xdy-x-tamuan_2ti_text_ulb/01/15.txt

\v 15 Kolaie ingat fakta amun uras am tege ka Asia jarie bapaling mulae ku, ka antara urangnya yah am Figelus umakan Hermogenes. \v 16 Kiranya Tuhan am mamorie bolas kasihan akan saisi rumah Onesiforus laie inya rajin manyogarkanku lalue hontae malue laie pemenjaraanku. \v 17 Sabaliknya, katika sampai ka Roma, inya dengan semangat mangaueku  lalue badapat aku. \v 18 Kiranya Tuhan manuntun nyaman inya manapat bolas kasihan mulae Tuhan akan arie iyah, sabagaimana kolai kanirie ingat barapa banya gawian am jarie inya borie akan ku ka Efesus.