pio_jos_text_reg/17/01.txt

\c 17 \v 1 Yata neri nali cali nia Manasés itaquenai caina ya idaberi irrica yai José ina caica, iwali Maquir, caica ya idabaneri irri yae Manasés. Caicata icacanawa yai yanirii quei Galaad. Nia itaquenaina yai Maquir yaca nali cali yasu yai Galaad y Basán, ya cainá Maquir aberi asiali ipeliari. \v 2 Ya calii nacaté nali nia nenaca nia weneica iwitaná Manasés irri nericate nali nia aberi weneica iwitaná, Abiezer, Helec, Asriel, Siquem, Hefer y Semida. Niacataté itaquenainami ya asiali Manasés, irri ya José, yasaida caina iyuwate namanuca.