See in Reader
new
This commit is contained in:
Vipin Bhadran
parent
8ac9f94e13
commit
a1c85401eb
|
|
@ -0,0 +1,1379 @@
|
|||
\id LUK - Indian Revised Version (IRV) Nagamese
|
||||
\c 1
|
||||
\p
|
||||
\v 1 Bisi manu eitu kotha aru kaam khan laga hisab tu joma kori kene likhibo nimite kosis korise, juntukhan amikhan majot te hoise
|
||||
\v 2 aru eitu jun pora amikhan laga hath te dise jun suru pora nijor suku pora dekhi kene aru baiko laga sewak khan asile.
|
||||
\v 3 Eitu nimite ami eitu bisi bhal dikhi ase, hosiyar pora bisari kene sob kotha suru pora apuni ke hisab-kitab bhal pora likhi ase mahan Theoplius,
|
||||
\v 4 eneka hoile tumi janibo eitu bostu laga asol kotha juntu tumi ke sikhai dise.
|
||||
\p
|
||||
\v 5 Aru eitu somoi te Herod, Judea laga Raja thaka somoi te Abijah laga dol pora Zachariah naam laga ekta cholauta thakise. Tai laga maiki toh Aaron laga khandan aru tai laga naam toh Elizabeth thakise.
|
||||
\v 6 Aru tai duijon Isor usorte bisi bhal thakise, aru Probhu pora ki koi sob kotha tu sapha pora mani thake.
|
||||
\p
|
||||
\v 7 Aru tai khan bachha thakanai, kelemane Elizabeth toh bachha pabole napara maike thakise, aru taikhan laga umor bhi besi hoi jaise.
|
||||
\p
|
||||
\v 8 Etiya eneka hoise, jetiya Zechariah tai laga thaka jagate, Isor laga ki kaam ase itu korithakise.
|
||||
\v 9 Ekta cholauta laga niyom hisab te, tai ke Isor laga pobitro ghor bhitorte jaikene dhup aru dhuna julabole lottery pora basi se.
|
||||
\v 10 Jetiya dhuna julijaise eitu homoi te sob manukhan bahar te prathana kori thakisele.
|
||||
\v 11 Tetiya sorgodut tai usorte ahise, aru jun jaga te dhuna julaisile eitu laga dahina phale khara korise.
|
||||
\v 12 Jetiya Zechariah eitu dikhise tai bisi chinta hoise aru bhoi tu tai uporte ahhi jaise.
|
||||
\p
|
||||
\v 13 Hoilebi, sorgodut koise, "Bhoi nakuribi Zechariah, toi laga prathana huniloise. Toi laga maiki Elizabeth ekta chokora pabo. Aru tumi tai laga naam tu John rakhibo.
|
||||
\p
|
||||
\v 14 Aru apuni khan anand aru bhal lagibo, aru bisi manukhan tai laga jonom te khusi koribo.
|
||||
\p
|
||||
\v 15 Aru iar Probhu usorte bisi dangor hobo. Tai ke ketiya bhi draikhe-ross nakhabole laga, tai ama laga peth te thaka homoi pora he Pobitro Aatma pora bhorta hoijabo.
|
||||
\p
|
||||
\v 16 Aru tai Israel laga bachha khanke Probhu Isor logote wapas anibo.
|
||||
\p
|
||||
\v 17 Elijah laga aatma aru takot pora Probhu laga kaam te tai hai ahge korikene loi jabo. Isor laga aru bhal kotha namani kene thaka baba aru bachha khan laga mon ghuria dibo, aru juntu Probhu ahibole ase eitu nimite rasta toh sapha koridibo.
|
||||
\p
|
||||
\v 18 Zechariah sorgodut ke koise, "Moi eitu keneka janibo? Kelemane moi ekta bura manu aru moi laga maiki bhi tai laga umor toh bisi hoise."
|
||||
\p
|
||||
\v 19 Aru sorgodut tai ke jawab di kene koi se, "Moi Gabriel ase, jun Isor usorte khara kore toi logote kotha kobole nimite moike pothaise. Ami ke apuni logote kotha kobole pathaise, aru eitu bhal khobor tu apuni ke kobole nimite.
|
||||
\p
|
||||
\v 20 Aru eitu nimite, sob kaam tu nohua tak apuni chup thakibo aru kotha ulabo naparibo, kelemane apuni moi laga kotha bisas koranai, eitu sob tu tai laga thik homoi te pura hobo."
|
||||
\p
|
||||
\v 21 Aru manukhan Zechariah nimite rukhi thakisele, aru taekhan chinta-bhabana korise jetiya tai girja ghor bhithor te deri korise.
|
||||
\p
|
||||
\v 22 Aru jetiya tai bahar te ulai ahise tai kotha kobole paranai, tetiya taikhan bhabise tai ke kiba ekta Isor pora dikhaise; aru tai manukhan ke dikhai dise, aru kotha koribo naparikena hei thakise.
|
||||
\p
|
||||
\v 23 Aru eitu sob tu hoise jetiya tai laga sewa kora homoi tu pura hoise, tai laga ghor te jai jaise.
|
||||
\p
|
||||
\v 24 Aru eitu din piche, tai laga maike Elizabeth, bacha bukhise, aru panch mohina tak tai nijeke lukaikene rakhise, aru koi thakise,
|
||||
\v 25 "Isor ami uporte eneka korise, aru ekta homoi te moi uporte te Probhu hei daya korise, aru manu usorte sorom nikhilabo nimite."
|
||||
\p
|
||||
\v 26 Aru choi mohina hua homoi te, Isor hei sorgodut Gabrial ke Galilee juntu Nazareth bhai koi etu jaga te pothai se,
|
||||
\v 27 ekta sapha chukuri jun Joseph koikene ekta manu logote sadi koribole laga kotha milikena asile, aru jun David ghor manu ase; aru eitu chukuri laga naam toh Mary thakise.
|
||||
\v 28 Aru tai logote ahikena, sorgodut koise, "Salaam apuni jun bisi morom paikena ase, Probhu apuni logote ase."
|
||||
\v 29 Aru tai eitu kotha khan hunikena chinta hoise aru tai bhabi thakise eitu keneka laga salaam dise.
|
||||
\v 30 Aru sorgodut taike koise, "Bhoi nakoribi, Mary, apuni toh Isor usorte morom paise.
|
||||
\v 31 Aru apuni ekta chokora bacha bukhibo, aru apuni Tar laga naam to `Jisu` rakhibo.
|
||||
\v 32 Tai bisi dangor hobo aru Tar sob pora untcha te thaka laga bachha kobo. Aru Probhu Isor tai ke, tai laga purbons (ancestors) David laga singhasan dibo.
|
||||
\v 33 Aru Tar hodai nimite Jakob laga ghor te cholai thakibo, aru Tar laga roijya (desh) ketiyabi khotom nahobo.
|
||||
\v 34 Aru Mary hei sorgodut logote koise, "Eitu keneka hobo, kelemane moi eitu manu ke najane?"
|
||||
\v 35 Aru sorgodut hei taike koise, "Pobitro Aatma apuni logote ahibo, aru Sob Pora Dangor takot pora apuni ke bon kori dibo, eitu nimite jun he pobitro bachha jonom hobole ase tai hei Isor laga Putro kobo.
|
||||
\v 36 Aru sabi apuni laga ghor manu Elizabeth bhi tai laga buri umor te chokora pabole ase. Aru tai laga choi mohina chuli ase, taike ekta bachha napa maiki koi thakisile.
|
||||
\v 37 Kelemane Isor nimite eku napara nai."
|
||||
\v 38 Aru Mary koise, " Sabi moi Probhu laga ekta maiki sewak ase. Apuni ki koi ase eitu nisina hobole dibi." Tetiya sorgodut jai jaise.
|
||||
\p
|
||||
\v 39 Mary uthise aru joldi pahar bosti jaise, Judah laga ekta jaga te.
|
||||
\v 40 Aru Zechariah aru Elizabeth laga ghor te ghusi kene salaam dise.
|
||||
\v 41 Aru eneka hoise jetiya Mary pora Elizabeth ke salaam dise, pet bhitorte bachha thaka tu khusi pora hilise, aru Elizabeth tu Pobitro Aatma pora bhorta hoise.
|
||||
\v 42 Aru tai khusi pora hala korikena koise; "Sob maiki bhitorte tumi ekta asirbad thaka ase, aru jun he apuni laga bhitorte ase eitu bhi asirbad ase.
|
||||
\v 43 Aru eitu moi logote keneka hoise, moi laga Probhu laga ama moi logote ahise.
|
||||
\v 44 Aru sabi, apuni laga saalam jetiya moi kan pora hunise, moi laga bhitorte bachha thaka tu khusi pora hilise.
|
||||
\v 45 Aru eitu manu asirbad ase jun tu kotha khan pora hobo koikene bisas korise, juntu kotha tu Probhu pora taike koise."
|
||||
\v 46 Tetiya Mary koise,
|
||||
\p "Moi laga jibon Probhu ke mahima kore,
|
||||
\p
|
||||
\v 47 Aru moi laga Aatma khusi kori ase jun Isor hei moi laga Tran-korta ase.
|
||||
\p
|
||||
\v 48 Aru tai upor pora sob se chutu maiki ekta tai laga sewak ke saise.
|
||||
\p Aru sabi, etiya pora sob manukhan moike asirbad ase kobo.
|
||||
\p
|
||||
\v 49 Kelemane moi laga Takot Ekjon pora moi nimite dangor kaam koridise aru tai laga naam tu pobitro ase.
|
||||
\p
|
||||
\v 50 Aru tai laga morom tu etiya pora loikene ahaa din tak jun manu taike bhoi kore tai logote ase.
|
||||
\q
|
||||
\v 51 Tai laga hath pora bisi dangor kaam korise.
|
||||
\q Aru jun manu tai laga mon te phutani bhabana kore tai khan ke alag kori diye.
|
||||
\q
|
||||
\v 52 Aru taikhan bohi kene raj kora jaga pora nichete girai dise.
|
||||
\q Aru jun chutu hoi ase eitu khan ke uthaise.
|
||||
\q
|
||||
\v 53 Aru bhuka thaka khan ke bhal saman pora bhorta koridise,
|
||||
\q Aru dhun manu khanke khali koridise.
|
||||
\q
|
||||
\v 54 Aru tai Israel laga sewak ke modot korise, tai laga morom tu yaad korise,
|
||||
\q
|
||||
\v 55 aru tai kotha korise moi khan laga Baba - Abraham aru tai laga bachha khan logote hodai nimite ''
|
||||
\p
|
||||
\v 56 Aru Mary Elizabeth logote tin mohina tak thakise aru eitu pichete tai laga ghor te jai jaise.
|
||||
\p
|
||||
\v 57 Aru Elizabeth bachha pabole laga homoi ahhi jaise aru tai ekta chokora ke jonom dise.
|
||||
\p
|
||||
\v 58 Tai laga ghor manu aru usorte thaka khan Probhu pora kiman dangor aru morom kaam korise eitu dikhikene tai logote khusi korise.
|
||||
\p
|
||||
\v 59 Aru ath din hui thaka homoi te thaikhan bachha ke Isor usorte sunnot koribole anise, aru tai laga baba Zechariah laga naam te rakhibole thakise.
|
||||
\p
|
||||
\v 60 Hoilabi tai laga ama pora koise, "Nohobo. Hoilabi, tai ke John laga naam pora hei matibo."
|
||||
\v 61 Aru tai khan koise, 'Apuni laga ghor manu bhitorte kun bhi eitu naam thaka manu nai."
|
||||
\p
|
||||
\v 62 Aru tai khan tai laga baba ke hath dikhai kena ke matibole mon ase eitu hudise.
|
||||
\p
|
||||
\v 63 Tai laga baba pora likhibole saman mangise aru likhise, koise, "Tai laga naam tu John ase". Tetiya tai khan sob asurit hoi jaise.
|
||||
\p
|
||||
\v 64 Aru achanak pora tailaga muk toh khuli jaise aru tai laga jeba toh khuli jaise, aru tai Isor ke asirbad dise.
|
||||
\p
|
||||
\v 65 Sob Judea laga jaga te eitu laga kotha he koithakise, aru jiman manukhan tai khan laga usorte thake taikhan sob bhoi ahi jaise.
|
||||
\p
|
||||
\v 66 Jun manu eitu kotha hunise eitu sob te taikhan laga nijor mon te rakhise, aru koise, ''Eitu bachha kineka hobo?" Kelemane Isor laga hath tai logote ase.
|
||||
\p
|
||||
\v 67 Tetiya tai laga baba Zechariah, ke Pobitro Aatma pora bhorta hoise aru tai koise,
|
||||
\p
|
||||
\v 68 "Asirbad hobo Probhu laga, Israel laga Isor,
|
||||
\v 68 kelemane Tar modot koribole ahise, aru Tar laga manukhan nimite ki bhabise eitu pura hoise.
|
||||
\p
|
||||
\v 69 Aru tailaga sewak David laga ghor pora amikhan nimite ekta bachai dibole laga ulaise,
|
||||
\p
|
||||
\v 70 Jeneka tai purana homoite pobitro bhaubadi laga mukh pora koisele.
|
||||
\p
|
||||
\v 71 Beya pora mukti pabo aru taikhan laga hath pora amikhan ke bachai lobo.
|
||||
\p
|
||||
\v 72 Tai eneka korikena amikhan laga baba uporte morom tu dikhai dibo. Aru tai ki koise eitu hodai yaad koribo.
|
||||
\p
|
||||
\v 73 Aru juntu kosom Abraham moikhan laga baba logote khaise, eitu dibo nimite
|
||||
\p
|
||||
\v 74 aru moikhan ke dusman laga hath pora bachai kene ulai luwa nisina moikhan taike bhoi nakori kene tai laga sewa koribo
|
||||
\p
|
||||
\v 75 pobitro ta te aru sapha pora tai ke hodai mahima koribo.
|
||||
\p
|
||||
\v 76 Aru apuni, oh bachha, sob pora dangor bhaubadi matibo kelemane apuni Probhu laga aghe te jabo aru rasta sapha koribo.
|
||||
\p
|
||||
\v 77 Tar laga manukhan ke mukti laga gyan dibole nimite, aru taikhan laga paap pora maph pabole nimite.
|
||||
\p
|
||||
\v 78 Aru eitu sob tu pura hobo kele mane moikhan laga Isor tu morom aru nomro ase.
|
||||
\p Eitu nimite uporte thaka ujala bhi moikhan ke modot koribole ahibo,
|
||||
\p
|
||||
\v 79 aru jun andhera te bohi ase aru mora-laga chayate bohikena ase; moikhan laga theng tu shanti laga rasta te beraboli dibo.''
|
||||
\p
|
||||
\v 80 Aru bachha tu dangor hoise aru Aatma te takot hoise, aru tai jongol te takhise jetiya tak tai nijor ke Israel manu usorte ahhi dikhai diyanai.
|
||||
\c 2
|
||||
\p
|
||||
\v 1 Aru eitu din khante eneka hoise, Caesar Augustus pora ekta niom ulaise, eitu prithibi laga sob manukhan naam likhibole lage.
|
||||
\p
|
||||
\v 2 Jetiya Quirinius pora Syria ke cholai thakise eitu homoi te poila naam likha te suru hoise.
|
||||
\p
|
||||
\v 3 Aru sob manu nijor laga naam likhibole nijor desh te jaise.
|
||||
\p
|
||||
\v 4 Aru Joseph bhi Galilee te jaise, Nazareth aru Judea laga sheher pora, David laga sheher te juntu Bethlehem koi, kelemane tai he David laga khandan pora ahise.
|
||||
\p
|
||||
\v 5 Tai Mary ke loikena naam likibole jaise, jun tai logote shadi koribole laga kotha milaikene thakise, aru tai bachha bukhi thakise.
|
||||
\p
|
||||
\v 6 Aru jetiya tai khan tate thakise, bachha jonom hobole homoi ahise.
|
||||
\p
|
||||
\v 7 Aru tai bachha chokora ke jonom dise, tai laga poila bachha, aru lamba kapur pora bandi loise, aru tai ke khair (manger) te gumai dise kelemane taikhan thakibole jaga thaka nai.
|
||||
\p
|
||||
\v 8 Aru eitu jaga te saguli rakha manukhan thakise.Aru rati te taikhan kheti te saguli khanke sai kene thakise.
|
||||
\p
|
||||
\v 9 Aru Probhu laga sorgodut taikhan usorte ahise, aru Probhu laga mahima taikhan uporte dise, aru taikhan bisi bhoi lagise.
|
||||
\p
|
||||
\v 10 Aru sorgodut pora koise, aru eitu nimite, dangor khusi kotha anise, aru eitu sob manu nimite hobo.
|
||||
\p
|
||||
\v 11 Aru aji laga din te, David laga desh te, ekta bachai jonom hoise, jun Probhu Khrista ase.
|
||||
\p
|
||||
\v 12 Aru eitu apunikhan nimite hei ase, apunikhan ekta bachha kapur pora bandi kene khair uporte ghumai kena pabo."
|
||||
\p
|
||||
\v 13 Aru achanak pora bhorta sorgodut sorgo pora, Isor ke dhonyabad dikene koise,
|
||||
\p
|
||||
\v 14 "Untcha te thaka Isor ke mohima hobo dibe, duniya aru manu uporte shanti hobole dibi, jun uporte tai khusi ase."
|
||||
\p
|
||||
\v 15 Aru jetiya sorgodut khan sorgo te jai jaise, saguli rukhi thaka manukhan ekjon-ekjon ke koise, "Ahibi moikhan Bethlehem te jabo, aru ki hoise eitu sabo, juntu kotha Probhu koi moike janibo dise."
|
||||
\p
|
||||
\v 16 Aru tai khan joldi korikene Mary, Joseph ke lok paise aru khair te ghumai thaka bachha ke lok paise.
|
||||
\p
|
||||
\v 17 Aru jetiya thaikhan bachha ke dikhise, taikhan eitu sob kotha tu jai kena, manukhan ke koise.
|
||||
\p
|
||||
\v 18 Jetiya tiakhan utu bachha laga kotha koise sob manu eitu kotha tu hunikena tai khan sob asurit hoise.
|
||||
\p
|
||||
\v 19 Hoilebi Mary toh ki dikhise eitu sob tu tai laga mon te hei rakhise.
|
||||
\p
|
||||
\v 20 Aru saguli rakha khan, ji kotha tai khan ke koise aru taikhan hunise eitu loigena Isor ke dhonyabad dikena jaise.
|
||||
\p
|
||||
\v 21 Aru jetiya ath(8) din pura hoise, tai laga sunnot niyom kora din te, aru tetiya tai laga naam tu Jisu koikena mati dise, aru eitu sorgodut pora ama laga peth te thaka homoi te matise.
|
||||
\p
|
||||
\v 22 Aru jetiya sapha kora laga din par hoise, Moses laga kanun hisab te, taike Jerusalem te Isor usorte dibole nimite anise
|
||||
\p
|
||||
\v 23 (Aru eitu Isor laga niyom te likhikene ase, "Jiman mota ama laga peth pora ulai ahise, tai Isor usorte pobitro ase"),
|
||||
\p
|
||||
\v 24 Aru bolidan dibole nimite juntu Probhu laga niyom te koise, '' ek-jura kopu chiriya aru duita chutu kobutar."
|
||||
\p
|
||||
\v 25 Aru sabi, Jerusalem te ekta, manu thakisile, tai laga naam Simon asile, eitu manu sapha aru Isor ke aradhana dikena thaka manu asile. Israel manu nimite shanti bisari thakise; aru Pobitro Aatma tai logote thakise.
|
||||
\p
|
||||
\v 26 Aru Pobitro Aatma pora taike dikhai dise, ki tai mora tu nidikhibo, jetiya tak Isor pora Probhu Khrista ke napathabo.
|
||||
\p
|
||||
\v 27 Aru tai ekta Aatma hoikene mondir te ahise; aru jetiya Jisu laga ama baba pora tai ke anise; ki niyom ase eitu hisab te tai uporte koribole nimite.
|
||||
\p
|
||||
\v 28 Aru tai laga hath te uthaikene Isor ke dhonyabad dise,
|
||||
\p
|
||||
\v 29 ''Etiya apuni laga sewak ke shanti pora jabole dibi Probhu, apuni laga kotha hisab te.
|
||||
\p
|
||||
\v 30 Moi laga suku pora apuni laga poritran dikhise,
|
||||
\p
|
||||
\v 31 Apuni sob tu taiyar kori dise apuni laga manukhan usorte:
|
||||
\p
|
||||
\v 32 Isor najana jatikhan dikhabole nimite ekta ujala ahise, aru Israel manukhan nimite mohima hobole nimite."
|
||||
\p
|
||||
\v 33 Aru tai ki koise eitu huni kene tai laga ama aru baba asurit hoise.
|
||||
\p
|
||||
\v 34 Aru Simeon tai khan ke asirbad korise, aru Mary tai laga ama ke koise, "Sabi eitu bachha ke Israel laga manu khanke uthia dibo nimite rakhise; aru ek din asurit kaam tu kotha namana khan ke dikhai dibo.
|
||||
\p
|
||||
\v 35 Aru ekta talwar apuni laga jibon te maribo- kelemane bisi manu laga mon te bhabona kosi thaka tu ulai ahibo."
|
||||
\p
|
||||
\v 36 Anna bhi ekta bhoiwadi thakise, Phanuel laga chokori aru Asher laga jati manu thakise.Tai umar bhi bisi hoi jaise, sat sal thak tailaga mota logote thakise,
|
||||
\p
|
||||
\v 37 Aru tai chaurasi sal tak ekta mota morijua maiki thakise. Tai ketiya bhi mondir tu charanai, rati aru din tai prathana aru upas te hai sewa kori thakise
|
||||
\p
|
||||
\v 38 Aru jetia tai khan laga usorte ahise, tai Isor ke dhonyabad dibole suru hoise, aru sob ke eitu bachha laga kotha koise keneka korikena Jerusalem laga manukhan mukti pabole ase.
|
||||
\p
|
||||
\v 39 Aru jetiya Probhu laga niyom te sob kaam tu khotom hoise, tai khan Galilee jaise, Nazareth taikhan nijor laga bosti te.
|
||||
\p
|
||||
\v 40 Aru bachha tu dangor aru takot hoise, gyan pora bhorta, aru Isor laga morom tu tai laga uporte thakise.
|
||||
\p
|
||||
\v 41 Aru hodai sal te tai laga ama baba Jerusalem te dhonyabad dibole nimite jai.
|
||||
\p
|
||||
\v 42 Jetiya tai baroh sal hoijaise, taikhan hodai nisena aru dhonyabad dibole nimite jaise.
|
||||
\p
|
||||
\v 43 Aru jetiya eitu dhonyabad diya laga homoi tu khotom hoise, jetiya taikhan ghor jaithakise, Jisu tu Jerusalem te thaki jaise. Aru tai laga ama aru baba tu eitu najane.
|
||||
\p
|
||||
\v 44 Aru tai khan bhabise Jisu toh tai khan logote-hei eki logote jai ase, ek din laga safar tu koriloise. Aru eitu pichete tai ke ghor manu aru sathi khan majote bisari bole suru hoise.
|
||||
\p
|
||||
\v 45 Aru jetiya tai ke pa nai taikhan aru Jerusalem te ghurikene jaise aru taike bisaribole suru hoise.
|
||||
\p
|
||||
\v 46 Aru tin din pichete tai ke mondir te paise, sikai diya manu khan majote bohi kene ki koi ase eitu huni thakise aru sawal hudi thakise.
|
||||
\p
|
||||
\v 47 Aru jiman manu tai laga gyan aru kotha hunise, sob manukhan bisi asurit hoijaise.
|
||||
\p
|
||||
\v 48 Aru jetiya tai ke dekhise, taikhan sob asurit hoijaise, tai laga ama pora koise "Chokora, moikhan ke kile eneka korise? Sabi, apuni laga baba aru moi bisi chinta pora apunike bisari thakise."
|
||||
\p
|
||||
\v 49 Hoilabi Tar pora koise, ''Kele moike bisari ase? Apunikhan najane naki moi moi laga baba ghor te moi thakibole lage koi kene?
|
||||
\p
|
||||
\v 50 Hoilebi taikhan ki koi ase itu tu bujibole paranai.
|
||||
\p
|
||||
\v 51 Eitu pichete taikhan logote Nazareth te ahhi jaise, aru tai khan laga kotha mani kena thakise.Tai laga ama sob kotha tu mon bhitorte hei rakhise.
|
||||
\p
|
||||
\v 52 Aru Jisu tai laga gyan aru budhi te bisi bari kene jaise, Isor aru manu logote morom paise.
|
||||
\c 3
|
||||
\p
|
||||
\v 1 Jetiya pondro sal Tiberius Caesar raj korisele aru Pontius Pilate tu Judea laga Cholawta thakise, aru Herod bhi Galilee laga ekta Cholawta thakise, aru tai laga bhai bhi Ituraea aru Trachonitis laga ekta cholawta thakise, aru Lysanias toh Abilene laga ekta cholawta thakise,
|
||||
\p
|
||||
\v 2 Jetiya Annas aru Caiaphas, dangor purohit thakise, Isor laga kotha Zechariah laga chokora John logote ahise jetiya tai jongol te thakise.
|
||||
\p
|
||||
\v 3 Aru tai Jordan laga sob jaga te jaise, Baptisma pora mon ghurabole aru paap pora maph pabole nimite.
|
||||
\p
|
||||
\v 4 Aru Isaiah Bhawbadi pora likha kotha kawa nisina,
|
||||
\p "Jongol pora ekta awaz mati ase, 'Probhu nimite rasta sapha koribi, aru Tar laga rasta tu sida koribi.
|
||||
\p
|
||||
\v 5 Sob pahar nichhe khan bhorta hoi jabo, aru sob pahar khan ke nichhe anibo, aru beya rasta khan sob sida hoi jabo, aru tan rasta khan norom hoi jabo,
|
||||
\p
|
||||
\v 6 Aru sob mongso, Isor laga mohima dekhibo."
|
||||
\p
|
||||
\v 7 Aru tetiya John pora manukhan ke koise jun baptisma lobole ahise, " Saph laga khandan khan! Ahhi bole thaka khong pora polabole kun pora hosiar korise?
|
||||
\p
|
||||
\v 8 Eitu nimite mon ghurabole laga bhal phol tu ulabi, aru nijor logote koi nathakibi, moi khan logote baba Abraham ase, 'aru moi tumi khan ke koi ase, Isor toh Abraham laga bachha khan ke eitu pathor pora bhi uthabole pare.
|
||||
\p
|
||||
\v 9 Hoilebhi eitu kothar tu toyar ase, ghas laga jar te lagabole nimite. Eitu nimite, juntu ghas tu phul nadhure eitu kati kene jui te julai dibo."
|
||||
\p
|
||||
\v 10 Tetiya manu khan taike hudibole suru hoise." Tetiya hoile moikhan ki koribole laga?"
|
||||
\p
|
||||
\v 11 Aru tai khanke koise, "Jun logote duita kapur ase ekta kapur tu dusra ke dibi jun logote nai, aru jun logote khana ase eitu bhi eneka hei koribi."
|
||||
\v 12 Aru poisa utha manukhan bhi baptisma lobole ahise, aru taikhan pora koise "Sikhai diya manu, moikhan ki koribole lage?"
|
||||
\p
|
||||
\v 13 Tetiya taikhan ke koise, "Apunikhan ke poisa uthabole nimite ki koise eitu aru nokoribi.''
|
||||
\p
|
||||
\v 14 Aru tate kunba sipayi khan thakise taikhan pora hudise, "Aru moikhan ki koribole lage?" Tai taikhan ke koise. "Apuni khan joborjost pora kun logote bhi poisa nolobi, aru misa pora manuke naphasa bi, aru ki pai eitu logote hei khusi thakibi."
|
||||
\p
|
||||
\v 15 Etiya manukhan rukhi thakise aru mon te asurit bhabana hoise John nimite, tai khrista hoi na nahoi,
|
||||
\p
|
||||
\v 16 John hei sob ke koise, ''moi tumikhan ke pani pora baptisma dise, kintu moi pora bhi dangor ekjun ahhi ase, moi tai laga juta laga rusi khulibole bhi layak nohoi.Tai hai Pobitro Aatma aru jui pora sob ke baptisma dibo.
|
||||
\p
|
||||
\v 17 Tai laga porkha aru katha tai hath te ase. Ekdom sapha kori kene guti toh dhan ghor te joma koribo. Kintu chamra tu jui thaka jui te phelabo."
|
||||
\p
|
||||
\v 18 Aru bisi kaam te mon dangor kori dise aru John Isor laga kotha manukhan ke hunai dise.
|
||||
\p
|
||||
\v 19 Jetiya John pora Herod raja ke hosa kotha koi dise, tai laga bhai laga maiki Herodias nimite, aru tai bisi beya kaam kora nimite,
|
||||
\p
|
||||
\v 20 aru kora nimite: John ke jail te bon koridise.
|
||||
\p
|
||||
\v 21 Eitu homoi ahhi jaise, jetiya sob manu baptisma loise, Jisu bhi baptisma korise, aru prathana kora homoi te sorgo tu khuli jaise.
|
||||
\p
|
||||
\v 22 Aru tai uporte kopu-chiria nisina Pobitro Aatma ahise, sorgo pora Isor kotha koise, "Tumi moi laga Putro ase, jun ke moi prem kore, moi tumar uporte bisi khusi ase."
|
||||
\p
|
||||
\v 23 Etu homoi te Jisu tis-sal umor thakise jetiya Isor kaam suru korise. Tai Joseph laga bachha thakise,
|
||||
\p
|
||||
\v 24 Matthat laga bacha, aru Levi laga bacha, Melchi laga bacha, aru Jannai laga bacha, aru Joseph laga bacha
|
||||
\p
|
||||
\v 25 Mattathias laga bacha, Amos laga bacha, Nahum laga bacha, Esli laga bacha, aru Naggai laga bacha.
|
||||
\p
|
||||
\v 26 Maath laga bacha, Mattathias laga bacha, Semein laga bacha, Josech laga bacha aru Joda laga bacha
|
||||
\p
|
||||
\v 27 Joanan laga bacha, Rhesa laga bacha, Zerubbabel laga bacha, Salathiel laga bacha aru Neri laga bacha
|
||||
\v 28 Melchi laga bacha, Addi laga bacha, Cosam laga bacha, Elmadam laga bacha aru Er laga bacha,
|
||||
\p
|
||||
\v 29 Joshua laga bacha, Eliezer laga bacha, Jorim laga bacha, Matthat laga bacha aru Levi laga bacha,
|
||||
\p
|
||||
\v 30 Simeon laga bacha, Judah laga bacha, Joseph laga bacha, Jonam laga bacha aru Eliakim laga bacha,
|
||||
\p
|
||||
\v 31 Melea laga bacha, Menna laga bacha, Mattatha laga bacha, Nathan laga bacha aru David laga bacha
|
||||
\p
|
||||
\v 32 Jesse laga bacha, Obed laga bacha, Boaz laga bacha, Salmon laga bacha aru Nahshon laga bacha
|
||||
\p
|
||||
\v 33 Amminadab laga bacha, Admin laga bacha, Arni laga bacha, Hezron laga bacha, Perez laga bacha aru Judah laga bacha
|
||||
\p
|
||||
\v 34 Jacob laga bacha, Isaac laga bacha.Abraham laga bacha, Terah laga bacha aru Nahor laga bacha,
|
||||
\p
|
||||
\v 35 Serug laga bacha Reu laga bacha, Peleg laga bacha, Eber laga bacha aru Shelah laga bacha
|
||||
\v 36 Cainan laga bacha, Arphaxad laga bacha, Shem laga bacha, Noah laga bacha aru Lamech laga bacha
|
||||
\p
|
||||
\v 37 Methuselah laga bacha, Enoch laga bacha, Jared laga bacha, Mahalaleel laga bacha aru Cainan laga bacha'
|
||||
\v 38 Enos laga bacha, Seth laga bacha, Adam laga bacha aru Isor laga bacha.
|
||||
\c 4
|
||||
\p
|
||||
\v 1 Jetiya Jisu Pobitro Aatma pora bhorta hoise tai Jordan nodi pora ghuri jaise, Atama pora taike jongol te loi jaise.
|
||||
\p
|
||||
\v 2 Ta te taike chalis din satan pora porikha korise. Eitu din bhitor te tai eku khanai, din khotom hua pichete tai bhuk lagise.
|
||||
\p
|
||||
\v 3 Saitan hei tai ke koise, "Tumi jodi Isor laga Putro hoi, pathor ke hukum dibi, roti hobole.''
|
||||
\p
|
||||
\v 4 Jisu hei tai ke koise, " Eitu likha ase, manu ekta roti pora jinda nathakibo. "
|
||||
\p
|
||||
\v 5 Satan hei achanak Jisu ke duniya laga raijyo dekhai dise.
|
||||
\p
|
||||
\v 6 Aru Satan hei taike koise, "Moi tumike eitu sob adhikar aru mahima dibo, kelemane eitu sob moi loi loise aru moi jun ke echha kore, moi taike dibo pare.
|
||||
\p
|
||||
\v 7 Jodi Tumi moi ke salaam kore, eitu sob Tumar laga hoijabo."
|
||||
\p
|
||||
\v 8 Kintu Jisu hai taike koise, "Isor kotha te likha ase, tumi Isor ke hei aradhana korebi, aru tai laga kaam hei koribi."
|
||||
\p
|
||||
\v 9 Pichete Satan hei Jisu ke Jerusalem te loi jaise, aru mondoli uporte tai ke loi jaise aru koise, "Jodi tumi Isor laga Putro hoi, iyate pora nichhe giri jabi.
|
||||
\p
|
||||
\v 10 Kele eitu likha ase, tai sorgodut ke hukum dibo, tuma ke bachabo karne.'
|
||||
\p
|
||||
\v 11 Aru, taikhan tumake hath pora uthai lobo, eitu pora tumar paw tu pathor te nagiribo.'"
|
||||
\p
|
||||
\v 12 Jisu hei taike koise, " Eitu likha ase, ''Tumar Isor ke porikha nokoribi."
|
||||
\p
|
||||
\v 13 Jetiya Satan sob porikha khotom korise, eitu pichete Satan tu polai jaise, aru Tar ke girabole rokhi thakise.
|
||||
\p
|
||||
\v 14 Pichete, Jisu Galilee te wapas Pobitro Aatma hokti loikene ahise, aru sob jaga te tai laga khobor huni loise.
|
||||
\p
|
||||
\v 15 Tar synagogue te Isor laga kotha sikabole suru korise, manukhan hunikene bisi bhal paise.
|
||||
\p
|
||||
\v 16 Aru tai Nazareth te ahise, jun jaga te tai dangor hoise, aru Yehudi niyom te, tai sabbath din te synagogue te humaise, aru khara korikena awaj uthai kene porise.
|
||||
\p
|
||||
\v 17 Isaiah prophet laga kitab Jisu ke dise.Tar kitab tu khuli-kena ki likha ase eitu paise.
|
||||
\p
|
||||
\v 18 "Probhu laga Aatma moi uporte ase, tai moike mati loise gorib khan ke Isor kotha kobole, tai moike prosar koribole aru bandhi rakha khanke khulibole, aru andha manu khan dikhebole, dukh te dapai rakha manu ke bachabole,
|
||||
\p
|
||||
\v 19 aru Probhu laga din te sob manu khusi pabole."
|
||||
\p
|
||||
\v 20 Tar kitab ke bon korise, cholawta ke wapas dise aru bohi jaise. Aru synagogue te thaka manukhan tai ke hei sai thakise.
|
||||
\p
|
||||
\v 21 Tar hei tai khanke koise, "Ahji Isor kotha tu pura hoise aru apuni khan huni loise."
|
||||
\p
|
||||
\v 22 Sob manu Tar ke bhal koise aru asurit hoise Tar laga bhal kotha hunikene ki kotha tai mukh pora ulaise, aru tai khan koise, "Eitu Joseph laga chokora nohoi naki?
|
||||
\p
|
||||
\v 23 Tar hai taikhan ke koise, "Hosa pora apuni khan moike eitu kotha kobo, 'Doctor, nijor ke bhal koribi. Tumi Capernaum te ki korise ami huni loise, eneka nijor desh te hei koribi.'"
|
||||
\p
|
||||
\v 24 Kintu, "Moi hosa kotha kobo, Isor manu ke nijor desh te kun bhi sanman nokore.
|
||||
\p
|
||||
\v 25 Moi hosa pora tumikhanke koi ase bisi mota nathaka maiki khan Israel te Elijah laga din te thakise, jetiya akash tu tin sal choi moina bon thakise, jetiya dangor dukh din eitu desh te ahise.
|
||||
\p
|
||||
\v 26 Kintu Elijah ke kun logote pothai dianai, khali Zarephath, Sidon te ekta mota nathaka maike logote.
|
||||
\p
|
||||
\v 27 Etu homoi te bisi leprosy Israel te thakise. Elisha prophet laga din te, kintu kunbi bhal huwa nai khali Syrian desh laga Naaman hai bhal hoise.
|
||||
\p
|
||||
\v 28 Aru sob synagogue te thaka manu khan khong uthise, jetiya taikhan eitu kotha hunise.
|
||||
\p
|
||||
\v 29 Tai khan khara hoise, aru Jisu ke tanikene tai khan laga tawn laga untcha pahar pora Jisu ke phelai dibole korise.
|
||||
\p
|
||||
\v 30 Kintu loi juwa homoi te, Jisu taikhan majot pora ulai jaise.
|
||||
\p
|
||||
\v 31 Eitu pichete Jisu Capernaum te jaise, aru Galilee citi te sob manu khan ke sabbath din te Isor kotha hikai se.
|
||||
\p
|
||||
\v 32 Tai khan bisi asurit hoise, Tar laga kotha hunikene, kelekoile Tai hokti pora Isor kotha tu koise.
|
||||
\p
|
||||
\v 33 Etiya synagogue te ekta manu satan aatma pora dhora, jor pora hala korise aru dangor awaj te koise,
|
||||
\p
|
||||
\v 34 "Ha!Tumar logote amikhan ki kaam ase, Nazareth laga Jisu? Moi khan ke borbad koribole ahise? Moi jane Tumi kun ase- Isor laga Pobitro Ekjon Ase!"
|
||||
\p
|
||||
\v 35 Jisu hei satan ke hukum dise, "Chup thakibi, aru tai pora bahar te ulai jabi!" Aru satan hei eitu manuke taikhan majote girai dise, satan ulai se, taike eku noksan koranai.
|
||||
\p
|
||||
\v 36 Manukhan sai kene asurit lagise, aru ekjun ekjun logote kotha pati koise, "Eitu ki kotha ase, jintu pora satan laga aatma ke hukum aru hokti pora taikhan ke ulai dise?"
|
||||
\p
|
||||
\v 37 Eitu khobor tu sob jaga te manu khan huni loise.
|
||||
\p 38 Pichete, Jisu synagogue charikene Simon laga ghor te jaise. Eitu homoi te Simon laga sasu-ma bisi bimar thakise, tai khan tai nimite prathana mangise.
|
||||
\p
|
||||
\v 39 Tai usorte khara hoikene, Jisu hei bimar tu khedai se, aru tai bhal hoise, aru tai uthikena sewa koribole suru hoise.
|
||||
\p
|
||||
\v 40 Jetiya suraj tu namijaise, jiman manu alak alak bimar thakise, Jisu usorte loikena ahise, aru Jisu ke tai khan uporte hath rakhi kene bhal koridise.
|
||||
\p
|
||||
\v 41 Satan bisi tai khan pora ulai kene, hala korise, aru koise, "Tumi Isor laga Putro ase!" Jisu hei hukum dikena satan khan ke kotha kobo diya nai, kele tai khan jani thakise tai Khrista ase.
|
||||
\p
|
||||
\v 42 Aru jetiya din hoise, Jisu ulai kene manu nathaka jaga te jaise, aru manukhan bisari kene tai laga pichete bisari jaise. Taikhan ke chari kene jabo nadibo nimite kosis korise. 43. Kintu Jisu taikhan ke koise, "Moi aru bhi susamachar prosar koribo lage, Isor laga raijyo nimite, bisi jaga te, eitu karne amike duniyate pothaise."
|
||||
\v 44 Tar synagogue te prosar korikene Judea laga sob jaga te jaise.
|
||||
\c 5
|
||||
\p
|
||||
\v 1 Etiya eneka hoise, bisi manu Jisu ke Isor kotha hunai dibole koi thakise, eitu homoi te tai Gennesaret pukhri te rukhi thakise.
|
||||
\v 2 Aru Tar dekhise duita naw pukhuri kinar te ahise, kintu mas mara manu khan naw pora nami kene tai khan laga jal dhulai thakise.
|
||||
\v 3 Aru Jisu ekta nau te uthise, eitu Simon laga naw thakise, aru taike koise, tumar laga nau olop pani te loi jabe. Aru ta te bohi kene manu khan ke hikaise.
|
||||
\v 4 Aru jetiya kotha koikena khotom korise, Tai Simon ke koise, "Eitu naw tu pani besi thaka phale loi jabi aru tumar laga jal tu ekbar phelabi.
|
||||
\v 5 Simon koise " Probhu, ami khan raat bhor jal marise aru eku bhi puwa nai, hoilebi apunar kotha te, moi jal phela bo."
|
||||
\v 6 Aru jetiya tai khan jal phelai se, taikhan bisi mas paise, aru tai khan laga jal phati jaise.
|
||||
\v 7 Dusra nau te thaka sathi khan ke koise, ahibi amikhan ke modot koribi. Aru tai khan sob milikena duita naw te mas khan bhorta korise, eitu pora naw tu pani te dubibole hoise.
|
||||
\v 8 Simon Peter, jetiya eitu dekhise, Jisu laga paw nichete girikene koise, " Amar usor pora jai jabi, kele moi ekjun paapi manu ase, Probhu."
|
||||
\v 9 Asorit kaam tu Peter aru tai laga sathi khan dikhise, keneka eman mas dhuribo parise,
|
||||
\v 10 Aru eitu nisina James aru John, Zebedee laga bachha, simon logote sathi thakise, aru Jisu hei Simon ke koise, "Bhoi nokoribi; etiya pora tumikhan manu dhora jal lobo."
|
||||
\v 11 Jetiya tai khan laga naw mati kinar te anise, tai khan sob chari kene Tar pichete jaise.
|
||||
\v 12 Tai jetiya ekta citi te jaise, ekta manu leprosy pora bhorta hoi kene thaka dekhise. Aru jetiya Jisu ke dikhise, tai Jisu laga paw te giri kene mangise aru koise, "Probhu, jodi apuni echha kore, apuni moike sapha koribo pare."
|
||||
\v 13 Jisu hei tai ke choi kene koise, "Moi echha ase, sapha hobi." Eitu homoi te leprosy bimar taike charise.
|
||||
\v 14 Aru Jisu hei taike koise kun ke bhi nokobi, kintu "purohit logote jai kene dikhabi. Aru ekta sapha huwa bolidan koribi, Moses laga niyom te koa nisina, eitu manu khan nimite ekta gawahi hobo.
|
||||
\v 15 Kintu eitu asorit kaam laga khobor tu sob jaga te punchise, aru bisi manu tai laga kotha hunibole aru bimar pora changai pabole ahise.
|
||||
\v 16 Kintu Tar manu nathaka jaga te jai kene prathana kori thake.
|
||||
\v 17 Enika ekta din te tai hikai thakise, Pharisee khan aru kanun hikai dia cholawta khan bhi bohi thakise. Alag alag bosti pora ahise, Galilee, Judea aru Jerusalem pora. Isor laga hokti Jisu logote thakise, changai koribole.
|
||||
\v 18 Tetiya manukhan hei ekjun paralize manuke chetai te bukhikene anise, Jisu jun jaga te bohi thakise eitu jaga te anibole kosis korise.
|
||||
\v 19 Jetiya tai khan manu bisi thaka karone tai ke anibo paranai, tai khan ghor uporte uthise, aru tiles khuli kene manu khan thaka jaga te, Jisu usorte namai dise.
|
||||
\v 20 Tai laga bisas dikhi kene, Jisu koise, "Manu, tumar paap maph hoise."
|
||||
\v 21 Tetiya kanun jana likhi thaka manu aru Pharisee khan mon pora koise." Tar kun ase eneka misa kobole? Kun hei paap maph koribole pare, khali Isor hei nohoile?"
|
||||
\v 22 Kintu Jisu tai khan ke koise, "Tumi khan mon eneka kele bhabi ase?
|
||||
\v 23 Kintu kobole asan ase, "Tumar paap tu maph hoise' na uthikena berabi?
|
||||
\v 24 Kintu tumi khan jani jabo. Isor laga Putro logote hokti ase duniya te paap pora maph dibole." Aru Tar paralyse thaka manu ke koise- "Moi koi ase, uthibi, tumar laga bisna uthabi, aru ghor te jabi."
|
||||
\v 25 Eitu homoi te manu majote tai khara hoi jaise, aru tai laga ghumai thaka bisna uthai se, aru nijor ghor te jai jaise, Isor ke mahima di kene.
|
||||
\v 26 Sob manu khan asurit hoise, aru Isor ke Mahima dise, aru manu khan bhoi khaise, aru koise "Ami khan ketiya bhi nadikha asurit kaam tu ahji dikhise."
|
||||
\v 27 Eitu pichete, Jisu bahar te jai kene poisa utha manu, Levi koikene naam thaka laga ghor te bhoi thakise, Tar tai ke koise, "Moi laga pichete ahibi."
|
||||
\v 28 Tai uthi kene aru sob charikena, Jisu laga pichete jaise.
|
||||
\v 29 Aru Levi ghor te jai kene, dangor ekta khana, Jisu nimite rakhise, aru tate bisi poisa utha manu khan eke logote table usorte bohi thakise.
|
||||
\v 30 Kintu Pharisee khan aru kanun chula manu khan chela khan logote hala kori kene koise "Tumi khan kele poisa utha manu aru paapi khan logote khana khai ase?"
|
||||
\v 31 Jisu hei tai khan ke jowab dise, "Jun manu bhal ase tai ke doctor nalage, kintu bimar manu ke hei lage.
|
||||
\v 32 Moi dharmik manu ke mati bole aha nai, kintu paapi khan mon ghura bole nimite."
|
||||
\v 33 Tetiya tai khan Tar ke koise, "John laga chela khan upwas aru prathana kore aru Pharisee khan laga chela bhi eneka hei kore. Kintu tumar chela khan, kha-loa kore."
|
||||
\v 34 Kintu Jisu hei taikhan ke koise, "Sadi te ahha manu ke bhukha rakhibo pare naki, jetiya tai khan logote sadi koribole mota tu thaki ase, ineka kure?
|
||||
\v 35 Kintu eneka din ahi ase, jetiya sadi kora manu tai khan pora jai jabo, eitu din pora tai khan upwas koribo."
|
||||
\v 36 Aru Jisu tai khan ke ekta kahani koise. "Kun bhi phata kapur logote notun kapur nisilai, jodi eitu kore, notun kapur bhi phati jabo, aru notun kapur tu purana kapur logote namili bo.
|
||||
\v 37 Kun bhi angur ros purana daba te nadhale.' Eneka korile, notun ros pora daba tu bhangai dibo, aru eitu borbad hoi jabo.
|
||||
\v 38 Kintu notun ros tu nuton daba te dhali bo lage.
|
||||
\v 39 Jun manu purana ros kha pichete, notun ros tu nalage, kele tai koi, 'purana tu hei bhal ase.'"
|
||||
\c 6
|
||||
\v 1 Etiya Sabbath din te eneka hoise Jisu kheti majote jai thakise, aru chela khan dhan guti ulai kene hath pora sapha kori khai thakise.
|
||||
\v 2 Kintu Pharisee khan koise, "Tumi khan eneka kele kori ase, Sabbath din te eneka koribole niyom nai nohoi?"
|
||||
\v 3 Jisu tai khan ke koise, "Tumi khan pura nai naki David aru tai logote thaka manu khan bhug laga homoite ki korise?
|
||||
\v 4 Tai Isor ghor te humaise aru pobitro jaga te roti thaka tu loi kene tai khaise, aru tai logote thaka khan ke bhi dise, juntu niyom pora chubo aru khabo napare, khali purohit hei khabo pare."
|
||||
\v 5 Tar taikhan ke koise, "Isor laga Putro Sabbath laga malik ase."
|
||||
\v 6 Aru ekta Sabbath te eneka hoise, Tar synagogue te humai kene hikaise. Ekjon manu ta te thakise, aru tai laga dahina hath tu sukai jaise.
|
||||
\v 7 Kanun jana aru Pharisees khan mon te Jisu ke sai thakise, jodi Tar Sabbath din te kunba ke bhal kore na nai, eitu pora golti dhoribole tai khan bisari thakise.
|
||||
\v 8 Kintu Tar tai khan laga bhabana jani kena eitu manu ke koise jun laga hath tu sukai jaise, "Uthibi, ami khan majote khara hoi jabi." Eitu manu tu uthi kene tai khan majote khara hoi jaise.
|
||||
\v 9 Pichete Jisu tai khan ke koise, "Moi tumi khan ke hudibo, Sabbath din te Isor kaam koribo lage na manu ke nuksan koribo lage, aatma ke bachha bo lage na, beya koribo lage?
|
||||
\v 10 Aru Jisu sob manu ke saikena eitu manuke koise, "Tumar hath tu shida koribi." Tai korise, aru tai laga hath tu bhal hoise
|
||||
\v 11 Kintu cholawta khan khong pora bhorta hoise aru Jisu ke keneka phasabo eitu kotha patise.
|
||||
\v 12 Aru eneka hoise ahha din te Tar ulai kene pahar uporte prathana koribole jaise, aru Tar pura rati Isor logote prathana kori thakise.
|
||||
\v 13 Aru jetiya din hoise tai chelakhan ke mati se, aru baroh jon ke basi loi se, aru taikhan ke apostles naam dise.
|
||||
\v 14 Simon (jun ke Peter naam dise) aru tai laga bhai Andrew; James aru John; Philip aru Bartholomew;
|
||||
\v 15 Matthew aru Thomas; aru James Alphaeus laga chokora; aru Simon jun ke Zealot bhi matise;
|
||||
\v 16 Aru Judas James laga chokora; aru Judas Iscariot, jun hai dhoka dise.
|
||||
\v 17 Jetiya Tar pahar pora tai khan logote nami kene ahise, bisi manu joma hui thakise. Aru bisi manu Judea, Jerusalem, aru samundar kinar Tyre aru Sidon pora ahise.
|
||||
\v 18 Tai khan Isor kotha hunibole aru bemar pora bhal hobole nimite ahise. Kun khan beya aatma pora dhori thakise tai khan bhi bhal hoise.
|
||||
\v 19 Aru manu khan Jisu ke chobole kosis korise kele mane Tar pora changai laga hokti ulai thakise.
|
||||
\v 20 Tar suku uthai kene chelakhan ke saise, aru koise, "Asirbad pabo gorib manu khan, kelemane tumi khan nimite Isor laga raijyo tu ase.
|
||||
\v 21 Asirbad pabo jun bhuk lagi ase, kele tumi bhorta hobo. Asirbad pabo kun etiya kandi ase, tumi khan hasibo.
|
||||
\v 22 Asirbad pado jetiya manu khan tumi ke ghin koribo, tumi ke chari dibo aru bodnam korikene naam tu beya koridibo, manu laga bachha nimite.
|
||||
\v 23 Khusi anonda pora nachibi, sabi, tumar enam tu sorgo te dangor ase. Kele mane taikhan laga baba khan bhi Isor manu ke hei eneka dukh dise.
|
||||
\v 24 Kintu oh dhun thaka manu khan, duniya te aram pai loise.
|
||||
\v 25 Oh kun manu bhorta thakise, tumi bhuk lagibo. Oh tumi etiya hasi ase, kele tumi dukh koribo aru kandibo.
|
||||
\v 26 Oh jetiya manu khan tumike bhal ase kobo, taikhan misa bhaobadikhan ke bi eneka korise.
|
||||
\v 27 Kintu moi etiya tumi khan ke koi ase, tumar dusman ke morom koribo aru bhal kaam tu dekhai dibi jun tumike beya pai.
|
||||
\v 28 Jun manu tumi khanke shrap diye aru apunike bhal na pai tai nimite prathana koribi.
|
||||
\v 29 Jun manu tumike ekta thapor mare tai ke aru alak phale bhi mari bole dibi jun manu tumar kapra ekta loi jai, aru ekta bhi tai ke lobole dibo.
|
||||
\v 30 Jun manu tumi ke mange, di thaki bi, aru jun manu tumar saman loi jai, wapas namangibi.
|
||||
\v 31 Manu ki korile tumi khusi pai, tumi bhi eneka tai khanke koribi.
|
||||
\v 32 Kun manu tumike bhal pai aru tumi bhi eitu manu ke hei bhal paile, ki lab ase? Paapi manu bhi eitu khan ke hei bhal pai jun manu tai khan ke bhal pai.
|
||||
\v 33 Jun manu tumi karne bhal kaam kore, aru tumi bhi eitu manu nimite hei bhal kaam kore, ki laab ase? Kele mane paapi manu bhi eneka hei kore.
|
||||
\v 34 Jun manu pora pabole akha ase, tai ke hei dile, ki laab ase? Paapi manu pora bhi paapi manu ke dhar diye, ki tu diye wapas pabole.
|
||||
\v 35 Kintu dusman ke morom koribi aru bhal kaam tu dikhai dibi, aru bodli te kiba pabo nimite akha nokoribe, eneka korile, tumar enam tu dangor thakibo, aru tumi jinda Isor laga bachha hobo, kele koile toi paapi aru dharmik sob ke prem kore.
|
||||
\v 36 Tumi doya koribi jeneka Baba Isor bhi doya kuri ase.
|
||||
\v 37 Bichar nokoribi, tumike bhi bichar nokoribi. Bodnam nakoribi, aru tumike bhi bodnam nakoribo, maph dibi, tumi bhi maph pabo.
|
||||
\v 38 Di thaki bhi, tumi bhi pai thakibo: jun pora bhal kori bhorai kene, bisi hoikene giri thakibo- tumar laga theng uporte giribo. Ki hisab pora tumikhan dibo eitu hisab pora tumi khan bhi pabo."
|
||||
\v 39 Aru Tar taikhan ke ekta kahani koise. "Ekta andha manu pora aru ekta andha manuke rasta dikhabo pare naki? Tai khan jai kene nala te nagiribo naki?
|
||||
\v 40 Ekta chela tu guru pora dangor nohoi, kintu jun manu bhal korikene siki loi tai guru nisina hoi jai.
|
||||
\v 41 Tumi bhai laga suku letera ke kele sai thake, kintu tumi nijor suku laga dangor letera tu nasai?
|
||||
\v 42 Tumar bhai ke eitu keneka kobo, kokai, tumar suku te ki letera ase eitu ami sapha kori dibo; tumar suku te dangor letera thaka tu tumi dekha nai? Tumi dusto manu! Poila tumar suku te letera thaka tu ulai lobi, tetiya hei tumi sapha pora tumar bhai laga suku te letera thaka tu ulabole paribo.
|
||||
\v 43 Kelemane bhal ghas te beya guti tu naulai aru eitu nisina beya ghas te bhi bhal guti tu naulai.
|
||||
\v 44 Sob ghas tu tai laga guti pora hei jani jai. Manu khan kata ghas pora dimoru phol noulai, aru jongol pora angur guti napai.
|
||||
\v 45 Bhal manu laga mon pora bhal bostu ulai diye, aru papi manu bhitor para beya hei ulai diye. Kelemane mon bhitor te ki ase, tai muk pora koi.
|
||||
\v 46 Tumi khan moi ke 'Probhu Probhu' kele mate aru moi ki koi eitu nokore?
|
||||
\v 47 Aru jun manu moi logote ahhe aru moi laga kotha tu hunikene kore, moi tumikhan ke dekhai dibo tai keneka ase.
|
||||
\v 48 Tai ghor bonai thaka ekjon manu nisina ase aru bhal kori kene pathor uporte ghor bonai aru ban-pani ahise, aru ghor tu pani pora bhorta hoi jaise, kintu hilabo paranai, kele eitu ghor tu bhal kori kene bonaise.
|
||||
\v 49 Kintu kun manu huni kene kaam tu nokore, eitu manu tu eneka ase, jun hei ghor bonaise hoile bhi bhal kori kene mati tu nakhundi kena bonaise. Aru jetiya eitu ghor te dangor hawa pani lagise, achanak pora eitu ghor tu pura barbad hoi jaise.
|
||||
\c 7
|
||||
\p
|
||||
\v 1 Jetiya Jisu sob kotha tu koi dise aru manu khanke hunai dise, Tar Capernaum te ahise.
|
||||
\v 2 Aru ekta commander laga sewak, jun ke tai bisi morom kore, tai bimar pora mori bole thakise.
|
||||
\v 3 Aru jetiya commander Jisu laga kotha hunise, tai Yehudi laga cholawta manu khan Jisu usorte pothai se, Jisu ke ahhi kene tai laga sewak ke changai koribole.
|
||||
\v 4 Aru jetiya taikhan Jisu usorte ahise, Tar ke anurodh korise, "Tai ekta bhal manu ase aru apuni eneka kori dile bhal ase,
|
||||
\v 5 kelemane tai moi khan laga desh tu morom kore, aru tai moi khan nimite synagogue bhi bonai dise."
|
||||
\v 6 Jisu tetiya tai khan logote jaise. Kintu Tar jetiya ghor te ponchibole usor hoise, eitu commander pora manuke pothaise, aru Tar ke koise, "Probhu, apuni dukh nauthabi, kelemane moi laga ghor bhitorte apuni ahibole moi layak nohoi.
|
||||
\v 7 Eitu nimite moi nijor bhi apuni laga usorte ahibole layak nahoi, kintu apuni ekta kotha koi dibi aru moi laga sewak bhal hoi jabo.
|
||||
\v 8 Moi nijor bhi ekta hukum chola manu ase, moi nichete sipahi khan ase. Moi ekjon ke kobo 'Jabi' aru tai jai; aru dusra ke kobo, 'Ahibi; aru tai ahhe ; aru moi laga sewak ke, 'eitu koribi,' aru tai kore."
|
||||
\v 9 Aru jetiya Jisu eitu kotha hunise, Tar taike bisi asurit hoise aru jun manu khan tai laga piche kori thakise, taikhan ke sai kene koise, "Moi tumi khan ke koi ase, Israel te moi eneka bisas thaka manu dikha nai." 10. Aru jun khan ke ghor te pothai disele, taikhan sewak tu bhal hoi kene thaka dikhise. 11. Aru dusra din te eneka hoise jetiya Jisu Nain laga taun te jaise, aru Tar laga chela aru manu khan tai logote jai thakise.
|
||||
\v 12 Aru jetiya tai taun laga dorja te ponchise, ekta mora manu ke uthai loi jai thakise ama laga ekta hai bachha thakise (tai motha nathaka maike thakise), aru bosti laga manu khan eke logote thakise.
|
||||
\v 13 Jetiya Probhu tai ke dekhise, Tar eitu maike ke bisi morom lagise aru tai ke koise, "Nakan dibi."
|
||||
\v 14 Jetiya Tar uthi kena mora boxsa tu dhorise, aru jun manu khan eitu bukhi thakise tai khan bhi shida khara hoi jaise. Tetiya Jisu hei koise, "Jowan manu, Moi tumake koise uthi bhi."
|
||||
\v 15 Aru tetiya mora manu tu bohi kene kotha kobole suru hoise, aru Jisu hai eitu chokora ke tai laga ama ke di dise.
|
||||
\v 16 Aru tetiya sob manu bhoi lagi jaise, aru Isor ke dhonyabad dibole suru hoise, aru koise, "Ekjon dangor bhaobadi moi khan majote ahise" aru "Isor hei manu uporte morom korise."
|
||||
\v 17 Aru eitu khobor Jisu laga sob jaga te bhorta hoise, Judea aru usorte thaka bosti, taun te bhi khobor tu jaise.
|
||||
\v 18 Aru John laga chela khan eitu sob khobor tu jai kene John ke koise. Tetiya John pora tai laga diuta chelakhan ke matise,
|
||||
\v 19 aru tai khan ke Probhu ke hudibole pothaise, "Ahibole thaka tu apuni ase naki, na dusra ekjon ke rukhibo?"
|
||||
\v 20 Aru jetiya taikhan Jisu usorte ahise, manu khan koise, "John jun Baptist ase, tar pora moi khan ke eitu kobole nimite pothaise, ''Ahibole thaka tu apuni ase na moi khan dusra ekjon ke rukhibo?"'
|
||||
\v 21 Eitu homoi te Tar bisi manu ke bimar pora changai korise, biya aatma dhora manu aru suku nedekha manu khan ke bhi bhal korise.
|
||||
\v 22 Tetiya Jisu hei taikhan ke koise, "Tumikhan yate pora ja pichete, John ke jai kene tumikhan ki dekhise aru hunise eitu kobi. Andha manu khan dekhi pai ase, berabole napara manu khan beraibole pari ase, gaw te bemar thaka khan sapha hoi ase aru huni bole napara khan huni ase mora manu jinda hoi ase, aru gorib manu khan Isor laga kotha tu huni bole paise.
|
||||
\v 23 Asirbad pabo jun manu moi uporte beya na pai."
|
||||
\v 24 Aru jetiya John laga manu khan jai jaise, Jisu manu khan ke John laga kotha kobole suru hoise, "Tumi khan balu laga jaga te ki sabole jaise? Ekta jongol ghas, hawa pora hilai diya tu?
|
||||
\v 25 Kintu apuni khan bahar te ki sabole jaise? Ekta manu norom kapur lagai kena thaka tu? Sabi, jun manu dam kapur lagai ase, aru aram pora thaki ase tai khan sob raja laga ghor te ase.
|
||||
\v 26 Kintu apuni khan bahar te ki sabole nimite jaise? Ekta bhaobadi? Hoi, moi apuni khanke koise, Tar tu bhaobadi pora bhi dangor ase.
|
||||
\v 27 Eitu Tsr ase jun nimite eitu likha ase, 'Sabi, moi ekta Isor manu ke pothai ase, tumar khan usorte te, jun hai rasta tu sapha koribo.'
|
||||
\v 28 Moi tumi khan ke koi ase, jun manu ama pora jonom loise, kun bhi John nisina dangor nohoi, kintu jun Isor laga raijyo te sob se chutu ase tai pora bhi dangor ase."
|
||||
\v 29 Aru jiman manu eitu kotha hunise, poisa utha manu khan bhi, John logote baptisma luah khan sob Isor pora dharmik ase koi dise.
|
||||
\v 30 Kintu Pharisee aru bisi kanun jana Yehudi khan Isor laga echha tu na mani kene baptisma lua nai.
|
||||
\v 31 "Tene hoile, moi, etiya laga manu khan ke ki logote tulona koribo, tai khan ki nisina ase?
|
||||
\v 32 Tai khan bazar te thaka bachha khan nisina ase, bohi kene ekjon-ekjon ke mati kena koi, 'Ami tumi khan usorte basuri bojaise, tumikhan nach kora nai; moi khan mon dukh laga gana korise, hoilebi tumikhan kandanai.'
|
||||
\v 33 John jun Baptist ase, tai ahikena roti aru, angur ros bhi khua nai, aru tumikhan koi, 'tai logote bhut ase.'
|
||||
\v 34 Kintu manu laga bachha ahikena khua lua korise, aru tumikhan koi, 'Sabi, tai ekjon khakuah aru nisa-pani kora, poisa utha khan aru paapi manu laga sathi!'
|
||||
\v 35 Gyan pora sob bhal aru beya tu jani loi."
|
||||
\v 36 Ekjon Pharisee pora Jisu ke tai logote khabole matise. Jetiya Pharisee laga ghor te ponchi se, Tar khabole bohise.
|
||||
\v 37 Etiya sabi, eitu citi te ekta paapi maiki thakise. Jetiya tai dekhise, Jisu Pharisee laga ghor te khabole bohi thakise, bhal gun aru bisi dam laga tel anise,
|
||||
\v 38 aru khara hoi kene paw usorte, kandi kene suku pani pora Tar laga bhori tu bhijai se aru chuli pora musi kene tai laga bhori tu chumai dise, aru bhal gun tu lagai musi se.
|
||||
\v 39 Aru jetiya Pharisee jun hei Jisu ke mati se tai dekhi kene tai nije ke koise, "Etu manu jodi bhaobadi ase, Tar janibo thakise eitu jun tai ke choi ase, etu keneka maiki ase, tai ekjon paapi maiki ase.''
|
||||
\v 40 Aru Jisu hei tai ke koise, "Simon, moi tuma ke kiba kobole echha ase." Aru tai koise, "Koi dibi, Probhu!"
|
||||
\v 41 "Duita manu poise dhar loise le. Ekjon tu pansho, aru dusra tu pachas denarii loi kena thakise.
|
||||
\v 42 Aru jetiya tai khan logote poisa dibo nimite thaka nai, malik hei duijon ke maph koridise. Eitu nimite kun manu pora tai ke bisi morom koribo?
|
||||
\v 43 Simon koise, "Moi hisab te jun ke tai bisi dhar tu maph korise." Tetiya Tar taike koise, "Tumi thik bhabana korise."
|
||||
\v 44 Aru tetiya Jisu eitu maiki phane sai kena Simon ke koise, "Tumi eitu maiki ke dikhise. Moi tumi laga ghor te ahise. Tumi moi ke paw dhula bole pani bhi deyanai, kintu tai laga suku pani pora moi laga paw tu bhijai dise, aru tai laga chuli pora musi dise.
|
||||
\v 45 Tumi moi ke ekta chuma bhi diyanai, kintu moi jetiya pora yati ahise tai moi laga paw to chuma dibole charanai.
|
||||
\v 46 Tumi moi laga matha te tel dhala nai, kintu tai moi laga paw tu bhal gun thaka tel pora musi se.
|
||||
\v 47 Eitu nimite moi tumike koi ase, tai laga paap, bisi thakise, eitu sob maph kori dise- kele mane tai bisi morom korise, kintu jun manu olop hei maph kore, tai olop hei morom kore."
|
||||
\v 48 Tetiya Tar tai ke koise, "Tumi laga paap sob tu maph hoise."
|
||||
\v 49 Jun manu khan ta te bohi thakise tai khan ekjon-ekjon logote kobole suru hoise, "Eitu kun ase, paap bhi maph kori bole pare?"
|
||||
\v 50 Tetiya Jisu maiki ke koise, "Tumi laga bisas hei tumi ke bachai loise. Shanti pora jabi."
|
||||
\c 8
|
||||
\p
|
||||
\v 1 Etiya eneka hoise, Jisu alag alag bosti aru citi te Isor laga raijyo laga kotha koi kene jai thakise, Tar logote baroh jon chelakhan bhi thakise,
|
||||
\v 2 aru kunba maikikhan jun beya aatma aru bemar pora bhal hoise. Mary tai laga naam tu Magdalene, jun pora sat-ta satan ulai jaise;
|
||||
\v 3 aru Joanna, Chuza laga maiki, Herod laga manager, Susanna; aru dusra manu khan bhi, Isor laga kaam nimite tai khan logote ki ase eitu di dise.
|
||||
\v 4 Aru jetiya bisi manu, taun bosti pora ahise, Tar kahani koikene tai khan ke koise:
|
||||
\v 5 "Ekta kheti kora manu guti phelabole jaise. Aru jetia tai guti phelaise kunba rasta te girise, aru paw pora chipai dise, aru akash te chiriya thaka khan pora khai dise.
|
||||
\v 6 Aru khunba guti pathor uporte girise, aru jetiya dangor hoise, eitu sukhi jaise, kelemane pathor uporte patla mati thakise.
|
||||
\v 7 Aru kunba guti kata majote girise, aru dangor bhi hoise, hoile bhi kata pora tai ke dabai dise.
|
||||
\v 8 Kintu kunba guti, bhal mati te girise, aru jetiya eitu dangor hoise, bisi bisi guti ulaise. "Etu kahani kuwa pichete, Tar awaz uthai kene koise." Kun manu logote hunibole khan ase, tai hunilobi."
|
||||
\v 9 Tetiya chela khan hei Tar ke hudise, "Eitu kahani laga ki motlab ase?"
|
||||
\v 10 Tar koise, "Tumi khanke Isor hei sorgo laga raijyo jani bole dise, kintu dusra manuke moi kahani pora koi, utu karone tai khan sai thaki lebi nadikha aru huni lebhi buji bole napare.'
|
||||
\v 11 Etiya kahani laga motlab eneka ase: guti mane Isor laga kotha ase.
|
||||
\v 12 Rasta te gira guti ase kun kotha hunise, kintu satan hei ahhi kene mon pora guti ke chini loi jai, eitu pora tai khan bisas nokoribo aru roikha napabo.
|
||||
\v 13 Aru pathor uporte guti gira tu Isor kotha khusi pora hune. Kintu tai laga rusi tu bhitorte jabo napare, tai khan olop homoi nimite bisas kore, aru porikha ahha homoi te giri jaise.
|
||||
\v 14 Aru kata bhitorte gira guti ase jun khan kotha tu hune, kintu duniya pora tani loi, dhun sampoti, rong tamash aru lalaj pora bandhi jai aru uthi bole napare.
|
||||
\v 15 Kintu bhal mati te gira guti khan tu, jun khan mon di kene Isor kotha tu hunise aru mon te rakhi se, bhal pora guti dhore, hosa aru shanti pora.
|
||||
\v 16 Kunu manu diya jolai kene bisna nichete narakhe. Kintu eitu ke uporte rakhe, aru eitu pora sob manu dekhibole pai.
|
||||
\v 17 Kun bostu lukai kene rakhi bo naparibo, diya pora sob bostu dekhijabo.
|
||||
\v 18 Eitu karone tu ki hune, jun manu ase, tai aru bisi pabo, aru kun manu komti ase, tai logote ki ase eitu bhi loi jabo."
|
||||
\v 19 Pichete Jisu laga ama aru bhai khan Tar usorte ahise, kintu taikhan Jisu thaka usorte jabo para nai kelemane manu bhorta thakise.
|
||||
\v 20 Jisu ke manukhan khobor dise, "Tumar ama aru bhai khan bahar te rukhi ase, Tumike sabole rokhi ase."
|
||||
\v 21 Kintu Jisu Khrista tai khan ke koise, "Moi laga ama aru bhai eitu khan ase jun manu Isor kotha hune aru kore."
|
||||
\v 22 Eitu ek din eneka hoise, Tar chelakhan logote ekta nawka te uthise, aru tai khan ke koise "Ahibi amikhan nodi laga dusra phale jabo." Aru tai khan bohi kene jaise.
|
||||
\v 23 Nawka te jai thaka homoi te Tar ghumai jaise. Eitu homoi te dangor hawa pani ahise. Tai khan laga nawka te pani gusibole suru hoise aru tai khan moribo bhabi thakise.
|
||||
\v 24 Tai khan Jisu ke uthaise aru, koise, " Probhu! Probhu! Moi khan sob moribole ase! " Kintu Tar uthi kene hawa pani ke hukum korise, aru pura pani tu shanti hoijaise.
|
||||
\v 25 Jisu hei tai khan ke koise, "Tumi khan laga bisas tu kot te ase? Aru tai khan bhoi pora asurit hoi kene ekjon-ekjon ke koise, "Eitu kun ase, Tar hawa aru pani ke hukum dise, aru tai khan manise?"
|
||||
\v 26 Pichete tai khan nodi par kori kene Gerasenes, Galilee usorte jaise.
|
||||
\v 27 Aru jetiya Jisu matite namise, ekjon bhut dhora manu citi pora ahise. Bisi din pora gaw te kapra laganai, aru ghor te bhi nathake kintu kobor-stan te thake.
|
||||
\v 28 Aru jetiya Jisu ke dekhele, tai hala korise, Tar agote girise aru tai jor pora hala kori kene koise, "Moi aru tumi logote ki kaam ase, Jisu, jinda Isor laga Putro? Moi anurodh kori ase, moi ke dukh nedibi."
|
||||
\v 29 Jisu hei beya aatma tu eitu manu pora ula bole korone hukum dise. Bisi homoi te morai dibo nisina kore, loha laga rusi pora bandhi kene thakile bhi aru manu khan pora bandhi rakhi lebhi, sob rusi khan bhangai kene satan para jongol te loi jai.
|
||||
\v 30 Jisu hei tai ke hudise, "Tumar naam ki ase?" Aru tai koise, "Legion," kelemane bisi beya aatma tai bhitorte ase.
|
||||
\v 31 Aatma khan Tar ke anurodh korise, ami khan ke khotom hobole hukum nidibi.
|
||||
\v 32 Tetiya bisi gahori pahar kinar te dana khai thakise, beya aatma khan gahori bhitorte jabole nimite anurodh korise. Jisu hei gahori bhitorte jabole koi dise.
|
||||
\v 33 Pichete aatma khan manu pora ulai kene gahori bhitorte humai jaise, aru gahori khan sob pahar nichete giri kene mori jaise.
|
||||
\v 34 Gahori pala manu khan eitu dekhi kene citi te polai kene khobor dise.
|
||||
\v 35 Aru manu khan ki hoise eitu sabole ahise, manu khan Jisu usorte ahikene aru manu ke dekhise jun laga gaw pora beya aatma tu ulai jaise aru tai Jisu laga paw nichite bohi thakise, sapha kapur bhi lagaise aru dimak bhi bhal hoise aru eitu sai kene manu khan bhoi lagise.
|
||||
\v 36 Aru jun manukhan eitu sob dekhise eitu khobor dise, aru keneka satan dhora manu tu bhal hoise.
|
||||
\v 37 Aru Gerasenes laga sob manukhan bhoi lagi kene Jisu ke koise, morom pora jai jabi. Eitu pichete, naw te bohi kene jai jaise.
|
||||
\v 38 Jun manu pora beya aatma khan ulai kene jaise, tai Jisu logote jabole anurodh korise, kintu Jisu hei tai ke wapas pothai kene koise,
|
||||
\v 39 "Tumi nijor ghor te jabi aru Isor hei ki kori dise eitu jai kena koi dibi." Tai pichete tai ghor te jaise, sob jaga te khobor di dise Jisu hei tai jibon te ki kori dise.
|
||||
\v 40 Jetiya Jisu ahise, sob manu khan tai ke salaam korise, kele mane tai khan Tar ke rukhi thakise.
|
||||
\v 41 Aru tate ekjon manu thakise tai laga naam Jairus, tai synagogue laga cholawta thakise, Jisu laga paw te giri jaise, aru Jisu ke tai laga ghor te ahibole anurodh korise.
|
||||
\v 42 Tai laga ekta baroh sal chokori, moribole ase aru jetiya tai rasta te jai thakise, bisi manu khan tai logote joma hoi jaise.
|
||||
\v 43 Ekta maiki baroh sal pora khun jai thakise, tai dawai diya manu logote sob taka poisa khorcha korise, kun bhi tai ke bhal kori bole pora nai.
|
||||
\v 44 Tai piche te jai kene manu majot pora Jisu laga kapra chuise, aru eitu homoi te tai laga khun jai thaka tu bon hoise.
|
||||
\v 45 Tetiya Jisu hai koise, "Kun pora moi ke chuise?" Jetiya sob manu chup thakise, Peter koise, "Probhu, bisi manu khan ahhi kene apuni ke chui ase."
|
||||
\v 46 Kintu Jisu hei koile, "Kunba manu moike chuise, Moi jani ase moi pora hokti ulai jaise."
|
||||
\v 47 Jetiya maiki tu luka bole napara hoise, tai bhoi pora kapi kene Jisu usorte girise. Sob manu usorte te tai koi dise ki nimite tai Jisu ke choise, aru keneka tai ekbar pora bhal hoise.
|
||||
\v 48 Jisu hai taike koise, "Swali tumar bisas pora tumi bhal hoise. Shanti pora jabi."
|
||||
\v 49 Tar kotha koi thaka homoi te, kunba synagogue laga cholawta ghor pora ahise, aru koise, "Tumi laga swali tu mori jaise. Sikai diya manu ke aru dukh nidibi. "
|
||||
\v 50 Kintu jetiya Jisu hunise, Tar eneka tai ke koise, "Bhoi nakoribi; khali bisas koribi, aru tai changai hoi jabo."
|
||||
\v 51 Aru jetiya tai ghor te ahise, Tar kunke bhi bhitorte ahhibole diyanai, khali Peter, John aru James ke, aru eitu bachha laga ama aru baba ke.
|
||||
\v 52 Aru sob manu mon te duk kori kene tai nimite kandi thakise, "Nakandi bhi, tai mora nai, kintu ghumai ase."
|
||||
\v 53 Kintu Tar uporte tai khan hasi dise, swali tu morise bhabi kene.
|
||||
\v 54 Kintu Jisu, tai laga hath tu dhorise aru matise, koise, "Bachha, uthi bhi!"
|
||||
\v 55 Tetiya tai laga aatma tu wapas ahise aru tai uthi kene kiba khabole mangise.
|
||||
\v 56 Tai laga ama baba asurit lagise, kintu Tar ki hoise iyate ke hoise eitu kun ke be nakobi.
|
||||
\c 9
|
||||
\p
|
||||
\v 1 Aru jetiya Tar barohta chelakhan ke matise.Tar pora tai khan ke hokti aru adhikar dise satan ke kheda bole aru bimar ke bhal koribole,
|
||||
\v 2 aru Tar taikhan ke pothaise, bimar manu ke changai koribole aru Isor raijyo laga kotha kobole nimite.
|
||||
\v 3 Aru Jisu hei tai khan ke koise, "Eku loi najabi- tumi laga bag, lathi, poisa aru roti, duita kapra bhi loi najabi.
|
||||
\v 4 Juntu ghor te ghusibo, tate hei thakibi, jetiya tak eitu jaga tu nachare.
|
||||
\v 5 Jun jaga te tumi khan ke namate, eitu tawn pora ula homoi te, tumi laga paw pora dhuli tu hatai dibi, eitu tai khan nimite ekta sakhi hobo nimite."
|
||||
\v 6 Aru tai khan alag hoi kene bosti phane jai jaise, Isor laga kotha koi kene aru sob jaga te changai kori kene jaise.
|
||||
\v 7 Etiya Herod ekta Raja, ki hoi ase eitu sob tu hunise, aru tai bhabana korise, kelemane kunba pora koise John tu mora pora jinda hoise,
|
||||
\v 8 aru kunba tu koise Elijah hei ahise, aru kunba pora tu koise, poila laga bhaobadi ekta jinda hoise.
|
||||
\v 9 Kintu Herod koise, "Moi John laga matha alag koridise, kintu eitu kun ase jun laga moi eman kotha huni ase?" Eitu karone Jisu ke sabole tai kosis kori thakise.
|
||||
\v 10 Aru jetiya apostle khan wapas ahise, tai khan ki korise eitu sob koi dise.Tetiya Tar pora tai khan ke loi jaise, aru ekdum chup-chap pora Bethsaida taun te tai khan jai jaise.
|
||||
\v 11 Kintu jetiya manukhan eitu hunise, tai khan tai pichete jaise. Tar sob ke matise aru Isor laga raijyo kotha tu tai khan logote koise, aru jun manu changai lage, tai khan ke changai korise.
|
||||
\v 12 Etiya sam hobole homoi hoise, baroh ta chela khan Tar usorte ahikene koise, "Manu khanke pothai dibi, tai khan usor bosti te jai kene ghuma bole aru khabole bisaribo, kele mane moi khan eku nathaka jaga te ase."
|
||||
\v 13 Kintu Jisu tai khan ke kole, "Tumi khan manu khanke kiba khabole dibi." Kintu tai khan koise, "Moi khan logote pasta roti aru duita mas hai ase- jodi moi khan jai kene sob manu nimite khana kinile.
|
||||
\v 14 (Tate panch hazar manu thakise.) Tetiya Tar pora chela khan ke koise, "Tai khan ke ekta bhag te pachas manu kuri kene bohibo dibi."
|
||||
\v 15 Aru tai khan eneka korise aru sob ke bohibole dise.
|
||||
\v 16 Pasta ruti aru duita mas tu hath te loi kena, Tar sorgo phale saise, Tar asirbad dise aru duita bhag kori kene chela khan ke dibole dise.
|
||||
\v 17 Tai khan sob khai kene bhorta hoise, aru juntu bachi jaise eitu tai khan uthaise- barohta tukri te bhangi kene diya roti tukra thakise.
|
||||
\v 18 Aru eneka hoise Jisu jetiya tai ekla pora prathana kori thakise chelakhan bhi tai logote thakise, aru Tar tai khan ke hudise, "Manu khan moike kun ase koi kene koi?"
|
||||
\v 19 Tai khan koise, "John Baptist kora jon. Aru kunba koi Elijah, aru dusra khan pora koi purana homoi pora jinda huwa bhaobadi."
|
||||
\v 20 Tetiya Tar taikhan ke koise, "Kintu tumikhan moi kun ase koi kene bhabe?" Tetiya Peter hei koise, "Isor laga Khrista."
|
||||
\v 21 Kintu Tar pora tai khan ke eitu kotha kun ke be nokobole koise.
|
||||
\v 22 Tar koise, "Manu laga Putro bisi dukh pabo aru cholawta manu pora chari dibo, dangor purohit aru kanun jana manu khan pora bhi golti dhoribo aru Tar ke morai dibo, kintu Tar tin din te jinda hobo.
|
||||
\v 23 Aru Tar sob ke koise, "Kunba manu moi pichete ahhi bole echha thakile, tai nijor ke pahoribo lage aru hodai crus uthai kene moi pichete ahibo lage.
|
||||
\v 24 Jun manu tai laga jibon tu bachabole kaam koribo tai harai dibo; kintu jun manu moi nimite jibon dibo tai roikha pabo.
|
||||
\v 25 Jibon te ki laab ase, sob duniya tu paile bhi, nijor jibon tu nuksan korile?
|
||||
\v 26 Kun manu moi laga kotha aru moi nimite sorom kore, moi bhi tai nimite sorom pabo. Jetiya Tar Isor usor pora pobitro sorgodut khan ke loi ahibo.
|
||||
\v 27 Kintu moi hosa kotha koi ase, kunba manu khan yate rukhi ase, tai khan Isor laga Raijyo nedekha thaka nomoribo."
|
||||
\v 28 Eitu kotha khan kuwa ath din pichete, Tar pahar uporte prathana koribole jaise, Peter, John aru James logote.
|
||||
\v 29 Jetiya Tar prathana kori thakise, Tar laga chehera bodli hoise, aru tai laga kapra tu asurit laga boga hoise.
|
||||
\v 30 Aru sabi, duijon manu Tar logote kotha koi thakise, Moses aru Elijah thakise,
|
||||
\v 31 Mohima pora taikhan ahise, tai jabo laga kotha tu patise, jitu Jerusalem pora pura hoi jabo.
|
||||
\v 32 Jetiya Peter aru sathi khan ghumai thakise, aru jetiya ghumai kene uthise, tai khai Tar laga mohima dekhise, aru duijon manu Tar logote khara hoi thakise.
|
||||
\v 33 Tai pichete eneka hoise, jetiya duijon manu Jisu usor pora jai jaise, Peter Tar ke koise, "Probhu, ami khan yati tinta pillar bonabo, ekta apuni nimite, aru ekta Moses karne, aru ekta Elijah karne. "(Tai ki koi thakise tai najane).
|
||||
\v 34 Kintu jetiya tai eitu koi thakise badal ahhikene tai khan ke lukai dise, aru tai khan bhoi lagi se.
|
||||
\v 35 Aru akash pora ekta awaz ahise, koise, "Eitu amar Putro ase, jun ke bachi loise; Tar laga kotha huni bi."
|
||||
\v 36 Jetiya eitu kotha tu khotom hoise, Jisu ke ekla dekise. Tai khan chup thakise aru ki dekhise kun ke bhi kuwa nai.
|
||||
\v 37 Aru ekta din te eneka hoise, jetiya tai khan pahar upor pora nichete ahise, bisi manu ke lok paise.
|
||||
\v 38 Aru sabi, ekjon manu mojo pora hala kori, koise, "Probhu, moi anurodh korise, ami laga bachha ke sabi, tai moi laga ekta bachha hai ase.
|
||||
\v 39 Sabi, ekta beya aatma achanak ppra dhurikene tai laga mukh pora letera thuk ulaise. Tai ke jokom kori kene beya aatma tu ulai jaise.
|
||||
\v 40 Moi apuni laga chela khan ke beya aatma kheda bole koise le, kintu tai khan kheda bole paranai."
|
||||
\v 41 Tetiya Jisu hei taikhan ke koise, "Bisas nathaka aru beya rasta te jai thaka manu khan, moi tumi khan logote kiman din thakibo? Tumar bachha ke yate anibi."
|
||||
\v 42 Jetiya chokora tu ahhi thakise, satan hei taike mati te girai kene hilai dise. Kintu Jisu hei beya aatma ke khedai dise, aru chokora ke bhal kori dise, aru baba logote di dise.
|
||||
\v 43 Tai khan Isor laga asurit kaam tu dekhise. Kintu jetiya manu khan ki hoise eitu dekhise tai khan asurit lagise, Jisu tai laga chela khan ke koise,
|
||||
\v 44 "Eitu kotha tu tumi khan mon bhitorte jabole dibi: kelekoile Manu laga Putro dukh pabole jaise manu laga hath pora."
|
||||
\v 45 Kintu tai khan eitu kotha tu buji bole para nai. Eitu kotha tu lukai kene thakise, eitu karone buji bole para nai, aru taikhan Jisu ke eitu kotha hudi bole bhoi lagise.
|
||||
\v 46 Pichete chela khan majote kotha ulaise, ki kun hai sob pora dangor hobo.
|
||||
\v 47 Kintu Jisu tai khan ki monte bhabana korise eitu jani loise, aru ekta chutu bachha ke, Tar usorte uthai loise,
|
||||
\v 48 aru tai khan ke koise, "Jun manu eitu bachha ke moi laga naam pora mate, tai moike mate; aru jun manu moike mate, jun moi ke pothaise tai ke mate. Kun manu chutu koribo, tai hei dangor hobo."
|
||||
\v 49 John hei koise, "Probhu, ami khan dekhise kunba manu apunar naam pora beya aatma khedaise aru ami khan tai ke rokhai dise, kelekoile tai moi khan laga pichete nahoi."
|
||||
\v 50 Kintu Jisu hai taikhan ke koise, "Tai khan ke nurukhabi, jun manu tumikhan birodh te nai, tai tumi khan logote ase."
|
||||
\v 51 Etiya Tar ke uthai loi jabo nimite din tu usorte hoise, Tar Jerusalem te jabole bisi mon hoise.
|
||||
\v 52 Tar poila ekjon chela ke pothaise, aru tai khan Samaritan bosti bhitorte ponchi kene sob kaam tu tayar korise.
|
||||
\v 53 Kintu tate thaka manu khan Tar ke swagat kora nai, kelemane tai Jerusalem te jabole hei mon thakise.
|
||||
\v 54 Aru jetiya chela khan James aru John dekhise, tai khan koise, "Probhu, ami khan sorgo pora jui ahhi kene tai khan ke khotom kori bole kobo naki?"
|
||||
\v 55 Kintu Tar ghuri kene tai khan ke kotha koise,
|
||||
\v 56 aru tate pora alak bosti te jaise.
|
||||
\v 57 Tai khan rasta te jai thaka homoi te, kunba manu Jisu ke hudise, "Apuni kun jaga te jabo moi bhi apuni logote jabo."
|
||||
\v 58 Jisu tai ke kole, "Siyal khan laga bhi gath ase aru akas te chiria khan laga bhi ghor ase hoile bhi Manu laga Putro laga matha rakhibole ekubhi jaga nai."
|
||||
\v 59 Tetiya Jisu aru ekjon ke koise, "Moi laga pichete ahibi, "Kintu tai koise, "Probhu, poila moi jai kene baba ke kobor di kene ahibo."
|
||||
\v 60 Kintu Tar koise, "Mora khan, mora khanke kobor dibole dibi. Kintu tumi, jai kene Isor laga raijyo prochar koribi."
|
||||
\v 61 Aru ekjon koise, "Moi bhi apuni laga pichete ahibo, Probhu, kintu moi poila jai kene sob ghor manu ke jai ase kobo."
|
||||
\v 62 Kintu Jisu hei koise, "Jun manu kheti te hal tu dhori kene pichete te nasai, tai he Isor laga raijyo nimite thik ase."
|
||||
\c 10
|
||||
\p
|
||||
\v 1 Aru jetiya eitu sob kaam pura hoise, Probhu pora arubi bahatar manu ke mati kene Isor kaam nimite asirbad korise, aru duijon-duijon kori kene tai khan ke pothaise jun jaga te Jisu tai nijor bhi jabo thakise.
|
||||
\v 2 Tar hei tai khan ke koise, "Kheti tu bhorta hoi ase, kintu kaam kora manu olop hei ase. Eitu nimite kheti laga malik ke kobi, aru kaam kora manu pothai dibole nimite.
|
||||
\v 3 Nijor rasta te jai thakibi, sabi, moi tumi khanke ekta memna nisina bheriya usorte pothai ase.
|
||||
\v 4 Poisa laga bag nolobi, rasta te jabo le laga bag bhi nolobi, aru nijor chapal bhi nolobi, aru rasta te jai thaka homoi te kunke bhi salaam nidi bi.
|
||||
\v 5 Jun tu ghor te ahge ghusibo, poila kobi, 'Shanti eitu ghor te thakibo!'
|
||||
\v 6 Jodi ekta shanti chokora tate thake, tetiya tumi laga shanti tai uporte thakibo; jodi nohoi, eitu shanti toi logote wapas ahijabo.
|
||||
\v 7 Etiya eitu ghor te hei thakibhi, ki kha luwa di ase eitu khai kene thakibi, kelemane ki kaam kori ase, eitu laga laab tu pabole lage. Aru ekta ghor pora alag ghor te jai nathaki bhi.
|
||||
\v 8 Tumikhan juntu taun te jabo, aru jodi tai khan tumi ke matile, tumi khan usorte ki khabola rakhibo eitu he khabi.
|
||||
\v 9 Aru jun manu bimar ase tai ke changai koribi, aru tai khan ke kobi, "Isor laga raijyo tumikhan usorte ahise.'
|
||||
\v 10 Kintu juntu citi te tumikhan ke namate eitu laga rasta te ulai kene kobi,
|
||||
\v 11 'juntu dhuli moi khan laga paw te lage eitu bhi sapha kori ase apunikhan birodh te! Kintu eitu jani lobi, Isor laga raijyo tu usorte ahise. '
|
||||
\v 12 Moi tumikhan ke koi ase eitu din te tumikhan Sodom aru Gomorah te dukh pa pora bhi bisi dukh pabo.
|
||||
\v 13 Hai tumi, Chorazin! Hai tumi, Bethsaida! Jintu dangor kaam tumi khan nimite koridise, eitu kaam Tyre aru Sidon nimite korise koile, tai khan poila pora mon ghurai kene thakibo.
|
||||
\v 14 Kintu Tyre aru Sidon pora bhi bisi dukh tumikhan pabo. Jintu din te Isor laga bichar hobo.
|
||||
\v 15 Aru tumi Capernaum, sorgote tumi khan ke untcha naam koribo, eneka ase? Tumikhan ke ekdum niche, mora laga jaga te phelai dibo.
|
||||
\v 16 Jun manu tumi khan laga kotha hune, tai khan moike hune aru jun tumikhan ke ghin kore tai moike bhi ghin kore, aru jun moike chare, tai kun pora moike pothaise tai ke bhi chare."
|
||||
\v 17 Aru tetiya bahatar jon khusi pora jai kene koise, "Probhu satan khan bhi apuni laga naam te moikhan laga kotha mane."
|
||||
\v 18 Tetiya Tar hei taikhan ke koise, "Moi sai thakise satan sorgo pora bijili nisina girise.
|
||||
\v 19 Sabi, moi tumi khan ke, saap aru bicho khan ke khotom koribole nimite takot dise, aru jiman dusman laga takot ase eitu sob khan ke khotom koribole nimite, aru eiku pora bhi tumi khan ke jokhom koribole naparibo.
|
||||
\v 20 Hoilebhi tumikhan eitu nimite bisi khusi nokoribi, eitu aatmakhan tumi khan logote ase koi kene, kintu khusi koribi ki tumi khan laga naam tu sorgo te likha ase."
|
||||
\v 21 Aru eitu homoi te Jisu Pobitro Aatma pora bisi khusi korise aru koise, "Moi apuni ke dhonyabad di ase Baba, sorgo aru prithibi laga Probhu, kelemane apuni eitu sob kotha tu gyani aru bujibole pora manu khan logote lukai kene rakhise, aru eitu sob kotha tu chutu bachha khan ke janibole dise. Hoi Baba, eitu sob apuni usorte sabole bhal dikhe."
|
||||
\v 22 Eitu sob kaam aru kotha tu moi laga Baba pora moike dise, aru kun bhi najane Putro tu kun ase, khali Isor Baba hei jane, aru kun Isor Baba ase eitu khali Putro pora hei jane, aru kun ke Putro pora matilobo tai ke hei sob tu dekhai dibo.
|
||||
\v 23 TetiyaTar chela khan ke ghuri kene sai se aru aste pora koise, "Asirbad aru eitu chuku, jun manu dekha nai eitu bhi dekhise.
|
||||
\v 24 Moi tumikhan ke koi ase, bisi purohit aru raja khan tumi khan ki dekhise eitu sabole nimite bisi echha korise, kintu tai khan eitu dekha nai, aru tumi khan ki hunise tai khan eitu hunibole mon korise kintu tai khan hunibole pa nai."
|
||||
\v 25 Aru sabi, ekta Yehudi laga kanun jana manu Jisu ke porikha koribole nimite khara hoise aru, koise, "Probhu moi ananto jibon pabole nimite ki koribole lage?"
|
||||
\v 26 Tetiya Jisu hei tai ke koise, "Niyom hisab te ki likha ase? Tumi eitu keneka pore?"
|
||||
\v 27 Tetiya tai koise, "Tumi Probhu Isor ke pura mon pora morom koribi, aru tumi laga jibon pora, aru takot pora, aru tumi laga bhabana pora, aru tumi usorte thaka manu ke tumi nijor ke kene morom kore eitu nisina morom koribi.
|
||||
\v 28 Tetiya Jisu hei taike koise, "Tumi thik kotha koise. Eneka koribi, aru tumi jinda thakibo."
|
||||
\v 29 Kintu tai nijor ke thik dekhabole nimite, Jisu ke koise, "Moi laga usorte thaka manu tu kun ase?"
|
||||
\v 30 Tetiya Jisu hei tai ke jowab di kene koise, "Ekta manu Jerusalem pora Jericho phane jai thakise. Taike chor aru dokait khan pora dhuri kene marise tai laga kapur khan sob phatai dise aru tai ke adha mora charikena polai jaise.
|
||||
\v 31 Tetiya achanak pora ekta purohit eitu rasta phane pora jai thakise, aru jetiya tai eitu manu ke dekhise, tai dusra phane pora ulai kena jai jaise.
|
||||
\v 32 Eitu nisina, ekta Levi, jetiya tai eitu jaga te ahikene manu ke dekhise, tai bhi dusra phane pora ulai jaise.
|
||||
\v 33 Kintu ekta Samaritan, tai yatra te jai thaka homoi te, eitu manu usorte ahise aru jetiya tai ke dekhise, tai bisi mon dukh hoise aru morom lagi jaise.
|
||||
\v 34 Aru jetiya eitu manu usorte punchise, tai laga gaw te jokhom khan bandi dise, tel aru angur ros pora. Aru eitu pichete tai laga janwar uporte uthai dise, aru ekta ghor te loi jaise, aru tai ke bhal pora sai dise.
|
||||
\v 35 Aru dusra din te tai poisa ulai kene tate thaka manu khan ke dise aru koise, "Tai ke bhal pora sabi, aru ki korcha korile, jetiya moi aru wapas ahibo, eitu homoi te moi sob didibo.'
|
||||
\v 36 Tumi ki bhabe tin jon bhitorte kun hei tai laga asol usor thaka manu ase jun ke dokait aru chor khan pora mari kene chari dise?"
|
||||
\v 37 Tetiya tai koise, "Jun manu tai ke morom korise." Tetiya Jisu hei tai ke koise." Jabi aru tumi bhi eneka hei koribi."
|
||||
\v 38 Aru tai khan jai thaka homoi te, Tar ekta bosti te ghusi se, aru tate ekta maiki Martha koi kene thakise tai hei Jisu ke tai laga ghor te matise.
|
||||
\v 39 Tai laga ekta bhoini thakise Mary koi kene, aru tai Jisu laga paw usorte bohi kene Tar ki kotha koi ase eitu huni thakise.
|
||||
\v 40 Kintu Martha olop beya lagise kelemane tai sob kaam tu ekla kori thakise, eitu karna tai jai kene koise, "Probhu, apuni eku chinta nokore naki moi laga bhoini moike kaam koribole ekla chari dise? Eitu nimite tai ke kobi, moi ke modot koribole nimite."
|
||||
\v 41 Tetiya Probhu hei tai ke koise, "Martha, Martha, tumi bisi alag kaam nimite chinta kori ase,
|
||||
\v 42 kintu khali ekta kaam tu hei bisi dorkar ase. Aru eitu Mary pora bhal kaam tu hei bisari loise, aru eitu tai logot pora ketiya bhi loi najabo."
|
||||
\c 11
|
||||
\p
|
||||
\v 1 Aru eneka hoise jetiya Jisu ekta jaga te prathana kori thakise, jetiya khotom hoise, ekjon chela Tar ke hudise, "Probhu, amikhan ke prathana sikhai dibi jeneka John tai laga chela khan ke sikaise."
|
||||
\v 2 Tar chela khan ke koise, "Jetiya tumikhan prathana koribo eneka kobi, 'Jehovah Isor, apunar raijyo ahibo, apuni laga echha pura hobo jeneka sorgo te eneka he prithibhi te bhi.
|
||||
\v 3 Ami khan ke kha luwa hodai dibe.
|
||||
\v 4 Ami khan laga paap tu maph dibi, ami khan bhi dusra laga paap maph dise. Ami khan ke porikha te giri bole nidibe.'"
|
||||
\v 5 Aru Tar taikhan ke koise, "Tumi khan logote kun sathi ase, aru tai logote rati te jai kene koi, "Sathi, moike tin ta roti dibi,
|
||||
\v 6 kelekoile moi laga ekjon sathi dusra jaga pora berai kene etiya ahise, moi taike dibole eku nai'?
|
||||
\v 7 Tetiya tai bhitor pora amike eneka kobo pare, 'Moi ke etiya digdar nokoribi. Dorja tu bon hoise, aru moi aru bachha khan etiya ghumai ase. Moi etiya uthi kene tumike eku dibo naparibo.'
|
||||
\v 8 Moi tumi ke koise, jodi bhi tai uthi kene tai laga sathi ke dibole mon nai, hoilebi tai mangi thaka karone tai ji hoilebi uthi kene tai ke jiman lage didibo.
|
||||
\v 9 Moi arubi tumi ke koi ase, mangibi, aru tumi pabo; bisaribi, aru tumi pai jabo, dorja te khatabi, khuli jabo.
|
||||
\v 10 Jun manu mange tai pai; jun manu bisare tai bhi pai; aru jun manu khatai taike khuli diye.
|
||||
\v 11 Apuni khan majote kun baba eneka ase, jodi bachha pora mas mange taike saap dibo?
|
||||
\v 12 Aru jodi tai anda mange, tai ke bichu dibo naki?
|
||||
\v 13 Eitu karne, tumi khan beya manu hoilebi nijor bacha ke bhal saman hei dibole jane, tene hoile sorgote thaka Baba Isor kun manu mange tai ke Pobitro Aatma nidibo naki?"
|
||||
\v 14 Tetiya Jisu ekta kotha kobole nadiya biya aatma ke khedai dise. Aru jetiya beya aatma tu ulai jaise, eitu manu kotha kobo parise, tate thaka manu khan asurit hoise.
|
||||
\v 15 Kintu kunba manukhan koise, "Tar satan ke khedai Beelzebul laga naam pora jun hei beya aatma khan laga raja ase."
|
||||
\v 16 Aru dusra manu khan, Jisu ke porikha kori kene koise, sorgo pora ekta asurit kaam dekhabole koise.
|
||||
\v 17 Kintu, tai khan laga bhabana jani kene Jisu hei koise, "Juntu raijyo alag-alag bhabana hoikene ase, eitu bhangi jabo, aru parivar alag-alag bhabana hoile, eitu parivar bhangi jabo.
|
||||
\v 18 Aru jodi saitan bhi alag-alag hoi jai, tai laga raijyo keneka khara hobo? Tumikhan koi ase moi Beelzebul laga takot pora saitan khedai.
|
||||
\v 19 Jodi moi beya aatma khan ke Bleezebul (Saitan aatma pora khedai), tetiya hoile tumi khan laga bachha khan kun laga aatma pora beya aatma khan khedai? Heitu karone, eitu khan hei tumi khan ke bichar koribo.
|
||||
\v 20 Jodi moi Isor laga anguli pora khedai, tetiya hoile Isor laga raijyo tu tumi khan usorte ahise.
|
||||
\v 21 Jetiya ekta takot thaka manu pora hatiyar loi kene ghor tu rokhi thake, tai laga ki-ki ase eitu naharai.
|
||||
\v 22 Kintu tai pora bhi bisi takot thaka manu tai ke hamla korile, tai, ke harai dibo, tai laga hatiyar bhi loi lobo, jun uporte tai bharose kore, aru ji dhun sompoti tai laga ase, sob bhag hoi jabo.
|
||||
\v 23 Kun manu moi logote nathake, moi laga birodh te ase, aru kun manu moi logote nathake, tai alag hoi jai.
|
||||
\v 24 Jetiya ekta beya aatma ekjon manu pora ulai jai, tai sukha jaga te aram pabole karone berai thake, aru koi, 'Moi poila kot te pora ulaise ta te aru bi wapas jai jabo.'
|
||||
\v 25 Aru jetiya tai ahhe, tai dekhe sob tu sapha aru bhal kore kene rakhi ase.
|
||||
\v 26 Tai jai kene aru sat-ta beya aatma loi kene eitu manu te ghusi jai. Poila pora bhi eitu manu laga jibon tu bisi beya hoi jai."
|
||||
\v 27 Etiya eneka hoise, jetiya Tar eitu kotha koi thakise, ekta maiki awaj uthai kene manu khan usorte Jisu ke koise, "Asirbad ase eitu ama jun apuni ke jonom dise aru dudh khilaise."
|
||||
\v 28 Kintu Tar koise, "Holebi, asirbad pabo jun manu Isor kotha huni kene mani thake."
|
||||
\v 29 Manu khan jetiya bhorta hoise, Tar kobole suru hoise, "Eitu manu khan paap laga khandan ase. Tai khan kiba ekta sabo le bisari thake kintu, kun asurit kaam tu taikhan ke nadikhabo khali Jonah laga chin hei dikhibo.
|
||||
\v 30 Jeneka Jonah Ninevite khan nimite asurit kaam korise, eitu nisina Manu laga Bachha bhi manukhan nimite eneka hobo.
|
||||
\v 31 Dakshin laga Rani bichar din te uthi kene etiya laga manu khan ke bichar koribo, kele tai duniya laga kona pora Solomon raja laga gyan kotha hunibole ahisile aru sabi Solomon pora bi mahan ekjon yate ase.
|
||||
\v 32 Nineveh laga manu khan uthai kene etiya laga manu khan ke bichar koribo, kelemane tai khan mon ghurai se Jonah prochar kora homoi te aru sabi, Jonah pora bi mahan ekjon yate ase.
|
||||
\v 33 Kunbhi diya tu jolai kene lukai narakhe kintu diya rakha jaga te rakhe, kun manu bhitorte ahhe puhor tu dekhi pai.
|
||||
\v 34 Tumar suku tu gaw diya ase. Jetiya tumar suku bhal thake, tumar pura gaw tu pohor pora bhorta hoi. Kintu jetiya beya hoi jaise, tumar gaw bhi pura andhar hoi jai.
|
||||
\v 35 Heitu karone, bisi savdhan hoi jabi eitu pora tumar jibon tu andhar nohobo nimite.
|
||||
\v 36 Jodi tumar gaw tu ujala pora bhorta hoi jai, aru kun jaga te bhi andhar nai, tetiya eitu ujala pora bhorta hoi jabo, jeneka tumi uporte puhor tu bhorta hoi thakibo."
|
||||
\v 37 Jetiya Tar koikene khotom hoise ekjon Pharisee para tai ke khabole matise. Jisu tai logote khabole bohise.
|
||||
\v 38 Jetiya Pharisees dekhi kene asurit hoise, Jisu khana kha agote hath dhula nai.
|
||||
\v 39 Kintu Jisu hei kole, "Tumi Pharisee khan kap aru borton laga bahar tu sapha kore, kintu tumi khan mon bhitorte beya aru lalchi pora bhorta thake.
|
||||
\v 40 Murkho manu! Jun hei tumi laga bahar tu bonai se, Tar tumi laga bhitor bhi bonaise?
|
||||
\v 41 Kintu tumi bhitor laga morom tu dikhai dibi, aru sabi, tumar pura jibon tu sapha hoi jabo.
|
||||
\v 42 Kintu hai Pharisee khan, tumikhan kheti laga sobji aru bagan te thaka pata khan loikene dos bhag diya, kintu hosa Isor laga prem tu namane, eitu koribole dorkar ase, aru dusra bhal kaam bi nacharibo lage.
|
||||
\v 43 Hai Pharisee khan, tumi khan Synagogue te sob se bhal jaga te bohi bole mon aru bazar te manu bhoi pora salaam diya tu khusi pai.
|
||||
\v 44 Hai Pharisee aru kanun chola manukhan, tumi khan nadekha kobor nisina ase, eitu uporte manu khan najenikene berai thake."
|
||||
\v 45 Tetiya ekjon kanun jana manu Jisu ke hudile aru koise, " Probhu, eitu koi kene ami khan ke sorom khilaise."
|
||||
\v 46 Tetiya Tar koise, "Hai tumikhan, kanun sika manu, tumi khan manu ke bhari bukhibole diya juntu tai khan bukhi bole napare, kintu tumi khan anguli pora eitu bhar tu bukhi bole mon nai.
|
||||
\v 47 Hai, tumikhan, bhaobadi khan laga kobor tu bonaise hoile bhi tumi khan laga baba khan tai khan ke morise.
|
||||
\v 48 Hosa koile, tumi khan laga baba khan pora ki kori se eitu laga tumi khan sakhi ase, tai khan pora morise aru tumi khan kobor khan bonaise.
|
||||
\v 49 Eitu korone Isor laga gyan pora sob koi dise, moi bhaobadi khan aru prochar kora manu ke potha bo, aru tai khan ke dukh dibo aru kunba ke morai dibo.'
|
||||
\v 50 Eitu karone, duniya shuru pora jiman bhaobadi laga khun ulai se, sob laga bichar etiya laga manukhan logote koribo.
|
||||
\v 51 Abel laga khun pora suru kori kene Zechariah, laga khun ula tak, jun ke pobitro jaga te moraise. Hoi, moi tumi khan ke koise, eitu sob hisab tu etiya laga manu khan pora dibo lagibo.
|
||||
\v 52 Hai kanun sikai diya manu, tumi khan gyan laga chabi tu loi kene rakhise; tumi khan be tai bhitorte najai aru kun manu jabole mon ase tai khan ke bhi jabo nadiye."
|
||||
\v 53 Jetiya Jisu ta te pora ulai jaise, kanun jana manu aru Pharisee khan eitu sob kotha tu huni kene khong uthise aru Tar logote jhagara korise,
|
||||
\v 54 tai khan rokhi thakise, Jisu kiba ekta golti kotha koile, Tar ke phasa bo koikene.
|
||||
\c 12
|
||||
\p
|
||||
\v 1 Eneka homoi te, hazar-hazar manu eke logote joma hoise, bisi manu huwa karone ekjon-ekjon uporte girise, Tar chela khan ke poila koise, "Pharisee khan laga chalaki pora savdhan hobi, kelemane tai khan chalak ase."
|
||||
\v 2 Eku kotha lukai rakhi bole naparibo, kintu bhitorte thaka kotha tu sob ulai jabo.
|
||||
\v 3 Eitu karne ki kotha andhar te koise, ujala te sob hunibo aru tumi ghor bhitorte ki kotha khan ki koise eitu kotha ghor uporte awaz uthai kene kobo.
|
||||
\v 4 Moi tumi khan ke koi ase sathi khan, bhoi nokoribhi jun manu tumi laga gaw tu morai dibo, aru eitu pichete tai khan eku koribo naparibo.
|
||||
\v 5 Kintu moi tumikhan ke koi dibo kun ke tumikhan bhoi koribole lage. Morai diya pichete, norok te phelabole jun laga takot ase, tai ke bhoi koribi. Hosa moi tumikhan ke koi ase Isor ke hei bhoi koribi.
|
||||
\v 6 Aru pastha ghor te thaka chiriya dui poisa te bikiri nokore naki? Hoilebi eitu khan ke be Isor napahore.
|
||||
\v 7 Tumikhan matha laga chuli bhi ekta-ekta pora ginti korikene ase. Bhoi nokoribi.Ghor te takha chiriya pora bhi bisi daam laga ase.
|
||||
\v 8 Moi aru bhi tumikhan ke kobo, jun manu moike manukhan usorte paap shikar kore, manu laga baccha tai bhi sorgodut usorte tai khan ke shikar koribo,
|
||||
\v 9 kintu jun manu moike manukhan usorte moike namati bo, moi bhi sorgodut usorte tai ke namati bo.
|
||||
\v 10 Jun manu moi laga bodnam koribo tai maph pabo, kintu kun manu Pobitro Aatma namani bo tai maph napabo.
|
||||
\v 11 Eitu karne jetiya tai khan tumi ke synagogue te loi jabo, aru kanun jana manu aru cholawta khan tumi khan ke kotha hudibo, tetiya tumikhan ki kobo lage eitu karone chinta nokoribi,
|
||||
\v 12 tumi khan ki kobo lage Pobitro Aatma eitu homoi sob sikhai dibo."
|
||||
\v 13 Tetiya kunba ekjon manu majo pora Jisu ke koise, "Probhu, moi laga bhai ke kobi tai laga dhun sompoti bhag kori kene moi ke dibole."
|
||||
\v 14 Kintu Jisu hei taike koise, "Bhai, tumikhan uporte bhag aru bichar koribole moi ke kun koise?
|
||||
\v 15 Tar manukhan ke koise, "Lalchi aru beya echha pora nijor ke bachai kene rakhibi, sob thakilebi manu laga jibon dhun sompoti bisi thaka para nohoi."
|
||||
\v 16 Jisu taikhan ke ekta kahani koise, "Ekjon dhoni manu laga mati ke bhal kheti ulaise,
|
||||
\v 17 Eitu manu mon te bhabikene koise, moi ki koribo, kheti bisi bhal hoise aru rakhibole jaga nai?'
|
||||
\v 18 Kintu tai koise, 'Moi eneka koribo: dhan ghor tu bhangai kene dangor ghor bonabo aru tate moi laga dhan aru sob bhal saman rakhibo.
|
||||
\v 19 Aru moi laga mon ke kobo, "Oh mon, bisi sal nimite kha luwa joma korikene rakhise. Kha luwa kori kene, khusi, koribi."'
|
||||
\v 20 Kintu Isor hei taike koise, "Okora manu, aji raati tumi laga aatma uthai lobo, aru ki dhun sompoti tumi joma kori kene rakhise, eitu jun laga hobo?'
|
||||
\v 21 Jun manu nijor nimite dhun sompoti joma kore, kintu Isor phane dhoni nahoi."
|
||||
\v 22 Tetiya Jisu hei tailaga chela khan ke koise, " Eitu nimite mai tumi khan ke koi ase, nijor laga jibon nimite chinta nokoribi, ki khabo aru ki phindibo, nijor gaw nimite chinta nokoribi.
|
||||
\v 23 Kelemane jibon tu kha luwa pora bhi dangor ase, aru tumi laga kapur pora bhi dangor tu tumi laga gaw ase.
|
||||
\v 24 Sabi akash te uri thaka chiriya khan ke, tai khan kheti bhi nakate. Aru tai khan laga dhan rakhibole jaga bhi nai, kintu Isor hei tai khan ke khabole diye.Tenehoile tumi khan chiriya pora bhi daam laga ase.
|
||||
\v 25 Kintu apuni khan bhitor te kun hei chinta korikene jibon tu lamba koribole paribo?
|
||||
\v 26 Aru jodi tumi khan eitu chutu kaam tu bhi koribole napare, tene hoile dusra kaam nimite kele chinta kori ase?
|
||||
\v 27 Sabi keti te lili phul tu keneka dangor hoi. Tai khan kheti bi nakore aru jama bi nakore. Hoilebi moi tumi ke koi ase, Solomon ekta dangor raja hoilebi lili phul nisina sundor hobo napare.
|
||||
\v 28 Kintu kheti laga ghas khan aji ase kali tu phelai dibo, hoilibi Isor hei eitu khan sundor pora bonai se, Oh bisas natakha manu khan, eitu khan pora bhi tumi khanke sundor nobonabo naki!
|
||||
\v 29 Aru tumi khan ki kha luwa koribo eitu nimite chinta nokoribi, aru bhagor nahobi.
|
||||
\v 30 Prithibi laga manu khan eitu khan pichete hei berai thake, kintu eitu tumi nimite dorkar ase, eitu Baba Isor hei sob jane.
|
||||
\v 31 Poila Isor laga raijyo dharmik jibon bisaribi tetiya sob pai jabo.
|
||||
\v 32 Komti manu, bhoi nokoribi, kelemane Baba Isor pora tumi khan ke raijyo dibole khusi ase.
|
||||
\v 33 Tumi khan logote ki ase sob tu bikiri kori kene gorib khan ke de dibi. Jun jaga te chor nahai aru puka bhi nakhai, sorgote tumi laga dhun sompoti jama kori eitu jaga te ketiya bhi naharabo.
|
||||
\v 34 Kelekoile jun jaja te tumi laga dhun sompoti thake, eitu jaga te mon tu hodai thake.
|
||||
\v 35 Tumi laga komor tu bandhi lobi, aru diya tu jolai rakhibi,
|
||||
\v 36 aru eneka manukhan nisina hobi jun malik ke shadi pora wapas aaha tu rukhi thake, aru jetiya tai ahhi kene dorwaja te mare, tai khan phot kori kene dorwaja tu khuli bole pare.
|
||||
\v 37 Asirbad ase eitu sewak khan jun malik ahha homoi te rukhi kene thake. Hosa pora moi tumi khan ke koi ase, Tar laga pet te kapra bandikene taikhan ke khabole jaga te bohai dibo, aru Tar ahikene nijer pora taikhan ke kha luwa khabole dibo.
|
||||
\v 38 Aru malik ji homoi te ahile bhi, tai khan sewak khan ke rukhi thak dekhile, eitu sewak tu asirbad ase.
|
||||
\v 39 Kintu eitu jani lobi, jodi malik tu jane tai laga ghor te chor ketiya ahhi bole ase, tetiya tai ketiya bhi ghor tu chor hobole nidibo.
|
||||
\v 40 Tumi khan be tayar kori thakibi, kelemane Manu laga Putro ki homoi te ahibo tumi kobo napare.
|
||||
\v 41 Tetiya Peter hei koi ase, "Probhu, apuni eitu kahani moi khan ke koi ase na, sob ke bhi koi ase?
|
||||
\v 42 Probhu hei koise, "Tenehoile kun tai khan majote bisasi sewak ase jun ke malik pora basi lobo tai laga dusra sewak khan ke sabole, tai khan laga kha luwa thik homoi te dibole?
|
||||
\v 43 Asirbad ase eitu sewak jetiya tai laga malik ahhi kene tai ke kaam kora dikhe.
|
||||
\v 44 Moi hosa koi ase tai eitu sewak ke tai laga sob dhun sompoti tu sabole di dibo.
|
||||
\v 45 Kintu jodi sewak tai laga mon te bhabe, 'Moi laga malik tu ahhi bole bisi homoi loi ase,' aru sewak khan ke maribole suru hoi, aru kha luwa kori kene, arunisa te giri thake,
|
||||
\v 46 aru tetiya tai laga malik achanak pora ahhi jabo, jun tu homoi te tai bhabana kori thaka nai, tetiya malik hei tai ke kati phelai dibo aru tai laga bodli dusra bhal ke kaam tu dibo.
|
||||
\v 47 Aru jun sewak tai malik laga echha tu jane, kintu malik laga echha nisina eku korikena nathake, tetiya hoile tai ke marikene bisi dukh dibo.
|
||||
\v 48 Kintu jun manu eku najane, hoilebi mar kha laga kaam tu kori thakise tai khan olop hei mari khabo. Kintu jun manu ke bisi diya hoise, tai khan logote pora bisi pabo lage, aru jun manu ke kaam bisi diya hoise, tai logote pora eitu sob kaam laga hisab mangibo.
|
||||
\v 49 Moi eitu duniyate jui phelabole ahise, aru moi eitu hei echha ase eitu suru hoi jai kene thakibo nimite.
|
||||
\v 50 Moi baptisma pora baptisma kori bole ase, aru moi chinta te ase jetiya tak eitu khotom nahoi!
|
||||
\v 51 Tumi khan bhabise naki moi eitu prithibi te shanti dibole ahise? Nahoi, moi hosa koi ase, kintu sob alag-alag hoi jabo.
|
||||
\v 52 Eitya pora ghor te pans jon bhi alag- alag hoi jabo- tin jon bhitorte te duijon aru duijon bhitor te tin jon dusman hoi jabo.
|
||||
\v 53 Tai khan alag hoi jabo, baba pora bachha khan ke charibo, aru bacha khan bhi baba ke charibo; ama pora chokori ke charibo aru chokori bhi ama laga dusman hobo, sas pora buwari ke charibo aru, buwari bhi sas ke charibo."
|
||||
\v 54 Etiya Jisu manu khan ke koise, "Tumi khan jetiya pachim phale badal utha dikhe, 'Borukhun ahise, aru eitu ahi jai.
|
||||
\v 55 Aru jetiya dakshin laga hawa mare, tumikhan koi, 'Bisi gorom ahibo,' aru eitu hoi jai.
|
||||
\v 56 Oh mon beya manu khan! Akash prithibi te ki dikhe eitu kobole jane, kintu tumi khan kele kobole najane ahha din te ki hobo?
|
||||
\v 57 Aru tumi khan hosa tu ki ase eitu bichar nakore?
|
||||
\v 58 Tumi dusman logote bichar koribole ja homoi te, rasta te thaka homoite eitu jhagara tu faisla koribole echha koribi, nohole tumike tani kene bichar ghor te loi jabo, sapha pora tumi ke daruga hath te di dibo, aru daruga pora tumike jail te hali dibo.
|
||||
\v 59 Moi tumi ke koi ase, tumi poisa laga sob hisab kitab pura nakora tak tumi ula bole naparibo."
|
||||
\c 13
|
||||
\p
|
||||
\v 1 Tetiya kunba manu khan eitu homoi te thakise aru Tar ke koise eitu khan Galilee laga manukhan ase jun ke Pilate pora bolidan kora homoi te tai khan laga khun bhi milai dise.
|
||||
\v 2 Jisu tai khan ke koise, "Tumi khan bhabi se naki eitu Galilee manu khan dusra Galilee manu khan pora bisi paapi asile naki kelemane tai khan eneka dukh paise?
|
||||
\v 3 Nohoi, moi tumi khan ke hosa kobo jodi tumi khan mon noghurai, tumi khan bhi eneka hei khotom hoi jabo.
|
||||
\v 4 Aru atharo jon manu kun khan uporte Siloam laga minar giri kene maridise, tumi khan bhabise naki tai khan Jerusalem te thaka manu khan pora bhi bisi paapi thaki sile?
|
||||
\v 5 Nohoi, moi tumi khan ke koi ase. Jodi tumi khan mon noghurai tai khan nisina khotom hoi jabo."
|
||||
\v 6 Tetiya Jisu ekta kahani koise, "Ekta manu tai laga bagan te ghas rupaisile, aru tai eitu ghas te phal bisarikene jaise, kintu eiku panai.
|
||||
\v 7 Tetiya tai bagan sa manu ke koise, "Sabi, tin sal moi eitu ghas te phal bisari kene ahise, kintu eiku panai. Kati dibi. Eitu mati tu kele nuksan koribo?"
|
||||
\v 8 Tetiya sewak pora malik ke koise, 'Probhu, eitu sal nimite chari dibi, moi aru ekbar bhal pora eitu ghas tu mol dikene sabo.
|
||||
\v 9 Jodi eitu ghas pora thik homoi te phal diye, tu bhal ase, kintu jodi eitu pora bhal phal nediye tenehoile, apuni eitu ghas tu kati dibo!"
|
||||
\v 10 Aru tetiya Jisu Sabbath din te synagogue khan te hikai thakise,
|
||||
\v 11 Aru tate ekta maiki athora sal pora komjor laga aatma thakise tai laga komor tu tera thakise aru ekdum shida koribo napari kene thakise.
|
||||
\v 12 Aru jetiya Jisu tai ke dikhise, Tar usorte mati kene koise, "Maiki, tumi laga komjori pora tumi mukti paise."
|
||||
\v 13 Tetiya Tar laga hath tai uporte rakhise, aru eitu homoi te tai sida hoi jaise aru tai Isor ke dhonyabad dise.
|
||||
\v 14 Kintu synagogue te thaka cholawta khan Jisu pora moike ke Sabbath din te bhal kora nimite eitu dikhi kene bhal panai aru manukhan ke koise, "Choi din tak kaam koribole dorkar ase. Eitu homoi te hei bhal hobole ahibi, kintu Sabbath din te nahibi."
|
||||
\v 15 Kintu Probhu tai khan ke koise, "Mon letera manukhan! Tumi khan Sabbath din te tumi khan laga guru, saguli khan ke tai laga ghor pora ulai kene pani khabole loi najai naki?
|
||||
\v 16 Eitu maiki, Abraham laga suwali ase, jun ke saitan para atharo sal tak bandhi kene rakhise tene hoile tai ke Sabbath din te kuli nidibo lage naki?"
|
||||
\v 17 Jetiya Tar eitu kotha kori kene khotom hoise, jun Jisu ke husa kori thakise tai khan sorom lagi jaise, kintu sob manu khan khusi kori kene dhonyabad di thakise jintu kaam Tar kori kene dikhai dise.
|
||||
\v 18 Tetiya Jisu hei koise, "Isor laga raijyo tu keneka ase, aru moi eitu ke ki logote tulona koribo?
|
||||
\v 19 Eitu ekta sorso guti nisina ase jeneka ekta manu hei loi kene tai laga kheti te phelaise, aru eitu dangor hoikena ghas hoi jaise, aru ta te chiriya khan bhi ahikene ghor bonai thakise."
|
||||
\v 20 Aru Tar koise, "Isor laga raijyo tu ki logote tulona koribo?
|
||||
\v 21 Ekta ama pora tin tukri chawal guri majote khomir dhali dise, jetiya tak eitu phuli janai."
|
||||
\v 22 Aru Jisu taun aru bostikhan te jai kene hikai thakise aru Jerusalem te jabo nimite tayar kori thakise.
|
||||
\v 23 Etiya ekjon pora Tar ke koise, "Probhu, jun poritron pai ase tai khan olop jon hei ase naki?" Tetiya Tar taikhan ke koise,
|
||||
\v 24 "Eitu chutu rasta te jabole nimite dukh koribi, kelemane moi tumi khan ke koi ase, bisi manu eitu te ghusi bole kosis koribo, kintu ghusi bole naparibo.
|
||||
\v 25 Jetiya ghor laga malik pora dorwaja tu bon koridibo, tetiya tumi dorja tu marikene kobo, 'Probhu, moi khan nimite khulibhi.' Kintu tai tumi khan ke kobo, 'Moi tumi khan ke najane, tumi khan kot pora ase.'
|
||||
\v 26 Tetiya tumi hei kobo, 'Moi khan apuni logote bohi kene eke logote khai sile, aru moi khan laga jaga te ahikene sikai dise.'
|
||||
\v 27 Tetiya Tar kobo, 'Moi tumi khan ke koi ase, moi tumi khan kot pora ahise najane. Moi usor pora dur hoi jabi sob beya kaam kora khan!'
|
||||
\v 28 Eitu jaga te, kandi thakibo, aru dath chubabo aru jetiya Abraham, Isak aru Jakob aru sob bhaobadi khan ke Isor laga raijyo tu dekhibo, kuntu pora tumi khan ke bahar phelai dibo.
|
||||
\v 29 Tai khan purab, paschim, uttar aru dakshin pora ahikene Isor laga raijyo te bohibo.
|
||||
\v 30 Aru sabi, kun manu pichete thakise tai khan aghe te ase, aru kunba jun aghe te ase, tai khan pichete hoi jabo."
|
||||
\v 31 Eitu homoi te, kunba Pharisee khan Tar usorte ahikene koise, "Ami khan ke charibhi aru yate pora jai jabi, kele mane Herod tumi ke morai dibole bisari ase."
|
||||
\v 32 Jisu hei tai khan ke koise, "Jai kene siyal ke kobi, 'Sabi, moi beya aatma khan ke khedai dise aru bimar khan ke aji aru kali bhal korise, aru tin din pichete moi laga lakshya te ponchi jabo.'
|
||||
\v 33 Jeneka hoile bhi moi kori thaki bole aji, kali bhi aru aha din te bhi, kele Jerusalem te bhaobadi khan harai ja tu bhal nai.
|
||||
\v 34 Oh Jerusalem, Jerusalem, kun hei bhaobadi khan ke morai diya aru tumi khan usorte ahile pathor pora mari kene pothai diye. Moi kiman echha korise tumi khan laga bachha khan ke eke logote rakhibole nimite jeneka ekta murgi tai laga bachha khan ke pakhi nichete rakhe. Kintu tumi khan eitu echha nokore
|
||||
\v 35 Sabi, tumi khan laga ghor tu khali hoi jaise. Kele moi kobo, tumi khan moi ke aru nedikhibo eitu homoi naha tak, jetiya tumi khan kobo, 'Asirbad pabo jun Probhu laga naam te ahise.'"
|
||||
\c 14
|
||||
\p
|
||||
\v 1 Etiya eneka hoise, Jisu ekta Pharisee khan laga ghorte Sabbath din te khana kabole nimite jaise, aru tai khan Tar ke bhal pora sai thakise.
|
||||
\v 2 Aru tate ekta manu thakise jun gaw phula bimar pora dukh pai thakise.
|
||||
\v 3 Tetiya Jisu Pharisee khan aru kanun jana manu khan ke hudi kene koise, "Sabbath din te changai koribole pare na nai?"
|
||||
\v 4 Kintu tai khan eku kuwa nai tetiya Jisu taike dhorise aru changai kori dise, aru taike pothai dise.
|
||||
\v 5 Tetiya Tar tai khan ke koise, "Tumi khan majote kunba, tai laga bachha nahole bhi tai laga janwar Sabbath din te pani te girile jai kene phat kori kene uthai nolobo naki?"
|
||||
\v 6 Tai khan eitu kotha te eku jowab dibo para nai.
|
||||
\v 7 Tetiya Tar taikhan ke kahani koi thakise jun ke ghor te khabole matisile, tai khan keneka kori kene bhal jaga te bohibole pabo, eitu Jisu hei dekhikene koise,
|
||||
\v 8 J"etiya tumikhan ke sadi khabole mate, tumi khan bhal jaga te nobohe, kintu tumi khan pora bhi kunba bhal manu ke mati kene tate bohi bole nimite eitu jaga tu rakhi dise,
|
||||
\v 9 aru jetiya kun pora tumi aru dusra manu jun ke khabole matise tai ahijai, tai tumikhan ke kobo, 'Tumi laga jaga tu tai ke dibi,' aru tetiya sorom pora tai ke eitu jaga tu dikena tumi chotu jaga te hei bohi jai.
|
||||
\v 10 Jetiya, tumi ke mate, jabi aru sob se chotu jaga te hei bohibi, jetiya jun pora tumike matise tai ahibo, tai tumike kobo, 'Sathi, uporte ahibi.' Tetiya tai laga sonman tu dusra manu bohi thaka usorte bisi hoi jabo.
|
||||
\v 11 Jun manu nijor ke dangor kori bole bisare tai chutu hoi jabo, aru jun manu tai nijor ke chutu kore tai ke uthai dibo."
|
||||
\v 12 Tetiya tai eitu manu ke kobo jun hei tai ke matise, "Jetiya tumi kha luwa koribo, tumi laga bhal, sathi, ghor manu khan aru dhoni manu ke namatibi, nohoile tai khan bhi tumi ke matibo, aru tumi tai khan nimite ki korise eitu hei pabo.
|
||||
\v 13 Kintu jetiya tumi kha luwa kore, garib, berabole napara, andha aru bimar manu khan ke matibo,
|
||||
\v 14 aru tumi khan asirbad pabo, kelemane tai khan tumi ke ghurai kene eku dibole naparibo. Kintu tumi khan ke Jisu Khrista wapas lobole ahha homoi te bisasi khan logote sob kaam laga enam dibo.''
|
||||
\v 15 Jetiya jun table te bohi thakise eitu khan hunise, tai Jisu ke koise, "Asirbad ase jun Isor laga raijyo te roti khabo!"
|
||||
\v 16 Kintu Jisu hei taike koise, "Ekta manu dangor kha luwa bonai kene manu khan ke matise.
|
||||
\v 17 Aru jetiya khabole homoi ahise, tai laga sewak khan ke pothai kene jun manu khan ke matise tai khan ke koise, 'Ahibi, sob tu tayar hoi jaise.'
|
||||
\v 18 Kintu tai khan sob nijor bahana koribole suru hoise. Poila ekjon pora koise, 'Moi ekta kheti kinise, aru moi tate jai kene sabo lagibo. Morom pora beya napabi.'
|
||||
\v 19 Aru ekjon pora koise, moi pasta guru kinise, moi taikhan ke kheti te loi jaikena ekbar sabo. Morom pora beya napabi.'
|
||||
\v 20 Aru dusra ekjon pora koise, 'Moi ekjon maiki logote sadi korise, aru eitu nimite moi ahibole naparibo.'
|
||||
\v 21 Tetiya sewak khan hei sob kotha tu tai laga malik ke ahikene koise. Ghor laga malik khong uthi kene, sewak khan ke koise, 'Bahar te joldi jabi aru bosti rasta pora gorib manu, berabole napara, chuku andha aru bimar manu ke loi anibi.'
|
||||
\v 22 Tetiya sewak khan pora koise, 'Probhu apuni ki koise eneka kori dise, aru bhi bisi jaga bachi kene ase.'
|
||||
\v 23 Tetiya malik tai laga sewak khan ke koise, 'Bahar te jabi aru rasta kinar aru jun jaga pora hoile tai khan ke mati kene loi anibi, moi laga ghor tu bhorta hobo lage.
|
||||
\v 24 Moi tumi khan ke koi ase, jun manu khan ke moi poila matisile tai khan moi ki kha luwa bonaise eitu khabo le napabo.'"
|
||||
\v 25 Etiya bisi manukhan Jisu laga pichete jai thakise, Tar ghuri kene tai khan ke koise,
|
||||
\v 26 "Jun manu moi logote ahibole echha ase kintu tai nijor laga baba, ama, maiki, bachha, bhai, bhoini aru nijor jibon tu ghin nokore, tai moi laga chela hobole naparibo.
|
||||
\v 27 Jun manu tai nijor laga crus uthai kene moi pichete nahe tai moi laga chela hobole naparibo.
|
||||
\v 28 Jun manu ekta ghor bonabole echha kore, tai poila bohi kene kiman poisa ase eitu gonti nokore- tai logote poisa thaka tu ghor khotom koribo paribole nimite punchibo na nai?
|
||||
\v 29 Jetiya, tai ghor laga bhetimul tu uthai dibo, aru ghor tu khotom koribole naparile, sob manu sai kene tai ke hasi dibo,
|
||||
\v 30 aru kobo, eitu manu ghor tu bonai kene shuru korise kintu khotom koribole paranai.'
|
||||
\v 31 Aru ekta raja, dusra raja logote larai kori bole ase, tai poila bohi kene nasabo naki, tai laga das hazar manu pora dusra raja laga bis hazar logote larai koribo paribona nai?
|
||||
\v 32 Kintu, tai dur te thaka homoi te, ekjon manu ke shanti pora kotha kori kene larai tu rukhai dibo.
|
||||
\v 33 Eitu nisina, jun manu tai laga sob dhun sompoti chari kene nahile moi laga chela hobole naparibo.
|
||||
\v 34 Eitu nimite nimok tu bhal ase, kintu nimok tu tai laga swadh tu harai dile ki nimite laab hobo?
|
||||
\v 35 Eitu mati nimite bhi kaam nai aru kheti te mol kori bole bhi kaam nahibo. Tai khan eitu phelai dibo. Jun manu logote hunibole kan ase, tai khan huni bi."
|
||||
\c 15
|
||||
\p
|
||||
\v 1 Aru eitu homoi te sob poisa utha aru paapi manu khan Jisu laga kotha hunibole nimite ahise.
|
||||
\v 2 Kintu Pharisee khan aru kanun jana manu khan ekjon-ekjon logote koi thakise, "Eitu manu paapi khan ke ma te, aru tai khan logote bohi kene khai."
|
||||
\v 3 Tetiya Jisu hei eitu kahani taikhan ke koise,
|
||||
\v 4 "Iyate kun ase, jun logote ekso bhera ase kintu tai ekta harai se koile, tai eitu ninyanve ke jongol te chari kene jun tu harai kene ase eitu ke bisari bole najabo naki?
|
||||
\v 5 Aru jetiya tai eitu bhere tu pai jai, tai laga pithi te uthai kene khusi pora loi ane.
|
||||
\v 6 Jetiya tai ghor te ahijai, tai sob ke mate, tai laga sathi aru usorte thaka manu khan ke, tai khan ke koi, 'Khusi koribi moi logote, moi laga harai kene thaka bhere pai jaise.'
|
||||
\v 7 Moi tumi khan ke koi ase, sorgote bhi eneka khusi koribo jetiya ekta paapi manu mon ghurai kene ahibo, eitu ninyanve pora bhi bisi jun manu mon ghurabole mon nai.
|
||||
\v 8 Aru kun maiki, jun logote dosta chandi laga poisa ase, jodi tai eitu harai diye, tai diya tu jolai kene aru ghor tu jharu marikene sob sapha kuri kene jetiya tak napai nibisaribo naki?
|
||||
\v 9 Aru jetiya tai eitu poisa tu pai loi tai laga sathi aru ghor usorte thaka manu khan ke mati kena, koi 'Moi logote khusi koribi, kele mane moi laga harai juwa poisa tu moi paise.'
|
||||
\v 10 Eitu nisina, moi tumi khan ke koi ase, aru Isor laga sorgodut majote bhi khusi hoi jetiya ekta paapi manu mon ghurai kene ahe."
|
||||
\v 11 Tetiya Jisu hei koise, "Ekta manu laga duita chokora thakise,
|
||||
\v 12 aru chutu chokora pora baba ke koise, 'Baba, moi laga dhun sompoti te ki bhag ase eitu moike dibi.' Tetiya tai laga baba pora dui bhag kori kene dui jon ke di dise.
|
||||
\v 13 Aru bisi din nohoi kene, chutu chokora tai laga ki ase eitu sob joma kori kene dur jaga te jai jaise, aru tate tai laga sob dhun sompoti cholai kene khotom kori dise.
|
||||
\v 14 Jetiya tai logote ki thakise eitu sob khotom hoi jaise, aru eitu pura desh te dangor akal ahi jaise, aru tai bisi dukh pai thakise.
|
||||
\v 15 Tetiya tai kaam bisari kene ekta manu laga ghor te jaise, aru eitu manu pora taike kheti te gahori ke dana khila bo nimite pothai dise.
|
||||
\v 16 Tai ke bisi bhuk lagi thakise aru tai gahori dana hoile bhi khabo bhabi kene jaise, kintu tai khabole eiku panai.
|
||||
\v 17 Jetiya tai nijor laga halat dekhise, tai koise, 'Moi laga baba ghorte kiman ta sewak thakise tai khan bhi pet bhorta kori kene khabole pai thakibo, kintu moi yate, bhuka pora muri bole ase!
|
||||
\v 18 Moi uthi kene moi laga baba ghor te jabo, aru tai ke kobo, "Baba, moi sorgo aru apuni agete paap korise.
|
||||
\v 19 Moi apuni laga chokora kobole layak nai; moike bhi apuni laga ekta sewak nisina hei bonai kene rakhibi."
|
||||
\v 20 Tetiya tai uthi kene baba laga ghor te jaise. Jetiya tai dur te hei thakise, tai laga baba pora dekhise aru morom pora bhorta hoi jaise, tai aru polai jai kene tai ke dhuri chuma dise.
|
||||
\v 21 Tetiya chokora pora koise, 'Baba, moi sorgo aru apuni usorte paap korise. Moi apuni laga chokora kobole layak nai.'
|
||||
\v 22 Kintu baba pora tai laga sewak khan ke koise, 'Sob se bhal kapra joldi anibi, aru tai ke lagai dibi, aru tai laga anguli te anguthi lagai dibi, aru nutun chapal bhi lagai dibi.
|
||||
\v 23 Aru sob se bhal guri tu ani kene maribi, aru moi khan sob kha luwa kori kene khusi koribo!
|
||||
\v 24 Kelemane moi laga chokora tu mori jaisile, kintu eitya jinda hoise; tai harai jaise, kintu etiya pai loise. Tetiya tai khan sob khusi korise.
|
||||
\v 25 Eitu homoi te tai laga dangor chokora kheti te thakise. Jetiya tai ghor usorte ponchise, tai manukhan gana kori kene nachi thaka hunise.
|
||||
\v 26 Tetiya tai ekta sewak ke mati kene ki hoi ase eitu hudise.
|
||||
\v 27 Tetiya sewak pora koise, 'Tumi laga bhai wapas ahise aru tumi laga baba pora sob se bhal guru katise. Kelemane baba pora tumi laga bhai ke bhal kori kene wapas pai loise.
|
||||
\v 28 Kintu dangor chokora tu khong uthise aru bhito rte jabole mon kora nai, eitu karone tai laga baba bahar te ulai kene tai ke ahibole nimite matise.
|
||||
\v 29 Kintu dangor chokora pora tai laga baba ke koise, 'Sabi, eman sal moi apuni nimite kaam korise, aru ketiya bhi kanun bhanganai, hoilebi apuni moike ekta chutu sagole bhi diyanai moi laga sathi khan logote jai kene khusi koribole,
|
||||
\v 30 kintu jetiya apuni laga eitu chokora ahise, jun hai apuni laga dhun sompoti sob tu beya kam kori kene phelai dise, tai nimite apuni sob se bhal guru tu katise.'
|
||||
\v 31 Tetiya baba hei taike koise, 'Bacha, tumi hodai moi logote ase, aru eitu sob tu tumi laga hei ase.
|
||||
\v 32 Kintu eitu kha luwa kori kene khusi koribole nimite dorkar thakise, kelemane tumi laga eitu bhai mori jaisile; kintu etiya jinda hoise; tai harai jaisile, hoilebi etiya tai ke pai loise.'"
|
||||
\c 16
|
||||
\p
|
||||
\v 1 Tetiya Jisu hai chela khan ke koise, "Ekta dhoni manu thakise aru tai laga ekta sewak bhi thakise, kintu tai poisa korcha kori ase koikena kunba pora malik ke koi dise.
|
||||
\v 2 Tetiya dhoni manu tai ke mati kene hudise, 'Eneka kotha khan tumi laga moi kele huni ase? Tumi ki kaam korise eitu sob hisab kitab moike dibi, kelemane tumi aru moi nimite kaam koribole naparibo.'
|
||||
\v 3 Tetiya eitu sewak pora tai nijor ke koise, 'Moi etiya ki koribo, moi laga malik pora kaam tu moi pora loi lobole ase? Moi eman takot nai khundibole nimite aru moi sorom lage bhik mangibole nimite.
|
||||
\v 4 Moi ki koribole lage moi jane, jetiya moike kaam pora ulai dibo, manukhan taikhan laga ghorte moike matibo.'
|
||||
\v 5 Tetiya sewak pora jiman manu malik pora dhar loi kene thakise sob ke tai matise, aru poila ekjon ke hudise, 'Tumi moi laga malik ke kiman dibole ase?'
|
||||
\v 6 Tai koise, 'Moi ekso bottle olive tel dibole ase.' Tetiya tai ke koise, 'Tumi laga hisab lobi aru joldi bohi kene, likhibi pachas.'
|
||||
\v 7 Aru dusra ke hudise, 'Aru tumi kiman dibole ase?' Tai koise, ekso bag chawal.' Taike koise, 'Eitu hisab lobi, aru joldi pora likhibi assi.'
|
||||
\v 8 Tetiya malik pora eitu beya sewak jun chalaki pora kaam kora nimite tai ke bhal paise, aru tai ke koise. Kelekoile, jyoti laga chokora khan pora bhi eitu yug laga chokora khan taikhan nijor laga yug khan pora bhi bisi chalak ase.
|
||||
\v 9 Moi tumi khan ke koi ase, paap laga dhun sompoti pora sathi bonai, aru jetiya etu khotom hoi jai, dukh pa jaga te loi jai.
|
||||
\v 10 Jun manu olop te bhi bisas hoi kene thake tai bisi te bhi eneka hai thake, aru jun manu olop te bhi thoka baji kore tai bisi te bhi eneka hei kore.
|
||||
\v 11 Jodi tumi khan eitu sapha nathaka dhun tu bhal pora cholai kene rakhibo napare, tene hoile eitu hosa dhun tu tumi khan ke kun pora dibo?
|
||||
\v 12 Aru tumi khan dusra manu laga dhun tu bhal kori kene nocholai le, tetiya tumi nijor laga dhun tu keneka cholabo?
|
||||
\v 13 Ekta sewak pora duita malik laga kaam koribo naparibo, eneka korile tai ekjon ke ghin koribole lagibo aru ekjon ke morom koribole lagibo, aru nohoile ekjon ke chari kene dusra hei jai jabo. Tumi khan Isor aru dhun sompoti eke logote sewa koribole naparibo.
|
||||
\v 14 Aru tate thaka Pharisee khan jun poisa ke morom kore, eitu kotha khan jetiya hunise, taikhan Jisu uporte beya paise.
|
||||
\v 15 Tetiya Jisu hai tai khan ke koise, "Tumi khan manu usorte nijor ke bhal dikhai, kintu Isor tumikhan laga mon tu jane. Jun manu usorte dangor hobole bisare tai Isor usorte komjor hoi jai.
|
||||
\v 16 Bhaobadi khan aru kanun khan John laga homoi tak hei thakise. Eitu homoi para Isor laga raijo laga kotha tu prochar hoise, aru sob manu eitu jani bo nimite joborjost jaise.
|
||||
\v 17 Sorgo aru prithibi harabo nimite asan ase kintu ki kanun te sikai ase eitu harai najabo.
|
||||
\v 18 Kun manu tai laga sadi kori kene thaka maiki ke chari diye aru dusra maike ke sadi kore tai paap kaam kore, aru jun manu mota pora chari diye maiki logote sadi kore tai bhi paap kaam kori ase.
|
||||
\v 19 Etiya ekta dhuni manu thakise, tai dami aru bhal kapur lagai kene asile, hodai din khusi aru moja pora thake.
|
||||
\v 20 Kintu ekta gorib manu Lazarus koi kene thakise aru tai laga gaw tu beya ghaw pora bhorta kori kene dhuni manu laga gate usorte bohi thake,
|
||||
\v 21 aru eitu dhoni manu laga thali pora ki giribo eitu khabole nimite rukhi thake. Kintu kuta khan bhi ahhi kene tai laga ghaw tu chati thake.
|
||||
\v 22 Etiya eitu gorib manu tu mori jaise, aru tai ke sorgodut pora Abraham laga usorte loi jaise. Aru eitu dhoni manu bhi mori jaise aru tai ke kobor te di dise,
|
||||
\v 23 aru ketiya bhi khotom nohuwa jaga pora tai laga suku tu uthai kene Abraham ke dekhise aru tai laga usorte Lazarus ke bohi thaka dekhise.
|
||||
\v 24 Tetiya eitu dhoni manu kandi kene koise, 'Baba Abraham, moi uporte morom koribi aru Lazarus ke pothai dibi, iyate tai laga anguli pora hoilebi moi ke pani di kene jiba tu thanda kori dibo, kelemane moi eitu jui te juli kene dukh pai ase.
|
||||
\v 25 Kintu Abraham pora koise, 'Bachha, yaad koribi tumi laga jibon te sob bhal saman hai paise, aru Lazarus tu sob beya hai paise. Kintu etiya tai iyate aram pora ase, aru tumi dukh te ase.
|
||||
\v 26 Eitu sob tu sai kene, tumi aru moikhan majote ekta dangor rasta bon korikene ase, jun manu iyate pora tumi logote jabo naparibo aru tai khan bhi tate pora iyate ahibo naparibo.'
|
||||
\v 27 Tetiya dhoni manu hai koise, 'Moi apunike anurodh kori ase, baba, apuni kunba ke moi laga baba ghor te pothai dibi-
|
||||
\v 28 kelekoile moi laga pansta bhai ase, tai khan ke hosiar koridibole, kelemane tai khan bhi eitu dukh khotom noha jaga te nahibo.'
|
||||
\v 29 Kintu Abraham koise, 'Tai khan logote Moses aru dusra bhaobadi khan bhi ase; tai khan laga kotha hunibo dibi.'
|
||||
\v 30 Kintu dhoni manu pora koise, 'Nohoi baba Abraham, kintu kunba manu mora pora uthai kene jaile, tai khan mon ghurabo.'
|
||||
\v 31 Kintu Abraham taike koise, 'Jodi tai khan Moses aru bhaobadi khan laga kotha namane, tene hoile, mora manu uthi jai lebhi tai khan mon naghurabo.'"
|
||||
\c 17
|
||||
\p
|
||||
\v 1 Jetiya Jisu hei chela khan ke koise, "Dukh ketiya bhi nahibo eneka kun bhi kobo napare, kintu jun manu eitu dukh tu loi kene ahhe, tai tu saza pabo!
|
||||
\v 2 Eneka manu dusra ke dukh diya pora nijor gola te pathor bandhi kene pani nichete phelai dile hei bhal hobo.
|
||||
\v 3 Nijor ke bhal korikene sai lobi. Jodi apuni laga bhai paap kori ase, tene hoile tai ke rukhai dibi; aru jodi tai mon ghurai, maph kori dibi.
|
||||
\v 4 Jodi bhi tai tumi logote sath bar paap kaam kore ek din te, aru sath bar wapas ahi kene koi, 'Moi ke maph dibi' tumi tai ke maph koribo lage!"
|
||||
\v 5 Apostles khan Probhu ke koise, "Moi khan laga bisas tu uthai dibi."
|
||||
\v 6 Tetiya Probhu hei koise, "Tumi khan laga bisas ekta sorso guti nisina thakile bhi, tumi khan eitu mulberry ghas ke kobo, 'Niche shikor pora ulai jabi, aru jai kene samundar te ulabi,' aru eitu tumi laga kotha manibo.
|
||||
\v 7 Aru iyate kun manu hai tai laga sewak kheti te kaam kori thaka homoi te nohoile bhi saguli rukha homoi te tai ke kobo, 'Joldi ahikene kha luwa koribi'?
|
||||
\v 8 Kintu, tai eitu manu ke eneka nokobo naki, 'Moi kiba khabole nimite tayar koribi, aru tumi laga kapur tu bandi lobi jetiya moi kha luwa kore, aru eitu pichete tumi kha luwa koribi'?
|
||||
\v 9 Toi laga sewak ke ki hukum dise eitu kori diya nimite malik pora dhonyabad dise naki?
|
||||
\v 10 Eitu nisina tumikhan bhi, jetiya tumi khan ke hukum dise eitu kori loise, tumi khan eneka kobo lage, "Moi khan layak nathaka sewak ase. Moi khan ke ki koise eitu hai korise.'"
|
||||
\v 11 Aru eitu homoi te jetiya Jisu Jerusalem te jaise, Tar Samaria aru Galilee phane pora jai thakise.
|
||||
\v 12 Jetiya tai ekta bosti te ponchise, dosta bimar manu lok paise. Tai khan dur te khara kori thakise.
|
||||
\v 13 Aru tai khan awaj uthai kene, koise, "Jisu, Probhu, moi khan uporte morom koribi."
|
||||
\v 14 Jetiya Tar taikhan ke dekhise, Jisu tai khan ke koise, "Jabi aru nijor ke cholawta khan ke dikhabi." Aru jetiya tai khan jai jaise, tai khan sapha hoi jaise.
|
||||
\v 15 Tetiya ekjon tai khan majot pora, bhal hoise eitu dekhise, ghuri kene saise aru jor awaz pora Isor ke mahima korise.
|
||||
\v 16 Tai Jisu laga paw nichete giri jaise, aru Tar ke dhonyabad dise. Tar ekta Samaritan manu thakise.
|
||||
\v 17 Tetiya Jisu hai taike koise, "Dos jun manu bhal huwa nai naki? Nojun tu kot-te ase?
|
||||
\v 18 Tai khan majote aru Isor ke dhonyabad dibole kun bhi wapas aha nai naki, khali eitu manu jun alag desh pora ase?"
|
||||
\v 19 Jetiya Jisu hei taike koise, "Uthibi aru jabi. Tumi laga bisas pora tumike bhal korise."
|
||||
\v 20 Jetiya Pharisee khan pora hudise Isor laga raijyo tu ketiya ahibo, Tar taikhan ke koise, "Isor laga raijyo tu koi kene nahai.
|
||||
\v 21 Aru eneka nokobo, 'Sabi, iyate ase!' nohoile 'Tate ase!' Kintu sabi, Isor laga raijyo tu tumikhan majote ase."
|
||||
\v 22 Tetiya Tar laga chela khan ke koise, "Eneka din ahibo, jetiya tumikhan manu laga bachha, ke sabole echha koribi, kintu tumi khan dekhi napabo.
|
||||
\v 23 Tetiya tai khan pora tumike kobo, 'Sabi tate!' nohoile "Sabi iyate!" Tumi tai khan laga pichete nopolabi,
|
||||
\v 24 jetiya akash te bijili mara homoi te ekta jaga pora dusra jaga te ujala dikhe eitu nisina manu laga bachha bhi eneka hobo.
|
||||
\v 25 Kintu poila tai bisi dukh pabo lagibo etiya laga manu khan hath pora.
|
||||
\v 26 Jeneka Noah laga homoi te hoisile, eneka din Manu laga Putro thaka homoi te bhi hobo.
|
||||
\v 27 Tai khan kha luwa kori thakise, sadi kori thakise, aru jibon tu duniya laga khusi pora moja kori thakise, juntu din te Noah dangor naw bhitorte ghusi jaise, dangor hawa pani ahhi kene manu ke khotom kori dise.
|
||||
\v 28 Aru eneka din Lot laga homoi te bhi hoise- tai khan khai thakise, moja kori thakise, ekjon ekjon logote luwa-diya kori thakise, kunba ghor bonai thakise aru kunba kheti kori thakise:
|
||||
\v 29 kintu jetiya Lot Sodom pora ulai ahise, akash pora jui ahhi kene sob manu ke khotom kori dise.
|
||||
\v 30 Aru eneka hei din ahibo jetiya manu laga bachha tu sob manu khan usorte dekhai dibo.
|
||||
\v 31 Aru eitu din te, jun manu ghor uporte ase aru tai laga saman khan ghor te ase, tai ke eitu saman lobole nimite nichete jabo nadibi; aru jun manu kheti te kaam kori ase, eitu ke ghuri kene pichete sabole nadibi.
|
||||
\v 32 Lot laga maiki ke yaad koribi.
|
||||
\v 33 Jun manu tai laga jibon bachi bole bisare tai harai dibo, kintu jun manu nijor jibon tu Isor nimite harai diye tai bachai lobo.
|
||||
\v 34 Moi tumi khan ke koi ase, eitu rati te duijon ghumai thakibo. Ekjon ke uthai lobo, aru ekjon tu chari jabo."
|
||||
\v 35 Aru eitu nisina duita maiki eke jagate dhan khundi thaki bo. Ekjon ke uthai loi jabo aru ekjon ke chari jabo."
|
||||
\v 36 Duijon manu kheti te kaam kori thakibo, ekjon ke loi jabo aru ekjon ke chari jabo.
|
||||
\v 37 Tetiya taikhan pora Jisu ke koise, "Kot-te Probhu?" Tetiya Tar taikhan ke koise, "Jun jaga te manu laga gaw thake, tate pucha mangso kha chiriya khan bhi joma kori kene thake."
|
||||
\c 18
|
||||
\p
|
||||
\v 1 Tetiya Tar taikhan ke kahani koise keneka tai khan prathana koribo lage aru ketiya bhi mon chutu nokoribo lage.
|
||||
\v 2 Aru koise, "Ekta citi te ekjon kanun chola manu thakise aru tai Isor ke bhoi nokore aru manu khan ke bhi hisab nokore.
|
||||
\v 3 Aru eitu city te ekta mota mori juwa maiki thakise, aru tai, eitu manu usorte hodai ahhi thake, aru koi, 'Moi laga dusman khan pora moike niyai dibi.'
|
||||
\v 4 Bisi din pora tai eitu maiki laga kaam koridibo mon thaka nai, kintu eitu maiki bisi kuwa nimite tai nijor ke koise, 'Moi Isor ke bhoi nokore aru manu ke hisab nokore,
|
||||
\v 5 kintu eitu maiki moi ke hodai digdar diya nimite, moi tai nimite niyai kori dibo, eneka kori dile tai aru hodai ahhi kene moi ke digdar nokoribo."'
|
||||
\v 6 Tetiya Probhu koise, "Hunibi eitu kanun chola manu pora ki koise.
|
||||
\v 7 Etiya Isor hai jun ke bachai loise tai ke sajai nidibo naki? Jun tai usorte din aru rati khandi thake? Tai khan laga kotha hunibo nimite deri rukhi thakibo naki?
|
||||
\v 8 Moi tumi khan ke koi ase, tai joldi pora niyai tu ani dibo. Jetiya Manu laga Putro ahibo, Tar eitu duniya te bisas tu pabo?"
|
||||
\v 9 Aru Tar eitu kahani bhi koise jun tai khan nijor ke bhal manu ase koi thakise aru dusra ke ghin kori thakise,
|
||||
\v 10 "Duita manu prathana koribole nimite jaise- ekjon Pharisee, aru ekjon poisa utha manu.
|
||||
\v 11 Aru eitu Pharisee khara kori kene tai nijor logote eneka prathana kori thakise, 'Isor, moi apunike dhanyobad di ase moi dusra manu khan nisina nohoi- chor, beya manu, paap kaam kori kene thaka manu aru poisa utha manu khan nisina bhi nahoi.
|
||||
\v 12 Moi hapta te duibar upwas loi. Moi ki pai eitu laga dos bhag bhi diye.'
|
||||
\v 13 Kintu poisa utha manu, dur te khara kori kene, tai nijor matha bhi sorgo phane sanai, kintu tai laga chati tu mari kene, koise, 'Isor, moi uporte morom koribi, moi ekta paapi manu.'
|
||||
\v 14 Moi tumi khan ke koi ase, eitu Pharisee pora jun poisa utha manu thakise tai ke Isor usorte mahima pai kene nijor ghor te jaise. Kelemane jun manu tai nijor ke untcha uthabole bisare tai chutu hoi jabo, kintu jun manu nijor ke chutu kore tai ke uthai dibo."
|
||||
\v 15 Etiya manu khan tar usorte bachha khan ke loi kene anise aru Tar pora tai khan ke chui dibo nimite. Kintu jetiya chela khan pora eitu dekhise tai khan ke ahibo diya nai.
|
||||
\v 16 Kintu Jisu tai khan ke matise aru koise, "Chutu bachha khan ke moi usorte ahibo dibi, aru tai khan ke narukhabi. Kelemane Isor laga raijyo tu tai khan nisina nimite ase.
|
||||
\v 17 Moi hosa pora tumi khan ke koi ase, jun bachha nisina hoi kene Isor raijyo nabisare tai khan ketiya bhi tate jabo naparibo."
|
||||
\v 18 Etiya ekta cholawta manu Tar ke hudise, "Bhal sikhai diya manu, moi anonto jibon pabo nimite ki koribo lage?"
|
||||
\v 19 Tetiya Jisu taike koise, "Moi ke kile bhal koi ase? Kun bhi bhal nai khali Isor hei bhal ase.
|
||||
\v 20 Isor laga kanun tumi khan jane beyobichar nokoribo, manu ke nomorabi, chor nokoribi, manu laga misa kotha nokobi, baba, ama ke morom koribi."
|
||||
\v 21 Kintu cholawta manu hei koise, "Moi jowan pora eitu sob mani kene ahise."
|
||||
\v 22 Jetiya Jisu tai kuwa kotha hunise, Tar tai ke koise, "Ekta kotha etiya bhi tumi mana nai: Tumi laga ki ase eitu sob bikiri koridibi aru gorib khan ke bhag kori dibi, tetiya tumi laga dhun sompoti sorgote thakibo- aru moi laga pichete ahibi."
|
||||
\v 23 Jetiya cholawta manu Jisu laga kotha hunise, tai bisi mon dukh paise kele tai ekjon dhuni manu thakise.
|
||||
\v 24 Tetiya Jisu tai ke sai kene koise, "Dhuni manu sorgote jabole kiman digdar ase!
|
||||
\v 25 Biji laga chenda pora ekta ut jabole asan ase, hoile bhi dhuni manu Isor laga raijyo te jabole nimite asani nohoi.
|
||||
\v 26 Jun eitu kotha hunise tai khan koise, "Tenehoile kun hei roikha pabo?"
|
||||
\v 27 Kintu Jisu hai koise, "Juntu kaam manu napare, Isor hei pare."
|
||||
\v 28 Tetiya Peter hai koise, "Sabi ami khan sob chari kene apuni laga pichete ahise."
|
||||
\v 29 Jisu hai tai khan ke koise, "Hosa pora moi tumi khan ke koi ase jun manu tai laga ghor, maiki, bhai, ama, baba, bacha ke Isor laga raijyo nimite charise,
|
||||
\v 30 eitu duniya te aru bisi napabo- aru ahibole din te, anonto jibon."
|
||||
\v 31 Baroh jun ke alag kori kene Tar tai khan ke koise, "Sabi, ami khan Jerusalem te jabo, aru bhaobadi khan pora manu laga bachha khan nimite ki likhise eitu hobole nimite.
|
||||
\v 32 Karone tai ke dusra jati hath te di dibo, aru Tar ke bodnam kore, aru bisi sorom khilabo, aru tai uporte thuk phelabo.
|
||||
\v 33 Aru Tar ke chabuk pora maribo, aru morai dibo, aru tin din te Tar jinda hoi jabo."
|
||||
\v 34 Kintu chela khan eitu eku buji panai, aru eitu kotha tu tai khan pora lukai rakhise, aru ki kotha koise eitu bujibo para nai.
|
||||
\v 35 Etiya eneka hoise, jetiya Jisu Jericho te ahise, ekta andha manu rasta kinar te bohi kene bhik mangi thakise.
|
||||
\v 36 Tai manu khan hala kori kene jai thaka tu hunise, tai hudise eitu ki hoi ase.
|
||||
\v 37 Tai khan andha manu ke koise, "Nazareth laga Jisu eitu rasta pora jai ase."
|
||||
\v 38 Tetiya tai kandi kene koise, "Jisu, David laga chokora, moi uporte morom koribi."
|
||||
\v 39 Jun manu tai agete jai thakise khong pora koise, tai chup thakibole .Kintu tai bisi hala kori thakise, "David laga chokora, moi uporte morom koribi."
|
||||
\v 40 Tetiya Jisu khara kori kene eitu manu ke usorte anibole koise. Aru jetiya tai usorte ahise, Jisu tai ke hudise,
|
||||
\v 41 "Moi tumi nimite ki koribole tumi echha ase? "Tai koise, "Probhu, moi suku pora sabole echha ase."
|
||||
\v 42 Tetiya Jisu hai tai ke koise, "Tumi suku khulibi. Tumi laga bisas pora tumi bhal hoise."
|
||||
\v 43 Eitu homoi te tai sabo parise aru Jisu pichete jaise, Isor ke mahima dikena, sob manu khan jetiya eitu dekhise, tai khan Isor ke dhonyabad dise.
|
||||
\c 19
|
||||
\v 1 Aru tetiya Jisu ahise aru Jericho phane jaise.
|
||||
\v 2 Etiya ekta manu Zacchaeus koi kene thakise, aru tai poisa utha manu khan majote sob se dangor aru dhoni manu thakise.
|
||||
\v 3 Tai Jisu ke sabole echha korise, Tar kun ase koi kene, kintu manu bisi huwa pora sabo para nai, aru tai ekta khata manu thakise.
|
||||
\v 4 Tetiya tai polai jai kene ekta sycamore ghas te uthise. Jisu ke sabole nimite, kelemane Jisu eitu rasta pora hei jabo thakise.
|
||||
\v 5 Jetiya Jisu eitu jaga te ahise, Jisu tai ke sai kene koise, "Zacchaeus, joldi nami kene ahibi, aji moi tumi laga ghor te jai kene thakibo."
|
||||
\v 6 Tetiya tai joldi kori kene nichete nami ahise, aru khusi pora Jisu ke tai laga ghor te ahibole matise.
|
||||
\v 7 Jetiya manu khan eitu dekhise, tai khan sob beya paise aru, koise, "Jisu ekta paapi manu laga ghor te jaise."
|
||||
\v 8 Aru tetiya Zacchaeus uthi kene Probhu ke koise, "Sabi, Probhu moi laga adha saman khan gorib ke di dibo, aru jodi moi kunba ke thokaise, tai laga bhag pora bisi aru char bhag milai kene dibo."
|
||||
\v 9 Tetiya Jisu hei tai ke koise, 'Ahji poritran tumi laga ghor te ahise, kelemane tai bhi Abraham laga bachha ase.
|
||||
\v 10 Kelemane Manu laga Putro harai thaka manu ke bisaribole aru bachabole ahise.
|
||||
\v 11 Aru tai khan eitu kotha huni thakise, Jisu ekta kahani koise, kelemane tai Jerusalem te jabole nimite usor hoise, aru tai khan bhabise Isor laga raijyo tu tate joldi ahibole ase.
|
||||
\v 12 Tetiya Tar koise, ekta bhal ghor te jonom huwa manu dur ekta desh te tai laga raijyo pabo nimite jaise, aru eitu pichete tai wapas ahhi jaise.
|
||||
\v 13 Tetiya tai laga dosta sewak khan ke matise, aru tai khan ke dosta suna laga poisa, dikena tai khan ke koise, 'Eitu poisa loi kene tumi khan ki kam koribo pare eitu kori kene thakibi moi naha tak.'
|
||||
\v 14 Kintu manu khan tai ke bhal panai aru tai laga pichete ekjon ke pathai kene tai ke koise, 'Eitu manu moi khan uporte raj kora tu moi khan ke nalage.'
|
||||
\v 15 Aru jetiya eitu manu wapas ahhi jaise, tai laga raijyo tu pai kene, tetiya tai koise jun manu ke moi poisa dise tai khan ke mati kene loi tai usorte loi anibi, tate tai sabo kun pora bisi kaam kori kene laab paise.
|
||||
\v 16 Poila ekjon tai usorte ahhi kene koise, 'Probhu, apuni poisa diya pora moi aru eitu laga dus bhag dise kori dise.'
|
||||
\v 17 Tetiya eitu bhal manu pora taike koise, 'Bhal kaam korise, sewak. Kelemane tumi olop diya homoi te bhi bhal kaam kori kene thakise, tumi eitu dosta citi uporte adhikar pora cholabo.
|
||||
\v 18 Aru dusra jon bhi ahise, aru koise, 'Probhu apuni pora panch poisa diya tu moi panch bhag bisi kori dise.'
|
||||
\v 19 Teiya eitu bhal manu tai ke koise, 'Tumi bhi bhal kaam korise eitu nimite panchta citi uporte tumi adhikar pora cholabo.'
|
||||
\v 20 Aru dusra sewak ahise, aru koise, 'Probhu, eitu apuni diya laga poisa ase, moi eitu loi kena kapur pora bandhi rakhise,
|
||||
\v 21 kilekoile, moi apuni ke bhoi lagi thakise kelemane apuni hisab kitab thik rakha manu ase. Apuni ki joma nokore eitu uthai aru kitu noru pai eitu hei kate.'
|
||||
\v 22 Tetiya eitu bhal manu pora tai ke koise, 'Tumi laga mukh pora hei moi tumike bichar koribo, tumi beya sewak! Tumi jani thakise moi ekta jobor jost korithaka manu ase, moi ki joma nokore eitu loi, aru ki nadhale eitu kate?
|
||||
\v 23 Tetiya hoile tumi eitu poisa tu kele bank te jama koranai, aru jetiya moi ahibo, eitu homoi te laab pora bisi ulai lobo thakise?'
|
||||
\v 24 Tetiya tai jun manu usorte khara kori thakise tai khan ke koise, 'Tai logote pora poisa tu loi lobi, aru jun logote dos bhag ase tai ke di dibi.'
|
||||
\v 25 Kintu tai khan koise, 'Probhu, eitu manu logote dos bhag ase.'
|
||||
\v 26 Moi tumi khan ke koi ase, jun manu logote bisi ase tai ke aru bisi di dibo, kintu jun manu logote eku nai, ki tai logote ase eitu bhi loi lobo.
|
||||
\v 27 Kintu eitu moi laga dusman khan, jun manu moi ke tai khan uporte raj koribole dibo mon thaka nai, iyate loi kene anibi aru moi usorte morai dibi."'
|
||||
\v 28 Jetiya tai eitu khan koise, tai Jerusalem phane jai jaise.
|
||||
\v 29 Aru jetiya Tar Bethphage aru Bethany usorte ahi jaise, Olivet koikene ekta pahar te, Tar duita chela khan ke pothaise,
|
||||
\v 30 koise, "Moi juwa poila tumi khan eitu bosti te jabi. Jetiya tate punchibo, tumi khan tate kun pora bhi naboha ekta ghora laga bacha ke bandi kene dekhibo. Tai ke khuli kene iyate loi ahibi.
|
||||
\v 31 Jodi kunba tumikhan ke hude, 'Kile tai ke khuli ase? Tumi khan eitu kobi, 'Probhu ke eitu dorkar ase."'
|
||||
\v 32 Aru jun ke eitu karone pothaise ji koise eneka hei dekhi paise.
|
||||
\v 33 Jetiya tai khan eitu ghora bacha ke khuli thakise, malik ahikene tai khan ke koise, "Kele eitu ghora bacha ke khuli ase?"
|
||||
\v 34 Tetiya tai khan pora koise, "Probhu ke eitu dorkar ase."
|
||||
\v 35 Tetiya tai khan Jisu usorte anise, aru tai khan laga kapur gadha uporte phelai dise aru Jisu ke gadha uporte bohibole dise.
|
||||
\v 36 Aru jetiya tai khan jai thakise, manu khan kapur ulai kene rasta te rakhi dise.
|
||||
\v 37 Jetiya Jisu Olives pahar usorte ahhi ponchise, aru bhorta chela aru manu khan dhonyabad dibole suru hoise, manu khan Jisu laga dangor kaam khan dekhi kene hala kori Isor ke mahima dise,
|
||||
\v 38 koise, "Asirbad ase eitu raja jun manu Probhu laga naam te ahise! Sorgote shanti hobo aru sob untcha jagate mahima dibo!"
|
||||
\v 39 Kintu kunba Pharisee manu khan majot pora koise, "Sikhai diya manu, apuni laga chela khan ke chup thakibole kobi."
|
||||
\v 40 Tetiya Jisu hei koise, "Moi tumi khan ke koi ase jodi tai khan chup thake, pathor khan hala koribo."
|
||||
\v 41 Aru jetiya Jisu Jerusalem usorte ponchise Tar sai kene kandise,
|
||||
\v 42 aru koise, "Ahji tumi khan uporte shanti eitu janile kiman bhal ase, kintu tumi khan eitu dekhi bole para nai.
|
||||
\v 43 Tumi khan daya najana karone eitu din te dusman khan pora tumi khan ke sob phale pora dhoribo aru dewar bonai kene dabai dibo.
|
||||
\v 44 Tumi aru tumi laga bachha khan ke mati te girai dibo.Tai khan ekta pathor bhi tumi khan uporte pora nacharibo, kelemane eitu ahibo thaka homoi tu tumi khan janibole para nai."
|
||||
\v 45 Jetiya Jisu mondoli bhitorte ghusi se, Tar bhitorte bazar kori thaka manu khan ke khedaise.
|
||||
\v 46 Tai khan ke koise, "Eitu likha ase, 'Moi laga ghor tu prathana laga ghor hobo, 'Kintu tumikhan chor laga ghor bonai dise."
|
||||
\v 47 Aru Jisu hei mondoli te sikhai thakise. Eitu homoi te dangor cholawta kanun jana manu aru Pharisee khan Jisu ke mora bole rukhi thakise,
|
||||
\v 48 kintu keneka pora tai ke dhoribo eitu tai khan koribo paranai, kelemane sob manu Jisu laga kotha tu hunikena bohi thakise.
|
||||
\c 20
|
||||
\v 1 Ek din jetiya Jisu ekta jaga te manu khan ke mondoli te shikai thakise aru susamachar prochar kori thakise, dangor purohit kanun jaga manu aru cholawta khan ahise.
|
||||
\v 2 Tai khan Tar ke eneka koise, "Ami khan ke kobi ki adhikar pora apuni eitu kori ase, aru kun ase jun pora eitu koribole apunike adhikar dise."
|
||||
\v 3 Jisu tai khan ke koise, 'Moi bhi tumikhan ke ekta kotha hudibo, aru tumi khan moi ke kobi.
|
||||
\v 4 John laga baptisma: sorgo pora hoise na manu pora hoise?"
|
||||
\v 5 Tai khan ekjon ekjon logote kotha pati kena, koise, "Jodi moi khan koi, 'sorgo pora ase' Tar kobo, 'Tene hoile tumi khan tai ke kele bisas koranai?'
|
||||
\v 6 Kintu amikhan jodi koi, 'Manu pora ase' sob manu amikhan ke pathor maribo, kele John tu ekta bhaobadi ase koi kene bisas kore."
|
||||
\v 7 Tai khan Jisu ke koise eitu kot pora ahise tai khan najane.
|
||||
\v 8 Tetiya Jisu tai khan ke koise, "Moi bhi tumi khan ke nokobo ki adhikar pora moi eitu khan kori ase."
|
||||
\v 9 Tetiya Tar manu khan ke eitu kahani koise, "Ekta manu kheti, aru tai eitu kheti kora manu khan ke di dise, aru tai dusra desh te bisi din nimite jai jaise.
|
||||
\v 10 Aru jetiya homoi ahise tai ekta sewak ke kheti kora manu khan usorte pothai dise, jate tai khan kheti te ki phol ulaise eitu tai ke dibo kintu kheti kora manu khan eitu sewak ke marise aru khali hath pothai dise.
|
||||
\v 11 Aru ekta manu ke pothaise, kintu tai ke bhi marise aru bisi sorom khilai dise, aru tai ke khali hath pothai dise.
|
||||
\v 12 Tetiya aru ekjon ke pothaise, kintu tai ke bhi jokom kori kene, bahar te phelai dise.
|
||||
\v 13 Tetiya kheti laga malik pora koise, 'Moi ki koribo? Moi bisi morom kori thaka bachha ke pothai dibo. Eneka korile tai khan tai ke adar koribo.'
|
||||
\v 14 Kintu jetiya kheti kora manu khan pora tai ke dekhise, tai khan ekjon-ekjon logote kotha patise, aru koise, 'Eitu malik laga chokora ase. Ahibi tai ke morai dibo, jate eitu sob kheti tu moi khan laga hoi jabo.'
|
||||
\v 15 Aru tai khan laga chokora ke kheti pora bahar te phelai dise aru morai dise. Tetiya hoile kheti laga malik pora tai khan ke ki koribo?
|
||||
\v 16 Tai ahi kene eitu kheti kora manu khan ke khotom kori dibo aru eitu kheti tu dusra manu khan ke di dibo." Kintu jetiya tai khan eitu hunise, tai khan koise, " Enika ketiyabi hobo nadibo!"
|
||||
\v 17 Tetiya Jisu tai khan ke sai kene koise, " Tene hoile eitu ki likha ase:
|
||||
\b 'Juntu pathor ghor bona manu khan pora phelai dise, eitu pathor ghor tu khara kori kene rakha pathor hoi jaise'?
|
||||
\m
|
||||
\v 18 Jun manu eitu pathor te gire, tai bhangi kene tukra hoijabo. Kintu jun manu uporte eitu gire, tai ke mihin kori dibo."
|
||||
\v 19 Tetiya kanun jana manu aru dangor purohit khan eitu homoi te Tar uporte hath laga bole bisarise, kelemane tai khan jani jaise eitu kahani tai khan nimite hei koise. Kintu tai khan manu khan ke bhoi lagi thakise.
|
||||
\v 20 Eitu korone Tar ke tai khan bhal korikene sai thakise, aru Tar pichete manu lagai dise, jun Isor kotha tu mani kene thaka nisina kori thakise, Jisu laga kotha te golti bisari nimite, aru taikhan raja aru adhikar pora chola cholawta khan laga hath te di dibole paribo.
|
||||
\v 21 Tetiya tai khan pora Tar ke koise, "Prabhu, moi khan jane apuni hosa kotha tu hei sikhai, aru kun logote bhi alag pora bebohar nokore, aru Isor laga kotha tu hosa pora sikhai.
|
||||
\v 22 Moi khan Caesar ke poisa diya tu kanun te thik ase, na nai?"
|
||||
\v 23 Kintu Jisu tai khan laga chalaki tu jani jaise, aru tai khan ke koise,
|
||||
\v 24 "Moike eitu denarius dikhabi. Kun laga chehera aru kotha tate likha ase?" Tetiya tai khan koise, "Caesar laga."
|
||||
\v 25 Tetiya Tar tai khan ke koise. "Eitu nimite ji tu Caesar laga ase eitu Caesar ke hei dibi aru jintu Isor ke dibo lage eitu Isor ke dibi."
|
||||
\v 26 Eitu kotha pora tai khan Jisu ke manu majote pora dhoribole paranai, kintu Jisu laga jowab te ekjon-ekjon bhitorte koi thakise, aru tai khan chup-chap hoi jaise.
|
||||
\v 27 Tetiya kunba Sadducee khan jun ji uthai eitu bisas nokore Jisu usorte ahikene hudise,
|
||||
\v 28 aru koise, " Probhu, Moses pora moi khan ke likhise, jodi kunba laga bhai ase aru tai maiki thaki kene mori jaise, aru tai bachha nai, tene hoile eitu mori ja laga bhai tu maiki ke lobo pare aru tai laga mori ja bhai nam te bachha jonom kori kene khandan ulabo pare.
|
||||
\v 29 Tate sat-ta bhai thakise, aru dangor wala pora maiki shadi korise, kintu bachha nathiki kene mori jaise;
|
||||
\v 30 aru dusra pora moike ke loise kintu tai bhi bachha nathaki kene mori jaise.
|
||||
\v 31 Aru tisra pora bhi maiki ke loise kintu tai eneka hei mori jaise, aru eitu nisina sath jon bhi loise kintu tai bhi bacha nathaki kene mori jaise.
|
||||
\v 32 Aru ses te maiki bhi mori jaise.
|
||||
\v 33 Eitu nimite ji utha din te, kun laga tai maiki hobo? Kelemane sath jon laga tai maiki thakise."
|
||||
\v 34 Tetiya Jisu tai khan ke koise, "Eitu yug laga chokora khan sadi kore aru sadi kori bo nimite di diye.
|
||||
\v 35 Hoilebi taikhan junkhan eitu prithibi te thakibole nimite hisab hoise, aru morikena arubi jinda hoise, sadi bhi nakore, sadi tebi nadiye;
|
||||
\v 36 kelemane tai khan ketiyabi nomoribo, tai khan sorgodut hoi jabo; aru tai khan jinda thaka Isor laga bachha ase kobo, kilemane taikhan ji-utha laga chokora khan ase.
|
||||
\v 37 Aru moses pora bhi eitu juli thaka ghas pora muri ja utha tu dekhai dise, jetiya tai Probhu ke Abraham laga Isor, Isak laga Isor aru Jakob laga Isor matise.
|
||||
\v 38 Etiya Tar tu mora laga Isor nohoi kintu jinda khan laga ase, kelemane moi khan sob tai logote jinda ase."
|
||||
\v 39 Tetiya kunba kanun jana manu pora Jisu ke koise, " Probhu, apuni bhal pora koise."
|
||||
\v 40 Kelemane tai khan aru Tar ke hudibole himat kora nai.
|
||||
\v 41 Tetiya Jisu tai khan ke koise, "Tai khan keneka kobo pare, Khrista tu David laga bachha ase koi kena?
|
||||
\v 42 David tai nijor bhi Psalms laga kitab te koi kene ase, Probhu pora moi laga Probhu ke koise, 'Moi laga dahina hath te bohibi,
|
||||
\v 43 jetiya tak moi dusman khan ke tumi laga paw nichete giribole nediye.'
|
||||
\m
|
||||
\v 44 David tai nijor pora Khrista ke 'Probhu' mate, tene hoile Tar keneka tai laga bacha hobo?"
|
||||
\v 45 Jetiya sob manu khan huni thakise, Tar tai laga chela khan ke koise,
|
||||
\v 46 Eitu kanun jana manu khan pora hosiyar thakibi, jun manu lamba kapur te birabole bisare, aru bazar te sob pora bhal jaga tu hei bisare, aru sob synagogue te untcha jaga te bohibole bisare, aru kha luwa jaga te bhi bhal hei bisare.
|
||||
\v 47 Mota mori ja maiki khan ke dukh diye aru dikhabole nimite lamba prathana kore. Eitu khan nisina pichete dangor shajai pabo."
|
||||
\c 21
|
||||
\p
|
||||
\v 1 Etiya Jisu uporte sai kene ekta dhuni manu ke dekhise, tai laga dhun tu dan te rakhi thakise.
|
||||
\v 2 Aru tetiya Tar ekta gorib mota nathaka maiki ke dekhise tai logote duita poisa thaka tu dan te di thakise.
|
||||
\v 3 Tetiya Jisu tu koise, "Hosa pora moi tumi khan ke koi ase, eitu gorib mota nathaka maiki hei sob pora bisi dise.
|
||||
\v 4 Jiman manu dan dise tai khan logote bisi thaka hisab te hei dise. Kintu eitu maiki, tai logote eku nai, hoilebi tai ki ase eitu sob di dise."
|
||||
\v 5 Etiya kunba manu khan mondoli laga kotha koi thakise, keneka kori kene eitu mondoli tu sundur pathor aru manu khan laga dan pora keneka bonise, Tar koise,
|
||||
\v 6 "Eitu tumi khan etiya dekhi thaka tu, eneka din ahibo, jetiya ekta pathor bhi nabachibo aru bhangi keneka phelai dibo."
|
||||
\v 7 Tetiya taikhan Tar ke, koise, "Probhu, eitu sob tu ketiya hobo, aru eneka din ahibole ase koi kene moi khan keneka janibo?"
|
||||
\v 8 Tetiya Tar koise, "Hosiyar thakibi aru kun pora bhi tumike thokai dibo nidibi. Bisi manu moi laga naam loi kena ahibo, aru kobo, 'Moi Jisu ase,' aru 'homoi tu usorte ahise.' Tai khan laga pichete najabi.
|
||||
\v 9 Jetiya tumi khan larai aru jhagara laga kotha khan hunibo, bhoi nokoribi, kelemane eitu khan sob poila hobo lagibo, kintu eneka sob hoilebi ses homoi tu joldi nahibo."
|
||||
\v 10 Tetiya Jisu hei tai khan ke koise, "Ekta desh pora ekta desh uporte uthibo, aru ekta raijyo pora dusra raijyo logote lorai koribo.
|
||||
\v 11 Aru dangor mati hilibo, khabole nababo aru alag kisim bimar ulabo. Ekdum beya ghatna khan hobo aru sorgo laga asurit kaam khan dekhibo.
|
||||
\v 12 Kintu eitu khan huwa agete, manu khan tumi khan ke hath dibo aru bisi dukh pabo synagogue aru jail te bhi dhali dibo, raja aru dangor cholawta manu usorte anibo moi laga naam luwa nimite.
|
||||
\v 13 Tumi khan ke gawahi dibole nimite ekta bhal homoi hobo.
|
||||
\v 14 Eitu nimite nijor mon tu shanti rakhibi aru homoi naha agote ki kobo lagibo eitu nimite chinta nokoribi,
|
||||
\v 15 kintu moi tumikhan ke kotha kobole aru gyan dibo, tate tumi khan usorte kun ahibo tai khan tumi laga kotha mana koribole naparibo.
|
||||
\v 16 Kintu tumi khan laga nijor ama baba pora tumike chari dibo, aru bhai ghor manu, sathi khan bhi chari dibo, aru kunba ke tu tai khan morai bi dibo.
|
||||
\v 17 Moi laga naam nimite tumi khan ke sob manu pora beya pabo.
|
||||
\v 18 Kintu tumi laga matha te thaka ekta chuli bhi naharabo.
|
||||
\v 19 Kintu tumi khan nomro aru bisas te thakile tumi khan laga aatma tu pai lobo.
|
||||
\v 20 Kintu jetiya Jerusalem tu sipahi pora gherikene dekhibo, tetiya jani lobo, khotom hobole homoi tu ahise.
|
||||
\v 21 Aru Judea te thaka khan pahar te polai jabi, eitu jaga majote thakile chari kena jai jabi, aru jun manu eitu desh bhitorte nai tai khan ke gushi bole nidibi.
|
||||
\v 22 Eitu din tu niyai kora laka homoi ase, ki tu likha ase eitu para hobole nimite.
|
||||
\v 23 Kintu oh jun bachha bukhi ase, aru jun bacha khan ke sai ase! Eitu jaga te dangor dukh ahibole ase, aru manu khan uporte Isor laga khong ahibole ase.
|
||||
\v 24 Tai khan nijor talwar laga dhar pora giri jabo, aru dusra desh te tai khan ke dhori kene loi jabo, aru Jerusalem tu dusra jati manu pora raj cholabo jetiya tak eitu alag jati manu khan ke bhabe eitu pura nahoi.
|
||||
\v 25 Aru asurit kaam tu suraj, chand aru tare khan ke dekhibo, aru samundar laga pani pahar nisina uthibo aru manu khan sai kene bhoi lagi jabo.
|
||||
\v 26 Eitu duniya te ki ahibole ase eitu khan bhabi kene bhoi pora manu khan giri jabo, kelemane sorgo laga takot tu hilai debo.
|
||||
\v 27 Tetiya tai khan dekhibo manu laga Putro badal te takot aru dangor mohima loi kene ahhi thaka tu.
|
||||
\v 28 Jetiya eitu sob hoi thakibo, khara koribi aru matha tu uporte uthai lobi, kelemane tumi anondo jibon te jabole nimite usor hoise."
|
||||
\v 29 Tetiya Tar taikhan ke ekta kahani koise: " Sabi eitu dimoru ghas ke, aru sob ghas khan ke.
|
||||
\v 30 Jetiya ghas te phul ulai jai, tumi khan dekhi aru nijor pora jani jai ke gorom din ahise.
|
||||
\v 31 Eitu nisina, jetiya tumikhan eitu sob hoi thaka dikhibo tetiya jani Isor laga raijyo tu usorte ahise.
|
||||
\v 32 Hosa pora moi tumi khan ke koi ase, eitiya laga manu khan kothom hoi najabo jetiya tak eitu sob pura nahoi.
|
||||
\v 33 Sorgo aru prithibi harai jabo, kintu moi laga kotha ki koise eitu ketiyabi naharabo.
|
||||
\v 34 Nijor ke bhal kori kene rakhibi, nisa pani khai kene tumi khan laga mon tu bhari koribole nidibi, aru jibon laga kiman chinta bhabana ase eitu pora mon duk nokoribo, kelemane eitu din achanak pora bon hoi jabo.
|
||||
\v 35 Ekta jal phela nisina, jiman manu duniyate thaki ase tai khan uporte ahibo.
|
||||
\v 36 Kintu sob homoi te savdhan thakibi, prathana te takot koribi eitu sob ki hobole ase eitu khan pora pabole paribo nimite, aru Manu laga Putro usorte khara koribole paribo nimite."
|
||||
\v 37 Aru eitu din khan teTar mondoli te shikai thakise, aru rati te Tar Olivet pahar uporte jai kene thakise.
|
||||
\v 38 Aru tetiya phojir te manu khan joldi ahhi kene Jisu laga kotha hunibole mondoli te ahise.
|
||||
\c 22
|
||||
\p
|
||||
\v 1 Etiya Bhomir Nadiya Roti Laga Utsov, kuntu ke Par-Huwa mate, eitu homoi usorte ahise.
|
||||
\v 2 Dangor purohit aru kanun jana manukhan Jisu ke keneka morai dibole eitu laga upai bisari thakise, kele tai khan manu khan ke bhoi lagi thakise.
|
||||
\v 3 Satan Judas bhitorte ghusi jaise, jun laga naam Iscariot bhi ase, tai bhi chela bhitorte ekjon thakise.
|
||||
\v 4 Eitu pichete Judas jai kene kotha patise, dangor purohit aru sipohi laga dangor sahab khan logote keneka kori kene Jisu ke dhoribo eitu upai bisarise.
|
||||
\v 5 Tai khan khusi paise, aru tai ke poisa dibole nimite kotha milaise.
|
||||
\v 6 Judas kotha tu mani kene, Jisu ke keneka pora manu nathaka homoi te dhoribo eitu upai bisari thakise.
|
||||
\v 7 Jetiya khomir nediya roti khua laga din ahise, eitu din te bhera saguli bolidan koribole niyom ase.
|
||||
\v 8 Jisu pora Peter aru John ke pothai kene koise, "Jai kene ami khan nimite Udhar Puwa naam pora kha luwa rakhibi, moi khan mili kene khabo."
|
||||
\v 9 Tai khan teo ke koise, "Probhu kun jaga te jai kena amikhan jugut koribo?"
|
||||
\v 10 Teo tai khan ke koise, "Sabi, jetiya tumikhan city te ponchibo, ekta manu pani laga baltin loikena thaka lok pabo.Tai laga pichete jabi jun tu ghor te tai ghuse.
|
||||
\v 11 Tetiya ghor laga malik ke jai kene kobi, 'Sikai diya manu pora apunike koi ase, "Bahar manu thakibole laga kamra tu kot ase, jun jaga te moi laga chela khan ke loi kene Udhar Puwa naam laga kha luwa koribo?"
|
||||
\v 12 Tetiya tai tumikhan ke uporte loi jai kene dangor ekta bhal kamra dekhabo. Jai kene tate hei tayar koribi."
|
||||
\v 13 Aru jetiya tai khan jaise, aru Jisu pora tai khan ke ki koise eneka hei paise.Tetiya tai khan Udhar Puwa laga kha luwa jai kene tayar korise.
|
||||
\v 14 Aru jetiya homoi tu ahise, Jisu bohi jaise aru Tar laga chela khan bhi bohi jaise.
|
||||
\v 15 Tetiya Tar tai khan ke koise, "Moi dukh napa agete tumi khan logote bohi kene eitu Udhar laga khana khabole mon thakise
|
||||
\v 16 Moi tumi khan ke koi ase, moi eitu nakhabo jetiya tak eitu sob pura nohoi Isor laga raijyo te."
|
||||
\v 17 Jetiya Jisu kup tu loise, aru dhonyabad dise, Tar koise, "Eitu lobi, aru ekjon ekjon logote bhag kori lobi.
|
||||
\v 18 Moi tumi khan ke koi ase, jetiya tak Isor laga raijyo tu nahe moi eitu angur ros tu grohon nokoribo."
|
||||
\v 19 Jetiya tai roti tu loise aru dhonyabad dise, Tar bhag korikene tai khan ke di kene koise, "Eitu moi laga gaw ase aru tumi khan nimite diya hoise eitu moi ke yaad korikene lobi."
|
||||
\v 20 Tar cup tu loi kene koise, "Eitu kup tu moi laga khun laga notun niyom ase, tumi khan nimite ulai diya hoise.
|
||||
\v 21 Kintu sabi, kun manu moike dhoka dibo tai ami khan logote bohi ase.
|
||||
\v 22 Manu laga Putro ke ki hobole ase eitu tu eneka he hobo. Kintu oh jun manu pora eneka koribo tai hou paise!"
|
||||
\v 23 Chela khan majote kotha patise ami khan majote kun pora eneka kaam tu koribo.
|
||||
\v 24 Pichete tai khan majote jaghara ulaise aru koise kun hei tai khan majote sob pora dangor hobo.
|
||||
\v 25 Tetiya Tar tai khan ke koise, "Dusra jati laga raja tai khan uporte cholawta kore tai khan ke 'bhal kori diya khan' eneka mate.
|
||||
\v 26 Kintu tumi khan eneka nohoi. Tumi khan majote kun manu dangor bhabi thake tai sob pora chotu hobo lage; aru jun manu aghe te ase, tai tu sewa korithaka manu nisina hobo lage.
|
||||
\v 27 Kintu bhabi sabi kun hei dangor ase, khabole boha manu na sewa kora manu? Kun khabole bohi ase tai nohoi? Kintu moi tumi khan majote ase ekjon sewak nisina ase.
|
||||
\v 28 Kintu tumi khan moi laga porikha te moi logote ase.
|
||||
\v 29 Moi tumi khan ke di ase jeneka moi laga, baba Isor pora raijyo moi ke dise,
|
||||
\v 30 eitu nisina tumi khan bi moi laga raijyo te kha luwa koribo, aru tumi khan singhasan te bohi kene Israel laga baroh jati uporte bichar koribo.
|
||||
\v 31 Aru Probhu koise, Simon, Simon, sabi satan hei tumi ke gehu dana nisina chani loise.
|
||||
\v 32 Kintu moi tumi nimite prathana korise, eitu pora tumi laga bisas tu naharabo; aru tumi, jetiya ghuri ahibo, tumi laga bhai khan ke mozbot koribi."
|
||||
\v 33 Kintu Peter hei koise, "Probhu, moi tumi logote jabole jugut ase, jail te bhi aru mori bole bhi."
|
||||
\v 34 Kintu Tar koise, "Moi hosa koise, Peter, murgi hala nakura agete tumi moi ke najane koi kene tin bar misa kobo."
|
||||
\v 35 Jisu tai khan ke koise, "Jetiya moi tumi khan ke poisa laga bag, dorkar laga saman, aru juta noloi kene jabole dise tetiya kiba naponcha thakise naki?" Tai khan koise, "Eku komti huwa nai."
|
||||
\v 36 Tetiya Tar pora tai khan ke koise, "Kintu etiya, kun manu poisa laga bag ase tai loi lobi, aru eitu nisina, ki saman laga bag ase, tai loi lobi, aru kun manu logote talwar nai tai nijor kapur bikiri kori kene kini lobi.
|
||||
\v 37 Moi tumi khan ke koi ase, ji kotha moi nimite likha ase eitu pora hobo lagibo, 'aru Tar ke kanun nathaka khan logote gonti koridise.' Kilemane ji kotha moi nimite koise eitu sob pura hoi ase."
|
||||
\v 38 Aru tai khan koise, "Probhu, sabi! Iyate duita talwar ase." Eitu nimite Tar taikhan ke koise, "Eitu kafi ase."
|
||||
\v 39 Aru bahar te ulai kene, niyom hisab te, Olive Pahar te jaise, aru chela khan bhi tai laga pichete jaise.
|
||||
\v 40 Jetiya tai khan ekta jaga te ahise, Tar tai khan ke koise, "Prathana koribi tumi khan porikha te nigiribo karone."
|
||||
\v 41 Tar tai khan pora olop dur te jai kene, mati te athukari kene prathana korise,
|
||||
\v 42 aru koise, "Baba Isor, jodi apuni echha kore, eitu kap tu ami pora hatai dibi. Kintu Moi laga echha nohoi, apunar echha hobole dibi."
|
||||
\v 43 Tetiya sorgodut ahikene Jisu ke modot korise.
|
||||
\v 44 Tar dukh pora prathana kora homoi te Tar laga posina khun hoi kene mati te giri thakise.
|
||||
\v 45 Aru Jetiya Tar prathana kori kene uthise, Tar chela khan usorte ahise, aru dekhise chela khan mon dukh pora ghumai thakise,
|
||||
\v 46 eitu nimite Tar pora tai khan ke koise, "Tumi khan kele ghumai ase? Uthibi aru prathana koribi, eitu pora tumi khan porikha te nagiribo."
|
||||
\v 47 Aru jetiya Tar kotha koi thakise, tate bisi manu ahi jaise, aru jun laga naam Judas thakise, baroh jon chela majote ekjon tu, manu khan ke loi anise. Tai Jisu usorte chuma dibole ahise.
|
||||
\v 48 Kintu Jisu tai ke koise, "Tumi Manu laga Putro ke chuma di kene thokai ase?"
|
||||
\v 49 Aru jiman manu khan kinar pora Jisu ke sai kene koise, "Probhu, ami khan talwar ulai kene tai khan logote larai koribo naki?"
|
||||
\v 50 Tetiya maha purohit laga sewak ke chela ekjon pora dyna kan tu kati phelai dise.
|
||||
\v 51 Kintu Jisu tai khan ke koise, "Eneka nokoribi!" Aru Jisu hei kan tu lagai kene, changai kori dise.
|
||||
\v 52 Aru Jisu hei dhoribole ahha manu khan, dangor purohit, aru mondoli laga sipai khan aru cholawta khan ke koise, "Tumikhan talwar aru hatyar khan loikene ekjon chor manuke dhura nisina ahise naki?
|
||||
\v 53 Moi jetiya mondoli te hodai din tumi khan logote thakise, tumi khan moi uporte hath utha nai. Kintu etiya tumar homoi ahise, aru andhar laga hokti ase."
|
||||
\v 54 Aru tai khan Jisu Khrista ke dhori kene maha purohit ghor te loi jaise. Aru Peter bhi tai khan laga pichete jai thakise.
|
||||
\v 55 Eitu pichete tai khan ghor baharte jui jolai kene eke logote bohise, aru Peter bhi lukai kene bohi thakise.
|
||||
\v 56 Aru ekta maiki sewak, Peter ke jui usorte bohi thaka dekhi kene koise, "Eitu manu bhi Jisu logote thakise."
|
||||
\v 57 Kintu Peter koise nohoi, "Maiki, moi Tar ke najane."
|
||||
\v 58 Aru olop pichete ekjon pora tai ke dekhise, aru koise, "Tumi bhi Jisu logote beraise." Kintu Peter koise, "Bhai moi nohoi."
|
||||
\v 59 Ek ghanta pichete aru ekjon ahikene koise, "Hosa pora, eitu manu bhi Tar logote thakise, tai bhi ekta Galile laga manu ase."
|
||||
\v 60 Kintu Peter hei koise, "Bhai, moi najane tumi ki kotha koi ase." Eitu kotha koi thaka homoi te, murga hola kori se.
|
||||
\v 61 Tetiya Jisu ghuri kene Peter ke saise, aru tetiya Peter Jisu kuwa kotha tu mon te ahise, Jisu ki koisile, "Tumi tin bar moi ke misa kobo aru tetiya murga hala koribo."
|
||||
\v 62 Tetiya Peter bahar te jai kene tita mon pora bisi kandise.
|
||||
\v 63 Aru tetiya sipai khan Jisu ke beya kotha koi kene mari bole suru hoise.
|
||||
\v 64 Tai khan Jisu laga suku te kapra bandi kene, koise, "Prophesy koribi! Kun pora tumi ke marise?"
|
||||
\v 65 Aru tai khan bisi bodnam aru beya kotha kori kene Jisu ke sorom khilaise.
|
||||
\v 66 Aru jetiya din ahise, cholawta manu khan ahi kene joma hoise, maha purohit aru kanun jana manu, aru Jisu ke bichar laga jaga te loi jaise,
|
||||
\v 67 aru koise, "Jodi tumi Khrista hoi, ami khan ke kobi." Kintu Tar tai khan ke koise, "Jodi moi tumi khan ke koi, tumi khan ketiya bhi bisas nokoribo;
|
||||
\v 68 aru moi tumi khan ke hudile, tumi khan ketiya bhi moi ke jowab dibole naparibo.
|
||||
\v 69 Kintu etiya pora Manu laga Putro ke Isor laga dahina hath te bohi thaka dikhibo."
|
||||
\v 70 Tetiya tai khan koise, "Eitu karone, tumi Isor laga Putro hoi naki?" Aru Tar tai khan ke koise, "Tumi khan hei koi ase moi hei hoi."
|
||||
\v 71 Tai khan koise, "Amikhan eitu kotha aghete aru ki jani bole gawahi lagi ase? Ami khan tai laga nijor mukh pora eitu kotha huni loise."
|
||||
\c 23
|
||||
\p
|
||||
\v 1 Tetiya sob manu uthi kene Jisu ke Pilate laga agete anise.
|
||||
\v 2 Aru tai khan suru hoise, aru koise, "Eitu manu desh tu beya kori ase, aru Caesar ke saman dibole mana kore, aru tai nijor ke Christa, ekta raja ase koi."
|
||||
\v 3 Tetiya Pilate pora Tar ke hudise, "Tumi Yehudi manu laga raja ase naki?" Kintu Tar tai ke koise, "Tumi nijor pora koise."
|
||||
\v 4 Tetiya Pilate maha purohit aru manu khan ke koise, "Moi eitu manu uporte eiku golti nadikhe."
|
||||
\v 5 Kintu tai khan eitu mana nai aru, koise, "Tar manu khan ke loi kene pura Judea te sikai kene berai thake, Galilee pora suru kori kene aru eitu jaga te bhi sikhai."
|
||||
\v 6 Aru jetiya Pilate eitu hunise, tetiya tai hudise Jisu tu Galilean ase naki.
|
||||
\v 7 Jetiya tai janise Jisu uporte kanun cholabo nimite Herod laga hath te hei adhikar ase, tai Herod usorte Tar ke pothai dise, Herod tai nijor bhi Jerusalem te thakise.
|
||||
\v 8 Aru jetiya Herod pora Jisu ke dekhise, tai bisi khusi paise, kele mane tai Jisu ke bisi din pora sabole mon thakise, aru tai Jisu pora kiba ekta asurit kaam kora tu sabole mon thakise.
|
||||
\v 9 Tetiya tai Jisu ke bisi kotha hudise, kintu Tar eiku jowab diya nai.
|
||||
\v 10 Tetiya maha purohit aru kanun jana manu khan khara hoise, aru Tar ke beya bebohar kori kene sorom khelaise.
|
||||
\v 11 Tetiya Herod aru tai laga sipahi khan mili kene Jisu ke sorom khelaise. Tar ke raja laga bhal kapur lagai dise, aru Pilate usorte wapas pathai dise.
|
||||
\v 12 Thik eitu din te Pilate aru Herod bhal sathi hoi jaise, kintu olop din aghete tai duijon bhitorte khota nimili thakisile.
|
||||
\v 13 Tetiya Pilate pora maha purohit, cholawta aru manu khan ke matise,
|
||||
\v 14 aru tai khan ke koise, "Tumi khan eitu manu ke moi usorte loi kene ke beya rasta te loi jai ase, kintu tumi khan Tar uporte ki arop lagai ase, moi eitu manu uporte eku beya dekha nai.
|
||||
\v 15 Aru Herod bhi Tar uporte eiku golti dekhanai, utu karone tai Jisu ke moi khan logote pothai dise, aru sabi, morai diya laga sajai dibole nimite eneka eku kaam Tar kora nai.
|
||||
\v 16 Eitu nimite moi taike sajai dibo, aru chari dibo."
|
||||
\v 17 Kelemane Jerusalem te jetiya dangor utsov hoi, niom pora duijon bhitorte ekjon jail te thaka manu ke charibole lage.
|
||||
\v 18 Kintu tai khan sob hala kori kene koise, "Eitu, manu ke sajai dibi aru bodli te Barabbas ke chari dibi!"
|
||||
\v 19 (Barabbas ke jail te dhalise kelemane tai manu ke morai disele aru citi te beya kaam khan kori kene thakise.)
|
||||
\v 20 Aru Pilate manu khan ke koise, Jisu ke charibole mon thakise.
|
||||
\v 21 Kintu tai khan aru bhi hala kori kene koise, "Crus te morai dibi, crus te morai dibi."
|
||||
\v 22 Pilate tin bar tai khan logote koise, "Kile, ki beya kaam Jisu korise? Moi Tar uporte eiku golti dekha nai Tar ke morai dibole. Eitu karone tai ke sajai dikene chari dibo."
|
||||
\v 23 Tai khan sob awaj uthai kene khong pora mangise Jisu ke crus te morabo lage, hala kori thakise.
|
||||
\v 24 Eitu pichete Pilate hei tai khan laga kotha tu mani loise.
|
||||
\v 25 Barabbas ke Pilate hei jail pora khuli dise, tai manu morai diya aru beya kaam kora ekta dokait thakise. Kintu Jisu ke tai khan hath te di dise.
|
||||
\v 26 Manu khan Jisu ke bahar te loi jaise, aru ekjon manu Simon, Cyrene ekta desh pora ahhi thakise, crus tu tai uporte dikene Jisu pichete te jaise.
|
||||
\v 27 Eitu homoi te bisi manu khan, aru maiki manu khan bisi mon dukh pora Tar usorte kandi thakise, aru Tar laga pichete jai thakise.
|
||||
\v 28 Jisu hei ghuri kene tai khan ke koise, "Jerusalem laga swali khan, moi nimite nakandibi, kintu tumi khan nijor nimite aru bachha khan nimite kandibi.
|
||||
\v 29 Kelemane sabi, eneka din ase jetiya tai khan kobo, 'Asirbad ase eitu bachca napa maiki khan aru jun laga pet pora bacha jonom huwanai, aru dudh khila nai.'
|
||||
\v 30 Aru tai khan pahar ke kobo, 'Ami khan uporte giribi,' aru pahar khan giri kene 'ami khan ke bon kori dibi.'
|
||||
\v 31 Jodi kacha ghas te eneka kore, tene hoile sukha ghas laga ki halat hobo?"
|
||||
\v 32 Aru duijan dokait ke Jisu logote loi jai kene crus te morai dise.
|
||||
\v 33 Jetiya eitu jaga te ponchise, eitu jaga laga nam tu "Matha laga Hardi," tate Jisu ke crus te dise, aru duita dokait ke bhi Jisu laga dahina aru baya phane crus te mari dise.
|
||||
\v 34 Tetiya Jisu hei koise, "Baba Isor, tai khan ke maph koridibi, tai khan ki korise eitu tai khan najane." Pichete tai khan Jisu laga kapur tu lottery kheli kene bhag korise.
|
||||
\v 35 Sob manu rokhi kene sai thakise. Aru tetiya cholawta manu khan Jisu ke sorom khelai kene koise, "Tar dusra ke bachaise. Etiya nijor ke bhi bachai lobi, jodi tai Isor laga Khrista ase, bachi luwa jon tu."
|
||||
\v 36 Sipai khan bhi Jisu ke sorom khelaise, aru tita pani dise,
|
||||
\v 37 aru koise, "Apuni jodi Yehudi khan laga raja ase koile, nijor ke bachai lobi."
|
||||
\v 38 Tar uporte ekta kotha likhi dise, "Jisu Yehudi khan laga raja."
|
||||
\v 39 Tetiya ekjon dokait Jisu usorte crus te thaka pora sorom khelai se Jisu ke koise, "Tumi Khrista nohoi naki? Tumi nijor ke bachai lobi aru ami khan kebi bachai lobi."
|
||||
\v 40 Kintu dusra ekjon pora tai laga sathi ke koise, "Tumi Isor ke bhoi nalage, ami khan beya kaam kora nijor sajai pai ase?
|
||||
\v 41 Aru eitu ami khan pabo lage, ami khan ki beya kaam korise eitu hisab te hei sajai pai ase. Kintu eitu manu eiku golti koranai."
|
||||
\v 42 Tetiya tai koise, "Jisu, moi ke yaad koribi jetiya apuni porom desh te jabo."
|
||||
\v 43 Tetiya Jisu hei tai ke koise, "Moi hosa koise, tumi aji moi logote porom desh te thakibo."
|
||||
\v 44 Kintu tin baji homoi te, achanak eitu sob jaga te andhera ahhi jaise.
|
||||
\v 45 Suraj tu andhar hoi jaise aru Jerusalem mondoli laga porda tu phati jaise.
|
||||
\v 46 Eitu pichete jor pora kandi kene Jisu koise, "Baba apuni laga hath te moi laga Aatma tu di ase." Jisu eitu koikena, Tar laga sas tu chari dise.
|
||||
\v 47 Aru jetiya sipai eitu ki hoise eitu dekhise, tai Isor ke mohima dise, aru koise, "Hosa pora Tar ekjon dharmik manu thakise."
|
||||
\v 48 Jiman manu eitu sabole ahise, ki hoise eitu tai khan dekhise, tai khan nijor chati te mari kene jaise.
|
||||
\v 49 Kintu jun manu Tar ke bhal pora jane, aru jiman maiki manu Galilee pora Tar logote berai thakisile, dur pora ki hoise eitu sai thakise.
|
||||
\v 50 Eitu homoi te ekjon manu Joseph koi kena, ekjon cholawta thakise tai ekjon bhal aru dharmik manu asile.
|
||||
\v 51 (Tai kanun jana manu khan logote kotha milanai). Tai Arimathea citi laga Yehudi manu thakise, aru tai bi Isor laga raijyo nimite rokhi thakise.
|
||||
\v 52 Tai Pilate, usorte jai kene Jisu laga gaw tu mangise.
|
||||
\v 53 Aru crus pora gaw tu namaise, aru sapha norom kapur pora Jisu laga gaw tu bhandi dise, pathor kati kene kobor bonai rakha jaga te Jisu ke rakhise, jun jaga te ketiya bhi manu ke rakha nai.
|
||||
\v 54 Etiya Jugut Din tu ahise, aru Sabbath din tu suru hobole homoi ahise.
|
||||
\v 55 Aru Galilee pora jiman maiki manu Jisu pichete berai thakise, aru tai khan Jisu laga kobor tu saise aru jun jaga te Tar ke rakhise.
|
||||
\v 56 Aru maiki khan wapas jai kene bhal sent aru tel Jisu laga gaw te lagabole nimite jugut korise. Aru tai khan niyom hisab te Sabbath din tu pobitro rakhikene araam hei korise.
|
||||
\c 24
|
||||
\p
|
||||
\v 1 Etiya hapta laga poila din te, tai khan kobor usorte ahise, bhal sent aru tel jugut kori kene tai khan anise.
|
||||
\v 2 Kintu tai khan dekhise kobor bon kori kene rakha pathor tu khuli kene ase,
|
||||
\v 3 kintu tai khan bhitorte jai kene Probhu Jisu laga gaw tu dekha nai.
|
||||
\v 4 Aru enika hoise, jetiya Jisu laga gaw tu kobor te dekhanai tai khan asurit hoise, achanak pora, duijon manu boga kapra lagai kene tai khan usorte khara hoise.
|
||||
\v 5 Aru, maiki khan bhoi lagi kena matha niche kori kene mati te girise, eitu manukhan pora maiki khan ke koise, "Tumi khan jinda manu ke mora khan majote kile bisari ase?
|
||||
\v 6 Tar iyate nai, kintu jinda hoise! Yaad koribi keneka Tar tumi khan ke koisile Galilee te thaka homoi te,
|
||||
\v 7 koisile Manu laga Putro keneka paapi manu hath te didibo aru Tar ke crus te morai dibo, aru tin din te Tar aru bhi jinda hoi jabo."
|
||||
\v 8 Tetiya maiki khan eitu kotha mon te yaad ahise,
|
||||
\v 9 aru jetiya kobor pora wapas jaise, tai khan jai kene egaroh jon chela aru sob manu ke khobor di dise.
|
||||
\v 10 Aru Mary Magdalene, Joanna, aru Mary James laga ama aru maiki khan jai kene chela khan ke khobor di dise.
|
||||
\v 11 Kintu eitu khobor tu chela khan misa bhabise, aru maiki khan kuwa kotha tu bisas kora nai.
|
||||
\v 12 Hoilebi Peter, khara hoi kene, Jisu laga kobor te polai kena jaise, aru usor pora sai se aru khali Jisu ke bandi rakha kapra hei dekhise. Aru tai bahar te ulai kene ki hoise eitu bhabise.
|
||||
\v 13 Etiya sabi eitu din te, duijon manu ekta bosti te jai thakise. Jerusalem pora sath mile dur Emmaus bosti te.
|
||||
\v 14 Tai khan Jisu laga kahani koi kene jai thakise.
|
||||
\v 15 Aru eneka hoise, tai khan kotha pati kena jai thaka homoi te, Jisu tai khan usorte ahi kene eke logote jai thakise.
|
||||
\v 16 Kintu tai khan suku pora Jisu ke chinibole para nai.
|
||||
\v 17 Tetiya Jisu tai khan ke koise, "Tumi khan ki kotha pati kena mon dukh pora jai ase?" Tai khan khara hoi jaise, mon dukh pora.
|
||||
\v 18 Kintu ekjon Cleopas Jisu ke koi kene hudise, "Apuni Jerusalem pora ekla hei ahhi ase naki aru ki hoise eitu bhi najane naki?"
|
||||
\v 19 Tetiya Jisu tai khan ke koise, "Ki khobor?" Tai khan koise, "Nazareth Jisu laga kotha, kun ekjon manu thakise, aru asurit kam aru kotha para Isor usorte aru sob manu usorte tai ekjon dangor bhaobadi thakise,
|
||||
\v 20 Aru maha purophit aru cholawta manu khan poraTar ke dhorise aru bodnam kori kene crus te morai dise.
|
||||
\v 21 Kintu moi khan bisas kori thaki se Tar hei Israel manu ke mukti dibo. Kintu eitu sob pura hoi kene, aji tin din hoi jaise.
|
||||
\v 22 Kintu kunba maiki khan kobor te joldi jai kene, moi khan ke ahi kene asurit kotha koise.
|
||||
\v 23 Aru tai khan Jisu laga gaw tu kobor bhitor te dekhanai, tai khan koise ami khan ke sorgodut khan hei koise Tar zinda ase koikene.
|
||||
\v 24 Kintu ami khan logote thaka kunba kobor te sabole jaise aru jeneka maiki khan pora koise eneka hei dekhise, kintu Jisu ke tate dekhanai."
|
||||
\v 25 Tetiya Jisu tai khan ke koise, " O okara manu aru mon chutu kori kene bhaobadi khan pora ke koise eitu namana manu khan!
|
||||
\v 26 Eitu dorkar thaka nai naki Khrista dukh pai kene, aru bhi Isor laga mohima te humabo?"
|
||||
\v 27 Moses pora suru kori kene aru kiman bhaobadi khan thakise, tai khan ke ki Isor kotha te Tar nimite likha ase eitu buji bole dise.
|
||||
\v 28 Tai khan kote jabole ahisile eitu bosti te ponchise, aru Jisu aghe te jabo nisina korise.
|
||||
\v 29 Kintu Tar ke anurodh kori kene koise, "Ami khan logote thakibi, aji laga din tu kothom hobole hoise." Aru Jisu tai khan logote thakibole jaise.
|
||||
\v 30 Aru ekeka hoise, jetiya tai khan eke logote bohise, Tar ruti loise, aru asirbad korise, aru bhangi kene tai khan ke dise.
|
||||
\v 31 Tetiya tai khan laga suku tu khulise, aru tai khan Tar ke chini paise, aru Jisu tai khan usor pora Aatma hoi kene jai jaise.
|
||||
\v 32 Tai khan ekjon-ekjon logote kotha patise, "Moi khan laga mon tu joli thaka nai naki, jetiya Tar ami khan logote ahi thakise, aru jetiya Isor laga kotha tu puri kene hunai sile?"
|
||||
\v 33 Eitu homoi te tai khan uthise, aru Jerusalem te wapas jaise. Egharoh chelakhan eke logote joma hoi thakise, aru dusra khan bhi eke logote thakise.
|
||||
\v 34 Aru koise hosa pora Probhu jinda hoise, aru Simon usorte ahise."
|
||||
\v 35 Tetiya rasta te ki hoise eitu sob tai khan ke koi dise, keneka Jisu ami khan ke dekhai dise jetiya Tar ruti bhangise.
|
||||
\v 36 Jetiya eitu kahani koi thakise, Jisu tai khan majote ahi kene khara hoi kene koise, "Tumikhan uporte shanti thakibo."
|
||||
\v 37 Kintu tai khan asurit lagise, aru bisi bhoi lagise, tai khan bhabise ekta Aatma tai khan laga usorte ahise.
|
||||
\v 38 Tetiya Jisu tai khan ke koise, "Tumi khan kile bhoi lagise, aru kile mon te alag bhabana kori ase?
|
||||
\v 39 Ami laga hath aru paw tu sabi aru eitu moi hai ase. Moi ke chui kene sabi kele aatma tu mangso aru hardi nathake, kintu moi poila nisina hei ase.
|
||||
\v 40 Jetiya Tar eitu kotha koise, Tar tai khan ke hath aru paw dikhai dise.
|
||||
\v 41 Aru eitu homoi te tai khan bisas nokora nisina hoi jaise, Tar aru tai khan ke koise, "Tumi khan logote kiba khabole ase naki?"
|
||||
\v 42 Tetiya tai khan Jisu ke jolai rakha mas khabole dise,
|
||||
\v 43 aru Tar tai khan usorte loi kene khaise.
|
||||
\v 44 Aru tai khan ke koise, "Eitu moi laga kotha ase moi jinda thaka homoi te tumi khan ke koisile, Moses laga kitab te ki moi nimite likha ase, aru bhaobadi aru gana te ki likha ase eitu pura hobo lage."
|
||||
\v 45 Tetiya Tar tai khan laga dimak Isor kotha bujibole khuli dise, aru tai khan ke koise,
|
||||
\v 46 "Eitu nimite kotha likha ase: Khrista dukh pabo, aru mora pora tin dinte jinda hobo;
|
||||
\v 47 aru mon ghurabole aru paap pora khima pabole sob desh te porchar koribo, Jerusalem pora suru hobo.
|
||||
\v 48 Tumi khan eitu laga gawahi hobo.
|
||||
\v 49 Moi tumi khan ke baba Isor para ki kosom dise pothai ase. Kintu tumi khan eitu citi chari kene najabi jetiya tak sorgo pora takot napabo."
|
||||
\v 50 Aru Jisu tai khan ke olop dur Bethany te loi jaise, aru hath uthai kene tai khan ke asirbad korise.
|
||||
\v 51 Etiya eneka hoise, jetiya Tar tai khan ke asirbad kori thakise badal ahikene Jisu ke uthai kene sorgo te loi jaise.
|
||||
\v 52 Tai khan Jisu ke mahima kori thakise, aru khusi anonda pora Jerusalem te wapas jaise,
|
||||
\v 53 aru tai khan mondoli te jai kene thakise, aru Isor ke dhonyabad aru aradhana kori thakise.
|
||||
|
|
@ -0,0 +1,1054 @@
|
|||
\id ACT - Indian Revised Version (IRV) Nagamese
|
||||
\c 1
|
||||
\p
|
||||
\v 1 Poila kitab te moi likhise, Theophulis, Jisu ki sikhaise aru ki korise,
|
||||
\v 2 taike sorgote loi juwa din tak, Pobitro Aatma laga takot pora Tar nijor basi luwa apostle khan ke hukum dise.
|
||||
\v 3 Tar bisi dukh korikene aru jinda uthi ja pichete chalis din tak Tar hosa pora jinda thakise. Koikene dikhai dise, aru Isor raijyo laga kotha taikhan ke koise.
|
||||
\v 4 Tar jetiya taikhan logote thakise, tai khan ke hukum dise Jerusalem chari kene najabi, kintu Baba Isor laga echha rukhi thakibi ji kotha Tar koise, ''Moi kuwa kotha tumi khan huni loise
|
||||
\v 5 kelemane John tu pani pora Baptizma dise, kintu tumikhan to olop din pichete Pobitro Aatma pora baptisma pabo."
|
||||
\v 6 Jetiya taikhan eke loge joma korise, tai khan hudise, aru koise, ''Probhu apuni itu homoi te Israel laga raijyo wapas dibo naki?''
|
||||
\v 7 Kintu Tai taikhan ke koise, ''Eitu tumi khan janibole din aru homoi ahanai, Baba Isor hei nijor adhikar aru hokti pora koribo.
|
||||
\v 8 Kintu tumi khan hokti pabo, jetiya Pobitro Aatma ahibo, aru tumikhan moi laga gawahi koribo, Jerusalem te Judia aru Samaria te aru prithibi laga sob jaga te.''
|
||||
\v 9 Jetiya Probhu Jisu eitu kotha khan koi thakise, taikhan upor sai thaka homoi te, Tai ke upar te uthai loi jaise, aru badal ahhi kene tai ke bon kori dise aru tai khan laga suku pora eku nedikha hoi jaise.
|
||||
\v 10 Jetiya tai khan Jisu ke sorgo te loi jai thaka tu sai thakise, aru achanak, duijan manu boga kapur lagai kene tai khan usorte khara hoi thakise.
|
||||
\v 11 Aru koise, Galilee laga manu khan tumikhan, kele sorgo phane sai kene khara kori ase? Eitu Jisu jun ke sorgo te loi jaise, Tar ke sorgo juwa dekha nisina aru wapas eneka ahha dekhibo.''
|
||||
\v 12 Tetiya taikhan Jerusalem te ahise, Olive Pahar pora, jun to Jerusalem pora ekta bisram din nisina dur ase.
|
||||
\v 13 Jetiya taikhan ahhi ponchise, taikhan upor kamra te jaise, jun jaga te sob manu bohi thakise, aru tate Peter, James, John, aru Andrew, Philip aru Thomas, Bartholomew, Mathew, Alpheus laga chokora James, Simon Zealot aru James laga bachha Judas.
|
||||
\v 14 Taikhan sob ekta mon hoi kena prathana kori thakise, tate maiki khan bhi ase, aru Jisu laga ama Mary aru Tai bhai khan bhi thakise.
|
||||
\p
|
||||
\v 15 Aru eitu homoi te eksoh-bis nisina bhai khan jama thakise, tetiya Peter hei koise,
|
||||
\v 16 "Bhai khan, Isor kotha te ki likhi ase eitu pura hobo lagibo, je Pobitro Aatma hei David laga mukh pora Judas nimite koi sele, jun hei manu khan ke loi ani kene Jisu ke dhoribole dise.
|
||||
\v 17 Kelemane taike bi amikhan logote gonti korise, aru Isor laga kaam koribole tai laga bhag bhi thakise.''
|
||||
\v 18 (Ekjon manu tai laga letera kamai pora kheti kinise, aru eitu jaga te tai poila matha ulta kori kene girise, aru tai laga pet phati jaise, aru pet nari sob bahaar te ulaai ahise.
|
||||
\v 19 Aru Jerusalem te thaka manu sob eitu kotha janise, aru tetiya tai khan nijor kotha pora eitu kheti laga naam ''Akeldama,'' dise juntu laga motlob ase, ''Khun laga Kheti.'')
|
||||
\v 20 ''Kelemane Psalms laga kitab te likha ase, 'Tai laga kheti khali hoi jabo, tate kun ke bhi thakibole nidibi,' aru 'kunba pora tai laga kaam tu loi lobole dibi.'
|
||||
\v 21 Eitu dorkar ase, kelemane, jun manu Probhu Jisu thaka homoi pora moi khan logote Tai naja tak thakise,
|
||||
\v 22 suru pora John ke baptisma diya homoi aru Jisu ke moi khan logot pora uthai loi naja tak- ekjon manu moi khan logote mili kene Tar uthi juwa laga gawahi koribole lage.''
|
||||
\v 23 Aru taikhan duijon manu ke aghe te rakhise, Joseph jun ke Barsabbas bhi koi, aru tai ke Justus, aru Matthias bhi mate.
|
||||
\v 24 Aru taikhan prathana korikene koise, ''Apuni, Probhu, sob manu laga mon jane, eitu nimite duijon majote kun ke bachi loise eitu janai dibi.
|
||||
\v 25 kun he sewa laga jaga lobo jun hei Judas ke chari kene nijor jaga te jai jaise.''
|
||||
\v 26 Tetiya taikhan lottery korise, aru lottery te Matthias naam te ulai se, aru tetiya tai ke egarohta chela majote te tai bhi ekjon hoi jaise.
|
||||
\c 2
|
||||
\p
|
||||
\v 1 Jetiya Pentecost din ahise, taikhan sob ek jagah te joma hoise.
|
||||
\v 2 Aru achanak tate awaz ekta sorgo pora ahise, aru jun jaga te tai khan bohi thakise eitu pura ghor tu bhorta hoi jaise.
|
||||
\v 3 Tetiya tate alag-alag kotha kobole suru hoise, jui nisina, aru ekjon-ekjon uporte bohi jaise.
|
||||
\v 4 Aru taikhan sob Probitro Aatma pora bhorta hoise aru alag kotha pora kobole suru hoise, Aatma pora tai khan ke dusra bhasa pora kobole sikhai dise.
|
||||
\v 5 Aru tate Yehudi manu khan Jerusalem te thakise, Isor kotha jani kene thaka manu, aru akash nichete thaka sob jati Yehudi dhormik khan sob Jerusalem te ahhi thakisele.
|
||||
\v 6 Aru jetiya eitu awaz hunise, tate manu khan sob ahhi kene asurit lagise kelemane tai khan nijor laga kotha pora koi thaka hunise.
|
||||
\v 7 Tetiya taikhan sob asurit hoi jaise; aru tai khan koise, ''sabi, tai khan Galilee manu nohoi naki?
|
||||
\v 8 Tene hoile keneka taikhan laga mukh pora amikhan ki kotha koi kene jonom korise eitu kotha koi ase?
|
||||
\v 9 Parthia laga aru Mede aru Elam laga, aru kun Mesopotamia te thake, Judea aru Cappadocia, Pontus aru Asia te,
|
||||
\v 10 Phrygia aru Pamphylia, Egypt aru Cyrene usorte Libya, aru Rome phale jai thaka manu khan,
|
||||
\v 11 aru Yehudi aru proselytes, Crete khan aru Arab khan, tai khan Isor laga dangor aru asurit kaam kora tu moi khan laga kotha pora koi thaka tu hunise.''
|
||||
\v 12 Tai khan sob asurit pora bhabana kori kene, ekjon-ekjon ke koise, ''Eitu laga ki motlab ase?''
|
||||
\v 13 Kintu dusra khan pora sorom khelai kene koise, ''Taikhan nisa pani kori kene ase.''
|
||||
\v 14 Kintu Peter egharoh jon logote khara hoi kene jor pora taikhan ke koise, ''Judea laga manu khan aru jerusalem te thaka khan, apunikhan eitu jani lobi, aru moi ki koi ase eitu bhal kori kene huni lobi.
|
||||
\v 15 Kintu eitu manu khan tumi khan pora bhabana kora nisina nisa pani khai kene thaka nai, kelemene etiya phojir nou-baji he ase.
|
||||
\v 16 Kintu eitu kotha bhaobadi Joel pora koise.
|
||||
\v 17 Eneka ses-din te hobo, 'Isor pora koise, moi laga Aatma sob manu uporte di dibo tumi khan laga lora suwali khan pora prophesy koribo, aru juwan manu khan darsan pabo, aru bura manu khan sapna dikhibo.
|
||||
\v 18 Aru moi laga sewak aru maiki sewak khan uporte moi laga Aatma di dibo, aru tai khan prophesy kobo.
|
||||
\v 19 Moi akash aru prithibi te asurit kaam dekhai dibo, khun aru jui aru dhuwa laga bhap.
|
||||
\v 20 Tetiya suraj tu andhera hoi jabo aru chand tu khun nisina dekhibo, Probhu laga dangor mohima din naha aghete eitu khan sob hobo.
|
||||
\v 21 Aru jun manu ses homoi tak Probhu laga naam loi kene thake tai bachhi jabo.'
|
||||
\v 22 Israel laga manu khan, eitu kotha hunibi, Nazareth Jisu eneka manu thakise jun ke Isor pora tumi khan nimite pothai dise dangor aru asurit kaam koribole nimite, aru eitu sob Isor pora Probhu Jisu ke loi kene korise, aru eitu sob tumi khan pora dekhise.
|
||||
\v 23 Eitu manu, Isor pora keneka bhabana korise aru tar laga gyan pora, Jisu ke beya manu hath te di dise, aru tumi khan Tar ke gojal mari kene crus te morai dise.
|
||||
\v 24 Tai ekjon ase jun ke Isor mora pora jinda kori dise, mora pora tai ke chari dise, kelemane Tai ke mora pora aru bandhi rakhibole para nai.
|
||||
\v 25 Kelemane David, Tai nimite koise, 'Moi Probhu ke hodai moi laga chehera usorte dikhe, Tai moi laga dahina hath te thake, moi beya rastate najabo nimite.
|
||||
\v 26 Eitu karone, moi laga mon khusi ase aru moi laga jiba dhonyabad kore aru, moi laga gaw bhi bisas te jinda thakibo.
|
||||
\v 27 Kelemane apuni moi laga jibon mora jaga te chari nidibo, aru Apuni laga Pobitro Jon ke puchibo nidibo.
|
||||
\v 28 Apuni moi ke jibon laga rasta dikhai dise; aru apuni laga usorte moi ke khusi pora bhorta kori dibo.'
|
||||
\v 29 Bhai khan, moi tumi khan usorte khuli kene David pora ki kaam korise eitu kobole pare, tai duijon bhi morise, aru tai laga kobor aji tak moi khan logote ase.
|
||||
\v 30 Eitu karone, tai ekta bhaobadi thakise aru jani thakise Isor tai logote kosom khai se, tai laga khandan pora ekjon ulabo aru uthai kene Tar laga sinhason te bohhai dibo.
|
||||
\v 31 Aru aha din te ki hobole ase eitu sob tu dekhi kene, tai Khrista mora pora jinda huwa laga kotha koise, 'Tai ke mora khan mojote bhi chari diya nai, aru Tai laga gaw bhi puchi janai.'
|
||||
\v 32 Eitu Jisu- Isor he jinda kori dise, aru amikhan sob eitu laga gawahi ase.
|
||||
\v 33 Eitu nimite Tar ke Isor laga dahina hath te bohai kene uthai dise aru Baba Isor pora Tar moi khan uporte di dise, moi khan dikhe aru hunibole para tu.
|
||||
\v 34 Kelemane David to sorgote uthai loi juwa nai, kintu tai nije koise, 'Probhu hai amar Probhu ke koise, ''Ami laga dahina hath te bohibi,
|
||||
\v 35 jetiya tak tumi laga dusman khan ke tumi laga bhori raka jaga bonai nadiye.''
|
||||
\m
|
||||
\v 36 Eitu karone, Isreal te jiman ghor ase eitu jani lobi Isor Tai ke Probhu aru Khrista bonai dise, eitu Jisu jun ke tumi khan crus te mari dise.''
|
||||
\p
|
||||
\v 37 Jetia tai khan eitu kotha hunise, mon te jokhom paise, Peter aru tate thaka apostle khan ke koise, ''Bhai khan, moi khan ki koribo?
|
||||
\v 38 Tetiya Peter taikhan ke koise, ''Mon ghurabi, moi koi ase, aru baptisma koribi, sob manu, Jisu Khrista naam pora aru nijor laga paap pora , tetiya tumi khan Pobitro Aatma laga asirbad pabo.
|
||||
\v 39 Kelemane eitu Isor laga kosom tumi aru tumi khan laga bachha khan nimite ase aru jun manu ke Isor pora mati loi anibo tai khan nimite bhi ase.''
|
||||
\v 40 Tai aru bisi kotha pora gawahi di kene taikhan ke samjhai se, aru koise, ''Nijor ke beya manu khan pora bachai rakhibi.''
|
||||
\v 41 Tetiya tai khan eitu sob huni kene batisma loise, aru tin hazar bachi luwa Aatma majote tai khan ke bhi gonti kori loise.
|
||||
\v 42 Aru taikhan apostle khan pora ki sikhai dise eitu kotha khan koi jai thakise aru ekjon-ekjon logete fellowship kori, aru roti bhangai kene prathana te thakise.
|
||||
\v 43 Aru sob logote bhoi ahhi jaise, aru asurit kaam apostle khan pora korise.
|
||||
\v 44 Aru bisasi khan logote mili kene thakise, aru taikhan laga ki kaam hoilebi mili kene kori thakise.
|
||||
\v 45 Aru taikhan nijor dhun-sampoti aru saman sob bikiri kori kene kun ke lage tai khan ke bhag kori dise.
|
||||
\v 46 Aru hodai din ekta bhabana loi kene girja te kaam kore, aru ekjon-ekjon logote khusi aru mon sapha pora ghor te roti bhangai kene Isor ke dhonyabad daye,
|
||||
\v 47 Aru hodai Isor ke dhonyabad kore, aru sob logote morom pai kene, hodai Probhu ke kun bisas kori kene jibon pai tai khan majote gonti hoi jai.
|
||||
\c 3
|
||||
\p
|
||||
\v 1 Eitu homoi te Peter aru John prathana koribole mondoli te jai thakise.
|
||||
\v 2 Tetiya tate ekjon manu ama laga pet te thaka homoi pora berabole napara ke manu khan pora hodai bukhi kene mondoli laga gate Sundor koi kene ase tate rakhi diye, tai mondoli te ahha manu khan ke poisa mangi bole paribo nimite.
|
||||
\v 3 Tai ketiya Peter aru John ke mondonli te juwa dekhise, taikhan ke poisa mangise.
|
||||
\v 4 Kintu Peter, John logote mili kenee tai ke bhal kori sai se aru, koise, ''Moikhan phale saabi.''
|
||||
\v 5 Tetiya eitu bera bole napara manu tai khan ke sai se, aru bhabise kiba tai khan pora pabo.
|
||||
\v 6 Kintu Peter koise,''Sona aru chandi moi logot nai, kintu ki moi logot ase, eitu moi tumike dibo. Nazareth Jisu Khrista naam pora koi ase, uthi kene berabi.''
|
||||
\v 7 Aru Peter tai laga dahina hath dhori kene khara kori bole dise, aru eitu homoi te bhori laga hardi khan te takot ahhi jaise.
|
||||
\v 8 Tetiya eitu manu khara hoi kene bera bole suru hoise; aru tai khan logote mondoli bhitor te jaise, kudi kene aru berai kene Isor ke dhonyabad dise.
|
||||
\v 9 Aru sob manu taike berai kene Isor ke dhonyabad kora dekhise.
|
||||
\v 10 Aru manu khan tai ke dekhi kena jani loise tai kun ase, tai mondoli laga Sundor dorja te bohi kene manu khan ke poisa mangi thake; manu khan tai logote ke hoise eitu dikhi kene bisi asurit hoi jaise.
|
||||
\v 11 Aru eitu manu Peter aru John logot te jai thaka karone, sob manu polai ahi kene Solomom laga veranda koa ekta jaga te joma hoise aru tai khan bisi asurit pora sai thakise.
|
||||
\v 12 Jetiya Peter eitu dekhise, manu khan ke koise, ''Isarel laga manu khan, eitu deki kene kele eman asurit lagi ase? Aru kile moi khan ke eneka sai ase, moi khan laga takot aur bhal khan bisi bhal manu thaka nisina?
|
||||
\v 13 Abraham laga Isor, Isak aru Jakob laga Isor, ami khan Baba laga Isor, Tar laga sewak Jisu ke mohima kori dise, tumi khan tai laga kotha huna nai aru Pilate laga usorte Tar ke sorom khelaise, jetiya Pilate pora Jisu ke chari dibo koise eitu bhi tumi khan mana nai.
|
||||
\v 14 Kintu tumi khan Pobitro aru dhormik ekjon ke luwa nai, aru manu morai diya ekjon ke chari dibole binti korise.
|
||||
\v 15 Kintu Jibon-diya ke morai desi, jun ke Isor mora pora aru jinda kori dise- aru moikhan utu laga sakhi ase.
|
||||
\v 16 Etiya, Jisu laga naam aru bisas pora jun ke dekhise aru jane tai ke takot kori dise, aru Jisu laga naam te aru bisas pora eitu manu ke apuni khan sob usorte pura bhal kori dise.
|
||||
\v 17 Etiya, bhai khan, moi jane apuni khan najani kene kori dise, aru tumi khan laga cholawta khan bhi eneka korise.
|
||||
\v 18 Kintu ji kotha Isor he tai laga bhaobadi khan mukh pora koi disele,Tar laga Khrista dukh pabo, aru Tar eitu pura kori dise.
|
||||
\v 19 Mon ghurabi, aru, tetiya nijor paap pora maph pabo,
|
||||
\v 20 Probhu laga asirbad apuni khan logote nutun korikene ahibo; aru Tar apuni khan nimite bachi kena rakhi diya ekjon, Jisu Khrista ke pothai dibo.
|
||||
\v 21 Tai ke sorgo te loi jabo jetiya tak sob kaam pura nohoi, aru ji kotha Isor pora tai laga pobitro bhaobadi khan laga mukh pora koi di sele.
|
||||
\v 22 Moses pora koise, Probhu Isor pora tumi khan nimite moi nisina ekjon ulai dibo, aru Tar ki kotha kobo eitu tumi khan sob hunibo.
|
||||
\v 23 Aru kun eitu bhaobadi laga kotha nahunibo, eitu bhaobadi pora tai ke manu laga majot pora khotom kori dibo.
|
||||
\v 24 Aru Samuel pora loi kene jiman bhaobadi khan tai pichhe te ahise, jiman manu pora koise sob eitu din laga kotha hai koise.
|
||||
\v 25 Apuni khan bhaobadi laga bachha khan ase, aru Isor pora tumi khan laga baba khan logote koi nisina, Abraham ke koise, 'Aru tumi laga bijon pora duniya te sob poribar asirbad pabo.'
|
||||
\v 26 Jetiya Isor pora Tai laga sewak ke mora pora jinda kori dise,Tar pora Tar ke tumi khan usorte poila pothai dise, tumi khan laga beya kaam pora ghurai kene loi anibo aru asirbad dibo.''
|
||||
\c 4
|
||||
\p
|
||||
\v 1 Jetiya Peter aru John manu khan logot kotha kori thakise, purohit aru mondoli laga cholawta aru sadducee khan duijon logot ahise.
|
||||
\v 2 Tai khan bisi chinta hoi jaise, kelemane Peter aru John Jisu mora pora jinda uthi jaise koi kene manu khan ke sikhai thakise.
|
||||
\v 3 Aru taikhan duijon ke dhori kene dusra din tak jail te rakhi dise, kelemane sam hoi ja karone.
|
||||
\v 4 Kintu jiman manu eitu kotha hunise tai khan bisas korise; aru bisas kora manu khan sob milai kene panch hazar nisina hoi jaise.
|
||||
\v 5 Aru dusra din te cholawta aru kanun jana manu khan sob jerusalem te jama hoise.
|
||||
\v 6 Aru Annas moha purohit bhi tate thakise, aru Caiaphas, John aru Alexandra aru jiman dangor purohit sob joma hoise.
|
||||
\v 7 Aru jetiya Peter aru John ke tai khan laga majote rakhise, tai khan ke hudise, ''Kun laga takot aur kun laga naam pora tumi khan eitu korise?''
|
||||
\v 8 Tetiya Peter, Pobitro Aatma pora bhorta hoi kene, tai khan ke koise, ''Tumi manu khan laga cholawta khan, aru bura manu khan,
|
||||
\v 9 Moi khan ke ekta bimar manu ke bhal kaam kori diya nimite hudi ase, keneka kori kene tai bhal hoise?
|
||||
\v 10 Apuni khan aru Israel laga manu sob pora jani lobi, Nazareth Jisu Khrista naam pora, kun ke tumi khan crus te morai dise, kintu mora pora Tai ke Isor jinda kori dise, Tai laga naam pora eitu manu bhal hoi tumi khan usorte khara ase.
|
||||
\v 11 Jisu Khrista eitu pathor ase jun ke tumi khan pora phelai dise, ghor bana manu khan, kintu eitu pathor hai sob pora bhal aru kaam laga pathor hoi jaise.
|
||||
\v 12 Aru Tai nohoile dusra kun bhi poritran dibole naparibo, kelemane sorgo laga nichete kun bhi eneka nai ami khan laga paap pora mukti dibole nimite.''
|
||||
\v 13 Jetiya taikhan Peter aru John laga mon dangor dikhise, aru janise tai khan likha pora manu nohoi, tai khan asurit lagise, aru tai khan Jisu logote thakise koi kene jani jaise.
|
||||
\v 14 Aru taikhan dikhise bhal hoi juwa manu tai duijon logote khara hoi thakise, taikhan eku bhi kobo para nai.
|
||||
\v 15 Aru jetiya apostle khan ke sabha laga bahar te pothai dise, taikhan nijor majot te kotha patise.
|
||||
\v 16 Tai khan koise, ''Amikhan eitu duijon ke ki kori di le bhal hobo? Kelemane Jerusalem te thaka sob jani jaise, duijon ki asurit kaam kori dise, aru amikhan eitu mana koribo naparibo.
|
||||
\v 17 Kintu eitu kotha aru dusra manu khan logote bisi nakobole nimite, amikhan tai duijon ke koi dibo eitu naam loi kene dusra ke aru nasikhabo le.''
|
||||
\v 18 Peter aru John ke mati kene, tai khan hukum dise aru Jisu laga naam nokobo aru Tar laga kotha nasikhabole nimite koise.
|
||||
\v 19 Kintu Peter aru John taikhan ke koise, ''Isor laga kotha huna tu thik ase na tumi khan laga kotha mana tu thik ase, eitu tumi khan bhabi kene sabi.
|
||||
\v 20 Kelemane amikhan ki dekhise aru hunise eitu nokoi kene thakibole naparibo.''
|
||||
\v 21 Tetiya Peter aru John ke dhomki di kene jabole dise, kelemane manu khan tai duijon laga asurit kaam tu dekhi kene Isor ke dhonyabad di thakise aru tai duijon ke sajai dibole eku golti tai khan dekha nai.
|
||||
\v 22 Kelemane jun ke asurit pora changai kori dise eitu manu chalis saal laga thakise.
|
||||
\v 23 Jetiya tai duijon ke chari dise, Peter aru John nijor manu khan logote jai kene maha purohit aru cholawta khan pora ki koise eitu tai khan ke koi dise.
|
||||
\v 24 Jetiya taikhan eitu hunise, tai khan sob awaz uthai kene eke logote Isor ke koise, ''Probhu, apuni sorgo aru prithibi bonaise aru samundar te ji ase sob bonai diya Probhu Isor.
|
||||
\v 25 Apuni ekjon ase jun hai Pobitro Aatma pora apuni laga sewak laga mukh pora koise, moi khan laga baba David, 'Ki nimite dusra jat manu khan khong uthise, aru manu khan misa kotha khan kile bhabi thake?'
|
||||
\v 26 Prithibi laga raja khan uthi khara hoise, aru cholawta khan eke logote joma hoise, Probhu laga birodh te aru Khrista laga birodh te.'
|
||||
\v 27 Hosa pora, Herod aru Pontius Pilate, dusra jati aru Israel laga manu khan, sob eke logote jama hoi kene apuni laga pobitro sewak jun ke apuni asirbad korise tai ke manu khan pora hinsa korise.
|
||||
\v 28 Aru tai khan sob joma korise aru apuni laga hath pora ki koribole echha asele eitu sob poila pora hobo koi kene thakise.
|
||||
\v 29 Etiya, Probhu, tai khan laga dhomki ke sabi, aru apuni laga sewak mon dangor kori kene apuni laga kotha kobole nimite takot dibi.
|
||||
\v 30 Eitu karone apuni laga hath changai koribole nimite khuli dibi, aru apuni laga pobitro sewak Jisu laga naam te asurit kaam koribole nimite.''
|
||||
\v 31 Aru jetiya taikhan prathana kori khotom hoise tai khan jun jaga te thakise eitu hilibole suru hoise, aru taikhan sob Pobitro Aatma pora bhorta hoi jaise, aru taikhan bhoi nokori kene Isor laga kotha manj khan ke koise.
|
||||
\v 32 Aru jiman manu bisas te joma hoi thakise tai khan sob mon aru bhabhana sob eki hoi thakise, aru kun pora bhi nijor laga dhun sompoti eitu moi laga ase koi kena kuwa nai kintu ekjon-ekjon logote bhag korise.
|
||||
\v 33 Aru apostle khan takot pora, Probhu Jisu jinda hoise koikene gawahi di thakise, aru taikhan sob logote Isor laga morom thakise.
|
||||
\v 34 Aru taikhan majote kun bhi dukh nathaka hoise, kelemane kun manu logote kheti ghor aru saman ase sob bikiri kori kene eitu laga daam ani di thakise.
|
||||
\v 35 Aru apostle khan laga bhori nichete ani kene rakhi deye, aru taikhan kun ke ki dorkar ase eitu sai kene bhag kori diye.
|
||||
\v 36 Tetiya Joseph, tai ke barnabas koi kena apostle khan pora mate (mon dangor kori diya chokra bhi koi), ekta Levite, jonom pora Cyprus jaga laga manu,
|
||||
\v 37 tai laga ekta kheti thakise eitu bikiri kori kene poisa anise aru apostle khan laga bhori te rakhi dise.
|
||||
\c 5
|
||||
\p
|
||||
\v 1 Etiya ekjon manu Ananias, aru tai laga maiki Sapphira diujan mili kena chutu ekta mati bikiri korise,
|
||||
\v 2 Aru tai laga maike logote kotha milai kene adha poisa rakhi loise, aru adha poisa jai kene apostle khan laga bhori te rakhi dise.
|
||||
\v 3 Kintu Peter koise, ''Ananias, kele satan pora tumi laga mon tu Pobitro Aatma ke misa kobole bhorta kori dise aru ki bikai korise eitu laga adha tumi kile loi rakhise?
|
||||
\v 4 Jetia mati tumi logote bikiri nohoi kene thakise, tetiya tumi laga mon te ahanai, aru jetiya bikiri hoi jaise, tumi thaki bole para nai? Tumi laga mon te keneka eitu bhabise? Tumi manu ke misa kuwa nai, kintu Isor ke hai misa koise.''
|
||||
\v 5 Jetiya Ananias eitu kotha hunise, tai giri kene tate mori jaise, aru jun eitu kotha hunise sob bhoi lagi jaise.
|
||||
\v 6 Aru tai ke uthai kene jowan khan ahhi kena kapur pora bandi dise, aru loi jai kene, mati te hali dise.
|
||||
\v 7 Aru tin ghanta pichete, tai laga maiki ahise, ki hoise eitu najani kene thakise.
|
||||
\v 8 Tetiya Peter taike koise ''Tumi eitu mati eman pora bikiri korise." Tetiya tai koise ''Hoi, eman pora hai bikiri korise.''
|
||||
\v 9 Tetiya Peter taike koise, ''Tumi duijon mili kene Isor laga Aatma ke porikha koribole kene bhabise? Sabi, tumi laga mota ke mati te hali diya manu khan dorja usor te khara kori ase, aru tumi ke bhi uthai loi jabo.
|
||||
\v 10 Tetiya tai eitu homoi te Peter laga bhori nichete giri kene mori jaise, aru jetiya jawan khan bhitor te ahise, taike mora paise, aru bahar te loi jai kene tai laga mota usorte dabai dise.
|
||||
\v 11 Aru jiman manu girja te thakise aru eitu kotha hunise tai khan sob bisi bhoi lagi jaise.
|
||||
\v 12 Aru chela khan laga hath pora asurit kaam manu usor te kori thakise, aru taikhan sob eki mon hoi Solomon laga veranda te joma hoise.
|
||||
\v 13 Kintu tai khan logote kaam koribole kun laga bhi mon dangor thakanai; hoilebi manu khan pora tai khan ke bisi ejat di thakise.
|
||||
\v 14 Probhu laga naam te mota aru maiki bisi joma hoise, aru bisas khan logot mili kene ekta mon para kaam korise,
|
||||
\v 15 eitu karne manu khan bisna uthai kene bimar manu ke rasta te loi jai kene rakhi dise, jetiya Peter tate ahibo, tai laga chhaya bimar manu khan uporte lagi kene bhal hoi jabo.
|
||||
\v 16 Aru Jerusalem usorte thaka nagar khan pora manu khan bimar aru beya aatma pora dukh di thaka khan loi ani jama kori dise, aru sob manu jiman ahise bhal hoi jaise.
|
||||
\v 17 Kintu maha purohit khara hoi jaise, aru jun manu tai logote thakise tai khan bhi uthi jaise (sadducee khan laga ekta dol); aru tai khan eitu sai kene jolon hoise
|
||||
\v 18 aru apostle khan ke dhori kene jail te rakhi dise.
|
||||
\v 19 Kintu eitu raati te Probhu laga sorgodot ahhi kene jail laga dorja khuli dise, aru taikhan ke bahar ulai dise, aru koise,
|
||||
\v 20 ''Jabi aru khara kuri kene mondoli bhitorte jiman manu ase tai khan ke jibon laga kotha koi dibi.''
|
||||
\v 21 Aru jetiya taikhan eitu hunise, tai khan phojur te jai kene mondoli bhitorte sikhai se. Kintu maha purohit aru jiman manu tai logote thakise tai khan bhi ahise, aru Isreal laga bacha cholawta khan ke sabha te eke logote matise, aru jail pora apostle khan ke loi ani bole nimite pothaise.
|
||||
\v 22 Kintu jetiya sahab khan jail te jaise kintu taikhan ke bisari panai, tetiya taikhan wapas jai kene khobor dise.
|
||||
\v 23 Koise, ''Moi khan jai kene jail aru sipai khan bhi tate khara kori thakise, kintu jetiya khulise, moi khan bhitote kun ke bhi panai.''
|
||||
\v 24 Jetiya mondoli laga cholawta aru maha purohit khan eitu kotha hunise, taikhan asurit hoise, aru bhabise eitu keneka hoi jaise.
|
||||
\v 25 Tetiya kunba ahhi kene taikhan ke koise, ''Sabi, apunikhan kun ke jail te dhalidise, tai khan mondoli te khara kori kene manu khan ke sikhai ase.''
|
||||
\v 26 Tetiya cholawta aru dangor sahab khan jaise, aru tai khan ke loi anise, kintu tai khan ke eku kora nai, kelemane manu khan tai khan ke pathor maribo jodi tai khan apostle khan ke dukh dise.
|
||||
\v 27 Aru jetiya tai khan ke anise, sabha usorte khara koribole dise. Tetiya maha purohit pora tai khan ke hudise,
|
||||
\v 28 aru koise, ''Moi khan koi dise apuni khan eitu naam loi kene nashikabi, kintu, tumi khan Jerusalem tu pura tumi khan laga kotha pora bhorta kori dise, aru eitu manu laga khun moi khan uporte dhali bole bisari ase.''
|
||||
\v 29 Kintu Peter aru apostle khan koise, ''Amikhan manu laga kotha huna pora Isor laga kotha hai poila manibo lage.
|
||||
\v 30 Ami khan laga baba khan laga Isor hei Jisu ke jinda kori dise, jun ke apunikhan khuri te latkai kene morai dise.
|
||||
\v 31 Isor hei Tar ke Probhu aru Tran-Korta bonai kene Tar laga dahina hath te rakhi loise, aru Isreal manu khan ke naya jibon dibo aru paap pora mukti pabo.
|
||||
\v 32 Aru amikhan eitu kotha laga gawahi ase, aru Isor Tar laga kotha mani thaka khan ke dibole Pobitro Atama bhi eitu kotha laga sakhi ase.
|
||||
\v 33 Jetiya sabha khan eitu kotha hunise, tai khan bisi khong uthise, aru apostle khan ke morai dibole mon hoise.
|
||||
\v 34 Kintu sabha te ekta manu thakise, ekjon Pharisee tai laga naam Gamaliel thakise, kanun jana manu, aru sob manu pora tai ke adar kore, tai khara kori kene apostle khan ke olop deri nimite bahar te loi jabole koise.
|
||||
\v 35 Aru taikhan ke koise, ''Israel laga manu, moi ki koi ase eitu bhal pora hunibi aru tumi khan eitu manu khan logote ki koribole lage.
|
||||
\v 36 Kelemane poila te, Theudas uthi kene tai kunba ekjon ase koise, aru charsoh nisina manu tai laga pichete jaise, tai ke morai dise, aru jun manu tai laga pichete jai thakise tai khan bhi sob alag-alag hoi jaise.
|
||||
\v 37 Eitu pichete Galilee pora Judas koi kene ekjon uthise, tai bhi manu khan ke chela bonai loisele, kintu tai bhi harai jaise, aru jiman taike mani thakise sob alag-alag hoi jaise.
|
||||
\v 38 Etiya moi apunikhan ke koi ase, eitu khan pora dur thakibi aru taikhan ke chari dibi, kelemane jodi eitu dhorom aru kam to manu pora ase koile, tai khan bhi khotom hoi jabo.
|
||||
\v 39 Kintu jodi Isor pora ase koile, tumi khan tai khan ke ketia bhi hatabo na paribo; aru tumikhan nijor Isor logote lorai kori thaka nisina hobo.''
|
||||
\v 40 Tetiya tai khan apostle khan ke matise aru mari kene tai khan ke Jisu laga naam aru nolobole koise, aru jabole dise.
|
||||
\v 41 Tai khan sabha pora ulaai jaise aru Jisu laga naam nimite, dukh paise koi kene khusi pora jaise.
|
||||
\v 42 Aru eitu pichete, mondoli te aru ghor-ghor te, jai kene Jisu Khrista laga khusi kotha manu khan ke koi thakise.
|
||||
\c 6
|
||||
\p
|
||||
\v 1 Aru eitu din te, jetiya chela khan bisi hoi thakise, tetiya Greek khan, Yehudi khan ke birot kori thakise, kelemane mota mori ja maiki khan ke kha-luwa bhag kora homoi te hisab no kore koi kene tai khan beya pai thakise.
|
||||
\v 2 Tetiya barohta chela kha pora tai khan pichete ahha khan ke koise, ''Eitu moi khan nimite thik nohoi Isor laga kotha chari kene khoa-luwa laga bhag kori thaki te jabo na lage.
|
||||
\v 3 Eitu karone bhai khan, apunikhan majote bhal manu ekjon ke bachi lobi, sat-jon manu Pobitro Aatma aru gyan thaka, jun ke moi khan eitu kaam nimite bachi lobo.
|
||||
\v 4 Kintu amikhan hodai prathana kori thakibo aru Isor laga kotha aru kaam te aghe jai thakibo.''
|
||||
\v 5 Tai khan laga kotha sob manu khan pora bhal paise. Aru taikhan Stephen ke bachi loise jun dhormik aru Pobitro Aatma pora bhorta thakise, aru Philip, aru Prochorus, aru Nicanor, Timon, Parmenas, aru Nicolaus, Yehudi niyom mani thaka Antioch pora ahha ekjon.
|
||||
\v 6 Taikhan ke apostle usor te anise, aru apostle khan pora hath di kene tai khan uporte prathana kori dise.
|
||||
\v 7 Tetiya Isor laga kotha khuli prochar hoi jaise, aru bisasi khan bisi-bisi hoi thakise Jerusalem te aru purohit khan bhi bisi manu bisasi khan logot mili jaise.
|
||||
\v 8 Etiya Stephen pura takot aru anugrah te bhorta hoi kene manu usor dangor asurit, kaam kori thakise.
|
||||
\v 9 Kintu synagogue te Freedmen koi kene kunba uthise, aru Cyrenia aru Alexandria manu, aru Cillica aru Asia para kunuba ahi kene Stephen logote kotha para lagise.
|
||||
\v 10 Kintu tai khan Stephen laga gyan aru Aatma pora kotha kuwa dekhi kene tai uporte jiti bole paranai.
|
||||
\v 11 Tetiya taikhan poisa di kene manu khan ke kobole koise, ''Moi khan Stephen pora Moses aru Isor laga beya kotha koi thaka hunise.''
|
||||
\v 12 Aru tai khan cholawta aru kanun jana manu khan laga mon bhi ulta kori dise aru Stephen logote jai kene tai ke sabha usorte tani kene loi anise.
|
||||
\v 13 Taikhan misa kotha kuwa manu loi anise, aru koise, ''Eitu manu pobitro jaga aru kanun laga beya kotha kobole bon nokore.
|
||||
\v 14 Kelemane amikhan tai pora eitu kuwa hunise, Nazareth laga Jisu pora eitu jaga ke khotom kori dibo, aru Moses ki niyom amikhan ke dise eitu sob bodli kori dibo.
|
||||
\v 15 Aru jiman manu sabha te bohi kene thakise sob Stephen ke he sai thakisele, aru tai laga chehera ekta sorgodut laga chehera nisina hei dekhise.
|
||||
\c 7
|
||||
\p S
|
||||
\v 1 Tetiya maha purohit pora koise, ''Eitu khan hosa ase?''
|
||||
\v 2 Tetiya Stephen koise, ''Bhai aru baba khan, moi laga kotha hunibi: Isor laga mohima baba Abraham logote jetiya tai Mesopotamia te thakise, tai Haran te nathaka agete;
|
||||
\v 3 aru tai ke koise, 'tumi laga mati aru ghor manu khan para ulai jabi, aru moi jun jaga tumi ke dikhabo tate jabi.'
|
||||
\v 4 Tetiya tai Chaldea laga des chari kene Haran te thaki jaise; aru tai laga baba mora pichete, Isor hai taike eitu jaga te loi anise, jun jaga te tumi khan etiya thaki ase.
|
||||
\v 5 Kintu Tai taike eitu jaga diya nai tai laga bhori rakhibole bhi deya nai. Kintu Isor pora tai ke aru tai laga khandan ke, ekta jaga dibo koi kene kosom dise jodi tai laga bachha bhi thaka nai.
|
||||
\v 6 Kintu Isor pora tai ke eneka koise, tai laga khandan khan dusra desh te alag manu hoi kene thakibo, aru eitu jaga laga manu khan tai khan ke noukor bonai rakhibo aru charso-sal tak bisi dukh dibo.
|
||||
\v 7 'Aru 'Isor koise' jun jati taikhan ke nokor banabo, utu jati kan ke moi bichar koribo, 'tetia tai khan ulai ahi kene moi ke eitu jaga te mohima koribo.'
|
||||
\v 8 Tetiya Isor Abraham ke sunnot laga kosom desi, tetiya Abraham Isak laga baba hoise aru ath-din te Isak ke sunnot korise; aru Isak pora Jakob laga baba hoise, aru Jakob pora baroh ta bachha paise aru eitu khandan laga baba hoise.
|
||||
\v 9 Kintu Joseph laga bhai khan tai upote ke suku jolise hoise, aru taike Egypt te bikiri kori dise; kintu Isor tai logote thakise.
|
||||
\v 10 Aru Isor tai laga sob dukh pora bachai loise. Tai laga gyan pora Egypt raja Pharaoh laga mon tai jiti loise, aru raja pora tai ke Egypt aru tai laga ghor te bhal adhikar dise.
|
||||
\v 11 Tetiya Egypt aru Canaan desh te akaal ahise, aru bisi dukh paise, aru moi khan laga baba khan khabole panai.
|
||||
\v 12 Kintu jetiya Jakob hunise Egypt te dhan ase koi kene, tai ami khan laga baba khan ke ta te pothaise.
|
||||
\v 13 Aru dusra bar Joseph nijor bhai khan ke tai kun ase utu janibole dise, aru Pharoh bhi Joseph laga ghor manu khan ke jani loise.
|
||||
\v 14 Tetiya Joseph tai laga kokai bhai khan logote manu pothaikene Jocob aru tai logote pachatar jon loi anibole koise.
|
||||
\v 15 Tetiya Jakob Egypt te jaise, Jakob aru amikhan laga baba khan sob tate mori jaise.
|
||||
\v 16 Aru taikhan laga mora gaw tu Shechem te loi jai kene kote Abraham pora Hamor bachha khan logote poisa di kene mati kini rakhise tate kobor dise.
|
||||
\v 17 Jetiya Isor Abraham logote kosom khai kene rakha homoi ahise- eitu kosom juntu Isor hei Abraham logote korise- Egypt te manu bisi hoi jaise.
|
||||
\v 18 Joseph ke najana ekta raja Egypt te ulaise.
|
||||
\v 19 Tai ami khan laga manu ke thokai dise, aru jiman notun jonom huwa bachha khan ase tai khan ke ulai anibole koise jate tai khan eitu khan ke jinda thakibole nidibo.
|
||||
\v 20 Eitu homoi te Moses jonom hoise; tai Isor nimite bisi sundor thakise, aru taike tin mohina tok tai baba ghor te rakhise.
|
||||
\v 21 Kintu jetiya taike bahar te rakhise, Pharaoh laga swali taike loi kene nijor bacha nisina palise.
|
||||
\v 22 Aru Moses ke Egypt laga gyan aru niyom kanun sob shikai dise, aru tai kotha aru kaam te bhi bisi takot thakise.
|
||||
\v 23 Kintu jetiya tai chalis saal hoi jaise, tai nijor Israel bhai khan ke, lok koribole mon korise.
|
||||
\v 24 Aru jetiya Isreal manu ekjon ke dukh pai thaka dekhise, Moses eitu manu ke modod koribole jaise, aru eitu dekhi kene Moses pora eitu Egypt manu ke morai dise.
|
||||
\v 25 Tai bhabisele, tai laga manu khan bujhibo paribo, Isor hai taikhan ke bachai dibo nimite tai ke pothaise, kintu taikhan eitu bujhi bole para nai.
|
||||
\v 26 Aru dusra din te dui-jan Isreal manu jhagra kori thaka homoi te tai ponchise, aru ekjon-ekjon logote shanti rakhi bole koise, 'Bhai khan, kele nijor bhai kokai majote jhagara kori ase?
|
||||
\v 27 Kintu jun tai usor manu logot jhakara kori thakise, taike pichhete dhakai kene, koise, 'Tumi ke kun pora ami khan uporte hukum chola bole dise?
|
||||
\v 28 Juwa kali ekjon Egypt manu ke morai diya nisina, moi ke bhi morabole mon ase?
|
||||
\v 29 Eitu kotha huni kene Moses polai jaise, aru Median laga desh te alag desh manu hoi kene thaki jaise, aru tate tai duita chokora bachha laga baba hoi jaise.
|
||||
\v 30 Aru jetiya chalis saal par hoi jaise, Probhu laga sorgo-dut Sinai pahar laga jongol te jui nisina kori kene tai usorte ahise.
|
||||
\v 31 Jetiya Moses jui dekhise, tai eitu dikhi kene bisi asurit hoise, aru usor pora sabole jaise, tetiya Probhu laga awaz hunise.
|
||||
\v 32 'Moi tumi laga baba khan laga Isor ase, Abraham, Isak aru Jakob laga Isor.' Tetiya Moses kapi kene bhoi pora tate phale sabole paranai.
|
||||
\v 33 Tetiya Probhu taike koise, tumi laga bhori pora juta ulaai rakhi dibi, kelemane kuntu jaga te tumi khara ase eitu jaga Pobitro ase.
|
||||
\v 34 Moi laga manu khan Egypt te dukh kori thaka dikhise, aru taikhan kandi thaka awaj hunise, aru taikhan ke bachha bole nimite ahise; eitu karone ahibi, Moi tumi ke Egypt te pothabo.'
|
||||
\v 35 Eitu Moses, jun ke taikhan mana-nai, aru koisile, 'Kun hei tumi ke moi khan uporte cholawta koribo dise?' Tai ekjon thakise jun ke Isor pora cholawta aru bachai dibole nimite pothaise- aru sorgodut hath pora Moses ke jongol te dekhai dise.
|
||||
\v 36 Eitu Moses Egypt pora tai khan ke ulai anise, aru sob asorit kaam khan Egypt laga mati te dikhai thakise aru Ghas laga Samundar te, aru jongol majo pora tai khan ke chalis sal tak cholai kene loi jaise.
|
||||
\v 37 Eitu Moses ase, jun Israel khan ke koisele, 'Isor pora tumi khan nimite ekta moi nisina bhaobadi ulai dibo tumi khan nijor manu mojot pora.'
|
||||
\v 38 Eitu tai ase, jun jongol te manu khan joma thaka te, tai tate amar khandan khan logot asele, aru utu Sinai Pahar te tai logot kotha korise, aru tai jinda kotha pai kene amikhan ke ponchai dise.
|
||||
\v 39 Eitu manu laga kotha moi khan laga baba khan mani bole mon kora nai, kintu tai ke hatai dise, aru tai khan laga mon Egypt phale hai jai jaise.
|
||||
\v 40 Aru Aaron ke koise, amikhan nimite murti khan bonai dibi jun moikhan ke loikene aghe jabo. Aru eitu Moses tu, jun heamikhan ke Egypt pora loi anise, tai ke ki hoise amikhan najane.
|
||||
\v 41 Tetiya taikhan ekta goru bachha bonaise, aru hath pora bona laga murti ke kiba ani kene boli dise, aru khusi manai thakise.
|
||||
\v 42 Kintu Isor taikhan ke chari kene taikhan ke akash aru tara khan ke puja koribole dise, jeneka bhaobadi khan laga kitab te likha ase, 'Tumi khan moi ke janwar laga boli deya nai chalis sal jongol te thaka homoi te, tumi Isreal manu khan kotha manise?
|
||||
\v 43 Apuni khan Molech laga tambu ke mani loi se, aru tumikhan laga bhagwan Rephan laga tara bhi, aru murti bonai kene puja koribole loi jaise karone: Moi tumikhan ke Babylon pora bisi dur te loi rakhi dibo.'
|
||||
\v 44 Amar baba khan logot sakhi laga tambo ase, jeneka taike dekhaise jongol te, teneka bonabole koise, aru thik teneka bonai loise.
|
||||
\v 45 Eitu ase tombu ghor jun tu amikhan baba khan pora pai kene Joshua hath pora loi iyate anise, jetiya taikhan jati khan ke adhikar kori loise, jun khan Isor he amar baba khan usor pora khedai dise, aru utu David laga homoi tak thakise,
|
||||
\v 46 jun Isor echha te paise, tai mangise Jacob laga Isor ke thakibole ekta jagah korone.
|
||||
\v 47 Kintu Solomon hei Isor karone ekta ghor bonai dise.
|
||||
\v 48 Kintu, Mohan Isor tu manu pora bonai diya ghor te nathake, bhaobadi pora kuwa nisina,
|
||||
\v 49 'Sorgo tu Amar laga singhasan, aru prithibi Amar bhori rakha jaga. Probhu koise, tumi Moi karne ghor bonai dibo? Aru Amar aram kora jaga tu kote hobo?
|
||||
\v 50 Moi he nijor haath pora eitu sob bona nai naki?'
|
||||
\v 51 Tumi khan phutani aru mon aru kaan te sunnot nokora khan, tumikhan Pobitro Aatma laga hinsa kori thake, tumar baba khan kori aha, teneka apunikhan bhi kore.
|
||||
\v 52 Eneka kun bhaobadi ase jun ke tumi khan laga baba pora dukh diya nai? Ahibole thaka bhal manu ekjan laga kotha kuwa khan ke bhi morai dise, aru tumi khan manu morai diya aru manu ke thokai diya ekjon hoi jaise,
|
||||
\v 53 Tumi khan sorgodut khan pora dia Isor laga niyom lowa khan, holibi tumar khan namane.
|
||||
\v 54 Jetiya taikhan eitu kotha hunise, sabha laga manu khan mon te bisi khong hoise, aru dath kamuri kene Stephen uporte khong uthise.
|
||||
\v 55 Kintu tai Pobitro Aatma te bhorta hoi kene, sorgote saise, aru Isor laga mohima aru Jisu to Isor laga dahina hath phale khara thaka dekhi paise.
|
||||
\v 56 Stephen koise, ''Sabi, sorgo khuli thaka dekhi ase, aru Manuh laga Putro Isor laga dahina hath phale khara kori ase.
|
||||
\v 57 Tetiya taikhan untcha awaj pora hala korise, aru kaan bond korikene sob eki logot tai usor te polai ahise.
|
||||
\v 58 Aru taikhan taike citi bahar te loi jai kene taike pathor mari dise, aru gawahi khan taikhan laga kapur loi jawan manu ekjon naam Saul laga bhori te rakhise.
|
||||
\v 59 Aru taikhan jetiya Stephen ke pathor mari thakise, tai Isor ke mati kena koise, ''Probhu Jisu, moi laga Aatma loi lobi.''
|
||||
\v 60 Tetiya tai athukarikene jor awaj pora koise, ''Probhu, tai khan ke eitu paap laga bichar nokoribi.'' Eitu koi kene tai ghumai jaise.
|
||||
\c 8
|
||||
\p
|
||||
\v 1 Saul bhi Stephen ke morai dibole monjur korise, aru eitu din te Jerusalem te thaka girja te bisi dukh digdar ahise; aru sob bisasi khan Judea aru Samaria te alag-alag jai jaise, khali apostle khan hai thakise.
|
||||
\v 2 Bisasi manu khan pora Stephen ke loi mati te hali dise, aru manu khan mon-dukh korise.
|
||||
\v 3 Kintu Saul girja khan ke beya koribole kosis kori thakise; aru ghor-ghor te jai kene, mota aru maiki sob ke dhori kene jail te dhali dise.
|
||||
\v 4 Aru jun bisasi alak akak phale jai jaisele tai khan khusi laga khobor koi kene jai thakise.
|
||||
\v 5 Tetiya Philip Samaria citi te jai kene manu khan ke Khrista laga kotha prochar kori dise.
|
||||
\v 6 Aru Philip ki kotha prochar korise, taikhan mon di kene hunise, aru tai kori diya asurit kaam khan dekhise.
|
||||
\v 7 Bisi manu beya aatma thakise, tai khan pora ulai jaise, jor pora hala kori kene. Bisi manu paralyze aru lengra khan bhal hoise.
|
||||
\v 8 Aru eitu nogor manu khan bisi khusi korise.
|
||||
\v 9 Kintu tate Simon koi kene ekjon manu thakise, tai jaddu montor kori kene Samaria manu khan ke asurit koridise, aru tai nijor ke ekjon dangor manu ase koi.
|
||||
\v 10 Aru sob Samaria manu chutu pora dangor tai laga kotha bhal pora huni thakise aru koise, ''Eitu manu logote Isor laga takot ase.''
|
||||
\v 11 Tai laga kotha manu khan hune, kele mane bisi homoi pora tai jaddu montor kori kene manu khan ke asurit kaam dekhai thakise, eitu karone taikhan tai laga kotha mani thakise.
|
||||
\v 12 Kintu jetiya Philip ke bisas korise, tai Isor laga raijo kotha aru Jisu Khrista laga naam te prochar korise, mota aru maiki khan babtisma loise.
|
||||
\v 13 Tetiya Simon nijor bhi bisas korise, aru tai baptizma loi kene Philip logote thaki, aru jetiya asurit kaam khan kora dekhise, tai bisi khusi paise.
|
||||
\v 14 Jetiya Jerusalem te thaka apostle khan Samaria te Isor kotha loise koi kene hunise, tai khan nimite Peter aru John ke pothaise.
|
||||
\v 15 Jetiya Peter aru John tate punchise, tai khan nimite prathana korise, tai khan Pobitro Aatma pabo nimite.
|
||||
\v 16 Kelemane Pobitro Aatma taikhan logote ahha nai, kintu taikhan Probhu Jisu naam pora hai baptizma loise.
|
||||
\v 17 Tetiya Peter aru John taikhan upor te hath rakhi kene prathana kori dise, aru taikhan Pobitro Aatma paise.
|
||||
\v 18 Aru jetiya Simon dekhise apostle khan manu laga upor te hath rakhile Pobitro Aatma pai loa, eitu dekhi kene poisa dibole bisarise.
|
||||
\v 19 Tetiya tai koise, ''Moi ke bhi eitu adhikar dibi, jate moi jun uporte hath rakhibo tai Pobitro Aatma pabo.''
|
||||
\v 20 Kintu Peter taike koise, tumi laga poisa tumi logote khotom hoi jabo, kelemane tumi Isor laga vardan poisa pora kinibole bhabi ase.
|
||||
\v 21 Tumi laga iyate eku bhag aru hissa nai, kelemane Probhu usorte tumi laga mon thik nohoi.
|
||||
\v 22 Eitu nimite mon ghurabi aru beya bhabana pora ulabi, aru Probhu usorte prathana kuribi, tetiya Teo tumi laga letera mon aru beya bhabana pora maph kori dibo pare.
|
||||
\v 23 Kelemane moi dekhi ase tumi laga beya bhabana aru paap pora bandi thaka mon tu.''
|
||||
\v 24 Tetiya Simon koise, ''Probhu logot moi nimite prathana koridibi, apuni pora ki koi se eitu moi uporte nahibole nimite.''
|
||||
\v 25 Jetiya taikhan shaki aru Isor kotha koi dise, Peter aru John wapas Jerusalem te jaise, aru Samaria manu laga bosti khan te jai kene Isor kotha prochar korise.
|
||||
\v 26 Tetiya Probhu laga sorgodut Philip logote kotha korise, aru koise, ''Uthibi aru dakshin laga rasta jun tu Jerusalem hoi kene Gaza te jai tate jabi.'' (Eitu rasta balu laga jaga pora jai.)
|
||||
\v 27 Tetiya tai uthi kene jaise. Aru tat e Ethiopia laga ekjon hijara manu thakise, tai ekjon adhikar chola manu thakise, tai Candace, Ethopia laga rani laga dhon sa manu asele, aru tai mohima koribole Jerusalem te jai.
|
||||
\v 28 Aru tai laga ghora gaari te bohi kene ghor jai thakise, aru Isaiah bhaobadi laga kitab pori thakise.
|
||||
\v 29 Tetiya Aatma pora Philip ke koise, ''Jai kene ghora gari usorte bohibi.''
|
||||
\v 30 Tetiya Philip tai usorte polai kene jaise, aru Tai Isaiah bhaobadi laga kitab porhi thaka hunise, aru koise, ''Tumi ki pori ase eitu buji ase?''
|
||||
\v 31 Tetiya tai koise, ''Moi keneka janibo, jetiya tak moi ke kunba pora nishikai?'' Tetiya tai Philip ke ghora gari te bohibole matise.
|
||||
\v 32 Etiya jun tu kitab Ethiopia manu pora pori thakise eitu eneka ase, ''Tar ke ekta bhera bolidan dibole nisina loi jaise, aru jeneka bhera bachha pora chulli kata manu usorte chup-chap pora bohe, eitu nisina, aru Tar pora Tar laga mukh khula nai.
|
||||
\v 33 Tar laga bichar sorom khilai di kene Tar usor pora loi jaise. Kun Tai laga manu khan ase koi kene kobo pare? Kelemane Tar laga jibon tu eitu duniya pora uthai loise.''
|
||||
\v 34 Tetiya hijara pora Philip ke hudise? Moi apuni ke anurodh kori ase, kun bhaobadi laga kotha koi ase, tai nijor laga koi ase, na dusra manu laga kotha koi ase?''
|
||||
\v 35 Tetiya Philip tai muh khulise, aru Isor kotha pora suru kori kene, Jisu laga kotha taike prochar korise.
|
||||
\v 36 Taikhan raasta te jai thaka homoi te pani thaka jagah ponchise, tetiya hijrah pora koise, ''Sabi, iyate pani ase, moi ke baptizma lobole nimite ki pora rukhai ase?''
|
||||
\v 37 Tetiya Philip pora koise, ''Jodi tumi mon pora bisas kore, baptizma lobo pare, tetiya tai koise, ''Moi bisas kore Jisu Khrista Isor laga bachha ase koikene.''
|
||||
\v 38 Tetiya tai ghora gari ke rukhi bole hukum dise. Aru Philip aru hijra duijon pani te nami kene jaise, aru Philip pora tai ke baptizma dise.
|
||||
\v 39 Jetiya tai khan pani pora ulaai ahise, Probhu laga Aatma pora Philip ke loi jaise, tetiya hijrah taike aru dekha nai, kintu tai bisi kushi pora jai jaise.
|
||||
\v 40 Kintu Philip tu Azotus te ahise, aru pura jaga te tai jaise, jetiya tak tai Caesarea ponche, tai sob citi khan te jai kene Isor laga kotha prochar korise.
|
||||
\c 9
|
||||
\p
|
||||
\v 1 Kintu Saul, Probhu laga chela khan ke morai aru bhoi khelai kene thakise, tai maha purohit logot jaise
|
||||
\v 2 aru tai moha purohit logote chithi mangise Damascus citi laga synagogue nimite, jodi tai rasta te jai thaka homoi te kunba manu pai, mota aru maiki hoilebi, eitu khan ke dhori kene Jerusalem te loi jaibole.
|
||||
\v 3 Jetiya tai safar te jai thakise, Damascus te ponchibole usor huwa homoi te, achanak sorgo pora ujala ekta puhor tai uporte jolise;
|
||||
\v 4 aru tetiya tai matti te giri jaise, aru ekta awaaj tai ke koi thaka hunise, ''Saul, Saul, kile tumi Moike dukh di ase?''
|
||||
\v 5 Aru tetiya Saul koise, ''Apuni kun ase Probhu?'' Aru Probhu koise, ''Moi Jisu ase jun ke tumi duk di ase; pathor te paw marile nijor hei jokhom pabo.''
|
||||
\v 6 Tetiya tai asurit hoise aru bhoi pora kapi kene koise, ''Probhu moi ki koribole lage?'' Tetiya Probhu taike koise, Uthibi aru citi te jabi, aru tumi ki koribo lage eitu sob tumi ke koi dibo.''
|
||||
\v 7 Jun manu Saul logote jai thakise taikhan chup hoi jaise, taikhan awaj hunise, kintu kun ke bhi dekha nai.
|
||||
\v 8 Tetiya Saul matti pora uthise, aru tai jetiya suku khulise tai eku bhi dekhibole paranai; tetiya taikhan tai laga hath dhori kene Damascus te loi jaise.
|
||||
\v 9 Aru tai tin din eku dekhibole paranai, aru kha luwa bhi kora nai.
|
||||
\v 10 Damascus te ekjon chela Ananias koi kene thakise. Probhu tai ke dorshan pora koise, ''Ananais!'' Tetiya tai koise, ''Sabi, moi yate ase Probhu.''
|
||||
\v 11 Tetiya Probhu taike koise, ''Uthibi, aru Sidha kuwa rasta te jabi, aru Judas laga ghor te jai kene ekjon manu Saul, Tarsus pora ahha koi kene ase na nai hudibi, kelemane tai prathana kori ase.
|
||||
\v 12 Aru tai dorshan te ekjon manu Ananias koi kene dhikise, aru tai uporte te hath raki kene thaka dekhise, jate tai aru dekhibo.''
|
||||
\v 13 Kintu Ananias koise, '' Probhu, moi eitu manu laga kotha bisi manuh para hunise, tai Jerusalem te kiman manu ke dukh dise.
|
||||
\v 14 Tai moha purohit para adhikar loise aru jun manu apuni laga nam lobo tai ke jail te dhali dibo.''
|
||||
\v 15 Kintu Probhu taike koise, ''Jabi, kelemane tai Moi laga ekjon kaam kora manu hobo, tai hei moi laga naam dusra jath manu khanke, raja khan ke aru Isreal laga bachha khan ke koi dibo;
|
||||
\v 16 kelemane Moi taike dekhai dibo, tai moi laga naam nimite ki dukh uthabo lagibo.
|
||||
\v 17 Aru Ananias eitu ghor te jaise, aru tai laga haath Saul uporte rakhi kene tai koise, ''Bhai Saul, Probhu Jisu, Tar tumike raasta te ahhi thaka homoi ke dikhai dise, Tar moi ke tumi usorte pothaise, tumi aru dekhibo aru Pobitro Aatma pora bhorta hobo.''
|
||||
\v 18 Eitu homoi te Saul laga suku pora kiba chamra nisina giri jaise, aru tai dekhibole parise, aru uthi kene baptisma loise;
|
||||
\v 19 aru tai bhat khai kene takot paise.
|
||||
\p Aru chela khan logote Damascus te olop din thakise.
|
||||
\v 20 Tai joldi synagogue jai kene Khrista kotha prochar korise, Tai Isor laga Putro ase koi kene.
|
||||
\v 21 Aru jun manu tai laga kotha hunise sob manu asurit hoi kene koise, ''Jerusalem te Khrista naam loa thaka khan ke dukh diya tu eitu manu nohoi? Aru yate bhi taikhan ke bandi kene maha purohit khan logot loi jabole ahise.''
|
||||
\v 22 Kintu Saul aru bisi mon dangor hoise, aru Damascus te thaka Yehudi khan nimite ekta chinta hoi jaise kelemane tai Jisu laga prochar kori thakise.
|
||||
\v 23 Kintu bisi din ja pichete, Yahudi khan Saul ke morai dibole kotha millai loise.
|
||||
\v 24 Kintu taikhan laga bhabana tu Saul jani loise. Tai ke morai dibole nimite din raat gate usorte te rukhi thakise.
|
||||
\v 25 Kintu tai laga chela khan rati huwa homoi te, tai ke ani kene tokri pora wall par kori dise.
|
||||
\v 26 Aru jetiya Saul Jerusalem te ahise, tai chela khan logote mili bole kosis korise, kintu taikhan sob taike bhoi korise, tai bhi ekta chela ase koi kene bisas kora nai.
|
||||
\v 27 Kintu Barnabas taike apostle khan logote loi jaise, aru koise tai keneka rasta te Probhu ke dheki paise aru Probhu pora tai logote kotha koise, aru tai Damascus ke keneka kori kene mon dangor pora Jisu naam prochar korise.
|
||||
\v 28 Tetiya tai chela khan logote Jerusalem te ahha juwa korise. Aru tai mon dangor para Probhu laga naam loise.
|
||||
\v 29 Tai mon dangor para Probhu naam prochar korise aru Greece te thaka Yehudi logot kotha patise; kintu taikhan taike morai dibole kusis korise.
|
||||
\v 30 Jetiya bisasi bhai khan eitu janise, taike Caesarea te loi jai kene Tarsus te pothai dise.
|
||||
\v 31 Tetiya, Judea aru Galilee aru Samaria laga girja te santi thakise; aru Probhu laga bhoi te thakise aru ekjon ekjon ke Pobitro Aatma pora mon dangor kori dise, aru girja bhi bisi hoi jaise.
|
||||
\v 32 Etiya eneka hoise, jetiya Peter citi laga sob jaga te jaise, Lydda te thaka Isor manu khan usorte bhi jaise.
|
||||
\v 33 Tate tai Aeneas koi kene ekjon manu ke lok paise, tai bisna te ath saal pora ghumai thakise, tai paralyzed bemari thakise.
|
||||
\v 34 Tetiya Peter taike koise, ''Aeneas, Jisu Khrista tumi ke bhal kori di ase, uthibi aru tumi laga bisna thik kori lobi,'' aru tetiya tai joldi uthi jaise.
|
||||
\v 35 Tetiya Lydda aru Sharon te thaka manu khan taike dekhi kene mon ghurai se aru Probhu ke bisas korise.
|
||||
\v 36 Joppa te Tabitha koi kene ekjon chela thakise, jun ke "Dorcas koe.'' Eitu maiki sob bhal kaam kore aru gorib manu khan uporte bisi morom thakise.
|
||||
\v 37 Kintu eneka tai bimar hoi kene, mori jaise, aru taikhan dhulai kene taike upor kamra te rakhise.
|
||||
\v 38 Aru Lydda, Joppa usor te thakise, aru chela khan Peter tate ase koi kene hunise, taikhan duijon manu ke tai usorte anurodh kori kene pothaise, ''Moi khan logote deri nohoi kene ahibi.''
|
||||
\v 39 Tetiya Peter uthi kene taikhan logot jaise, jetiya tai ponchise, aru sob mota mori juwa maiki kha tai usorte khara kori kene kandise, aru Dorcas pora tai jinda thaka homoi te tai khan nimite kapur bonai diya khan dikhai dise.
|
||||
\v 40 Kintu Peter taikhan sob ke bahar jabo dise, aru tai athukari kene, prathana korise. Tetiya, tai laga gaw phale sai kene koise, ''Tabitha, uthibi.'' Tetiya tai suku khulise, aru Peter ke dekhi kene, tai bohi jaise.
|
||||
\v 41 Tetiya Peter tai laga hath di kene tai uthai dise; aru Isor jana manu aru mota nathaka maiki, khan ke jinda hoi juwa tu dekhai dise.
|
||||
\v 42 Aru Joppa te thaka sob eitu kotha jani loise, aru bisi manu Probhu ke bisas korise.
|
||||
\v 43 Peter bisi din Joppa te Simon koi kena ekjon manu ghor te thakise.
|
||||
\c 10
|
||||
\v 1 Tetiya ekjon manu Cornelius koi kene Caesarea te thakise, aru tai Italy laga Regiment te ekjon dangor sahab thakise.
|
||||
\v 2 Tai ghor manu sob loi kene ekjon Isor ke bhoi kora manu thakise; tai manu khan ke poisa kaam thakile diye aru hodai Isor logote prathana kori thake.
|
||||
\v 3 Ekdin tin baji nisina te, tai sapha pora sopna dekhise, ekta Isor laga sorgodut tai logote ahhi kene koise, ''Cornelius!''
|
||||
\v 4 Kintu Cornelius sorgodut ke bhoi pora sai kene koise, ''Ki ase, malik?'' Tetiya sorgodut pora taike koise, ''Tumi laga prathana aru dukh manu ke modot kura tu Isor pora dekhise.
|
||||
\v 5 Etiya Joppa te manu pothai kene Simon kun ke Peter bhi mati tai ke anibi.
|
||||
\v 6 Tai Simon koi kene ekjon chamara ulla kaam kora manu laga ghor te ase, tai laga ghor samundar kinar te ase.''
|
||||
\v 7 Jetiya sorgodut taike kotha koi kene jai jaise, Cornelius tai laga duijon sewak ke matise, aru bisi majote ekjon bhal sipahi jun tai ke sewa kore tai ke bhi mati anise.
|
||||
\v 8 Aru taikhan ke sob kotha koi diya pichete, Cornelius tai khan ke Joppa te pothai se.
|
||||
\v 9 Etiya aru alag din ekta te, tai khan jai thaka homoi te ekta citi te ponchise, Peter ghor uporte prathana koribole jaise.
|
||||
\v 10 Tetiya tai bisi bhuk lagise, aru kiba khabole mon jaise, kintu jetiya manu khan bhat bonai thakise, tai ekta dorshan dekhise,
|
||||
\v 11 aru tai akash pora kiba ekta saman ahha dekhise, dangor kapura, charta kinor pora bandhi kene prithibi nichete ahhi thakise.
|
||||
\v 12 Aru tate prithibi laga sob janwar charta theng thaka aru mati te rengi kene choli thaka jongli janwar, aru akaas laga chiriya khan sob thakise.
|
||||
\v 13 Aru tetiya ekta awaj tai ke koise: ''Uthibi, Peter, aru mari kene khabi.''
|
||||
\v 14 Kintu Peter koise, ''Nohobo Probhu, moi ketiya bhi sapha nathaka aru letera saman khanai.''
|
||||
\v 15 Kintu aru ekbar awaj ahhi kene koise: ''Ki tu Isor pora sapha kori dise, eitu ke letera ase nokobi.''
|
||||
\v 16 Aru eneka ti bar hoise; tetiya saman pora bhorta thaka sorgo te wapas loi jaise.
|
||||
\v 17 Tetiya Peter eitu dorshan laga ki motlob ase koi kene bisi chinta bhabana korise, eitu homoi te, Cornelius pora kun manu ke pothai se tai khan ahi kene gate te khara hoi thakise, tai khan ahhi kene Simon laga ghor kot te ase eitu bisari kene ahise.
|
||||
\v 18 Aru taikhan ahi kene matise, aru Simon kun ke Peter bhi koi, tai tate thaki ase na nai eitu hudise.
|
||||
\v 19 Jetiya Peter tai ki dorshan paise eitu bhabona kori thaka homoi te, Aatma pora taike koise, ''Sabi, kunba manu tumi ke bisari ase.
|
||||
\v 20 Uthibi aru taikhan logote jabi, eku bhabana nokoribi, kele mane moi hei tai khan ke pothaise.''
|
||||
\v 21 Tetiya Peter nichete jai kene tai khan ke koise, ''Sabi, tumi khan kun ke bisari ase eitu moi ase. Ki nimite tumi khan moi ke bisari kene ahise?''
|
||||
\v 22 Aru taikhan koise, ''Cornelius ekjon ekta bhal Isor jana manu, aru sob Yehudi desh manu khan pora tai laga bhal kotha hai koi, pobitro sorgodut pora eitu ghor te apuni logote pothaise, apuni pora koa khota tu hunibole nimite.''
|
||||
\v 23 Tetiya Peter taikhan ke tai logote thaki bole matise.
|
||||
\p Aru dusra din te uthi kene taikhan logote jaise, aru Joppa pora kunba bhai khan bhi tai logote jaise.
|
||||
\v 24 Aru dusra din te taikhan Caesarea te ponchise. Cornelius tai khan nimite rukhi thakise; tai laga sathi aru ghor manu khan ke bhi mati kene rukhi thakise.
|
||||
\v 25 Jetiya Peter ghor bhitorte ahise, Cornelius ahhi kene tai ke lok korise, aru tai ke aradhana koribole Peter laga paw nichete girise.
|
||||
\v 26 Kintu Peter taike uthai kene, koise, ''Uthibi! Moi nijor bi ekta manu hai ase.''
|
||||
\v 27 Aru jetiya Peter tai logote kotha mota thakise, tai jai kenemanu bisi joma kori thaka paise.
|
||||
\v 28 Tetiya tai taikhan ke koise, ''Apunikhan bhi jani ase, Yehudi manu dusra jati khan ke lok kora aru eke logote mili kene ahha juwa kora niyom nai. Kintu Isor pora moi ke dikhaise aru koise kunu ke bhi letera aru sapha nai eneka nokobi.
|
||||
\v 29 Eitu nimite moi apuni khan usorte eku nokoi kene ahise, jetiya moi ke pothaise. Eitu karone moi hudise ki nimite moi ke lobole pothaise?''
|
||||
\v 30 Tetiya Cornelius koise, ''Char din ahgete eiyu homoi te, moi ghor te prathana kori thakise; aru sabi ekjon manu moi usorte boga kapur lagai kene khara kori thakise.
|
||||
\v 31 Aru tai koise, 'Cornelius, tumi laga prathana huni loise, aru tumi gorib manu khan ke modot kura tu Isor pora Tai usorte yaad kori ase.
|
||||
\v 32 Eitu karone kunba ke Joppa te potha bhi, aru Simon jun ke Peter koi. Tai ke matibi, tai samundar kinar te chamra ulla kaam kora manu Simon koi kene ekjon ghor te ase.
|
||||
\v 33 Eitu karone moi apuni ke lobole manu pothaise. Aru apuni ahha karona bisi bhal paise, aru eitu karone, amikhan ahji Isor usorte sob manu joma hoi ase, aru Probhu pora apuni ke ki koise eitu huni bole nimite joma hoise.''
|
||||
\v 34 Tetiya Peter mukh khuli kene koise, ''Hosa pora, Isor tu kun logote bhi alag pora nasai kintu Tar sob ke eke morom kore.
|
||||
\v 35 Kintu, jun desh te hoilebi jun hei Isor ke bhoi koribo aru Tar laga echha pora kaam koribo tai uporte hodai Isor laga khusi thakibo.
|
||||
\v 36 Eitu kotha Israel laga manu khan nimite di pothise, shanti khusi sob Jisu Khrista te hai ase-
|
||||
\v 37 eitu kotha ahise aru sob Judea te bhorta hoi jai ase tumikhan bhi jani ase, Galilee pora suru kori kene, aru baptisma kora pichete John pora koi dise;
|
||||
\v 38 aru Nazareth Jisu laga kotha khan, keneka kori kene Pobitro Aatma aru takot pora Tar ke Isor pora asirbad kori dise, jiman manu satan aatma pora bandhi rakhi se tai khan ke changai korise aru tai bhal kaam kori kene thakise, kelemane Isor tai logote asile.
|
||||
\v 39 Jisu ki korise moi khan sob eitu jane, Jehudi aru Yehudi khan laga desh sob jagah te, aru Jerusalem te ki-ki korise amikhan utu sob laga gawahi ase, taikhan Tar ke crus te latkai kene morai dise.
|
||||
\v 40 Kintu Isor Tar ke tin din te jinda kori dise aru manu khan ke dekhai dise,
|
||||
\v 41 sob manu ke nohoi, kintu Isor poila pora bachi luwa khan ke- moi khan jun Tar logote kha luwa korise Tar mori kene jinda huwa pichete.
|
||||
\v 42 Aru Tar moi khan ke sob manu khan logote jai kena Tar hai Isor pora bachi luwa ekjon ase aru mora aru jinda sob jati uporte bichar kora ekjon ase koi kene manu khan ke jonai dibi koise.
|
||||
\v 43 Jiman bhaowadi ase sob Tar laga gawahi hei ase, jun manu Tar ke bisas kore Tar laga naam te sob manu paap pora maph pabo.''
|
||||
\v 44 Jetiya Peter eitu kotha khan koi thakise, jun manu tai laga kotha huni thakise tai khan uporte Pobitro Aatma ahhi jaise.
|
||||
\v 45 Aru Peter logot jiman sunnot kora bisasi khan ahise tai khan asurit hoi jaise, kelemane Pobitro Aatma dusra jati manu khan uporte bhi di dise.
|
||||
\v 46 Kelemane dusra jati manu khan alag kotha aru Isor ke dhonyabad di thaka hunise. Tetiya Peter koise,
|
||||
\v 47 ''Kunba manu tai khan ke baptisma lobole nadibo nimite, pani pora dur rakhibo paribo, moi khan Pobitro Aatma pa nisina tai khan bhi paise ?''
|
||||
\v 48 Aru tai taikhan ke Jisu Khrista naam pora baptizma lobole koise, tetiya taike aru olop din tai khan logote thaki bole anurodh korise.
|
||||
\c 11
|
||||
\v 1 Tetiya Apostle khan aru Judea te thaka bhai khan hunise dusra jati manu khan bi Isor laga kotha ke mani loise.
|
||||
\v 2 Aru jetiya Peter Jerusalem te ahise, jun manu sunnot korise tai khan logote kotha laga-lagi korise;
|
||||
\v 3 tai khan koise, ''Apuni sunnot nokora manu khan logote jai kene kha-luwa korise!''
|
||||
\v 4 Kintu Peter taikhan ke bhal pora samjhai kene koise,
|
||||
\v 5 Moi Joppa laga nogor te prathana kori thakise aru moi upor pora saman nichete ahhi thaka dorshan te dekhise, ekta dangor kapur charta kinar pora bandi kene ahhi thakise, eitu moi logote ahise.
|
||||
\v 6 Moi eitu ke bhal pora sai kene bhabana korise. Moi duniyate charta thang thaka janwar dekhise, aru jongli janwar, mati te jai thaka janwar aru akas laga chiriya khan dekhise.
|
||||
\v 7 Aru moi ke ekta awaj pora koise, ''uthibi, Peter; mari kene khabi.
|
||||
\v 8 Kintu moi koise, '' Nohobo, Probhu; moi ketiya bhi pobitro aru sapha nathaka saman moi laga mukh te ghusa nai.''
|
||||
\v 9 Kintu dusra bar aru ekta awaj pora moi ke koise, ''Ki saman Isor pora sapha ase koise, eitu ke letera nokobi.''
|
||||
\v 10 Aru eneka tin bar hoise, tetiya sob saman akaas te aru uthai loi jaise.
|
||||
\v 11 Aru eitu homoi te, moi thaka jaga te tin jon manu khara hoi thakise; tai khan ke Caesarea pora moi usorte pothaise.
|
||||
\v 12 Tetiya Aatma pora moike tai khan logote jabole koise, kintu tai khan kun ase eitu moi ke koi diya nai, tetiya choi jon bhai moi logote jaise, aru moi khan eitu manu laga ghor te jaise.
|
||||
\v 13 Tetiya tai amikhan koise keneka kori kene sorgodut tai laga ghor te khara kori kene tai ke koise, ''Joppa te manu ke pothabi aru Simon ke loi anibole kobi.
|
||||
\v 14 Tai tumi ke Isor kotha koi dibo, aru eitu kotha hunikene tumi aru tumi laga ghor manu khan sob poritran pabo.''
|
||||
\v 15 Aru jetiya moi kotha koi thakise, Pobitro Aatma taikhan logote ahhi jaise, jeneka suru te amikhan logote ahi sele.
|
||||
\v 16 Tetiya moi Probhu laga kotha yaad ahise, keneka tai John ke koise, ''John pani pora baptisma diye; kintu tumi khan Pobitro Aatma pora baptisma lobo.''
|
||||
\v 17 Jodi Isor taikhan ke bhi daan dise jeneka amikhan moi kun ase, Isor laga kotha namanibo nimite?''
|
||||
\v 18 Jetiya taikhan eitu kotha hunise, tai khan eku jawab diya nai, kintu tai khan Isor ke dhonyabad dise, aru koise, ''Tene hoile Isor pora dusra jati khan ke bhi notun jonom dise.''
|
||||
\v 19 Stephen ke morai diya homoi te bisasi khan dukh paa para alag alag jai jaise, taikhan Isor laga kotha koi kene Phoenicia, Cyprus, aru Antioch te khali Yehudi khan logote prochar kori thakise.
|
||||
\v 20 Kintu taikhan kunba Cyprus aru Cyrene manu thakise, tai khan Antioch te ahise aru Greek manu khan logote bhi kotha patise, Probhu Jisu laga kotha tai khan ke prochar korise.
|
||||
\v 21 Aru Probhu laga hath taikhan uporte thakise; aru bisi manu, bisas kori kene, Probhu logote ghurai ahise.
|
||||
\v 22 Tetiya tai khan laga kotha Jerusalem te thaka girja khan pora hunise, aru taikhan Barnabas ke Antioch te pothai dise.
|
||||
\v 23 Jetia tai ahhi kene Isor laga morom tu dekhise, tai khusi paise; aru tai khan laga mon dangor kori kene pura mon pora Probhu logote thaki bole koise.
|
||||
\v 24 Kelemane tai ekjon bisas te thaka aru Pobitro Aatma pora bhorta kori kene ekjon bhal manu thakise, aru bisi manu Probhu ke grohon korise.
|
||||
\v 25 Tetiya Barnabas Saul ke bisari kene Tarsus te jaise.
|
||||
\v 26 Aru jetiya taike paise, taike Antioch te loi anise. Aru eneka hoise, aru pura sal tai khan eke logote thakise aru gija te manu khan ke shikai thakise, aru tetiya Antioch te poila bar chela khan ke Khristian matise.
|
||||
\v 27 Aru eitu homoi te bhaobadi khan kunba Jerusalem pora Antioch te ahise.
|
||||
\v 28 Aru taikhan majote ekjon, Agabus asele, khara kori kene Aatma pora dikhai diya koise, pura prithibi te bisi dangor akaal ahibole ase, aru eitu Claudius laga din te hoise.
|
||||
\v 29 Tetiya, chela khan, jun hai pare, tai khan jai kene Judea te thaka bhai khan ke madot pothai dibo nimite kotha korise
|
||||
\v 30 Aru taikhan eneka korise; Barnabas aru Saul laga haath pora ta te thaka bura khan ke poisa pothai dise.
|
||||
\c 12
|
||||
\v 1 Eitu homoi te raja Herod pora mondoli laga manu khan ke digdar dise.
|
||||
\v 2 Tai John laga bhai James ke talwar pora morai dise
|
||||
\v 3 Aru tai jetiya dekhise Yehudi khan eitu karone bisi khusi hoise, tai Peter ke bhi dhori bole jaise. Aru eitu homoitu khomir nadhala laga ruti kha laga utsov din khan thakise.
|
||||
\v 4 Jetiya tai Peter ke dhori loise, taike jail te dhali dise, aru charta sipahi khan ke tai uporte sa bole rakhi dise; tai Peter ke Udhar-Puwa laga din te manu khan usorte ulai kene ani bole bhabi thakise.
|
||||
\v 5 Eitu homoi te, Peter ke jail te rakhi thakise, kintu girja manu khan mon pora tai nimite hodai Isor logot prathana kori thakise.
|
||||
\v 6 Aru eitu rati ahge te jetiya Herod taike bichar koribole nimite anibole thakise, Peter duita sipahi majote ghumai thakise, loha laga rusi duita pora bandi kene, jetiya duita sipahi dorja usorte tai ke sai kene rokhi thakise.
|
||||
\v 7 Tetiya, achanak pora Probhu laga sorgodut tai usorte ahise, aru jail bhitorte ujala pora bhorta hoi jaise. Tar Peter ke side te mari kene tai ke uthai se, aru koise, ''Joldi uthibi,'' aru tai ke bandhi kene rakha luha rusi giri jaise.
|
||||
\v 8 Tetiya sorgodut taike koise, ''Kapur lagabi aru sandal tu lagai lobi.'' Peter eneka korise. Sorgodut taike koise, "Bahar laga ki kapur ase eitu lagabi aru moi laga piche ahibi.''
|
||||
\v 9 Tetiya Peter sorgodut laga pichete jaise. Kintu tai jana nai eitu sob tu hosa pora sorgodut hei kori ase koi kene. Tai sapna hei dekhi ase bhabise.
|
||||
\v 10 Jetiya taikhan poila aru dusra sipahi ke par korise, tai khan citi usorte loha laga ekta gate ase tate ponchise; eitu nijor pora khuli jaise, aru tai khan ulai kene rasta nichete jaise.
|
||||
\v 11 Aru jetiya Peter eitu hosa ase jani loise, tai koise, ''Etiya moi hosa pora jani loise Probhu moi ke Herod laga hath pora bachai lobole nimite Tar laga sorgodut ke pothai dise, aru Yehudi manu khan ki bhabana kori thakise eitu pora moi ke ulai kene anise.''
|
||||
\v 12 Jetiya tai eitu kotha janise, tai John kun ke Mark bhi mate tai laga ama Mary ghor te jaise, tate bisi manu khan joma kori kene prathana kori thakise.
|
||||
\v 13 Aru jetiya Peter dorja te marikene awaj dise, ekta chukuri sewak Rhoda koi kene dorja khuli bole ahise.
|
||||
\v 14 Jetiya tai Peter laga awaj janise, khusi pora dorja khulibole pahorise; aru tai, polai kena kamra te ahise; Peter dorja te khara kori kene ase koi kene koise.
|
||||
\v 15 Tetiya taikhan pora taike koise, ''Tumi pagli hoise.'' Kintu taikhan ke bisi koise. Tetiya taikhan koise, ''Eitu tai laga Aatma hobo.''
|
||||
\v 16 Kintu Peter dorja tu mari thakise, aru jetiya tai khan dorja khulise, tai ke dekhi kene bisi asurit hoise.
|
||||
\v 17 Kintu tai taikhan ke haat pora chup thakibole dekhai dise, aru keneka kori kene Probhu pora tai ke jail pora ulai dise eitu tai khan ke koise, ''Jai kene eitu kotha James aru bhai khan ke kobi.'' Aru tate pora tai dusra jaga te jai jaise.
|
||||
\v 18 Aru jetiya din hoise, sipahi khan Peter logote ki hoise eku bhi jana nai.
|
||||
\v 19 Aru jetiya Herod Peter ke bisari kene pa nai, tai sephai khan ke hudise aru tai khan ke morai dibole hukum dise. eitu pichete tai Judea pora jai kene Caesarea te thakise.
|
||||
\v 20 Aru Herod Tyre aru Sidon manu khan uporte bisi khong thakise. Eitu karone tai khan joma hoi kene ahise, aru Blastus koi kene Raja laga kaam kora ekjon manu logote mili kene, modot kori bole jaise.Tetiya taikhan shanti thakibole nimite mangise, kelemane tai khan laga desh te kha luwa raja laga desh pora hei jai thakise.
|
||||
\v 21 Kotha kori kene rakha din te, Herod raja laga kapur lagai kene tai nijor ke tayar korise. Tai laga sinhason te bohi thakise, aru taikhan logotte kotha korise.
|
||||
\v 22 Kintu manu khan hala kori koise, ''Eitu Isor laga awaj ase, manu laga nohoi!''
|
||||
\v 23 Tetiya eitu homoi te Probhu laga sorgodut joldi taike mari dise, kelemane tai Isor ke mohima deya nai; aru puka pora taike khai kene morai dise.
|
||||
\v 24 Kintu Isor laga kotha bisi-bisi hoi jaise.
|
||||
\v 25 Aru jetiya Barnabas aru Saul tai khan laga kaam pura kori loise, tai khan Jerusalem te jaise, aru John kun ke Mark bhi mate tai ke bhi loi anise.
|
||||
\c 13
|
||||
\v 1 Eitu Antioch girja te thaka khan, bhaobadi khan, sikhai diya manu thakise. Barnabas aru Simon ( jun ke Niger koe), aru Cyrene laga Lucius, (Herod tetrarch laga pala bhai khan) aru Saul.
|
||||
\v 2 Jetiya tai khan Isor ke aradhana korikene aru upwas kori thakise, Pobitro Aatma pora koise, ''Tumi khan Barnabas aru Saul ke pothai dibi, moi tai khan nimite ki kaam ase eitu koribole nimite.''
|
||||
\v 3 Tetiya taikhan upwas aru prathana kori kene aru duijon uporte hath di kene, tai khan ke pothai dise.
|
||||
\v 4 Barnabas aru Saul ke Pobitro Aatma pora Seleucia te pothai dise; aru tai khan naw te uthi kene Cyprus island te jaise.
|
||||
\v 5 Aru jetiya duijon Salamis te ponchise, tai khan Yehudi khan laga synagogue te jai kene Isor laga kotha prochar korise. Aru duijon ke modot koribole John aru Mark bhi thakise.
|
||||
\v 6 Aru jetiya tai khan Paphos laga sob jaga te jaise, ekta jaddu kora manu lok paise, Yehudi laga misa bhaobadi, tai laga naam Bar Jesus thakise.
|
||||
\v 7 Eitu jaddu kora manu proconsul te Sergius Paulus logote thakise, tai ekjon gyan thaka manu thakise. Tai Barnabas aru Saul ke matise, kelemane tai Isor laga kotha hunibole mon thakise.
|
||||
\v 8 Kintu Elymas ''jadu kora manu'' (tai ke eneka naam pora hei mate) taikhan ke virodh korise; tai proconsul manu khan ke bisas pora hatai dibole kosis korise.
|
||||
\v 9 Tetiya Saul, tai ke Paul bhi koe, Pobitro Aatma para bhorta thakise, eitu manu ke bhal para saise
|
||||
\v 10 aru koise, ''Tumi saitan laga bachha, tumi sob beya kaam pora bhorta hoi ase aru tumi logote sob letera bhabona hai ase. Tumi bhal kaam kora laga dusman ase. Tumi Probhu laga sidha rasta tu tera koribole ketiya bhi norokhibo, hoi na nohoi?
|
||||
\v 11 Etiya sabi, Probhu laga hath tumi upor te ase, aru tumi suku andha hoi jabo. Tumi olop din nimite suraj tu nedikhibo.'' Eitu homoi te Elymas uporte andhera ahhi jaise, aru tai manu khan usorte hath di kene loi jabole modot mangise.
|
||||
\v 12 Jetiya proconsul ki hoise eitu dekhise, tai bisas korise, kelemane tai Isor laga kotha sikai diya tu asurit lagise.
|
||||
\v 13 Aru tetiya Paul aru tai laga sathi khan Paphos pora naw te uthi kene jaise aru Pamphylia te Perga te ahhi jaise. Kintu John taikhan ke chari kene Jerusalem te aru ahhi jaise.
|
||||
\v 14 Kintu Paul aru tai laga sathi khan Perga te jaise aru Antioch Pisidia te ponchise. Tai khan sabbath laga din te synagogue te jai kene bohise.
|
||||
\v 15 Bhaobadi aru kanun laga kotha pura pichete, synagogue laga cholawta khan pora koise, ''Bhai khan, iyate laga manu khan nimite kiba bhal kotha ase koile, kobi.''
|
||||
\v 16 Tetiya Paul khara korise aru hath pora dekhai kene koise, ''Israel manu aru Isor ke bhoi kori kene thaka khan, hunibi.
|
||||
\v 17 Israel manu laga Isor moi khan laga baba khan ke bachi loise aru bisi kori dise jetiya tai khan Egypt te thakise, aru Tar laga hath tu uthai kene tai khan ke tar pora ulai loi anise.
|
||||
\v 18 Aru chalis saal tok Tar jongol te taikhan logote thakise.
|
||||
\v 19 Aru jetiya Tar Cannan laga sat-ta desh tu khotom kori dise, Tar eitu jaga moi khan laga manu khan ke dise.
|
||||
\v 20 Eitu sob charsou ponchas saal tak hoise. Eitu sob huwa pichete, Isor tai khan ke bichar dise jetiya tak bhaobadi Samuel ahha nai.
|
||||
\v 21 Tetiya tai khan raja mangise, aru Isor pora tai khan ke Kish laga chokora Saul dise, manu ekjon Benjamin laga jat pora, chalis sal tak raja thakise.
|
||||
\v 22 Kintu Isor pora Saul ke raja laga jaga pora hatai diya pichete, tai khan nimite David ke raja bonai dise. Aru David nimite bhi Isor pora koise, 'Moi laga mon usorte te thaka ekjon Jesse laga chokora David ke paise, tai moi laga echha kaam sob koribo.'
|
||||
\v 23 Eitu manuh laga khandan pora Isor Isreal te bachai diya, Jisu ke pothai se, Tar Isreal manu khan ke kosom diya nisina.
|
||||
\v 24 Eitu sob tu suru hoise jetiya, Jisu naha ahgete, John poila Isreal manu khan ke baptisma loi kene mon ghura bole koise.
|
||||
\v 25 Aru jetiya John tai laga kaam khotom kori thakise, tai koise, 'Moi ke tumi khan kun ase bhabe? Moi eitu nohoi. Kintu hunibi, ekjon ahhi ase, aru tai laga paw te laga juta bandhi bole bhi moi layak nai.'
|
||||
\v 26 Hei bhai khan, Abraham khandan laga bachha khan, aru apuni khan majote kun Isor ke bhoi kore, moi khan nimite notun jibon laga kotha tu pothai dise.
|
||||
\v 27 Kun manu Jerusalem te thaki ase, aru tai khan laga cholawta khan, Tar ke chini bole para nai, aru bhaobadi laga kotha khan pura kori dise jun tu ho dai sabbath din te Tar ke hinsa aru bodnam kori kene puri thake.
|
||||
\v 28 Aru taikhan Tai ke morai dibole eku golti na pai le bhi, taikhan Pilate ke Jisu ke morai dibole koise.
|
||||
\v 29 Jetiya Tar nimite ki likha ase eitu sob pura hoise, taikhan crus pora Tar ke namai ani kene kobor te rakhi dise.
|
||||
\v 30 Kintu Isor Tai ke mora pora aru bhi jinda kori dise.
|
||||
\v 31 Aru Tai logote Galilee pora Jerusalem te kun manu khan ahise bisi din tok Tai ke dekhise. Aru eitu manu khan Tai laga gawahi manu khan ke koi kene berai.
|
||||
\v 32 Aru eitu nimite moi khan eitu kotha tu koi kene prochar kore juntu Isor pora moi khan laga baba khan ke kosom disele.
|
||||
\v 33 Isor hai sob kotha tu moi khan, aru tai khan laga bachha khan nimite pura kori dise, Jisu ke jinda kori kene. Psalms te likhi kene thaka nisina: 'Tumi moi laga chokora ase, ahji pora moi tumi laga Baba hoise.'
|
||||
\v 34 Tar ke mora pora jinda kori diya motlab ase Tar laga gaw tu ketiya bhi napochibo, Isor tu eneka koise: moi tumi ke Pobitro aru hosa asirbad dibo juntu moi David ke kosom disele.'
|
||||
\v 35 Eitu nimite tai Psalms te aru koi kene ase, 'Apuni ketiya bhi Pobitro ekjon ke puchibole nidibo.'
|
||||
\v 36 Kelemane David tai laga homoi te Isor laga echha pora Tar nijor manu ke sewa kori thakise aru mori jaise, aru tai baba khan logot moidam te dise, aru puchi jaise.
|
||||
\v 37 Kintu Tai ke Isor jinda kori dise utu ke puchibole diya nai.
|
||||
\v 38 Kintu apuni khan jani lobi, eitu manuh pora hei apuni khan paap tu maph pabo, aru sob beya pora ajadi pabo jun tu Moses laga kanun pora bhi apunike dibole napare.
|
||||
\v 39 Aru jun Tai ke bisas kore tai bachi jabo.
|
||||
\v 40 Eitu karone hoshiar thakibi bhaobadi khan pora ki koise eitu apuni khan logote nohobole nimite:
|
||||
\v 41 'Sabi, hinsa kora khan, asurit hoi kene nijor harai jai; moi apuni khan laga homoi te kaam kori ase, eitu kaam juntu tumi khan ketiya bhi bisas nokore, jodi bhi kunba apuni khan ke ahi kene koi diye.'''
|
||||
\v 42 Aru jetiya Paul aru Barnabas jaise, manu khan tai khan ke anurodh korise eitu kotha ahi kene aru sabbath din te kobole.
|
||||
\v 43 Aru jetiya synagogue laga sabha khotom hoise, bisi Yehudi aru jun Yehudi niyom loise tai khan Paul aru Barnabas pichete jaise, aru taikhan pora duijon ke Isor laga morom tu koi thakibole nimite koise,
|
||||
\b
|
||||
\b
|
||||
\v 44 Aru Sabbath din te, pura citi eke logote joma hoise Probhu laga kotha huni bole nimite.
|
||||
\v 45 Kintu jetiya Yehudi khan bisi manu dekhise, taikhan suku jolise aru Paul laga beya kotha koise aru tai ke sorom khelai dise.
|
||||
\v 46 Kintu Paul aru Barnabas mon dangor kori kene koise, ''Isor kotha apuni khan logote poila kobole bisi dorkar thakise. Kintu Isor kotha tu hatai diya dekhi kene tumi khan Tar laga raijyo te jabole layak nai, sabi, amikhan dusra jat khan logot jai ase.
|
||||
\v 47 Eitu karone Probhu he moike hukum dise, aru koise, 'Moi tumi tumi khan ke bisas nathaka khan laga ekta puhor bonai dise, eitu para tumi khan prithibi laga sob kona te jai kena anonto jivan laga kotha tu koi dibo.'''
|
||||
\v 48 Jetiya dusra jati manu khan eitu kotha hunise, tai khan khusi paise aru Probhu laga kotha ke dhonyabad dise. Aru jiman manu anonto jibon pabole ase eitu khan bisas kori loise.
|
||||
\v 49 Aru Probhu laga kotha sob usor-usor jaga te prochar hoi jaise.
|
||||
\v 50 Kintu kanun luwa manu aru dorkar thaka maiki, aru citi te manu majote naam thaka khan ke Yehudi khan pora Paul aru Barnabas ke digdar dibole korise, aru duijon ke taikhan laga desh pora bahaar ulaai dise.
|
||||
\v 51 Kintu Paul aru Barnabas tai khan usor pora paw laga dhuli sapha korise. Aru tate pora Iconium laga nogor te jaise.
|
||||
\v 52 Aru chela khan Pobitro Aatma pora bhorta hoi kene khusi pora thakise.
|
||||
\c 14
|
||||
\v 1 Etiya Iconium te eneka hoise, Paul aru Barnabas duijon Yehudi khan laga synagogue te jaise aru kotha koise tate bisi manu Yehudi aru dusra jati manu khan huni kene bisas korise.
|
||||
\v 2 Kintu kotha namana Yehudi khan pora manu khan laga bhabona beya kotha pora bhorta kori kene nijor bhai laga dusman kori dise.
|
||||
\v 3 Kintu tai khan ta te olop din thakise, aru Isor laga kotha mon dangor pora koise, aru Isor hai Paul aru Barnabas laga hath para Tar laga asurit kaam manu khan ke dekhai dise.
|
||||
\v 4 Kintu citi te thaka manu khan bhag hoi jaise; kunba Yehudi phale jaise, aru kunba apostle khan phale jaise.
|
||||
\v 5 Aru jetiya bisas nokora khan aru Yehudi aru taikhan laga cholawta khan mili kene duijon ke hinsa kori kene pathor maribole bisarise,
|
||||
\v 6 duijon eitu jani loise aru ta te pora Lycaonia, Lystra aru Derbe aru eitu usor citi te polai jaise,
|
||||
\v 7 aru taikhan tate Isor laga kotha prochar kori thakise.
|
||||
\v 8 Aru Lystra te ekjon manu bohise, tai laga paw te takot thaka nai, ama laga pet pora hai lengra jonom hoise, tai ketiya bhi bera nai.
|
||||
\v 9 Eitu manu Paul kotha kuwa hunise, tetiya Paul eitu manu ke bhal hoi jabole mon kori thaka laga bisas dekhi kene tai ke bhal pora sai thakise.
|
||||
\v 10 Aru tetiya tai untcha awaj pora koise, ''Uthi kene tumi laga paw te khara hobi.'' Tetiya eitu manu uthi kene bera bole suru hoise.
|
||||
\v 11 Jetiya manu khan Paul ki korise eitu dekhise, tai khan laga awaj uthai, Lycaonia laga bhasa te koise, ''Bhagwan khan manu laga gaw loi kene moi khan majote ahise.''
|
||||
\v 12 Aru taikhan Barnabas ke ''Zeus,'' matise, aru Paul ke ''Hermes,'' kele mane tai hei asol kotha kuwa manu thakise.
|
||||
\v 13 Tetiya Zeus mandir laga purohit jun to citi usor te thakise, guru aru phool laga mala loi kene gate usorte ahise; tai aru tate laga manu khan boli dibole mon jaise.
|
||||
\v 14 Kintu jetiya apostle, Barnabas aru Paul, eitu huni se tai khan laga kapur phatai kene manu khan laga majote jai kene, jor pora kandise.
|
||||
\v 15 Aru koise, ''manu khan, tumi khan kele eneka kori ase? Moi khan bhi apuni khan nisina bhabana thaka manu hei ase. Moi khan apuni ke Isor laga kotha kobole ahise, eitu kotha huni kene Isor pora echha nokora kaam khan charibole, sorgo, prithibi aru samundar te jiman saman ase sob Tar pora hei bonai se.
|
||||
\v 16 Poila homoi te, manu khan ke nijor khusi pora berabo disele.
|
||||
\v 17 Kintu, Tar manu khan ke chari diya nai, Tar sorgo pora pani dise aru phol ulai kene khabole nimite bhal mohina dise aru sob bhal kaam kori dise.''
|
||||
\v 18 Eitu kotha koi kene, Paul aru Barnabas tai khan ke boli dibole rukhaise.
|
||||
\v 19 Tetiya Antioch aru Iconium pora kunba Yehudi tate ahise aru manu khan laga mon te beya kotha dhali dise. Aru tetiya Paul ke pathor mari kene citi laga bahar te tani ulai dise, tai khan bhabise Paul tu mori jaise.
|
||||
\v 20 Kintu chela khan tai usorte khara kori thakise, tetiya tai uthi kene citi te jaise. Aru dusra din te, Barnabas logote Derbe te jaise.
|
||||
\v 21 Aru jetiya tai duijon Isor laga kotha koi kene bisi chela bonaise, tai khan Lystra te jaise, aru Iconium aru tate pora Antioch te jaise.
|
||||
\v 22 Aru tai khan chela khan ke bisas te hodai mon dangor hoi kene thakibole sikaise, aru koise, ''Moi khan Isor laga raijyo te jabole bisi dukh koribole lagibo.''
|
||||
\v 23 Aru sob girja te taikhan ke cholai loi jabo nimite dangor manu bachi dise, aru upwas rakhikene prathana korise, aru tai khan ke Isor hath te dise, jun ke tai khan bisas korise.
|
||||
\v 24 Aru eitu pichete duijon Pisidia par kori kene Pamphylia te ahhi jaise.
|
||||
\v 25 Jetiya tai khan Perga te Isor kotha koi dise, tate pora tai khan Attalia te jaise.
|
||||
\v 26 Tate pora duijon nao te uthi kene Antioch te jaise, tate tai khan Isor laga morom aru anugrah kaam koribole pothai sele, aru duijon eitu kaam pura kori dise.
|
||||
\v 27 Jetiya tai khan Antioch te ahise aru girja manu khan ke joma korise, Isor pora ki korise tai khan ke sob koi dise, aru keneka kori kene dusra jat manu khan nimite bisas laga dorja tu khuli dise.
|
||||
\v 28 Aru duijon bisasi chela khan logote bisi din tak tate thakise.
|
||||
\c 15
|
||||
\v 1 Etiya kunba manu Judea pora ahhi kene Antioch te thaka bhai khan ke sikhai kene koise, ''Jetiya tak tumi khan Moses laga niyom te diya nisina sunnot nokore, tumi khan nabachibo.''
|
||||
\v 2 Eitu kotha kuwa nimite Paul aru Barnabas logote manu khan mon mila nai aru tai khan uporte khong uthise. Paul aru Barnabas aru tate laga kunba khan ke Jerusalem te jobole bachi loise aru jai kene apostle aru umor hoi juwa manu khan ke tai khan ki koise eitu hudibole nimite pothaise.
|
||||
\v 3 Tetiya taikhan ke girja para pothaise, Phoenicia aru Samaria pora juwa homoi te dusra jat manu khan mon ghura laga kotha koi thakise. Sob bhai khan majote bisi khusi hoise.
|
||||
\v 4 Jetiya tai khan Jerusalem te ponchise, tai khan ke girja laga apostle aru umor hoi juwa manu khan pora ahhi bole dise, aru Isor pora tai khan majote ki kori dise eitu sob manu khan ke koi dise.
|
||||
\v 5 Kintu kunba bisas kora manu, aru Pharisees khan logote mili kene thaka khan khara kori kene koise, ''Tai khan ke sunnot koribole dorkar ase aru Moses laga kanun mani kene thakibole nimite sikhai dibole lage.''
|
||||
\v 6 Tetiya apostle aru bura manu khan eke logote joma hoi kene eitu kotha patise.
|
||||
\v 7 Jetiya eitu kotha bisi dangor hoi jaise, Peter khara kori kene tai khan ke koise, ''Bhai, kokai khan, Isor poila te apuni khan majote te moi ke bachi loise, aru moi laga mukh pora dusra jat manu khan Isor laga kotha hunibo aru bisas koribo.
|
||||
\v 8 Isor, Tar manu laga mon jane, aru sob gawahi diye, Pobitro Aatma paoa bhorta kori diye, jeneka Tar moi khan uporte bhi korise;
|
||||
\v 9 aru Isor dusra jat manu aru moi khan majote eku alag bhaba nai, aru tai khan laga mon bisas pora sapha kori dise.
|
||||
\v 10 Eitu nimite tumi khan kele Isor ke bichar kori ase, chela khan laga gola aru moi khan laga baba khan pora ketiya bhi utha bole napara bhar tu kole dhali bole bisari ase?
|
||||
\v 11 Kintu amikhan bisas kore Probhu Jisu laga anugrah aru morom pora poritron pabo, keneka tai khan paise ami khan bhi pabo.''
|
||||
\v 12 Aru tate thaka sob manu khan chup hoi jaise jetiya Paul aru Barnabas pora dusra jat manu khan majote Isor pora ki asurit kam kori dise eitu tai khan ke koi dise.
|
||||
\v 13 Aru jetiya tai khan kotha kori kena khotom hoise, James pora koise, ''Bhai khan, moi laga kotha hunibi.
|
||||
\v 14 Simon pora poila koise keneka kori kene Isor hai dusra jat manu khan ke modot kori dise aru tai khan majot pora Tar laga naam ula bole nimite.
|
||||
\v 15 Aru bhaowadi khan eitu kotha tu manise, jeneka eitu likha ase,
|
||||
\v 16 'Eitu pichete moi aru bhi ahibo, aru moi David laga bhangi juwa tombu uporte ghor bonabo; aru beya hoi ja khan sob wapas bhal kori kene khara kori dibo,
|
||||
\v 17 kelemane manu khan Probhu ke bisaribo, aru sob dusra jat manu khan moi laga naam matibo.' Eitu Probhu pora koi ase, jun hei eitu sob kaam tu kori dise.
|
||||
\v 18 Eitu sob kaam suru pora manu khan ke jonai dise.
|
||||
\v 19 Eitu karone, moi laga bhabona eneka ase, moi khan dusra jat manu khan Isor phale ahha tu digdar nokoribo lage.
|
||||
\v 20 Kintu amikhan taikhan ke likhi kene koi dibo murti puja noko ribole, beya paap kaam kora, aru janwar laga gola nakati kene khun kha eitu sob nohobole koi dibo.
|
||||
\v 21 Moses laga kotha sob citi te ase, poila khandan pora loi kene, aru jun manu tai laga naam loi kena synagogue te prochar kore, aru tai laga naam hodai sabbath din te loi thake.''
|
||||
\v 22 Tetiya sob apostle, bura khan aru girja manu khan sob eitu kotha bhal paise, aru bachi luwa manu Antioch te Paul aru Barnabas logote pothai dibole tai khan saise. Tetiya Judas kun ke Barsabas bhi mate, aru Silas tai khan bisasi bhai khan majote cholawta thakise tai ke pothaise.
|
||||
\v 23 Aru taikhan hath pora chithi likhi dise: ''Apostle aru bura khan pora, apuni khan laga bhai, jun Antioch, Syria, aru Cilicia te ase, aru dusra jat manu khan apuni khan ke salaam di ase!
|
||||
\v 24 Amikhan hunise, kunba manu moi khan majot pora ulai jaise, aru moi khan ke eku huda nai, aru apuni khan ke ulta kotha sikhai kene Aatma te dukh pabole dise.
|
||||
\v 25 Eitu nimite, amikhan eke logote lok kori kena bhal bachi luwa manu Barnabas aru Paul logote pothai dibo.
|
||||
\v 26 Jun manu nijor laga jibon di kene Probhu Jisu Khrista laga naam nimite dukh uthai thake.
|
||||
\v 27 Eitu karone Judas aru Silas ke pothai ase, tai khan bhi apuni khan ke eitu kotha hai nijor mukh pora apuni khan ke koi dibo
|
||||
\v 28 Kelemane Pobitro Aatma aru amikhan nimite eitu hai bhal ase, apuni khan ke eku kaam nathaka laga bhar pora dangor dukh nidibo:
|
||||
\v 29 murti puja te boli diya pora apuni khan dur thakibo, aru khun para, aru gola nakati kene morai diya para, aru beya paap pora. Jodi apuni khan eitu pora dur thake, apuni khan bhal thakile bhal pora thakibi.''
|
||||
\v 30 Jetiya taikhan ke jabole dise, taikhan Antioch te ahhi ponchi se; aru sob manu khan ke joma kora pichete, chithi tai khan ke dise.
|
||||
\v 31 Aru jetiya tai khan porise, mon dangor kori deya kotha dekhi kene tai khan bisi khusi korise.
|
||||
\v 32 Judas aru Silas, duijon nije bhi bhaobadi thakise, ta te thaka bhai khan ke nijor kotha pora manu khan laga bisas aru mon dangor kori dise.
|
||||
\v 33 Aru ta te olop din thaki kene, tai khan jun jaga pora ahise tate shanti pora pothai dise.
|
||||
\v 34 Kintu Silas, tate aru thaki bole bhal paise.
|
||||
\v 35 Paul aru Barnabas Antioch te thaki jaise, Isor laga kotha manu khan ke sikhai thakise (dusra khan bhi tai khan logote thakise).
|
||||
\v 36 Kintu olop din pichete, Paul pora Barnabas ke koise, ''Ahibi moi khan poila jun citi te jai kene Isor kotha prochar korise tate laga bhai khan ke jai kene lok koribo, aru tai khan keneka ase eitu sabo.''
|
||||
\v 37 Barnabas tai khan logote John kun ke Mark bhi mate tai ke loi jabole mon thakise.
|
||||
\v 38 Kintu Paul Mark ke loi juwa tu thik nohoi bhabise, tate pora John Pamphylia te jaise aru tai khan ki kaam nimite jaise eitu kaam te tai aru aghe janai.
|
||||
\v 39 Eitu pora tai duijon majote kotha mila nai, tate pora tai duijon alak hoi jaise, aru Barnabas Mark ke loi jai kene Cyprus te naw pora jai jaise.
|
||||
\v 40 Kintu Paul Silas ke bachi loise aru jaise, aru tate bhai khan pora duijon ke Isor laga daya te rakhi kene sob kaam di dise.
|
||||
\v 41 Aru tai Syria aru Cilicia te jaise, aru girja khan ke mon dangor kori dise.
|
||||
\c 16
|
||||
\v 1 Tetiya tai Derbe aru Lystra te jai sele; aru sabi, tate ekjon chela Timothy koi kene thakise, tai ekjon bisasi aru Yehudi maiki laga chokora; kintu tai laga baba Greek manu thakise.
|
||||
\v 2 Lystra aru Iconium te thaka bhai khan tai laga bhal kotha hai koi.
|
||||
\v 3 Paul taike loi jabole mon thakise; tai ke loi jai kene sunnot kori dise kelemane eitu jaga te Yehudi khan thakise, kelemane tate laga manu khan sob jane tai laga baba Greek manu thakise.
|
||||
\v 4 Aru taikhan citi te jai thaka homoi te, tai khan girja te manu khan ke Isor kotha mani bole sikhaise, Jerusalem te thaka apostle aru girja laga bura khan pora taikhan ke mani thakibole.
|
||||
\v 5 Eitu pora girja khan bisas te takot hoi thakise, aru hodai din manu bhi bisi-bisi hoi jaise.
|
||||
\v 6 Paul aru tai laga sathi khan Phrygia aru Galatia laga gaga te jaise, kelemane Pobitro Aatma pora taikhan ke Asia te prosar koribole mana korise.
|
||||
\v 7 Jetiya tai khan Mysia usorte ahise, tai khan Bithynia te jabole kosis korise, kintu Jisu laga Aatma pora tate jabole mana korise.
|
||||
\v 8 Eitu karone taikhan Mysia par kori kene Troas nogor te jaise.
|
||||
\v 9 Eitu rati te Paul ekta sopna dekhise: ekta manu Macedonia te khara kori thakise, aru tai ke mati kene koise, ''Ahhi kene moi khan ke Macedonia te modot koribi.''
|
||||
\v 10 Jetiya Paul eitu dorshan dekhise, eitu homoi te moikhan joldi Mecedonia te jabo bhabi loise, kelemane taikhan ke su-samachar koi dibole Isor moikhan ke matise.
|
||||
\v 11 Aru moikhan Troas pora naw te uthi kene sidha Somothrace te jaise, aru dusra din Neapolis te ahhi jaise.
|
||||
\v 12 Aru tate pora Mecedonia laga sob pora dangor citi Philippi te ponchise, Roman laga jaga, aru moi khan tate olop din thakise.
|
||||
\v 13 Aru Sabbath din te moikhan citi bahar te ulaai kene nodi kinar phale, prathana koribole jagah ase bhabi kene tate jaise. Tate moi khan joma kori kene bohhi thaka maiki khan logote kotha korise.
|
||||
\v 14 Tate ekjon maiki Lydia koi kene thakise, Thyatira te tai begoni rong kapur bikiri kori thake, tai Isor ke mohima kore, moi khan laga kotha hunise. Probhu hai eitu maiki laga mon khuli kene Paul laga kotha bhal pora hunibole dise.
|
||||
\v 15 Aru jetiya tai aru tai laga ghor manu sob baptizma loise, tai moikhan ke hudi kene koise, ''Jodi apuni khan moi Isor usorte bisasi ase koi kene bichar kore, ahhi kene moi laga ghor te thaki bi.'' Tai moi khan ke binti korise.
|
||||
\v 16 Eitu homoi te, moikhan prathana koribole ekta jaga te jai thakise, tetiya moikhan ekjon jowan maiki Aatma thaka ekjon lok paise. Tai laga malik khan ke dusra manu laga jibon te ahhibole din te ki hobole ase eitu koi di kene bisi dhun kori dise.
|
||||
\v 17 Eitu maiki Paul aru moi khan laga pichete ahhi kene hala korise, aru koise, ''Eitu manu khan sob se untcha te thaka Isor laga sewak ase. Tai khan hosa rasta aru jibon laga kotha koi ase.''
|
||||
\v 18 Tai bisi din eneka koi thakise, kintu tai eneka koi thaka tu bhal panai, aru tai laga bhitor te aatma thaka ke, koise, ''Moi Jisu Khrista naam pora tumi ke hukum di ase tai pora ulaai jabi,'' aru eitu homoi te aatma ulaai jaise.
|
||||
\v 19 Kintu jetia tai malik poisa aha rasta tu bon hoi ja dikhise, taikhan Paul aru Silas ke dhori kene bazar laga dangor sahab khan usorte loi anise.
|
||||
\v 20 Aru jetiya taikhan ke bichar kora manu khan usorte anise, tai khan koise, ''Eitu manu khan moi khan laga citi beya kori ase. Tai khan Yehudi manu ase.
|
||||
\v 21 Moi khan ki kanun manibo napare eitu sikhai ase aru Roman laga kanun lobole koi ase.''
|
||||
\v 22 Tetiya manu khan Paul aru Silas uporte khong uthise, aru bichar kora manu khan pora tai duijon laga kapra phatai kene luha pora maribole nimite hukum dise.
|
||||
\v 23 Aru jetiya tai duijon ke disi marise, tai duijon ke jail te bon kori dise aru jail te thaka sipahi ke bhal pora sai thaki bole hukum dise.
|
||||
\v 24 Jetiya tai eitu hukum paise, sipahi para tai duijon laga paw bandhi kena jail laga bhitor te dhali dise.
|
||||
\v 25 Aru adha rati te Paul aru Silas prathana kori kene Isor laga gana kori thakise, aru jail te thaka dusra koidi khan tai khan ke huni thakise.
|
||||
\v 26 Achanak pora dangor mati hilise, aru jail laga main khamba bhi hilli jaise; aru eitu homoi te dorja khan khuli jaise, aru sob manu ke bandhi rakha loha laga rusi khan khuli jaise.
|
||||
\v 27 Tetiya jail laga sipahi ghumai thaka pora uthi jaise aru jail laga dorja khula dekhise; tai nijor laga talwar ulai kene mori bole thakise, kelemane tai bhabise jail te thaka manu khan sob polai jaise.
|
||||
\v 28 Kintu Paul jor pora hala kori kene koise, ''Nijor ke jokom nidibi, kelemane moi khan sob iyate ase.''
|
||||
\v 29 Tetiya jail laga sipahi saaki mangi kene bhitor te polai ahise, aru bhoi pora kapikene, Paul aru Silas laga paw te giri jaise,
|
||||
\v 30 aru tai duijon ke bahar te loi ani kene koise, ''Sahab khan, poritran pabole moi ki koribo lage?''
|
||||
\v 31 Tetiya duijon koise, ''Probhu Jisu ke bisas koribi, tetiya tumi aru tumar ghor manu sob bachi jabo.''
|
||||
\v 32 Tetiya duijon taike aru tai laga ghor manu sob ke Probhu laga kotha hunai dise.
|
||||
\v 33 Tetiya jail laga sipahi pora eitu rati te duijon ke loi jaise, aru tai khan laga jokom sapha kori dise, tai laga sob ghor manu aru tai eitu homoi te baptisma loise.
|
||||
\v 34 Aru duijon ke tai laga ghor te loi anise aru kha luwa dise, aru tai Isor ke bisas korise koi kene tai laga sob ghor manu bisi khusi korise.
|
||||
\v 35 Aru jetiya din hoise, tetiya sahab khan pora sipahi khan ke pothaise aru koise, ''Tai khan ke jabole dibi.''
|
||||
\v 36 Tetiya jail sahab pora jai kene eitu kotha Paul ke koise, ''Bichar kora manu pora moi ke apuni khan ke pothai dibole koise. Eitu nimite ahibi, aru shanti pora jabi.''
|
||||
\v 37 Kintu Paul taikhan ke koise, ''Moi khan Roman hoilebi sob manu usorte duijon ke bodnam kori kene marise, aru jail te dhali dise. Etiya moi khan ke lukai kene pothai dibole mon ase? Eneka nohoi! Kintu, tai khan nijor ahhi kene moi khan ke loi jabi.''
|
||||
\v 38 Tetiya sipahi khan bichar kora manu khan ke jai kene eitu kotha koise, aru jetiya Paul aru Silas Roman manu ase koi kene janise, tai khan bhoi lagise.
|
||||
\v 39 Tetiya bichar kora manu khan ahhi kene tai khan ke maph mangise taikhan ahi kene duijon logot maph mangise aru duijon ke bahaar te ulaai kene anise, aru nagor pora jai jabole koise.
|
||||
\v 40 Tetiya duijon jail pora ulaai kene Lydia laga ghor te jaise. Aru jetiya Paul aru Silas bhai khan ke dekhise, tai khan laga mon dangor kori di kene nagor pora jai jaise.
|
||||
\c 17
|
||||
\p
|
||||
\v 1 Jetiya tai khan Amphipolis aru Apollonia laga citi par kori kene jaise, tai khan Thessalonica laga city te ahhi ponchise, tate Yehudi khan laga ekta synagogue thakise.
|
||||
\v 2 Aru Paul, tai laga nijor niom hisab pora taikhan logote jaise, aru tinta Sabbath din te taikhan logote Isor laga kotha koi thakise.
|
||||
\v 3 Aru tai Isor kotha khuli kene Khrista dukh pabo aru mora pora jinda hoi jabo eitu dorkar ase koi kene porise. Aru tai koise, ''Eitu Jisu kun laga kotha koi kene moi prochar kori ase Tar Khrista ase.''
|
||||
\v 4 Kintu kunba Yehudi tai khan laga niyom te eitu thik nohoi koi kene jani le bhi Paul aru Silas laga pichete jaise, aru tate Greek niyom mani thaka khan bhi thakise, aru kunba maiki khan bhi logote milli jaise.
|
||||
\v 5 Kintu bisas nokora Yehudi khan mon julise, aru bazaar pora beya manu ke joma kori loise, aru bisi manu lagai kena citi te hala korise. Aru jetiya Jason laga ghor bhangai dise, Paul aru Silas ke manu khan usorte dhori kene loi anibole bisari se.
|
||||
\v 6 Kintu jetiya taikhan duijon ke pa nai, taikhan Jason aru kunba bisasi bhai khan ke dhori kena citi laga sahab khan usorte loi jaise, aru hala kori kene koise, ''Eitu manu khan jun duniya ulta kori dise tai khan bhi iyate ahhi kene ase.
|
||||
\v 7 Jason jun manu ke tai laga ghor te rakhise tai khan Caesar laga kotha mana nai, aru tai khan koi ase Jisu koi kene ekjon raja ase.''
|
||||
\v 8 Aru eitu kotha huni kene bisi manu khan aru citi laga sahab khan sob chinta hoise.
|
||||
\v 9 Kintu taikhan Jason aru tai laga saathi khan pora poisa loi kene, tai khan ke jabole dise.
|
||||
\v 10 Tetiya bisasi bhai khan eitu rati te Paul aru Silas ke Berea te pothai dise. Aru jetiya duijon tate ponchise, duijon Yehudi khan laga synagogue te jaise.
|
||||
\v 11 Tate thaka Thessalonica khan dusra jaga laga manu khan pora bhal thakise, kele mane taikhan hodai-din Isor laga kotha bhal bhabona pora hune, aru Isor laga kotha te ki likha ase eitu sai kene bhal mon pora grohon kori thakise.
|
||||
\v 12 Eitu nimite bisi manu tate isas korise,aru tate laga Greek niyom mani thaka maiki aru kunba mota manu khan bhi bisas korise.
|
||||
\v 13 Kintu jetiya Thessalonica laga Yehudi khan Paul Beria te Isor laga kotha koi ase koi kene janise, tate tai khan jai kene manu khan laga mon te beya kotha dhali dise aru mon beya kori bole dise.
|
||||
\v 14 Eitu homoi te, bisasi bhai khan joldi Paul ke samundar phale pora jabole dise, kintu Silas aru Timothy tate thaki jaise.
|
||||
\v 15 Aru jun manu Paul ke loi jaise tai khan Athens laga citi pora aru dur te tai ke loi jaise. Aru jetiya tai khan Silas aru Timothy duijon ke Paul pora tai usorte te joldi ahhibole dibi koi kene khobor dise, tai khan nijor laga ghor te jai jaise.
|
||||
\v 16 Jetiya Paul Athen te Silas aru Timothy ke rukhi thakise, tai laga aatma pora eitu citi te murti bhorta thaka dekhi kene bisi mon dukh hoise.
|
||||
\v 17 Tetiya tai synagogue te jai kene Yehudi aru hosa Isor ke aradhana kora manu khan logote kotha korise, aru hodai tai jetiya bazar te jai tate bhi manu lok pai le eitu laga kotha kori thakise.
|
||||
\v 18 Tetiya Epicurean aru Stoic laga pandit kunba ahhi tai logot kotha lagi thakise, aru kunba koise, eitu ke najana manu ki kobole mon kori ase? Dusra koise tai dusra jaga laga dhorom manu ase, kelemane tai Jisu laga kotha aru jee utha laga kotha prosar kori ase.
|
||||
\v 19 Tai khan Paul ke Aropagus laga usorte loi jaise aru koise,''Tumi ki koi ase aru sikhai ase eitu moi khan bhi jani bole paribo?
|
||||
\v 20 Kelemane moi khan laga kan pora ketiya bhi nahuna kotha huni bole pai ase. Eitu nimite, moi khan bhi jani bole mon ase eitu kotha laga ki motlob ase.''
|
||||
\v 21 (Eitya sob Athenia laga manu aru dusra desh pora ahhi kene thaka manu khan dusra eku kam nokore kintu kotha kori thakibo aru nohoile kiba nutun kotha huni le eitu kotha bohi kene manu khan ke koi thakibo.)
|
||||
\v 22 Tetiya Paul Areopagus majote khara hoi kene koise, ''Tumi Athens laga manu khan, moi dekhi ase tumi khan sob kaam te bhal ase.
|
||||
\v 23 Jetiya moi tumi khan laga puja kori thaka saman khan sai kene par kori thakise, tumi khan pothor pora bonai rakha ekta jaga te eneka likhi kene rakha dikhise, ''Ekta najana Isor nimite.'' Eitu karone jun ke apunikhan najani kene puja kori thaki ase, eitu laga kotha tumi khan ke moi kobo.
|
||||
\v 24 Isor jun he prithibi aru tate thaka sob bonai dise, Tar sorgo aru prithibi låga Isor ase, manu pora bonai diya laga mondoli te nathake.
|
||||
\v 25 Aru Tar manu laga hath laga sewa nalage, aru manu pora eku nibisare, kelemane Tar hei sob ke jibon aru saas aru manu ki lage Tar tai khan ke eitu diye.
|
||||
\v 26 Aru Tar ekjon manu pora hei ekta desh aru jiman manu etiya thaki ase eitu sob ke bonai dise, ki homoi te keneka dibole lage aru kun manu laga jat kote thakibole lage eitu sob Teo para bona kena rakhi dise,
|
||||
\v 27 Eneka korile manu khan Tar ke bisaribo aru tai khan Isor phale mon dibo aru Tar usorte ahibo. Kintu Tar moi khan pora ketiya bhi dur thaka nai.
|
||||
\v 28 Kelemane amikhan Tar logote jinda ahse aur ami khan laga ki ase eitu sob tu Tar laga hei ase, jeneka apuni khan laga majote kitab likha ekjon pora koise, 'Ami khan sob Tar laga bachha hei ase.'
|
||||
\v 29 Eitu karone, moi khan Isor laga bachha ase, moi khan eneka bhabona koribole nalage ki Tar laga echha suna, chandi, aru pathor nisina ase- aru Tar manu laga bhabana pora bonai rakhi diya nisina nohoi.
|
||||
\v 30 Eitu nimite Isor poila te manu laga paap dhyan nokori kene chari dise, kintu etiya Tar sob manu ke paap pora mon ghura bole hukum dise.
|
||||
\v 31 Kelemane Tar bachi luwa ekjon pora eitu duniya ke dharmik pora ekta din te bichar koribo. Isor hai Jisu ke mora pora jinda kori kene Tar hosa Isor ase koi kene dekhai dise.''
|
||||
\v 32 Aru jetiya Athens laga manu khan mori kene jinda huwa kotha hunise, kunba tate thaka khan Paul ke hinsa korise; kintu kunba koise, ''Amikhan eitu kotha apuni pora aru hunibo.''
|
||||
\v 33 Eitu pichete Paul taikhan laga majo pora ulaai jaise.
|
||||
\v 34 Kintu kunba tai logote mili jaise aru tai ki kotha koise eitu bisas korise, eitu majote Dionysius Areopagite laga ekjon manu, aru Damaris koi kene ekjon maiki, aru dusra manu khan bhi tai khan logote thakise.
|
||||
\c 18
|
||||
\v 1 Eitu pichete Paul Athens pora Corinth te jaise.
|
||||
\v 2 Tate tai ekjon Yehudi manu Aquila koikene ekjon ke lok paise, tai Pontus laga manu thakise, aru tai olop din ahgete Italy pora tai laga maiki Priscilla ke loi kene ahise, kelemane Claudius pora Yehudi manu khan ke Rome pora jai jabole hukum dise. Paul tai khan usorte jaise,
|
||||
\v 3 aru kelemane tai khan ki kaam kore eitu kaam Paul bhi kora nimite, tai khan logote thaki kena kaam korise, tai khan tambu bona manu thakise.
|
||||
\v 4 Aru Paul synagogue te jai kena hodai Sabbath din te tai khan logote kotha kori thakise. Tai Yehudi aru Greek manu khan ke Isor laga kotha mani kene thakibole nimite koi thakise.
|
||||
\v 5 Jetiya Silas aru Timothy duijon Macedonia pora ahise, Paul Isor laga kotha te pura mon di kene thakise, aru Yehudi manu kha ke Jisu Khrista laga gawahi koi thakise.
|
||||
\v 6 Kintu Yehudi manu khan tai laga kotha mana nai aru tai ke sorom khelai dise, Paul tai laga kapra sapha kori kene tai khan ke koise, ''Tumi khan laga khoon tumi khan nijor matha uporte ahhi bole dibi; moi eku golti kora nai. Etiya pora moi Isor najana manu usorte hai jabo.''
|
||||
\v 7 Aru tai tate pora ulaai kene ekjon manu Titius Justus laga ghor te jaise, tai Isor ke mahima kora ekjon thakise. Tai laga ghor synagogue laga usorte thakise.
|
||||
\v 8 Crispus, synagogue laga ekjon cholawta, Probhu ke bisas korise, aru tai laga sob ghor manu khan bhi bisas korise; aru Corinth te kiman manu Isor laga kotha hunise tai kkhan bhi bisas kori kene baptisma loise.
|
||||
\v 9 Aru Probhu hei rati te Paul ke sapna te koise, ''Bhoi no koribi, kintu moi laga kotha koi thakibi aru ketiya bhi chup na thakibi.
|
||||
\v 10 Kelemane moi tumi logote ase, aru kun bhi tumi ke ahhi kene eku koribole naparibo, aru tumike nuksan no koribo, kelemane eitu citi te moi laga manu bisi ase.''
|
||||
\v 11 Aru Paul tate ek sal aru choi mohina thakise, Isor laga kotha manu khan ke sikhai thakise.
|
||||
\v 12 Kintu jetiya Gallio Achaia laga governor hoise, sob Yehudi manu khan milli kene Paul laga birodh te khara hoise aru tai ke dhori kene bichar kora jaga te loi anise;
|
||||
\v 13 tai khan koise, ''Eitu manu ami khan laga niyom birodh te jai kene Isor laga kotha sikhai ase aru mani bole koi ase.''
|
||||
\v 14 Aru jetiya Paul kotha kobole mukh khulise, Gallio pora Yehudi khan ke koise, ''Tumi Yehudi khan, jodi eitu kotha golti aru paap kaam kora laga ase koile, moi tumi khan nimite bichar koribo.
|
||||
\v 15 Kintu tai koi thaka kotha kunba laga naam nimite aru tumi khan laga niyom laga ase koile, tumi khan nijor hai sai lobi. Moi eitu kotha khan nimite bichar koribole mon nai.''
|
||||
\v 16 Tetiya Gallio bichar laga jaga pora taikhan ke jabole dise.
|
||||
\v 17 Tetiya tai khan sob Sosthenes usorte jaise, synagogue laga ekjon cholawta, aru tai ke bichar kora jaga te jai kene marise. Kintu Gallio manu khan ki kori ase eitu nimite eku chinta kora nai.
|
||||
\v 18 Etiya Paul, bisi din tate thaka pichete, tate laga bhai khan ke chari kena Syria te jaise, Priscilla aru Aquila bhi tai logote thakise. Cenchrea te tai nijor laga chuli katti dise kelemane tai kosom khai sile.
|
||||
\v 19 Aru jetiya tai khan Ephesus te ahise, Paul Priscilla aru Aquila ke tate chari dise, kintu tai nijor jai kene Yehudi khan logote kotha kori thakise.
|
||||
\v 20 Jetiya tai khan Paul ke tate aru olop din thakibole koise, tai mana nai.
|
||||
\v 21 Kintu tai anurodh kori kene tai khan ke koise, 'Isor echha hoile moi aru bhi ahibo.'' Tate pora tai naw te uthi kene Ephesus te jai jaise.
|
||||
\v 22 Aru jetiya Paul Caesarea te namise, tai jai kene Jerusalem girja te manu khan ke salaam dise aru tate pora tai Antioch te jaise.
|
||||
\v 23 Aru olop din tate thaka pichete, Paul aru tate pora ulaai jai kene Galatia aru Phrygia laga desh te kiman bisasi manu khan ase tai khan laga mon dangor kori dise.
|
||||
\v 24 Tate Apollos koi kena ekjon manu thakise, tai jonom pora Alexandria laga manu thakise, kintu tai Ephesus te ahise. Isor laga kotha bhal para jana aru kobo pora ekjon gyani manu thakise.
|
||||
\v 25 Apollos ke Probhu loga raasta te thik pora mani kena thaki bole koi dise. Aatma te bhal kori kene thakibole nimite, aru mon di kene Jisu laga kotha manu khan ke sikhai thake, kintu tai John pora diya baptisma hai jane.
|
||||
\v 26 Eitu nimite Apollos synagogue te jai kene mon dangor pora kotha koi thakise. Kintu jetiya Priscilla aru Aquila tai laga kotha hunise, tai ke kinar te loi jai kene Isor laga kotha aru bhi bhal pora bujai dise.
|
||||
\v 27 Tetiya tai Achaia paar kori kene jabole echha korise, tate laga bisasi bhai khan taike bhal para lobi koikene chela khan ke ekta chithi likhi dise. Jetiya tai tate Ponchise, tai Isor laga anugrah pora bisasi khan ke bisi modot dise.
|
||||
\v 28 Aru Apollos manu khan usorte mon dangor pora Yehudi khan ke kotha pora jiti bole diya nai, aru Isor laga kotha pora Jisu hei Khrista ase koi kene dikhai dise.
|
||||
\c 19
|
||||
\v 1 Aru jetia Apollos Corinth te thakise, Paul upor laga desh para par hoi kena Ephesus laga city te ponchise,aru tate kunba chela khan ke lok paise.
|
||||
\v 2 Aru Paul tai khan ke koise, ''Tumi khan bisas kora homoi te Pobitro Aatma paise?'' Kintu tai khan tai ke koise, ''Nai, moi khan Pobitro Aatma ase koi kene huna bhi nai."
|
||||
\v 3 Tetiya Paul koise, ''Tene hoile tumi khan ki pora baptisma loise?'' Tai khan koise, ''John laga baptisma pora.''
|
||||
\v 4 Tetiya Paul koise, ''John mon ghura laga baptism pora tumi khan ke baptisma dise. Tai manu khan ke koise tumi khan John laga pichete ekjon ahhi ase Tar ke bisas koribi, Tar Jisu ahse.''
|
||||
\v 5 Jetiya manu khan eitu kotha hunise, tai khan sob Probhu Jisu laga naam te baptisma loise.
|
||||
\v 6 Aru jetiya Paul taikhan laga upor te haath rakhi dise, Pobitro Aatma taikhan laga upor te ahhi jaise tetiya taikhan alag kotha pora prophesy kobole suru hoise.
|
||||
\v 7 Tate tai khan sob milai kene baroh jon manu thakise.
|
||||
\v 8 Aru Paul synagogue te jai kene tin mohina Isor laga kotha mon dangor kori kene koise, manu khan ke Isor laga raijyo kotha bhujai kene bisas koribole koi dise.
|
||||
\v 9 Kintu kunba Yehudi khan mon tan kori kene kotha mana nai, tai khan manu khan usorte beya kotha kobole suru hoise. Tetiya Paul tai khan ke chari kene chela khan ke loi jaise, aru hodai din Tyrannus laga ghor te jai kena kotha koi thakise,
|
||||
\v 10 Aru dui saal eneka kori thakise, eitu karone Asia te kiman manu thakise tai khan sob Probhu laga kotha hunise, Yehudi aru Greek manu khan bhi hunise.
|
||||
\v 11 Isor hai Paul laga hath pora ketiya bhi nabhaba asurit kaam korise,
|
||||
\v 12 eitu karone manukhan rumal nohole kapur loi tai gaw ke chhui dibo, aru loi ani bemare manu ke chhui dile bemar bhal hoi thake, aru beya aatma bhi ulaai jai thakise.
|
||||
\v 13 Tetiya kunba Yehudi berai jaddu-tona kori jhara-jhari kori thaka khan bhi Probhu Jisu naam loi, jun manu te dusht aatma ase utu khan ke moi tumi ke Paul koi thaka Jisu naam pora kosom khai koise, eneka kori thakise.
|
||||
\v 14 Aru Yehudi laga maha purohit kaam kora Sceva laga ghor manu asile, taikhan saat jon bachha asele aru utu khan sob teneka kaam kori thakise.
|
||||
\v 15 Aru beya atama koise, "Moi Jisu ke jane aru Paul ke bhi jane, kintu tumi kun ase?"
|
||||
\v 16 Tetiya jun logotte beya aatma thakisele utu manu taikhan upor te uthi marise aru taikhan ke harai dise, aru utu ghor pora lengta hoi jokhom hoi kene polai jaise.
|
||||
\v 17 Aru utu kotha Ephesus te thaka Yehudi aru Greek khan sob jani jaise, aru taikhan sob te bhoi laga ahhi jaise, aru Probhu Jisu naam prosonsa kori thakise.
|
||||
\v 18 Aru jun bisas kori loise utu khan pora bisi manu ahhi kene nijor-nijor beya kaam kora ke sweekar kori aru koi thakise.
|
||||
\v 19 Aru jaddu-tona kori thaka khan nijor-nijor jaddu laga kitab, khan joma kori sob manu usor te jolai dise, aru jetiya utu daam hissab saise, tu chandi poisa te ponchas hazar toka ase.
|
||||
\v 20 Karone Probhu laga kotha pora jiti kene bisi hoi jaise.
|
||||
\v 21 Jetiya utu khan sob hoi juwa pichete, Paul Aatma te bhabi loise tai Macedonia aru Achaia te jabo jetiya tai Jerusalem te jabo; aru koise, "Ami tate juwa pichete, aru Rome te bhi jai kene sabo lagibo."
|
||||
\v 22 Eitu karone tai sewa te thaka Timothy aru Erastus duijon ke Macedonia te pothai kene tai olop homoi karone Asia te thaki jaise.
|
||||
\v 23 Aru eitu homoi Isor kotha rasta loi dangor gondogol hoise,
|
||||
\v 24 Kelemane naam Demetrius koikene sonari ekjon jun chandi pora Artemis laga mondir bonai thake, aru kaam kora khan ke kaam di kene bisi labh hoi thake.
|
||||
\v 25 Tai taikhan tai nisina kaam kori thaka khan sob mati ani kene koise, "Hei bhai khan, apunikhan bhi jani ase, amikhan eitu kaam kora pora bisi poisa pai thake.
|
||||
\v 26 Aru apunikhan bhi dekhi aru huni ase, khali Ephesus te he nohoi kintu pura Asia te eneka koi kene Paul pora bisi manu ke bisas kori loi ase, koi ase junto haath pora bonaise utu Isor nohoi.
|
||||
\v 27 Eitu karone khali amar kaam ke he nohoi, kintu Asia te, aru pura duniya te puja kori thaka mahaa devi Artemis laga mondir ke bhi bodnam kori utu laga naam bhi harai jabole bhoi hoise.
|
||||
\v 28 Jetiya manu khan eitu kotha hunise to bisi khong uthise, aru bisi jor pora hala kori koise, Ephesus laga Artemis mahan.
|
||||
\v 29 Eneka hoi kene pura citi te halaa hoi jaise; tetiya taikhan milli kene ahhi Gaius aru Aristaichus jun Paul logotte berai thake, utu duijon ke dhori kene theater te loi anise.
|
||||
\v 30 Aru jetiya Paul manu usor te jabole monn korise, kintu bisasi chela khan taike jabo diya nae.
|
||||
\v 31 Tetiya kunba Asia te thaka sahab laga sathi khan ke khobor pothaise je theater te ekla najabole
|
||||
\v 32 Karone kunuba kiba koe, aru dusra kiba eneka hoi thakise, kelemane bisi manu eitu bhi na jane, je taikhan kele! Tate ahhi joma thakise.
|
||||
\v 33 Aru Yehudi khan he Alexander ke bisi manu te dekhai dise, aru Alexander tai hath uthai kene manu khan ke somjhai bujhai dibole hoisele.
|
||||
\v 34 Kintu jetiya tai Yehudi manu ase koikene jani loise, sob milli kene dui ghanta tak, "Ephesus laga Artemis mahaan" eneka koi thakise.
|
||||
\v 35 Aru tetiya utu citi laga cholawta hei sob manu ke chup korai kene koise, tai koise, "Hei Ephesus manu khan Ephesus laga citi to maha devi laga mondir ase, aru Zeus pora utu laga murti ahise eitu kun najane?
|
||||
\v 36 Karone utu kotha nohoi kobo napare, tu chup thakibo lage, aru eku koribole dorkar nai.
|
||||
\v 37 Kelemane eitu duijon mondir te chor dakoiti kora nohoi aru tumar devi laga upor te eku beya kotha koa nohoi-lebhi dhori anise.
|
||||
\v 38 Karone Demetrius aru tai logote kaam kora khan he kunba logot kotha nimala thakile, bichar koribole, sabha to khula ase taikhan tate pora bichar koribo dibi.
|
||||
\v 39 Kintu jodi apunikhan eitu te bhi aru kiba ase, tu thik homoi te sabha pora bichar kori dibo lage.
|
||||
\v 40 Kelemane aji gondogul kora, amar upor golti dibo bhoi ase, eitu eku motlob na thaki kene gondogul kora eitu laga jowab dibole na paribo.
|
||||
\v 41 Aru tai eitu kotha koi kene sabha ke chari jai jaise.
|
||||
\c 20
|
||||
\v 1 Jetiya gondogul khotom hoise, Paul chela khan mati ani taikhan ke somjai dise, aru bidai loi kene Macedonia te jai jaise.
|
||||
\v 2 Tetiya tai utu desh hoi kene juwa te tai bisi kotha taikhan ke somjhai dise, eitu Greece te ahhi jaise.
|
||||
\v 3 Aru tai tate tin mohina thakise aru tai jetiya Syria te jabole asele, Yehudi khan taike morai dibole thaka jani kene wapas Macedonia te aru jabole bhabi loise.
|
||||
\v 4 Aru Berea manu Sopater laga bachha, aru Thessalonia pora Aristaichus aru Secundus aru Derbe pora Gaius aru Timothy aru Asia pora Tychicus aru Trophimus taikhan Asia tak tai logote jaise.
|
||||
\v 5 Heitu khan moikhan agete jai kene Troas te rukhi thakise.
|
||||
\v 6 Aru amikhan khomir nahala roti laga utsav din pichete Phillippi pora naw te uthi kene pans din pichete Troas te taikhan logot ponchise, aru saat din tak tate thakise.
|
||||
\v 7 Tetiya haptah laga prothom din jetiya bisasi chela khan eki loge milli kene roti bhangai sele, aru Paul dusra din jabole asele, eitu karone tai taikhan logot adha-rati tak kotha kori thakise.
|
||||
\v 8 Upor kamra kot te amikhan joma thakisele tate bisi saaki bhi jolai rakhise.
|
||||
\v 9 Aru Eutychus koikene jowan ekjon khirki te bohi asele, aru tupuni lagi kene ghumai thakise, aur Paul bisi deri kotha koi thakise, tetiya tai tupuni pora ekdum ghumai kene tin tolaa upor pora niche girise.
|
||||
\v 10 Kintu Paul niche jai kene tai usorte tar laga gaw tu lamba korise, aru tai ke dhurise. Aru tai koise, "Bhoi nokoribi, kelemane tai laga jibon etiya bhi tai logot hei ase."
|
||||
\v 11 Tetiya tai aru upor jai kene roti bhangai khaise aru phojir tak kotha kori thakise, aru eitu pichete jai jaise.
|
||||
\v 12 Aru taikhan utu chokora jinda pa karone ekdum shanti paise.
|
||||
\v 13 Tetiya moikhan naw pora Assos te jaise, aru ta te pora naw te Paul ke uthai dibole, kelemane tai nije berai kene ahi ase, aru tai he eneka koribole moikhan ke koise.
|
||||
\v 14 Aru tai Assos te ahi amikhan ke log paise, aru moikhan taike uthai kene Mitylene te ahhi jaise.
|
||||
\v 15 Tate pora naw te uthi kene dusra din Chios usor te ahhi jaise, utu din moikhan Samos ponchise, aru Tragyllium te thaki kene dusra din Miletus te ahhi Jaise.
|
||||
\v 16 Kelemane Paul Asia te homoi phelabo mon kora nae, tai nao pora Ephesus paar koribole mon korise, kelemane parile Pentecost din tai Jerusalem te thakibo mon korikene tara-tari kori thakisele.
|
||||
\v 17 Tai Miletus pora khobor pothai kene Ephesus girja laga bura khan ke matise.
|
||||
\v 18 Aru jetiya taikhan tai logot ahise, tai koise, "Moi jetiya pora Asia te ahise, prothom din pora keneka kori moi tumar logote thakisele, apunikhan jani ase."
|
||||
\v 19 Moi nomrota aru suku pani giri aru porikha te bhi, Yehudi khan laga dukh di thakile bhi moi Probhu laga sewa kori thakise.
|
||||
\v 20 Aru moi apunikhan ke sikha te, manu usor te nohole ghor te hoilebi tumar bhal nimite kaam nokori kene chari diya nae.
|
||||
\v 21 Yehudi aru Greek hobi moi taikhan ke mon ghurai kene Isor phale ahibole aru Jisu ke bisas koribole sikhai ahise.
|
||||
\v 22 Aru sabi, etiya moi Aatma laga kotha mani kene Jerusalem te jai ase hoilebi tate moi logote ki hobo na jane.
|
||||
\v 23 Jot citi jai lebhi Pobitro Aatma koa tu, bandha aru dukh he moike rukhi thake koe.
|
||||
\v 24 Kintu moi nijor jibon karone eku chinta na thake, kintu Probhu Jisu pora ji kaam nimite moike koribole dise, utu Isor anugrah laga kotha su-samachar ke khusi pora manu ke jonai dibole koa, utu pura koribole he bhabi thake.
|
||||
\v 25 Aru hossa ase, moi jani ase, je moi Isor raijyo kotha loi sob te prochar kora koise, apunikhan etiya pora moike aru na dekhibo.
|
||||
\v 26 Eitu moi aji apunikhan ke koi ase, je moi sob manu laga khun phale hole golti nathaka ase.
|
||||
\v 27 Kelemane Isor laga echha phale sob kotha moi apuni khan ke koi diya hoise.
|
||||
\v 28 Eitu karone apunikhan nije bhi aru Pobitro Aatma he apunikhan ke sai thakibole diya utu bisi thaka ke bhi hoshiar hobo dibi, jintu Isor Tar Nijor bachha khun pora kini rakhise, utu girja ke roikhya koribi.
|
||||
\v 29 Kelemane moi jani ase moi juwa pichete rang kukur khan tumar majote ahibo, aru utu khan tumar bisi thaka khan ke na charibo.
|
||||
\v 30 Aru tumar nijor bhitor pora bhi missa kowa ulaabo aru bisasi khan ke taikhan phale kori loi lobo.
|
||||
\v 31 Karone hoshiar hoi kene thakibi, aru bhabona koribi, je moi tin saal tok rati din suku pani girai kene sob manu ke sikhaise.
|
||||
\v 32 Aru bhai khan moi etiya apunikhan ke koi ase, Isor aru tai anugrah laga kotha junto tuma ke di kene koribo pora aru pobitro khan logotte milli kene tai miras ke paabo thaka te di dise.
|
||||
\v 33 Moi kunu laga sona, chandi, ba kapur khan lalos kora nohoi.
|
||||
\v 34 Apunikhan jani ase, moi nijor haath pora sewa korikene nije aru jun moi logot thakise, taikhan ke ki lage sob kori ahise.
|
||||
\v 35 Moi apunikhan ke sob raasta sikhai dise, keneka sewa korikene dukhiya khan ke modot koribo lage, aru Probhu Jisu kotha mon te bhabana koribole, juntu Tar nijor pora koise: "Paa pora tu diya hei bisi dhoinyo ase."
|
||||
\v 36 Aru jetiya tai eitu kotha koi diya hoise, to tai athu-kari kene taikhan logotte prathana kori loise.
|
||||
\v 37 Tetiya taikhan sob bisi kandise, aru Paul ke dhori kene taike chuma khaise.
|
||||
\v 38 Tai koise taikhan ke, apunikhan aru ketiya bhi amar mukh ne dekhibo kuwa karone sob mon dukh hoise, aru taikhan taike loi jai kene jahaaz tak ponchai dise.
|
||||
\c 21
|
||||
\v 1 Tetiya amikhan alag hoise tu amikhan jahaaz te uthi kene sidha rasta Cos te ponchise, dusra din Rhodes te, aru tate pora Patara te ahhi jaise.
|
||||
\v 2 Tate pora ekta jahaz Phoenicia te jabole thaka paise, amikhan ta te uthi kene jai jaise.
|
||||
\v 3 Tetiya amikhan Cyprus dikhai dise, tetiya amikhan Syria phale jaise, aru Tyre te nami jaise, kelemane tate jahaaz laga saman namabole asele.
|
||||
\v 4 Aru tate kunba bisasi chela khan pai kene saat din tate thakise, taikhan Aatma pora Paul ke koise Jerusalem te na jabi koikene.
|
||||
\v 5 Jetiya amar din pura hoi jaise tetiya taikhan pora alag hoi kene amikhan jai aru taikhan nijor maiki aru bachha sob loi amikhan ke citi bahaar te loi jai dise, amikhan sob ta te pora athu-kari kene prathana korise,
|
||||
\v 6 tetiya alag hoi kene amikhan jahaaz te uthi jaise, aru taikhan nijor-nijor ghor te jai jaise.
|
||||
\v 7 Aru jetiya amikhan Tyre pora safar khotom hoise, amikhan Ptolemais te ponchise. Aru bhai khan ke salaam jonai taikhan logote ek din thakise.
|
||||
\v 8 Dusra din amikhan tate pora ahhi Caesarea te ponchise, aru prosar kora Phillip jun saat jon laga majote ekjon asele, tai ghor te ahhi kene tai logot thakise.
|
||||
\v 9 Heitu manu tai charijon kunwari sowali asele, aru utu khan sob prophesied koi thake.
|
||||
\v 10 Aru tate bisi din thaki jaise, tetiya bhaowadi ekjon naam Agabus koikene Judea pora ahise.
|
||||
\v 11 Jetiya tai amikhan logot ahise tai Paul laga peti loi nije hath theng ke bandi kene koise, je jun manu eitu komor banda peti laga malik ase Jerusalem te Yehudi khan utu manu ke eneka bandi kene Isor najana khan laga hath te dibo, eneka Pobitro Aatma koi ase koise.
|
||||
\v 12 Tetiya utu kotha hunise tetiya amikhan aru utu jagah te thaka khan sob taike Jerusalem te na jabi koikene rukhai sele.
|
||||
\v 13 Kintu Paul koise, "Apuni khan ki kori ase, kandi-kandi kene amar mon dukhai ase? Moi tu tayar ase, khali bandibole nimite nohoi, hoilebi Probhu Jisu naam karne moribole nimite.
|
||||
\v 14 Jetiya tai mana nai tetiya amikhan eitu koi kene chup thaki jaise aru tetiya moi khan koise, "Ami khan Isor laga echha hobo dibi."
|
||||
\v 15 Aru utu din pichete amikhan saman bandi kene Jerusalem te jai jaise.
|
||||
\v 16 Caesarea te kunba chela khan amikhan logotte ahise, aru Mnason koikene Cyprus manu ekjon purana chela asele, tai amikhan ke tai logotte thakibole loi anise.
|
||||
\v 17 Aru jetiya amikhan Jerusalem te ponchise, tu bisasi bhai khan bisi khusi pora amikhan ke loi loise.
|
||||
\v 18 Aru dusra din Paul amikhan ke loi James ghor te jaise, tate girja bura khan sob joma thakise.
|
||||
\v 19 Tetiya tai taikhan ke salaam jonai kene ji kam Isor tai laga kaam te Isor najana khan logotte korise ekta-ekta kori sob koi dise.
|
||||
\v 20 Taikhan eitu huni kene Isor ke mohima korise, aru tai koise, "Hei bhai apunikhan sabi, Yehudi khan hazaar manu bhi bisas kori loise, aru taikhan sob bhal pora niyom mani thake.
|
||||
\v 21 Kintu manu khan apuni laga kotha koi ase, je apuni Isor najana khan laga jagah te thaka Yehudi khan ke Moses laga niyom ke na manibi koikene koi ase, aru bachha khan laga sunnot na korile bhi hobo eneka sikhai ase hunise.
|
||||
\v 22 Tenehole amikhan ki koribo? Taikhan apuni iyate ahhi ponchise koikene jani thakibo pare.
|
||||
\v 23 Karone ekta kam koribi amikhan logotte kiba koribole kosom diya char jon ase.
|
||||
\v 24 Taikhan ke loi kene taikhan logotte nijor ke bhi pobitro kori lobi, aru taikhan matha chuli katibole kharcha dibi, tetiya sob jani lobo, je taikhan tumar ke koi diya kotha hossa nohoi, kintu tumar he niyom mani choli thaka eitu jani lobo.
|
||||
\v 25 Kintu Isor najana khan ke jun bisas kori loise utu khan ke amikhan aage pora likhi dise, je murti ke boli diya laga bostu aru khun, aru gola mussri kene mongso khowa aru beyobichar eitu sob pora bachi thakibi koise.
|
||||
\v 26 Tetiya Paul dusra din manu khan ke loi taikhan logotte pobitro kori loise, aru girja te jai kene ekjon-ekjon laga kiman din tok pobitro hobo pare aru daan koribo lage taikhan ke koi dise.
|
||||
\v 27 Kintu jetiya saat-din khotom hobole hoise, to Yehudi khan Asia pora ahhi taike dekhise, to manu khan ke chukli mari kene taike dhori loise.
|
||||
\v 28 Aru hala kori koise, hei Israel khan modot dibi, eitu manu sob jagah te sob manu ke aru niyom aru eitu jagah ke birudh kotha kuwa aru sikhai thaka to eitu manu ase, aru tai Yunani manu khan ke bhi loi girja te ani pobitro jaga ke letera kori dise.
|
||||
\v 29 Agete Paul ekbar Trophimus koikene Ephesus ekjon logot citi te berai thaka taikhan eitu dekhi Paul utu ke loi girja te jaise bhabi kene koise.
|
||||
\v 30 Tetiya eitu citi gondogul hoise, sob polai ahhi Paul ke dhori loise, aru taike tani bahar loi jaise, aru joldi girja laga dorja khan bond kori dise.
|
||||
\v 31 Aru taikhan taike morai dibo bhabise, tetiya eitu khobor sena laga sahab logote ponchise pura Jerusalem te hungama hoi ase koise.
|
||||
\v 32 Tetiya tai joldi sipahi khan aru centurion khan loi niche taikhan logot ponchise, aru jetiya manu khan sahab aru sipahi khan dekhise to taikhan Paul ke mari thaka pora chari dise.
|
||||
\v 33 Tetiya sahab usorte ahhi kene taike dhori loise, aru duita chain pora taike bandi lobole koi dise, aru hudise! Eitu manu kun ase? Aru tai ki kori dise?
|
||||
\v 34 Aru bisi manu te kunba kiba-kibe koe, aru kunba dusra kiba koi thakise, aru bisi hala kora karone tai thik pora eku bujhibo paranai, eitu karone taike manu ke bon kori rakha jaga te loi jabole hukum dise.
|
||||
\v 35 Jetiya tai siri te ponchise toh eneka hoise, manu khan bisi khong kora karone sipahi khan taike uthai kene loi jabole lagise.
|
||||
\v 36 Kelemane bisi manu tai pichhe-pichhe hoi kene taike morai dibi koi halaa kori thakise.
|
||||
\v 37 Jetiya taikhan Paul ke manu ke bon kori rakha jaga te loi jabole asele, tai sahab ke koise, "Moi apuni ke kiba kotha kobo paribo? Tai koise, tumi Yunani kotha kobo pare?
|
||||
\v 38 Tenehole olop din agete Egypt manu ekjon, manu khan ke chukli mari kene gondogul kori dise, aru char-hazaar hatyara manu ke loi jongol juwa utu tumi nohoi?
|
||||
\v 39 Kintu Paul koise moi tu Tarsus laga Yehudi ase Cilicia citi laga jonom manu ase. Aru moi utu khas citi laga ekta manu ase. Eitu nimite, apuni logot anurodh kori ase, moike manu khan logot kotha koribole dibi."
|
||||
\v 40 Jetiya tai agya dise, Paul siri te khara hoi kene kotha kobole tai hath uthaisele to manu khan chup hoi jaise, aru jetiya taikhan chup-chap thaki jaise, tetiya tai Yehudi bhasa te kotha koise. Tai koise,
|
||||
\c 22
|
||||
\v 1 "Manu, bhai, aru baba khan, moi etiya bachibo kotha apunikhan usor te kobole ase, utu ke hunibi.
|
||||
\v 2 Aru jetiya tai Yehudi bhasa te koise, taikhan aru ekdum chup thaki jaise tai aru koise,
|
||||
\v 3 "Moi Yehudi ase Cilicia laga Tarsus citi te jonom luwa, eitu citi pora Gamaliel laga bhori te bohhi amar baba khan niyom thik pora sikhi loise, aru Isor phale jor di kene aji apunikhan jeneka kori ase teneka kori ahisele.
|
||||
\v 4 Aru mota, maiki, hobi, eitu dhorom Raasta te juwa khan ke bandi jail te di kene morai bhi di thakise.
|
||||
\v 5 Eitu kotha cholawta, bura khan aru sabha bhi sakhi dibo paare, moi taikhan pora amar manu Damascus te thaka khan logote chithi likhi diya utu bhi loise, karone moi jai kene tate kunba thakile dhori Jerusalem te ani taikhan ke sazai dibo bhabise.
|
||||
\v 6 Heitu homoi moi Damascus ponchibole usor hoi asele din te nisina sorgo pora achanak ekta dangor puhor ahhi moi usor te thaki jaise.
|
||||
\v 7 Aru moi mati te giri jaise, aru ekta awaaj moike kuwa hunise, 'Saul, Saul, kele! Tumi kile Moike digdar kori ase?"
|
||||
\v 8 Karone moi hudise, 'Probhu Apuni kun ase?' Aru Tai moike koise, 'Moi Nazareth Jisu, jun ke tumi digdar kori thake.'
|
||||
\v 9 Aru jun manu moi logot ahise, taikhan bhi puhor to dekhi se aru bhoi korise, kintu taikhan moi ke khota kuwa laga awaz to hunanai.
|
||||
\v 10 Tetiya moi koise, 'Moi ki koribo lage Probhu?' Aru Probhu moike koise, 'Uthi kene Damascus te jabi, aru tate tumi ki-ki koribo lage utu sob tumi ke koi dibo.'
|
||||
\v 11 Aru utu puhor bisi huwa karone moi eku dekhibo paranai, tetiya moi amar sati khan laga haath dhori Damascus te ahise.
|
||||
\v 12 Tetiya naam Ananias koikene ekjon asele, tai niyom mani thaka ekjon asele, aru tate thaka Yehudi khan bisi sonman kori thaka manu ase.
|
||||
\v 13 Tai amar usor te ahhi koise, 'Bhai Saul, tumar suku dekhebi.' Aru utu homoi moi dekhibole parise aru taike dekhise.
|
||||
\v 14 Tetiya tai koise, amar baba khan laga Isor he tumi ke bassi loise, je tumi he tai echha ke janibole aru dharmik laga kaam ke pabole aru tai mukh pora kuwa awaz ke hunibole.
|
||||
\v 15 Kelemane tumi ki dekhise aru ki hunise utu sob manu ke koi dibole tai sakhi bonai dise.
|
||||
\v 16 Tenehole apuni etiya bhi kele bohhi ase? Uthi kene baptizma loi lobi, aru prathana kori kene tai naam pora tumar paap dhui dibi.'
|
||||
\v 17 Tetiya moi aru Jerusalem te ahhi kene girja te prathana kori asele, tetiya moi Atama te bhorta hoi thakise.
|
||||
\v 18 Aru moi Probhu ke dekhise, Tar moike koise, 'Joldi Jerusalem chari kene jabi, kelemane taikhan Amar kotha tumi gawahi diya ke na manibo.'
|
||||
\v 19 Karone moi koise, 'Probhu, bisasi khan synagogue te dhori jail te diya aru mari thaka taikhan jani ase.
|
||||
\v 20 Aru jetiya Tumar nimite mori juwa Stephen laga khun girai diya te moi bhi tate thakise, aru jun manu taike morai dise utu khan laga kapur ke rakhi thakise.'
|
||||
\v 21 Tetiya Tar moike koise, 'Jabi, kelemane moi tumike iyate pora dur dusra jat khan logot pothai dibo.'
|
||||
\v 22 Aru taikhan eitu kotha kuwa tak taike huni thakise le. Pichete hala kori koise, "Eneka manu ke prithibi pora hatai dibi, kelemane tai jinda thakibole thik nohoi."
|
||||
\v 23 Tetiya taikhan hala kori kapur khan ulaai phekai dise, aru upor hawa te dhul urai thakise,
|
||||
\v 24 tetiya sahab sipahi khan ke bon kora jaga te loi jabi koikene hukum dise, aru manu khan kele taike eman gussa kori ase eitu janibole taike danda mari kene bhal pora hudibole koise.
|
||||
\v 25 Aru taikhan jetiya taike rosi te bandi loise, to Paul utu centurion ke jun usor te khara asele taike koise, "Roman manu hoikene tai golti nathaki kene bhi maribole niyom ase?"
|
||||
\v 26 Jetiya centurion eitu kotha hunise tai sahab logotte jai kene koise, "Apuni eneka kile kori ase? Eitu manu tu Roman manu ase."
|
||||
\v 27 Tetiya sahab tai logotte ahhi koise moike "Kobi, tumi Roman manu ase?" Paul koise "Hoi".
|
||||
\v 28 Eitu huni kene sahab koise, "Moi tu Roman laga manu hobole bisi toka poisa pora kini kene parise." Kintu Paul koise, "Moi tu jonom pora he Roman ase."
|
||||
\v 29 Tetiya jun taike maribole thakisele, taikhan tai usor pora joldi hati jaise, aru sahab bhi Paul Rome laga manu ase eitu janise, aru Paul ke dhori kene bandha karone bhoi khaise.
|
||||
\v 30 Dusra din Yehudi khan ki nimite Paul ke doshi kori ase, eitu janibole tai Paul laga bandha khuli dise, aru cholawta aru taikhan sob ke sabha te joma koribole hukum dise, aru Paul ke loi taikhan agete khara kori dise.
|
||||
\c 23
|
||||
\v 1 Tetiya Paul maha sabha phale dhyan pora sai kene koise, "Manu aru bhai khan, moi aji tak ekta bhal nagrik nisina thakise, amar sapha mon pora Isor usor te bhal pora ahise.
|
||||
\v 2 Tetiya maha purohit Ananias, jun Paul usor te khara ase taikhan ke koise Paul mukh te marikene bond kori dibole hukum dise.
|
||||
\v 3 Tetiya Paul taike koise, "Isor pora apuni ke mari dibole ase, chuna para bogaa kori rakha wall. Isor apuni ke sajai dibo, apuni niyom pora ami ke bichar koribole bohi ase, aru kile niyom birodh te moike maribole hukum di ase?"
|
||||
\v 4 Jun usor te khara asele koise, "Kele apuni Isor laga cholawta ke gali di ase?"
|
||||
\v 5 Tetiya Paul koise, "Bhai khan, tai cholawta ase koi kene moi jana nae. Kele koile likha ase, Tumi tumar bura khan laga beya kotha no kobo."
|
||||
\v 6 Kintu jetiya Paul dekhise sabha laga ekta bhag khan Sadducee khan ase aru dusra bhag khan Pharisee khan ase, tai sabha te jor pora koise, "Bhai khan, moi Pharisee ase aru Pharisee laga bachha ase, aji moike golti nokori bichar kora tu mora manu aru mori kene ji uttha hobo aru akha ase, eitu laga kotha nimit te he ase."
|
||||
\v 7 Aru jetiya tai eitu koi dise,Pharisee aru Saducee khan laga majote kotha na mila hoise, aru sabha dui bhag hoi jaise.
|
||||
\v 8 Kelemane Saducee khan punurusthante, sorgodut aru aatma khan te bisas nakore: kintu Pharisee khan tu utu sob bhi ase koe.
|
||||
\v 9 Tetiya bisi jor pora halaa hoi jaise aru Pharisee khan jaga pora uthi kene apatti kori koise, "Amikhan eitu manu laga eku dosh paa nae. Kintu jodi ekta aatma nohoile sorgodut taike kotha koise koile?"
|
||||
\v 10 Tetiya taikhan bisi jhagra hoi jaise, sipahi laga sahab bhabise, eitu manu khan Paul ke tukra kori dibo bhoi pora tai sipahi khan ke pothaise, aru jobor-josti taike bon kora jaga te loi jabole hukum dise.
|
||||
\v 11 Kintu utu rati te Isor tai usor te ahhi kene khara hoi kene koise, "Mon dangor hobi, kelemane tumi Jerusalem te Amar gawahi dise, teneka tumi Rome te bhi Amar gawahi dibo lagibo."
|
||||
\v 12 Jetiya din ulaise to kunba Yehudi khan milli kene Paul ke jetiya loikene morai nidibo, tetiya tak eku bhi na khabo koikene kosom khai thaki ase.
|
||||
\v 13 Jun khan kotha millai thakise utu khan chalis-jon pora bhi bisi ase.
|
||||
\v 14 Tetiya taikhan cholawta aru bura khan logotte jai kene koise, "Amikhan jetiya tak Paul ke morai nidibo tetiya tak eku bhi nakhabo koikene kosom khai thakise.
|
||||
\v 15 Karone apunikhan aru sabha khan milli kene sipahi laga sahab logot khobor pothai dibi aru Paul ke bhal pora hudibo, koi kene kali apunikhan usor te Paul ke loi anibi, kintu iyate puncha agete taike morai dibole amikhan taiyar thakise."
|
||||
\v 16 Kintu jetiya Paul didi laga chokora taikhan Paul ke maribole rukhi thaka janise, tai Paul ke bon kora jaga te ahi koise.
|
||||
\v 17 Tetiya Paul ekjon centurion ke mati ani koise, "Eitu lora ke siphai laga sahab logotte loi jabi, tai kiba kobole ase."
|
||||
\v 18 Karone tai taike loi manu ke bon kori rakha jaga logot ani dise aru koise, "Jail te thaka Paul moike eitu lora ke apuni logotte loi ani dibi koikene anurodh korise, tai apuni logotte kiba kobole ase koise."
|
||||
\v 19 Tetiya siphai laga sahab tai hath dhori kinar te alag loi jai kene hudise, "Tumi moi ke ki kobole ase?"
|
||||
\v 20 Aru tai koise Yehudi khan milli kene Paul laga kotha ke aru bhal pora hudlbole kali sabha te tai ke loi anibole bhabana pora apuni logot anurodh koribole ase.
|
||||
\v 21 Kintu taikhan laga kotha namanibi, kelemane taikhan chalis-jon pora bhi bisi manu taike morai nidiya tak eku bhi khoa-luwa no koribo koikene kosom khai kene thakise, aru taikhan apuni pora hukum pabole etiya bhi rukhi thaki ase."
|
||||
\v 22 Tetiya siphai laga sahab utu lora ke koise, "Eitu kotha tumi moike kuwa khan kun ke bhi nokobi."
|
||||
\v 23 Aru tai centurion duijon ke mati ani kene koise aji raati nou-baji te duisoh sipahi aru sat-ta ghora chola siphai aru duisoh jathi-dhora sena loi kene Caesarea te jabole taiyar kori dibi.
|
||||
\v 24 Aru Paul ke jabole nimite ghora taiyar koribe aru taike bachai kene governor Felix logot loijabi.
|
||||
\v 25 Tai eneka chithi bhi likhi dise:
|
||||
\v 26 "Claudius Lysias pora governor Felix ke salaam jonaise.
|
||||
\v 27 Eitu manu Yehudi khan taike dhori kene morai dibole thaka te moi jani loise, tai Rome laga manu ase, moi joldi siphai loijai kene taike bachai loise.
|
||||
\v 28 Aru taikhan kele taike golti lagai ase, eitu janibole mon hoi kene moi tai ke sabha te loe jaise.
|
||||
\v 29 Aru moi jani paise taikhan nijor niyom kotha laga kotha nemela pora taike golti kora he ase, aru taike morai dibole aru bandi bole eneka eku bhi golti paa nae.
|
||||
\v 30 Aru jetiya Yehudi khan taike morai dibole laga jaga te thaka aru tai ke bisari thaka eitu kotha moike jonai dise, tetiya moi taike joldi apuni logote pothai dise, aru tai golti diya khan ke bhi taikhan laga kotha apunar usor te kobole koi dise."
|
||||
\v 31 Tetiya sipahi khan taikhan ke kuwa nisina rati te Paul ke Antipatris te loi jai dise.
|
||||
\v 32 Dusra din taikhan ghora chola siphai khan ke tai logot jabole di kene Paul ke bon kora jaga te wapas aru anise.
|
||||
\v 33 Jetiya taikhan Caesarea te ponchise to governor ke chithi dise aru Paul ke bhi tai usor te khara kori dise.
|
||||
\v 34 Aru jetiya governor chithi porhi kene hudise tai kun des laga ase. Aru jetiya tai jani loise tai Cilicia des pora ase,
|
||||
\v 35 tai koise, "Jetiya tumar golti diya khan ahibo, tetiya moi tumar kotha hunibo." Aru taike Herod bichar kora jagah te rakhi dibi koikene hukum dise.
|
||||
\c 24
|
||||
\v 1 Pans-din pichete mahaa purohit Ananias aru kunba bura khan aru ekjon vakil jun laga naam Tertullus asile, aru ahhikene governor ke Paul birudh te kotha koise.
|
||||
\v 2 Aru jetiya Paul ke governor agete anise, Tertullus taike golti di kori eneka koise, "Apuni karone amikhan bisi shanti thaki ase, aru eitu desh te apunar gyan pora bodole korise;
|
||||
\v 3 Amar sob jagah te aru hodae eitu karone khusi pora apuni ke dhonyabad kori thake.
|
||||
\v 4 Hoilebi, apuni laga homoi arubi nolobo, ami apuni logot te anurudh ase, morom kori amarkhan laga ekta kotha hunibi.
|
||||
\v 5 Kelemane eitu manu mara-mari kori aru duniya te Yehudi khan laga birudh sob jagah te gondogul kori thaka Nazareth manu ekta cholawta ase amikhan jani paise.
|
||||
\v 6 Tai amar girja ke bhi apobitro koribole bisarisele, eitu nimite amikhan tai ke dhuri loise, aru amar niyom pora taike bichar koribo thakisele.
|
||||
\v 7 Kintu siphai laga sahabh Lysias ahhi kene jobor-josti amar hath para taike dhori loi jaise.
|
||||
\v 8 Taike golti diya khan ke apuni usorte ahhi kobole koise, kintu apuni nije hudile jani jabo amikhan taike ki karone golti di ase."
|
||||
\v 9 Aru Yehudi khan bhi milikene taike eitu sob kotha to hosa ase koidise.
|
||||
\v 10 Tetiya governor Paul ke kotha kobole nimite koise, tetiya Paul koise, "Ami buji ase apuni bisi saal pora eitu jaati khan laga bichar kori ahhi thakise, eitu karone moi khusi pora amar sob kotha apuni ke kobole ase.
|
||||
\v 11 Kelemane apuni nije jani jabo moi jetiya pora aradhana koribole Jerusalem te ahise, baroh-din pora bisi hoa nae.
|
||||
\v 12 Aru taikhan moike girja aru synagogue aru citi te kun logot kotha nimila, nohoile gondogul laga thaka paa nae.
|
||||
\v 13 Aru taikhan ki kotha loi moike bodnam lagai ase, eitu kun bhi sakhi dibo na paribo.
|
||||
\v 14 Kintu moi apuni ke hossa kotha koi ase, taikhan juntu Raasta ke ekta sect mati ase, eneka laga niyom pora hei moi amar baba khan laga raasta pora Isor ke sewa kori ahhi se. Ki kanun te ase aru ki bhaobadi khan pora likha ase, eitu sob te moi bhal pora mani kene ahise.
|
||||
\v 15 Aru ami Isor ke mon dangor laga eitu akha ase, juntu eitu manu khan nijor bhi rukhi ase, juntu tu ase mori kene jinda hobo dharmik aru adharmik khan bhi.
|
||||
\v 16 Eitu karone moi Isor phale bhi aru manu phale bhi amar sapha bhabona bhal thakibo karone kosis kori thakise.
|
||||
\v 17 Aru bisi saal pichetee moi nijor jaati khan ke poisa dibole anise, duk thaka jati khan ke daan dibole ahise.
|
||||
\v 18 Eitu homoi te kunba Yehudi Asia pora ahhi kene, moi girja te pobitro kori diya pichete moike paise, aru tate bisi manu thaka nai, aru eku gondogul bhi thaka nai.
|
||||
\v 19 Taikhan amar birudh te thakile, taikhan apuni usor te ahhi kene kobo lage.
|
||||
\v 20 Nohole, iyate eitu manu thaka khan bhi jodi moi kiba golti kaam kora paise koile moi Yehudi sabha usor te khara thaka homoi te koi dibi,
|
||||
\v 21 khali ekta kotha karne ase, junto moi sob manu usor te koisele, 'mora khan aru jee uthibo, eitu kotha ke loi aji moike apuni usor te khara kori bichar kori ase.'
|
||||
\v 22 Kintu jetiya Filix eitu kotha hunise, tai aru poritran Raasta ke bhal pora janibo mon hoi kene, taikhan ke rukhai dise. Tai koise, "Jetiya siphai laga sahab Lysias Jerusalem pora ahibo, moi tumar bichar koribo."
|
||||
\v 23 Aru tai centurion ke koikene Paul ke jail te rakhise, hoile bhi koise tai ke bhi bandi narakhikene khula charidibole, aru tai sathi khan tai logote ahhi bole bhi mana no koribi koise.
|
||||
\v 24 Aru olop din pichete Filex tai laga Yehudi maiki Drusilla logote wapas ahise, jun Yehudini asile, aru tai Paul ke mati bole pothaise aru tai Paul duara hunise Jisu Khrista ke bisas laga kotha.
|
||||
\v 25 Aru jetiya tai dhormicta te nomora koribo pora aru ahha din te bichar kotha khan thik pora koi diya hoise, Felix bisi bhoi hoi kene koise, "Eitu bar tu jai jabi. Jetiya moi homoi pabo tetiya tumi ke aru matibo".
|
||||
\v 26 Tai Paul pora poisa bhi pabo bisas thaka karone tai hodai Paul ke mati ani kotha kori thakisele.
|
||||
\v 27 Kintu dui saal pichete Porcius Festus hei Felix jagah te governor hoi jaise, kintu Felix tu Yehudi khan ke khusi koribole mon asile, aru tai Paul ke bon kora jaga te he arubi thaki bole dise.
|
||||
\c 25
|
||||
\v 1 Tetiya, Festus utu jaga te ahhi se, aru tin din pichete, tai Caesarea pora Jerusalem te jaise.
|
||||
\v 2 Tetiya mahaa purohit aru Yehudi laga cholawta khan Paul birudh te golti lagaise, aru anurodh korise.
|
||||
\v 3 aru Paul birudh te ekta upkar Festus ke mangise - ki Fesrus pora Paul ke Jerusalem te matibo nimite- eneka hoile taike ana homoite, raasta te rukhai kene morai dibole joma hoi kene thakise.
|
||||
\v 4 Kintu Festus koise Paul Caesarea te bondi ase, aru tai nije bhi joldi ta te jabole ase.
|
||||
\v 5 Tai koise, "Eitu karone tumar majote kun cholawta ase taikhan moi logotte jabole dibi. Jodi eitu manu kiba beya kaam korise koile, taikhan ke tai ke golti dibole kobi."
|
||||
\v 6 Aru tai dos din nisina taikhan logotte thaki kene tai Caesarea te ahhi jaise, aru dusra din bichar jaga te bohi kene Paul ke loi anibole hukum dise.
|
||||
\v 7 Aru jetiya Paul ahise, Jerusalem pora ahha Yehudi khan ahi tai age, pichhe khara hoi taike bisi beya-beya golti lagaise jun to taikhan nije be sakhi koribo na pare.
|
||||
\v 8 Tetiya tai nijor kotha koise, "Moi Yehudi khan niyom laga birudh, nohoile girja ke birudh nohoile Caesar laga birudh te eku bhi golti kora nohoi."
|
||||
\v 9 Kintu Festus Yehudi khan ke khusi koribo echha pora Paul ke koise, "Tumi Jerusalem te jai kene amar bichar jaga usor te eitu kotha loi bichar korile tumar echha hobo?"
|
||||
\v 10 Tetiya Paul koise, "Moi etiya bhi Caesar bichar jaga usorte khara ase, amar bichar iyate hobo lage, apuni bhi jani ase, moi Yehudi khan logot eku golti kora nohoi.
|
||||
\v 11 Jodi moi golti ase jun nimite moike morai dibole layak ase koile moi mori lebhi aputti nae. Kintu ki kotha loi moike doshi di ase, jodi ekta bhi hossa nohoi to kun bhi moike taikhan hath te dibo naparibo, moi Caesar logot anurodh koribo."
|
||||
\v 12 Tetiya Festus pora sabha khan ke kotha kori kene koise, "Tumi Caesar logotte kotha milabole kori ase. Karone tumi Caesar logote jabo!"
|
||||
\p
|
||||
\v 13 Aru olop din juwa pichete Raja Agrippa aru Bernica Caesarea te ahhi Festus ke adar dise.
|
||||
\v 14 Aru duijon tate bisi din thaka pichete, Festus Paul laga kotha raja ke koi dise. Tai koise, "Felix pora iyate kunba ekjon ke bon kora jaga ta rakhi jaise.
|
||||
\v 15 Aru jetiya moi Jerusalem te jaise, Yehudi khan laga prodhan purohit aru burah khan tai birudh te golti kotha moike koise, bichar kori taike saaja dibole.
|
||||
\v 16 Kintu moi taikhan ke koise, Rome laga niyom te kunke bhi golti lagai bichar kora te taike golti thaka kora khan usor nijor sob kotha kobole homoi nidi kene taike saaja diya niyom nohoi.
|
||||
\v 17 Karone jetiya taikhan iyate ahhi kene joma hoise, moi deri nokori kene dusra din bichar jaga te bohi utu manu ke loi anibole hukum dise.
|
||||
\v 18 Jetiya tai golti diya manu khan khara hoi tai golti koise, kintu taikhan eku beya golti dibo para nai, jeneka moi bhabise teneka hoa nai.
|
||||
\v 19 Kintu taikhan nijor dhorom kotha aru mori juwa Jisu koikene ekjon asele, Paul koi utu jinda ase, eitu kotha loi kotha nimila hei ase.
|
||||
\v 20 Aru eitu laga motlob moi bhal pora bujhibole para nai, karone moi taike hudisele jodi tai eitu kotha ke bichar koribole Jerusalem te jabole mon kore na nai.
|
||||
\v 21 Kintu Paul koise tai Caesar logotte anurodh koribo koise, eitu karone moi taike Caesar logot pothai nadiya tak taike bon kora jaga te sai thakibole hukum dise."
|
||||
\v 22 Tetiya Agrippa pora Festus ke koise, "Moi nije utu manu laga kotha hunibo echha ase. Festus jowab dise, "Kali apuni tai kotha hunibole paabo."
|
||||
\v 23 Karone dusra din Agrippa aru Bernica duijon dhum-dham pora bhal kapur lagai kene aru citi laga dangor manu khan loi sabha laga jaga te ahise, tetiya Festus hukum di Paul ke loi anise.
|
||||
\v 24 Festus koise, "Raja Agrippa aru jun iyate ahhi bohi ase, apunikhan bhi eitu manu ke dekhi ase, eitu manu nimite iyate thaka Yehudi khan sob aru Jerusalem te thaka sob moi logote binti korise tai jinda thakibole nalage koise.
|
||||
\v 25 Kintu tai moribo lage eneka eku kaam kora moi poa nai, aru tai nije moi Caesar logot anurodh koribo koise, to moi taike pothai dibole faisla kori loise.
|
||||
\v 26 Kintu moi tai kotha amar Caesar logot keneka likhibo thik na paa karone, moi taike apunikhan aru khaas Raja Agrippa apuni usor loi anise, saikene pichete kiba likhibole paabo koikene.
|
||||
\v 27 Kelemane bon thaka manu ke pothai dibole asol ki nimite ase, utu na likhi pothaile thik nohobo."
|
||||
\c 26
|
||||
\v 1 Tetiya Agrippa Paul ke koise, etiya tumi tumar nijor kotha kobole hukum dise, tetiya Paul tai hath uthai kene tai nijor kotha koise.
|
||||
\v 2 "Raja Agrippa, ji-ji kotha Yehudi khan moike bodnam lagai ase, aji apuni usorte utu laga sob jowab dibole homoi paa karone moi bisi khusi hoi ase;
|
||||
\v 3 kelemane Yehudi khan laga niyom te kotha namila kora sob apuni jani thaka karone, aru moike morom kori nomro pora moi laga kotha hunibole anurodh kori ase.
|
||||
\v 4 Jeneka amar bachha homoi te Jerusalem pora nijor jati khan logotte choli ahisele, eitu sob Yehudi khan jane.
|
||||
\v 5 Taikhan jodi gawahi dibole mon thakile to suru pora taikhan moike jani ase, je moi Pharisee hoi kene taikhan laga dhorom te sob pora kara te he choli ahisele.
|
||||
\v 6 Aru etiya moike iyate khara kori moike bichar kora tu Isor amar baba khan ke ki kosom dise utu akha kora karone ase.
|
||||
\v 7 Eitu kosom ke pura hobo karone akha pora amar baroh-jaati khan pura mon lagai kene raat-din Isor ke sewa kori ahise. Raja Agrippa, eitu akha nimite Yehudi khan moike golti kori ase.
|
||||
\v 8 Jetiya Isor mora manu ke jinda kore, kile apunikhan eitu tu bisas koribole nohoi bhabe?
|
||||
\v 9 Hosa ase, moi bhi Nazareth Jisu naam birudh te bisi kaam koribo lage bhabi ahi sele.
|
||||
\v 10 Aru moi Jerusalem te eneka korise, maha purohit khan pora hukum loi pobitro khan ke dhori jail te haali kene, aru morai diya te bhi moi bhi echha hoise.
|
||||
\v 11 Aru moi sob synagogue te taikhan ke dukh di-di kene jobor-josti kori thakise, khali eitu he nohoi kintu bisi gussa hoi kene bahar laga citi te bhi jai kene taikhan ke dukh digdar di thakise.
|
||||
\v 12 Jetiya eitu koribole moi maha purohit khan pora hukum loi kene Damascus te jai thakisele;
|
||||
\v 13 aru tetiya raasta hei, Raja sahab, din laga homoi te akaas pora moi dikhise suraj pora bhi bisi ujjala, moi aru amar logote jai thaka khan usor te chamki thakise.
|
||||
\v 14 Aru jetiya moikhan sob nichhe mati te giri thakise, moi ekta awaz Hebrew bhasa te moike kuwa hunise, 'Saul, Saul tumi kele Moike digdar kori ase? Tumi dhar thaka te laat marile tumar karne bisi duk hobo.'
|
||||
\v 15 Karone moi koise, 'Probhu, Apuni kun ase?' Aru Probhu pora koise, 'Moi Jisu ase jun ke tumi digdar kori thake.
|
||||
\v 16 Kintu uthibi aru tumar bhori te khara hobi; kelemane Moi aji tumi ji dekhise utu manu ke kobole aru ahha kali bhi dekhabole thaka khan ke gawahi dibole dekhai dise;
|
||||
\v 17 aru Moi tumi ke Yehudi aru Isor najana khan logotte pothabo, aru taikhan hath pora tumi ke bachai thakibo,
|
||||
\v 18 tumar pora taikhan laga suku khuli dibo aru taikhan andhar pora ujala te ani dibole, aru Satan laga takot pora Isor phale ghurai anibole, paap pora khyma pabole, aru bisas pora pobitro khan logotte ki jaga ase utu pabole.'
|
||||
\v 19 Karone, Raja Agrippa, moi utu sorgo darshan laga kotha ke na mani kene chari diya nohoi;
|
||||
\v 20 kintu poila moi Damascus te thaka khan ke koi dise, aru Jerusalem te thaka ke bhi, aru Judea sob te bhi, aru Isor najana khan ke bhi taikhan laga paap pora ghuri Isor phale ahibole, aru mon bodoli huwa kaam khan kori bole koidise.
|
||||
\v 21 Kelemane eitu karone Yehudi khan girja pora moike dhori loise, aru morai dibole hoisele.
|
||||
\v 22 Kintu Isor laga modot pora ajhi tak yate khara hoi kene chutu, dangor sob usor te gawahi di aru Moses aru bhaowadi khan he ahhibole thaka kotha kuwa khan he nohoile eku kuwa nai-
|
||||
\v 23 eitu kotha Khrista bisi dukh kori aru mora pora tai suru te jee uthi kene Tai Yehudi khan aru Isor najana khan logotte puhor laga prochar koribo.
|
||||
\v 24 Jetiya Paul tai nijor kotha koi dise, tu Festus jor pora halaa kori koise, "Paul, tumi pagla hoise; bisi sikha karone tumi ke pagla bonai dise."
|
||||
\v 25 Kintu Paul koise, "Hei mahaan Festus, moi pagla nohoi, kintu hosa aru budhi laga kotha koi ase.
|
||||
\v 26 Raja bhi eitu sob jani ase, moi eku bhoi nokori kene koi ase, aru eitu kotha tai najana eneka ekta bhi kuwa nai koikene moi bhabi ase; eitu ghotona tu manu khan nathaka te kora nohoi.
|
||||
\v 27 Raja Agrippa, apuni bhaowadi khan ke bisas kore? Hoi, moi jane, apuni bisas kori ase."
|
||||
\v 28 Tetiya Agrippa Paul ke koise, "Olop homoi te, tumi araam pora moike Khristan bonai dibole ase?"
|
||||
\v 29 Paul koise, Isor logote amar anurodh ase, olop nohoile bisi homoi hoilebi, aji apuni logote bohi amar kotha huni thaka sob bhi jeneka moike rusi pora bandhi thaka nisina nohoi, kintu moi nisina hobole dibi."
|
||||
\v 30 Jetiya tai eitu kotha koise, tetiya Raja aru governor aru Bernice, aru taikhan logote bohi thaka sob khara hoi jaise;
|
||||
\v 31 aru taikhan alag jai kene nijor te kotha korise, aru koise, "Eitu manu moribole aru bandi bole eneka eku beya kaam kora nohoi."
|
||||
\v 32 Tetiya Agrippa pora Festus ke koise, "Jodi eitu manu Caesar logot anurodh no korile, taike chari dile bhi hobole asele."
|
||||
\c 27
|
||||
\v 1 Aru jetiya moikhan Italy te jabole faisla kori loise, taikhan Paul aru dusra bon kora manu khan ke Julius koikene Augustus Regiment laga centurion ekjon laga hath te di dise.
|
||||
\v 2 Tetiya amikhan Adramyttium pora ekta jahaaz Asia samundar phale jabole thaka te uthi jaise. Aru amikhan safar kurise. Thessalonica pora Macedonia laga ekjon Aristaichus koikene bhi moikhan logote asele.
|
||||
\v 3 Aru dusra din moikhan Sidon ahise, aru Julius pora Paul ke morom kori tai sathi logote berabo dise, aru tai ki lage sob taike di thakise.
|
||||
\v 4 Aru moikhan tate pora jabole ulaise hoilebi hawa moikhan laga aghe pora mara karone jahaaz loi Cyprus phale loi kene jaise.
|
||||
\v 5 Aru moikhan Cilicia aru Pamphylia samundar paar kori Lycia citi Myra te ahhi jaise.
|
||||
\v 6 Ta te centurion he Alexandria laga ekta jahaaz Italy jabo thaka ke pai kene moikhan ke tate uthai dise.
|
||||
\v 7 Moikhan bisi din aste-aste jai thakise, aru bisi digdar pora Cnidus ponchise, hawa karone moikhan aghe jabole para nai, moikhan jahaaz loi Crete phale loi jai Salmone usor te ahise.
|
||||
\v 8 Moikhan bisi digdar pora ahhi Lysea citi usor Bhal Jaga eneka te ponchise.
|
||||
\v 9 Etiya bisi homoi jaise, pani te berabole digdar hoise, aru etiya tu upwas din bhi paar hoise, karone Paul taikhan ke hosiar koribole,
|
||||
\v 10 koise, "Hei manu khan, moikhan etiya iyate pora jaise koile digdar aru bisi nuksan bhi hobo pare, khali saman aru jahaaz hei nohoi, kintu manu jibon bhi jabo pare."
|
||||
\v 11 Hoilebi centurion Paul laga kotha na mani kene jahaaz laga malik khan kotha manise.
|
||||
\v 12 Aru utu jaga te thanda din tate thakile thik nohobo karone bisi manu parile Phoenix te thanda din tate thakile bhal hobo bhabise. Phoenix tu Crete usor te ekta jaga ase, dakshin-paschim aru utar-paschim phale bhi jabo para jagah ase.
|
||||
\v 13 Tetiya dakshin pora halka-halka hawa ahhi asele, toh taikhan ki koribole ase eitu koribo paribo bhabi kene taikhan Crete phale jabole jahaaz khuli dise.
|
||||
\v 14 Kintu bisi deri nohoi kene dangor hawa pani tate pora ahhi taikhan ke lagise.
|
||||
\v 15 Jetiya jahaaz te lagise, toh aghe jabo napari kene, jahaaz ke kote loi jabole ase jabo dise.
|
||||
\v 16 Tetiya Clauda naam ekta chutu jaga te dhakai loi bisi digdar pora chutu naw ke dhori loise.
|
||||
\v 17 Tetiya taikhan utu ke uthai ani upai kori jahaaz ke nichhe pora bandi loise. Syrtis ballu te lagibole bhoi pora jahaaz kapur khan khuli dise, aru jahaaz ke hawa pora loi jabo dise.
|
||||
\v 18 Aru jetiya moikhan hawa pora bisi digdar dise, dusra din taikhan jahaaz ke halka kori loise.
|
||||
\v 19 Aru tin din pichete moikhan nijor hath pora jahaaz laga saman uthai phekai dise.
|
||||
\v 20 Aru jetiya bisi din tok suraj aru tara bhi dekhai diya naei aru hawa pani bhi ahhi kene bisi mari thakise, toh amikhan bachibole akha sob chari.
|
||||
\v 21 Tetiya bisi din pora khoa-luwa no kora karone, Paul khara hoi taikhan ke koise, "Sabi manu khan apunikhan amar kotha mani kene Crete pora na jaile bhal hobole asile, tenehoile amikhan eneka digdar aru nuksan nohobo asile.
|
||||
\v 22 Kintu etiya moi apunikhan ke mon dangor rakhibole koi ase, kelemane khali jahaaz ke he nohole, kun ke bhi digdar nohobo.
|
||||
\v 23 Kelemane moi jun laga ase, aru jun ke sewa kore, tai sorgodut aji raati moi logote ahise
|
||||
\v 24 aru koise, 'Paul, tumi bhoi no koribi. Tumi Caesar agete khara hobo lagibo, aru sabi Isor tumar logote juwa sob tumake di dise.'
|
||||
\v 25 Karne manu khan mon dangor hobi! Kelemane moi Isor ke bisas kore, jeneka Tai koise teneka hobo.
|
||||
\v 26 Hoilebhi amikhan samundar laga chutu jagah te loi jai kene rakhibo pare."
|
||||
\v 27 Tetiya choudah rati hoise, aru moikhan Adriatic Samundar majote loi jai kene thaki jaise, aru adha raati te jahaaz chola khan bhabise moikhan kunba jagah mati usor te ahhi punchi ase koikene.
|
||||
\v 28 Aru taikhan pani laga galta ke naapi sai sele to paise bisi lamba galta thakise, ekta hath to choi feet ase, aru olop jai kene aru sai sele to pondoroh hath paise.
|
||||
\v 29 Tetiya pathor te lagibo bhoi pora taikhan piche phale pora charta Iohaa longor phekai dise, aru din hobole prathana kori thakise.
|
||||
\v 30 Aru jahaaz chola mallah khan jahaaz pora polabole bhabise, taikhan jahaaz pora longor phekai diya nisina bahana pora chutu naw ke niche samundar te girai dise.
|
||||
\v 31 Tetiya Paul pora centurion aru sipahi khan ke koise, "Jodi eitu khan jahaaz te na thakile apunikhan ketia bhi bachibole na paribo."
|
||||
\v 32 Tetiya sipahi khan jai kene chutu naw laga rusi khan katti girai dise.
|
||||
\v 33 Aru jetiya phojir hobole hoise, Paul sob manu ke kiba khabole koise. Tai koise, "Ajhi choudah din hoise apunikhan eku na khai kene bhukha thaki ase.
|
||||
\v 34 Karone moi apunikhan ke koi ase, kiba khai lobi, kelemane eneka korile bachibo paribo, tumar matha pora ekta chuli bhi ni giribo."
|
||||
\v 35 Aru jetiya tai utu koi dise, tai roti loi kene Isor ke dhonyabad dise, aru taikhan agete khai thakise.
|
||||
\v 36 Tetiya taikhan bhi sob mon dangor hoi kene kha-luwa kori loise.
|
||||
\v 37 Aru moikhan jahaaz te thaka khan sob 276 jon asile.
|
||||
\v 38 Karone jetiya taikhan khoa-luwa kora hoise, taikhan jahaaz ke halka koribole gehu ke uthai samundar te phekai dise.
|
||||
\v 39 Jetiya din hoise, taikhan jagah ke janibole para nai, kintu ekta jagah paise, eitu karone jahaaz ke tate loi jai kene rakhibole bhabise.
|
||||
\v 40 Tetiya taikhan longor khan ke samundar te chari dise, aru jahaaz cholai thaka khuri bandhi thaka ke khuli dise, aru jahaaz laga kapur khan age phale thaka ke uthai kene hawa pora kinar te loijabole dise,
|
||||
\v 41 Kintu jahaaz jai kene samundar laga duita current te jaise, aru jahaaz matti te lagi kene thaki jaise, aru piche phale pani pora mari kene bhangai dise.
|
||||
\v 42 Aru bon kora khan pani kheli kene polai jabo bhoi pora sipahi khan taikhan ke morai dibole bhabisele.
|
||||
\v 43 Kintu centurion Paul ke bachai dibo mon asile, eitu karone taikhan ke rukhai dise, aru jun pani khelibo jane, jap mari kene poila sukha matti te jai jabole hukum dise.
|
||||
\v 44 Aru baki khan takhta pora aru kunba jahaaz bhanga tukra pora jabole hukum dise, aru sob bachi kene sukha mati te ahhi jaise.
|
||||
\c 28
|
||||
\v 1 Tetiya moikhan bachi kene ulaai ahise, eitu samundar majote mati ekta Malta jaga ase koikene jani loise.
|
||||
\v 2 Aru tate laga manu khan bhi amikhan ke bisi morom korise, aru pani gera karone bisi thanda asile, taikhan jui jolai moikhan ke jui thapibo dise.
|
||||
\v 3 Kintu jetiya Paul khuri mutha uthai kene jui te haali asele, utu homoi ekta saap gorom pai kene ulaise, aru tai hath bandhi loise.
|
||||
\v 4 Tetiya tate laga manu khan saap tai haath te bandi thaka dikhise aru taikhan majote kotha korise, "Ki hoilebi eitu manu morai diya manu ase, tai samundar pora tu bachi kene ahise, hoilebi niyom pora taike jinda thakibo nadibo."
|
||||
\v 5 Kintu tai hath hilaai kene saap ke jui te phelai dise, aru tai eku huwa nai.
|
||||
\v 6 Kintu taikhan bhabise tai gaw phuli jabo, nohoile giri kene mori jabo. Kintu bisi deri tak sai thakible taike eku huwa nai, tetiya, taikhan laga bhabona alag hoise, koise, eitu to ekta isor ase.
|
||||
\v 7Eitu jagah usor te Publius koikene cholawta manu asile, tai amikhan ke tai ghor te loijai kene tin-din bhal pora rakhi sewa kori dise.
|
||||
\v 8 Aru eneka hoise Publius laga baba bukhar aru pet-jai thaki sele Paul tai ghor te jai kene Isor ke prathana kori dise, aru tai uporte hath rakhi tai ke bhal kori dise.
|
||||
\v 9 Jetiya eneka hoise, eitu dekhi kene utu jaga laga manu khan jun bemar ase sob loi ani bhal hoi kene jaise.
|
||||
\v 10 Aru taikhan amikhan ke bisi sonman dise, aru jetiya amikhan tate pora jabole hoise, amikhan ki-ki lage sob ani jahaaz te rakhi dise.
|
||||
\v 11 Tin-mohina pichete, amikhan Alexandria laga ekta jahaaz te utthi kene jaise, jun to thanda din te ahhi tate thakisele, "jurwa bhaguwan" kuwa jahaaz.
|
||||
\v 12 Aru amikhan ahhi Syracus citi te ponchise, aru tate tin din thakise.
|
||||
\v 13 Tate pora amikhan Rhegium te ghuri ahise, aru ekdin pichete dakshin phale pora hawa ahise, aru dusra din Puteoli te ponchise.
|
||||
\v 14 Tate moikhan bisasi bhai khan paise aru taikhan kuwa karone taikhan logote saat din thaki jaise. Eneka pora moikhan Rome phale jaise.
|
||||
\v 15 Aru jetiya tate bisasi bhai khan Appius Market aru Tinta Taverns kuwa te amikhan ke lok koribole ahise. Jetiya Paul taikhan ke dekhise, tai Isor ke dhonyabad dise, aru tai mon bhi bisi mon dangor hoise.
|
||||
\v 16 Jetiya amikhan Rome te ahhi ponchise, Paul ke sai thaka ekta sipahi logote alag te thakibole agya dise.
|
||||
\v 17 Tin din pichete tai Yehudi laga cholawta khan ke matise. Aru jetiya taikhan ahhi joma hoise, tai koise, "Bhai khan moi amar manu laga birudh nohole khandan khan laga niyom ke birudh te eku bhi kora nohoi, hoilebi moike Jerusalem pora bondhi bonai kene Rome manu laga haath te di dise.
|
||||
\v 18 Taikhan huda-hudi kori kene moike charibole hoisele, kelemane moi pora moribole laga eku bodnam pa nai.
|
||||
\v 19 Kintu jetiya Yehudi khan eitu birudh te koise, toh moike Caesar logote anurodh koribo lagise, hoilebi moi nijor jati manu ke bodnam dibole kora nohoi.
|
||||
\v 20 Karone moi apunikhan ke lok kori kene kotha koribole mati anise, manu khan moi ke rusi paoa bandi rakhia eitu kile koile Israel manu laga akha karone ase."
|
||||
\v 21 Tetiya taikhan taike koise, "Amikhan Judea pora apuni laga naam te eku chithi bhi paa nai, aru bhai khan pora kunbhi ahhi kene apuni laga eku beya kotha koa nai.
|
||||
\v 22 Kintu apunar bhabana ki ase, utu hunibo mon kori ase, kelemane sob jagah eitu kotha mana khan birudh ase, moikhan jane."
|
||||
\v 23 Tetiya taikhan ekdin tai logote ahhi lok koribo koi kene jai jaise, aru bisi manu tai logote ahhi joma hoise, tetiya tai phojur pora sam tak Isor raijyo laga kotha bhal pora bujhibo karone Moses laga niyom aru bhaowadi khan laga kitab te likha khan to bhal pora somjhai dise.
|
||||
\v 24 Tetiya kunba tai kuwa ke bisas kori loise, kintu kunba tu bisas kora nai.
|
||||
\v 25 Tetiya taikhan majote kotha ni mila hoise, taikhan Paul pora eitu kuwa pichete jai jaise, "Pobitro Aatma he bhaowadi Isaiah pora amar baba khan ke thik koise.
|
||||
\v 26 Tai koise, 'Jai kene eitu manu khan ke koi dibi, "Tumikhan huna tu huni thakibo, kintu eku bhi na bujhibo; aru tumikhan saa tu sai thakibo kintu eku bhi najanibo.
|
||||
\v 27 Kelemane eitu khan laga mon tan hoise taikhan laga kaan bhi nahune, aru taikhan suku bhi bond kori loise, eneka nohobo lage je taikhan suku pora dekhi loi, aru kaan pora huni loi, aru mon pora bujhi loi kene ghuri ahile, Moi taikhan ke bhal kori dibo."
|
||||
\v 28 Eitu karone tumikhan jani lobi, Isor eitu poritran laga kotha Isor najana khan logote di dise, aru taikhan eitu huni lobo."
|
||||
\v 29 Aru jetiya Paul eitu kotha koi dise to Yehudi khan apas te kotha namila hoise, aru jai jaise.
|
||||
\v 30 Tetiya Paul pura dui-saal karone bhara ghor loi kene thakise, aru jun bhi taike log koribole ahise, khusi pora taikhan ke log kori thakise.
|
||||
\v 31 Aru tai bhoi nokori kene Isor raijyo laga kotha prochar kori aru Probhu Jisu Khrista laga kotha ke sikhai thakise, aru kun bhi taike rukhabole kosis kora nai.
|
||||
|
|
@ -0,0 +1,190 @@
|
|||
\id EPH - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul, Jisu Khrista laga ekta apostle aru Ephesus te thakia Isor laga manu khan aru Khrista Jisu logote biswasi thakia khan.
|
||||
\v 2 Baba Isor aru, Jisu Khrista laga morom asis aru shanti apni logo te thaki bo dibi. \s5
|
||||
\p
|
||||
\v 3 Jisu Khrista laga Isor aru baba ke asis hobo le dibi amikhan ke sworg aru Khrista bhitor para dise,
|
||||
\v 4 Jinika tai ami khan ke prithibi bana age te bisari loise, tai osorte pobitro morom aru galti nahoi kena thaki bo.
|
||||
\v 5 Jisu Khrista nimite amikhan ke poila para tai osorte nijor bacha banai loise,
|
||||
\v 6 Tai laga mahima aru morom para, amikhan ke lobo le nimite morom dikhai dise,
|
||||
\v 7 tai khoon para mukti aru pap khema paise, etu Tai laga dangor asirbad aru morom ase,
|
||||
\v 8 sob gyan aru budhi para amikhanke bhorta koridise.
|
||||
\v 9 Sorgote aru prithibi te thaka sob manu ke Tai laga asorit kotha tu dikha bole Isor he etu Khrista logote icha kurise,
|
||||
\v 10 Isor laga icha tu kene ka thik somoite pura hobo etu he tai laga bhabona ase, aru sorgo aru prithibi te ji saman khan ase, sob eki logo te mili kena Khrista laga age te anibo,
|
||||
\v 11 Khrista bhitor te amikhan ke Isor manu hobole chuni loise. Amikhan ke bhabana para jaga banai kena rakhise juntu hisab te tai laga icha para amikhan ke tai laga maksad karne chunise,
|
||||
\v 12 amikhan tai laga morom asis nimite nam uncha kuri bo, jun Khrista ke poila biswas kuri se. \s5
|
||||
\v 13 Junke apnibi, biswas kurise, etu piche te apni hosa laga kotha hunise, poritran laga bhal kotha aru junke apni biswas kuri thakise, apnike Pobitro Atma laga kosom para mohor lagaidise,
|
||||
\v 14 Isor tailaga manukhan logote ki koikena kosom khaisele etu atma he janai de, aru etu he bujai de, Isor tai laga manu ke khuli kena azad kuri dibo, tai laga asis ke amikhan sob uncha kuri bo. \s5
|
||||
\p
|
||||
\v 15 Etu nimite ami jitia apni laga biswas aru morom Jisu Khrista ke kora hunise aru sob Isor laga biswasi ke morom kuri hunise,
|
||||
\v 16 Moi apunikhan ke dhoniabad dibo le rukha nai, moi laga prathana te hodai yad kuri thake,
|
||||
\v 17 ami laga Jisu Khrista morom asis laga baba, apunikhan ke tai laga gyan aru bhitor kotha laga atma jun tu tai laga bhabana te ase,
|
||||
\v 18 apni bujia laga suku ujala hobo titia apni jani bole paribo kile tai mati se aru Isor laga manu nimite tai keneka dhon aru morom rakhi kena ase,
|
||||
\v 19 tai laga dangor takot te amikhan jun biswas kuri ase tai nimite kiman bhal aru dangor kotha ase,
|
||||
\v 20 jitia tai khrista bhitor te kam kurise mura para Jisu-ke uthai dise aru sorgote tai laga daina haat te rakhise,
|
||||
\v 21 sob niom shakti aru takot para ji kotha tu koise khali etia he nohoi, kintu ahibole din nimite bi. \s5
|
||||
\v 22 Isor sob bostu tu tai laga theng, nichete rakhi se aru sob hokti tu tai ke dise aru sob girja uporte solawnta hobo le dise,
|
||||
\v 23 girja tu Jisu laga gao ase aru tai para he bhorta kure, Tai sob saman ke pura kure aru thik kure. \s5
|
||||
\c 2
|
||||
\p
|
||||
\v 1 Poila apunikhan kotha namania aru pap nimite, atma para muri kene thaki sele,
|
||||
\v 2 Utu somoi te apuni itu prithibi laga bia rastate berai sile, etu duniya laga bia atma tu kotha namana laga kam kori ase.
|
||||
\v 3 Amikhan bhi taikhan nisena he thakise, bia laga bhabna aru, khun mangso ke kushi koribo dise.Amikhan itu nimite Isor laga khong te juli bole asile.
|
||||
\v 4 Kintu Isor bisi maph kori bole pare, aru tai laga morom bisi dangor ase.
|
||||
\v 5 Jitia amikhan tailaga kotha namana nimite muri bole thaki se.Isor laga morom nimite moikhan bachi bole parise-
|
||||
\v 6 aru tai uthai disi Tai logote bohi bole sorgo-raijo te,
|
||||
\v 7 Khrista jisu para etu amikhan ke dikhai dise, aru tai anugrah aru dangor morom para aru prithibi manu khan ke janai dibo nemite ase.
|
||||
\v 8 Kile mane biswas karone anugrah para apunikhan ke bachai loise, aru etutu apuni para aha nohoi, kintu Isor laga vardan ase,
|
||||
\v 9 kamkhan para nahoi, kile mane kun bi phutani nahobo nimite.
|
||||
\v 10 Kile koile amikhan tai laga haat para bona srishti ase, bhal kam kuribole Khrista Jisu logote amikhan ke etu jibon te banaise. \s5
|
||||
\p
|
||||
\v 11 Etu karone monte rakhibi, ekta somoi te apunikhan mangso-te Gentile-jati thaki se, aru apunikhan ke "chamara-kata" age te haath para chamara-kata khan para, apani khan ke sorir para "chamara-kata nakura" jew-jati enika koi ahise.
|
||||
\v 12 Kilekoile etu somoi te apani khan Khrista para alak thaki se, aru Israel somaj-te lua nai, aru kotha milai-lua laga kosom para apani khan najana manu khan ase, aru eku asha aru Isor nathakia dhunia thaki se. \s5
|
||||
\v 13 Kintu etia Krista Jisu te, apni khan jun pohila te tai para bisi dur thaki sele, Kristha laga khun para usor te aniloise.
|
||||
\v 14 Kele mane tai nijorhe amikhan laga shanti ase. Tai laga gao para duita thaka tu ekta kuri dise aru juntu diwal para amikhan ke alak kurise etu ke tai bhangai kena khotom kuri dise.
|
||||
\v 15 Tai laga kotha aru hukum para etu sob niom khan khotom kuri dise. Tai laga icha tu duita jaat hoi thaka tu ekta hoi kena tai logote thaki bo. Eneka kurile taikhan majo te shanti hobo,
|
||||
\v 16 aru etu nimite Khrista laga kroos para he taikhan majote dusmani thaka tu khotom kuri dibo pari bole, aru etutu tai laga jibon dikena dusmani khotom kuri dise. \s5
|
||||
\v 17 Aru tai ahi kena jun dur te ase, aru jun usor te ase, duita jaat ke shanti laga samachar janai dise,
|
||||
\v 18 kile mane Tai parahe amikhan duijon ke ekta atma banai kena Baba ke milai dise. \s5
|
||||
\v 19 Etu karone apuni khan etia dusara-des aru nachina-manu nohua hoise. Hoilebi, etiatu apunikhan Isor biwasi aru Isor laga ghor manuh hoijaise.
|
||||
\v 20 Apni khan ke apostles aru prophets khan laga majbut kotha opor te banai se, aru Jisu Khrista tai nije ke ekta bisi dorkar pathor dise.
|
||||
\v 21 Jun he pura ghor ke lagai kena eke logo te mojbut para dhuri rakhise, aru Prabhu te ekta pobitro mondir ho ikena uthi thakibi,
|
||||
\v 22 aru Khrista-te apunikhan ke milai kena banai dise ekta Isor laga Atma thaki bole. \s5
|
||||
\c 3
|
||||
\p
|
||||
\v 1 Etu nimite moi, Paul, amikhan gentiles nimite Khrista Jisu laga jail-te thaki ase.
|
||||
\v 2 Apni Isor morom aru asis kotha hunise koile he Isor laga ki morom amike dise etu apni nimite loi ase,
|
||||
\v 3 Isor laga kotha hisab te jun tu amike jani bole dise, etu bujibo-napara kotha khan moi age para olop liki loise.
|
||||
\v 4 Jitia apni etu kotha he puri bo, apni Khrista laga ashurit aru bhitor kotha tu buji bole pari bo,
|
||||
\v 5 poila-te etu kotha manu laga bacha khanke janai dia nai, hoile bi ekta sob kotha he atma para tai laga pobitro apostle aru prophet para janai dise--
|
||||
\v 6 aru alak jaat manukhan bi Jisu Khrita laga kosom aru kotha-te ekta gao aru sob kaam te bhag lobo.
|
||||
\v 7 Etu nimite moi tailaga nokor hoise, Isor laga takot para kaam kuri thaka aru asirbat morom moike dise.
|
||||
\v 8 Moi sob para Isor manu bhitor te chutu ase, Khrista laga kitia bi khotom nahua dhun kotha-he alak jaat manukhan ke kobo nimite etu asirbad moike dise,
|
||||
\v 9 aru sob ke juntu tai laga asol maksad tu ki ase etu dikhaidibo, ekta kunbi-najana hosatu juntu Isor para sobke banaise, etu tu lukai kena ase-
|
||||
\v 10 etuhoile girja para he solawnta aru adhikar thaka khan jun sorgo jaga te ase titia taikhan alak kisim laga Isor laga gyan jani bole pabo,
|
||||
\v 11 kitiabi khotom noho bole bhabana juntu amikhan laga Khrista Jisu logote kurise,
|
||||
\v 12 amikhan tailogote biswas para mon dangor kuri kena tai osor te jabo.
|
||||
\v 13 Etu nimite moi koi ase apni khan ke, mon chutu nakuri bi kile mane moi dukh patu apunikhan laga mahima hobo le nimite ase. \s5
|
||||
\p
|
||||
\v 14 Etu nimite moi baba Isor osor te chutu kuri kena ase,
|
||||
\v 15 jun para sob ghor manu khan ke sorgo aru dhunia te nam dise,
|
||||
\v 16 titia tai apni ke monjur kuri bo tai laga dhun aru morom laga-asis para aru apuni laga bhitorte thakia manu atma para takot pabo,
|
||||
\v 17 aru khrista apuni laga mon bhitor te biswas para thaki bole paribo, aru morom te apuni khan thik para takhi bole paribo,
|
||||
\v 18 titia apni sob Isor laga manukhan logote buji bole paribo aru kiman lamba aru kiman bhitor, aru kiman uncha ase,
|
||||
\v 19 aru khrista laga morom tu buji bole pari bo, juntu gyan moikhan ke dise, etu sob tu Isor laga bhal kam para moikhan oporte bhorta hoijabo. \s5
|
||||
\p
|
||||
\v 20 Tai osorte amikhan ji mangi lebi aru bhabona kuri lebi sob tu kuri de, aru juntu takot amikhan ke chulai ase etu laga icha te he sob tu pura hoija bo,
|
||||
\v 21 Isor-ke sob mahima hobi girja-te aru Khrista Jisu-te aha homoite etia para hoidai din. Amen. \s5
|
||||
\c 4
|
||||
\p
|
||||
\v 1 Etu nimite ami Isor laga jailte thakia manu, apinikhan ke morom para koi ase juntu kam koribole apunikhan ke matise utu thik para kori kena berabi,
|
||||
\v 2 pura niche aru norom hoikena, digdar bukhi bole parikena morom bhitorte ekjon-ekjon ke morom te takibi,
|
||||
\v 3 kosis koribi shanti para atma bhitorte ekta hoikene thaki bole. \s5
|
||||
\v 4 Tate ekta gao ase, aru ekta Aatma, jineka apunikhan ke ekta bhabona kori kene mati sile,
|
||||
\v 5 ekta Isor, ekta biswas, ekta baptisma,
|
||||
\v 6 ekta Isor aru sob laga Baba, jun sob laga uporte ase, aru sob para ase, aru apunikhan sob bhitorte ase. \s5
|
||||
\v 7 Etia amikhan sob ke morom-laga-asis dikene ase Khrista laga inam laga ojon hisab te.
|
||||
\v 8 Etu nimite tai koise:
|
||||
\q "Jitia tai uporte uthise,
|
||||
\q Tai dhuri kene thakia khan ke dhuri kene loijaise,
|
||||
\q aru manukhan ke inam khan dise." \s5
|
||||
\m
|
||||
\v 9 Toh etu laga matlab tu ki ase "Tai uthise," hoilebi tai prithibi laga sob para niche bhagte bi jaise?
|
||||
\v 10 Tai jun nichete jaise utu tai he ase jun sob sorgo khan para bisi uporte bi uthise, titia tai sob samankhan ke bhorta kori bole paribo. \s5
|
||||
\v 11 Aru tae kun ba ke, apostles, prophet aru kunbake evangelist aru kun ba ke pastor aru shikai-dia-manu kuri bole dise,
|
||||
\v 12 Isor-laga-manu khan ke thik kori bole nimite, mantri khan laga kamkhan aru Khrista laga gaoke hikai dibole nimite,
|
||||
\v 13 napung cha tak ekta biswas te aru Isor laga chokora laga jankari te, ekta thik manu hobo, pura Khrista nisena,
|
||||
\v 14 titia amikhan aru bacha nisina nahobo, age-piche hilibo, niom laga sob hawa te loijabo, manu khan laga thoka-baji te, aru chalak-kam khan te, jitia taikhan thokabole nimete rukhi ase.
|
||||
\v 15 Kintu morom para hosa kobo, sob saman khan te uthi bo, juntu matha ase, khrista nije,
|
||||
\v 16 Jun para pura gao thik para mili se aru utu para kam kori ase jun tu sob milia jaga khan diase, alag-alag bhag laga alag-alag kam hisab te, gaoke uthi bole banaithake morom para nije hikaikene. \s5
|
||||
\p
|
||||
\v 17 Itu nimite ami koi ase, aru Prabhu bhitorte janaidiase, itia para apunikhan dusra Gentile-jatikhan nisena naberabi, taikhan nisena misa-misi bhabonate.
|
||||
\v 18 Bujibole paria takotke andharte rakhi kene, Isor laga jibon para alag hoikene etu okora para juntu taikhan bhitorte ase, taikhhan laga mon andha hoikene thakia nimite.
|
||||
\v 19 Junkhan nijer ke bhebichari(prostitute) kam nimite cholaise, aru gao mongso kam te berai thakise. \s5
|
||||
\v 20 Hoilebi apunikhan ke Khrista para enika hika nai,
|
||||
\v 21 eneka hoile apunikhan utu hobi juntu apunikhan tae para hunise, aru Jisu para jineka hekise, jinika hosa Jisu bhitorte ase.
|
||||
\v 22 Titia apunikhan utu purana manu laga poila kotha khan phelaidibi, juntu misa-misi ase thoka-baji laga lalchikhan ase,
|
||||
\v 23 Aru apunikhan laga bhabona laga atma te notun hobi,
|
||||
\v 24 Aru tate apuni khan utu notun manu hobi jun ke Isor nisena banai se- pura hosa dharmikta aru pobitrota te. \s5
|
||||
\p
|
||||
\v 25 Itu nimite misa phelaidibi, sob manu dusra manu logote hosa kotha kobi kilekoile amikhan ekjon-dusra-jon laga bhag ase.
|
||||
\v 26 Apunikhan khong hobi, aru pap nakoribi: surajke niche jabole nadibi apunikhan laga khong uporte.
|
||||
\v 27 Saitanke jaga bi nadibi. \s5
|
||||
\v 28 Taekhan junkhan chor korise chor nakoribi: ulta taeke kam koribole dibi, taelaga hathkhan para utu kamkhan koribole dibi juntu bhal ase hoilebi, titia tae taekhan ke dibo le paribo junkhan lagi ase.
|
||||
\v 29 Apunikhan laga mukh para misa-mesi kothakhan ulabo le nadibi, hoilebi utukhan juntu hika bole nimite bhal ase, titia itukhan nam-utcha nimite kam ahibo junkhan humai ase,
|
||||
\v 30 Aru Isor laga Pobitro-Atma ke mon-dukh kori bole nadibi, juntu para apuni khan ke pap-para bachai dia laga dinte dag dise.
|
||||
\v 31 Sob tita-khan, bia-pa-a, khong, hala, aru galidia khan apunikhan para hataidibi, sob bia kori bole laga bhabona logote.
|
||||
\v 32 Aru ekjon-ekjon ke morom koribi, norom-mon rakhibi, maph koribi, jineka Isor Khrista nimite, apunikhan ke maph korise. \s5
|
||||
\c 5
|
||||
\p
|
||||
\v 1 Etu karne, morom kura Isor laga bacha khan, apunikhan bi Isor laga niom nisena hobo le lage,
|
||||
\v 2 aru morom te bera bi, jinika Khrista amikhan ke morom kuri se aru amikhan nimite tai laga jibon ekta mitha kuri kena bhal-gun nisena bolidan dise. \s5
|
||||
\p
|
||||
\v 3 Kintu bebichari aru ji letera kam khan aru lalchi huwa, etu kam khan para apunikhan oporte bodnam hobo nadibi kile koile apunikhan Isor laga manu ase,
|
||||
\v 4 aru letera aru okora kotha khan nohoi lebi bia kotha para dhamali kura thik nai kintu ekjon-ekjon-ke uthai dia laga kotha-he kobi. \s5
|
||||
\v 5 Etu bhal para jani bi, bebichari, nohoi le letera nohoi le lalchi, aru murti-puja etu khan sob Khrista aru Isor laga raijo te jaga napabo.
|
||||
\v 6 Kunu manu para bi apnike misa-misi kotha para thokabo nadibi, kile koile etu khan manu oporte Isor laga khong-tu ahibo.
|
||||
\v 7 Etu karne, taikhan logote namili bi,
|
||||
\v 8 kile koile poila apunikhan andhera-te thakise, kintu etia apunikhan Prabhu logote ujala-te ase. Ujala laga bacha nisena thakibi
|
||||
\v 9 (kile koile atma laga bhijon-tu sob bhaal, dharmik aru hosa-khan ase)
|
||||
\v 10 Hosiar para Prabhu laga icha janikena thakibi.
|
||||
\v 11 Guti-naduria andhar-te kam kuria manu khanke namilibi, hoile bi taikhan ke ujala te anibi.
|
||||
\v 12 Kile koile taikhan lokai kena kura khamkhan kobo lebi sorom ase.
|
||||
\v 13 Kintu jun manu ujala-te ahe itutu sob dikhi jai, kile koile itukhan puhor-he ase.
|
||||
\v 14 Etu nimite tai koise,
|
||||
\q "Uthi bi, jun humai ase,
|
||||
\q aru morra para uthibi,
|
||||
\q aru Khrista-he apnike pohor kuridibo." \s5
|
||||
\p
|
||||
\v 15 Etu nimite, hosiar para sabi, apuni keneka berai- okora manu nisena nohoi kintu gyani nisena,
|
||||
\v 16 homoitu para tak cholabi kile koile din-khan bia ase.
|
||||
\v 17 Etu nimite, okora nahobi, kintu Prabhu laga ki icha ase etu buji bole kuribi. \s5
|
||||
\v 18 Modu para nisa nohobi, juntu apni laga jibon tu khotom kuri dibo. Kintu, atma para bhorta hoikena thakibi,
|
||||
\v 19 ekjon-ekjon logote bhajan aru gana khan, aru pobitro gana khan, Prabhu-ke apni laga mon bhitor para gana-khan aru sundor para bajana kuribi,
|
||||
\v 20 Hodai sob saman khan nimite dhoniabad dibi Isor aru Baba amikhan laga Prabhu Jisu Khrista laga namte,
|
||||
\v 21 Pura mon para Khrista karone Nijorke ekjon-ekjon-ke dibi. \s5
|
||||
\p
|
||||
\v 22 Isor ke dia nisena, maiki khan nijor mota-ke pura mon para sabi,
|
||||
\v 23 Kile koile ekta mota-tu maiki laga matha(malik) ase jeneka Khrista ekta girja laga matha(malik) ase- tai nijehe ekjon gao ke bachai loi.
|
||||
\v 24 Etu nimite jeneka girja Khrista ke mane, etu nisena maiki khan sob-te tai laga mota nimite ase. \s5
|
||||
\v 25 Mota khan, apunikhan laga maiki-ke morom kuribi jeneka Khrista tai laga girja ke kurise aru etu nimite tai nije ke di-dise,
|
||||
\v 26 Tetiya tai para itu khan ke pobitro kuri dibo, tai-ke Isor-kotha loi kena pani para dholai sapa kuri dibo,
|
||||
\v 27 titia tai nijor nimite ekta sonman laga girja ase koi kena dibo, ikubi dagi nathaki kena nohoi lebi tera nohoi lebi dusara ikubi bia nathaka, kintu titia tai pobitro aru ikubi galti nathakia hobo. \s5
|
||||
\v 28 Etu nisena motakhan bi nijor maiki-ke nijor gao nisena morom kuri bolage. Jun mota nijor maiki-ke morom kure tai nijorke morom kura nisena ase.
|
||||
\v 29 Kile koile kunbi nijor gao ke bia nalage, kintu tai bhal para khilai aru sapa rakhe, jeneka Khrista tailaga girja-ke morom kure.
|
||||
\v 30 Kile mane amikhan tailaga girja laga biswasi-khan ase. \s5
|
||||
\v 31 "Etu karone ekta mota tai nijor baba-ama-ke chari kena nijor maiki logote ekta gao hoikena thake."
|
||||
\v 32 Etu ekta bisi dangor bujibo-napara kotha ase, kintu ami Khrista aru girja laga kotha koi ase.
|
||||
\v 33 Kineka hoilebi, apunikhan sob-ke koi ase, nijor ke morom kura nisena nijor maiki ke morom kuri bi, aru maiki khan nijor mota ke sonman dibo lage. \s5
|
||||
\c 6
|
||||
\p
|
||||
\v 1 Bachakhan, ama-baba laga kotha mani bi, kile koile itu thik ase.
|
||||
\v 2 "Apuni laga baba aru ama ke sonman koribi" (juntu poila niom ase kosom thaki kena),
|
||||
\v 3 "titia itu nimite bhal hobo, aru apuni prithibi-te lamba jinda thaki bole paribo." \s5
|
||||
\v 4 Babakhan, apunikhan laga bachakhan ke khong hobole nadibi. Hoilebi, taikhan ke Isor laga niomte aru hisab te dangor kuribi. \s5
|
||||
\p
|
||||
\v 5 Noukor khan, tumi khan laga malik logot kotha mani kena, bhoi para aru kapikena thaki bi apuni khan laga mon para, jineka Khrista usorte,
|
||||
\v 6 Suku osorte nohoi, jineka manukhan ke khusi kori bole nimite, hoile bi Khrista laga noukor khan nisena, mon para Isor laga monjur ke kori ase,
|
||||
\v 7 bhal niom para kam koribi Isor laga nam para, manu laga nam para nahoi,
|
||||
\v 8 Jani ase jun manu bhal kam kori bo, itu manu Isor para pabo, tai nokor hoile bi nahoi le azad hoile bi. \s5
|
||||
\p
|
||||
\v 9 Apuni malik-khan, taikhan nimite bi eneka he kori bi, gali khan chari kena jani thaki-bi apuni khan laga bi Malik sorogte ase, tate manukhan laga sonman ekubi hisab nai. \s5
|
||||
\p
|
||||
\v 10 Seste, Prabhu logote takot thakibi aru tai laga takot te shakti pabi.
|
||||
\v 11 Isor laga sob hatiar-khan lagai lobi, titia apunikhan saitan laga chalak-khan para khara kuri bole paribo.
|
||||
\p
|
||||
\v 12 Kile koile amikhan mongso aru khun logote larai koria nohoi, hoilebi bia niomkhan logote, bia takotkhan logote, itu prithibi laga andhar-laga-rajakhan laga biakhan logote, utcha jagakhante thakia bia atma khan logote.
|
||||
\v 13 Itu nimite apunikhan Isor laga hatiar khan loilo bi, titia apunikhan bia dinte rukhi bole paribo, aru sob kori kena, khara hobo. \s5
|
||||
\v 14 Khara hobi, apuni laga komor te hosa para bandi kene, aru chati-laga-loha hosa te-thakia rakhi kena,
|
||||
\v 15 Aru apunilaga theng-khan te gospel laga shanti nimite juta lagai kena taiyar kuribi.
|
||||
\v 16 Sob para uporte, biswas laga dhal lobi, etu hoile tai saitan laga jui phelatu khotom kori bole paribo. \s5
|
||||
\v 17 Aru bachai-dia-jibon laga loha-laga-topi lobi, aru atma laga dao, juntu Isor laga kotha ase.
|
||||
\v 18 Sob somoite Atma para parthana kuri bi, ki lagi ase etu sob mangi kena prathana kuribi. Etu sob kuribo nimite, hodai taiyari aru hosiar thakibi aru Isor laga manukhan nimite hodai prathana kuribi, \s5
|
||||
\v 19 Aru ami nimite, moike kobole dibole nimite, tine hole ami bhoi nakori kene mukh khuli bo, gospel laga lukai kene rakhia janai dibo le nimite.
|
||||
\v 20 (Juntu nimite ami noukar hoikene ekta janaidia-manu ase), titia ami bhoi nakori kene kobo, jineka moi kobo le lage. \s5
|
||||
\v 21 Aru ami ki kuri ase, kinika kuri ase apuni khan bi jani bo, Tychicus, ekta morom aru biswas te thaka bhai para apanikhan ke koi dibo,
|
||||
\v 22 Jun ke ami apunikhan usorte thik itu nimite he pathai ase, titia apunikhan amikhan laga kamkhan jani bole pari bo, titia tai apunikhan laga mon-aram koribo. \s5
|
||||
\p
|
||||
\v 23 Shanti, mororm aru biswas sob toh baba Isor aru Jisu khrista.
|
||||
\v 24 Prabhu Jisu Khrista ke jun khan para prem kore, morom tu sob taikhan-laga.
|
||||
|
|
@ -0,0 +1,110 @@
|
|||
\id 1TH - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul aru Silvanus aru Timothy pora Thessalonia laga girja junkhan Isor aru Probhu Jisu Khrista te ase. Anugrah aru aru shanti thakibi. \s5
|
||||
\p
|
||||
\v 2 Amikhan hodai apunikhan nimite Isor ke dhonyabad di thake, aru apunikhan nimite prathana te yaad kori thake.
|
||||
\v 3 Amikhan pora apunikhan ji bisas laga kaam, morom laga kaam, aru Probhu Jisu Khrista ke mon dikena akha kura, amikhan laga Isor agete ase, eitu sob yaad korithake. \s5
|
||||
\v 4 Isor pora morom kori thaka bhaikhan, amikhan jane tar he apunikhan ke bachi loise,
|
||||
\v 5 kelemane Isor laga kotha khan apuni khan logote khali kotha pora aha nai, kintu shakti pora Pobitro Aatma te, aru hosa para janai di ase. Eitu nisena, apunikhan bhi jani ase amikhan keneka manu thakise apuni khan nimite.
|
||||
\v 6 Apunikhan ami khan laga aru Isor laga niom cholai ase aru jiman dukh pai lebi apunikhan Pobitro Aatma laga kotha ke ekdom khusi para loise.
|
||||
\v 7 Eneka hua nimite apunikhan Macedonia aru Achaia laga manukhan ke dikhai dise.
|
||||
\v 8 Apuni khan nimite he Isor laga kotha tu baharte hunai dise aru khali Macedonia aru Achaia te nohoi, hoilebi apunikhan laga bisas Isor uporte thaka tu sob jaga te punchi jaise. Eitu karone amikhan eku nokoi lebi hobo.
|
||||
\v 9 Kile koile taikhan nijer amikhan ke janai dise, amikhan keneka kori apunikhan logote ahibo parise, aru keneka pora murti puja pora ghurikene jinda aru hosa Isor ke bisas korise,
|
||||
\v 10 aru koise Isor laga Putro ke sorgo pora ahibole rukhi ase, jun ke tar mora para uthai dise- Jisu, jun he amikhan uporte ahibo thaka khong pora bachai dise.
|
||||
\c 2
|
||||
\p
|
||||
\v 1 Bhai khan, apunikhan nijor jani ase amikhan apunikhan logote aha tu ene misa-misi pora nohoi.
|
||||
\v 2 Hoilebi, apunikhan nije jani ase, amikhan pohila bi dukh paise aru Philippi te sorom khai se. Amikhan Isor logote mon dangor kori kena bisi dukh pora Isor laga kotha prochar korise.
|
||||
\v 3 Kelekoile amikhan pora shikai dia khan galti pora nahoi, moila pora bi nahoi, nohoilebi thokabole bhi nahoi.
|
||||
\v 4 Hoilebi jeneka amikhan ke Isor pora bisas kurikena Tai laga kotha dise, eitu nimite amikhan koi, manu khanke khusi koribole nohoi, kintu Isor ke he. Tai he ekjon ase jun amikhan laga mon sai thake.
|
||||
\v 5 Kile koile apuni khan jani thakibo amikhan phusla bole, nohoile bi misa kotha pora kiba lobole aha nohoi. Isor he amikhan laga sakhi ase.
|
||||
\v 6 Amikhan manukhan pora mahima bisara nai, apunikhan pora bi aru dusara khan porabi.
|
||||
\v 7 Amikhan apunikhan majote Jisu laga chela hoikena ahisele. Kintu amikhan bacha nisina hoi jaise aru ama pora jeneka baccha khan ke morom kore,
|
||||
\v 8 eitu nisena amikhan apunikhan ke bisi morom kore. Khali Isor laga kotha he nohoikena hoilebi nijor jibon bi dibole taiyar ase. Kelemane apunikhan ke bisi morom ase.
|
||||
\v 9 Kelekoile apunikhan jani ase bhaikhan, amikhan dukh kaam kora tu. Amikhan Isor laga kotha apunikhan ke kuwa somoi te, apunikhan ke dukh-dikdar nadibo nimite amikhan din-raat kaam korise.
|
||||
\v 10 Apunikhan aru Isor bhi sakhi ase, amikhan laga niom tu bisasi khan agete kiman pobitro aru dharmik thakise.
|
||||
\v 11 Eitu nisena apunikhan jani ase, amikhan ekjon-ekjon logote keneka thake, jeneka ekta baba tailaga nijor bacha logote thaka nisena,
|
||||
\v 12 apunike mon uthai diya, mon dangor kori diya aru, hodai shikai thake, kineka kurile Isor ke khusi koribo paribo, jun apunikhan ke tailaga desh aru mahima te matise.
|
||||
\v 13 Eitu nimite amikhan bi Isor ke hodai dhonyabad diye, jetiya apunikhan Isor luwa somoi te juntu amikhan pora hunaise, apunikhan eitu ke manu laga kotha ase nohoikena, kintu jineka hosa ase Isor laga kotha, jun bisas kore etu khan logote kaam kuribole hoise.
|
||||
\v 14 Kelemane apunikhan he, bhaikhan, Isor laga girja laga chela hoise juntu Judea-te Khrista Jisu ase. Kilekoile keneka taikhan dukh paise, apunikhan bhi nijor manukhan pora digdar dise, jeneka taikhan ke Yehudi jati khan pora dise,
|
||||
\v 15 junkhan Probhu Jisu aru tai laga prophet khan ke morai dise, aru jun amikhan ke khedai dise. Taikhan tu Isor ke khusi kori dibole napare. Ulta, taikhan manu khan logote dusman hoijai.
|
||||
\v 16 Taikhan amikhan ke dusra jat khan logote jaikena bachai diya laga kotha rukhai thake, etu khan nijor laga paap ke arubi bisi kori diye, kintu ses din te Isor laga khong taikhan uporte ahibo. \s5
|
||||
\p
|
||||
\v 17 Kintu amikhan, bhaikhan olop din karne amikhan ke apunikhan pora alak koridise, gaw pora hoise, mon pora nohoi. Amikhan apunikhan ke bisi sabole mon ase.
|
||||
\v 18 Kilekoile amikhan apunikhan ke lok koribole bisi echha thakise, moi nije Paul, ek-duibar nohoilebi- kintu saitan pora amikhanke rukhai dise.
|
||||
\v 19 Kilekoile amikhan laga echha tu ki ase, nohoilebi khusi laga mukut, Probhu Jisu laga agete tai aha somoite? Etu tu apunikhan nohoi?
|
||||
\v 20 Kelekoile apunikhan he amikhan laga mahima aru khusi ase. \s5
|
||||
\c 3
|
||||
\p
|
||||
\v 1 Eitu karne, jetia amikhan ekdum rokhibo napara hoise, amikhan bhabise Athens te ekla charidile bhal hobo,
|
||||
\v 2 aru amikhan Timothy-ke pathaise jun amikhan laga bhai aru Khrista laga susamachar karne Isor laga sewak ase, apunikhan laga bisas takot aru aram kori dibole ase,
|
||||
\v 3 Tetiya jun manu bhi eitu dukh pora apunikhan ke hilabo naparibo. Kile koile apunikhan nije jani ase eitu karne amikhan ke basi loise. \s5
|
||||
\v 4 Kele koile jetiya amikhan apunikhan logote thaki sele amikhan apunikhan ke pohila pora dukh pabo koikena janai dise aru eitu hosa hoise, aru apunikhan jani ase.
|
||||
\v 5 Eitu nimite jetiya ami rukhibole napara hoise, ami pathaise, apunikhan laga bisas janibole nimite. Porikha te loi ja jon pora apunikhan ke girabole kosis korise pare, aru amikhan kaam kora tu noksan hoise pare. \s5
|
||||
\v 6 Kintu itiya apunikhan logot pora Timothy amikhan logote ahise aru bhal khobor apunikhan laga bisas aru morom anise. Tai koise apunikhan amikhan nimite hodai bhal bhabona korithake, aru jeneka amikhan apunikhan ke lok koribole mon ase apunikhan bi amikhan ke lok koribole mon hoi.
|
||||
\v 7 Eitu nimite, amilaga bhaikhan dukh pailebi, mondukh hoilebi apunikhan laga bisas nimite amikhan laga mon aram korise.
|
||||
\v 8 Itiya amikhan jinda ase jodi apunikhan Isor logote thik thakile.
|
||||
\v 9 Keneka pora amikhan Isor ke dhonyabad dibole lagibo apunikhan nimite, jun uporte amikhan laga sob khusi ase Isor agete?
|
||||
\v 10 Din raat amikhan bisi jor pora prathana korithake kile mane amikhan apunikhan laga chehera tu sabo nimite, aru ki pora apunikhan laga bisas te puncha nai eitu ke modot koribole. \s5
|
||||
\p
|
||||
\v 11 Kintu amikhan laga Isor aru Baba Tai Nijor, aru amikhan laga Probhu Jisu pora amikhan laga rasta apunikhan ke dikhai kena ahibole dibi.
|
||||
\v 12 Arubi Isor he apunikhan ke uthai dibi aru ekjon-ekjon ke aru sob manu logote morom-te thakibo dibi, jineka ami khan ke kora nisena.
|
||||
\v 13 Tetiya Tar-he apunikhan laga pobitrota tu galti nohobole apunikhan laga mon-te takot dibo amikhan laga Isor aru Baba agete, jetiya amikhan laga Probhu Jisu Tar laga sorgo manukhan logot aha somoite. Amen!
|
||||
\c 4
|
||||
\p
|
||||
\v 1 Tenehoile bhaikhan Probhu Jisu laga namte apunikhan ke mon dangor kori di ase, visor ke keneka khusi koribo aru bhal rasta-te berabo etu amikhan pora apunikhan shikise, aru eneka besi korijai thakibi.
|
||||
\v 2 Kelekoile apunikhan janise ki niom moi apuni khanke dise Probhu Jisu namte. \s5
|
||||
\v 3 Aru etu he Isor icha ase beyobichari pora sapha aru dur-te thaki bole nimite,
|
||||
\v 4 apunikhan nijor laga sonman aru pobitrota dhurikena rakhibi,
|
||||
\v 5 Isor najana manukhan nisena mangso echha-te nathakibi.
|
||||
\v 6 Kun manubi nijor bhai-kokai-khan ke bia aru galti pora bodnam nadibi. Kilekoile moikhan laga Isor-tu bodla luwa Isor ase, sob kotha-tu apunikhanke poila pora janai dise. \s5
|
||||
\v 7 Kelemane Isor-tu amikhan ke sapha nohoi kene thakibole mata nahoi, kintu pobitro thakibole nimite matise.
|
||||
\v 8 Itu nimite kun manu eitu kotha-tu charidiye, tai manuke nohoi kintu Isor ke he charidi ase, jun-he Tar laga Pobitro Aatma tu tumike dise. \s5
|
||||
\p
|
||||
\v 9 Kintu kokai-bhai morom kora laga kotha tu, apunikhan ke kunba pora likhi dibole eku kaam nai, apuni nimite aru nijor-ke morom kuribole Isor he shikai dise.
|
||||
\v 10 Macedonia te jiman bhaikhan ase sob nimite apunikhan eitu kori ase, kintu aru bisi koribole bhai-kokaikhan apunikhan ke aru mon dangor kori di ase.
|
||||
\v 11 Apunikhan shanti aru bhal pora thakibole nimite mon dangor koridi ase, aru nijor laga ki kam ase eitu khan sob bhalke cholai loijabi aru nijor pora ki kam pare itu hei kori thakibi, apunikhan ke shikai diya nisna,
|
||||
\v 12 eitu hoile apunikhan bahar manu usorte bhal pora berabo, eneka thakile eku komti hoi nathakibo. \s5
|
||||
\p
|
||||
\v 13 Bhaikhan, apunikhan ke eku najana nisena thakibo dibo mon nai, akha nathaka manu nisena, mon dukh korikena atma te humai nathakibi.
|
||||
\v 14 Amikhan jani se Jisu morikena aru jinda hoise, etu nimite jun Khrista ke bisas korikena morise, taikhan ke Isor wapas loi anibo.
|
||||
\v 15 Etiya apunikhan ke ki hikaise eitu sob Isor laga kotha ase, amikhan kun jinda thakibo Isor aha din te, jun manu mori jaise taikhan pora age nahobo. \s5
|
||||
\v 16 Aru Isor nije sorgo pora ahibo, tetiya bisi jor pora hala hobo. Isor laga turi aru sorgoduth laga awaj loikena ahibo, jun Khrista ke bisas korikena morise, taikhan poila jinda hobo.
|
||||
\v 17 Tetiya amikhan kun jinda ase, Isor ke taikhan logote milikena badal pora uthai loijabo aru tate amikhan Isor logote hodai thaki jabo.
|
||||
\v 18 Eitu nimite, ekjon-ekjon ke eitu kotha pora mon aram aru mon dangor korikena thakibi. \s5
|
||||
\c 5
|
||||
\p
|
||||
\v 1 Etia, bhaikhan, juntu din aru juntu somoi te hobo, etu amikhan apuni khan ke nalikhi lebi hobo.
|
||||
\v 2 Aru apunikhan bhal pora saikena ase Probhu aha laga din tu chor manu rati te aha nisena ahibo.
|
||||
\v 3 Jetia taikhan kobo, "Shanti aru aram," tetiya achanak pora taikhan uporte dukh aru nosto ahibo. Aru ekta maiki bacha pabole duk pa nisena hobo. Aru kun bhi polabo naparibo. \s5
|
||||
\v 4 Kintu, bhai-apunikhan andhar-te thaka nohoi, aru tailaga aha dinte apuni khanke chor nisena bhoi nakhilabo.
|
||||
\v 5 Kile koile apuni khan sob ujala aru din laga baccha khan ase. Amikhan rati nohoilebi andhar te thaka laga baccha khan nohoi.
|
||||
\v 6 Etu nimite, amikhan dusra khan nisena humai nathakibo. Hoilebi hosiar pora janikena thakibo.
|
||||
\v 7 Kile koile, junkhan humai rati te humai, aru junkhan nisa hoi rati te nisa hoi. \s5
|
||||
\v 8 Kintu amikhan din laga manu ase, amikhan nisa nohoi kena bisas aru moromtu chati laga loha nisena lagabi, aru poritran laga akha tu loha tupi nisena lagabi.
|
||||
\v 9 Kile koile, Isor tu Tar laga khong karne amikhan ke bachi lowa nohoi, kintu amikhan laga Probhu Jisu Khrista duara poritran pabo nimite rakhise.
|
||||
\v 10 Tar amikhan sob nimite morise, tetiya amikhan uthi kena thakilebi nohoile humai kena thakilebi, amikhan tailogote milikena thakibo lage.
|
||||
\v 11 Eitu nimite ekjon-ekjon laga mon aram aru uthai thakibi, jineka apunikhan kori thakise eneka he kori thakibi. \s5
|
||||
\p
|
||||
\v 12 Kintu amikhan apunikhan ke hudi ase, bhai khan, jun manu apunikhan laga uporte thaki kena Probhu laga kam apunikhan majote kuri ase, aru apuni khan ke bujai thake, taikhan ke bhal pora sabi.
|
||||
\v 13 Apunikhan taikhan laga kaam karone taikhan ke besi sonman dibi. Apunikhan mili kena thakibi.
|
||||
\v 14 Kintu amikhan apunikhan laga mon uthai ase, bhaikhan: kotha-namana khan ke hosiar koridibi, mon bia hoikena thaka khanke mon dangor kuridibi, komjor khanke modot kuribi aru sob logote dhorjo thakibi. \s5
|
||||
\v 15 Sabi, tate kunbi kunba manuke bia kaam nimite bia wapas dibole nadibi, kintu hodai, juntu bhal ase etu he kuribi, nijor nimitebi aru sob nimite bi.
|
||||
\v 16 Hodai khusi thakibi.
|
||||
\v 17 Parthana-tu narukhi kena kuri thakibi.
|
||||
\v 18 Sob-te hodai dhaniabad dibi. Kilekoile apunikhan nimite Khrista Jisu bhitorte etu Isor laga icha ase.
|
||||
\v 19 Atma ke bon nakuribi.
|
||||
\v 20 Prophecies khan ke niche nakuribi.
|
||||
\v 21 Sob saman ke bhal pora bujibi. Ki bhal ase etu dhurikena thakibi.
|
||||
\v 22 Sob bia kam pora dur te thakibi. \s5
|
||||
\p
|
||||
\v 23 Shanti laga Isor tai nijor pora apunikhan ke pura pobitro kuribo dibi. Prabhu Jisu Khrista naha tak apunikhan laga atma jibon aru pura gaw galti nathaki kena rukhibo dibi.
|
||||
\v 24 Hosa-te thaka Tar ase jun apuni ke matise, aru jun pora hei eitu bi kuri dibo. \s5
|
||||
\p
|
||||
\v 25 Bhaikhan, amikhan karone bi prathana koribi.
|
||||
\p
|
||||
\v 26 Sob bhai-kokai-khanke ekta pobitro chumma pora salaam koribi.
|
||||
\v 27 Moi apuni khan ke Probhu laga nam te koi ase eitu chithi sob pobitro bhai-kokai-khan ke puri dibi.
|
||||
\p
|
||||
\v 28 Amikhan laga Probhu Jisu Khrista laga anugrah apunikhan logote thakibo dibi.
|
||||
|
|
@ -0,0 +1,59 @@
|
|||
\id 2TH - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul, aru Silvanus aru Timothy, Thessalonika laga girja ke juntu Isor Baba aru Probhu Jisu Khrista te ase.
|
||||
\v 2 Anugrah aru shanti apunikhan uporte thakibi Isor Baba aru Probhu Jisu Khrista pora. \s5
|
||||
\p
|
||||
\v 3 Amikhan hodai apunikhan nimite Isor ke dhonyabad dibo lage, bhai khan. Eitu thik ase, kile koile apunikhan laga bisas bisi dangor hoikene jai ase, aru apunikhan sob ekjon ekjon nimite morom thaka tu bisi hoi ase.
|
||||
\v 4 Eitu nimite amikhan nijor pura mon khusi pora apunikhan laga kotha Isor laga girja khan ke koi ase. Apunikhan ke dukh diya somoi te keneka apuni khan rukhi bole aru bisas te thakibo para laga kotha khan koi. Apuni khan digdar khan lobo pora tu amikhan koi thake.
|
||||
\v 5 Eitu Isor laga dharmik bisaria karone saboot ase, kile koile Isor pora Tar laga raijyo karone apunike chuni loise, juntu nimite apunikhan bi dukh pai ase. \s5
|
||||
\v 6 Kelemane, Isor logote eitu thik ase, taikhan ke dikdar dibole junkhan apuni khan ke dikdar di ase,
|
||||
\v 7 aru apunikhan junkhan digdar te ase amikhan logote aram koribi. Jetiya Probhu Jisu Tar laga takot sorgodut logote akas te ahibo, tetiya etu somoi te amikhan eitu koribo.
|
||||
\v 8 Jui jula somoite junkhan Isor ke najane aru Probhu Jisu laga kotha khan namane taikhan uporte Isor laga sajai ahibo. \s5
|
||||
\v 9 Taikhan ke anonto nosto thaka laga sajai pabo Isor laga usor aru Tai laga takot laga mahima pora dur hoi jabo.
|
||||
\v 10 Tar eitu khan koribo, jetiya Tar aha somoi te Tar laga pobitro manukhan pora Tar laga nam-tu untcha koridibo aru Tar laga bisasi manukhan saikena asurit hobo utu din te. Kilekoile amikhan laga kotha apunikhan majot te bisas korise. \s5
|
||||
\v 11 Eitu nimite amikhan hodai apunikhan karone prathana kori thake, tetiya amikhan laga Isor apunikhan ke bhal ase koikena apunikhan ke chunibo. Amikhan eitu he prathana kori ase Tar pora apunikhan laga bhal kam laga sob echha koridibole aru bisas laga kamkhan pura shakti pora hobole.
|
||||
\v 12 Amikhan eitu he prathana kore amikhan laga Probhu Jisu laga nam apunikhan pora untcha koribo aru Tar pora bi apunikhan laga nam untcha koribo, amikhan laga Isor aru Probhu Jisu Khrista laga anugrah nimite. \s5
|
||||
\c 2
|
||||
\p
|
||||
\v 1 Etiya Probhu Jisu aru ahibole laga kotha janai dibole mon ase, amikhan Tar ke lok kuribole joma kora nisena, amikhan apunikhan bhaikhan ke, anurodh kori ase,
|
||||
\v 2 Probhu din ahise koikena apunikhan mon ulta pulta nabha bibi, aru mon dukh nohoile manu laga kotha pora nohoile atma laga kotha nohoile chithi nimite apunikhan laga mon dukh nakuribi. \s5
|
||||
\v 3 Kun kebi eitu kotha pora apuni khan ke tokhabo nadibi, kile koile utu din nahibo jetiya tak sob girja khan laga din nahe, aru manukhan laga paap dikhai nadi ye.
|
||||
\v 4 Eitu tai ase jun dusra ke bia koi aru nijor ke untcha kure kun ke manu khan Isor koikena mane nohoile puja kore. Eitu nimite, tai Isor laga mondir te jai kene tate bohi jai aru nijor ke Isor koikene dekhai. \s5
|
||||
\v 5 Apunikhan mon te nai naki, jetiya ami apuni khan thaka somoite eitu kotha khan koi dise nohoi?
|
||||
\v 6 Tai pora thik somoite eitu dikhai dibo nimite ki pora tai ke rukhai ase apunikhan jani ase.
|
||||
\v 7 Kile koile bujibo napara laga kanun nathaka age pora kaam suru hoise, khali ta te ekjon ase jun he taike etiya rukhaikena ase jetiya tak taike rasta pora ulai nadiye. \s5
|
||||
\v 8 Tetiya kanun nathaka ekjon ke janai dibo, junke Probhu Jisu pora Tar laga sas pora taike morai dibo aru Probhu laga asurit aha din pora taike khotom kuridibo.
|
||||
\v 9 Eitu kanun nathaka aha tu sob Saitan laga bia kaam khan pora ase, tai pora kisim-kisim shakti pora asurit kaam tu misa pora dikhai dibo,
|
||||
\v 10 aru adharmikta laga misa pora. Eitu manu khan sob mori ase kilekoile tai khan hosa laga morom pa-a nai taikhan bachibo nimite. \s5
|
||||
\v 11 Eitu karone Isor pora taikhan ke misa laga bisas pathai dise, tetiya tai khan ekta misa ke bisas koribo.
|
||||
\v 12 Aru tetiya taikhan sob ke bichar koridibo, junkhan hosa ke bisas kora nai, hoilebi, ulta, adharmik kaam khan te khusi pai. \s5
|
||||
\p
|
||||
\v 13 Isor pora morom kora bhaikhan, amikhan apunikhan nimite Isor ke hodai dhonyabad dithakibo lage. Kele koile apuni khan ke Aatma pora sapha kori luwa aru hosa bisas kori-luwa karne Isor apuni khan ke poritran dibole bachi loise.
|
||||
\v 14 Tar amikhan koi dia Isor kotha pora apuni khanke mati loise, apuni khanke Probhu Jisu Khrista laga mahima dikha bo nimite.
|
||||
\v 15 Eitu nimite, bhaikhan thik pora thakibi, aru kotha pora nohoilebi amikhan laga chithi pora nohoi lebi ki shikai dise eitu bhal pora dhurikena thakibi. \s5
|
||||
\p
|
||||
\v 16 Etiya amikhan laga Probhu Jisu Khrista nije, aru Isor amikhan laga Baba jun amikhan ke morom korise, aru Tar laga kripa pora amikha nke hodai thaka mon shanti aru bhal akha dise,
|
||||
\v 17 Nijor laga mon-ke bhal kotha pora uthai thakibi aru sob bhal kaam aru kotha khan te takot thakibi. \s5
|
||||
\c 3
|
||||
\p
|
||||
\v 1 Aru ses te, bhaikhan, amikhan nimite prathana kuribi, tetiya Probhu laga kotha tu sob jagate joldi pungchi bo aru Tar laga nam untcha hobo, jeneka apunikhan logote hodai hoi ase.
|
||||
\v 2 Prathana kori dibi tetiya amikhan bia aru paapi manukhan pora moikhan bachai lobole, kile koile bisas tu sob logote nai.
|
||||
\v 3 Kintu Probhu hosa te thake, Jun apuni ke arubi khara kuribo aru bia jon pora apuni ke bachai lobo. \s5
|
||||
\v 4 Kintu amikhan Probhu uporte apunikhan nimite pura bisas ase, apunikhan juntu kaam kori ase aru hodai kori thakibo.
|
||||
\v 5 Aru Probhu he apuni laga mon tu Isor laga morom te cholabo aru Khrista ke mon pora rukhi thakibo. \s5
|
||||
\p
|
||||
\v 6 Etiya amikhan hukum di ase apuni khanke, bhaikhan, Probhu Jisu Khrista laga nam te apunikhan dur thakibi jun bhai kokai khan alsi jibon te thake aru jun amikhan shikai dia niom namana khan pora.
|
||||
\v 7 Kile koile amikhan nije jani ase keneka apunikhan amikhan pichete ahibole lage, kile koile amikhan nije misa-misi niom chola nai apunikhan majote.
|
||||
\v 8 Amikhan kun laga bi poisa nadikena bhat kha nai. Hoilebi amikhan din rath dukh pai kena kaam korise, kile koile amikhan apunikhan uporte dukh dibole echha nai.
|
||||
\v 9 Amikhan logote takot nai eitu karne nohoi, hoilebi nije he kori kena apuni khan ke bujabole korise, kile koile apuni khan amikhan nisena koribo. \s5
|
||||
\v 10 Kile koile jetiya amikhan apunikhan logote thakisele, amikhan apuni khan ke eitu koisele, "Kaam nakora manu khabo nalage."
|
||||
\v 11 Kile koile amikhan huni ase tate kunba apunikhan majote ekubi kaam nakori kena, misa-misi kotha koikena birai thake.
|
||||
\v 12 Etu manu khanke Probhu Jisu Khrista laga nam pora nijor laga kaam korikena thik pora thakibole mon uthai di ase. \s5
|
||||
\v 13 Hoilebi bhaikhan, ki bhal kaam ase eitu kuribole alsi nohobi.
|
||||
\v 14 Kintu jodi kunba manu chithi te koidia kotha khan namanile, tai-ke bhal pora sai thakibi aru tai logote namilibi, tetiya tai sorom lagibo.
|
||||
\v 15 Kintu taike dusman nisena nabhabi bi, hoilebi ekta bhai nisena samjhai dibi. \s5
|
||||
\p
|
||||
\v 16 Jetiya shanti laga Probhu Tar nije apuni khan ke shanti dibo sob somoi-te. sob rasta te Probhu apunikhan sob logote thakibi.
|
||||
\v 17 Eitu ami laga salaam ase, moi Paul, moi nije haat pora likhi ase, juntu ami pora sob chithi te dagi dise. Ineka he moi likhe.
|
||||
\v 18 Amikhan laga Probhu Jisu Khrista laga morom sob logote hodai thakibo dibi.
|
||||
|
|
@ -0,0 +1,143 @@
|
|||
\id 1TI - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul, Khrista Jisu laga ekjon apostle Isor, amikhan laga Tran korta laga kotha pora aru Jisu Khrista amikhan laga akha pora,
|
||||
\v 2 Timothy ke, bisas te amilaga hosa chokara; Kripa, daya, aru shanti Baba Isor aru Jisu Khrista amikhan laga akha Probhu pora. \s5
|
||||
\p
|
||||
\v 3 Moi Macedonia te jabole homoi te moi apunike ki koribole koisile, etiya bi moi koi ase apuni Ephesus te thaki kena manu khan ke hukum dibi taikhan dusra kotha nasikhabo nimite.
|
||||
\v 4 Nohoilebi taikhan dusra laga kahani khan aru khotom nahua khandan laga kahani khanke mon nadibi, juntu kotha khan pora jhagarahe ulai, aru ulta eitu khan kotha pora Isor uporte bisas tu komjur hoijai. \s5
|
||||
\v 5 Etiya hukum diya laga asol kotha tu ase mon sapha thaka morom, ekta bhal bhabana, aru bisas.
|
||||
\v 6 Kunba khan eitu rasta charikene misa-misi kotha phale ghuri jaise.
|
||||
\v 7 Taikhan kanun laga shikshak hobole mon ase, kintu taikhan tu eku nabuje taikhan ki koi ase, nohoilebi ki buji kena mon dangor pora paribo bhabi ase.
|
||||
\v 8 Hoilebi jun manu niom hisab te kanun cholai, etu niom tu bhal ase koikena jane. \s5
|
||||
\v 9 Amikhan eitu jani ase, kanun tu dharmik manu nimite banai diya nohoi, kintu, dhorom namana aru kotha namana khan nimite banai, Isor ke najana paapi manu khan, dhorom ke bodnam aru moila kora khan, baba-ama khan ke morai diya aru manu khan ke morai diya khan nimite,
|
||||
\v 10 beyobichari kora manu khan, mota-maiki beya kam kora manu khan, manu ke bikiri kora khan, misa koa khan, misa-misi kosom kora manu khan, aru utu sob juntu tu bisasi manukhan ke hikai dibole nimite koi diya laga anurodh te ase.
|
||||
\v 11 Eitu sob kaam Isor pora moike diya tu asis aru mahima laga susamachar ase. \s5
|
||||
\p
|
||||
\v 12 Moi Jisu Khrista amikhan laga Probhu ke dhonyabad di ase, jun pora amike hokti dise, Tar moike bisas aru Tar laga kaam karne moike mati loise.
|
||||
\v 13 Pohila te, moi Probhu laga misa kotha koa manu, aru ekta digdar diya aru ghusa huwa manu thakise, kintu ami daya paise kile koile moi najani kena bisas nathaka pora korise.
|
||||
\v 14 Kintu amikhan laga Probhu laga kripa bisi dangor ase, bisas aru morom logote juntu Khrista Jisu te ase. \s5
|
||||
\v 15 Eitu tu hosa aru manibo laga kotha ase, kuntu ase Jisu Khrista paapi khan ke bachabole ahise aru moi eitu papikhan majote moi sob pora bia ase (Maha papi).
|
||||
\v 16 Kintu eitu karne moi daya paise, moi bhitor te, Jisu Khrista pora dikhai dibole paribo, dorjo kora tu ki ase, sob jun kun khan pora Tar ke anonto jibon nimite bisas koribo.
|
||||
\v 17 Etiya eitu hodai thaka raja ketiya bhi namora dikhibole napa ekta Isor sonman aru mohima hodai aru hodai nimite. Amen. \s5
|
||||
\p
|
||||
\v 18 Apunike hukum di ase, Timothy, moi laga baccha, utu prophecy khan hisab te juntu apuni nimite dise, tetiya apuni eitu khan pora ekta bisas laga lorai koribole paribo,
|
||||
\v 19 bisaske dhurikena aru ekta bhal bhabana hoikena koribi, juntu kunba manukhan charidise aru taikhan laga bisas tu pani te dubai dise.
|
||||
\v 20 Eitu khan tu Hymenaeus aru Alexander ase, junkhan ke moi satan laga haat te di-dise tetiya tai khan hikibo Isor nam-te golti nokoribole. \s5
|
||||
\c 2
|
||||
\p
|
||||
\v 1 eitu nimite, sob pora suru te, ami tumi khan ke binti koriase sob manu khan nimite ami khan Isor logote prathana kori ase,
|
||||
\v 2 raja khan nimite aru sob cholauta khan nimite, tetiya amikhan ekta shanti aru bhal jibon cholabole paribo sob bhal aru hosa pora.
|
||||
\v 3 Ami khan ke bachi luwa Isor usorte eitu ekta mani luwa aru bhal kotha ase.
|
||||
\v 4 Isor he sob manu khan ke bachabole, aru hosa gyan dibole echha kore. \s5
|
||||
\v 5 Kelekoile tate ekjon Isor ase, aru Isor aru manu majote kotha milai diya manu ekjon ase, Jisu Khrista.
|
||||
\v 6 Tar sob manu nimite thik somoi te Nijor jibon tu di dise ekta sakhi hobo nimite.
|
||||
\v 7 Eitu nimite he, moi nijor ke Isor aru manukhan majote ekta hikai diya aru ekta apostle hobole bachi loise. Moi Khrista te hosa koi ase- misa kuwa nohoi. Moi dusra jat khan laga bisas aru hosa te ekta shiksak ase. \s5
|
||||
\p
|
||||
\v 8 Eitu nimite, moi echha ase manukhan sob jaga te, pobitro haat uthai kene prathana koribole, gussa aru jhagra nokorikena.
|
||||
\v 9 Thik eitu nisena, ami echha kori ase maikikhan sorom nadikhibole nisina nijor ke rukhai kene bhal kapor lagabo nimite. Taikhan laga chuli bhal pora rakhibo lage aru suna, moti, nohoilebi dam thaka kapur khan dikha bole nalage,
|
||||
\v 10 holebi, maiki manu khan Isor ke jana aru tai khan laga bhal kaam pora dekhai, taikhan keneka Isor ke bhoi kori kene thaka. \s5
|
||||
\v 11 Ekta maiki manuh shanti, nomro aru, mon di kena shikibo lage.
|
||||
\v 12 Kintu moi koi ase maiki manu khan mota manu khan nichete thaki kena seva koribo. \s5
|
||||
\v 13 Kele mane Adam ke he Isor pohila banaise pichete Eve ke.
|
||||
\v 14 Adam pora paap kora nai, Eve he pohila thokai khaise aru tai he pohila paap korise.
|
||||
\v 15 Kintu, taikhan baccha jonom diya te bachi bo, jodi taikhan bisas, morom, aru bhabana tu pobitro kori kene mani thakibo. \s5
|
||||
\c 3
|
||||
\b p
|
||||
\v 1 Eitu kotha tu hosa ase: kunba cholauta hobole mon thakile, tai ekta bhal kaam koribole mon ase.
|
||||
\v 2 Eitu karne, ekta cholauta tu galti nathaka hobo lage, tai ekta maiki laga mota hobo lage, hisab-te thaka manu, demak thaka, bhal adat, aru ghor te aha manukhan logote bhal thaki bole, shikhai dibole para manu,
|
||||
\v 3 modu kha adat thaka manu nohobo lage, jhagara nakura manu, kintu tai tu nomro, shanti thaka, poisa pichete naja manu. \s5
|
||||
\v 4 Tai tu nijor ghor manu khan ke bhal pora cholabo janibo lage, tai laga bachhakhan pora tailaga kotha manibo lage, aru taike hodai sonman kora manu hobo lage.
|
||||
\v 5 Kilekoile ekta manu tai laga nijor ghor manukhan ke thik pora cholabo najanile, keneka tai Isor laga girja ke sabo paribo? \s5
|
||||
\v 6 Tai ekta notun bisasi nohobo lage, tai phutani pora bhorta nohobo lage aru tai saitan laga rasta te najabo lage.
|
||||
\v 7 Tai bhal naam thaka manu hobole aru baharte bi ekjon bhal nam thaka hobo lage etu hoile tai sorom nahobo aru Saitan laga jal-te nagiribo. \s5
|
||||
\v 8 Thik eneka, Deacon khan, duita kotha kora hobo nalage, modhu kha manu hobo-nalage, aru lalchi hobo nalage,
|
||||
\v 9 tai khan mon sapha pora hosa laga bisasi hobo lage.
|
||||
\v 10 Tai khan ke bhal pora sabi, aru taikhan thik ase koile taikhan ke eitu kaam koribo dibi. \s5
|
||||
\v 11 Eitu nisina maiki khan bhi sonman thaka hobo lage, chukuli nakuribo lage, hisab-te thaka maiki, aru sobte thik mon dibo lage.
|
||||
\v 12 Girja laga deacon khan ekta maiki laga mota hobo lage, bacha khan ke aru ghor manukhan sob ke bhal pora cholabo jani bo lage.
|
||||
\v 13 Kilekoile ekta deacon jun laga kam thik pora korise tai nijor nimite ekta bhal sonman thaka nam hobo aru bisate bisi mon dangor hobo juntu Jisu Khrista-te ase. \s5
|
||||
\p
|
||||
\v 14 Ami eitu khan apuni khan ke likhi ase, aru apunikhan logote joldi ahibole bhabi ase,
|
||||
\v 15 hoilebi ami ahibole deri hoise koile, etu likha-khan pora apuni janibo Isor laga ghorte thaka manukhan keneka niom manibo lage, juntu jinda Isor laga girja ase, juntu pora hosa laga khamba ase aru eitu ke khara kuribole dhuri thake. \s5
|
||||
\v 16 Eku ulta-bhabona nathaki kena, Isor laga hosa tu dangor pora dekhaise:
|
||||
\q "Tai ke mangso-te dekhai dise,
|
||||
\q Aatma pora bujai dise,
|
||||
\q sorgodut khan pora dekhi se,
|
||||
\q desh majote sob ke janai dise,
|
||||
\q prithibi te bisas korise,
|
||||
\q aru mahima pora uporte loi-jaise." \s5
|
||||
\c 4
|
||||
\p
|
||||
\v 1 Etiya Aatma bhal pora koidi ase olop pichete manukhan bisas chari dibo, aru thokai dia atma khan laga kotha te mon di jabo, aru saitan pora sikhai diya kotha khan hunibo,
|
||||
\v 2 aru misa kotha shikai diya ke bisas koribo, taikhan laga nijor bhabona ke jui pora sukha nisena sukhai dibo. \s5
|
||||
\v 3 Taikhan pora saddi kora tu paap ase kobo aru juntu khalua khan Isor pora banaise junkhan bisas kora khan aru hosa bujakhan pora eitu khaikene dhonyabad dibo lage, eitu khan nakhabi kobo.
|
||||
\v 4 Kile koile ki saman Isor pora banai se eitu sob bhal ase, aru juntu amikhan pora Isor ke dhonyabad dikena khabo pare eitu khan ekta bhi phela bo nalage,
|
||||
\v 5 kile koile eitukhan Isor laga kotha aru prathana pora sapha kori dise. \s5
|
||||
\p
|
||||
\v 6 Eitu kotha bhaikhan ke janibo dise koile apuni Jisu Khrista laga ekta bhal kaam kora noukor hobo, apuni eitu bisas laga kothakhan te pali thakile, aru bhal sikhikena thaka juntu apuni mani kene ahise.
|
||||
\v 7 Kintu duniya laga kahani khan juntu buri maikikhan bhal pai, eitu khan pora dur thakibi. Kintu, nijeke Isor laga jibon-te tayari koribi.
|
||||
\v 8 Kilekoile nijor gaw-ke mon dile olop he laab hoi, kintu Isor laga jibon ke mon dile sob phale laab hoi, eitu tu etiya laga aru ahibole thaka jibon te asis thakibo. \s5
|
||||
\v 9 Eitu koidia kotha khan bisas koribo pare aru mani lobole nimite yogyu ase.
|
||||
\v 10 Eitu nimite, amikhan dukh paikene bisi kaam kori thake, kilekoile amikhan jinda Isor uporte akha ase, jun he sob manu laga Udhar-Korta ase, asol-tu bisasi khan karne ase. \s5
|
||||
\v 11 Eitu khan koidibi aru shikhai dibi.
|
||||
\v 12 Apuni laga jawani-ke kun pora bi niche koribo nadibi, hoilebi taikhan ke apuni laga kotha, kaam, morom, bisas, aru pobitro kaam khan pora dekhai dibi jun bisas kore.
|
||||
\v 13 Jetiya tak ami nahe, mon dikena pobitro kitab puri thaki bi, manukhan ke uthai dibi aru taikhan ke hikai dibi. \s5
|
||||
\v 14 Juntu bordan apuni bhitor te ase etu ke nacharibi, juntu bura manukhan apuni uporte haat dikena prophecy pora paise.
|
||||
\v 15 Eitu khan puri thakibi; eitu khan te bhorta thakibi, tetiya apuni laga bhal kaam laga laab sob manu dikhibole pabo.
|
||||
\v 16 Nijeke hosiar rakhibi, aru hikai diakhan kebi. Eitu khan sob kori thakibi, kilekoile eneka korise koile, apuni nijor aru huna manukhan ke bachabole paribo. \s5
|
||||
\c 5
|
||||
\p
|
||||
\v 1 Bura (bisi umor) manuke gali nadibi, hoilebi nijor baba nisena kotha koribi; jawan manukhan ke bhai khan nisena,
|
||||
\v 2 buri (bisi umor) maiki khan ke nijor ama nisena, aru jawan maiki khan ke nijor bhoini nisena, pora sapha pora bhabibi. \s5
|
||||
\v 3 Mota nathaka maiki khanke, asol pora motha nathaka maiki khan ke sonman koribi.
|
||||
\v 4 Kintu kunba mota nathaka maiki laga baccha nohoile baccha laga baccha ase koile, taikhanke pohila nijor ghorte bhal niom dikhabole karne sikhibo dibi, aru baba-amake wapas sabo, kilekoile eitu hei Isor ke khusi kore. \s5
|
||||
\v 5 Kintu tai jun pora mota nathaka maiki ase aru sob charikena tailaga pura akha tu Isor logote rakhi kene ase, aru din-rat binti, aru hodai prathana kori thake, tai hei mota nathaka asol ase.
|
||||
\v 6 Kintu, jun tai nijor khusi te thake, tai jinda thaki lebi mora-nisina ase. \s5
|
||||
\v 7 Etu kotha khanbi taikhanke koi dibi, tetiya taikhan laga galti nathakibo.
|
||||
\v 8 Kintu jun manu tailaga asol ghor manukhan ke nasai aru nijor ghor manukhan, tai tu tailaga bisas tu harai se, aru tai tu dhorom namana pora bhi bia ase. \s5
|
||||
\v 9 Jun mota nathaka maiki sat- saal pora bisi ase, tai laga nam hei likhibi, ekta mota laga maiki hei hobo lage,
|
||||
\v 10 tailaga bhal kaam laga nam thakibo lage; tai baccha khan ke bhal pora pali se na nai, tai nachina manukhanke bhal pora sai se na nai, tai Isor manu khan laga theng dhulai se na nai, tai dukh-pa khan ke aram na nai, aru tai bhal kaam khan kurise na nai. \s5
|
||||
\v 11 Kintu jawan mota-nathaka-maiki khan laga nam nalikhibi, kilekoile jetiya Khrista laga echha namanikena nijor laga echha koribole mon hoi jai, taikhan sadi koribole mon hoijai,
|
||||
\v 12 eneka hoikena taikhan age laga kotha charikena galti te thaki jai.
|
||||
\v 13 Kintu eitu somoi te taikhan ekta ghor pora-ekta ghorte jaikena alsi hobole sikhi jai. Eitu ekla nohoikena, taikhan khali alsi nohoi, hoilebi misa-misi kotha kora aru bisi kaam kora nisena dekhai, nakobole laga kotha khan koi thake. \s5
|
||||
\v 14 Eitu nimite moi jawan mota nathaka maiki khanke sadi kori lobi koi ase, baccha khan bukhi lobi, taikhan laga ghor manuke sabi, aru dusman khanke amikhan laga biya kobole somoi nadibi.
|
||||
\v 15 Kilekoile kunba khan poila para saitan phane girise.
|
||||
\v 16 Kunba maiki taikhan ghorte mota-nathaka maiki ase koile taikhanke modot koribi. Eitu kaam tu girja uporte nadibi, eneka hoile taikhan asol mota-nathaka maiki khanke sai lobo. \s5
|
||||
\p
|
||||
\v 17 Utu cholauta jun cholai ase tai khanke bisi sonman koribi, asol kori kena junkhan Isor kotha te ase aru sikhai thake.
|
||||
\v 18 Kelekoile pobitro kitab-te koi ase, "Apunikhan goru laga mukh bon nakuribi jetiya tai dhan uporte morona marikena berai" aru "Kamkura khanke dukh laga enam pabo lage." \s5
|
||||
\v 19 Duijon nohoile tinjon gawahi nathakile dangor manukhan uporte biya kaam laga galti nadibi.
|
||||
\v 20 Jun manu paap kori ase, taike sop manu laga usorte galti hunaidibi tetiya dusra khan bi bhoi lagibo. \s5
|
||||
\v 21 Ami hukum di ase Isor aru Khrista Jisu chuni luwa sorgodut agete, apnikhanke juntu kotha koi dise apunikhan eki logote mani bi aru alag-alag namanibi.
|
||||
\v 22 Kunkebi joldi haat nauthabi. Taikhan laga paap logote nughusibi.Nijor ke pobitro rakhibi. \s5
|
||||
\v 23 Khali pani ekla khai nathakibi, hoilebi angur-ros bi olop khabi apunilaga pet ketiaba bimar hoithaka karne.
|
||||
\v 24 Kunba laga paap tu khula khuli dikhi jai, bichar din naha agete. Kintu kunba laga paaptu pichete ulai jai.
|
||||
\v 25 Eitu nisena bhal kaam tu khula pora dekhi jai, jun manu bia kaam kori ase, eitu lukabo naparibo. \s5
|
||||
\c 6
|
||||
\p
|
||||
\v 1 Junkhan noukor ase nijor malik ke sonman koribi, tinehoile kunbi Isor laga namke aru amikhanke ki hikaise eitu khan bia nokobo.
|
||||
\v 2 Kintu noukorkhan malik logote dukh thaka pora bia pabo nalage kelekoile taikhanbi bhai-kokai ase. Kintu taikhan ke arubi bhal pora seva koribo lage, kilekoile juntu malik ke seva kore eitu malik bi bisasi aru Isor morom ase. Eitu kotha khan hika bi aru janai dibi. \s5
|
||||
\p
|
||||
\v 3 Jodi kunba manu ulta hikai ase, aru amikhan laga Probhu Jisu Khrista laga kotha aru Isor laga kotha hikai dia nisina monjur nohoi,
|
||||
\v 4 tai tu phutani aru ekubi nabuje, kintu misa-misi kotha loikena jhagara koribole bisi mon ase. Eitu khan pora suku julia, jhagara, hinsa kura, bia-bhabona khan ulai,
|
||||
\v 5 aru bia bhabana hoikena taikhan majote monjur nathaka kore. Taikhan logote hosatu nai, aru Isor laga seva te dhun hobole bisare. \s5
|
||||
\v 6 Kintu Isor logote khusi hoikena thakile etu he laab ase.
|
||||
\v 7 Kilekoile amikhan ekubi ana nai, aru eitu prithibi te eku loijabo naparibo.
|
||||
\v 8 Kintu khalua, aru kapur thakile, eitu pora amikhan khusi thakibo. \s5
|
||||
\v 9 Etiya jun manu dhoni hobole mon jai taikhan porikhat-te girijai, aru jaal te, aru sob okora jokhom laga lalchite, aru juntu pora manukhan ke beya aru khotom koridiye.
|
||||
\v 10 Kilekoile poisa laga morom tu sob beya laga bijon ase, eitu nimite kunba manu khan eitu te bisi echha hoikena bisas pora dur hoijai aru bisi dukh khan nijorke jokhom korise. \s5
|
||||
\p
|
||||
\v 11 Kintu apunikhan, Isor laga manu, etu khan pora dur thakibi. Eitu pora tu, dharmikta, Isor te bisas thaka, morom, rukhibole para, aru norom thaka eitu sob laga piche jabi.
|
||||
\v 12 Bisas laga bhal lorai-ke loribi. Anonto jibon ke dhurikena thakibi, eitu nimite apuni ke matise aru bisi manu laga agete apuni ke bhal bisasi ase koikena apuni ke janai dise. \s5
|
||||
\v 13 Isor agete moi apuni ke koi ase, jun sob ke jibon-diye, aru Khrista Jisu laga agete jun Pontius Pilate agete bhal pora janaidise:
|
||||
\v 14 Eitu hukum khan dagi aru bodnam nohoikena manibi jetiya tak amikhan laga Probhu Jisu Khrista nahe. \s5
|
||||
\v 15 Isor-he Khrista ke thik homoi te dikhai dibo- Isor, asis aru Ekta-he Raja khan laga Raja, aru Probhukhan laga Probhu ase.
|
||||
\v 16 Khali tai logote-he khotom nohua laga jibon ase. Aru kunbi sabo napara ujala-te thake. Kun manubi taike dekhanai aru kun bhi taike sabo naparibo. Tai logote sonman aru anonto hokti thakibi. Amen. \s5
|
||||
\p
|
||||
\v 17 Taikhanke koi dibi jun manu etiya laga jamana te dhoni ase, taikhan ke phutani nakuribole, kintu taikhan laga pura mon eitu harai jabole laga dhon te akha nadi kena Isor ke dibole, jun amikhanke sob khusi koribole di thake.
|
||||
\v 18 Taikhanke koi dibi, bhal kaam korate dhoni hobi, mon khulikena dibole aru sob logote bhag koribole,
|
||||
\v 19 Eneka korile piche nimite dhun joma koribole paribo, aru taikhan eneka ekta jibon pabo, juntu hosa laga jibon ase. \s5
|
||||
\p
|
||||
\v 20 Timothy, apuni ke ki jimedari dise, etu bhal pora bachai kena rakhibi, dusra dhorom pora dur thakibi, misa-misi kotha khan napatibi, aru misa laga gyan khan pora dur thakibi.
|
||||
\v 21 Kunba manukhan nijor ke bisi jane koi, eitu nimite taikhan laga bisas tu nai. Anugrah apunikhan uporte thakibi.
|
||||
|
|
@ -0,0 +1,83 @@
|
|||
\id 2TI - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul, Isor laga echha pora Jisu Khrista laga ekta apostle, jibon laga kosom hisab te juntu Jisu Khrista pora ase,
|
||||
\v 2 moi laga morom bacha, Timothy ke: juntu Baba Isor aru Khrista Jisu amikhan Probhu laga krippa, daya, aru shanti thakibi. \s5
|
||||
\p
|
||||
\v 3 Ami Isor ke bisi dhonyabad di ase, amilaga babakhan pora, sapha bhabana loikene, jun nimite ami kaam kori ase, ami narukhi kene din raat apni ke ami laga prathana pora mon-te rakhe.
|
||||
\v 4 Ami apuni laga suku pani ke yaad kori thake, ami apni ke bisi sabole mon hoi ase, tetiya ami khusi pora bhorta hobo.
|
||||
\v 5 Ami-ke apni laga asol bisas pora yaad kurai dise, juntu pohila apni laga ama Eunice aru nani Lois laga mon bhitor te thakise, aru ami pura bisas ase ki apuni laga mon bhitor te be ase. \s5
|
||||
\v 6 Eitu kotha nimite, ami apuni ke yaad kurai dia-tu juntu bordan Isor pora dise eitu aru notun korikena cholabi juntu apuni bhitorte ase moi apuni uporte haat rakhikena mangi-diya.
|
||||
\v 7 Kilekoile Isor pora amikhan ke bhoi kha laga aatma diya nai, hoilebi hokti aru morom aru bhaal niom laga dise. \s5
|
||||
\v 8 Eitu nimite apuni Isor laga gawahi koribole sorom nakoribi, nohoilebi ami Isor laga sevak ase koikena. Hoilebi, Isor laga hokti hisab te amikhan ekelogote susamaachaar karone dukh koribi.
|
||||
\v 9 Isor he ekjon Jun ami khanke bachaidise aru pobitro pora matise, amikhan laga kaam hisab-te nohoi, hoilebi Tar laga Nijor echha aru kripa hisab te, juntu Tar moikhanke dise Khrista Jisu bhitorte somoi suru nohua agete,
|
||||
\v 10 juntu itiya hosa pora amikhan laga TranKorta Jisu Khrista ke pura dikhai dise. Tai hosa porabi mora ke khotom koridise, aru ujala te jibon aru ketiyabi namora jibon anidise Tar laga susamaachaar pora hei,
|
||||
\v 11 juntu nimite amike ekta prochar koribole, aru apostle, aru sikha manu koribole basi loise. \s5
|
||||
\v 12 Eitukhan nimite ami-bi bisi dukh kore. Hoilebi ami sorom nakore, kilekoile ami Tar ke jani ase Junke ami bisas kore, aru ami bisas ase Tar utu din naha tak rakhibole ase, juntu jimmedary Tar amike dise.
|
||||
\v 13 Ami pora juntu hosa kotha apuni ke hunai dise bhal pora mani kena thakibi aru Jisu Khrista ke bisas aru Tai laga morom te thakibi.
|
||||
\v 14 Utu bhal saman juntu apuni uporte jimmedaary dise, amikhan bhitorte thaka Pobitro Aatma pora eitu ke hosiar pora saikena rukhibi. \s5
|
||||
\p
|
||||
\v 15 Eitu apni jani ase, tate sob manu junkhan Asia desh te ase taikhan sob amike piche charidise, taikhan majote Phygelus aru Hermogenes bi ase.
|
||||
\v 16 Prabhu-he Onesiphorus laga ghor uporte daya thakibole dibi, kile koile tai ahikena amike mon khusi kori di thake aru ami jail te ase koikena tai sorom nalage.
|
||||
\v 17 Hoilebi, jetiya tai Rome desh-te thakise, tai amike lok nakura tak ami ke bisari thakise.
|
||||
\v 18 Probhu laga din te Probhu hei tai ke daya pabole rasta dikhai dibi. Apuni khan bhal pora jani ase tai Ephesus te ami nimite kiman bhal pora modot korise. \s5
|
||||
\c 2
|
||||
\p
|
||||
\v 1 Moilaga bachha, apuni etu nimite, Jisu Khrista pora ahia morom te takot pora khara thakibi.
|
||||
\v 2 Moi bisi manu ke koidia kotha khan tu juntu apni huni loise, eitu kothakhan loikena dharmik aru dusrake sikabo pora manukhan ke jimmedary di dibi.
|
||||
\v 3 Bisi dukh pailebi Khrista Jisu laga ekta bhal sipahi hoikena thakibi.
|
||||
\v 4 Jun khan sipahi te ase, taikhan pura jibon tu eitu kaam te lagi jai, tetiya tai ke kun jimmidaary dise tai ke khusi koribole kosis kore.
|
||||
\v 5 Aru, ekta pola manu jun polai, tai thik niomte nakhilile tai enam napabo.
|
||||
\v 6 Ekta kheti-kura manu, jun bisi dukh korikena bhijon lagai se, tai he sob se poila kheti kata laga dhan tu pabo lage.
|
||||
\v 7 Moi ki kothakhan koi ase eitu ke bhabibi, kilekoile Probhu pora sob te bujibole laga gyan dibo.
|
||||
\v 8 Bhabana koribi Jisu Khrista, jun morikena jinda hoise, jun David laga pidhi pora ahise, ami laga susamachar hisab-te
|
||||
\v 9 juntu nimite amike eman dukh di ase jeneka beya kaam kora manu nisena bandi kena ase. Hoilebi Isor laga kotha ke ketiya bi bon koribole naparibo.
|
||||
\v 10 Etu karone, moi chunilua manukhan nimite dhorjo korikena thake, tetiya taikhan bhi poritran pabo juntu Jisu Khrista bhitorte ase, kitiyabi-khotom nahua mahima logote.
|
||||
\v 11 Eitu kotha-khan hosa ase:
|
||||
\q "Kitiya amikhan tai logote morise, amikhan bhi tail ogote jinda thakibo.
|
||||
\q
|
||||
\v 12 Ketiya amikhan dhorjo thakibo, amikhanbi tai logote raj koribo.
|
||||
\q Jodi amikhan tai ke charidise koile, taibi amikhan ke charidibo.
|
||||
\q
|
||||
\v 13 Jodi amikhan hosa pora nathakile bhi, taitu pura mon dikene amikhan logote thake,
|
||||
\q Kilekoile tai nijeke misa bonabole napare."
|
||||
\m
|
||||
\v 14 Hodai eitu hosa khan sob ke koithaki bi. Aru Isor agete tai khan ke koidibi Isor kotha loikena jaghara koribole nadibi, etiu pora eku bhal na he, ulta eitu hunikena manu bia hoijabo.
|
||||
\v 15 Isor pora apuni ke bhal ase kobo nimite para tak kosis koribi, hosa-kotha loikena hikai dibi, ekta kaam kora manu tu sorom nakuribo lage.
|
||||
\v 16 Hoilebi junkhan Isor laga kotha nohoi kena misa-misi kotha kore eitu khan pora dur thakibi, kile koile taikhan pora arubi beya rasta te loijabo.
|
||||
\v 17 Taikhan laga kotha tu ekta ghao nisena sob jagate jai-jai, eitukhan majote Hymenaeus aru Philetus bi ase,
|
||||
\v 18 junkhan hosa kotha pora polai jaise, taikhan eneka kotha koi, utu din jetiya manu khan ke mora pora jinda koria din-tu poila pora jai jaise, aru taikhan pora dusra laga bisas ke khotom koridi ase.
|
||||
\v 19 Hoilebi, Isor laga kotha tu mozbud pora khara thake, aru eneka likhi-kena ase: "Probhu jane junkhan Tar laga ase" aru "Jun manukhan Probhu laga nam te bisas kore, taikhan adharmikta thaka kaam nakoribo lage."
|
||||
\v 20 Ekta dangor ghor te, sona aru chandi pora bana samankhan ase, hoilebi khuri aru mati pora bana saman khan bhi ase, aru kunba saman tu dangor kaam nimite cholai aru kunba saman tu hodai cholai.
|
||||
\v 21 Eitu nimite jun manu nijeke beya khan pora sapha kori loise, tai ke bhal kaam nimite rakhibo, eitu pichete tai tu pobitro hobo aru tai laga malik pora taike cholabo. Aru taitu sob bhal kaam nimite taiyar thakibo.
|
||||
\v 22 Eitu nimite jawan manukhan laga beya kaam pora dur polabi aru dharmikta, bisas, morom aru shanti laga piche hei jabi junkhan Probhu ke sapha mon pora mate.
|
||||
\v 23 Hoilebi okora aru misa-misi kothakhan pora dur thakibi, apuni jani ase eitu kotha khan pora dusmani ulai.
|
||||
\v 24 Hoilebi ekjon Isor laga sevak tu jhagara nakoribo lage, hoilebi sob agete nomro thakibi, aru bhal sikai dibi, aru dhorjo thakibi,
|
||||
\v 25 Jun apuni laga kotha noloi tai ke morom pora bujabi, hobobi pare Isor taikhan laga mon choikena hosa laga gyan tu janibo dibo,
|
||||
\v 26 aru taikhan laga dimak tu khuli dibo pare aru saitan laga jaal pora polai jabo, juntu jaga te tai pora taikhan ke dhuri rakhi se tai laga kaam nimite.
|
||||
\c 3
|
||||
\p
|
||||
\v 1 Kintu eitu janikena thakibi, ses din-te bisi dukh somoi ahibole ase.
|
||||
\v 2 Kilekoile manukhan nijorke morom koribo, poisa laga lalchi koribo, nijorke dangor bhabibo, phutani koribo, dhorom laga beya kotha kobo, baba-ama laga kotha namani bo, bhal kaam koridilebi dhonyabad dibo najani bo, sapha nathakibo,
|
||||
\v 3 manuke morom nalagibo, manuke maph nadibo, misa kobo, nijor ke beya koribole rukhabo naparibo, bhal-tu sabo naparibo,
|
||||
\v 4 manuke thokai dibo, nabhabi-kena kaam koribo, dangor bhabona koribo, Isor porabi prithibi ke he bisi morom koribo.
|
||||
\v 5 Taikhan Isor ke jana nisena dikhabo, hoilebi Tar laga hokti tu naloi. Eitu nimite eneka manukhan pora dur thakibi.
|
||||
\v 6 Kilekoile eitukhan majote kunba manukhan manu laga ghorte ghusikena okora maikikhan junkhan paap pora bhorta hoikena thake, taikhanke thokai kene mangso laga echha te giri bole diye.
|
||||
\v 7 Taikhan hodai siki thake, hoilebi taikhan ketiya bhi hosa kotha tu bujibo napare.
|
||||
\v 8 Jineka Jannes aru Jambres pora Moses laga kotha mana nai, eitu manukhan bhi hosa kothake ke mana nai, manukhan laga dimag te paap pora bandikena ase, aru taikhan laga bisas ekdom komjor ase.
|
||||
\v 9 Kintu taikhan bisi durte najabo, taikhan laga okhra tu sob manu janijabo, jeneka utu doijon logote hoisele.
|
||||
\v 10 Kintu tumi moi hikai diya kotha manise, niom, maksad, bisas, morom, dhorjo,
|
||||
\v 11 kiman kisim laga dikdar khan paise aru moi logote juntu Antioch te, Iconium te, aru Lystra te ki dukh paisele; eitu khan sob pora dukh digdar khan bardas koribo parise. Kilekoile eitu sob pora amike Probhu pora bachai loise.
|
||||
\v 12 Kilekoile jun manu Khrista Jisu logote dharmic hoikena thakibo monjai taikhan tu dukh dikdar pabo.
|
||||
\v 13 Kintu beya aru thokai dia manukhan nijor bhi dhoka pabo aru beya porabhi beya hoijabo.
|
||||
\v 14 Kintu, tumi, jitu hikiloise aru bhal pora biwas koriloise eitu khan ke mani jai thakibi, jun logot pora apuni sikhi losie eitu apuni jani ase,
|
||||
\v 15 aru apuni bacha homoi pora pobitro kitab khan te likhikene thaka jani ase juntu pora apunike poritran nimite gyani bonabo pari se juntu bisas Khrista Jisu logote ase.
|
||||
\v 16 Sob Isor kuwa kotha khan-tu Tar laga gyan pora hoise aru eitu laga laab tu sikaidibo nimite, gali kori hikaidibo nimite, thik koridia nimite, aru dharmikta te thakibo nimite hikai dibole,
|
||||
\v 17 tetiya Isor laga manu tu sob bhal kaam nimite gyan aru taiyar thakibo dibi.
|
||||
\c 4
|
||||
\p
|
||||
\v 19 Priscilla aru Aquila, aru Onesiphorus laga ghor-manukhan sobke salaam janai dibi.
|
||||
\v 20 Erastus tu Corinth te thaki jaise, kintu moi Trophimus ke Miletus te charidise kilekoile tai bemar thakise.
|
||||
\v 21 Thanda-din naha agete ahibole kosis koribi. Eubulus pora apunike, aru Pudens, aru Linus, Claudia, aru sob bhai-kokai khan ke salaam di ase.
|
||||
\p
|
||||
\v 22 Probhu apunikhan laga aatma logote thakibi. Apunikhan logote kripa thakibi.
|
||||
|
|
@ -0,0 +1,56 @@
|
|||
\id TIT - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul Isor laga ekjon sevak Jisu krista laga shala, aru bisas para Isor bassi loua hosa gyan thaka manu ase,
|
||||
\v 2 probhu ketia bhi missa nokoi Isor logote ananto jibon ase suru para asha rakhi dise.
|
||||
\v 3 kintu thik homoi te Tai Nijor kotha Pora ami khan ke dekhai dise, Tai he amar Udhar Korta Isor laga niom para smoike dise
|
||||
\v 4 Titus Ekjon ami khan laga bisas te thaka asol lora Pitri Isor amar udhar korta Prabhu Jisu Khrista te anughara aru santi hoi thakibo
|
||||
\v 5 Moi eitu karone apuni ke Crete te chari jaise, manu khan ke thik koribole, sobcity te bura khan ke girja laga solawta kori rakhi dibole pothaise.
|
||||
\v 6 Aru solawta khan to golti nathaka hobo lage, aru ekta maiki laga mota, aru bacha khan bhi adat beya aru kotha namana eneka nohobo lage.
|
||||
\v 7 kelemane girja laga solawta Isor laga ghor sua karone nirdos hobo lage, tai nijor khusi te jai thaka, aru joldi khong kora, aru misha kotha, aru jhagara kora, aru lalchi nohobo lage,
|
||||
\v 8 kintu tai to, bhalkam kori thaka, dhorjo aru, sidha mon, pobitro, nije ke rukhabo para hobo lage.
|
||||
\v 9 Tai hosa biswas kotha ke thik dhori thaka, aru manu ke Iswar laga kothatu bhal para bujhai debo para, kotha namania khan ke thik rastadekhabo para dekhabo para hobo lage
|
||||
\v 10 karone bisi manu khan, missa koi thogi thaka, aru utu khan sunnot kora khan ke ase
|
||||
\v 11 Heitu khan laga mukh bondho kori debo lage, utu khan he sorom laga kamai pabo bhabi kena ji nuhua kotha koi aru sikhai kena ghor ghor ke nimila kore thake.
|
||||
\v 12 Taikhan te ekjon prophets asele koi rekhise, Crektans manu to sabdin missa koi thaka aru satan laga janwar aru alsi khakua ase
|
||||
\v 13 Eitu gawahi hossa ase, karone taikhan ke kara para koi thakibi je taikhan biswas te thik thakibole
|
||||
\v 14 Aru taikhan ke yahudi laga khota khissa aru hosa ke namine kene ghuri juwa khan laga pichhe jabo nidibe
|
||||
\v 15 Sapha khan nimite hole sob bostu sapha ase, kintu sapha-nathaka aru biswas nokora khan nimite hole eku be sapha nohoi, taikhan laga dimak aru bhabona te bhi sob letra ase.
|
||||
\v 16 Taikhan Isor ke jane koi, kintu kam te hole taike nohobo koi kelemane, taikhan kotha nahuna aru namana aru bhal kam karone thik nohoi.
|
||||
\c 2
|
||||
\p
|
||||
\v 1 Kintu apuni, ki kotha koi itu tu biswas laga kotha hobo lage.
|
||||
\v 2 Bura manu ke gusa na-uthi kena, biswas morom namro para thakibole sikhai dibi.
|
||||
\v 3 Buri maiki khan Isor ke kenika mani thakibo, golti nathaka aru modu nakhai kene aru ke tu bhal ase utu sikhabo aru Isor ke sanman kuribo.
|
||||
\v 4 Eitu nishena jawan maiki ke tai laga mota aru bacha ke keneka morom kuribo eitu sikhai dibi,
|
||||
\v 5 Aru nijor mota laga kotha mani thakibo, sapa hoi nijor ghor kam te bhal thaka, tenehloe pobitro kitab hinsa nohobo.
|
||||
\v 6 Aru eitu nishina jawan manu ke bhal kam kuribole samjai debe.
|
||||
\v 7 Apuni laga sob kam te bhal he dikhai dibi. Aru apuni ki sikhai ase eitu hosa aru safa para kua kotha hobo lage.
|
||||
\v 8 Ke hosa kotha ase juntu beya kobo napare, kun khan upnar ke digdar dia taikhan sorom hobo, karone amikhan ke eku bhi beya kobo na paribo.
|
||||
\v 9 Sob kam te malik laga kotha nomro aru khushi para mani thakibole sikhai debe,
|
||||
\v 10 Nizor malik laga eku chor nokoribi aru sab bhal kam tu biswas para dikhai dibole nimetey shikai dibi, eneka korile Isor usorte apuni mahima pabo
|
||||
\v 11 Kelemane Isor para aha anughara to sob manu laga poritran nimite ase.
|
||||
\v 12 Eitu amikhan ke sekhai sae, ji bia ase eitu nakuribe, duniya manu para ke icha kore eitu na bhabibe, junto hodai bhal thakibo eitu he kuribe.
|
||||
\v 13 kele koile amikhan eitu asis laga din nimite rukhiase jitia sob para dangor Isor aru Prabhu Jisu Khrista pura takot loikene ahibo.
|
||||
\v 14 Jisu Tai nijor jan amikhan nimitte di dise aru nyom banai kene thaka sob para bachai lobole, probitro kori kene nijor nimitte eneka ekta jati bonai dibole.
|
||||
\v 15 Eitu kotha kobi aru manu sob ke sikhai dibi Isor laga takot para. Eneka hoile manu apuni ke sorom nakhelabo.
|
||||
\b
|
||||
\c 3
|
||||
\p
|
||||
\v 1 Tai khan ke janai dibi solawta aru dangor khan laga niche thakibi, taikhan laga kotha manibi,aru hodai bhal kam nimite taiyar thakibi,
|
||||
\v 2 Kun kebi bodnam nakoribi aru jhagra kuribole mon nohobi aru sob logote nomro thakibi aru bhal manu hoikene dikhai dibi.
|
||||
\v 3 Kele-koile amikhan bi ekta somoi te chinta bhabana aru khota namania thakise. Aru thokai kena nejor laga bhabana te, bia kori kena ekjun-ekjun ke ghin kori thaki sele
|
||||
\v 4 Hoile bi jetia amikhan udhar-korta Isor laga morom manu upor te dikhai dise
|
||||
\v 5 Etu moikhan laga kam aru dhamikoa para nohoi, tai laga morom para bachai dise Pobitro Aatma para notun bonai dia he ase
|
||||
\v 6 Tai amar udhar-korta Jisu Khrista karone Pobitro Aatma amikhan ke bhorta haali dise,
|
||||
\v 7 heitu to Tai anugrah karone amikhan ke dhormik bonai kene anondho jeevan laga asha te Tai waris bonai dibo karone
|
||||
\v 8 Eitu kotha tu biswas koribo laga ase, aru Isor ke biswas kora khan nimite,taikhan para bhal kaam te mon di kene kori thakile moi bhal paabo,eitu khota tu sob karne bhal ase.
|
||||
\v 9 Kintu misa-mishi khota koi thaka tu charidibi,aru khandan khan, aru jhagra kora, aru niyom namana khan kile koile eitu khan eku labh nai.
|
||||
\v 10 Kunuba kotha namania manu ke ekbar-duibar samjhai kene alag koridibi,
|
||||
\v 11 Eitu jani kene kun manu bhaal rasta para chari kene aru paap kori thake, aru nijoke condemn kori thake.
|
||||
\p
|
||||
\v 12 Moi kitiya Artemas nohoile Tychicus ke tumar logote pathabo, joldi Nicopolis te ahibi, kilemane moi tate thanda din te thakibole bhabna kori loishe.
|
||||
\v 13 Para tok Zenas ukil aru Apollos ke pathai dibi, kelemane tai khan eku bhi komti nohobo.
|
||||
\v 14 Aru ami laga manu khan bhi bhaal kaam koribole hikibo lage aru ki dorkar ase, aru eku komti nohobo.
|
||||
\p
|
||||
\v 15 Ami logote thaka sob ke salam janai ase. Salam di ase jun manu khan biswas para moikhan ke morom ori ase. Anugrah tu apuni khan ke sob logote thakibo dibi.
|
||||
Loading…
Reference in New Issue