tdn_2co_text_reg/05/13.txt

\v 13 Karengan sa keiy reiy’ kumuwasala en tou, eng kapualitan i ti’i nyi’a mouw em bitu em pasempungan ni Empung, wo sa keiy kumuwasala en tou, eng kapualitan i ti’i nyi’a mouw i wee em pe’uku-ukumen niouw. \v 14 Karengan e nupus ni Kristus eng kimuwasala nikeiy, karengan nikeiy keiy mangarti mouw, kaa sa siesa tou si minate mouw i wee em baya ne tou, takar nisea nu waya se minate mouw. \v 15 Wo si Kristus si minate mouw i wee em baya ne tou, rio nisea se matou-tou, se reiy’ mouw kasi matou-tou i wee en touna nuesa, ta’an i wee Nisia, si minate mouw wo si tino’oromi i wee nisea.