\c 2 \v 1 Otcha ki pasa katorzi anos; m'bai mas pa Jeruzalem ku Barnabe, n'leba Titu djuntu ku mi. \v 2 m'bai pabia di un revalason n'splika elis e bon noba ku n'sta na konta na metadi di kilis ku ka sedu jintius. M'papia aparti ku kilis ku ta parsi kuma e mas tene djiresa; pa e fia kuma n'ka kuri o n'kuriba amonton.
\v 3 Ma nin Titu ku staba ku mi, ku sedu gregu, i pudu a forsa pa i sirkunsidadu. \v 4 Es situason bin pabia di falsus ermons ku bin sukundidu pa sibi di liberdadi ku no tene na kristu Jesus. E mistiba punu pa no sedu skravus. \v 5 Ma anos no ka disa elis e kubrinu nun fika bas di elis nin m'bokadu, pa bardadi di bon noba kontinua sin muda pa bos.
\v 6 Ma, kilis ku ta fala elis e garandi e ka djudan na nada. N'ka m'porta pa mi ku puzison ke tene. Deus ka ta julga pa fora. \v 7 Na kontrariu, e bin fiansadu na mi pa n'konta bon noba pa kilis ku ka sedu sirkunsidadu, asin suma ku Pedru staba pa konta bon noba pa kilis ku sirkunsidadu. \v 8 Pabia Deus, ku ta tarbadja na Pedru pa apostoladu pa kilis ku sedu sirkunsidadu. Tambi i tarbadja na mi pa jintius.
\v 9 Otcha Tiagu, Sefas ku Djon, elis ku kunsiduba suma kilis ku sedu firkidjas di igreja; e rapada pa fabur ku e dadu; e distindi mon direta pa Barnabe ku mi. E fasiba es pa no pudi bai pa jintius pa e pudi sedu sirkunsidadu. \v 10 Elis tambi e mistiba pa no lembraba di koitadis. Ami tambi n'teneba vontadi pa fasil.
\v 11 Pabia, otcha Sefas bin pa Antiokia, ami n;rizisti tchiu, pabia i teneba garandi kulpa. \v 12 Anti di bin utrus omis di ladu di Tiagu, Sefas ta kumeba djuntu ku jintius. Ma, otcha e omis bin, el i tchiga di lundju di jintus pabia i tenaba medu di kilis ku ka ta igigi sirkunsison.
\v 13 Tambi utrus judeus e djuntaba ku Sefas na es findjimentu. ruzultadu sedu kuma te Barnabe i disa i lebadu pa findjimentu di elis. \v 14 Ma, otcha ami n'ghodja kuma elis e ka sigui bardadi di konta bon noba n'fala pa Sefas dianti di tudu. Si abos i judeus, ma bo sta na vivi na manera di jintius ki ka suma judeus, kuma ku bo pudi pui elis a forsa pa e vivi suma judeus?
\v 15 Anos no padidu na judeus anos i ka pekaduris jintius; \v 16 No sibi kuma ninguin i justu pa fasi obra di lei ma i pa fe na Kristu Jesus. No bin di fe di Kristu pa no pudi sedu julgadu pa fa Nel i ka pa no fasi obra di lei. Pabia, pa obra di lei nin un alguin ka na sedu justifikadu.
\v 17 Ma, si no buska sedu justifikadu na Kristu, no ta otchadu tambi pekaduris, asin Kristu na torna suma ministru di pekadu? Na bardadi nao! \v 18 Pabia si ami n'kumpu ki kusa ku n'dana ba dja ami na fasi un kebradur di lei. \v 19 Ami tambi, dianti di lei, n'sta mortu pa lei, pa m'pudi vivi pa lei.
\v 20 Ami n'krusifikadu ku Kristu asin i ka mi ku na vivi mas, ma Kristu ku na vivi na mi. Vida ku n'na vivi gosi na karni na vivil pa fe na fidju di Deus, ku aman i da si vida pa mi. \v 21 N'ka pudi nega fabur di Deus, pabia justifikason ten pabia di lei, n'ton Kristu muri suma nada.
\c 4 \v 1 N'sta na fala un erdeiru, ora ki i sedu un mininu i ka ta sedu diferenti di un katibu, ninsi i sedu dunu di kil kusa. \v 2 pa kila, i ta sta bas di orientadur ku kuradur te tempu ku markadu pa si pape.
\v 3 Asin tambi anos, otchanu mininu, no ta mantidu suma katibu pa kustumis di mundu. \v 4 Ma, otcha i tchiga tempu sertu, Deus manda si fidju, ku padidu di mindjer, i padidu bas di lei. \v 5 I fasi es liberta kilis ku sta bas di leis, pa no pudi risibidu i adotadu suma fidju.
\v 6 I pa bia bo sedu fidju, Deus manda Spiritu di si Fidju na no korson, ku klama '' Aba, Pai''! \v 7 De manera ku bo kana sedu mas un katibu, ma un fidju. Si bu sedu un fidju, bu sedu tembe erdeiru atraves di Deus.
\v 8 Ma, na ki ora, otcha ku bo ka kunsiba Deus, bo fasidu pa bo sedu katibu di kilis ki pa natureza e ka seduba deusis di nin un manera. \v 9 Ma, gosi ku bo kunsi Deus, o mindjor, gosi ku bo sedu kunsidu pa Deus, pabia i sta na riba pa frakus pobris regras? Bo misti sedu katibu di nobu?
\v 12 M'pidi bos, ermons, bo sedu suma mi, pabia ami tambi na sedu suma bos. Bo ka na fasin mal. \v 13 Ma bu sibi kuma pa un duensa na nha kurpu kun konta bos palabra di Deus pa purmeru bias. \v 14 Nin ku nha kondison di saudi pui bos na prova bo ka na disprezan o negan. Ma ni ku kila bo risibin suma un anju di Deus, suma n'sedu nan propi Kristu Jesus.
\v 15 Nunde ku bo sta, i ta bo alegria? Pa kila n'na fala bos kuma si pusivel, bo na tiraba bo udju bo dan. \v 16 N'ton, m'bida bo inimigu pabia n'konta bos bardadi?
\v 17 Elis ku kuidadu e na buska bos, ma i ka ben. Elis e misti siparabos di mi pa bi sigui elis. \v 18 I bon pa bo sedu sempri kuidadozu pa bon propozitu i ka son ora ku n'sta na bo metadi.
\v 19 Nha fidju, n'sta na sufri dur di partu pa bos di novu, ate Kristu sedu formadu na bos. \v 20 Ami n'gosta di sta na bo metadi di gos i pa muda nha manera di papia, pabia n'sta fadigadu pabia di bos.
\v 21 Bo kontan, si bo misti sta bas di lei: bo ka obi ke ku lei fala? \v 22 Pabia i sta skritu kuma Abron tene dus fidju, un di ki mindjer skravu ki utru i ilivri. \v 23 Pa kila kil di skravu padidu sugundu karni ma ki utru padidu suma ki pirmitiduba.
\v 24 E kusas pudi sedu interpretadu suma simbulu, pabia e dus mindjeris sedu suma dus aliansa. Un di elis i di monti sinai. I padi mininu ku sedu skravu. E i Agar. \v 25 Pa kila, Agar ta reprisenta monti Sinai na Arabia. El i ta Simbuliza gos Jeruzalem, pabia el i sta katiberasku ku si fidjus.
\v 26 Ma Jeruzalen ku sta riba i livri, el i no mame. \v 27 Pabia i sta skritu: '' kontenti abo mindjer sebadu ku ka ta padi. Grita bo salta di kontentamentu, abo ku ta sufri dur di partu. Pabia fidjus di mindjer ku abandonadu ta sedu mas tchiu di ki kil ku tene omi''.
\v 28 Gos abos, ermons, asin suma Izaki, sedu fidju di promesa. \v 29 Na ki tempu, kil ku padidu di akordu ku karni pirsigui kil ku padidu di akordu spiritu. Asin tambe ki sedu gos.
\v 30 Ke ku skritura fala? '' tira pa fora kil katibu ki si fidju. Pabai ki fidju di katibu na bin divdi erdansa ku fidju di mindjer livri''. \v 31 Suma ki sedu asin, ermons, no ka sedu fidjus di mindjer katibu, ma di mindjer livri.
\c 6 \v 1 Ermons si un di bos tchiga di kai, na algun pekadu, abos ku sedu forti na spiritu bo dibi di n'diretal ku spiritu mansu; bo djubi bo kabesa propi pa bo ka bin sedu tentadu tambi. \v 2 Bo suporta n'ghutru ku kargu, asin bo ta kumpri ku lei di Kristu.
\v 3 Asin si alguin pensa sedu algun kusa, otcha i ka sedu, i n'ghana si propi kabasa. \v 4 Kada kin dibi di djubi si propi komportamentu; n'ton, si dunu ta tene menera di n'djata, sin i kompara si kabesa ku utru. \v 5 Pabia kada kin na karga si propi kargu.
\v 6 Si alguin na sinadu palavra di Deus i dibi di rapati tudu kusa bon ku kil ku na sinal. \v 7 Ka bo nghana bo kabesa, pabia ninguin ka pudi fisi Deus torosa. Tudu kil ku omi sumia i el ku na kebra. \v 8 Kil ku sumia naturaza di pekadu, i na kebra mortu; ma kil ku sumia na spiritu, i na kebra vida ku ka ta kaba
\v 9 No ka dibi di kansa fasi ben, pabia no na bin kebra ben na tempu sertu, si no ka dizisti. \v 10 Asin, n'kuantu no tene manera, no fasi ben pa tudu guintis, sobritudu no familia na fe.
\v 11 Bo odja ku letras garandis ku na skirbi bos ku nha propi mon. \v 12 Kilis ku misti kontenta utrus na karni e na obriga bos pa bo kunsidu, so pa e ka bin sedu pisiguidu pabia di krus di Kristu. \v 13 Nin i ka tudu ku sirkunsidadu ku ta fasi kil ku lei misti; ma e misti pa bo sirkunsidadu pa e tene manera di n'djata pabia di bos.
\v 14 Pa ka n'djata nunka fora di krus di no Sinhor Jesus Kristu; pabia di kila ku mundu krusifikadu pa mi, i ami pa mindu. \v 15 I ka sirkunsison i ka insirkusison, i utru kusa, ma i pa sedu nobu alguin na Kristu. \v 16 Pa tudu kilis ku ta ianda konformi e palabra, pa paz i fabur ta sta sempri ku elis. I riba di Israel di Deus.
\v 17 Di gos pa dianti ka ninguin kansan, pabia marka ku n'tene na nha kurpu i ta mostra kuma ami i servu di Deus. \v 18 Asin ermons, pa fabur di no Sinhor Jesus Kristu ta sta ku bos na Spiritu. Amen.