tdn_rev_text_reg/11/10.txt

\v 10 Wo nisea se maena’ wia natas em bumi se melaya-laya’ wo mepa’a-pa’ar witu nisea i ti’i wo mapelesir wo se mepepa’alian tetaber, karengan se rua nabi i ti’i se tanu mokan en siksa’an wia em baya ne tou se maena’ wia natas em bumi. \v 11 Telu esa nga parua nga endo kamurian o ghumoremouw e roh em patou-touan waki si Empung mineiy witu eng gorem nea, i ka’ayo sea tumo’or wo em baya ne tou se limoo’ nisea se kasa mineide’. \v 12 Wo se tou-tou i ti’i se liminga e nesa suara menaleinteng waki sorga e meila’ wia nisea: “Lumongkotomi wia nyi’i!” Laa o lumongkotouw sea waki langit, sinaputla e linaak, se peloo’o-loo’on ne kesaru-kesaru nea.