Wed Feb 02 2022 07:41:53 GMT-1100 (GMT-11:00)

01/01.txt

@@ -0,0 +1 @@
+\v 1 البدية تاع انجيل يسوع المسيح ابن الله , \v 2 كيما مكتوب في الكتب تاع لنبياء :" انا راح نبعث قدامك الرسول تاعي , اللي يوجد لك طريقك قدامك. \v 3 صوت ينادي في الصحراء و يقول :" وجدوا طريق ربي , و اجعلوا مساربو مقدودة ".

01/04.txt

@@ -0,0 +1 @@
+\v 4 كان يوحنا يعمد في الصحراء و يبشر للناس بالمعمودية تاع التوبة لغفران الذنوب . \v 5 و جاو ليه من الجوايه  الكل تاع اليهودية و القدس و تعمدوا كلهم على يديه في واد الاردن , مستعرفين بذنوبهم . \v 6 و كان يوحنا يلبس وبر الجمال و متحزم بحزام تاع جلد على جنابو و ياكل في الجراد و لعسل البري .

01/07.txt

@@ -0,0 +1 @@
+\v 7 و كان يبشر و يقول :" يجي بعدي اللي هو اقوى مني , اللي انا ما نستاهلش تنابس و نحل السيور تاع صباطو . \v 8 انا عمدتكم بالماء , اما هو راح يعمدكم بالروح القدس" . المعمودية تاع يسوع المسيح و التجريبة تاعو

01/09.txt

@@ -0,0 +1 @@
+\v 9 و في هاذيك ليام جا يسوع من الناصرة للجليل و تعمد على يد يوحنا المعمدان في الاردن . \v 10 و في الوقت اللي كان طالع فيه من الماء , شاف السماوات تشقت ’ و الروح هابط عليه كي لحمامة . \v 11 و كان صوت من السماوات بقول:" انت وليدي لحبيب اللي بيه فرحت".

01/12.txt

@@ -0,0 +1 @@
+\v 12 وفي هاذاك الوقت بالذات اداه الروح للصحراء , \v 13 و كان لثمة في الصحراء مدة اربعين يوم يتجرب من ابليس . و كان في وسط الوحوش . و جات الملايكة تخدم فيه . المسيح ينادي التلامذة لولين

01/14.txt

@@ -0,0 +1 @@
+\v 14 و بعد ما تقبض على يوحنا جاء يسوع للجليل و بدا يبشر بالبشارة تاع  ملكوت الله \v 15 و يقول :"الزمان كمل و ملكوت الله قرب , غير توبوا و امنوا بالانجيل ".

01/16.txt

@@ -0,0 +1 @@
+\v 16 و كي كان يمشي على شط لبحر في الجليل شاف سمعان وخوه اندراوس يرميو في الشبكة في لبحر ’ على خاطر كانوا صيادة. \v 17 قال ليهم يسوع :" ارواحوا تبعوني و انا نجعلكم صيادين للناس " \v 18 و في هاذاك الوقت بالذات خلاو الشبكة و تبعوه.

01/19.txt

@@ -0,0 +1 @@
+\v 19 و من بعد غير فات من لثمة شوية زاد شاف يعقوب بن زبدي و خوه يوحنا , في الفلوكة يخيطوا في الشبكة تاعهم . \v 20 عيطلهم و في هاذاك الوقت بالذات خلاو باباهم زبدي في الفلوكة مع الخدامة و مشاو وراه.  الخروح تاع روح منجوس

01/21.txt

@@ -0,0 +1 @@
+\v 21 و بعدها دخلوا كفرناحوم , و في هاذاك الوقت بالذات دخل للمجمع نهار السبت و بدا يقري. \v 22 و حاروا في التعليم تاعو على خاطر كان يقري فيهم كيما اللي عندو سلطان و مش كيما الكتبة .

01/23.txt

@@ -0,0 +1 @@
+\v 23 و كان في هاذاك المجمع راجل ساكنو روح منجوس , بدا يعيط \v 24 و يقول :" آو! واش كاين بيننا و بينك آ يسوع الناصري ؟ راك جاي باه تهلكنا ؟ انا نعرفك شكون انت : القدوس تاع الله !" \v 25 نهرو يسوع و قالو :" اسكت! و اخرج منو!". \v 26 الروح المنجوس صرعو و غيط بصوت عالي و خرج منو .

01/27.txt

@@ -0,0 +1 @@
+\v 27 الناس الكل حاروا و بداو يسقسيو في بعضاهم :" وش هذا ؟ وش هو هذا التعليم الجديد؟ على خاطر بسلطان يامر حتى على الارواح المنجوسة و تطيعو !". \v 28 و في هاذاك الوقت بالذات تنشر الخبر تاعو في كل الجوايه الدايرة بالجليل. نسيبة بطرس ترتاح هي و وحايد اخرين

01/29.txt

@@ -0,0 +1 @@
+\v 29 و في هاذاك الوقت بالذات كي خرجوا من المجمع راحوا لدار بطرس و اندراوس مع يعقوب و يوحنا, \v 30 و كانت نسيبة سمعان عندها السخانة و حاكمة لفراش, حكاولو عليها و في هاذاك الوقث بالذات . \v 31 قرب ليها و حكمها من يدها و وقفها, ثم ثم راحت عليها السخانة و بدات تخدم فيهم .

01/32.txt

@@ -0,0 +1 @@
+\v 32 و كي عشات لعشية , و غربت الشمس, جابوا ليه كل الناس المرضى و اللي مسكونين , \v 33 و كانت المدينة كلها عند الباب . \v 34 و رتح ياسر اللي كانوا عندهم مروضات , و خرَّج شواطن ياسر , وما خلاش الشواطن تتكلم على خاطر عرفوه. التبشير في الجليل

01/35.txt

@@ -0,0 +1 @@
+\v 35 و ناض في الصباح بكري خلاص و خرج و راح لواحد المضرب خالي و كان لثم يصلي وحدو, \v 36 وراح سمعان والناس الي كانوا معاه يتبعوا فيه . \v 37 و كي لقاوه قالوا لو :" آم الناس الكل يحوسوا عليك ".

01/38.txt

@@ -0,0 +1 @@
+\v 38 وقال لهم :" هيا نروحوا للدشر لقريبة من هنا . باه نبشرهم هما ثاني على خاطر هاذي السبة اللي خرجت على جالها " . \v 39 و كان يبشر في المجامع في الجليل كلها و يخرج الشواطن . واحد ابرص يرتاح

01/40.txt

@@ -0,0 +1 @@
+\v 40 و جا ليه واحد ابرص و ركع قدامو و قال لو :" كان حبيت تقدر تجعلني طاهر". \v 41 حن عليه يسوع و مد يدو و مسو وقالو :" نعم نحب , كون طاهر!" \v 42 و في هاذاك الوقت بالذات و هو مازال يهدر راح عليه لبرص و نظاف .

01/43.txt

@@ -0,0 +1 @@
+\v 43 و وصاه و بعثوا في هاذاك الوقت بالذات , \v 44 و قالو :" شوف , ما تقول لحتى واحد , بالصح روح وري روحك للكاهن و قدم الشيء اللي وصى بيه موسى , باه تشهد عليهم ".

01/45.txt

@@ -0,0 +1 @@
+\v 45 اما هو راح و بدا يهدر على طول صوتو وينشر في لخبر, حتى ولى يسوع ما يقدرش يدخل حتى مدينة وهو باين , وولى يقعد بعيد في الاماكن الخالية , و كانوا الناس يجيو ليه من كل جيهة.

02/01.txt

@@ -0,0 +1 @@
+\v 1 و ثاني دخل لكفرناحوم بعد ايامات , و سمعوا بيه انو في واحد الدار . \v 2 و في هاذاك الوقت بالذات تلموا عليه ناس ياسر حتى الدار ما عادتش تهز و حتى لبرى معمرة . و كان يكلم فيهم بالكلام تاع الله.

02/03.txt

@@ -0,0 +1 @@
+\v 3 و جاو ليه و جابولو واحد مشلول هازينوا ربعة . \v 4 و كي ما قدروش يوصلوا بيه عند يسوع على خاطر الغاشي ياسر , عراو السطح وين كان قاعد و بعد ما نقبوه  حبطوا السرير اللي كان راقد عليه الراجل المشلول .

02/05.txt

@@ -0,0 +1 @@
+\v 5 و كي شاف يسوع الايمان تاعهم , قال للمشلول:" يا ولدي مغفورة ليك ذنوبك ". \v 6 و كانوا جماعة من الكتبة قاعدين لثم خموا بينهم بين ارواحهم \v 7 :" واش بيه يهدر هاذا كيما هكا بالكفر ؟ شكون يقدر يغفر الذنوب من غير الله وحدو؟ ".

02/08.txt

@@ -0,0 +1 @@
+\v 8 و في هاذاك الوقت بالذات عرف يسوع بالروح تاعو واش قاعدين يخموا في قلوبهم , و قال لهم :" علاش تخموا في حاجة كيما هاذي في قلوبكم؟ \v 9 واشي هو اللي اسهل , كي يتقال للمشلول : ذنوبك مغفورة , و الا كي يتقال : اوقف هز سريرك و امشي ؟

02/10.txt

@@ -0,0 +1 @@
+\v 10 وبالصح باه تعرفوا بلي ابن الانسان عندو سلطان على لرض باه يغفر الذنوب". قال للراجل المشلول : \v 11 "نقول ليك : اوقف و هز السرير تاعك و روح لدارك !". \v 12 و في هاذاك الوقت بالذات ناض و هز السرير تاعو و خرج قدامهم الكل , حتى الناس الكل حاروا و مجدوا الله وقالوا :" عمرنا ما شفنا حاجة كيما هكا!". المسيح يستدعى لاوي

02/13.txt

@@ -0,0 +1 @@
+\v 13 و من بعد زاد خرج للبحر. و جاو ليه الناس الكل باه يقريهم . \v 14 و كي كان معدي شاف لاوي بن حلفى قاعد في المضرب وين يلم لغرامة , قال لو :" تبعني". وقف وراح يتبع فيه .

02/15.txt

@@ -0,0 +1 @@
+\v 15 و كي كان يسوع و التلامذة تاعو قاعدين في دار لاوي و كانوا قاعدين معاه ياسر من العشارين والمجرمين , على خاطر كانوا ياسرو تبعوه هما ثاني. \v 16 بالصح الكتبة و الفريسيين كي شافوه ياكل مع المكاسين و المجرمين , قالوا للتلامذة تاعو :" واشبيه ياكل ويشرب مع المكاسين تاع لغرامة و المجرمين؟".

02/17.txt

@@ -0,0 +1 @@
+\v 17 و كي سمع يسوع قال لهم :"الصحاح مايحتاجوش للطبيب بالصح المرضى هما اللي يحتاجوا للطبيب. انا ماجيتش للاتقياء, جيت للمذنبين باه يتوبوا". الاستفسار على الصيام

02/18.txt

@@ -0,0 +1 @@
+\v 18 و كانوا التلامذة تاع يوحنا المعمدان و التلامذة تاع الفريسيين يصوموا ,جاو ليه و سقساوه :" و علاش التلامذة تاع يوحنا و تاع الفريسيين يصوموا بالصح التلامذة تاعك ما يصوموش ؟". \v 19 جاوبهم يسوع :" وعلاه صحاب العرس يصوموا كي يكون لعريس في وسطهم؟ ما دام لعريس معاهم ما يقدروش يصوموا .

02/20.txt

@@ -0,0 +1 @@
+\v 20 بالصح راح تجي ايامات يترفع لعريس من وسطهم , وقتها في هاذيك ليامات يصوموا, \v 21 ماكانش واحد يرقع  كسوة قديمة بطبة جديدة,  تولي الطبَّة الجديدة تجبد  من لقديمة و تزيد تتقطع اكثر من بكري .

02/22.txt

@@ -0,0 +1 @@
+\v 22 و ماكانش واحد يحط خمرجديد في قربة قديمة , على خاطر القربة  تتشقق من الخمر الجديد ,و من بعد الخمر يسيح و القربة تفسد . بالصح الخمر الجديد يتحط في قربة جديدة". رب السبت

02/23.txt

@@ -0,0 +1 @@
+\v 23 و عدى نهار السبت في وسط الزرع , و بداو التلامذة تاعو ينحيو في السبول و ياكلوا و هما ماشيين . \v 24 قالوا لو الفريسيين :" شوف ! علاش راكم تديروا في الشيء اللي ماهش محلل تديروه نهار السبت ؟".

02/25.txt

@@ -0,0 +1 @@
+\v 25 قال لهم :" ما قريتوش خلاص على الشيء اللي عملو داود و اللي كانوا معاه كي احتاج و جاع ؟ \v 26 و كيفاه دخل لبيت الله في وقت ابياثار كبير الكهنة , و كلا خبز المهبة اللي ما يحل لحتى واحد باه ياكلو غير للكهنة , و مد للي كانوا معاه و كلاو هما ثاني ".

02/27.txt

@@ -0,0 +1 @@
+\v 27 و من بعد قال لهم :" السبت تجعل على جال الانسان , و مش الانسان على جال السبت. \v 28 و ابن الانسان هو الرب تاع السبت ثاني ".

03/01.txt

@@ -0,0 +1 @@
+\v 1 و من بعد زاد دخل ثاني للمجمع , و كان لثمة واحد الراجل يدو مكمشة . \v 2 و بقاو يعسوا عليه : زعمة يرتحو في السبت والا لا؟ باه يروحوا يشكيو بيه.

03/03.txt

@@ -0,0 +1 @@
+\v 3 وقال للراجل اللي يدو مكمشة ."ارواح اوقف في الوسط !". \v 4 و من بعد قال لهم:" نهار السبت يحل لينا نعملوا الخير و الا نعملوا الشر؟ نمنعوا نفس والا نقتلوها؟" . الكل سكتوا .

03/05.txt

@@ -0,0 +1 @@
+\v 5 خزر فيهم الكل و هو متغشش وحزين على قلوبهم القاسية , و قال للراجل :" مد يدك ". مدها و رجعت صحيحة كيما الاخرى . \v 6 و في هاذاك الوقت بالذات خرجوا الفريسيين و معاهم الهيرودسيين و تفاهموا عليه باه يقتلوه. الغاشي يتبع في يسوع

03/07.txt

@@ -0,0 +1 @@
+\v 7 و راح يسوع هو والتلامذة تاعو للبحر , و تبعوا غاشي كبيرمن الجليل و من اليهودية \v 8 و من اورشليم و من ادومية ومن وراء الاردن . والناس اللي دايرين بصور و صيدا. غاشي كبير , على خاطركي سمعوا عليه واش دار جاو ليه الكل.

03/09.txt

@@ -0,0 +1 @@
+\v 9 و طلب من التلامذة تاعو باه يبقى في فلوكة صغيرة باه الغاشي ما يدزوش , \v 10 على خاطر كي رتح منهم ياسر .ولاو يطيحوا عليه باه كل اللي فيه داء يمسو.

03/11.txt

@@ -0,0 +1 @@
+\v 11 و الارواح المنجوسة كي شفاتو سجدت و عيطت و قالت :" انت هو ابن الله ". \v 12 و وصاهم و اكد باه ما يبينوهش. اختيار الثناش ن رسول

03/13.txt

@@ -0,0 +1 @@
+\v 13 ومن بعد طلع للجبل و هدر مع اللي خايرهم و بقاو معاه . \v 14 و حط ثناش باه يكونوا دايما معاه و باه يبعثهم يبشروا, \v 15 و مد لهم سلطة باه يشفيو الامراض و يخرجوا الشواطن . \v 16 و سمى سمعان باسم بطرس.

03/17.txt

@@ -0,0 +1 @@
+\v 17 و يعقوب بن زبدي و يوحنا خوه , سماهم بوانرجس اللي معناه ولاد الرعد . \v 18 و اندراوس, و فيليبس, و برتلماوس, و متى, و توما, و يعقوب بن حلفي, و تداوس , و سمعان القانوني , \v 19 و يهوذا الاسخريوطي اللي باعو , و من بعدها راحوا لدار . يسوع و بعلزبول

03/20.txt

@@ -0,0 +1 @@
+\v 20 و زاد تلم الغاشي ثاني و ما قدروش  ياكلوا حتى لقمة تاع خبز. \v 21 و كي سمعوا اماليه خرجوا باه يجيبوه, على خاطرهم قالوا :"او مهبول" . \v 22 و بالصح الكتبة اللي هبطوا من اورشليم قالوا :" راه معاه بعلزبول! وراه يخرج في الشواطن بالرايس تاع الشواطن".

03/23.txt

@@ -0,0 +1 @@
+\v 23 عيط لهم و قال لهم بالمعاني :" كيفاه يقدر شيطان يخرج شيطان ؟ \v 24 و الا كان مملكة تتقسم على روحها ما تقدرش تثبت . \v 25 و الا كان بيت يتفرق على ذاتو ما يقدرش هاذاك البيت ييثبت .

03/26.txt

@@ -0,0 +1 @@
+\v 26 و اذا قام الشيطان ضد روحو و تفرق ما يقدرش يثبت , بالصح يفني روحو. \v 27 ما يقدرش واحد يدخل لدار واحد قاوي باه يسرقو, لو كان موش في لول يكتف القاوي , بعدها يقدر يسرق لو دارو .

03/28.txt

@@ -0,0 +1 @@
+\v 28 نقول لكم الحق, الذنوب الكل يغفرها ربي للبشر, وحتى الكذب اللي يكذبوه . \v 29 بالصح اللي يكفر بالروح القدس هاذاك اللي عمرو ما يتغفرلو. بالصح يتحكم عليه بعذاب دايم ". \v 30 على خاطر هما قالوا :" او واقف معاه روح منجوس". عمل واش يطلب الله

03/31.txt

@@ -0,0 +1 @@
+\v 31 وجات وقتها امو وخاوتو وقفوا لبرة وبعثوا يعيطولو. \v 32 وكان الغاشي ملموم بيه , قالولو:" هاي امك و خاوتك بره يعيطولك".

03/33.txt

@@ -0,0 +1 @@
+\v 33 جاوبهم و قال :" شكون يومى و خاوتي ؟". \v 34 و بعدها شاف مع اللي قاعدين وقال :" ها هما امي و خاوتي, \v 35 على خاطر اللي يعمل واش يحب ربي هو خويا واختي ويومى".

04/01.txt

@@ -0,0 +1 @@
+\v 1 و بدا ثاني يعلّم بحذا لبحر , و تلم عليه غاشي كبير حتان دخل للفلوكة و قعد في لبحر, و الغاشي الكل كانوا قاعدين على الشط . \v 2 و كان يقري فيهم ياسر بالمعاني . و قال لهم في تعليمو:

04/03.txt

@@ -0,0 +1 @@
+\v 3 "اسمعوا ! هاو الفلاح خرج باه يزرع , \v 4 و هو يزرع طاحت شوية زريعة في عراض الطريق , وجات لفراخ و كلاتها . \v 5 وطاحت شوية منها في الحصوانة , وين ماكانش التربة ياسر, و نبتت في ساع على خاطر ما كانش عندها عمق في لرض.

04/06.txt

@@ -0,0 +1 @@
+\v 6 بالصح كي زرقت عليها الشمس تحرقت ,و على خاطر ماكانش عندها اصل يبست . \v 7 و طاحت الزريعة الاخرى في الشوك , و كي طلع معاها الشوك خنقها و ما جابتش غلة .

04/08.txt

@@ -0,0 +1 @@
+\v 8 و طاحت الزريعة الاخرى في لرض لمليحة , وجابت غلة تطلع و تكبر, فيها اللي جابت ثلاثين و اخرى ستين و اخرى مياة". \v 9 وبعد قال لهم :"اللي عندو وذنين باه يسمع يسمع "

04/10.txt

@@ -0,0 +1 @@
+\v 10 و كي كان وحدو سقساوه اللي كانوا معاه هما و التلامذة تاعو على المعنى تاع لمثل, \v 11 قال لهم :" انتوما من حقكم تعرفوا السر تاع ملكوت الله . بالصح اللي هما من برى كل شيء يكون لهم بالمعاني , \v 12 يشوفوا بعينيهم بالصح مايميزوش, و يسمعوا بالصح ما يفهموش , باه ما يرجعوش و تتغفر ليهم ذنوبهم ".

04/13.txt

@@ -0,0 +1 @@
+\v 13 و من بعد قال لهم :" ما فهمتوش هاذا لمثل ؟ كيفاه مالا تفهموا جميع المعاني ؟ \v 14 الزارع يزرع الكلمة . \v 15 وهاذوك اللي في عراض الطريق : كي تتزرع الكلمة , و كي يسمعوها يجي الشيطان في وقتها بعد و يخطف الكلمة من قلوبهم .

04/16.txt

@@ -0,0 +1 @@
+\v 16 و هاذوك اللي تزرعوا على الحجار: هما الناس اللي كي يسمعوا الكلمة يفرحوا بيها و يقبلوها في ساع , \v 17 بالصح ما عندهمش اصل في ذاتهم , غير وقتي برك . و من بعد في وقت الشدة و الا كي يجي اضطهاد على جال الكلمة في ساع يطيحوا و يتدعثروا.

04/18.txt

@@ -0,0 +1 @@
+\v 18 و اللي تزرعوا في وسط الشوك : هاذوك هما اللي يسمعوا الكلمة , \v 19 و الهموم تاع الدنيا وزيد يغرهم المال و الزهو وهاذي لحوايج كاملة تدخل و تخنق الكلمة و تولي بلا غلة . \v 20 و هاذوك اللي تزرعوا في لرض لمليحة : هما اللي يسمعوا الكلمة و يقبلوها , و يجيبوا الغلة . واحد ثلاثين و الاخر ستين و الاخر مياة". لمثل تاع المصباح

04/21.txt

@@ -0,0 +1 @@
+\v 21 و من بعد زاد قال لهم :" كيفاه نجيبوا المصباح و نحطوه تحت القصعة والا تحت السرير؟ يخي يتحط على المنارة ؟ \v 22 على خاطر ما كانش مخفي و ما يظهرش . و ما كانش مخبي و ما يبانش. \v 23 و اللي عندو وذنين باه يسمع يسمع ".

04/24.txt

@@ -0,0 +1 @@
+\v 24 و قال لهم :" ثبتوا ف الشيء اللي تسمعوه!  يا السامعين الكيل اللي بيه تكيلوا يكيلولكم بيه و زيادة. \v 25 على خاطر اللي عندو يتزادلو و اللي ما عندوش حتى اللي كان عندو يتنحالو ". لمثل تاع الزريعة اللي تكبر

04/26.txt

@@ -0,0 +1 @@
+\v 26 و قال :" هاكذا هو الملكوت تاع الله : كان واحد الراجل يزرع في الزريعة في الحرث , \v 27 و يرقد و ينوض ليل ونهار , و هاذيك الزريعة تطلع و تكبر,و هو ماعلابالوش كيفاه , \v 28 على خاطر لرض وحدها تجيب الغلة . يبدأ نبتة صغيرة, و من بعد يولي سبولة , ومن بعد يولي القمح مليان في السبول . \v 29 و كي يجي وقت الغلة , في هاذاك الوقت بالذات يبدى المنجل على خاطر لحق وقت الحصاد ". لمثل تاع حبة الخردل

04/30.txt

@@ -0,0 +1 @@
+\v 30 وقال :" واش من حاجة نشبهوا بيها الملكوت تاع الله؟ و وب واش من مثل نمثلوه ؟ \v 31 كيما الزريعة تاع الخردل, كي تتزرع في التربة هي اصغر واحدة في الزريعة الموجودة على لرض. \v 32 بالصح كي تتزرع و تكبر تولي هي اكبر واحدة في الحبوب الكل, وتعمل اغصان كبيرة , حتى لفراخ يجيو و يتخزنوا تحت الظل تاعها".

04/33.txt

@@ -0,0 +1 @@
+\v 33 و بمعاني ياسركيما هاذي كان يكلمهم على حساب واش كانوا يقدروا يسمعوا , \v 34 و ما كانش يكلمهم بلا معاني , و اما كي يكون وحدوا مع التلامذة تاعوا كان يفسر لهم كل شيء. يسوع يهدي العاصفة

04/35.txt

@@ -0,0 +1 @@
+\v 35 و في هاذاك اليوم كي عشات لعشية قال لهم:" ايا نعديو للجيهة الاخرى". \v 36 وكي سرحوا الغاشي راح معاهم هو في الفلوكة و عداو للجيهة الاخرى . و كانوا معاه فلايك واحد اخرين صغار. \v 37 و جات النو و ريح قاوية, و كانت لموجة تضرب في الفلوكة حتى  بدات تتعمر بالماء.

04/38.txt

@@ -0,0 +1 @@
+\v 38 و كان هو في الفلوكة من لوراء راقد على واحد المخدة , راحوا ليه نوضوه و قالوا لو :"يا معلم , احنا رانا قاعدين نغرقوا و انت ما علابالك بوالو؟" \v 39 و وقف و انهر الريح , و قال لبحر :"اسكت ! ابكم!". و حبست الريح و ولى هدوء كبير.

04/40.txt

@@ -0,0 +1 @@
+\v 40 و قال لهم:" واشبيكم خايفين كيما هكذا؟ كيفاه ما عندكمش ايمان ؟". \v 41 خافوا خوف كبير , و قالوا لبعضاهم :" هاذا شكون ؟ حتى الريح و لبحر ثاني يسمعوا كلامو!".

05/01.txt

@@ -0,0 +1 @@
+\v 1 و كي عداو للجيهة الاخرى للدشرة تاع الجدريين . \v 2 و كي هبط من الفلوكة في هاذاك الوقت بالذات خرجلو من الجبانة راجل مسكون بالجنون.

05/03.txt

@@ -0,0 +1 @@
+\v 3 و كان يسكن في وسط لقبورة و ما قدروش يربطوه حتى لو كان بالسلاسل , \v 4 و كي كانوا يربطوه بالسلاسل  يقطعها و القيود يكسرها , و ما كان حتى واحد يقدرلو.

05/05.txt

@@ -0,0 +1 @@
+\v 5 و كان ديما ليل و نهار في الجبال و في لقبورة , يعيط و يجرح في روحو بالحجار . \v 6 و كي شاف يسوع من بعيد جا يجري و ركع ليه ,

05/07.txt

@@ -0,0 +1 @@
+\v 7 و عيط بأعلى صوتو و قال :" واش كاين بيني و بينك آ يسوع ابن الله العالي؟ نحلفك بالله ما تعذبنيش!". \v 8 على خاطر يسوع قالو :" اخرج من هاذا الراجل يا واحد الروح المنجوس ".

05/09.txt

@@ -0,0 +1 @@
+\v 9 و سقساه :" واش اسمك؟". قالو:" اسمي لاجيون, احنا رانا في ياسر". \v 10 و بقى يحاول فيه باه ما يخرجوش من الدشرة.

05/11.txt

@@ -0,0 +1 @@
+\v 11 و كان لثم عند الجبال قطيع تاع حلالف يرعاو , \v 12 و طلبوا منو هاذوك الشواطن و قالولوا:" ابعثنا للحلالف خلينا نسكنوا فيهم". \v 13 في ساع وافق لهم يسوع .و خرجت الجنون و راحت دخلت في لحلالف, و طاح القطيع من اعلى الجرف للبحر و غرقوا في لبحر و كانوا قريب الفين خنزير.

05/14.txt

@@ -0,0 +1 @@
+\v 14 و اما هاذوك اللي كانوا يسرحوا بالحلالف هربوا يجريو و نشروا لخبر في لمدينة و في الدواور. و خرجوا الناس باه يشوفوا واش صرى. \v 15 و جاو عند يسوع والمجنون اللي فيه الجيش تاع الجنون قاعد و لابس و عاقل , كي شافوا هذا الشيء كامل خافوا.

05/16.txt

@@ -0,0 +1 @@
+\v 16 وخبروهم الناس اللي كانوا حاضرين على الشيء اللي صرى للمجنون و قالولهم على لحلالف. \v 17 اما هما ولاو يحاولوا فيه باه يخرج من بلادهم .

05/18.txt

@@ -0,0 +1 @@
+\v 18 و كي دخل للفلوكة جاه الراجل اللي كان مجنون و طلب باه يروح معاه, \v 19 بالصح يسوع ما خلاهش, و قالو :" روح لبيتك و لاهلك و و خبرهم واش عمل ليك ربي و كيفاه رحمك". \v 20 ولى راح و بدا ينادي في المدن العشرة و يخبر بالشيء اللي عملو معاه يسوع . و الناس كلهم تعجبوا فيه . بنت يايرس تقوم من الموتى و المرى النازفة ترتاح

05/21.txt

@@ -0,0 +1 @@
+\v 21 و كي عدى في لفلوكة للجيهة لخرى , تلم عليه غاشي كبير , و كان بحذى لبحر. \v 22 و واحد من الرياس تاع المجمع اسمو يايرس جاء. و كي شافوا ركع عند رجليه , \v 23 و كان يحاول فيه و يقول لو :" بنيتي الصغيرة قاعدة تطلع في الروح . يا ريت تجي و تحط يدك عليها باه ترتاح و تعيش!". \v 24 راح معاه يسوع وكان غاشي كبيريتبعوافيه و يحصروا فيه .

05/25.txt

@@ -0,0 +1 @@
+\v 25 و كانت واحد لمرى عندها ثناش ن سنة و هي تنزف و دمها يجري, \v 26 و تضرت خلاص عند طبَّة ياسر , و صرفت اللي عندها لكل و ما نفعها والو بالعكس زادت عليها الحالة اكثر من بكري. \v 27 و كي سمعت بيسوع , جات في وسط الغاشي من لورى , و مست الحاشية تاع قشو,

05/28.txt

@@ -0,0 +1 @@
+\v 28 على خاطر قالت :"اذا كان مسيت حتى لو كان قشاتوبرك نبرى". \v 29 و في هاذاك الوقت نشف دمها اللي كان يجري. و حست بروحها بلي برات من داها .

05/30.txt

@@ -0,0 +1 @@
+\v 30 في هاذاك الوقت بالذات تلفت يسوع بين الناس و كان حاس في روحو بلي خرجت منو قوة , و قال :"شكون مسني؟". \v 31 قالوا لو التلامذة تاعو :" اك تشوف الغاشي يحصروا فيك , و تقول : شكون مسني؟". \v 32 و كان يفركت بعينيه باه يشوف شكون هي اللي عملت هاذا الشيء.

05/33.txt

@@ -0,0 +1 @@
+\v 33 بالصح لمرى جات و هي خايفة و تترعد , و عارفة بالشيء اللي صرالها , سجدت قدامو و قالت لو الحقيقة كاملة. \v 34 قال لها :" يا بنية , ايمانك شفاك , روحي متهنية و كوني صحيحة من مرضك".

05/35.txt

@@ -0,0 +1 @@
+\v 35 و هو مازال يهدر جاو وحايد من الدار تاع رايس المجمع و قالوا لو:" بنتك ماتت . ما كان لاه تتعب المعلم؟".

05/36.txt

@@ -0,0 +1 @@
+\v 36 و سمع يسوع الهدرة اللي تقالت , و قال للرايس تاع المجمع:" ما تخافش امن برك". \v 37 و ما خلى حتى واحد يتبعوا من غير بطرس و يعقوب و يوحنا خو يعقوب. \v 38 و كي وصل لدار الرايس تاع المجمع , شاف الغاشي يبكيو و يندبوا.

05/39.txt

@@ -0,0 +1 @@
+\v 39 دخل و قال لهم :"واش هاذا الحس علاش تبكيو؟ الطفلة ما ماتتش اي راقدة برك". \v 40 استهزاو بيه . اما هو خرجهم الكل, غير باب الطفلة و امها و الي كانوا معاه و دخل وين كانوا حاطين الطفلة ,

05/41.txt

@@ -0,0 +1 @@
+\v 41 و حكم لها يدها و قال لها :" طليثا , نوضي!". اللي معناها : يا بنية , ليك نقول : نوضي! \v 42 و في هاذاك الوقت بالذات ناضت الطفلة وقفت على رجليها و مشات , على خاطر كانت بنت اثناش ن سنة . و هما حاروا و دهشوا دهشة كبيرة خلاص. \v 43 و وصاهم و نبه عليهم باه واحد ما يعلم بالشيء اللي صرى . و قال لهم مدولها تاكل .

06/01.txt

@@ -0,0 +1 @@
+\v 1 و خرج من لثم و رجع لبلادو و تبعوه التلامذة تاعو . \v 2 و كي جا نهار السبت , بدا يعلم في المجمع . و كاين ناس ياسر كي سمعوه حاروا فيه وقالوا :"منين جاب هذا الكل واش هاذي الحكمة اللي عندو حتى تصرى على يديه عجايب كيما هاذي ؟ \v 3 ماهوش هاذا هو النجار ولد مريم , خو يعقوب و يوسي و يهوذا و سمعان , و خواتو الكل راهم هنا عندنا ؟ . و كانوا يغلطوا فيه .

06/04.txt

@@ -0,0 +1 @@
+\v 4 قال لهم يسوع : " ما كانش نبي بلا قيمة غير في بلادو و بين اهلو و اماليه ". \v 5 و ما قدرش يدير لثم حتى اية واحدة , بالصح حط يديه على مرضى قلال و رتحهم . \v 6 و تعجب منهم كي ما عندهمش ايمان . و ولى يدور في المدن القريبة و يعلم . يسوع يبعث الثناش

06/07.txt

@@ -0,0 +1 @@
+\v 7 و عيط على الثناش و بدا يبعث فيهم زوز ب زوز , و مدلهم سلطة باه يخرجوا الجنون , \v 8 و وصاهم باه ما يهزوش معاهم حتى شيء للطريق غير عصا برك , لا مزود و لا خبز و لا صرة تاع دراهم . \v 9 يلبسوا غير سباط في رجليهم , و لبسة واحدة برك .

06/10.txt

@@ -0,0 +1 @@
+\v 10 و قال لهم :" اذا دخلتوا لكاش دار ابقاو لثمة حتى ترحلوا . \v 11 و الناس اللي ما حبوش يقبلوكم و الا يسمعوكم , اخرجوا من ثم و انفضوا حتى التراب اللي في رجليكم باه تشهدوا عليهم . نقول لكم الحق :راح تكون حالة مدينة سدوم وعمورة  خير من حالتهم نهار الحساب " .

06/12.txt

@@ -0,0 +1 @@
+\v 12 و راحوا خرجوا و بداو يبشروا و يدعيو الناس باه يتوبوا. \v 13 و طردوا جنون ياسر و دهنوا مرضى ياسربالزيت و رتحوهم .  قطع راس يوحنا المعمدان

06/14.txt

@@ -0,0 +1 @@
+\v 14 و سمع بيه هيرودس السلطان , على خاطر ولى مشهور . و قال :" هاذا ما يكون غير يوحنا المعمدان حيا من بين الموتى على هاذيك تصرى على يديه المعجزات ". \v 15 و وحايد اخرين قالوا :" راهو ايليا ". وكاين اللي قالوا :"راه نبي و الا كيما واحد من الانبياء ".

06/16.txt

@@ -0,0 +1 @@
+\v 16 بالصح كي سمع هيرودس قال :" هذا هو يوحنا اللي انا نحيتلوا راسو حيا من بين الموتى ". \v 17 على خاطر هيرودس بذاتو بعث حكم يوحنا و كتفو و رماه في الحبس على جال هيروديا مرت خوه فيليبس , اللي تزوج بيها .

06/18.txt

@@ -0,0 +1 @@
+\v 18 على خاطر يوحنا كان يقول لهيرودس :" ما يحلش ليك تدي مرت خوك ". \v 19 و تحلفت فيه هيروديا و حبت تقتلو بالصح ما قدرتش , \v 20 على خاطر هيرودس كان يهاب من يوحنا و عارف بلي راه راجل بار وقديس , و كان يحامي عليه . وكي سمع عليه بلي يدير حوايج ياسر يحب حتى هو يسمع لو .

06/21.txt

@@ -0,0 +1 @@
+\v 21 و جات الفرصة , نهار اللي عمل هيرودس في ذكرى ميلادو عشاء للعظماء و القياد الكبار و الناس اللي عندهم الجاه في الجليل, \v 22 دخلت بنت هيروديا و شطحت , هيرودس والجماعة اللي قاعدين معاه عجبهم الحال , و قال السلطان للطفلة :" واش تطلبي نمد لك".

06/23.txt

@@ -0,0 +1 @@
+\v 23 و حلف لها :" مهما واش طلبتي نمدلك حتى لو كان نص العرش تاعي" . \v 24 خرجت وقالت لامها :"واش نطلب؟" . قالت لها :" راس يوحنا المعمدان ". \v 25 دخلت في ساعتها للسلطان و طلباتو وقالت :" نحب تمد لي راس يوحنا المعمدان على طبق ".

06/26.txt

@@ -0,0 +1 @@
+\v 26 حزن السلطان ياسر . بالصح كي حلف قدام الجماعة ما قدرش يردها . \v 27 و في ساع بعث السلطان سياف باه يجيب لو راس يوحنا . \v 28 راح السياف للحبس ونحالو راسو. و حط الراس على طبق ومدو للطفلة , و الطفلة مداتو لامها . \v 29 و كي سمعوا التلامذة تاعو, جاو وهزوا الجثة و دفنوها في قبر . خمسة الاف راجل يشبعهم يسوع

06/30.txt

@@ -0,0 +1 @@
+\v 30 وتلموا المرسولين عند يسوع و خبروه بكل شيء ، كل واش داروا وكل واش علموا . \v 31 قال لهم يسوع :" ارواحوا انتوما وحدكم لجيهة خالية و ارتاحوا شوية " على خاطر ياسر اللي راهم رايحيين وجايين ، وما لقاوش فرصة باه ياكلوا . \v 32 وراحوا في الفلوكة لواحد المكان خالي و قعدوا وحدهم ..

06/33.txt

@@ -0,0 +1 @@
+\v 33 وشافوهم الغاشي كي كانوا رايحين . وياسر اللي عرفوه .وخرجوا يجريو من كل المدن على رجليهم و سبقوهم لهاذاك المكان و اتلموا عليه . \v 34 و كي خرج يسوع شاف غاشي كبير، حن عليهم كي شافهم كي لغنم بلا راعي و بدا يعلم فيهم امور ياسر.

06/35.txt

@@ -0,0 +1 @@
+\v 35 و بعد ساعات طويلة جاوه التلامذة وقالوا :" هاذا المكان راه خالي و زيد فات الحال . \v 36 سرحهم خلي يروحوا للدواور والقرى القريبة يشريو خبز على ارواحهم ، على خاطر ما عندهمش واش ياكلوا ".

06/37.txt

@@ -0,0 +1 @@
+\v 37 جاوبهم وقال لهم :" مدولهم انتوما ياكلوا " . قالوا :" كيفاه نروحوا نشريو خبز بميتين دينار و نمدولهم ياكلوا ؟" . \v 38 قال لهم :" قداه من خبزة عندكم ؟ روحوا شوفوا " . كي شافوا قالوا:" خمسة خبزات وزوز حوتات".

06/39.txt

@@ -0,0 +1 @@
+\v 39 قال لهم يروحوا يقعدوا الغاشي جمايع جمايع فوق لحشيش لخضر . \v 40 راحوا قعدوهم في جمايع تاع مية مية وخمسين خمسين . \v 41 حكم الخبزات في خمسة و الحوتات في زوز، و رفع عينيه للسماء ، و بارك وقسم الخبز، ومد للتلامذة تاعو باه يوزعوا على الغاشي ، و قسم الزوز حوتات ليهم الكل .

06/42.txt

@@ -0,0 +1 @@
+\v 42 كلاو كلهم وشبعوا . \v 43 و من بعد لموا اثناش ن قفة مليانة فضالت تاع خبز وحوت . \v 44 و كل اللي كلاو كانوا قريب خمسة الاف راجل . معجزة المشي على الماء

06/45.txt

@@ -0,0 +1 @@
+\v 45 و في ساع حتم على التلامذة تاعو يركبوا في الفلوكة ويسبقوه للجيهة المقابلة ، لبيت صيدا حتى يسرح هو الغاشي . \v 46 وبعد ما ودعهم راح للجبل باه يصلي . \v 47 و كي جات لعشية كانت لفلوكة في وسط لبحر، وكان هو على الشط وحدو.

06/48.txt

@@ -0,0 +1 @@
+\v 48 وشافهم يتعذبوا، على خاطر الريح كانت عاكستهم ، و في الربع الرابع تاع الليل جاهم ماشي على لبحر، و قرب يفوتهم . \v 49 وكي شافوه ماشي على لبحر، حسبوه خيال وبداو يعيطوا . \v 50 على خاطر كلهم كي شافوه خافوا . وقتها في ساع كلمهم و قال لهم :" اتشجعوا اني انا هو ما تخافوش".

06/51.txt

@@ -0,0 +1 @@
+\v 51 وكي طلع لهم للفلوكة حبست الريح , بالصح هما حاروا وتعجبوا ياسر بينهم وبين ارواحهم , \v 52 و ما فهموش بالمعجزة تاع الخبز على خاطر كانت قلوبهم قاسية.