tmf_luk_text_reg/07/11.txt

\s1 Aptescasecja mocjom apjalhnancoc apiesecsec apquenmasquenwaiacmo lhentampe atca \v 11 Apquenmeiecjo lhnac Jesus cacpota njan apqueltamesaicamoc natemma Nain, mang nantec enenlhet'awoc apquelieploma m'a. \v 12 Ca apquellanquetquescamo lhnac quieto nentalhnemacja atong apiau'acja temma, apqueluetai'o lhnac apquelletsoma apquenmajai'a elcatonnec lhema apquetcoc apquetsepma'. Lhentampe lhnac atca m'a, wanlha lhnac lhema pjapac, aplhaniec nac enenlhet'awoc apquelieploma m'a. \v 13 Apietnai'awec nac na'at Jesus lhentampe, lhna aptemac:
—Mowen'— \v 14 Ca aptetescaiacmo lhnac apietnacja apjapac ma'a, apmanweiacmo aptanema. Apquelanueiacmo lhnac enenlhet apquellelto apquelletsoma, lhnac aptemac Jesus apcanemo apquetcoc apquetsepma:
—¡Etnemecja neten!—lhna aptemac \v 15 Mpelapquescangquec nac apquenmecjo neten apquetcoc ma'a, ca apqueliatoncomo lhnac na m'a. Ca apiantemecjo lhnac Jesus acnacja ngquen ma'a.