tmf_eph_text_reg/06/05.txt

\s1 Esclavos, apuesque apquellanemmacpelha etnancoc \v 5 Quetlhencap esclavos, elleliejecjo ta mota apuesque apanco'oc nalhepop anac, ellajo coca, enmacmesama ta njan anmajai'o nquec apualho'oc, malha actonac ma'a apquellasennanca la Cristo. \v 6 Metnamo nquec malha apquenmacmenca napaqtec la apuesque apanco'oc, cacpota  etaqjecja ma'a, mmasquec na apquenmacmenca. Ntasec coca mota enmacmama malha actonac ma'a apquellasennanca  la  Cristo  apquellan'a  mota  apquellanemacja  nac  etnancoc  Engiapom  Neten. \v 7 Enmacmama coca aleclemo nquec apualho'oc, malha acto nac quetlhencap apquenmacmesanca   la Apuesque, jawe actonac ma'a apquenmacmesanca la enenlhet apanque nac. \v 8 Asqueltawec co'o elianwomjoc quetlhencap esclavos, nlho ca la njan metno esclavos, moclhem'a ta etlhewancoc aquianmoma aquietemo nquec aniem'o actacja apquellanei'o apquenmacmecama.