Thu Feb 03 2022 22:27:58 GMT-1100 (GMT-11:00)
This commit is contained in:
commit
ff2e18d82e
|
@ -0,0 +1 @@
|
|||
\v 1 على خاطر كاين ناس ياسر بداو يكتبوا على الشيء اللي صرى في وسطنا. \v 2 كيما وصلوه الناس اللي كانوا من لول شهود و خدامين للكلمة, \v 3 و انا ثاني, بعدما تبعت كل شيء من المصدر تاعو بالتدقيق, قلت باللي نكتب لك, يا مولى العزة تاوفيلس, \v 4 باه تعرف باللي الكلام اللي وصلك صحيح. بشارة ميلاد يوحنا المعمدان
|
|
@ -0,0 +1 @@
|
|||
\v 5 في ايامات هيرودس اللي كان سلطان على بلاد اليهودية كان واحد الكاهن اسمو زكريا من فرقة ابيا, و مرتو من سلالة هارون و اسمها اليصابات. \v 6 و كانوا في زوز يخافوا الله, ويتبعوا الشيء اللي وصى بيه كامل في الشريعة بلا ما يقصرو في حتى حاجة. \v 7 و كانوا ما يجيبوش لولاد, على خاطر اليصابات كانت عاقر. وكانوا في زوز شيّاب كبار في العمر.
|
|
@ -0,0 +1 @@
|
|||
\v 8 و كي كان يخدم في الله في الدالة تاع الفرقة تاعو, \v 9 على حساب العادة تاع الخدمة, طاحت عليه القرعة باه يدخل للهيكل و يبخّر. \v 10 و كان الشعب يصلي لبرى وقت البخور.
|
|
@ -0,0 +1 @@
|
|||
\v 11 شوية ظهر لو ملاك الرب واقف على يمين المذبح تاع لبخور. \v 12 و كي شافو زكريا دخل في بعضاه و خاف. \v 13 قال لو الملاك: "ما تخافش يا زكريا, على خاطر ربي سمع دعوتك, و مرتك اليصابات راح تجيبلك طفل و تسميه يوحنا.
|
|
@ -0,0 +1 @@
|
|||
\v 14 و راح تسعد و تفرح بيه, و ناس ياسر راح يفرحوا معاك بالزيادة تاعو, \v 15 على خاطر راح يكون عظيم الشان عند الله, لا يشرب لا خمر و لا اي حاجة تسكر, و يتملى بالروح القدس و هو في مازال في كرش امو.
|
|
@ -0,0 +1 @@
|
|||
\v 16 و راح يهدي ناس ياسر من بني اسرائيل لطريق الرب الههم. \v 17 و يسير قدامو بالروح و القوة تاع ايليا, و يصلح بين الاباء و اولادهم, و يهدي الاشرار لحكمة لبرار, و يكوَّن للرب شعب واجد و مستعد".
|
|
@ -0,0 +1 @@
|
|||
\v 18 قال زكريا للملاك: "كيفاه راح يصرى هاذا الشيء كامل, و انا شايب كبير و مرتي عزوزة و كبيرة في لعمر؟". \v 19 رد عليه الملاك و قال: "انا جبريل الواقف ديما في حضرة الله, و بعثني باه نهدر معاك و نبشرك بهاذي البشارة. \v 20 بالصح انت راح تبكش و ما تقدرش تهدر حتى ن يجي النهار اللي يتحقق فيه هاذا الامر, على خاطر ما حبيتش تقبل كلامي اللي راح يصرى في الوقت تاعو بالضبط.".
|
|
@ -0,0 +1 @@
|
|||
\v 21 و كان الشعب يستنى في زكريا باه يخرج لهم و همّا حايرين علاه بطى الداخل في الهيكل. \v 22 و كي خرج ما قدرش يهدر معاهم, و فهموا باللي تكَشّف على حاجة في وسط الهيكل. و كان برك يحرك في راسو و يشير لهم و قعد ساكت بكَشْ. \v 23 و كي كملت ايامات الخدمة تاعو رجع لدارو.
|
|
@ -0,0 +1 @@
|
|||
\v 24 و من بعدها بايامات هزت اليصابات مرتو بالكرش, و خبات روحا خمسة شهر و هي تقول: \v 25 "هاذا من فضل ربي نهار اللي شافلي باه نحي عليا عاري من بين الناس". بشارة الزيادة بيسوع
|
|
@ -0,0 +1 @@
|
|||
\v 26 و كي عادت في شهرها السادس بعث الله الملاك جبريل لواحد لمدينة في الجليل اسمها الناصرة, \v 27 عند واحد الصبية مخطوبة لراجل من سلالة داود اسمو يوسف, و اسم الصبية مريم. \v 28 دخل لها الملاك و قال لها: "السلام عليك يا اللي نعم عليها الله! ربي معاك. مبروكة انت من بين النساء". \v 29 و كي شافاتو خافت و حارت في كلامو, و قالت بينها بين روحها: "واش تكون زعمة هاذي التحية!"
|
|
@ -0,0 +1 @@
|
|||
\v 30 قال لها الملاك: "ما تخافيش يا مريم, راكي نلتي نعمة من عند الله. \v 31 انت راح تحملي و تولدي طفل و تسميه يسوع. \v 32 و راح يكون عظيم الشان, و يسمّى ولد ربي العالي, و يعطيه الاله ربي كرسي داود جدو, \v 33 و يملك على بيت يعقوب على الدوام, و ما تكونش اخرة للملك تاعو".
|
|
@ -0,0 +1 @@
|
|||
\v 34 قالت مريم للملاك: "كيفاه يصرى هاذا الشيء و انا ما عنديش راجل؟". \v 35 رد عليها الملاك و قال: "الروح القدس يحل عليك, و قوة العالي تظلل عليك, على هاذيك ثاني حتى اللي يولد منك يسمى ابن الله.
|
|
@ -0,0 +1 @@
|
|||
\v 36 و هاي حتى اليصابات قريبتك في كرشها طفل ثاني و هي كبيرة في لعمر, و داخلة في شهرها السادس هاذيك اللي قالوا عليها عاقرة, \v 37 على خاطر ما كانش حاجة ما يقدرش يديرها الله". \v 38 قالت مريم: "انا لخديمة تاع الله. اللي تقول عليه يصرى". و راح الملاك من عندها. مريم العذراء تزور اليصابات
|
|
@ -0,0 +1 @@
|
|||
\v 39 و في هاذيك ليام وقفت مريم و حكمت الطريق في ساع للجبال لمدينة يهوذا, \v 40 و دخلت لبيت زكريا و سلمت على اليصابات. \v 41 و كي سمعت اليصابات التسلام تاع مريم تحرك الصغير في كرشها, و تملات اليصابات بالروح القدس,
|
|
@ -0,0 +1 @@
|
|||
\v 42 و عيطت على طول صوتها و قالت: "متباركة انت في وسط النساء و متباركة ثمرة رحامك! \v 43 واش من قدر عندي حتى تجي ام ربي عندي؟ \v 44 انا كي سمعت صوت سلامك في وذني تحرك الصغير في رحامي. \v 45 من الفرحة. يا سعد اللي امنت باللي الشيء اللي قال عليه ربي كامل راح يصرى". تسبيحة مريم
|
|
@ -0,0 +1 @@
|
|||
\v 46 قالت مريم: "نفسي تعظم ربي, \v 47 و تفرح روحي بالله مخلصي,
|
|
@ -0,0 +1 @@
|
|||
\v 48 على خاطر شاف لتواضع خديمتو.من اليوم و جاي لجيال الكل تباركني, \v 49 على خاطر القدير دارلي حوايج عظيمة, و اسمو قدوس,
|
|
@ -0,0 +1 @@
|
|||
\v 50 و رحمته من جيل لجيل للناس اللي يخافوه. \v 51 بذراعو صنع قوة. و المتكبرين فناهم على نية قلوبهم.
|
|
@ -0,0 +1 @@
|
|||
\v 52 نزَل صحاب العز من لمقامات العالية و طلّع المتواضعين. \v 53 الجيّاع شبعهم بالخيرات و رجع لمرفهين فارغين.
|
|
@ -0,0 +1 @@
|
|||
\v 54 وقف مع عبدو اسرائيل و تفكر رحمتو ليه, \v 55 كيما كلم جدودنا. ابراهيم و ذريتو على دوام الدهر".
|
|
@ -0,0 +1 @@
|
|||
\v 56 و قعدت مريم عند اليصابات قريب ثلاثة شهر, و من بعد رجعت لدارها. ميلاد يوحنا المعمدان \v 57 اما اليصابات وصلت ساعتها باه تولد, و ولدت جابت طفل. \v 58 و سمعوا جيرانها و اماليها باللي ربي عظّم رحمتو من جيهتها, و فرحوا معاها.
|
|
@ -0,0 +1 @@
|
|||
\v 59 و كي جاو باه يطهروا الطفل في الثامن, سموه زكريا على اسم باباه. \v 60 بالصح امو قالت: "لا! يسّمى يوحنا". \v 61 قالوا لها: "ما كان حتى واحد في العرش تاعك تسمى بهاذا الاسم".
|
|
@ -0,0 +1 @@
|
|||
\v 62 و كي خزروا لباباه و سقسوه واش يحب يسميه. \v 63 طلب يجيبولو لوحة و كتب عليها: "اسمو يوحنا". كلهم تعجبوا من هاذا الشيء.
|
|
@ -0,0 +1 @@
|
|||
\v 64 و في هاذيك الساعة تطلق لسانو و هدر و بارك الله. \v 65 و الجيران الكل طاح عليهم الخوف, و الناس الكل ولات تهدر على هاذي الامور اللي صرات في جبال اليهودية, \v 66 و خباوها في قلوبهم و قالوا: "زعمى واش راح يولي هاذا الطفل؟". و كانت يد الله معاه. تسبيحة زكريا
|
|
@ -0,0 +1 @@
|
|||
\v 67 و تملى زكريا باباه بالروح القدس, و تنبأ و قال: \v 68 " تبارك الله اله اسرائيل على خاطر تفقد شعبو و دار له فداء,
|
|
@ -0,0 +1 @@
|
|||
\v 69 و جعل لنا مخلص قدير في بيت العبد تاعو داود. \v 70 كيما وعد من قديم الزمان على لسان الانبياء القديسين, \v 71 باه يسلكنا من عدياننا و من يد جميع اللي يبغضونا.
|
|
@ -0,0 +1 @@
|
|||
\v 72 و رحمة منو لجدودنا باه يتمم معاهم العاهد المقدس, \v 73 اللي حلف بيه لبابانا ابراهيم: \v 74 باه يمنعننا من عدياننا, باه نعبدوه بلا خوف \v 75 و بقداسة و تقوى كل ايام حياتنا.
|
|
@ -0,0 +1 @@
|
|||
\v 76 و انت يا وليدي راح تكون نبي الله العالي, تسير قدام وجه الرب باه توجدلو الطريق. \v 77 و تعلم الشعب تاعو باللي السلاك ينالوه من غفران ذنوبهم,
|
|
@ -0,0 +1 @@
|
|||
\v 78 على خاطر الهنا اله رحيم و رؤوف بالرحمة تاعوتفقدنا و نوّر علينا من لعلالي, \v 79 باه يضوي بنورو على اللي قاعدين في الظلمة و ظل الموت, باه يهدي خطواتنا لطريق السلام".
|
|
@ -0,0 +1 @@
|
|||
\v 80 اما الطفل يوحنا كان يكبر و يتقوى بالروح, و كان عايش في الصحراء حتى للنهار اللي ظهر فيه لبني اسرائيل.
|
|
@ -0,0 +1 @@
|
|||
\v 1 و في هاذيك ليام صدر مرسوم من عند اوغسطس قيصر باه كل الناس يسجلو رواحهم في الاحصاء. \v 2 و هاذا هو الاحصاء لول اللي صرى وقت اللي كان كيرينيوس والي على سوريا. \v 3 و الناس الكل راحوا باه يسجلوا ارواحهم كل واحد للمدينة تاعو.
|
|
@ -0,0 +1 @@
|
|||
\v 4 و طلع يوسف ثاني من الجليل من مدينة الناصرة و راح لليهودية, لمدينة داود اللي يقولولها بيت لحم. على خاطر هو من بيت داود و من العشيرة تاعو, \v 5 باه يسجل روحو هو ومريم اللي كانت مخطوبة ليه و كانت بالكرش.
|
|
@ -0,0 +1 @@
|
|||
\v 6 و كي كانوا لثمة وصل وقتها باه تولد. \v 7 و ولدت و جابت وليدها البكر و قمطاتو و حطاتو في لمراح, على خاطر ما كانش عندهم مكان في الدار. الملايكة و السرّاح
|
|
@ -0,0 +1 @@
|
|||
\v 8 و كان في هاذيك الجيهة سرّاح مخيمين يعسوا في الليل على الغنم تاعهم. \v 9 و هما قاعدين وقف عليهم ملاك الرب و ضوى عليهم مجد الرب, اما هما خافوا خوف كبير خلاص.
|
|
@ -0,0 +1 @@
|
|||
\v 10 قال لهم الملاك: "ما تخافوش! انا جيت نبشر فيكم بفرحة كبيرة راح تكون للناس الكل: \v 11 ولد لكم اليوم في مدينة داود مخلص هو المسيح الرب. \v 12 و هاذي هي لمارة ليكم: تلقاو الطفل مقمط و راقد في لمراح".
|
|
@ -0,0 +1 @@
|
|||
\v 13 و ظهر لهم على غرّادة مع الملاك غاشي كبير من جنود السماء و همّا يسبحوا في الله و يقولوا: \v 14 "العزّة لله في لعلالي, و على لرض السلام. و بالناس الفرحة".
|
|
@ -0,0 +1 @@
|
|||
\v 15 و كي راحو عليهم الملايكة و طلعوا للسماء, قالوا السرّاح لبعضاهم: "هيا نروحوا لبيت لحم و نشوفوا هاذا الامر اللي صرى و اللي خبرنا بيه الرب". \v 16 و راحوا بالرزبة, و لقاو مريم و يوسف و الطفل في لمراح.
|
|
@ -0,0 +1 @@
|
|||
\v 17 و كي شافوه خبروهم بالكلام كامل اللي تقال لهم على هاذا الطفل. \v 18 و الناس الكل اللي سمعوا تعجبوا من الشيء اللي قالوه. \v 19 اما مريم خبات هاذا لكلام كامل في قلبها و قعدت تتخمم فيه. \v 20 و رجعوا السرّاح و هما يسبحوا في الله و يحمدوا فيه على كل اللي شافوه و سمعوه كيما خبرهم الملاك. يسوع يطهروه و يقدموه للهيكل
|
|
@ -0,0 +1 @@
|
|||
\v 21 و في كمالة ثمانية ايام اداو الطفل و طهروه و سموه يسوع, كيما سماه الملاك فبل ما تهز بيه مريم بالكرش.
|
|
@ -0,0 +1 @@
|
|||
\v 22 و كي تمت ايامها باه تتطهر, على حساب الشرع تاع موسى, طلعوه لاورشليم باه يقدموه للرب, \v 23 كيما مكتوب في شرع الله: كل من هو ذكر فاتح لرحام يتنذر قدوس للرب. \v 24 و باه يقدموا ذبيحة كيما قال الشرع: طيرين حجل و الا طيرين حمام.
|
|
@ -0,0 +1 @@
|
|||
\v 25 و كان واحد الراجل في اورشليم اسمو سمعان, كان صالح و يخاف الله و يستنى لفرج تاع الله لبني اسرائيل, و كان عليه الروح القدس. \v 26 وحى ليه الله بالروح القدس باللي ما يموتش حتى ن يشوف مسيح الرب.
|
|
@ -0,0 +1 @@
|
|||
\v 27 قادو الروح باه يجي للهيكل. و كي دخلوا والدين يسوع بالطفل, باه يعملوا حساب العادة تاع الشرع, \v 28 هزو في حضنتو و بارك الله و قال: \v 29 "ضرك تسَرح عبدك بالسلامة يا سيدي على حساب قولك,
|
|
@ -0,0 +1 @@
|
|||
\v 30 على خاطر شفت خلاصك بعينيا, \v 31 اللي وجدتو للشعوب الكل. \v 32 نور يهدي الامم, و عزة لشعبك اسرائيل".
|
|
@ -0,0 +1 @@
|
|||
\v 33 و كان يوسف و مريم يتعجبوا م الشيء اللي تقال عليه. \v 34 و باركهم سمعان, و قال لمريم امو: "هاذا تجعل باه ياسر يطيحوا و ياسر يقوموا في اسرائيل, و اية تتقاوم, \v 35 و انتي ثاني يجوز عليك السيف يعدي في روحك, و ناس ياسر تتكشف نيات قلوبهم".
|
|
@ -0,0 +1 @@
|
|||
\v 36 و كانت واحدة النبية, اسمها حنة بنت فنوئيل من عرش اشير, و هي مرى كبيرة في لعمر خلاص, عاشت مع راجلها سبع سنين بعد زواجها و من بعد مات و خلاها. \v 37 قعدت هجالة قريب اربعة و ثمانين سنة, ما فارقتش الهيكل, تعبد و تصوم و تصلي ليل و نهار, \v 38 و في هاذيك الساعة وقفت تسبح في ربي, و هدرت عليه لكل الناس اللي كانوا يسناو في الفرج في اورشليم.
|
|
@ -0,0 +1 @@
|
|||
\v 39 و كي كملوا كل شيء حساب شرع الله, رجعوا ل الجليل ل مدينتهم الناصرة. \v 40 و كان الطفل يكبر و يتقوى بالروح, و يفيض بالحكمة, و كانت نعمة الله عليه. الطفل يسوع يبقى في الهيكل
|
|
@ -0,0 +1 @@
|
|||
\v 41 و كانوا امو و باباه يروحوا مرة في العام لاورشليم في عيد الفصح. \v 42 و كي كان عمرو ثناش ن سنة طلعوا كيما العادة ل اورشليم في العيد. \v 43 و بعد ما كملوا ليامات و هما راجعين لاورشليم قعد الطفل يسوع في اورشليم, و يوسف وامو ما فاقوش بيه. \v 44 على خاطر كانوا حاسبينوا مع صحابو, و من بعد ما مشاو نهار كامل, جاو يحوسوا عليه بين العايلة و لمعارف.
|
|
@ -0,0 +1 @@
|
|||
\v 45 و كي ما لقاوهش رجعوا لاورشليم يحوسوا عليه. \v 46 و من بعد ثلاثة ايام لقاوه في الهيكل, قاعد في وسط المعلمين, يسمع لهم و يسقسي فيهم. \v 47 و الناس الكل اللي سمعوه حاروا في العلم تاعو و جواباتو.
|
|
@ -0,0 +1 @@
|
|||
\v 48 و كي شافوه لثمة حاروا. و قالت لو امو: "يا وليدي, علاش درت فينا كيما هكّا؟ انا و باباك تعذبنا و احنا نحوسوا عليك!". \v 49 قال لهم: "علاش كنتوا تحوسوا عليا؟ ما علاباكمش باللي لازم نكون في الامور اللي تخص بابا؟". \v 50 بالصح ما فهموش واش قال.
|
|
@ -0,0 +1 @@
|
|||
\v 51 و من بعد هبط معاهم و راحوا للناصرة و كان طايعهم, و كانت امو تخبي هاذي الامور الكل في قلبها. \v 52 اما يسوع كان يكبر في الحكمة و الطول و النعمة, عند الله و عند الناس.
|
|
@ -0,0 +1 @@
|
|||
\v 1 و في العام الخمسطاش من حكم طيباريوس قيصر, وقت اللي كان بيلاطس قيصر والي على بلاد اليهودية, و هيرودس رايس ربوع على الجليل, و فيلبس خوه رايس ربوع على ايطورية و جوايه تراخونييتس, و ليسانيوس رايس ربوع على الابلية, \v 2 في ايامات رايس الكهنة حنّان و قيافا, كانت كلمة الله ليوحنا بن زكريا في الصحراء,
|
|
@ -0,0 +1 @@
|
|||
\v 3 و جا للجوايه الدايرة بنهر الاردن و بدى ينادي في وسط الناس بالمعمودية تاع التوبة باه يتغفروا ذنوبهم.
|
|
@ -0,0 +1 @@
|
|||
\v 4 كيما مكتوب في كتاب النبي اشعياء اللي قال: "صوت ينادي في الصحراء و يقول: وجدوا طريق ربي, اجعلوا مساربو مقدودة.
|
|
@ -0,0 +1 @@
|
|||
\v 5 كل حدرة واطية تعلى و كل جبل و كدية عالية توطى, و الطرق العوجة تتسقم, و الشعبة الواعرة تسهال, \v 6 و سلاك الله لكل انسان يبان".
|
|
@ -0,0 +1 @@
|
|||
\v 7 و كان يقول للناس اللي يجيو عندو باه يعمدهم: "يا ولاد لفاعي, شكون قالكم راح تمنعوا من الهول اللي جاي؟
|
|
@ -0,0 +1 @@
|
|||
\v 8 اعملوا ثمار تليق بالتوبة. و ما تقولوش بينكم و بين ارواحكم: احنا بابانا ابراهيم. على خاطر نقول لكم: الله قادر يجعل من هاذي لحجار اولاد لابراهيم.
|
|
@ -0,0 +1 @@
|
|||
\v 9 و ضرك الفاس تحط على اصل الشجرة, و كل شجرة ما تمدش ثمار صالحة تتقص و تتحرق بالنار".
|
|
@ -0,0 +1 @@
|
|||
\v 10 و سقساوه الناس الكل و قالوا: "واش نديروا؟" \v 11 رد عليهم و قال: "اللي عندو زوز لبسات يمد للي ما عندوش, و اللي عندو ماكلة يمد للي ما عندوش".
|
|
@ -0,0 +1 @@
|
|||
\v 12 و جاو عندو تاع المكس حتى هما باه يعمدهم و قالوا: "يا سيدي قلنا واش نديروا؟". \v 13 قال لهم: "ما تطلبوش على الناس اكثر من الشيء اللازم عليهم".
|
|
@ -0,0 +1 @@
|
|||
\v 14 و سقساوه العسكر ثاني و قالوا: "و احنا واش نديروا؟". قال لهم: "ما تظلمو حتى واحد, ما تحقروا حتى واحد, اقنعوا بالشيء اللي عندكم".
|
|
@ -0,0 +1 @@
|
|||
\v 15 و على خاطر الشعب كامل كان يسنى, و الناس الكل كانوا بينهم وبين ارواحكم يخمموا في يوحنا بلاك يكون هو المسيح, \v 16 بالصح يوحنا رد عليهم الكل و قال: "انا نعمد فيكم بالماء, بالصح يجي من بعدي اللي هو اقوى مني, اللي انا ما نستاهلش باه نحل سيور سباطو. و هو راح يعمدكم بالروح القدس و النار.
|
|
@ -0,0 +1 @@
|
|||
\v 17 اللي هاز المذرى في يدو, و راح يصفي الطرحة, يلم القمح للمخزن, و التبن يحرقو بنار ما تطفاش".
|
|
@ -0,0 +1 @@
|
|||
\v 18 و حوايج اخرى ياسر كان يوصي بيها الناس و كان يبشر فيهم. \v 19 اما هيرودس رايس الربوع على خاطر وبخوا على جال هيروديا مرت خوه فيلبس و على جال المناكر الكل اللي كان يعمل فيها, \v 20 و زاد كملها كي دخّل يوحنا للحبس. معمودية يسوع المسيح
|
|
@ -0,0 +1 @@
|
|||
\v 21 و بعد ما تعمدوا الناس الكل جا يسوع ثاني يتعمد. و كي كان يصلي تحلت السماء, \v 22 و نزل عليه الروح القدس في هيئة حمامة. و جا صوت من السماء يقول: "انت هو وليدي لحبيب, بيك رضيت". نسب يسوع المسيح
|
|
@ -0,0 +1 @@
|
|||
\v 23 و كي بدى يسوع الخدمة تاعو كان عمرو قريب ثلاثين سنة, و كانوا الناس يعتبروه ولد يوسف بن هالي, \v 24 بن متاثيا, بن لاوي, بن ملكي, بن ينّا, بن يوسف,
|
|
@ -0,0 +1 @@
|
|||
\v 25 بن مثانبا, بن عاموص, بن ناحوم, بن حسلي, بن نجاي, \v 26 بن مات, بن متاتيا, بن شمعي, بن يوسف, بن يهوذا,
|
|
@ -0,0 +1 @@
|
|||
\v 27 بن يوحنا, بن ريسا, بن زربابل, بن شألتيئيل, بن نيري, \v 28 بن ملكي, بن أدي, بن قصم, بن ألمودام, بن عير, \v 29 بن يوسي, بن أليعازر, بن يوريم, بن متثات, بن لاوي,
|
|
@ -0,0 +1 @@
|
|||
\v 30 بن شمعون, بن يهوذا, بن يوسف, بن يونان, بن ألياقيم, \v 31 بن مليّا, بن مينان, بن متاثا, بن ناثان, بن داود, \v 32 بن يسى, بن عوبيد, بن بوعز, بن سلمون, بن نحشون,
|
|
@ -0,0 +1 @@
|
|||
\v 33 بن عميناداب, بن ارام, بن حصرون, بن فارص, بن يهوذا, \v 34 بن يعقوب, بن اسحاق, بن ابراهيم, بن تارح, بن ناحور, \v 35 بن سروج, بن رعو, بن فالح, بن عابر, بن شالح,
|
|
@ -0,0 +1 @@
|
|||
\v 36 بن فينان, بن ارفكشاد, بن سام, بن نوح, بن لامك, \v 37 بن متوشالح, بن اخنوخ, بن يارد, بن مهللئيل, بن قينان, \v 38 بن انوش, بن شيث, بن ادم, بن الله.
|
|
@ -0,0 +1 @@
|
|||
\v 1 و رجع يسوع من نهر الاردن و كان مليان بالروح القدس, و كان الروح يقود فيه في الصحراء \v 2 لمدة ربعين يوم باه يجربو ابليس. و في هاذيك ليام ما دخل في فمو حتى شيء من الماكلة. و كي كملت ربعين يوما جاع.
|
|
@ -0,0 +1 @@
|
|||
\v 3 و قال ليه ابليس: "اذا كنت ابن الله, قول لهاذي الحجرة تولي خبز". \v 4 رد عليه يسوع و قال: "مكتوب: مش غير بالخبز وحدو يعيش الانسان, بالصح يعيش بكل كلمة تخرج من عند الله".
|
|
@ -0,0 +1 @@
|
|||
\v 5 و من بعد طلعو ابليس لجبل عالى و وراه المماليك تاع الدنيا الكل في رمشة عين. و قال ليه ابليس: \v 6 "نمد ليك هاذا الملك كامل بيه بالعز تاعو, على خاطر هاذا كامل تمد ليا, وانا نمدو للي تحب. \v 7 لو كان تسجد لي هاذا كامل يكون ليك".
|
|
@ -0,0 +1 @@
|
|||
\v 8 رد عليه يسوع و قال: "بعد عليا يا شيطان! على خاطر مكتوب: غير للرب الهك برك تسجد و غير هو وحدو برك اللي تعبد".
|
|
@ -0,0 +1 @@
|
|||
\v 9 و من بعد اداه لاورشليم, و حط بيه على جناح الهيكل و قال ليه: "لو كان انت ابن الله صح ارمي روحك من هنا للتحت, \v 10 على خاطر او مكتوب: يوصي ملايكاتو بيك في طريقك يعسو عليك \v 11 على يديهم يهزوك ما تدعثر بحجار رجليك".
|
|
@ -0,0 +1 @@
|
|||
\v 12 رد عليه يسوع و قال: "بالصح قال: ما تجربش الرب الهك". \v 13 و كي كمل ابليس التجربة كاملة راح عليه حتى وقت اخر. الناصرة ما تقبلش يسوع
|
|
@ -0,0 +1 @@
|
|||
\v 14 و رجع يسوع بقوة الروح للجليل, و سمعوا باخبارو في هاذوك الجوايه كاملين. \v 15 و كان يعلم في وسط المجامع تاعهم و الناس الكل كانت تقدروا.
|
|
@ -0,0 +1 @@
|
|||
\v 16 و وصل للناصرة اللي تربى فيها. و دخل للمجمع كيما العادة نهار السبت و وقف باه يقرى في لكتاب, \v 17 مدولوا كتاب اشعياء النبي. و حل لكتاب لقى وين مكتوب:
|
|
@ -0,0 +1 @@
|
|||
\v 18 "روح ربي عليا,على خاطر دهنني باه المساكين بالخير نبشرهم, بعثني اللي قلوبهم مكسورة نداويهم, باه المأسورين للحرية نناديهم, والعميان النظر يرجع ليهم, و المظلومين للحرية نعديهم, \v 19 و نعلن للناس وقت ربي للقبول".
|
|
@ -0,0 +1 @@
|
|||
\v 20 و من بعد طبق لكتاب و رجعو للخادم تاع المجمع, و قعد, بالصح الناس الكل بقاو يخزروا فيه. \v 21 و هو قال لهم: "اليوم تم هاذا لكلام المكتوب اللي سمعتوه". \v 22 و كلهم شهدوا ليه و تعجبوا من لكلام تاع النعمة اللي كان يخرج من فمو, و قالوا: "مش هاذا هو وليد يوسف؟".
|
|
@ -0,0 +1 @@
|
|||
\v 23 قال لهم: "على كل حال راح تقولولي هاذا لمثل: يا طبيب داوي روحك! اعمل هنا في بلادك كيما سمعنا بيك تدير في كفرناحوم". \v 24 و قال: "نقول لكم الحق: ما كاين حتى نبي مقبول في بلادو.
|
|
@ -0,0 +1 @@
|
|||
\v 25 نقول لكم الحق: كانوا كاينين هجالات ياسر بكري في اسرائيل في وقت ايليا وقت اللي ما صبتش فيه النو ثلاثة سنين و ستة اشهر. و كي كانت المجاعة في لبلاد كاملة, \v 26 و ايليا ما راح لحتى واحدة منهم, بالصح بعثو الله لواحدة الهجّالة, ساكنة في صرفة صيداء. \v 27 و كانوا ناس ياسر مرضى بالبرص في اسرائيل في زمان النبي اليشع, بالصح واحد فيهم ما برى من مرضو غير نعمان السرياني".
|
|
@ -0,0 +1 @@
|
|||
\v 28 و الناس اللي كانوا في المجمع تغشوا عليه كي سمعوا هاذا لكلام, \v 29 وقفوا و خرجوه برى لمدينة, و جابوه للحاشية تاع الجبل اللي كانت مبنية عليه لمدينة و حبوا يرموه من لثمة. \v 30 اما هو عدى بيناتهم و خرج من وسطهم. راجل مسكون يبرى
|
|
@ -0,0 +1 @@
|
|||
\v 31 و هبط لكفرناحوم, مدينة في الجليل, وكان يعلم لثمة ايامات السبت. \v 32 و الناس تعجبوا من التعليم تاعو, على خاطر كلامو كانت فيه قوة و سلطان.
|
|
@ -0,0 +1 @@
|
|||
\v 33 و كان في المجمع راجل ساكنو جن, عيط بصوت عالى \v 34 و قال: "اه! واش كاين بينّا و بينك يا يسوع الناصري؟ جيت باه تقضي علينا! انا نعرفك مليح شكون انت: انت القدوس تاع الله!".
|
|
@ -0,0 +1 @@
|
|||
\v 35 نهرو يسوع و قالو: "اسكت! و اخرج منو!". صرعو الجن و طيحو في لوسط و خرج منو و ما ضرو حتى بشيء. \v 36 و هاذوك الناس الكل حاروا, و كانوا يقولوا في بعضاهم: "وش هاذا لكلام؟ عندو قوة و سلطان يامر على الجنون تخرج!". \v 37 و شاعوا لخبار عليه في هاذيك الجوايه كاملة. نسيبة بطرس تبرى هي و اخرين
|
|
@ -0,0 +1 @@
|
|||
\v 38 و كي خرج من المجمع راح لدار سمعان. و كانت نسيبتو مريضة حكمتها سخانة كبيرة, كي طلبوا منو يشفاها. \v 39 قرب لها و نهر السخانة تناحت لها! و ثم ثم وقفت و بدات تخدم فيهم.
|
|
@ -0,0 +1 @@
|
|||
\v 40 و كي بدات الشمس تغرب, جميع اللي عندهم ناس مرضى بامراض مختلفة جابوهم ليسوع, و حط يديه على كل واحد فيهم و رتّحهم. \v 41 و كانت الجنون ثاني تخرج من ناس ياسر مسكونين و هي تعيط و تقول: "انت المسيح ابن الله!". و اما هو نهرهم ما خلاهمش يهدروا, على خاطر عرفوه باللي هو المسيح.
|
|
@ -0,0 +1 @@
|
|||
\v 42 و كي طلع النهار خرج من الدار و راح لمكان خالي, و كانوا الناس يحوسوا عليه. و كي لقاوه حكموه و ما خلاوهش يروح و يخليهم. \v 43 قال لهم: "لازم عليا نبشر المدن الاخرى حتى همّا بالملكوت تاع الله, على خاطر هاذا هو الشيء اللي جيت على جالو". \v 44 و راح يبشر في لمجامع تاع الجليل.
|
|
@ -0,0 +1 @@
|
|||
\v 1 و كي كان الغاشي داير بيه باه يسمعوا كلمة الله, كان واقف وين البحيرة تاع جنيسارت. \v 2 و شاف زوز فلايك راسيين, و الصيادة هبطوا منهم و غسلوا الشبكة تاعهم. \v 3 طلع في فلوكة منهم و كانت تاع سمعان, و طلب منو يبعد شوية على البر. و من بعد قعد و بدا يعلم في الناس من لفلوكة.
|
|
@ -0,0 +1 @@
|
|||
\v 4 و كي كمل كلامو قال لسمعان: "بعد للعمق و انصبوا الشبكة و صيدوا". \v 5 قال لو سمعان: "يا معلم, تعبنا ليلة كاملة و ما صيدنا والو. بالصح على كلمتك نرمي الشبكة". \v 6 و كي جبدوا الشبكة لقاوها معمرة بالحوت, حتى قربت تتقطع. \v 7 ولاو عيطوا على صحابهم في لفلوكة لخرى باه يجيو و يعاونوهم. و جاو و عباو لفلايك في زوز حتى قربوا يغرقوا.
|
|
@ -0,0 +1 @@
|
|||
\v 8 و كي شاف سمعان بطرس الشيء اللي صرى سجد على ركايبوا قدام يسوع و قال: "اخرج من لفولكة تاعي يا ربي, على خاطر انا واحد مذنب!". \v 9 و هو و جميع اللي كانوا معاه حايرين في الحوت اللي صيدوه. \v 10 و حتى يعقوب و يوحنا بن زبدي اللي كانوا شركاء مع سمعان. قال يسوع لسمعان: "ما تخافش! من اليوم و روح تولى تصيد الناس!". \v 11 و كي وصلوا باللفلايك في زوز للبر خلاو كل شيء و تبعوه. واحد عندو لبرص يبرى
|
|
@ -0,0 +1 @@
|
|||
\v 12 و كان في واحد لمدينة من المدن, و كان واحد الراجل معمر بالبرص. كي شاف يسوع سجد ليه و حط وجهو على لرض و طلب منو و قال: "يا سيدي, كان تحب تقدر ترتحني". \v 13 مد يسوع يدو و مسو وقال: "نحب, كون طاهر!". و في ساع راح عليه البرص.
|
|
@ -0,0 +1 @@
|
|||
\v 14 و وصاه باه ما يخبر حتى واحد, و قال: "روح وري روحك للكاهن, و صدق الشيء اللي قال عليه موسى في الشرع باه تشهد عليهم".
|
|
@ -0,0 +1 @@
|
|||
\v 15 و شاعت عليه لخبار اكثر. و تلموا عليه ناس ياسر باه يسمعوا و يبراو من الامراض اللي فيهم. \v 16 و اما هو كان يروح يقعد في لخلى وحدو و يصلي. واحد مشلول يرتاح
|
|
@ -0,0 +1 @@
|
|||
\v 17 و في واحد النهار كان يعلم, و كانوا الفريسيين و المعلمين تاع الشرع قاعدين يسمعوا فيه و كانوا جاو من كل قرية من الجليل و من اليهودية و من اورشليم. و كانت قوة الله تشفيهم.
|
|
@ -0,0 +1 @@
|
|||
\v 18 شوية جاو جماعة هازين واحد على الفراش و كان معوق, و كانوا حابين يدخلوا بيه و يحطوه قدام يسوع. \v 19 و كي ما لقاوش كيفاه يدخلوا بيه على خاطر كان غاشي ياسر, طلعوا للسطح ونحاو الياجور و هبطوه بالفراش تاعو بالحبال في الوسط قدام يسوع.
|
|
@ -0,0 +1 @@
|
|||
\v 20 و كي شاف الايمان تاعهم قال للراجل: "يا راجل مغفورة ليك ذنوبك". \v 21 اما الكتبة و الفريسيين بداو يخمموا ويقولوا: "شكون هاذا اللي راه يهدر بهاذا لكلام تاع الكفر؟ شكون يقدر يغفر الذنوب من غير الله وحده؟".
|
|
@ -0,0 +1 @@
|
|||
\v 22 عرف يسوع واش قاعدين يخمموا, و قال لهم: "علاش تخمموا هكا في قلوبكم؟ \v 23 اما اسهل: كي نقول: مغفورة ليك ذنوبك, و الا كي نقول: هز فراشك و امش؟ \v 24 بالصح باه تعرفوا باللي لابن الانسان سلطان على الارض باه يغفر الذنوب". و قال للراجل المعوق: "نقول لك: اوقف وهز فراشك و روح لدارك!".
|
|
@ -0,0 +1 @@
|
|||
\v 25 و في ساع وقف قدامهم الكل, و هز فراشو اللي كان راقد عليه, و راح روّح لدارو و هو يحمد في الله. \v 26 و الناس الكل حكمتهم الدهشة و حمدوا الله, و خافوا خوف كبير و قالوا: "اليوم شفنا لعجب!". المسيح يستدعي لاوي
|
Some files were not shown because too many files have changed in this diff Show More
Loading…
Reference in New Issue