tmf_rom_text_reg/12/06.txt

\v 6 Jengellamelaiam Engiapom Neten, jengellanquec lhta alpalhcammalhca nenmopuanca'a nenmacmecama. Enenlhet apto lhta aplhewai'a apmopuana eltennama aniem'o Engiapom Neten, ntasec eltennama acuanlha la njan meiasqueiam aplhewai'a. \v 7 Enenlhet apto lhta aplhewai'a apmopuana etnec nema asennaicama, ntasec etnec actacmanma apmacmecama. Apto lhta njan aplhewai'a apmopuana etlhecmocsec, ntasec eieplauquesec ma'a. \v 8 Enenlhet apto lhta njan aplhewai'a apmopuana eiatecjoc po'oc, ntasec na eieplauquesec ma'a. Enenlhet apto la jengaianco ngiapom caselha apancoc, ntasec etnec metca apquenmeiauquesammacpo panque' caselhaja. Enenlhet apto lhta njan aplhewai'a apmopuana la malha apuesque, ntasec etnec apiamo, aptacmelquescamo njan. Apto lhta njan aplhewai'a apmopuana epasmoc apquellelto nac metca apquelletsecama, ntasec etnec acpaijecja mota apualhoc ma'a.