\v 12 Kyrãpypei opa mbi'ikorai kuaretare, kuakuavare hareka jyve Moise mbypara vekua pyrẽimboi'iheare; hãrã opa ou ĩãrẽirã, pysyshu retarã raha reta Judio mburuvisha vasu ñymbaty'õpe. \v 13 Haipe veru reta kuareta mba'etyva mbeu verã: Ko kuimbai poiã ijeta porããhe tupao hareka Moise mbypara vekua. \v 14 Ore hẽinduha heirã Hesu Nazareno opa mambai verã ko tupao hareka yngava ñonojy verã jaikova rãĩmi Moise heja ñande vekua. \v 15 Hãrã opaite mburuvisha ñymbaty'õpe vapy ovare mãĩhe Esteban, hareka hesha reta hova, pẽinte Tumpa jokueva hova rãĩmi.