\v 35 Moklhem'a ngkelvana'ak lhnak nanek na nketlhevekhak atkak apkeletsepma m'a apnaklhatekhangveiam aniem'o lhnak
nanek na nkoliaskeiam. Moklhem'a lhnak nanek na nnemak aknaqtevaskamo m'a aniem'o meliaskeiam, mang nak nanek na eleltemo niekhe ngkolhek alꞏhatsoskakho m'a ngkanek apkeliamavek niekhe eletsepok hata kakpota enaklhatekhangvomok mokhom elvetangvomok na aktaqmanma apkellangiemhaikama m'a, mankolhno hengke'e nalhepop anak. \v 36 Moklhem'a lhnak nanek na nema altekpoiangka, nema
alvannaikama lhnak nahan, nema aknaktetema cadena, nemo nhan apnaktamo
nengaqlhengkasemmalhkelha m'a aniem'o meliaskeiam. \v 37 Moklhem'a lhnak
nanek na aptekiomak ma'a aniem'o nema aliaqnai'a metaimong, nemo nhan
aliaqtemanmo neplhet'a akieplomo nhan iama annamo tkok serrucho, annapmo
nhan pelettav akvenaktema. Po'ok nak na noka apkenmaiangko mota mo'ok amota
iokhalhma, apkelentalhnema lhnak na noka vanlha nepkesek apiempeiok kanhan
ieta'ai aniem'o metka apkelletsekama, kanhan apkellengaiangko akientalhnema,
apnaqtevasemmap nahan. \v 38 Apkenmaiangkek nak nanek na apankavek metka apkeliamo apkenmangkelha la'a akieto m'a iokhalhma metkelha temma, nalhma, apkelentalhnengvaiakmo nhan malhek akiavai'a, metaimong alhva nhan ma'a, mang nak nane nkolietemo apkelpalhkaiangka enenlhet'avok meliamolhma m'a.