See in Reader
new
This commit is contained in:
Vipin Bhadran
parent
61cf8e8b1e
commit
8ac9f94e13
|
|
@ -0,0 +1,528 @@
|
|||
\id ROM - Indian Revised Version (IRV) Nagamese
|
||||
\c 1
|
||||
\p
|
||||
\v 1 Paul, Jisu Khrista laga ekta sewak, Tar laga chunilua manu hobole nimite mati loise aru Tar laga susamachar koidibole kam dise,
|
||||
\v 2 Ki tu Tar age din pora prophets khan logote Tar laga kosom tu pobitro kitab te di dise,
|
||||
\v 3 juntu Tar laga Putro dibo nimite kosom dise, aru kun gaw mangso hisab te David laga pidhi pora ahise.
|
||||
\v 4 Aru Pobitro Aatma hei Tar ke Isor laga Putro ase enika shakti pora janai dise, mura pora jinda hoija, Jisu Khrista amikhan laga Probhu.
|
||||
\v 5 Khrista duara hei, amikhan anugrah aru apostle hobole paise, aru eitu bisas pora kotha manikene sob desh laga manukhan majot, Tar laga nam nimite.
|
||||
\v 6 Eitu deshkhan majote, apni ke bhi Jisu Khrista laga hobole mati kene ase.
|
||||
\v 7 Etu chithi tu Rome te thaka sob kun Isor pora morom kuri kene pobitro hobole matise apuni khan logot anugrah hobi aru amikhan Baba Isor aru Probhu Jisu Khrista para anondo hobi.
|
||||
\p
|
||||
\v 8 Surute, moi apunikhan nimite Jisu Khrista duara Isor ke dhonyabad di ase kilemane apuni khan laga bisas tu prithibi sob jagate janai ase.
|
||||
\v 9 Kelemane Isor moi laga sakhi ase, kun ke moi seva kore moi laga atma pora, Tai Putro laga susamachar nimite, aru keneka moi narokhi kene apni laga koi ase
|
||||
\v 10 Moilaga prathana te apuni khan ke yaad kori kene Isor laga echha hoile ji hoilebi apunikhan usorte ahibo karne moi hodai prathana kori ase.
|
||||
\v 11 Kilemane apunikhan ke dikhibole bisi echha ase tetiya apunikhan atma te takot pabo nimite atma laga bordan bhag kuri dibo.
|
||||
\v 12 Tetiya amikhan eki logote nijor bisas pora ekjon pora ekjon ke atma uthai dibo.
|
||||
\v 13 Aru itiya, moi apuni khan bhai khan ke eitu najani kene thakibo dibole mon nai, moi apunikhan logote ahibo nimite bisi bar taiyari kuri se, (kintu etiya tak kiba ekta para moike hodai rukhai thaki se), jeneka dusra jati khan pora ami paise, thik etu nisena ami apunikhan mojot te bi bhal bijon katibo dibole echha ase.
|
||||
\v 14 Moi Greek jati aru dusra desh manu, gyan thaka aru okora manu khan sob logote dhar bukhi kene ase.
|
||||
\v 15 Eitu karne, Rome te thaka apunikhan sob logote susamachar prochar kuribole moi bisi eccha ase.
|
||||
\p
|
||||
\v 16 Kelemane moi susamachar nimite sorom nakure kilemane kun hei bisas kure taikhan sob poritran pabo nimite etu susamachar tu Isor laga sakti ase, surutu Yehudi karne eitu pichete Greek khan nimite ase.
|
||||
\v 17 Kelemane susamachar te Isor laga dharmikta tu bisas pora bisas upor te dekhai di ase, likhi kene thaka nisina "Hosabi, dharmik manukhan bisas para jinda thakibo."
|
||||
\v 18 Kelemane sorgo pora Isor laga khong adharmik manukhan sob uporte ahi thaka dikhai dise.
|
||||
\v 19 Itu ineka ase kelemane Isor laga ki janikene ase, eitu taikhan dekhi kene ase. Kelemane Isor pora taikhan ke dikhai di se.
|
||||
\v 20 Kelemane Tar keneka ase, juntu suku pora dekhi bo napare, aru Isor laga ananta shakti aru Tai kun ase, sob prithibi bona din pora dikhai dise, aru ki bonaise eitu pora bujai dise. Eitu karne manukhan pora etiya najane enika kobo napare.
|
||||
\b
|
||||
\v 21 Eitu ineka hoise kelemane, taikhan para Isor ke janile bhi, taikhan para Isor ke ki sonman koribo lage etu koranai, nahoile dhoniyabad dianai, kelemane taikhan karne eitu bhabana tu eku kaam hei nai aru taikhan laga okora mon tu andhera hoikene he ase.
|
||||
\v 22 Gyani ase ineka bhabi kene taikhan okora hoise.
|
||||
\v 23 Aru ketiya bhi namura Isor laga mahima budli taikhan pora mori jabole laga saman khan banaise; manu laga protima, chiria, theng para ja janwar aru pet para ja janwar khan laga murti banai loise.
|
||||
\p
|
||||
\v 24 Eitu karone Isor tai khan nijor laga letra aru sapha nathaka mon laga eecha te jabole dise, aru tai khan laga nijor gau tu sorom khabole nimite.
|
||||
\v 25 Tai khan Isor laga hosa kotha tu misa logote bodli kori dise, aru tai khan bonai diya Isor ke nohoi kene Isor para bana saman khan ke seva kore, kun tu hodai nimite mahima ase. Amen.
|
||||
\p
|
||||
\v 26 Eitu karone, Isor he tai khan ke beya kam kori kena thaka manu khan laga uporte di dise, aru tai khan laga maiki khan bebichari kam korise.
|
||||
\v 27 Eitu nisina, mota manu khan bhi tai khan laga ahsol maiki ke chari kena bebichar laga kam para bhorta hoi jaise. Eitu manu khan dusra mota logote sorom nathaka laga kam korise aru tai khan eitu beya kaam laga sajai paise.
|
||||
\p
|
||||
\v 28 Kelemane Isor tu tai khan logote ase koi kena mana nai, Isor tai khan ke beya bhabana kora manu khan laga hath te di dise, kun tu kam khan thik nohoi eitu khan koribole nimite.
|
||||
\v 29 Tai khan sob beya kam para bhorta hoi kena ase, beya kam kora manu, lalchi kora manu, dusra ke dukh koribole diya manu.Tai khan suku jola para bhorta hoi kena ase, morai diya, khong uthi kena kotha nimila, manu ke thokai diye, aru beya bhabana kori thake. Tai khan manu laga beya kotha koi thake,
|
||||
\v 30 manu laga birot te misa kotha koi, Isor ke ghin kore, manu ke hisab nokore, nijor ke hey bhal bhabe, phutani kore, beya kam koribole nimite rasta bisari thake; aru tai khan baba ama laga kotha namane.
|
||||
\v 31 Tai khan eku chinta bhabana nai, bisas nathaka manu, mon beya manu aru morom nathaka manu ase.
|
||||
\v 32 Tai khan Isor laga dharmik kam khan jane, kun eitu beya kam khan koribo tai khan moribo. Kintu tai khan khali eitu khan kora nohoi, hoilebi kun manu beya kam kori ase tai khan laga mon bhi eneka kam khan koribole mon dangor kori diye.
|
||||
\c 2
|
||||
\p
|
||||
\v 1 Eitu karone apuni khan logote bahana kuribole eku nai etiya, O manu, kun dusra ke bichar kure, kelemane apuni pora dusra ke ki bichar kure, apuni nijor logote thaka golti ke bhi bodnam kuri ase. Kelemane apuni kunkhan pora bichar kure, thik eitu nisina hei kure.
|
||||
\v 2 Kintu Isor utu khan ke bichar kure jun khan eneka kam khan kure aru amikhan jani ase Tar laga bichar tu hosa hisab te ase.
|
||||
\v 3 Kintu bhabi sabi, apuni khan jun dusra ke bichar kure juntu golti apuni khan bi kure. Tinehoile apunikhan Isor laga bichar pora bachibole paribo naki?
|
||||
\v 4 Isor apuni khan uporte bisi morom rakhi kena ase, Tar bisi dhorjo kuri kena ase, apunikhan etukhan bisi chutu ase koikena bhabi ase naki? Apuni khan najane naki, Tar laga morom tu apuni khan ke mon ghurai lobole nimite ase koikena?
|
||||
\v 5 Kintu apuni khan bisi mon taan aru mon naghurai kena ase, eitu nimite apuni khan nijor laga golti khan Isor laga khong laga din nimite joma kori ase. Aru utu din te Isor laga hosa bichar khan sob manukhan ke dikha dibo.
|
||||
\v 6 Tar sob manu khan laga hisab-kitab tai khan laga kam hisab te dibo:
|
||||
\v 7 Jun manu bhal kam kurate dhorjo kurikene mahima aru sonman aru namura jibon bisare, Tar pora taikhan ke ketiya bi kotom nohoa jibon dibo.
|
||||
\v 8 Kintu jun manu nijor nimite he bhabana kure aru hosa kotha namani kene adharmik phale he maniloi taikhan karne khong aru gusa ahibo.
|
||||
\v 9 Isor pora anibo paap kura manukhan sob uporte dhuk kosto, poila Yehudi khan ke, aru eitu pichete Greek khan uporte bhi.
|
||||
\v 10 Kintu kun para bhal kam kuri ase, taikhan nimite tu mahima, sonman aru anando thakibo poila Yehudi khan aru etu pichete Greek khan nimite bhi.
|
||||
\p
|
||||
\v 11 Kelemane Isor tu sob kebi ekisai.
|
||||
\v 12 Kile koile kanun najanikene kiman jun pora paap kurise taikhan ineka he harai jabo aru kiman jun kanun janikene paap kurise taikhan etu kanun pora bichar kuribo.
|
||||
\v 13 Kile koile kanun huna pora Isor agete dharmik nohoi, kintu kanun chola para he taikhan dharmik hobo.
|
||||
\v 14 Kelemane jetiya dusra jat khan, kun khan kanun nai, niyom te tai khan para kanun te ki koi ase eitu kurise, taikhan kanun nathaki lebi kanun tu taikhan nijor he thakise.
|
||||
\v 15 Taikhan laga niyom para kanun te ki hukum dekhai ase etu mon te likhi kene ase enika dekhai ase. Tai khan laga nijor bhabana pora bi eitu thik ase ineka sakhi di ase, aru taikhan mon para ketiaba galti diye aru ketia ba thik ase ineka koi.
|
||||
\v 16 Eitu hobo utu din te jetiya Isor he manukhan laga lukai kene thaka sob bichar kuribo, moi ki susamachar koi ase eitu hisab pora hobo,Jisu Khrista duara.
|
||||
\p
|
||||
\v 17 Kintu jodi apuni nijor ke Yehudi mati ase aru kanun te akha kori ase Isor laga manu enika mon dangor kori ase koile,
|
||||
\v 18 aru Tar laga echha jane aru ki tu bisi bhal ase ituke mane kilekoile apuni ke kanun pora bujai dise;
|
||||
\v 19 aru apuni hosa bhi andha khan ke chola manu ase enika janile nohoile andera te thaka khan nemite puhor ase eneka janile,
|
||||
\v 20 okora khan ke sikha manu ase eneka janile, baccha khan laga shikai dia manu ase eneka koile, aru apuni logote kanun tu gyan aru hosa ase koile,
|
||||
\v 21 tetiya apuni kun pora dusra ke shikai ase apuni nijor ke bi na shikhai naki? Apuni kun chor kura laga birodh te prochar kore, apuni chor kore naki?
|
||||
\v 22 Apuni koi ase beyobichar nakuribi kintu apuni beyobichar kori ase naki, apuni murti tu gin kori ase kintu mondoli te chor kuri ase naki?
|
||||
\v 23 Apuni khun para kanun te akha kuri ase kanun tu bangai kene Isor ke sorom kilai ase naki?
|
||||
\v 24 Kelemane eneka likhikene ase "apunikhan nimite dusra jat majote Isor laga nam tu ninda kuri ase."
|
||||
\v 25 Kelemane jodi apuni kanun thik pora manile sunnot kora te laab ase kintu jodi apuni kanun tu bhangai ase apuni sunnot nakora nisina he ase.
|
||||
\v 26 Jodi, ekjon manu sunnot kora nai kintu kanun te thaka sob manile tai sunnot nakura tu sunnot kora nisina nahobo naki?
|
||||
\v 27 Sunnot nakura khan kun pora kanun mani ase taikhan para apuni khan kun sunnot korise aru kanun bi pai kene ase kintu kanun bangai ase apuni khan ke ninda kuribo naki? Itu ineka ase kelemane apuni khan logote likhi kene thaka kanun aru sunnot ase, hoile bhi apuni khan kanun ke bhangai!
|
||||
\v 28 Kelemane ekjon Yehudi nohoi jodi khali bahar te hei Yehudi ase koile; aru khali bahar te sabole nimite gau mangso te sunnot kora tu nohoi.
|
||||
\v 29 Kintu asol Yehudi tu kitab te likhi thaka kanun mani luwa eitu ekla nohoi, kintu mon bhitor te sunnot hobo lage, Aatma pora. Eitu manu nimite stuti tu manu pora nahibo, kintu Isor pora pai.
|
||||
\c 3
|
||||
\v 1 Tinehoile Yehudi hua lab tu ki ase? Nohoile sunnot huwa laga laab tu ki ase?
|
||||
\v 2 Sop phale laab ase. Kelemane, surute, Yehudi khan ke Isor laga kotha janai dibole nimite dise.
|
||||
\v 3 Nohoile kunba Yehudi khan bisas nathaka asile naki? Nohoile taikhan kunba bisas nakura karone Isor laga hosa tu harai jabo naki?
|
||||
\v 4 Ketiya bhi nahoi. Ulta, sob manu misa hoilebi Isor tu hosa hei thakibo. Itu nimite likha ase, "Apuni kotha kua tu hosa ase enika janibo, aru jetiya apuni bichar kuribo Apuni jiti jabo."
|
||||
\v 5 Kintu jodi amikan adharmik thaka pora Isor laga dharmikta dikhai di ase, tetiya amikhan pora ki kobo? Amikhan uporte khong utha nimite Isor he adharmik hoise naki? (Moi manu hisab te koi ase).
|
||||
\v 6 Ketiya bhi nahobo! Jodi ineka hoile kineka Isor pora prithibi bichar kuribo?
|
||||
\v 7 Kintu jodi moi misa kua karne Isor laga hosa tu mahima korikene besi ulai ase, tetiya kile moi ke etiya tak paap-pi manu nisina bichar kori ase?
|
||||
\v 8 Aru kile ineka nakoi, jineka amikhan pora kuri ase koikena misa kotha ulai ase, aru kunba pora moikhan ineka koi se koikene sakhi kuri ase, "Ahibi amikhan bia kam kuribo, aru bhal bisi ulabo nimite"? Taikhan uporte bichar kura tu thik ase.
|
||||
\v 9 Tinehoile ki? Amikhan nijor ke maph kuri ase naki? Ketiya bhi nohoi. Kelemane amikhan pora Yehudi aru Greek khan, taikhan sob, paap te ase koi kene bodnam di dise.
|
||||
\v 10 Likhi thaka nisna: "Kun bhi pobitro nohoi, ekta bhi nai.
|
||||
\v 11 Kun pora bhi nabuje. Kun pora bhi Isor ke nabisare.
|
||||
\v 12 Taikhan sob ghurai kene jai jaise. Taikhan eki logote eku kam nathaka hoise. Kun pora bhi bhal nakura hoi jaise- ekjon bhi nai."
|
||||
\v 13 "Taikhan laga gola tu khula thaka kobor nisina ase. Taikhan laga jiba tu thokabole cholai ase. Taikhan laga mukh te sap laga jeher ase."
|
||||
\v 14 "Taikhan laga mukh te bia kotha aru tita hei ase."
|
||||
\v 15 "Taikhan laga theng bhi khoon giraibole ekdom joldi jai.
|
||||
\v 16 Taikhan bira rasta tu nosto aru dukh he ase.
|
||||
\v 17 Eitu manu khan tu santi laga rasta najane."
|
||||
\v 18 "Isor ke bhoi kura taikhan laga soku age te ekdom nai."
|
||||
\v 19 Etiya amikhan jane kanun te ki koi ase, etu kanun te thaka manu khan nimite he koi ase.Tetiya sob manu laga mukh tu bon hobo aru pura prithibi tu Isor age te galti hobo.
|
||||
\v 20 Kelemane kanun laga kaam kura pora tai agete kun manu bhi nabachabo. Kelemane kanun pora hei paap tu ki ase eitu jani ase.
|
||||
\v 21 Kintu etiya Isor laga dharmik kotha tu kanun charikene dikhai di ase. Aru eitu tu Prophets aru Kanun para sakhi di se,
|
||||
\v 22 eitu ase, Isor laga dharmikta tu Jisu Khrista ke bisas kora manu sob nimite ase. Kelemane eku alag-alag kori kene nai.
|
||||
\v 23 Kelemane sob manu paap kuri se aru Isor laga mahima napuncha hoi jaise,
|
||||
\v 24 aru Tar laga anugrah pora eku daam nadi kene taikhan bachi loise, juntu udhar kora Jisu Khrista te ase.
|
||||
\v 25 Kilekoile, Isor para Khrista ke daan dibole rasta banai se aru Tar laga khun te bisas thakibo dibole karone. Tar laga dharmikta dekhai dibole nimite, Khrista ke dise, kelemane Tar pora age laga paap sob maph kuridise
|
||||
\v 26 Isor laga dorjo thaka nimite. Eitu aji ami khan ke Tailaga dharmikta dekhai dibole karne thakise. Tetiya Tai hosa ase eneka janai dibo aru kun pora Jisu ke bisas kure taikhan ke bhi bachai lobo.
|
||||
\v 27 Tetiya amikhan phutani kuribole ki ase? Eitu hatai se. Ki laga kanun para? Kam kura para naki? Nohoi, kintu bisas kora kanun pora hei hoise
|
||||
\v 28 Kelemane amikhan para jani loise kanun laga kam kura nahoi kene bisas para he bachaise.
|
||||
\v 29 Nohoile Isor tu khali Yehudi khan laga Isor ase naki? Tai hei dusra jat laga bhi Isor nohoi naki? Hoe, dusra jat laga bhi Isor ase.
|
||||
\v 30 Judi, hosa pora, Isor tu ekta hei ase, Tar pora sunnot huwa khan ke bisas para bachabo aru sunnot nahuwa khan bhi bisas duara hei bachabo.
|
||||
\v 31 Tenehoile amikhan bisas kura karne kanun tu chari dibo naki? Ineka ketiya bhi nahobi! Eitu laga bodli, amikhan pora kanun tu dhuri rakhibo lage.
|
||||
\c 4
|
||||
\v 1 Tinehoile amikhan Abraham laga ki kobo, amikhan kun mangso hisab te tai laga pidhi khan ase, tai ki paise?
|
||||
\v 2 Kilekoile jodi Abraham bhi kaam korikene dharmik hoise koile tai nijor phutani hobole kiba ase, kintu Isor usorte hoile nahoi.
|
||||
\v 3 Kelemane pobitro kitab te ki koi ase? "Abraham pora Isor ke bisas korise aru eitu para tai dharmik hoise."
|
||||
\v 4 Etiya kun pora kaam kori ase tailaga hajira tu tofa nisina ginti nahoi kintu tai pabole thaka hei ase.
|
||||
\v 5 Kintu ekjon nijor laga kaam nakure, hoilebi, paap-pi manu khan ke bachai diya Isor ke bisas kore, tai laga bisas tu dharmik ase eneka koi.
|
||||
\v 6 Eitu laga David pora koi ase kaam nahoi kene kun ke Isor pora dharmik enika koise tai ashirbad ase.
|
||||
\v 7 Tai koise,
|
||||
\q "Asis ase taikhan jun khan laga golti kaam khan maph hoise,
|
||||
\q Aru junkhan laga paap khan dhakai di kena ase.
|
||||
\q
|
||||
\v 8 Asis ase utu manu jun ke Probhu pora tai laga paap khan ginti nakuribo."
|
||||
\m
|
||||
\v 9 Eitu asirbad tu khali sunnot huwa khan nimite ase naki, na sunnot nakura khan karne bhi ase? Kelemane amikhan koi, "Abraham dharmik huwa tu tai bisas kora tu hei thakise."
|
||||
\v 10 Tinehoile tai pora eitu kineka paise? Eitu tai sunnot nakura age te hoise na, na sunnot huwa piche te hoise? Eitu tu sunnot kora piche te nahoi, kintu nakora age te hoise.
|
||||
\v 11 Abraham ke sunnot laga niom laga chin tu pai loise. Eitu tu dharmikta laga bisas laga mohor hoise juntu tai sunnot nakora agete Isor pora taike di dise. Eitu nimite Abraham ekta baba hoi jaise jun bisas kuri loise, jodi taikhan sunnot nakori lebi. Eitu matlab tu taikhan dharmik ase koikena taikhan ke ginti kurilobo.
|
||||
\v 12 Aru Abraham tu utu khan laga baba bi ase jun khan sunnot kora manu khan ase. Kintu khali sunnot kora niom hei mana nohoi, hoilebi taikhan junkhan baba Abraham laga bisas laga kadam ke piche kurise jetiya tai sunnot nakura agete.
|
||||
\p
|
||||
\v 13 Kilekoile Abraham aru tai laga khandan ke tai eitu prithibi laga malik hobo koikena kosom dia tu khali niom mana nimite hei nohoi, kintu bisas laga dharmikta nimite ase.
|
||||
\v 14 Kelekoile jodi manukhan khali niom mani kena Isor laga kosom tu pai jai, tinehoile bisas laga eku matlab nathakibo. Aru Isor laga kosom Abraham ke dia tu eku kam nai.
|
||||
\v 15 Kile koile kanun tu khali Isor laga khong he anibo, kintu jodi tate kanun nathake, tate niom laga birodh te eku kuribole nai.
|
||||
\v 16 Eitu karone khali bisas para he manukhan Isor laga kosom tu pabo, eneka hoile manukhan Isor laga kosom tu anugrah pora ase aru Abraham laga sob khandan khan etu kosom tu pabo- khali kanun te thaka khan nimite nohoi, kintu junkhan Abraham laga bisas ke piche kure, etu khan bhi pabo. Tai amikhan sob laga baba ase,
|
||||
\v 17 jeneka likhi kena ase, "Moi tumi ke bisi desh laga baba bonai se." Abraham junke bisas kuri se tai laga upasthiti te thaki se, aru eitu tu Isor ase, jun mora ke jibon diye aru utu khan ke mate jun tu etu prithibi te ketiya bhi thaka nai.
|
||||
\v 18 Abraham laga baccha hobo koikena tai eku akha thaka nai, kintu Abraham Isor ke bisas kuri kena akha rakhise. Aru eitu nimite tai bisi desh laga baba hoise, jeneka Isor pora tai ke koise, "Tumi laga khandan bisi hobo."
|
||||
\v 19 Abraham tai nijor laga gaw ke komjor pora muri ase koikena bhabi thaki se (kile koile tai laga umor tu ekso saal laga aas-pas te hoi jaise)- aru tai laga maiki Sarah tu ketiya bhi baccha nabukhibo koikena bhabi loise, kintu Abraham tu bisas te ketiya bi komjor kora nai.
|
||||
\v 20 Kintu Isor laga kosom nimite, Abraham ketiya bhi bisas te mon chutu kora nai. Ulta, tai nijor ke bisas te arubi takot korise aru Isor ke prashansa dise.
|
||||
\v 21 Abraham pora bisas kori loise Isor juntu tai ke kosom dise, eitu tai pai jaise.
|
||||
\v 22 Eitu karone Abraham tu Isor logote dharmikta ase koikena grohon kuri loise le.
|
||||
\v 23 Etiya tai ke grohon kuri loise eneka likhi kena thaka tu khali Abraham nimite nohoi.
|
||||
\v 24 Kintu amikhan nimite bi likha ase, amikhan nimite bhi ginti hobo, kilekoile amikhan bi bisas ase utu ekjon ke jun pora Jisu Khrista ke mora pora jinda uthai dise.
|
||||
\v 25 Jisu ke amikhan laga paap nimite taikhan laga haat te dise aru amikhan ke dharmik hobo nimite Tar ke mora pora jinda kori dise.
|
||||
\c 5
|
||||
\v 1 Eitu karne bisas pora amikhan dharmik hoija karne etiya Jisu Khrista duara Isor logot te amikhan shanti te ase.
|
||||
\v 2 Tar duara bisas te amikhan anugrah pai ase kote amikhan khara kuri ase, aru Isor mahima laga akha te amikhan khushi kuri ase.
|
||||
\v 3 Aru eitu uporte amikhan laga dukh kosto te bhi khushi kuri ase kile mane kosto pora dhojo ulaidi ase ineka jani ase.
|
||||
\v 4 Kintu aru dhorjo pora adat ulai aru adat pora akha ulai,
|
||||
\v 5 aru akha pora amikhan ke sorom nadibo kile mane Pobitro Aatma kun amikhan ke dikene ase Tar duara amikhan laga mon te Isor laga morom bhorta hoi ase.
|
||||
\v 6 Kelemane ketiya amikhan komjor thakise eitu thik somoite paapi manu khan nimite Khrista morise.
|
||||
\v 7 Kelemane dharmik manu ekjon nimite kunba moribole monjor kora manu pabole tan ase. Kintu ki jane bhal manu ekjon karne tu kunba moribole monjor thaki bo pare.
|
||||
\v 8 Kintu Isor he amikhan karne tai laga morom dikhai dise, kelemane ketia amikhan paappi thakisele, tetiya Khrista amikhan nimite morise.
|
||||
\v 9 aru eitu pora bhi, etiya tu, Tar laga khun pora amikhan dharmik hoi thaka nimite Tar pora he amikhanke Isor laga khong pora bhi bachai lobo.
|
||||
\v 10 Kelemane amikhan ketiya Isor laga dushman thakise tetiya Tar laga Putro muribole di kene Isor pora Tar logot amikhan mil milap kuridise, tetiya Tar logot mil milap kora nimite Tar laga jibon pora, arubhi besi poritran amikhan pabo.
|
||||
\v 11 Eitu he nohoi, Probhu Jisu Khrista duara amikhan Isor logot te khusi ase kelemane Jisu Khrista duara, Isor logot te amikhan etiya mil milap koriloise.
|
||||
\v 12 Eitu karne, kineka manu ekjon pora prithibi te paap anise, aru paap pora mora anise, etu nisna mora tu manukhan sob logo te ahhi jaise, kele mane sob pora paap korise.
|
||||
\v 13 Kelemane kanun nadia age te, paap tu prithibi te thakise, kintu kanun nathaka karne paap ke ginti koranai.
|
||||
\v 14 Hoilebi, mora tu Adam pora Moses tak raj korise, taikhan uporte bhi kun khan Adam pora kotha namana laga paap nisina kaam nakurile bhi, kun he ekjon ahibole thaka laga noksa asile.
|
||||
\p
|
||||
\v 15 Hoilebi tofa tu kanun birodh te ja nisina nohoi. Kilekoile, jodi, ekta manu pora birodh kora nimite bisi morise koile, Isor laga anugrah aru ekjon manu, Jisu Khrista laga anugrah duara, tofa juntu bisi uporte bisi pora dise!
|
||||
\v 16 Aru eitu utu ekjon paap kora nisena nohoi, khusi-hoikene-dia tofa eneka ase. Kilekoile, ekjon nimite galti-laga-phaisla hunaise, hoilebi tofa pora bisi galti kora pichete ekubi-galti-nai koikene phaisla hunaise.
|
||||
\v 17 Kilekoile jodi, ekta manu laga galti nimite sob uporte mora pora raj kure, taikhan eitu pora bi kiman dangor anugraha aru dharmikta laga inam pabo ekjon pora, kun Jisu Khrista ase.
|
||||
\v 18 Eitu karone kineka ekjon laga paap pora sob manu uporte sajai anise, etu nisina hei ekta dharmik kam para sob manu karne jibon aru dharmikta anise.
|
||||
\v 19 Kelemane ekjon kotha namana pora kineka bisi manu paapi manu hoise, etu nisna ekjon pora kotha maniloa pora bisi manu dharmik banai dise.
|
||||
\v 20 Kintu kanun tu paap bisi ulai dibole anise. Kintu kot-te paap bisi ulai ase, Isor laga kripa aru bhi bisi ulai ase.
|
||||
\v 21 Eitu khan hua karone tu, jineka paap para mora khan ke raaj kuri se, etu nisena anugrah bhi amikhan laga Probhu Jisu Khrista logote anondo jibon te raj kuribo.
|
||||
\c 6
|
||||
\v 1 Tetiya amikhan para ki kobo? Anugrah bisi ulabo nimite paapte hei thakibo naki?
|
||||
\v 2 Ketiya bhi eitu hobo nadibi. Amikhan kun paap te morijaise, kineka aru tate hei thakibo?
|
||||
\v 3 Amikhan kun Jisu Khrista logot te baptisma loise eitu khan sob Tar mora te bhi baptisma loise enika apunikhan pora najane naki?
|
||||
\v 4 Eitu karne, tetiya tu, mora te baptisma lua pora amikhan Tar logote mati bhitor te di dise. Tetiya Baba laga mahima pora keneka Khrista mora pora jinda hoise, teneka amikhan bhi notun jibon te thakibo lage.
|
||||
\v 5 Kelemane jodi Tar mora te amikhan bhi Tar logote ekta hoikene morise, tetiya Tai jinda utha te bhi Tai nisna amikhan bhi jinda hobo.
|
||||
\v 6 Amikhan eitu jani ase, paap laga gau tu khotom hobo nimite purana manu tu Tar logot crus te morise. Tetiya hoile hei amikhan paap laga sevak aru nahobo nimite.
|
||||
\v 7 Kelemane kun morise tai paap pora mukti paise aru tai dharmik hoise ineka koi.
|
||||
\v 8 Kintu amikhan Khrista logot jodi morise koile, Tar logot te amikhan bhi jinda thaki bo eneka bisas kori ase.
|
||||
\v 9 Amikhan jani ase Khrista ke mora pora uthai dia hoise, Tar aru bi namuribo; mora tu Tar uporte adhikar nathaka hoise.
|
||||
\v 10 Kelemane ki mora te Tar morise, eitu paap te ek bar te sob nimite hodai karne morise. Kintu ki jibon te Tar jinda hoikene ase eitu Isor te ase.
|
||||
\v 11 Eitu nisina hei, apuni bhi nijor pora paap te morise, kintu Jisu Khrista te Isor duara jinda ase eneka manilobo lage.
|
||||
\v 12 Eitu karne paap laga echha ki ase eitu manikene paap pora apuni moribole laga gaw te hukum chulabo nadibi.
|
||||
\v 13 Apuni laga gau te alag-alag bhag tu paap logot adharmik kaam koribo nimite hathiyar nisna nadibi. Kintu mora para jinda kora manu nisna apuni nijor pora Isor logote didibi aru apuni laga gaw bhag tu Tar haat te dharmik kam nimite hathiyar ekta nisna cholabole dibi.
|
||||
\v 14 Eitu nimite, paap ke apuni uporte hukum chola bole nadibi. Kelemane kanun para nahoi kintu anugrah pora thaki ase.
|
||||
\v 15 Tenehoile ki hobo? Amikhan kanun te nahoi kene anugrah te thaka karne aru paap tu kori thakibo naki? Ketiya bhi eneka hobo nadibi.
|
||||
\v 16 Apuni najane naki jodi kunba manu laga aigya manikene sewak hobole apuni nijor pora di dile, apuni kun laga kotha huni ase, apuni tai laga sewak nohoi? Eitu hosa ase, judi apuni paap laga sevak ase ki pora mora te loijai, nohoile kotha mani luwa laga sewak hoilebi juntu pora dharmik hobo le di ase, apuni kun laga aigya mani ase tai laga sewak ase.
|
||||
\v 17 Kintu Isor ke dhonyabad di ase! Kelemane ek bar paap laga sewak hoi thakise, kintu apunikhan etiya tu mon sob pora kotha mani loi kene ki bhal aigya shikhai dise tate thik thaki ase.
|
||||
\v 18 Aru paap pora mukti pa nisna thik dharmik laga sewakhan ase.
|
||||
\v 19 Moi manu hisab te he khota koi ase kelemane apuni khan bujibole komjur ase. Kelemane kineka apuni nijor pora khusi aru kanun namana laga sewak hoikene thakise, arubi bisi bia hoi thakise, thik eitu nisna etiya apuni laga gaw alag-alag bhag tu dharmik hobole dibi, eitu pora aru bhi bisi pobitro hoijabo.
|
||||
\v 20 Ketiya apunikhan paap laga sewak thakise dharmikta logot te apuni eku thaka nai.
|
||||
\v 21 Kintu eitu somoi te, apunikhan pora ki phol paise eitu khan saman nimite etiya tu apuni khan sorom kori ase? Kelemane eitu khan jinis pora tu khali mora he ani diye.
|
||||
\v 22 Kin tu etiya tu apunikhan paap pora mukti paise aru Isor laga sewak hoi jaise, eitu laga phol tu hoile bisi pobitro hoijabole ase aru eitu pora ananta jibon pabo.
|
||||
\v 23 Kelemane paap laga daam tu mora ase, kintu Isor pora diya tofa tu hoile Probhu Jisu Khrista te ananta jibon ase.
|
||||
\c 7
|
||||
\v 1 Nohoile bhai khan, apuni khan pora najane naki (kelemane kun kanun jani kene ase taikhan logote moi koi ase), kanun pora manu ekjon jinda thaka somoi tak tai ke bandi kene thake?
|
||||
\v 2 Kelemane, ekta saddi kurikena thaka maiki tu tai laga mota laga kanun hisab te thake jinda thaka tak, kintu jodi tai laga mota mori jai, tai saddi kori kene thaka kanun pora ajad hoi jai.
|
||||
\v 3 Thik eitu nisina, jodi tai mota jinda thaki kene, dusra ekjon logot thaki le tai ke beyobechari eneka kobo. Kintu jodi tailaga mota morijai, tai kanun pora ajad pai aru jodi tai dusra mota logot saddi korilebi tai beyobechari nahoi.
|
||||
\v 4 Eitu nisna, moi laga bhai khan, etiya apuni khan dusra ekjon kun mora pora jinda uthise, tai laga hobo nimite Khrista laga gaw pora apuni khan bhi kanun te mori jaise. Eitu hoa pora amikhan ke ekjon-dusrajon logote milai kene, itu ase, Tar logot kun mora pora jinda hoise, Isor nimite phol dhoribo nimite ase.
|
||||
\v 5 Kelemane ketiya amikhan gaw mangso te thakise, kanun pora amikhan paap laga echha tu uthaidi kene, amikhan laga gaw alag-alag bhag te kam kori thakise aru eitu pora mora laga phol dhuri thakise.
|
||||
\v 6 Kintu ki pora amikhan ke dhuri kene bandhi thakise amikhan eitu kanun pora etiya mukti paise. Eitu nimite likhi thaka purana kanun pora nahoi, kintu Aatma laga notun jibon te amikhan seva kori bo nimite.
|
||||
\v 7 Tinehoile etiya amikhan pora ki kobo? Kanun tu paap ase naki? Ketiabi ineka nohobi. Hoilebi, jodi etu kanun para nohoile moi paap tu najanibole thakise. Kilemane, kanun pora "apuni lalos nakuribo" ineka likhi nai koile, moi lalos kura ki ase najani bole ase.
|
||||
\v 8 Kintu paap pora hukum kotha ki ase eitu loikene moike bisi lalos kuribole dise. Kelemane, kanun nathakile, paap nijor tu mori kene he ase.
|
||||
\v 9 Moi kanun nathaka age te ekbar tu jinda thakise, kintu ketiya hukum ahise, paap tu arubi jinda hoise,
|
||||
\v 10 aru moi mori se. Juntu hukom hisab te jibon anibole kotha thaki sele, utu tu ulta mora hei anise moi nimite.
|
||||
\v 11 Kelemane paap pora eitu hukum tu loikene moike thokai se. Aru hokom duara aru moi ke morai dise.
|
||||
\v 12 Eitu karne kanun tu pobitro ase, aru hukum tu pobitro ase, aru dharmik aru bhal ase.
|
||||
\v 13 Tinehoile ki bhal ase eitu pora moike mora ani dise naki? Ineka hobo nadibi. Kintu eitu paap pora, ki bhal ase eitu loikene moike muri bole di thakise. Tetiya hoile he paap tu paap ase ineka janibo, aru paap tu bisi bia ase ineka hukum pora dikhai dibo nimite thakise.
|
||||
\v 14 Kelemane kanun tu amikhan laga atma nimite ase eneka jani ase, kintu moi paap logote bikiri korikene gaw mongso laga ase.
|
||||
\v 15 Nijor pora ki kaam kure, moi bujibo napare. Kelemane moi ki echha ase, eitu moi nakure. Kintu ki moi ghin kure, eitu he moi kuri thake.
|
||||
\v 16 Jodi moi ki mon nai eitu he kori thake, tetiya kanun tu bhal ase ineka moi nijor pora maniloi ase.
|
||||
\v 17 Eitu karne ki kori ase eitu etiya moi nahoi, kintu moi logote thaka paap ase.
|
||||
\v 18 Kelemane moi laga gaw mangso logot te thaka tu bhal eku nai, eitu moi jani ase. Kelemane ki hosa ase etu koribole moi echa ase kintu etu korilobole takot he nai.
|
||||
\v 19 Kile mane bhal kaam ki moi koribole echha ase, eitu nakore, kintu ki paap moi koribole mon nai, eitu he moi kuri thake.
|
||||
\v 20 Etiya jodi moi kori bole mon nathaka kori ase etiya eitu moi kora nahoi, kintu moi logot te thaka paap pora he kori ase.
|
||||
\v 21 Eitu hoile, moi buji pai ase, moi bhal kaam kori bole echha ase, kintu utu paap moi logote ase.
|
||||
\v 22 Kelemane moi laga mon bhitor te thaka manu para Isor laga kanun te khusi pai.
|
||||
\v 23 Kintu dusra kanun ekta pora moi laga gaw laga alag-alag bhag te ase. Eitu pora moi laga bhabana logote lorai kuri ase. Moi laga gaw laga bhag te thaka paap laga kanun pora moi ke bandi kene rakhe.
|
||||
\v 24 Moi kiman dukh manu ase! Kun pora moi ke eitu moribole laga gaw pora bachai dibo?
|
||||
\v 25 Kintu Probhu Jisu Khrista duara Isor ke dhonyabad dia se! Eitu karne, etiya moi nijor mon pora Isor ke seva kori ase. Kintu, moi laga gaw mangso te paap laga kanun cholai ase.
|
||||
\c 8
|
||||
\v 1 Eitu karne etiya kun Jisu Khrista te ase taikhan karne ninda kora eku nai.
|
||||
\v 2 Kelemane Jisu Khrista duara jibon dia laga kanun pora apuni khan ke paap aru mora laga kanun para mukti dise.
|
||||
\v 3 Kelemane komjur te ki kanun kori bole para nai, eitu Isor para kurise. Tar nijor Putro ke paap nimite boli kuribole, pura paap laga gau mangso nisna hoikene pathaise, aru etiya Tar pora paap aru gau mangso ke ninda koridise.
|
||||
\v 4 Tetiya hei kanun pora ki dorkar ase, eitu amikhan logote pura hobo, amikhan kun gau mangso te naberai, kintu Aatma te ase.
|
||||
\v 5 Kelemane kun gau mangso hisab te hei thaki ase taikhan gau mangso laga jinis te hei mon rakhi ase, kintu kun para Aatma hisab te thaki ase taikhan laga mon bhi Aatma laga jinis te he rakhi ase.
|
||||
\v 6 Gau mangso te mon rakha tu mora ase, kintu Aatma te mon rakha tu jibon aru shanti ase.
|
||||
\v 7 Kelemane gau mangso te mon rakha tu Isor logot te dushman ase, eitu Isor laga kanun te nathake, kelemane eitu thakibo napare.
|
||||
\v 8 Kintu kun gaw mangso te ase taikhan pora Isor ke kushi kori dibo napare.
|
||||
\v 9 Hoilebi, ineka hoile bhi jodi Isor laga Aatma apunikhan logot thaki ase, tetiya apuni khan gaw mangso te nahoi, kintu Aatma te ase. Kintu jodi kunba logot Khrista laga Aatma nai, tetiya tai Khrista laga nohoi.
|
||||
\v 10 Kintu jodi Khrista apuni logot te thake, paap nimite gau mangso tu mori thaki le bhi, dharmikta nimite aatma tu jinda thaki ase.
|
||||
\v 11 Jodi Jisu ke jinda uthai diya Aatma tu apuni logot thaki ase, tetiya kun para Jisu Khrista mora pora jinda uthai dise, Tai pora apuni mori bole laga gau te bhi apuni logot te thaka Aatma para jibon dibo.
|
||||
\v 12 Eitu karne, bhaikhan, gaw mangso laga echha hisab te thaki bole amikhan eitu laga dhaar lua manu nahoi.
|
||||
\v 13 Kile mane jodi apuni gaw mangso hisab te thaki ase koile, apuni moribole ase, kintu jodi Aatma hisab te thaki ase, tetiya gaw mangso laga kam sob morai di ase aru apuni jinda thakibo.
|
||||
\v 14 Kelemane kun Isor laga Aatma pora cholai ase, taikhan sob Isor laga baccha khan ase.
|
||||
\v 15 Kelemane apunikhan bhoi te giri jabole sewak laga atma lua nai; kintu apuni khan putro hobole tuloniya bacha laga Aatma loise, kun duara amikhan para "Abba Baba!" koi ase.
|
||||
\v 16 Aatma nijor pora he amikhan laga atma logot Isor laga baccha khan ase ineka sakhi di ase.
|
||||
\v 17 Aru jodi amikhan baccha ase, tinehoile amikhan laga bi hissa ase, Isor logot hissa. Aru amikhan milikena Khrista logote hissa ase, amikhan Tar logote dukh pai ineka hoile, amikhan bi Tar laga mahima laga hissa hobo.
|
||||
\v 18 Kelemane amikhan ke dibole thaka mahima tu etiya thaka kosto logote tulona kuribole eku nai.
|
||||
\v 19 Kelemane sob sristi khan tu Isor laga baccha dikhibo laga tu ekdom rukhibo napara hoise.
|
||||
\v 20 Sob sristi tu misa misi thakibo dia nisna he hoise, taikhan laga khusi pora nahoi, kun he thakibo dia pora ase, ekta akha karne.
|
||||
\v 21 Tetiya sristi kora saman khan bhi puchija te bhandi thaka para khulikene Isor laga bacha khan laga mahima te mukti pabo.
|
||||
\v 22 Kelemane sristi kora saman sob eki logot te baccha jonom dibole dukh nisna etiya tak bikhai ase.
|
||||
\v 23 Aru sristi kura khan he nohoi, kintu amikhan kun Aatma laga suru phol hoi jaise- amikhan nijor bhi lora soali khan hobole paliloa bhikha ruki thaka bacha ketiya hobo etu karne bisi eccha hoikene dukh te ruki ase, eitu amikhan laga gau mangso pora mukti pabo nimite.
|
||||
\v 24 Kelemane eitu akha te hei amikhan ke bachai loise. Etia akha ki dikibo pare eitu tu akha nahoi. Kelemane ki dikhi ase ta te kun pora akha koribo?
|
||||
\v 25 Kintu jodi amikhan para ki nadike eitu karne akha korile, etu karne amikhan para dhorjo ruki koritake.
|
||||
\p
|
||||
\v 26 Kintu etu nisna he, Aatma pora amikhan komjurte modot kore. Kelemane ki nimite prathana koribo etu amikhan pora tu najane, kintu Aatma nijor pora kobo napara kotha pora Isor usorte amikhan karne mangi di thake.
|
||||
\v 27 Kintu kun pora mon bisari ase tai pora hei Aatma laga mon bhi jani ase, kelemane Aatma pora pobitro manu khan nimite Isor echha thik te anurodh kuri ase.
|
||||
\v 28 Aru kun pora Isor ke morom kure, kun Tai laga udesh kaam ekta te mati kene ase, eitu khan nimite sob saman tu bhal ekta ulabo nimite hei hoi ase, enika amikhan para jani ase.
|
||||
\v 29 Kelemane age pora kun Tar jani thakise, Tar chokora nisna hobole bachi loise, taikhan ke mati loise tetiya bhai khan sob majot te tai he suru phol hobo.
|
||||
\v 30 Aru kun ke bachi loise, taikhan ke mati loise aru kun mati loise taikhan ke pobitro kori dise. Aru kun ke pobitro kori dise, mahima bhi kuridise.
|
||||
\v 31 Tinehoile eitu saman sob nimite amikhan para ki kobo? Jodi Isor tu amikhan phale ase, kun pora amikhan ke jitibo?
|
||||
\v 32 Tai nijor bhacha ke bhi nachari kene ami khan sob karne bolidan dibole nimite phatai se, tinehoile tailaga sob saman amikhan nimite dam natirai kena nadibo?
|
||||
\v 33 Jun manu Isor para bachiloa manu ke ninda kuribole paribo? Isor hai taikhan ke bichar kuribo.
|
||||
\v 34 Kun para doshi dibo paribo? Jisu Khrista ase muri jatu- hoilebi eitu porabi dangor tu, mura para jinda hui kena- Isor laga daina te thaki kena, amikhan laga bodli sob bichar kora bi tai ase.
|
||||
\v 35 Kun he Khrista laga morom para amikhan ke alag koribo pare? Dhukhan para naki, nahoile kosto, na bhuk, na dukhia, na maribole bhoi naakal, nahoile taruwal?
|
||||
\v 36 Enika likha thaka nisna,
|
||||
\q "Apuni khan nimite amikhan hodai din somoi sob te morai ase.
|
||||
\q Bhera katibole loija nisna he amikhan ke loijai ase."
|
||||
\m
|
||||
\v 37 Kintu eitu jinis sob te kun pora amikhan ke morom kore Tar duara amikhan jiti ase.
|
||||
\v 38 Kelemane moi thik jani ase mora hoilebi jinda hoilebhi, sorgo dut hoilebhi, neta hoilebhi, etiya thaka jinis khan hoilebhi, aahi thaka jenis khan hoilebhi, shakti holebhi,
|
||||
\v 39 untcha holebhi, niche hoilebhi, sristi kora sob te, eku pora bhi Jisu Khrista te Isor laga morom para amikhan ke alag koribo naparibo.
|
||||
\c 9
|
||||
\v 1 Moi Khrista te hosa kotha koi ase. Moi misa nakoi; Pobitro Aatma te moilaga andar te thaka aatma pora moi ke sakhi di ase,
|
||||
\v 2 narukhi kene moilaga mon te hodai dukh aru kosto bukhi ase.
|
||||
\v 3 Kelemane mangso phale moilaga bhai khan nimite moi nijor ke shrap hoikene, Krista pora alag kuri dile bhi eitu tu moi laga eecha ase.
|
||||
\v 4 Taikhan Israel manu ase. Taikhan pali-lua baccha ase, aru mohima, kosom pora dia kanun, aru kanun laga inam, aru Isor ke aradhana kura, aru kosom sob taikhan logote he ase.
|
||||
\v 5 Taikhan pora hei amikhan baba khandan khan ase, aru mangso hisab te hoile, taikhan laga khandan pora hei- Khrista ahise, jun sob upor Tar hei Isor ase. Hodai karne Tar ke aradhana hobo dibi. Amen.
|
||||
\v 6 Kintu eitu Isor laga kosom tu harai se nohoi. Kele mane Israel pora aha khan sob tu Israel jati pora aha nohoi.
|
||||
\v 7 Aru sob tu Abhraham laga asol baccha khan nohoi. Kintu "Isaac duara tumi laga khandan laga naam hobo."
|
||||
\v 8 Itu matlab tu, gaw mangso te thaka khan Isor laga baccha nohoi. Hoilebi jun baccha Isor laga kosom pora jonom hoise taikhan hei Isor laga baccha ase.
|
||||
\v 9 Kelemane kosom te ineka koikena ase: "Ineka somoi aha sal te, moi gurai kena ahibo, aru ekta baccha Sarah ke dibo."
|
||||
\v 10 Khali eitu hei nahoi, kintu ketiya amikhan khandan baba Isak pora Rebekah bhi bacha khan jonom dise-
|
||||
\v 11 tai khan jonom nohoikene thaki lebi aru bia bhal eku nakora age te, eitu hoile hei Isor pora bachi lua hisab te aru Tar laga echha he hobo karne,
|
||||
\v 12 kam hisab te nohoi, kintu Tar nimite jun mati ase - taike koise, "Dangor para chutu ke seva kuribo."
|
||||
\v 13 Likha thaka nisna: "Jakob ke moi morom korise, kintu Esau ke moi ghin korise."
|
||||
\v 14 Tinehoile amikhan para ki kobo? Isor logote adharmik ase naki? Ketia bi ineka nohoi.
|
||||
\v 15 Kelemane Tar pora Moses ke koise, "Moi daya kora khan uporte daya koribo aru morom kora khan ke morom koribo."
|
||||
\v 16 Eitu karne, manu khan laga echha nahoile kosis kora pora nohoi, kintu Isor kun logote daya ase Tar echha he ase
|
||||
\v 17 Kelemane pobitro kitab pora Pharaoh ke koise, "Eitu nimite he moi tumike uthai dise, tetiya tumikhan uporte moilaga shakti dikhai dibo, aru ineka moilaga nam prithibi sob jaga te janai dibo."
|
||||
\v 18 Eitu karne, kun logote Isor pora daya kori bole echha ase daya kore, aru Tar echha te mon taan koribole diye.
|
||||
\v 19 Tetiya apunikhan pora moike hudibo, "Kile etiya bhi Tar pora golti pai ase? Kele mane kun pora Tar echha rukhabo paribo?"
|
||||
\v 20 Kintu, hei manu, Isor pora echha kora kam te alag jowab dibole manu tumi kun ase? Ki bonai kene ase eitu saman pora bana manuke, "Apuni kile moike ineka banaise enika kobo pare naki?"
|
||||
\v 21 Kumar ekjon pora ki kolshi banabo eccha ase, eitu bonabo nimite mati upor te tar adikhar nohoi? Aru eki mati pora kolshi ekta sonman nimite aru dusra ekta mamuli te cholabo nimite banabole tar adhikar ase nohoi?
|
||||
\v 22 Kintu, jodi Isor he Tar laga khong dikhabole aru Tar laga shakti janai dibole nimite, kolsi kun nosto kori bole bonaise, eitu ke dorjo korikene rukhibole Tar echha ase koile?
|
||||
\v 23 Judi Tar pora itu kora Tar laga dhun thaka mahima daya thaka kolsi khan uporte ase dikhabole, kun tu Tar age pora mahima nimite bonaise?
|
||||
\v 24 Aru ki jodi Tar pora amikhan nimite eitu kurise, kun Tar pora mati loise, khali Yehudi khan majot nohoi kene, amikhan dusra jat majot pora bhi?
|
||||
\v 25 Hosea kitab te Tar pora koi ase:
|
||||
\q "Kun moi laga jati thakanai, moi taikhan ke moilaga manukhan ineka matibo,
|
||||
\q Aru kun agete morom napai kene thakise, taike morom kora khan ineka matibo.
|
||||
\q
|
||||
\v 26 Aru eki jaga te ineka bhi ase, 'Tumikhan moilaga manu nahoi,'
|
||||
\q Tetiya he taikhan ke, "jinda Isor laga bacha khan enika matibo.'"
|
||||
\m
|
||||
\v 27 Aru Israel nimite Isaiah jur pora awaz chilai kene koi ase,
|
||||
\q "Israel bachakhan samundor laga balu nisna besi thakile bhi,
|
||||
\q khali bachi kene thaka olop tu he bachabo,
|
||||
\q
|
||||
\v 28 Kelemane Probhu pora prithibi uporte Tar laga kotha deri nahoi kene joldi kam kori lobo."
|
||||
\q
|
||||
\v 29 Aru Isaiah para koi thaka nisna,
|
||||
\q "Jodi sorgo Probhu pora amikhan nimite khandan rakhi diya nai koile,
|
||||
\q amikhan bhi Sodom aru Gomorrah nisna he hobo ase le."
|
||||
\p
|
||||
\v 30 Tinehoile, etiya amikhan para ki kobo? Dharmikta jun tu bisas pora pai, eitu dusra jat, kun pora dharmikta hobole bisara nai, taikhan para hei paise naki?
|
||||
\v 31 Kintu Israel, kun he kanun pora dharmikta hobole bisarise, taikhan pora kanun puncha nai naki?
|
||||
\v 32 Kele hoa nai? Kelemane taikhan pora eitu bisas pora bisara nai, kintu kam kora pora he pabo ineka bhabise. Taikhan theng lagija pathor te lagi jaise,
|
||||
\v 33 ineka likha thaka nisena,
|
||||
\q "Sabi, Moi Zion te thokor kha pathor ekta rakhi di ase; aru kun para Tarke bisas kore,
|
||||
\q Taikhan ketiya bi sorom nahobo."
|
||||
\c 10
|
||||
\v 1 Bhai khan, moilaga mon te echha aru taikhan nimite Isor usorte prathana kora tu taikhan poritron pabo nimite ase.
|
||||
\v 2 Isor nimite taikhan mon pura dithaka tu moi bhi sakhi di ase kintu thik budhi pora kora nai.
|
||||
\v 3 Kelemane, taikhan pora Isor laga dharmikta tu najane, aru taikhan nijor laga dharmikta bona bole kosis korise. Taikhan pora Isor laga dharmikta te nijor jibon dia nai.
|
||||
\v 4 Kelemane kun he bisas kore taikhan laga dharmikta nimite Khrista hei kanun ke pura korise.
|
||||
\v 5 Kelemane Moses pora likhi se dharmikta tu kanun pora hei ahe: "Kun manu kanun koa tu kori ase eitu pora jinda thakibo."
|
||||
\v 6 Kintu bisas pora aha laga dharmikta pora eitu koi ase, "Tumi laga mon te eneka nakobi, 'Kun sorgote uthi jabo?' (eitu ase, Khrista ke nami anibo karne);
|
||||
\v 7 aru nohoile ineka nokobi, 'Kun abyss te nami bo?'" (eitu ase, Khrista mora pora jinda uthai kene ani bole).
|
||||
\v 8 Kintu eitu pora ki koi ase? "Kotha tu apuni usorte hei ase." Eitu bisas laga kotha ase, jun tu amikhan pora janai di ase.
|
||||
\v 9 Kelemane, jodi apuni laga mukh pora Jisu ke Probhu eneka shikar korile, aru apuni laga mon te Isor pora Tar mora pora jinda uthai dise eneka bisas korile, apuni poritran pabo.
|
||||
\v 10 Kelemane mon te bisas kora pora ekjon dharmik hoijai, aru mukh pora shikar korile poritran pai loi.
|
||||
\v 11 Kelemane pobitro kitab te enika koi ase, "Kun pora taike bisas kore, taikhan kun ke bhi sorom nadibo."
|
||||
\v 12 Kelemane Yehudi khan aru Greek majote eku alag nai. Kelemane eki Probhu tu sob laga Probhu ase, aru kun pora taike mate, taikhan sob ke tailaga dhun di ase.
|
||||
\v 13 Kelemane kun pora Probhu laga nam te mati ase tai khan sob poritran pabo.
|
||||
\v 14 Kintu taikhan pora bisas nakora ekjon ke kineka matibo? Aru ketiya bhi nahuna ekjon ke taikhan kineka bisas koribo? Aru kunba pora prochar nakurile taikhan pora kineka hunibo?
|
||||
\v 15 Aru kunba pora taikhan ke napathai le, keneka prochar koribo? - Likha thaka nisna , "Bhal khobor prochar kora khan laga theng kiman bhi sundor ase!"
|
||||
\v 16 Kintu taikhan sob pora tu susamachar laga kotha mana nai. Kelemane Isaiah koi ase, "Probhu, amikhan pora hunikene kun para bisas kurise?"
|
||||
\v 17 Eitu karne huna pora hei bisas ahhe, aru Khrista laga kotha prochar kora pora huni loi ase.
|
||||
\v 18 Kintu moi hudi ase, "Taikhan pora huna nai naki?" Hoi, hosa taikhan pora hunise. "Prithibi sob jaga te tai khan laga awaj jai jaise aru taikhan laga kotha pora prithibi hekh tak pungchi se."
|
||||
\v 19 Kintu moi hudi ase, "Israel pora buja nai naki?" Moses pora suru te koise, "Moi pora jati nathaka khan ke soku jolabo le dibo. Nabuja jati laga desh pora tumikhan ke khong uthibole dibo. "
|
||||
\v 20 Tetiya Isaiah mon dangor hoikene ineka koise, "kun pora bisara nai taikhan pora moike pai loise. Kun pora huda nai taikhan logote moi nijor dikai dise."
|
||||
\v 21 Kintu Israel laga ineka koi ase, "Pura din Ami kotha namana aru jagra kora manukhan logote haat uthai kene thakise."
|
||||
\c 11
|
||||
\p
|
||||
\v 1 Moi koi ase tetiya, Isor pora Tar nijor manu khan ke ninda korise naki? Ketiya bhi nahoi. Kelemane moi nijor bhi Israel manu ekjon, Abraham laga khandan aru Benjamin laga jati te ekjon ase.
|
||||
\v 2 Isor pora Tar nijor manu kun age pora janikene thakise taikhan ke ninda kora nai. Apunikhan pora pobitro kitab te Elijah nimite ki koi ase eitu najane naki, Israel birodh te tai pora Isor logote kineka anurodh korise?
|
||||
\v 3 "Probhu, taikhan pora apuni laga prophets khan ke morai dise, taikhan apuni laga girja laga saman rakha khan bhangai dise. Moi ekla he bachi jaise, aru etiya taikhan moike morai dibole bisari ase."
|
||||
\v 4 Kintu Isor taike ki jowab dise? ''Ami nijor nimite sath hazar manu rakhi kena ase jun manu Baal ke puja kora nai."
|
||||
\v 5 Itiya bi ineka he ase, Itiya laga somoi te bi bisi komti manu ke hi chunise Isor laga kripa pora.
|
||||
\v 6 Hoilebi jodi eitu asis pora hoi, tinehoile eitu tu tai laga kaam pora nahoi. Nohoile kripa tu kripa nahoi jabo.
|
||||
\v 7 Tinehoile ki ase? Israel laga manukhan ki bisarise, eitu panai, hoilebi Isor pora chuni lua manu khan paise, aru dusra manu khan tu mon tan thakise.
|
||||
\v 8 Pobitro kitab te likha nisna: ''Isor pora taekhan ke okora dimak laga atma dise, suku dise nadikhibo nimite aru kan dise nahunibo nimite, eitu din tak."
|
||||
\v 9 Aru David koise, ''Tai khan laga table tu jhali hoi jabi aru phang hoi jabi, aru taikhan phasibo aru sajaipabo.
|
||||
\v 10 Taikhan laga suku andhar huijabo tinihoile taikhan eku sabo naparibo, aru hodai tai khan laga komor niche korikena thakibo.''
|
||||
\p
|
||||
\v 11 Eitu karne moi hudi ase, "Taikhan giri jabole theng te thokor lagise naki?" Ketiabi ineka nahoi. Kintu taikhan paapi hua karne poritran tu dusra jat khan logot te ahi ase, tetiya Israel khan soku jolibo.
|
||||
\v 12 Etiya taikhan paapi hua matlab prithibi dhuni ase aru taikhan pora napara matlab dusra jat khan dhuni ase, tetiya taikhan sob pura aha din te kiman bhi bisi dhuni hobo?
|
||||
\v 13 Etiya dusra jat khan, moi apuni khan ke koi ase, jetiya tak moi dusra jat nimite apostle kaam kuri bole dise, eneka moi laga kaam te phutani kori ase.
|
||||
\v 14 Tetiya ji hoile bhi moi nijor gaw mangso laga manu Yehudi khan ke suku julibole dibo. Tetiya taikhan mojot te kunba tu bachai lobo pare.
|
||||
\v 15 Kelemane taikhan ke chari dia matlab prithibi logot milmilab hoile, tetiya taikhan pora mani lua tu mora pora jibon pa nahoi?
|
||||
\v 16 Kintu jodi suru phol tu pobitro ase, tinehoile eitu nimite dia maida bi pobitro ase. Aru jodi ghas laga shikor tu pobitro ase, tinehoile daal sob tu pobitro ase.
|
||||
\v 17 Kintu jodi kunba daal bhangi jaise koile, aru jodi apuni, kun notun daal ulai thaka jungol laga olive ghas hoile bhi, kolom kori kene dusra majot te bandhi dia aru olive ghas laga shikor pora pani loikene dangor huwa nisna ase,
|
||||
\v 18 dusra daal usorte phutani nakuribi. Kintu jodi apuni ineka hoile yaad kuribi shikor ke madot dia tu apuni nohoi, kintu shikor pora hei apunike madot di ase.
|
||||
\v 19 Tetiya apuni kobo, "Daal kunba bhangi ja tu moike kolom korilobole thaki se."
|
||||
\v 20 Eitu thik ase taikhan laga abisas pora taikhan bhangi jaise, kintu bisas para apunikhan mozbud te khara kuri di ase. Itu karne phutani nokoribi, kintu bhoi koribi.
|
||||
\v 21 Kelemane jodi Isor para asol ghas laga daal nabachai le, apuni ke bhi nabachabo.
|
||||
\v 22 Etu karne, tetiya, Isor laga daya kam tu jani lobi: bisi dangor dukh Yehudi khan uporte girise, kintu Isor laga daya apuni khan nimite hoise, jodi apuni khan Tar laga daya hisab te thaki le. Nohoile apuni khan ke kati phelai dibo.
|
||||
\v 23 Aru taikhan hoile bhi, jodi taikhan laga obiswas nathakile, kolom kuri loi lobo, kelemane taikhan aru bhi kolom kuri loi lobole Isor logot takot ase.
|
||||
\v 24 Kelemane jodi apunikhan, ene bhi jungol laga oliv ghas pora kati loise, aru nyiom thik te nahoi kene pali thaka oliv ghas te kolom kuri loise, tetiya asol daal tu anikene tai laga ghas te kolom kuri loi le aru bhi kiman bisi bhal hobo?
|
||||
\p
|
||||
\v 25 Kelemane bhaikhan, apuni nijor ke bisi phutani nakuribo nimite, agete najani kene thaka hosa kotha eitu moi apunikhan ke janai dibo le mon ase dusra jati khan kiman bachi kene ase, taikhan pura naha tak, olop somoi nimite Israel manu mon tan hoijabole dise.
|
||||
\v 26 Likha thaka nisna he, Israel manu khan sob ineka bachai lobo:
|
||||
\q "Zion para Udhar Korta ahibo.
|
||||
\q Tai he Jakob pora Isor najana khan logote paap khan hatai dibo,
|
||||
\q
|
||||
\v 27 Aru taikhan laga paap moi ketiya hatai dibo, taikhan logot te kosom eitu hobo."
|
||||
\m
|
||||
\v 28 Susamachar hisap te hoile, apunikhan taikhan Isor laga dushman ase. Kintu bachi lua hisab te hoile, taikhan laga babakhan nimite morom dise.
|
||||
\v 29 Kelemane Isor pora tofa dia aru Tar pora mata tu ketiya bhi bodla-bodli koribo napare.
|
||||
\v 30 Kineka apunikhan dusra jat ek bar Isor kotha namana khan thakise, kintu etiya taikhan Yehudi khan Isor kotha namana para apuni dusra jat khan daya paise,
|
||||
\v 31 eitu nisna, taikhan bhi etiya kotha namana tu apunikhan logote ki daya dise taikhan etiya daya pabo nimite ase.
|
||||
\v 32 Kelemane Isor pora manu sob ke kotha namana dikene rakhi dise, tetiya Tar laga daya tu sob manu pora pabo.
|
||||
\p
|
||||
\v 33 Oh, Isor laga budhi, aru gyan kiman bhi dhun aru bisi ase! Tar pora manu khan bichar kora aru Tar laga bira rasta kun pora bujibo!
|
||||
\q
|
||||
\v 34 "Kelemane Probhu laga mon te ki ase eitu kun he janibo, nohoile taike budhi dibole kun ase?
|
||||
\q
|
||||
\v 35 Nohoile kun pora poila Isor ke kiba dise,
|
||||
\q Jun ke Isor pora wapas tirabole lagibo?"
|
||||
\p
|
||||
\v 36 Kelemane sob bostu tai pora ahise, Tar duara hoise aru Tar karne hei ase. Tar nam mahima hodai hobi. Amen.
|
||||
\c 12
|
||||
\p
|
||||
\v 1 Eitu karne, bhaikhan, apuni laga nijor gaw tu jinda thaka bolidaan nisna dibole Isor laga daya te apunikhan ke anurodh korikene janai ase, pobitro korikene Isor usorte lobole pora kun tu apuni atma te aradhana kori ase.
|
||||
\v 2 Eitu prithibi laga echha te monjur nakoribi, kintu poribortan pora mon notun banai lobi. Ineka hoile, apuni nijor pora Isor laga echha tu ki ase, ki bhal ase, aru ki thik ase eitu jani lobo.
|
||||
\p
|
||||
\v 3 Eitu nimite moi koi ase, kelemane moi ke anugrah dise, eitu pora sob logote koi ase, apunikhan majot te kun manu pora bhi nijor tu ki ase eitu pora dangor bhabana nakori bhi, kintu nomro hoikene nijor ke kiman bisas Isor pora dikene hisab te bichar kori thaki bhi.
|
||||
\v 4 Kelemane kineka ekta gaw te alag-alag besi bhag ase, aru bhag sob pora eki kaam nakore,
|
||||
\v 5 eitu nisna amikhan besi hoile bhi, Khrista te ekta gaw he ase, aru sob manu ekjon-ekjon laga bhag he ase.
|
||||
\v 6 Kintu alag-alag vardhan anugrah duara amikhan ke dia nisna, amikhan pora etu cholabo lage ase. Jodi ekjon ke prophecy laga vardan dise, tai laga biswas hisap te cholabole dibi.
|
||||
\v 7 Jodi seva kora ase, seva kora kam te cholabi, kun ke sikhai dia laga vardan ase tai pora sikha kam te cholabi.
|
||||
\v 8 Jodi kunba laga vardan tu manu khan laga mon uthai dia laga ase, tinehoile taike mon uthai di thakibo dibi. Jodi kunba laga vardan tu di thaka laga ase, taike di thakibo dibi. Jodi kun ba laga vardan tu cholaunta laga ase, taike hosiar pora kuribo dibi. Jodi kunba laga vardan tu daya dikhai dia laga ase, taike khusi pora kuribo dibi.
|
||||
\p
|
||||
\v 9 Morom tu misa hobo nadibi. Ki bia ase eitu ke ghin kuribi; ki bhal ase eitu ke dhuri bi.
|
||||
\v 10 Ekjon pora ekjon ke bhai khan nisna morom kuri bi. Ekjon pora ekjon ke besi sonman kuribi.
|
||||
\v 11 Mon echha laga kam te alsi nakoribi, atma te mozbud thakibi, aru Probhu ke seva koribi.
|
||||
\v 12 Akha te anondho kuribi, dukh te dhorjo koribi, aru prathana te hodai thakibi.
|
||||
\v 13 Pobitro manukhan karne dhon jomakori dibi aru modot koribole bisaribi.
|
||||
\v 14 Kun pora dukh di ase taikhan nimite asirbad dibi; kun pora shrap di ase, taikhan ke ashirbad he dibi.
|
||||
\v 15 Kun manu kushi hoi kene ase, taikhan logote kushi koribi, kanda khan logote kandibi.
|
||||
\v 16 Ekjon pora ekjon logote mil milap kori thakibi. Phutani nakuribi, kintu nomro khan logote mili thakibi. Ketiya bhi bisi jana nisna phutani nakoribi.
|
||||
\v 17 Kun kebhi bia budli bia nadibi, kintu sob manu agete ki sonman ase etu he kori bole bhabana koribi.
|
||||
\v 18 Jodi parile apuni laga takot hisab te sob logote shanti te thakibi.
|
||||
\v 19 Bhaikhan, kun ke bi beya bobli beya naghurabi, kintu Isor laga khong nimite chari dibi. Kelemane ineka likha " 'Bodli ghurai dia moilaga ase; moi guraidibo,' ineka Probhu he koi ase."
|
||||
\v 20 "Jodi apuni laga dushman bhuk lagi ase, khabole dibi. Jodi tai piyas lagi ase, taike pani khabole dibi. Kelemane ineka kora pora apuni tailaga matha te jui julai dia nisna ase."
|
||||
\m
|
||||
\v 21 Biya pora jitibole nadibi, kintu bhal pora he biya ke jiti lobi.
|
||||
\c 13
|
||||
\p
|
||||
\v 1 Sorkar laga adhikar manuh khan kotha sob manu pora mani bi, kelemane Isor pora na dile mane adhikar manu kun bhi nathakibo. Taikhan sob ke Isor pora he sthapon kora ase.
|
||||
\v 2 Eitu karone kun pora adhikar manuh khan kotha na loi; aru kotha namana khan tu nijor uporte bichar hoikene sajai anibo.
|
||||
\v 3 Kelemane bhal kora khan nimite adhikar manukhan bhoi nakore, kintu biya manukhan nimite bhoi ase. Apuni adhikar manu khan ke bhoi nakori kene thakibo mon ase tetiya ki bhal ase etu he koribi, aru Tar pora apunike bhal ineka kobo.
|
||||
\v 4 Kelemane apunike bhal koribo nimite Tar Isor laga noukor ase. Kintu jodi apuni bia korile bhoi koribi, kele mane Tar hath te taruwal tu ene dhura nahoi. Kelemane kun pora galti kore taikhan uporte Isor laga khong anibole Tar tu Isor laga noukor ase.
|
||||
\v 5 Eitu karne kotha mani bi, khali Isor laga khong pora bachabo nimite nohoi, kintu nijor laga bhabana sapha hobo nimite.
|
||||
\v 6 Eitu nisna bhabana sapha hobo nimite he apunikhan para khajana bhi di ase. Kelemane adhikar manukhan tu eitu khan kam kuribole Isor laga nokor khan ase.
|
||||
\v 7 Kun ke dibo lage taikhan sob ke di dibi. Khajana dibi kunke khajana dibo lage, daam dibi kunke daam dibo lage; bhoi kuribi kunke bhoi kuribo lage, aru kun ke sonman dibole ase sonman dibi.
|
||||
\p
|
||||
\v 8 Kunke bhi eku baki narakhibi, kintu ekjon pora ekjon ke morom he koribi. Kelemane kun pora dusra ke morom kure tai pora kanun pora ki koi ase eitu tai pora pura kuri loise.
|
||||
\v 9 Hukum te kua nisna, '"Beyobichar nakoribi, manuke namorabi, chor nakuribi, dusra manu laga bostu lalos nakuribi, aru dusra baki kotha kiman ase eitu khan sob iyate he lagi kene ase: "Apuni laga ghor usorte thaka khan ke nijor nisna morom kuribi."
|
||||
\v 10 Morom tu usorte thaka khan ke bia nakore, eitu karone, morom para kanun sob tu thik koribole di ase.
|
||||
\p
|
||||
\v 11 Eitu kuribi, kelemane amikhan ghumai thaka pora uthibole somoi hoise ineka apunikhan pora jani ase. Kelemane amikhan pora bisas kora din pora etiya poritran tu amikhan usor te ahi kene ase.
|
||||
\v 12 Rati tu besi lamba jai jaise, din tu usor te ahi kene ase. Eitu karne andhera laga kam sob chari kene puhor laga hathiyar pindi lobo.
|
||||
\v 13 Din te bera nisna amikhan thik berabo, modhu kha aru nisa hua nohoi, beyobichar nohoi, kaija kora aru soku jola nahoi.
|
||||
\v 14 Kintu Probhu Jisu Khrista ke pindi lobi, aru gaw mangso eccha koribo nimite jaga eku nadibi.
|
||||
\c 14
|
||||
\p
|
||||
\v 1 Kintu kun bisas te komzur ase, jhagara kura laga bichar nahunai kene, tar ke modot kuribi.
|
||||
\v 2 Ekjon pora sob khabo pare ineka bisas kore, kintu komjur ekjon pora tu khali pata-sata he khai.
|
||||
\v 3 Eitu karne kun pora nakhai ekjon ke ninda nakuri bi; aru jun manu nakhai taibi kha ekjon ke bichar nakuribi. Kelemane Isor para tai ke swagat kuri loise.
|
||||
\v 4 Apuni kun ase dusra noukor ke bichar kuri bole? Tar nijor laga malik agete tar khara kore, nahoile gire. Kintu tai ke uthai dibo kelemane, Probhu pora taike khara kuridibole pare.
|
||||
\v 5 Ekjon pora din ekta tu dusra din para bhal ineka bhabana kore, kintu kunba pora sob din tu eki ineka bhabana kore. Sob manu pora nijor mon te he thik bisas koribo lage.
|
||||
\v 6 Kun pora din alag ulai kene mani ase, Probhu laga nam te mani lobi; aru jun manu khai ase,Isor ke dhoniyabad diya nisna, Probhu laga nam te khabi. Jun manu nakhai, Isor ke dhaniyabad dia nisna Probhu laga nam te nakhabi.
|
||||
\v 7 Kelemane amikhan kun bhi nijor nimite jinda nathake, nohoile nijor karne namore.
|
||||
\v 8 Jodi amikhan jinda thakile, Probhu nimite ase, aru jodi morile, Probhu nimite he mori ase. Eitu nimite, jodi amikhan jinda thakilebi morile bhi Probhu nimite he ase.
|
||||
\v 9 Kelemane eitu nimite he Krista mori jaise aru jinda hoise, tetiya hei Tar jinda thaka khan aru morikene thaka khan sob laga Probhu hobo.
|
||||
\v 10 Kintu apuni kile bhaikhan uporte bichar kori ase? Aru apuni kile bhaikhan ke ninda kori ase? Kelemane amikhan sob Isor pora bichar kora te khara koribo.
|
||||
\v 11 Kelemane ineka likha ase,
|
||||
\q Probhu he koise, "Moi jinda thaka tak," sob Moi agete athukaribo,
|
||||
\q aru sob manu nijor jiba pora Isor ke shikar koribo."
|
||||
\m
|
||||
\v 12 Eitu karone amikhan sob nijor laga kam Isor logot te janaidibo.
|
||||
\v 13 Eitu karne etiya pora amikhan ekjon he ekjon laga bichar nakoribo, kintu tai laga bhai laga theng nalagibo nimite, nahoile bhal laga rasta bond nakoribo nimite monte rakhibi.
|
||||
\v 14 Moi jani ase aru Probhu Jisu nam te thik jani loise, sapha nahua jinis eku bhi nai, kintu kun pora nahoi ineka bhabana kore tai nimite sapha nahoi.
|
||||
\v 15 Kele mane apuni ki khai ase, eitu pora bhai laga mon jokhom koridile, apuni morom te nathake. Apuni ki khai ase eitu pora Krista kun karne morise Tar ke nosto nakori bi.
|
||||
\v 16 Eitu karne ki bhal ase ineka apuni pora mani loi ase, eitu bia nisna kobole nadibi.
|
||||
\v 17 Kelemane Isor laga raijyo tu khalua nimite nohoi, kintu Pobitro Aatma te dharmikta, aru shanti aru khusi nimite ase.
|
||||
\v 18 Kun pora Khrista ke eneka pora seva kore Isor ke bhi aru manu ke bhi kushi kore.
|
||||
\v 19 Eitu karne, ki shanti ase aru ki pora milikene ekjon-ekjon ke banabo pare eitu bisaribi.
|
||||
\v 20 Khalua nimite Isor laga kam nosto nakoribi. Sob saman tu hosa bhi sapha he ase, kintu ekjon laga khalua pora jodi kunba theng lagibole dise koile, tetiya eitu tu galti ase.
|
||||
\v 21 Jodi bhai ekjon ke theng lagile mangso nakha aru angur ross nohoile ji kam hoilebi nakora he bhal ase.
|
||||
\v 22 Apuni laga ki bisas ase, apuni majot te he rakhibhi. Kun he nijor pora manilua sob te nijor ke galti nabha be, eitu manu ashirbad ase.
|
||||
\v 23 Kintu kunba pora jodi duita mon kori bia bhabana pora khai, eitu nijor ke ninda kori ase, kelemane eitu bisas te nohoi. Aru ki bisas te nahoi, eitu sob tu paap ase.
|
||||
\c 15
|
||||
\p
|
||||
\v 1 Etiya amikhan jun takot te ase, khali amikhan nijor ke khusi koribole nahoi, kintu komjur pora giri thaka khan ke uthabole amikhan laga kam ase.
|
||||
\v 2 Amikhan sob pora nijor ghor usor khan nimite bhal kori kene taike uthai dibole aru khusi kori dibo lage.
|
||||
\v 3 Kelemane Khrista bhi nijor ke khusi kora nai, kintu likha thaka nisna, "Apuni khan ke bodnam dia laga bodnam moi uporte girise."
|
||||
\v 4 Kelemane age din te ki likhise, eitu sob aji amikhan ke janai dibo nimite ase, tetiya pobitro kitab laga kotha pora mon dangor hobo aru dhorjo korikene akha thakibo.
|
||||
\v 5 Etiya dhorjo aru mon dangor koribole dia Isor para, Jisu Khrista logot kineka apuni khan mili loise, eitu nisina he apuni khan sob majot te mili kene shanti te thakibole dibi.
|
||||
\v 6 Tetiya ekta awaj te apunikhan eki logote amikhan Probhu Jisu Khrista laga Baba aru Isor ke mahima dibo.
|
||||
\v 7 Eitu karne Isor laga mahima nimite Khrista pora apunike kineka svekar korise, eitu nisena ekjon pora ekjon ke svekar koribi.
|
||||
\v 8 Kelemane moi apunikhan ke koi ase, Isor he hosa ase ineka janai dibole, sunnot kura khan nimite Khrista nijor he noukor hoi jaise, tetiya kandhan baba khan logote ki kosom di thakise eitu kori dibo,
|
||||
\v 9 Aru dusra jat khan pora bhi Isor laga anugrah nimite mahima dibo. Likha te thaka nisna,
|
||||
\q "Eitu karne dusra jat khan majot te moi Apuni laga nam laga ke stuti koribo,
|
||||
\q Aru Apuni laga nam te gana gabo."
|
||||
\m
|
||||
\v 10 Aru bhi ineka koi ase, "Probhu laga nam untcha kuribi, tumi dusra jat khan; sob manu Tar ke stuti kuribi."
|
||||
\b
|
||||
\p
|
||||
\v 11 Aru bhi,
|
||||
\q "Prabhu ke stuti kuribi, tumi dusra jat khan;
|
||||
\q Aru manukhan sob pora Tar laga nam uthai dibi."
|
||||
\m
|
||||
\v 12 Aru, Isaiah koi ase,
|
||||
\q "Jesse laga khandan para ekjon ahibo, dusra jat khan majot te bhi chola bole taike uthai dibo; tai logote dusra jat khan akha thakibo."
|
||||
\p
|
||||
\v 13 Bisas kora nimite apunikhan laga mon te shanti aru khusi para bhorta kori dibo, tetiya Pobitro Aatma laga shakti duara apunikhan akha te mozbud hobo.
|
||||
\p
|
||||
\v 14 Kintu moi nijor bhi apunikhan nimite khusi ase, kelemane bhal pora bhorta hoikene aru gyan-budhi thik pora apunikhan ekjon he ekjon ke sikhai dibo pare.
|
||||
\v 15 Kintu apunikhan pora yaad koribo nimite Isor pora moi ke dia anugrah te himot kori kene apuni khan ke moi likhi di ase.
|
||||
\v 16 Isor laga susamachar purohit ekjon nisna, dusra jat khan majot te Jisu Krista janai dia kam kori bole Isor pora moike anugrah dise, tetiya dusra jat khan laga daan dia tu sapha kori kene Isor usorte lobole para hobo nimite Pobitro Aatma duara sapha kori dia hoise.
|
||||
\v 17 Eitu karne Isor nimite kora moi laga kam te phutani hobo le Jisu Khrista te moi sakhi ase.
|
||||
\v 18 Kelemane dusra jat khan pora Isor ke bhoi korikene kotha mani lobole Khrista pora moi karne kori loise, eitu laga baharte moi dusra kotha eku nakobo. Eitu khan kotha aru kam pora hoi thake,
|
||||
\v 19 aru chin aru Pobitro Aatma duara asurit laga kam pora. Eitu karne, Jerusalem pora suru hoi kene Illyricum jaga sob phale moi Khrista laga susamachar loi jabo nimite hoise.
|
||||
\v 20 Aru eitu nisna Khrista laga nam nahuna sob te susamachar prochar kora tu moi laga kaam ineka bhabana kori kene kaam korise, nohoile tu dusra pora kori thaka bhetemul te moi kam kora he hobo.
|
||||
\v 21 Kintu ineka likha nisna:
|
||||
\q "Tar laga ketiya bhi nahuna khan pora Tar ke dikhibo, aru kun khan pora Tar laga eku huna nai, taikhan pora bujibo."
|
||||
\p
|
||||
\v 22 Eitu nimite hei bisi bar moi apunikhan usor te ahibole thaka pora rukhi thakise.
|
||||
\v 23 Kintu etiya, moi nimite eitu jaga khan te thakibole jaga nai, aru moi ahibole echha kori kene besi saal hoi ase.
|
||||
\v 24 Moi Spain te ja somoi te apunikhan ke lok koribole akha ase, aru alop din eki logote thaka pichete moi yaatra ja somoi apunikhan pora modot dibo.
|
||||
\v 25 Kintu etiya tu moi Jerusalem te bisasi khan nimite modot loikene jai ase.
|
||||
\v 26 Kelemane Jerusalem te thaka bisasi khan majot te dukhia khan nimite modot pathai dibole, Macedonia aru Achaia te thaka khan pora besi khusi para echha thakise.
|
||||
\v 27 Kelemane eitu koribole taikhan besi bhal pai thakise, kele mane jodi dusra jat khan pora atma laga ashirbad te bhag kori loise, tetiya prithibi laga saman, eitu dhun sompati aru taka-poisa ashirbad te bhi bhag koribole taikhan laga kaam he ase.
|
||||
\v 28 Eitu karne ki joma kori kene taikhan ke dibole anise, moi ketiya eitu kam khotom hobo, moi apunikhan ke lok korikene Spain te jabo.
|
||||
\v 29 Moi jani ase, ketiya moi apunikhan logote ahibo, tetiya Khrista laga ashirbad sob loikene ahibo.
|
||||
\v 30 Probhu Jisu Khrista aru Tar laga morom, Tar laga Aatma duara apunikhan milikene moi nimite Isor usorte prathana koribole moi apunikhan ke anurodh kori ase.
|
||||
\v 31 Tetiya Judea te thaka abisasi khan haat pora moike bachai lobo aru Jerusalem te thaka pobitro manukhan usor te moi laga kam tu manilobo.
|
||||
\v 32 Tetiya Isor laga echha te moi khusi pora apunikhan usorte ahibo aru apuni khan majot te khusi pabo.
|
||||
\v 33 Isor laga shanti apunikhan logote thakibi. Amen.
|
||||
\c 16
|
||||
\p
|
||||
\v 1 Cenchreae girja te thaka amikhan laga bhoini Phoebe nimite moi sakhi di ase,
|
||||
\v 2 apunikhan pora Probhu nam te tai ke pobitro manu nisna tai ke svekar koribi, aru apunikhan pora ki madot lage, sob te modot dibi. Kelemane tai tu bisi manu nimite, aru moi nijor karne bhi besi modot thakise.
|
||||
\v 3 Jisu Khrista te moi logot eki kam kora Priscilla aru Aquila tai duijon ke salaam janabi,
|
||||
\v 4 kun pora mio laga jibon nimite nijor gola kati bole bhi bhoikora nai. Taikhan ke khali moi para he nohoi kene dusra jat laga girja sob pora khusi pai ase.
|
||||
\v 5 Taikhan ghorte girja kora khan ke salaam janabi. Moilaga morom thaka Epaenetus, kun Asia te Khrista loi ahha suru ase taike bhi salaam janabi.
|
||||
\v 6 Mary ke bhi salaam janabi, kun he apunikhan nimite besi kam korise.
|
||||
\v 7 Andronicus aru Junias ke bhi salaam janabi, kun moi nisna Yehudi aru moi logo bandhi ghor te thakise. Pasonir khan para bhi taikhan ke jani ase, aru moilaga age taikhan Khrista te thakise.
|
||||
\v 8 Probhu nam te moilaga morom thaka Ampliatus ke bhi salaam janabi.
|
||||
\v 9 Eki logot Khrista te kam kora Urbanus, aru moilaga morom thaka Stachys ke bhi salaam janabi.
|
||||
\v 10 Khrista ke loikene thaka, Apelles ke bhi salaam janabi, Aristobulus laga ghor te thaka sob ke bhi salaam janabi.
|
||||
\v 11 Eki Yehudi manu Herodion ke bhi salaam janabi. Probhu laga manu khan Narcissus laga ghor te thaka sob ke bhi salaam janabi.
|
||||
\v 12 Probhu nam te kam kora Tryphaena aru Tryposa ke salaam janai dibi. Morom thaka Persis ke salaam janai dibi, kun pora Probhu laga kam besi korise.
|
||||
\v 13 Probhu nam te bachi kene rakha Rufus aru tai ama, kun he moi laga amaa bhi thakise, taikhan ke salaam janabi.
|
||||
\v 14 Asyncritus, Phlegon, Hermes, Patrobas, Hermas, aru bhaikhan kun taikhan logot ase sob ke salaam janabi.
|
||||
\v 15 Philologus, Julia, Nereus aru tailaga bhoini, aru Olympas, aru bisasi manukhan sob kun taikhan logote ase, sob ke salaam janai dibi.
|
||||
\v 16 Ekjon he ekjon ke pobitro chumma dibi. Khrista laga sob girjakhan pora apunikhan ke salaam janai ase.
|
||||
\p
|
||||
\v 17 Itiya bhaikhan, ami laga kotha bhal para hunibi, junkhan apunikhan majote dushmani nohoilebi rasta bon kuri diye, aru apunikhan ke sikhai diye kotha khan laga birodh te kuri diye. Eneka manukhan pora ghurai lobi.
|
||||
\v 18 Kelemane ineka manu pora amikhan Probhu Khrista ke seva nakore, kintu nijor pet nimite he seva kore, aru taikhan laga mitha aru sundor kotha pora najana manukhan ke thokai ase.
|
||||
\v 19 Kelemane apunikhan para Isor kotha mani lua tu sob manu pora jani ase. Eitu karne moi apunikhan nimite khusi kori ase, kintu apunikhan bhal kam nimite budhi thakibole moi echha ase, aru bia kam phale eku najana manu hobi.
|
||||
\v 20 Shanti Isor pora deri nohoi kene apunikhan laga theng nichete Saitan ke pishi dibo. Amikhan Probhu Jisu Khrista laga anugrah apunikhan logot thakibi.
|
||||
\p
|
||||
\v 21 Moi logot eki kam kora bhai Timothy para salaam janai ase, aru moi nisna Yehudi manu Lucius, Jason aru Sosipater para bhi salaam janai ase.
|
||||
\v 22 Moi Tertius, kun pora eitu chiti likhi ase, Probhu nam te moi bhi salaam janai ase.
|
||||
\v 23 Gaius, kun logot moi thaki se aru girja manukhan sob pora apunikhan ke salaam janai ase. Sohor laga secretary Erastus aru amikhan bhai Quartus pora bhi salaam janai ase.
|
||||
\v 24 Amikhan laga Probhu Jisu Khrista laga morom-laga-asis apunikhan sob logote thakibole dibi. Amen.
|
||||
\p
|
||||
\q
|
||||
\v 25 Aru etiya Tar ke, kun pora he apunikhan bisas te mojbud hoikene khara kuridibo pare, Jisu Khrista laga susamachar moi prochar kora, kun tu besi jug nimite lukai thakise, kintu etiya eitu hosa kotha tu janai dise,
|
||||
\q
|
||||
\v 26 Etiya eitu hosa kotha tu khuli dise aru prophet khan pora likha duara, ananta Isor laga hukum pora jati sob ke janai dise, tetiya he sob manu para bisas kori kene kotha mani lobo.
|
||||
\q
|
||||
\v 27 Etiya budhiman Isor ke he, Jisu Khrista duara hodai nimite mahima hobi. Amen.
|
||||
|
|
@ -0,0 +1,156 @@
|
|||
\id GAL - Indian Revised Version (IRV) Nagamese
|
||||
\c 1
|
||||
\v 1 Paul, ekjon apostle- manu pora nohoi aru manu laga echha pora nohoi, kintu Jisu Khrista aru Baba Isor pora, kun hei Tar ke mora pora jinda kori dise-
|
||||
\v 2 aru moi logote thaka sob bhai khan,Galatia laga girja khan ke:
|
||||
\v 3 Baba Isor laga anugrah aru Jisu Khrista laga morom apuni khan logote hodai thaki bole dibi,
|
||||
\v 4 moi khan ke paap laga kam pora bacha bole nimite kun Tar nijor laga jibon di dise, moi khan laga Baba Isor laga echha nimite,
|
||||
\v 5 sob mohima Tar laga hei hobole dibi hodai aru hodai nimite. Amen.
|
||||
\v 6 Moi asurit hoi jaise apuni khan eman joldi dusra manu khan pora prochar kora laga kotha phale jai ase aru Krista kun apuni khan ke morom pora matise Tar pora dur hoi ase,
|
||||
\v 7 aru bhi dusra prochar kora laga kotha ase koi kena nohoi, kintu kunba manu dikdar kori bole mon thaka bhi ase aru Khrista laga kotha ke ulta kori diya manu khan bhi ase.
|
||||
\v 8 Kintu jodi kunba sorgodut aru moi khan hoilebi kunba apuni khan ke Isor laga kotha chari kena dusra kotha pora prochar kore, tai ke shrap kori dibi.
|
||||
\v 9 Moi khan pohila te kuwa nisina, aru bhi ek bar moi koi ase, ''Jodi kunba apuni ke Isor laga kotha chari kena dusra phale pora prochar kore, tai ke shrap kori dibi.''
|
||||
\v 10 Moi etiya manu laga echha koribole bisari ase na Isor laga echha koribole bisari ase? Moi manu ke khusi kori bole bisari ase naki?Jodi moi etiya bhi manu ke khusi koribole bisari ase koile, moi Khrista laga ekta sewak nohoi.
|
||||
\v 11 Bhaikhan, moi apuni khan ke jani bole dibo mon ase, moi ki prochar kori ase eitu manu pora kotha kuwa laga nohoi.
|
||||
\v 12 Kelemane moi eitu kun manu pora bhi pa nohoi, aru kun bhi moi ke shika nai. Kintu,Jisu Khrista pora hei moi ke sob dekhai dise.
|
||||
\v 13 Apuni khan moi pohila Yehudi niom te thaka homoi te keneka thakise eitu jane, moi keneka kori kena Isor laga girja khan ke kobole napara laga dukh di thakise aru pura khotom kori dibole nimite bisarise.
|
||||
\v 14 Moi Yehudi niom te bisi bhal thakise aru moi pora dangor manu khan pora bhi moi age thakise, moi nijor manu khan majot pora. Moi laga baba khan laga niyom khan bhal kori kena rakhi bole nimite moi hodai tayar thakise.
|
||||
\v 15 Kintu jetiya Isor, kun moi ke ama laga pet te thaka homoi pora alag kori dise, aru kun moi ke Tar laga anugrah te matise,Tar khusi paise
|
||||
\v 16 moi ke Tar laga baccha dekhai dibole nimite, eitu pora moi Tar laga kotha dusra jat manu khan ke kobole nimite, moi joldi pora khun aru gaw mangso te thaka khan logote eitu huda nai.
|
||||
\v 17 Moi Jerusalem te kun moi laga agete apostle hoi kena thakise tai khan nimite janai. Kintu, moi Arabia te jaise aru Damascas te wapas ahi jaise.
|
||||
\v 18 Tetiya moi tin sal pichete Jerusalem te jaise aru tate Cephas ke lok paise aru moi tai logote pondro din tak thakise.
|
||||
\v 19 Kintu moi James, Probhu laga bhai, ke chari kena, dusra apostle kun ke bhi dekha nai.
|
||||
\v 20 Kintu moi ki apuni khan ke likhise, moi Isor laga nam pora koi ase, moi apuni khan ke misa kotha kuwa nai.
|
||||
\v 21 Tetiya moi Syria aru Cilicia laga jaga te jaise.
|
||||
\v 22 Judea laga girja kun Khrista logote ase tai khan ke moi bhal pora najane.
|
||||
\v 23 Kintu tai khan eneka koi thaka tu hei hunise, ''Eitu manu kun pohila te moi khan ke dukh dise aru sob tu khotom kori bole bisarise tai eitu bisas laga kotha moi khan ke prochar kori ase.''
|
||||
\v 24 Eitu pora tai khan moi nimite Isor ke mohima dise.
|
||||
\c 2
|
||||
\v 1 Tetiya moi chalis sal pichete Barnabas ke loi kena Jerusalem te jaise,aru Titus ke bhi moi logote loi jaise.
|
||||
\v 2 Kintu moi jaise kelemane Isor laga kotha pora moi ke dusra jat manu khan logote prochar kori bole nimite koise. Moi kun khan dangor manu nisina lagise, tai khan logote lukai kena kotha korise, kelemane moi polaithaka tu- nohoile ene pora polai nathaka- aru ki kam korise eitu ene khali naja bole nimite nijor ke bhal kori kena sai thakise.
|
||||
\v 3 Kintu khali Titus hei nohoi, kun moi logote thakise aru tai ekjon Greek manu thakise,tai ke bhi jobor jost sapha kori bole nimite dise.
|
||||
\v 4 Kintu eitu sob tu misa kuwa bhai khan kun lukai kena ahise taikhan nimite eneka hoise.Tai khan lukai kena ahise aru moi khan Jisu krista logote bhal kori thaka pora hatai kena noukor koribole dibo nimite korise,
|
||||
\v 5 kintu moi khan olop homoi nimite thaki bole karone eitu kam kora nai, kintu Isor laga kotha apuni khan logote hodai thaki bole nimite korise.
|
||||
\v 6 Kintu kun manu bisi bhal ase koi kena dekhe (tai khan keneka thakile bhi moi nimite eku matlab nai, Isor manu laga bahar tu nasai) - kintu, kun manu bhal nisina dekhe tai khan moi nimite eku nai.
|
||||
\v 7 Namila kotha te, moi ke sunoot nakurikene thaka manu khan logote kaam kori bole nimite bachi loise koi kena dekhise, jeneka Peter ke sunoot huwa manu khan ke prochar kori bole nimite bachi loise.
|
||||
\v 8 Kelemane Isor, kun Peter ke sunnot huwa manu majote kaam kori bole nimite bachi loise, dusra jat manu majote kam kori bole nimite moi ke bhi bachi loise.
|
||||
\v 9 Jetiya James, Cephas aru John, kun ke ekta mozbud khamba nisina manise, moi ke anugrah diya tu bujise, tai khan moi aru Barnabas ke tai khan laga dahina hath khuli kena sob dise. Moi khan dusra jat logote jabole paribo nimite tai khan eneka korise, aru tai khan bhi kun sunnot hoise tai khan logote jabole paribo nimite eneka korise.
|
||||
\v 10 Tai khan khali gorib khan ke yaad koribole nimite anurodh korise, aru moi bhi eitu koribole nimite bisi mon thakise.
|
||||
\v 11 Kintu jetiya Cephas Antioch te ahise, moi tai laga chehera usorte mana kori dise kelemane tai golti kam korise.
|
||||
\v 12 Kintu, James logote kun ba manu khan naha agete, Cephas dusra jat manu khan logote bohi kena khai thakise. Kintu jetiya eitu manu khan ahise, tai nijor ke dusra jat manu khan ke chari kena tai khan pora alak hoi jaise. Kunkhan pora sunnot kuridibi koi kene mangi thakise, tai khan ke bhoi lagise.
|
||||
\v 13 Dusra Yehudi manu khan bhi tai logote misa pora thaki ase, eitu nimite Barnabas bhi tai khan laga misa kam te phasi jaise.
|
||||
\v 14 Kintu jetiya moi tai khan ke hosa laga kotha namani kena thaka dekhise, moi Cephas ke tai khan sob laga majote koise,''Apuni jodi Yehudi ase hoile bhi dusra jat manu nisina thaki ase aru Yehudi manu nisina thaka nai, tetiya hoile apuni dusra jat manu khan ke apuni nisina thaki bole keneka kobole paribo?''
|
||||
\v 15 Moi khan jonom pora Yehudi ase aru moi khan pap laga dusra jat khan nohoi;
|
||||
\v 16 moi khan jane kun manu bhi niyom kanun laga kaam kori kena nijor ke bhal kori bole napare kintu khali Jisu Khrista logote bisas thakile hei pare. Niyom kanun mani kena nohoi kintu Jisu Khrista logote bisas kori kena moi khan bhal hobole paribo. Kelemane kanun laga kam pora moi khan laga gaw tu bhal kori bole napare.
|
||||
\v 17 Kintu jodi,moi khan Khrista usorte bhal hobole bisarile, moi khan nijor, moi khan bhi ekta papi manu ase koi kena hai pabo, tetiya hoile Khrista pap kori bole nimite diye? Ketiya bhi nohoi!
|
||||
\v 18 Jodi moi kuntu tu pohila te bhangai dise eitu bona bole bisarile, moi nijor ke ekta kanun bhangai diya manu ase kobo.
|
||||
\v 19 Moi kanun te thaka nimite kanun pora hai morise, eitu pora moi Isor logote zinda thaki bole paribo. Moi bhi Khrista logote crus te morise.
|
||||
\v 20 Moi bhi Khrista logote crus te morise aru moi nijor pora jinda thaka nai, kintu Khrista moi logote jinda ase. Kintu moi bisas pora gaw te jinda thaki ase - Isor laga bacha logote bisas pora,Tar moi ke morom kora nimite nijor ke bolidan kori dise.
|
||||
\v 21 Moi Isor laga anugrah alag kori kena rakhi nediye; jodi dharmik tu kanun pora hai pabole parile, tetiya hoile Khrista moi khan nimite mora tu eku kaam nai!
|
||||
\c 3
|
||||
\v 1 Galatia laga okora manu khan! Kun pora apuni khan uporte jadu kori dise? Apuni khan laga suku usorte hei Jisu Khrista ke crus te mari kena dekhai dise.
|
||||
\v 2 Moi eitu kotha apuni khan pora jani bole mon ase: Apuni khan Aatma laga asirbad niyom kanun pora paise na bisas pora huni kena paise?
|
||||
\v 3 Apuni eman okora ase? Aatma pora suru korise, aru etiya apuni gaw mangso pora khotom koribole ase?
|
||||
\v 4 Apuni khan matlab nathaka laga kam nimite dukh paise - jodi eitu eku kaam nimite thaka nai koile?
|
||||
\v 5 Eitu karone,Tar kun apuni khan ke Aatma dise aru asurit kaam kori kena dekhai dise Tar niyom kanun pora kore naki, na bisas tu huni kena kore?
|
||||
\v 6 Abraham pora Isor ke bisas kora nisina ''Isor hei tai ekta dharmik manu ase koise,''
|
||||
\v 7 eitu nisina, buji lobi, kun manu bisas te ase, tai khan Abraham laga baccha khan ase.
|
||||
\v 8 Kintu Isor laga kotha pora koi dise,Isor hei dusra jat manu khan ke bisas laga hisab te bichar koribo, Abraham ke pohila pora eitu Isor laga kotha tu prochar kori dise, aru koise, ''Tumi pora hei pura desh tu asirbat pabo.''
|
||||
\v 9 Tetiya hoile, kun manu logote bisas ase tai bhi Abraham logote asirbad ase, bisas te thaka manu ekjon.
|
||||
\v 10 Eitu nimite, kun manu niyom kanun laga kaam te hei bharosa kori kena thake tai khan pap te giri ase; aru eitu karone eneka likhi kena ase, ''Kun manu eitu niyom laga kitab te likhi kena thaka khan namani kena thake, tai khan pap te giri kena ase, aru kun eitu nokore tai khan bhi pap te ase.''
|
||||
\v 11 Etiya kun manu bhi Isor usorte kanun laga niyom hisab te thik ase nokobo, kelemane ''dharmik manu bisas pora hai jinda thakibo.''
|
||||
\v 12 Kintu niyom kanun khan bisas pora nohoi, hoilebi, ''Kun manu kanun laga kaam kore tai eitu hisab te hai thaki bole lage.''
|
||||
\v 13 Khrista Tar nijer amikhan karne shrapit hoise aru amikhan laga shrap pora mukti kori dise -likhi kene thaka nisna, ''Jiman manu ghas uporte jhundai tai shrapit manu ase"-
|
||||
\v 14 eitu pora Abraham laga asirbad dusra jat manu khan logote Jisu Khrista duara ahibo, aru bisas pora amikhan Aatma laga vachan diya tu pabo.
|
||||
\v 15 Bhai khan, manu laga hisab te hei moi kotha koribo. Manu pora bonai diya kagos, kun pora phi nijor khusi pora bodli aru hatai dibole naparibo, jetiya eitu kanun laga niyom te bonai loi.
|
||||
\v 16 Etiya eitu kosom Abraham aru tai laga manu khan logote koi dise.Tate eneka kuwa nai, ''khandan khan ke,'' bisi manu ke kuwa nisina, kintu khali ekjon ke hai koise,''aru tumi laga manu ke,'' kun Khrista ase.
|
||||
\v 17 Etiya moi kobole thaka tu hoile: Eitu kanun, kun tu 430 sal pichete ahise, Isor pora kun tu kosom pohila te dise eitu hatai nediye aru ki kam nimite dise eitu bhi hatai diya nai.
|
||||
\v 18 Jodi niyom kanun pora hei moi khan Isor logote thakibole pare koile, tetiya hoile eitu kosom diya pora aha nai. Kintu Isor hai Abraham ke kosom pora dise.
|
||||
\v 19 Tetiya, hoile, niyom kanun ki nimite dise? Eitu dise kelemane paap bisi hoi ja pora, jetiya tak Abraham laga pidi (pidhi) pora kosom diya laga ekjon na he, tetiya tak cholibo karne disele. Eitu niyom kanun sorgodut khan duara ekjon pora jobor jost dhali dise.
|
||||
\v 20 Etiya manu laga majote kotha milai diya manu ekjon pora bhi bisi thake, kintu Isor tu ekta hei ase.
|
||||
\v 21 Ineka hoile, kanun niyom tu Isor laga kosom pora bhi dangor ase naki? Eneka nohoi! Kelemane jodi kanun pora hei jibon pabole parise koile, tetiya hoile dharmikta bhi niyom kanun pora hei ahibole thakise.
|
||||
\v 22 Kintu Isor laga kotha pora sob paap tu nichete ani loise. Isor pora eneka korise kelemane kun manu bisas kore tai khan ke kosom diya nisina Jisu Khrista pora bachai dibo.
|
||||
\v 23 Etiya bisas naha agote, moi khan ke kanun pora dhori kena rakhi thakise, jetiya tak bisas tu dekhai diya nai.
|
||||
\v 24 Kanun pora hei moi khan ke sai thakise jetiya tak Jisu Khrista moi khan logote ahha nai, bisas pora hai moi khan ke bichar koribo nimite.
|
||||
\v 25 Kintu etiya bisas tu ahhi jaise, moi khan etiya toh dusra manu laga nichete nai.
|
||||
\v 26 Kelemane apuni khan Isor laga baccha khan ase bisas pora aru Jisu Khrista logote.
|
||||
\v 27 Kiman manu Khrista logote baptisma loise tai khan sob Khrista laga kapra pora nijor ke lagai loise.
|
||||
\v 28 Tate aru Yehudi aru Greek nai, tate aru sewa kora aru nokora manu nai, tate mota aru maiki nai, apuni khan sob Jisu Khrista logote ekta ase.
|
||||
\v 29 Kintu jodi apuni Khrista laga ase, tetiya hoile apuni Abraham laga pidi ase, aru kosom di kena thaka laga bacha khan ase.
|
||||
\c 4
|
||||
\v 1 Kintu moi baccha ke koi ase, jetiya tak tai ekta chutu baccha ase, tai manu laga sewa kora manu nisina hei ase, tai nijor laga mati bari bisi thakile bhi.
|
||||
\v 2 Kintu baccha khan ke manu khan pora sai dibo jetiya tak Tar laga Baba pora thik homoi tu nediye.
|
||||
\v 3 Eitu karone, jetiya moi khan baccha thakise, moi khan prithibi laga niyom hisab te chuli kena sewa kori thakise.
|
||||
\v 4 Kintu jetiya eitu pura hoi jabole nimite homoi tu ahise, Isor hei Tar laga Putro ke pothaise, ekta maiki pora jonom kora, kanun niyom pora jonom korise.
|
||||
\v 5 Tar kun kanun nichete dabi kena ase tai khan ke bacha bole nimite korise, eitu pora moi khan bhi Tar laga baccha hoi jabole nimite.
|
||||
\v 6 Kelemane apuni khan baccha ase, Isor hai Tar laga Putro laga Aatma tu moi khan laga mon te pothai dise, kun hai ,''Sorgo te thaka Baba," koi kena mate.
|
||||
\v 7 Eitu nimite apuni khan aru sewa kora manu nohoi, kintu chokora ase, aru jodi chokora ase, tetiya hoile apuni bhi Isor duara Tar laga baccha hoise.
|
||||
\v 8 Kintu eitu homoi te, jetiya apuni Isor ke jana nai, apuni khan ke sewa koribo dise, kun khan niom pora, isorkhan nohoi.
|
||||
\v 9 Kintu etiya apuni khan Isor ke jani loise, aru Isor pora bhi apuni khan ke jani loise, tetiya hoile kele apuni khan komjor aru beya rasta phale jai ase? Apuni khan aru bhi tai khan laga nichete sewa koribole mon ase?
|
||||
\v 10 Apuni khan nutun din, nutun chand, nutun sal aru mohina khan mani thake!
|
||||
\v 11 Moi bhoi lagi ase apuni khan nimite ki kam kori dise eitu eku laab nohoile mane.
|
||||
\v 12 Moi apuni khan ke anurodh kori ase, bhai khan, moi nisina hoi jabi, kelemane moi apuni khan nisina hoi jaise. Apuni khan moi ke eku beya kam kori diya nai.
|
||||
\v 13 Kintu apuni khan jane moi gaw pora bimar thaka nimite eitu bhal kotha khan apuni khan ke pohila pora prochar kori dise.
|
||||
\v 14 Moi laga gaw sai kena apuni khan dukh pai ase, hoile bhi apuni khan moi ke chara nai. Aru apuni khan moi ke Isor laga sorgodut thaka nisina bhal kori kena moi ke saise,Jisu Khrista tu moi hei thaka nisina.
|
||||
\v 15 Tetiya, hoile, apuni laga asirbad tu etiya kote ase? Moi apuni khan ke eitu gawahi di ase, jodi pare, apuni khan laga suku tu ulai kena moi ke dibole thakise.
|
||||
\v 16 Eitu nimite, moi apuni khan ke hosa kotha tu koi diya nimite apuni laga dusman hoi jaise?
|
||||
\v 17 Tai khan apuni ke jiti lobole nimite suku joli ase, kintu bhal nimite nohoi. Tai khan apuni ke chup korai dibole mon ase, eitu pora apuni tai khan uporte hei mon thakibo nimite.
|
||||
\v 18 Kintu hodai bhal kam koribole nimite mon jola tu bhal ase, aru khali moi apuni khan logote thaka homoi te nohoi.
|
||||
\v 19 Moi laga chutu baccha khan jetiya tak Jisu Khrista apuni khan bhitor te jonom noloi tetiya tak moi ekta maiki pora baccha pabole nimite dukh pa nisina pai thakibo.
|
||||
\v 20 Kintu moi echha kore apuni khan logote thaki kena moi kotha kora laga adat tu bodli kori bole nimite, kelemane moi apuni khan nimite bisi chinta ase.
|
||||
\v 21 Moi ke kobi, apuni khan kun kanun laga nichete thakibole mon ase, apuni khan kanun tu mani kena nathake naki?
|
||||
\v 22 Eneka likha ase Abraham laga duita baccha thakise, ekjon tu noukar kora maiki laga baccha aru ekjon tu ajad thaka maiki laga baccha.
|
||||
\v 23 Kintu ekjon noukar kora maiki gaw pora jonom loise, aru ekjon tu kosom diya nisina ajad thaka maiki pora jonom loise.
|
||||
\v 24 Eitu khan sob tu ekta kahani nisina koi dibole nimite, kelemane eitu maiki khan duita kosom loi kena ase. Ekjon tu hoile Sinai pahar pora ase aru tai noukar kora bacha khan ke jonom dise. Tai Hagar ase.
|
||||
\v 25 Etiya Hagar Sinai pahar Arabia te moi khan sob nimite thaki ase; aru tai etiya laga Jerusalem tu sai ase, kelemane tai laga baccha khan ke loi kena sewa kori kena thaki ase.
|
||||
\v 26 Kintu Jerusalem kun tu uporte ase tai ajad ase, aru tai moi khan laga ama ase.
|
||||
\v 27 Kelemane eneka likha ase, ''Khusi koribi, kun bacha jonom koribole napare; hala kori kena khusi pora kandibi, apuni khan kun bacha jonom kora laga dukh panai; kelemane mota thaka laga maiki pora bhi bisi baccha mota nathaka maiki khan laga ase.''
|
||||
\v 28 Kintu apuni, bhai khan, Isak nisina, kosom diya laga baccha ase.
|
||||
\v 29 Kintu ekta homoi te kun gaw mangso pora jonom loise Aatma pora jonom luwa ekjon ke dukh dise. Etiya bhi eneka ase.
|
||||
\v 30 Kintu Isor kotha pora ki koi ase? ''Sewa kora laga maiki aru tai laga baccha ke pothai dibi. Kelemane sewa kora maiki laga bacha aru ekta ajad thaka maiki laga baccha eke logote thakibole naparibo.''
|
||||
\v 31 Eitu nimite, bhai khan, moi khan sewa kora maiki laga baccha nohoi, kintu ekta ajad thaka maiki laga baccha ase.
|
||||
\c 5
|
||||
\v 1 Kelemane Khrista pora moi khan ke ajad kori dise.Thik pora khara hoi jabi, eitu nimite, aru paap laga kaam ke arubi sewa nokoribi.
|
||||
\v 2 Sabi, moi, Paul, apuni khan ke koi ase jodi apuni khan nijor ke sunnot kori bole diye, tetiya eitu kora nimite apuni khan Khrista ke luwa tu eku laab nai.
|
||||
\v 3 Kintu moi sob manu khan ke eitu gawahi di ase kun manu nijor ke sunnot kori loise tai pura niyom kanun khan mani kena thakibole lage.
|
||||
\v 4 Apuni khan Khrista usor pora kati dise, apuni khan ke kanun laga niyom pora hai bichar koribo; apuni khan Tar laga anugrah pora giri jaise.
|
||||
\v 5 Kelemane Aatma pora, aru bisas pora, moi khan dharmik nimite akha kori kena rukhi ase.
|
||||
\v 6 Kelemane Jisu Khrista nimite sunnot kora aru nakura laga eku motlob nai, kintu morom duara hei bisas tu kaam kore.
|
||||
\v 7 Apuni bhal pora polai thakisele. Kun pora apuni ke hosa kotha mani kena thakibole nimite rukhai rakhise?
|
||||
\v 8 Kun pora apuni ke matise Tar pora itu nakure!
|
||||
\v 9 Ekta chutu khomir pora pura roti tu dangor phuli bole diye.
|
||||
\v 10 Moi apuni khan uporte Probhu laga nam te pura bisas ase apuni khan dusra phale nasabo. Kintu, kun manu apuni ke dikdar kori ase tai sajai pabo, tai kun hoile bhi.
|
||||
\v 11 Kintu bhai khan, jodi moi etiya bhi apuni khan ke sapha hoi jabole laga kotha koi ase, tetiya hoile moi kele dukh pai ase? Eneka ase koile crus usorte ahibole laga rasta bon kori kena thaka tu hatai dise.
|
||||
\v 12 Kun manu apuni khan ke dikdar kori ase, moi echha kori ase tai khan nijor ke sunnot kuribo nimite!
|
||||
\v 13 Kelemane apuni khan ke bhal pora thakibole nimite mati loise, bhai khan. Kintu apuni khan ke ki nimite matise eitu beya aru pap laga kam pora nocholabi, hoilebi, morom pora ekjon-ekjon ke cholabi.
|
||||
\v 14 Kelemane pura kanun tu ekta hukum pora hai pura kori kena ase, eitu hoile, ''Apuni nijor ke morom kora nisina apuni laga ghor usor manu ke bhi morom koribi.''
|
||||
\v 15 Kintu jodi apuni khan ekjon-ekjon logote beya koribole bisare, tetiya hoile sai lobi apuni khan ekjon-ekjon logote dusman hoi jabo.
|
||||
\v 16 Kintu moi koi ase, Aatma pora berabi tetiya apuni paap laga kaam aru echha khan nobukhibo.
|
||||
\v 17 Kelemane paap laga kam khan Aatma logote nimile, aru Aatma laga kam khan paap laga kam ke birot kore. Kelemane eitu duita ekjon-ekjon logote nimile, eitu pora apuni ki koribole mon jai eitu koribole napare.
|
||||
\v 18 Kintu jodi apuni ke Aatma pora cholai kena loi jai, apuni kanun laga nichete nai.
|
||||
\v 19 Etiya paap laga kaam khan eneka ase, kun tu ase: beyobichari, sapha nathaka kam,
|
||||
\v 20 murti puja kora, jadu montor kora, hinsa kora, chuku jola, khong uthi thaka, manu pora bhi bisi bhal koribole mon juwa,aru,alag-alag kori diya,
|
||||
\v 21 suku jola, nisa hoi thaka, nisa te khusi kora, aru eitu kam nisina khan. Apuni khan ke eitu kam pora hosiar kori ase, moi pohila te bhi apuni khan ke koi dise, kun manu eitu kam khan kori thake tai khan Isor laga raijo te jabole naparibo.
|
||||
\v 22 Kintu Aatma laga phol ase morom, khusi, shanti, dhorjo, bhal, aru bisas,
|
||||
\v 23 nomro, aru nijor ke beya kam pora rukhai kena rakhe; eitu khan nimite eku kanun nai.
|
||||
\v 24 Kintu, kun manu Jisu Khrista laga ase taikhan laga sob pap laga echha khan crus te morai dise.
|
||||
\v 25 Jodi moi khan Aatma te thake, tetiya hoile moi khan bhi Aatma te bera bole lage.
|
||||
\v 26 Moi khan nijor uporte phutani nokoribo, dusra ke beya nokobo, aru ekjon-ekjon logote suku nojolibo.
|
||||
\c 6
|
||||
\v 1 Bhai khan, jodi kunba ke beya kam kori kena dhure, apuni khan kun Aatma te ase tai khan ke Aatma laga nomro pora uthai lobi.
|
||||
\v 2 Ek dusra laga boja tu uthai lobi,aru Khrista laga niyom kanun ki ase eitu pura koribi.
|
||||
\v 3 Jodi kunba manu tai bhal nohoile bhi nijor ke bhal bhabe, tai nijor ke thokai di ase.
|
||||
\v 4 Sob manu nijor laga kaam tu bhal pora sai lobi, eitu pora tai nijor ke sai kena phutani koribole paribo kintu dusra ke sai kena nohoi.
|
||||
\v 5 Kelemane nijor laga boja tu nijor hai bukhi bole lage.
|
||||
\v 6 Kun manu Isor laga kotha tu shikai tai shikai diya manu logote mili kena sob bhal kam khan koribole lage.
|
||||
\v 7 Nijor ke nothokabi. Isor ke sorom khela bole napare, ekjon manu pora ki kam kore, tai eitu hisab te hei pabo.
|
||||
\v 8 Kun manu tai nijor laga paap laga bijon dhale, eitu pap pora hei tai khotom hoi jabo. Kintu kun manu Aatma laga bijon dhale, eitu Aatma pora hei tai ananta jibon pabo.
|
||||
\v 9 Kintu moi khan bhal kam koribole nimite alchi nokoribo, kelemane thik homoi te moi khan kheti katibo, jodi moi khan alchi nokore.
|
||||
\v 10 Eitu nimite, moi khan koribole para homoi te, moi khan sob manu nimite bhal kam koribo, aru tai khan nimite kun bisas laga ghor te thaki ase.
|
||||
\v 11 Sabi moi nijor laga hath pora eman dangor chithi likhi dise.
|
||||
\v 12 Kun manu gaw mangso pora bhal dikhabole mon ase tai khan apuni khan ke sunnot kori dibole mon ase.Tai khan Jisu Khrista laga crus nimite dukh napabole eneka kori ase.
|
||||
\v 13 Kun manu sunnot kori loise tai khan nijor bhi niyom kanun mani kena nathake, kintu tai khan apuni ke sunnot kori dibole mon ase kelemane tai khan apuni laga gaw loi kena phutani koribole nimite.
|
||||
\v 14 Moi khali Jisu Khrista laga crus te hei phutani koribo, eitu pora pura prithibi moi logote bolidan hoise, aru moi eitu prithibi logote.
|
||||
\v 15 Kelemane sunnot thaka aru nathaka manu logote eku ginti nokore, kintu ki ginti kore koile ekta nutun bonai diya manu.
|
||||
\v 16 Kun manu bhal pora thaki ase, shanti aru morom apuni khan logote thakibole dibi, Isreal laga Isor logote bhi thakibole dibi.
|
||||
\v 17 Etiya pora moi ke kun bhi dikdar nokoribi, kelemane moi Jisu laga dagi moi laga gaw te loi kena ase.
|
||||
\v 18 Probhu Jisu Khrista laga anugrah apuni khan laga Aatma logote thakibole dibi, bhai khan. Amen.
|
||||
|
|
@ -0,0 +1,109 @@
|
|||
\id PHP - Indian Revised Version (IRV) Nagamese
|
||||
\c 1
|
||||
\v 1 Paul aru Timothy, Jisu Khrista laga sewak khan, kun Khrista nimite alag kori kene thaki ase Philippi te, aru taikhan logote dangor manu aru cholawta thaka khan.
|
||||
\v 2 Probhu Jisu Khrista laga anugrah aru Baba Isor laga shanti apuni khan logote thaki bo dibi.
|
||||
\v 3 Moi jetiya apuni khan ke yaad kore moi laga Isor ke dhonyabad diye,
|
||||
\v 4 hodai, moi apuni khan nimite prathana kori thake, aru apuni khan nimite khusi pora prathana kore.
|
||||
\v 5 Kelemane apuni Isor laga kotha nimite moi logote suru pora ahji tak ase.
|
||||
\v 6 Moi sob kam te bharosa ase,Tar kun apuni khan logote bhal kam korise Jisu Krista naha tak eitu sob kam pura koribo.
|
||||
\v 7 Moi ineka bhabana kora tu bhal ase kelemane moi laga mon te apuni khan ase. Apuni khan moi logote Isor laga kam te hodai thakise aru Tar nimite dukh pa-a homoi te moi ke chara nai aru hodai prathana pora modot kori thakise.
|
||||
\v 8 Kelemane Isor tu moi laga gawah ase, Jisu Khrista pora morom kora nisina moi apuni khan ke hodai yaad kori thake.
|
||||
\v 9 Eitu hei moi laga prathana ase: apuni khan laga morom bisi hoi kene Isor laga gyan aru sob bujibole thaka tu buji paribole nimite.
|
||||
\v 10 eitu pora apuni ki tu bhal ase manibo, aru Khrista naha tak, apuni khan mon di kene aru sapha hoi kena thakibo,
|
||||
\v 11 aru Jisu Khrista pora aha laga dharmik phol pora bhorta hoi jabi aru Isor laga mohima aru aradhana hodai kori thakibi.
|
||||
\v 12 Moi apuni khan ke eitu janai dibole mon ase, bhai khan, moi logote ki hoise eitu sob susamachar ke age loi jabole nimite hoise.
|
||||
\v 13 Aru eitu nisina, Khrista nimite moi ke loha pora bandi kena rakha homoi te sipahi aru sob manu khan ujale aha tu dekhise.
|
||||
\v 14 Bisi bhai khan moi ke loha pora bandhi kena rakha tu dekhi kena Probhu uporte bharosa korise aru tai khan dusra manu khan ke bhoi nokori kena Isor laga kotha kobole nimite mon dangor hoise.
|
||||
\v 15 Kunba manu suku joli aru khong uthi kena Khrista laga kotha koi ase, aru kunba khan bhal mon loi kena Khrista laga kam kori kena jai ase.
|
||||
\v 16 Kunba manu khan morom pora eitu kam korise, kelemane taikhan jane Isor laga kotha nimite moike yate khara kori rakha ase.
|
||||
\v 17 Kintu kunba manu khan nijor laga lab nimite kam kori ase, mon di kena nohoi. Tai khan bhabe yate bohi thaka homoi te moi ke tai khan dukh dibole paribo.
|
||||
\v 18 Tetiya hoile ki? Sob rasta pora- misa laga bhabana pora aru hosa pora- Krista laga kotha manu khan ke janai ase, aru eitu te moi khusi kori ase. Hoi, moi khusi koribo,
|
||||
\v 19 kelemane moi jani ase apuni khan laga prathna aru Jisu khrista laga Aatma pora bachi jabo.
|
||||
\v 20 Moi akha ase aru pura bharosa kore moi ketiya bhi sorom nakhabo, aru moi mon dangor kori kena thaki ase, etiya bhi aru hodai, Khrista ke moi laga gaw pora hodai untcha te uthai thakibo, zinda thaka homoi te aru mori jailebi.
|
||||
\v 21 Kelemane moi zinda thakile Khrista nimite aru mori jaile eitu moi laga lab ase.
|
||||
\v 22 Kintu jodi moi gaw mangso te zinda thake, tetiya hoile eitu moi nimite bhal phol ulabole laga kam ase. Kintu moi ki tu bachi lobo? Moi najane.
|
||||
\v 23 Kelemane moi eitu duita majote phasi kena ase. Moi laga echha eitu khan sob chari kena Jisu logote thaki bole nimite ase, eitu hai sob pora bhal ase,
|
||||
\v 24 kintu gaw mangso te apuni khan logote thaki bole nimite te he dorkar ase.
|
||||
\v 25 Aru eitu khan sob bhabana kora pichete, moi jane apuni khan logote thaki kena Isor laga kam kori kena jabo, khusi pora apuni khan laga bisas dangor hobole nimite,
|
||||
\v 26 eitu pora apuni khan moi ke sai kena Jisu Khrista uporte bisas kori kena Tar laga nam te phutani kori bole paribo jetiya moi apuni khan ke lok kori bole aru ahibo.
|
||||
\v 27 Apuni khan Jisu Khrista laga kam nimite te hei bhal kam kori thakibi, moi apuni khan logote thakile bi aru natha ki le bhi, moi apuni khan ki kori ase eitu huni thakibo nimite, apuni khan bisas te bhal kori kena khara kori ase koi kena, ekjon-ekjon logote mili kena bisas pora Isor laga kotha nimite thakibi.
|
||||
\v 28 Aru dusra manu khan pora apuni ke kiba kobo eitu bhabi kena bhoi nokoribi. Eitu khan sob tai khan khotom hoi jua laga chin khan ase, kintu apuni khan nimite jibon ase- aru eitu Isor pora ase.
|
||||
\v 29 Kelemane eitu apuni ke ene pora Jisu Khrista nimite dise khali Tai ke bisas kori bole nimite nohoi, kintu Tai nimite dukh pabole karone,
|
||||
\v 30 apuni khan moi keneka kori kena kotha korise eitu khan sob dekhise, aru etiya apuni khan moi pora eitu khan sob huni ase.
|
||||
\c 2
|
||||
\v 1 Eitu nimite, jodi Khrista laga nam pora mon dangor kori diya kotha thakile, jodi morom pora mon aram kori diya kotha thakile, jodi Aatma laga sangati thakile, jodi nomro daya aru morom thakile,
|
||||
\v 2 tetiya hoile moi bhabana kori thaka nisina moi laga khusi aru bhi bisi bhorta kori dibi,eke morom thaki kena, atma te mili kena, aru ekta bhabana loi kena.
|
||||
\v 3 Nijor nimite te bhabana kori kena kam nokoribi. Kintu chutu hoi kena dusra khan ke nijor pora bhi bisi bhal bhabibi.
|
||||
\v 4 Nijor pora ki bhal pai eitu nokoribi, kintu dusra manu pora ki bhal pai ase eitu bhi sabi.
|
||||
\v 5 Jisu Khrista kineka thakise eitu nijor pora bhabana kori kena sabi,
|
||||
\v 6 kun, Isor nisina hoi kena prithibi te thakise, kintu Tar nijor ke Isor laga jaga te rakhi bole bisara nai.
|
||||
\v 7 Hoilebi, Tar nijor ke khali kori dise aru ekta sewak nisina thakise, aru ekta manu nisina jonom loise. Aru Tar ke manu nisina hai paise,
|
||||
\v 8 Tar mori bole ja homoi tak chutu hoi kena thakise, crus te mora homoi tak!
|
||||
\v 9 Eitu nimite Isor bhi Tar ke utcha te uthai dise aru Tar laga nam sob nam pora bhi utcha te rakhi dise.
|
||||
\v 10 Isor ineka kori dise kelemane Jisu Khrista laga nam te sob manu niche koribo, kun manu sorgote aru prithibi aru mati nichete ase,
|
||||
\v 11 aru kiman manu ase tai khan sob Jisu Khrista hai Probhu ase koi kena shikar koribo, aru Baba Isor laga mohima koribo.
|
||||
\v 12 Eitu nimite, morom laga bhai khan, apuni khan hodai kotha mani thaka nisina, khali moi thaka homoi te hei nohoi hoile bhi moi nathaka homoi te bhi, Isor ke bhoi kori kena nijor laga jibon nimite kam koribi.
|
||||
\v 13 Kelemane Isor apuni khan logote bhal kam kori bole nimite Tar laga echha kori ase.
|
||||
\v 14 Apuni ki kam kori ase eitu jhagara aru shikayat nokori kena koribi,
|
||||
\v 15 eitu pora apuni eku bodnam napaikikene aru sapha thakibo, Isor laga bhal baccha khan hoi kene thakibo, prithibi laga manu khan usorte ekta puhor hoi kene thakibo, eitu beya aru papi manu khan majote.
|
||||
\v 16 Jibon laga kotha dhori kene thakibi jetiya tak Khrista wapas na he eitu pora moi ki kam kori kene polai se eitu te moi phutani koribole paribo aru hari se ineka nokobo.
|
||||
\v 17 Aru jodi apuni khan laga bisas nimite moi ke ekta bolidan nisina dhali dilebi, moi apuni khan logote khusi koribo.
|
||||
\v 18 Eitu nisina apuni khan bhi moi logote khusi aru anondo koribi.
|
||||
\v 19 Kintu moi Probhu Jisu Khrista uporte bisas ase apuni khan logote Timothy ke joldi pothai dibole nimite, eitu pora apuni khan ki kam kori ase eitu jani kena mon dangor kori bole paribo.
|
||||
\v 20 Kelemane tai nisina moi logote aru dusra kun bhi nai, apuni khan nimite hosa pora chinta kori thake.
|
||||
\v 21 Kelemane tai khan sob nijor nimite hai chinta kori thake, Jisu Khrista laga kam nimite eku chinta nai.
|
||||
\v 22 Kintu tai keneka ase apuni khan jane, aru ekta chokora tai laga baba nimite ki ase, tai moi logote Isor laga kotha nimite sewa kori kena thake.
|
||||
\v 23 Eitu nimite moi ki koribo eitu sai kena para tak joldi tai ke apuni khan logote pothai dibo.
|
||||
\v 24 Kintu moi Probhu uporte pura bisas ase moi nijor bhi apuni khan ke joldi sabole ahibo.
|
||||
\v 25 Kintu moi bhabe Epaphoditus ke apuni khan logote joldi pothai dibole nimite dorkar ase. Tai moi laga bhai ase aru eke logote kam kora sathi ekjon aru ekta sipahi, aru apuni khan nimite ekjon Isor kotha koi diya manu aru ekta sewak moi laga kam aru dorkar nimite.
|
||||
\v 26 Tai apuni khan logote thakibole mon jua tu dekhi kena aru tai bisi chinta hoise, kelemane tai bimar ase koi kena apuni khan hunise.
|
||||
\v 27 Tai bimar hoi kena olop pora mora nai. Kintu Isor hai tai uporte daya korise, aru khali tai ke hai nohoi, kintu moi uporte bhi, eitu pora moi dukh uporte dukh hoi nathaki bole nimite.
|
||||
\v 28 Eitu nimite moi tai ke joldi pora apuni khan logote pothai dibo, jetiya tai ke apuni khan aru dekhibo apuni bisi khusi hobo, aru eitu pora moi laga dukh komti hoi jabo.
|
||||
\v 29 Eitu nimite tai ke khusi pora matibi aru tai nisina manu ke sonman dibi.
|
||||
\v 30 Kelemane Khrista laga kam nimite tai mori bole thaka pora zinda hoi kena ase. Tai pora moi ke sewa kori bole nimite tai laga jibon dise aru apuni khan moi nimite ki kori bole para nai eitu sob tai moi nimite korise.
|
||||
\c 3
|
||||
\v 1 Etiya, moi laga bhai khan, Probhu logote khusi koribi. Eitu kotha moi apuni khan logote hodai likhi thaka tu moi nimite eku dukh nai, aru eitu pora apuni khan ke bachai kena rakhe.
|
||||
\v 2 Kuta berai thaka khan ke hosiar pora sabi, beya kam kora manu khan ke sai thakibi, kun manu gaw mangso ke beya koribole bisare, eitu khan ke sai thakibi.
|
||||
\v 3 Kelemane moi khan sunnot kori diya manu ase- aru moi khan Isor laga Aatma pora mohima kore, aru Jisu Khrista laga nam te phutani kore, aru gaw mangso laga eku echha nokore.
|
||||
\v 4 Hoilebi, moi nijor bhi ketiyaba gaw magso ke bharosa kori kena thaki bole pare.Jodi kunba manu tai nijor laga gaw te bharosa kore, tetiya hoile moi apuni khan pora bhi bisi hobo.
|
||||
\v 5 Moi ke ath din te sunnot kori dise, Israel laga manu, Benjamin laga jat pora, sob Hebrew manukhan laga ekta Hebrew; aru niyom kanun hisab te, ekta Pharisee manu.
|
||||
\v 6 Moi laga echha nimite, moi girja khan ke dukh di thakise kanun laga niyom te nijor ke dharmik kobole nimite, moi eku beya nathaka manu thakise.
|
||||
\v 7 Kintu moi nimite ki labh thakise, etiya Jisu Khrista usorte eitu khan sob tu nuksan hai ase.
|
||||
\v 8 Kintu hosa te, etiya, moi laga probhu Jisu Khrista ke janibo para laga gyan usorte itu khan sob moi nimite noksan he ase. Tar nimite moi sob saman khan chari dise- aru eitu khan sob eku kam nathaka ase- eitu pora moi Khrista ke pabole nimite.
|
||||
\v 9 aru Tar logote thaki bole nimite, moi nijor laga niyom pora dharmik thaki bole nimite nohoi, kintu Jisu Khrista logote bisas pora thaki bole nimite-bisas pora Isor logote dharmik hoi kena thaki bole nimite.
|
||||
\v 10 Etiya moi bhi jani bole mon ase Tar mora pora jinda huwa laga takot aru Tar laga dukh te bhag lobole,Tar logote mori kena Tar nisina hobole nimite,
|
||||
\v 11 jodi moi bhi mora pora jinda hobole para laga sabole parile.
|
||||
\v 12 Moi eitu khan sob pai loise koi kena nohoi, aru moi bhal ase koi kena nohoi, kintu moi ke Jisu Khrista pora dhori kena rakha nisina moi bhi eneka hei kori ase.
|
||||
\v 13 Bhai khan, moi etiya bhi nijor pora kiba paise koi kena nabhabe. Kintu ekta kaam moi kore: pichete ki ase eitu pahori kena agete ki ase eitu nimite hei bhabana kore,
|
||||
\v 14 Jisu Khrista nimite Isor pora mati luwa nisina moi enam pabole nimite kusis kori ase.
|
||||
\v 15 Eitu nimite moi khan buji bole para manu nisina eitu khan bhabi kena thakibo; jodi apuni khan alag bhabi thake, Isor pora apuni khan ke eitu bhi dekhai dibo.
|
||||
\v 16 Hoilebi, moi khan kun jaga te ponchi kena thaki lebi, moi khan logote ki ase eitu dhori kena thakibo.
|
||||
\v 17 Moi keneka ase eitu nisina thakibi, bhai khan. Apuni khan moi khan logote thaka nisina bhal pora sai kena berabi.
|
||||
\v 18 Bisi manu berai ase- kun nimite moi apuni khan ke hodai koi thake, etiya bhi moi apuni khan ke kandi kena koi ase- tai khan Khrista laga crus laga dusman ase.
|
||||
\v 19 Tai khan beya pora khotom hoi jabo, kelemane tai khan laga pet hei taikhan laga isor ase, aru tai khan phutani kori thaka tu sorom khai jabo.Tai khan prithibi laga saman khan nimite bhabana kori thake.
|
||||
\v 20 Kintu moi khan laga ghor tu sorgote ase, aru eitu jaga pora moi khan laga Tran korta, Probhu Jisu Khrista ke rukhi thake.
|
||||
\v 21 Tar moi khan laga purana gaw ke Tar laga pobitro gaw nisina bonai dibo,Tar laga mahan takot pora aru sob saman ke Tar logote aru Tar niche te rakhi bo.
|
||||
\c 4
|
||||
\v 1 Eitu nimite, moi laga bhai khan kun ke moi morom kore aru bhabi thake, moi laga khusi aru moi laga mukut, eitu nisina Probhu logote bisas te bhal pora khara hoi kena thakibi,morom laga sathi khan.
|
||||
\v 2 Moi Euodia khan ke anuroth kori ase, aru moi Syntyche ke bhi anuroth kori ase, Probhu logote ekta bhabana hoi kena thakibi.
|
||||
\v 3 Hoi, moi apuni khan ke hudise,moi laga hosa sathi khan, eitu maiki khan ke modot kori bole nimite kun dukh pora moi logote Isor laga kotha prochar korise, moi logote kam kora manu Clement aru dusra khan, kun khan laga nam tu Jibon laga Kitab te likhi kena ase.
|
||||
\v 4 Probhu logote hodai khusi koribi. Aru bhi moi kobo, hodai khusi koribi.
|
||||
\v 5 Apuni nomro hoi kena thaka tu manu khan ke jani bole dibi. Probhu ahibole nimite usor hoise.
|
||||
\v 6 Kiba ekta kori bole nimite bisi mon digdar nokoribi. Kintu, sob kam te prathana aru dhonyabad di kena anurodh koribi, apuni ki bhabi ase eitu Isor ke jani bole dibi,
|
||||
\v 7 aru Isor laga shanti, kun tu sob bujibole nimite diye, Jisu Khrista uporte bisas koribole nimite apuni khan laga mon aru bhabana bhal kori kena sai dibo.
|
||||
\v 8 Etiya, bhai khan, ki kotha khan hosa ase, aru kuntu pora sonman diye, aru thik ase, aru ki sapha ase, aru ki kotha khan bhal pora kobole pare, jodi ta te kiba bhal ase koile, aru jodi manu ke uthai diya laga kotha ase koile, eitu kotha khan sob bhabana koribi.
|
||||
\v 9 Apuni khan ki kotha khan shikise aru paise aru hunise aru moi logote dekhise, eitu khan koribi, aru Isor laga shanti apuni khan logote thakibo.
|
||||
\v 10 Kintu moi Probhu logote bisi khusi kori ase kelemane apuni khan moi nimite bisi bhabana kori kena thaki ase. Apuni khan pohila pora bhi moi nimite bisi bhabana kori thake, hoile bhi apuni khan modot kori bole nimite bhal homoi tu panai.
|
||||
\v 11 Moi kiba dorkar ase koi kena eitu kotha khan kora nai. Kelemane moi logote ki hoile bhi keneka thaki bole lage eitu khan sob bhal pora jani ase.
|
||||
\v 12 Moi jane gorib huwa tu keneka ase, aru moi eitu bhi jane bisi thaka tu keneka ase. Moi sob rasta pora keneka thakibole lage aru nijor ke keneka bhuk pora bachai kena rakibole lage eitu laga kotha khan sob jani loise, aru dorkar thaka homoi te keneka pabo lage eitu bhi jani loise.
|
||||
\v 13 Moi sob kam Tar laga nam pora koribole pare kelemane Tar moike takot diye.
|
||||
\v 14 Hoilebi, apuni khan moi dukh pai thaka homoi te bhal pora sai dise.
|
||||
\v 15 Kintu apuni Philippians manu khan Isor laga kotha suru pora jani ase, jetiya moi Macedonia te jaise, kun girja pora bhi moi ke di kena modot kora nai khali apuni khan pora hei korise.
|
||||
\v 16 Jetiya moi Thessalonica te thakise, moi nimite apuni khan pora ekbar pora bhi bisi modot pothai dise.
|
||||
\v 17 Moi manu khan pora kiba pabole nimite nabisare. Kintu, moi apuni khan bhal hoi kena thaka tu hai bisare.
|
||||
\v 18 Kintu moi pura pai loise, aru bisi paise. Moi ke Epaphroditus pora ki pothai dise eitu sob bhal kori kena paise. Ekta bhal gundh thaka pora gundai thaka nisina, Isor pora ekta khusi pa-a laga bolidan.
|
||||
\v 19 Kintu moi laga Isor pora Khrista Jisu nam te Tar laga dhun hisab te sob laga dorkar pura kori dibo.
|
||||
\v 20 Etiya moi khan laga Baba Isor ke hodai nimite mohima dibi. Amen.
|
||||
\v 21 Jisu Khrista te thaka sob dharmik manu khan ke salaam dibi. Moi logote thaka bhai khan pora bhi apuni khan ke salaam di ase.
|
||||
\v 22 Yate laga sob dharmik manu khan pora apuni khan ke salaam di ase, aru Caesar laga ghor manu khan ke bhi salaam di ase.
|
||||
\v 23 Apuni khan laga atma logote Probhu Jisu Khrista laga anugrah thaki bole dibi. Amen.
|
||||
Loading…
Reference in New Issue