်ဆောင်ချက်အား အသုံးပြုပါ။
ယေရှု၏ခြေတော်ရင်း၌ ပြပ်ဝပ်လျက် (လုကာ ၈:၄၁ ULT) ယာဣရုသည် ဤသည်ကို အမှန်တကယ်လုပ်ခဲ့သောကြောင့်၊ သင့်ကိုယ်ပိုင်ယဥ်ကျေးမှုမှ လုပ်ဆောင်ချက်အား အစားမထိုးသင့်ပေ။
ငါသည် တံခါးရှေ့မှာရပ်၍ခေါက်လျက်ရပ်နေ၏။ (ဗျာဒိတ် ၃:၂၀ ULT) _ ယေရှုသည် တကယ့်တံခါးရှေ့တွင် ရပ်နေခြင်းမဟုတ်ပေ။ သူသည် လူများနှင့် ဆက်နွယ်မှုအား လိုချင်သည့် အကြောင်းပြောနေခြင်း ဖြစ်နိုင်သည်။ ထို့ကြောင့် အိမ်သို့ဝင်လိုသောအခါ တစ်ယောက်၏ လည်ချောင်းအား ရှင်းရန်မှာ ယဥ်ကျေးသော ယဥ်ကျေးမှုတွင် ယင်းအား အသုံးပြုနိုင်သည်။
ငါသည်တံခါးရှေ့မှာရပ်၍ လည်ချောင်းအား ရှင်းခဲ့သည်။