Sun Jun 28 2020 17:43:15 GMT-0600 (Mountain Daylight Time)

03/01.txt

@@ -0,0 +1 @@
+\c 3 \v 1 \v 2 \v 3 1 Asquetlhecmosquec co'o alhnacjo actemacja apquetsepma' Jesucristo neten iamet actennescama cacpota	antancocjac	nengelpeiwomo	napaqtec	Engiapom	Neten,	coca	quetlhengcap apqueluatesaianquec ania'a actacmanma nac. Malha apiolhma meijamolhma ntemac apnaqtewascama apqatco'oc anac quetlhengcap co Galacia, mamma apqatco'oc! 2 ¡Cotlheianwacjo no apualho'oc quetlhengcap! Apquetlhewaianque lhta Engiapom Neten Apualhoc aniem'o m'a meliasqueiam Jesucristo, jawe aniem'o apquellasecjai'o jenganemacja nac Moises. 3 Necsa aptaicamoc alhta Jesucristo apquennemolhema quetlhengcap ma'a, Engiapom neten Apualhoc alhta anmaicama, colhua coca apquelleltawec eliawencasancoc niecje mocjom tep anquec aptaicamoc apquelpeiwomo aniem'o apquelieplauquescama jenganemacaja Moises. ¡Metnamongquec ma'a, mamma apqatco'oc quetlhengcap!

03/04.txt

@@ -0,0 +1,3 @@
+\v 4 \v 5 4 Malha nac acjemo ntemac apquelluetai'a lhta caselha altacmelo quetlhengcap ma'a,
+coca jawe acjemo m'a.
+5	Apquellaianque lhta Apualhoc apanque' Engiapom Neten ma'a, apquelanai'ac na jempelapquescama apiesecsec quetlhengcap ncanec ma lhta eliasqueiacmoc Cristo m'a, jawe aniem'o jenganemacja nac Moises.

03/06.txt

@@ -0,0 +1,4 @@
+\v 6 \v 7 \v 8 \v 9 6	Abraham man nac nanec eiasqueiacmoc Engiapom Neten ma'a, ca ncanec Engiapom Neten aptemesquescamo apeiwomo. 7 Ca ctonac ma'a, lhamacjo enenlhet'awoc meliasqueiam anac Engiapom Neten, coca m'a apquelelto jawe ngiapac anque Abraham aptawana'ac neptamen ma'a. 8 Alhnacjo ngquec aclheianma jenganemacja lhennenga, enenlhet'awoc metno judios meiascacmo la Jesus, ngolhec jata altemescaso apquelpeiwomo.
+Lhnac na nec aptemac Engiapom Neten apcanemo Abraham:
+«Lheiap jata ngcompac allenteiapma altacmanma caselha alhma nquec apquellawacja enenlhet'awocb»
+9 Ca ctonac ma'a, enenlhet apquellelto nac meliasqueiam Engiapom Neten, etlhewancoc jata actacmanma aniem'o Engiapom Neten, ca actemo lhnac nanec Engiapom Neten apquelanei'o Abraham annenga,

03/10.txt

@@ -0,0 +1,9 @@
+\v 10 \v 11 \v 12 10 coca enenlhet apquellelto la eluoncasacpoc tep aniem'o jenganemcacja Moises, etselhnanacpoc jata m'a.
+Ca ntac na actalhesammalhca jenganemacja lhennenga:
+ «Enenlhet apquellelto la apqueiam lhema apquelieplauquescama jenganemacja Moisesc, ennaqtewasacpoc jata »
+11	Coca acto nac ma'a, mancawangquec jentemesquesec nempeiwomo jenganemacja nac, Jesucristo coca apuanque.
+Alhnacjo ngquec aclheianma jenganemacja lhennenga:
+«Ngcaimelhquec metca apqueliasqueiam Engiapom Neten cacpota eltec apquelpeiwomo, elloca ta acuancacjo m'a »
+12	Coca aclheianma jenganemacja Moises:
+«Enenlhet apquellelto apquelieplauquescama la jenganemacja, elloca ta acuancacjod» lhna ntemac jenganemacja.
+Coca jenganemacja nac mangcawangquec jengellancoc aliennactema ennengio'oc, ncanec mangellapuanquec ansaujoc angellieplauquesec lhamacjo jenganemacja nac, ca ncanec angetselhnanalhca niecje m'a.

03/13.txt

@@ -0,0 +1,4 @@
+\v 13 \v 14 13 Cristo coca apata ngquec aquientalhnema nac cacpota jengeluonquesec tep ennenco'o necsa aquientalhnema jenganemacja nac Moises.
+Ca ntac na actalhesammalhca ania'a lhennenga:
+« Enenlhet apquetsepma nac neten iamete, Engiapom neten aptewascama m'af»
+14	Ca actemo nac Jesus apquetsepmec neten iamet actennescama m'a cacpota ngcolluacjoc na metno judios aptemacja lhnac nanec apcanemo Engiapom Neten Abraham. Mang jata ngquec angeliascacmoc Jesucristo, angetlhewancoc jata Engiapom Neten Apualhoc aplheianmo lhnac nanec jengellangcoc.

03/15.txt

@@ -0,0 +1,5 @@
+\v 15 \v 16 15	Alhnacjo ngquec asmac'acja nac atnec alheianma cacpota eliamwomjo quetlhengcap, actemo lhnac nanec apcanemo Engiapom Neten Abraham, mangcawangquec ngcoiengiolhcac ma'a.
+Malha acto nac apquelpaqmetquesammap apcanet la enenlhet, etalhacsec apuesai'a waccajac, mangcollapuangquec enaqtewasecjac ma'a, mangollapuangquec eliecacsec actemacja apquetlheianma lhquec. 16–17 Lhnac nanec aptemac Engiapom Neten apacmetquescamo apquelanei'o Abraham cacpota jan aptawana'ac neptamen:
+«Lheiap jata ngcompac allenteiapma altacmanma caselha alhma nquec apquellawacja enenlhet'awocg» Lhna aptemac ma'a.
+Ca caselha altacmanma nac aniem'o lhema aptawen Neptamen Abraham, apuesai'a Cristo.
+Netamen 430 iantelhcapa niecai'ac ma'a, apquetlhewaianco lhta jenganemacja, ca stonac asquellano quetlhengcap ma'a, mancawuanquec jenganemacja ngcotuasecjac actemacja aplheianma Engiapom Neten.

03/17.txt

@@ -0,0 +1 @@
+\v 17 \v 18 18 Metca aquianmoma m'a altacmanma nac apqueltennascamo lhnac  nanec  Engiapom  Neten eniancoc Abraham, jawe aniem'o apqueliejecjo jenganemacja, ca aniem'o la apqueliejecjo jenganemacja, mangcotnec jata metca aquianmoma m'a.

03/19.txt

@@ -0,0 +1,2 @@
+\v 19 \v 20 19 Malha niecje acjemo m'a jenganemacja nac, coca apquetlhewai'ac cacpota eluetac enenlhet ngcollatsecama apquellanecamoc apanco'oc apancawe', coca mmasquemac aquientalhnema m'a jenganemacja nac apuai'o m'a Abraham aptawen neptamen.
+Enenlhet neten lhnac nanec apquenmama tacja jenganemacja, netamen apquellanconwaiacmo Moises ma'a, ca Moises apquellanconwaiacmo enenlhet'awoc ma'a. 20 Coca Engiapom Neten apcaiancosecja lhnac apaioma Abraham annenga, napaqtec anquec na aptemac ma'a, mamma lhnac apquennencasecama m'a.

03/21.txt

@@ -0,0 +1 @@
+\v 21 \v 22 21	Molhenac co'o jenganemacja nac ngcammelhec Engiapom Neten apqueltennascamo lhnac nanec Abraham annenga, molhenac ma'a, wanlha alheianmo jenganemacja mancawangquec jengangcoc aquiennactema enengiec, mangcawangquec na jentemesquesec nempeiwomo napaqtec Engiapom Neten.