tmf_heb_text_reg/03/01.txt

\c 3 \v 1 Quetlhencap elialheng'a, apquellawecama lhta Engiapom Neten cacpota etnesquesancoc apquennemolhema, ca nqueniemai'ac ntasec ncolietnama apaqto'oc amota aptemacja Cristo Jesús apto lhta apostol apcapascama Engiapom Neten cacpota jengetlhecmosancoc ennenco'o m'a, canjan aptemo malha sacerdote apto neten apanquec apiaspommap, jengeltemesquescamo njan mongeliasqueiam ma'a. \v 2 Apqueliejecjawe lhta njan aptemacja apcanemo Engiapom Neten apqueltemo jengelpasmoc jata, apnawe lhta njan Moisés apqueliejecjawec nac na aptemacja apcanemo Engiapom Neten apqueltemo eltacmelquesec pa'at apanco'oc. \f + \ft El pueblo de Dios \f* \v 3 Coca Engiapom Neten apcanque lhta Jesús neten apanquec nemo ai'o, aselhtec ma'a Moisés. Nnawec na m'a enenlhet la apmopuana elana pa'at aplhoc'ac nemo ai'o, aselhtec ma'a pa'at anac alanemmalhca. \v 4 Lhamacjo pa'at anac apquellanai'a nac enenlhet, coca Engiapom Neten na apquellanai'a lhamacjo caselha nenwetai'o nac