tdn_rev_text_reg/21/11.txt

\v 11 Eng kota i ti’i e wuta ampit eng kalo’oran ni Empung wo en sena’na masuat tanu em permata kasa wangun, tanu mokan em permata yaspis, e leno tanu eng Kristal. \v 12 Wo em betonna e wangko’ rakeke’ kasi wo em pepalen leloanganna e mapulu’ o rua; wo witu natas em pepalen-pepalen e leloangan i ti’i wawean se mapulu’ o rua malaikat wo witu natasna neiy i kepatik e ngaran ne mapulu’ o rua suku Israel. \v 13 Waki esa nga weka sendangan niatoan en telu pepalen leloangan wo waki esa nga weka amian en telu pepalen leloangan wo waki esa nga weka timu en telu pepalen leloangan wo waki esa nga weka talikuran en telu pepalen leloangan.