Compare commits
10 Commits
9cb87218db
...
7e13c0840f
Author | SHA1 | Date |
---|---|---|
sherlyagustina | 7e13c0840f | |
sherlyagustina | a26b2842d2 | |
sherlyagustina | e625feffb8 | |
sherlyagustina | dc0c8d3716 | |
sherlyagustina | 82a8b3eea2 | |
sherlyagustina | d9f7deaa69 | |
sherlyagustina | 6f193a1dee | |
sherlyagustina | 936e18ff62 | |
sherlyagustina | e129f69035 | |
sherlyagustina | f52b3f1824 |
|
@ -0,0 +1 @@
|
|||
\v 13 Eng kapurikitna nikeiy keiy so’o mesesawa’la e lumantouwla e nakaran, ta’an i te e minena-ena’ witu eng gorem em paakaran-paakaran en daerah papa’ayangan e neiy i te’edek ni Empung i wee nikeiy, eng kimere neiy i ka’ayo wia nikouw kangkasi. \v 14 Karengan witu e maabarla e Injil ni Kristus nikeiy keiy mina’ayo momi wia nikouw, i ka’ayo keiy reiy’ limangkoiyla em paakaran en daerah papa’ayangan neiy, en tanu mokan nikeiy keiy reiy’pe’ mina’ayomi wia nikouw.
|
|
@ -0,0 +1 @@
|
|||
\v 15 Nikeiy keiy reiy’ mesawa’ witu em pepa’ayangen en tinuanala ne tou walina witu en daerah papa’ayangan e reiy’ tine’edek i wee nikeiy. Ta’an nikeiy keiy maarap, kaa sakawisa e nemanmu e makatou momi, nikeiy keiy laa maka’ato kasesighi’an sumelala kasi witu e nelet miouw, sa i pememange’anla ampit en daerah papa’ayangan en tine’edek i wee nikeiy. \v 16 Yon, nikeiy keiy matou-tou, rio keiy toro maabarla e Injil waki daerah-daerah e lebe wa’akat ta’an en daerah miouw wo reiy’ mesawa’la witu e wua’na-wua’na e niayola ne tou walina witu en daerah papa’ayangan en tine’edek i wee nisea.
|
|
@ -0,0 +1 @@
|
|||
\v 17 “Ta’an seiy i te si sumawa’ satorona nisia si sumawa’ witu si Tuhan.” \v 18 Karengan e reiy’ sitou si malo’or en tou si taang i wa’awa’, ta’an i te sitou si lino’or ni Tuhan.
|
|
@ -0,0 +1 @@
|
|||
\c 11 \v 1 Kumura e le’osna, sa kouw sabaar witu eng kawe’engelangku e noki’ i ti’i. Memang nikouw kouw sabaar witu niaku! \v 2 Karengan niaku ku iri ate wia nikouw ampit e iri ate kaempungan. Karengan niaku ku minapatunanganola nikouw wia siesa tuama kaa laa ma’ali nikouw tanume si reraa lenas wia si Kristus.
|
|
@ -0,0 +1 @@
|
|||
\v 3 Ta’an niaku ku meide’, e wo’o wona’na eng genang miouw ni’i seipi waki kelale’an niouw e nuli-ulit wia si Kristus, masuat tanu si Hawa nu pinonge’la ni leloiy’ i ti’i ampit eng kawilesanna. \v 4 Karengan nikouw kouw sabaar i te, sa wawean siesa tou meiy mabarla si Yesus e walina ta’an i te si neiy mouw i abar meiyla, ka’apa meela wia nikouw e roh walina ta’an i te en sinungkul miouw mola ka’apa e Injil e walina ta’an i te si sinungkul miouw mola.
|
|
@ -0,0 +1 @@
|
|||
\v 5 Ta’an i ki’it eng genangku e noki’ tu’u niaku ku reiy’ mamuri wia se rasul-rasul e reiy’la sikasuat i ti’i. \v 6 Sa wona’na aku reiy’ kasa mangarti witu eng kapualitan meila-ila’, e reiy’ mouw tuana witu eng kapualitan en tine’u; karengan nikeiy keiy minapaloo’o-loo’o mola nyia wia nikouw witu e reiy’ sa mina’asa e nedo wo witu e reiy’ sa mina’asa eng kapualitan.
|
|
@ -0,0 +1 @@
|
|||
\v 7 Sapa ku’a re’en niaku ku masiwo en selok, sa aku kumumengla en tou kaa laa mererakekla nikouw, karengan niaku ku maabarla e Injil ni Empung wia nikouw ampit em petaber? \v 8 Jema’at-jema’at walina se rino’obitangku mola ampit simungkuli en sesawang waki nisea, rio aku toro sumempungla nikouw! \v 9 Wo eng katoroan niaku nu witu eng kareiy’awesan witu eng keuneran niouw, niaku ku reiy’ simusala siesa tou tu’u, karengan sapa e reiy’ awes wia niaku, niawesla ne patuari-patuari se waki Makedonia o meiy, witu e reiy’ sa mina’asa kapualitan niaku ku maalar en touku, rio te’a mamuali pemesa’anen i wee nikouw, wo niaku ku laa mena-ena’ masiwo en tuana.
|
|
@ -0,0 +1 @@
|
|||
\v 10 Kaa eng kaulitan ni Kristus witu en touku, niaku ku lumedosla, kaa eng kesawa’angku i ti’i e reiy’ laa ape’en ni seiy’ i te tu’u waki daerah-daerah Akhaya. \v 11 Ka’a reiy’? Sapa ku’a re’en karengan niaku ku reiy’ moupusla nikouw? Empung si mete’ula nyi’a.
|
|
@ -0,0 +1 @@
|
|||
\v 12 Ta’an sapa en tinuanakula, e laa mena-ena’ tuanangkula kaa laa mepepalouwla nisea se masero eng kalempotan kaa laa mapaloo’o-loo’ola, kaa niesea se masuat ampit nikeiy witu eng kapualitan en toro i sawa’la. \v 13 Karengan se tou-tou i ti’i nyi’a mouw se rasul-rasul reiy’ ulit, se memema’ayang-memema’ayang wiles, se ma’asa-asar tanume se rasul-rasul ni Kristus.
|
|
@ -0,0 +1 @@
|
|||
\v 14 Eng kapualitan i ti’i e reiy’ perlu maka’erangen, karengan si Iblis tu’u si minasar tanume si malaikat en Terang. \v 15 Ni’itu mouw e reiy’ mouw e nesa kapualitan e reiy’ lekep, sa se sumesempung-sumesempungna se minasar tanume se sumesempung-sumesempung eng kaulitan. Eng kesampetan nea e laa matoroan ampit em pasiwo-siwon nea.
|
|
@ -0,0 +1 @@
|
|||
\v 16 Soupengkula kasi: te’a satorona wawean tou si mapokeiyla niaku ku we’engel. Wo sa nikouw kangkasi kouw mapokeiyla en tuana, sungkulenouw niaku tanu sitou we’engel rio aku tu’u ku toro sumawa’la oki’. \v 17 Sapa e neiyku i lila’la, niaku ku limila’la nyi’a reiy’ ku tanume siesa tou si meila’la i ki’it e nuwu’ ni Tuhan, reiy’ siwalina ku tanume siesa tou we’engel si maka ka’emanan, kaa nisia si toro sumawa’. \v 18 Karengan laker tou se mesawa’ eng kenaramen eng kaoatan, niaku ku pa’ar sumawa’ kangkasi.
|
|
@ -0,0 +1 @@
|
|||
\v 19 Karengan nikouw kouw pa’ar masabaar witu se tou we’engel, karengan nikouw kouw tuana eng kesama’: \v 20 karengan nikouw kouw sabaar, sa sitou mepehambala nikouw, sa sitou rume’erep nikouw, sa sitou kumuwasala nikouw, sa sitou mawinta’ tingkeiy witu nikouw, sa sitou sumepe’ nikouw. \v 21 Ampit eng kasa meirang niaku ku lewo’ sa reiy’ maakula, kaa witu eng kapualitan tanu e ni’itu nikeiy keiy taleus lewea’. Ta’an sa se tou-tou walina se berani memangko-mangko’la e wo’o sapa, takar niaku tu’u – niaku ku limila’ witu eng kawe’engelan – berani kangkasi!
|
|
@ -0,0 +1 @@
|
|||
\v 22 Sapa ku’a re’en nisea se tou Ibrani? Niaku kangkasi ku tou Ibrani! Sapa ku’a re’en nisea se tou Israel? Niaku kangkasi ku tou Israel. Sapa ku’a re’en nisea se see’ ni Abraham? Niaku kangkasi ku see’ ni Abraham! \v 23 Sapa ku’a re’en nisea se sumesempung ni Kristus? – niaku ku meila’ tanu sitou sepereng – niaku ku lebepe’ kasi! Niaku ku lebe laker minemedu-medu; lebe re’eregh witu eng gorem em penjara; pawewen reiy’ siniakaran; re’eregh kasa witu em bahaya em patean.
|
|
@ -0,0 +1 @@
|
|||
\v 24 Minaka lima niaku winewe ne tou Yahudi susur maka epat nga pulu’ ro’uan esa wewewe, \v 25 maka telu niaku winewe, mekasa niaku ku linawala ampit em batu, maka telu mine’anla eng kapal rima’aser, esa nga endo esa nga wengi niaku ku malentu-lentut waki uner en tasik. \v 26 Witu em pakela-kelangangku niaku ku re’eregh pe’iwetan em bahaya en songker wo em bahaya ne rumero’obit, em bahaya waki weteng ne tou-tou Yahudi wo waki weteng ne tou-tou e reiy’ Yahudi; em bahaya witu eng kota, em bahaya waki patar kaerisan, em bahaya witu nuner en tasik, wo em bahaya waki weteng ne patuari-patuari reiy’ ulit.
|
|
@ -0,0 +1 @@
|
|||
\v 27 Niaku ku laker minemedu-medu wo mepa’ayang wuter; re’eregh kasa niaku reiy’ matekel; ku maarem wo mare’o; re’eregh kasa niaku maposo, maghe’egher wo limengat, \v 28 wo, reiy’ ampit matotor laker eng kapualitan walina kasi, e nurusangku susur nendo, nyi’a i ti’i kaa laa ma’alar em baya ne jema’at-jema’at. \v 29 Sa wawean tou si mapedam lewea’, reiy’ ku’a re’en niaku ku kumi’it mapedam lewea’? Sa wawean tou neiy i kasu’usu’, e reiy’ ku’a re’en e nateku eng kemu kaa e mangasi?
|
|
@ -0,0 +1 @@
|
|||
\v 30 Sa aku lewo’ sa reiy’ sumawa’, takar niaku ku laa sumawa’ witu eng kalewea’angku. \v 31 Empung, nyi’a i ti’i si Ama’ waki Yesus, Tuhan ta, si palo’oren i ka’ayo eng keure-urena, si mete’u, kaa niaku ku reiy’ matowo.
|
|
@ -0,0 +1 @@
|
|||
\v 32 Waki Damsyik si wali em banua ni raja Aretas si rimeo tumeper eng kota ne tou-tou en Damsyik kaa laa mesesikop niaku. \v 33 Ta’an witu e nesa karanjang niaku ku neiy i tumpami waki e nesa ansouw mea waki luar em beton kota wo ampit en tuana niaku ku neiy i kaliseiyi waki lawasna.
|
|
@ -0,0 +1 @@
|
|||
Pasal 11
|
|
@ -0,0 +1 @@
|
|||
\c 12 \s Paulus minaka’ato em pineleloo’ wo em pinapaloo-loo’an \v 1 1 Niaku ku lewo’ sa reiy’ sumawa’, ma’anouw tu’u memang eng kapualitan i ti’i e reiy’la sika’ara’anna, ma’anouw tuana niaku ku laa ma’abarla em pineleloo’-pineleloo’ wo em pinapaloo-loo’an – pinapaloo-loo’an en sinungkulkumi waki si Tuhan. \v 2 2 Niaku ku mete’u en tanume siesa tou Kristen; e mapulu’ o epat nge te’un limangkoiyla – andi witu eng gorem e nouwak, niaku ku reiy’ mete’u, andi witu luar e nouwak, niaku ku reiy’ mete’u, Empung si mete’ula nyi’a – sitou i ti’i i kalo’ositi si niadeti mineiy waki ransun katelu waki sorga.
|
|
@ -0,0 +1 @@
|
|||
\v 3 Niaku kangkasi ku mete’u en tanume sitou i ti’i, – andi witu eng gorem e nouwak andi witu luar e nouwak, niaku ku reiy’ mete’u, Empung si mete’ula nyi’a – \v 4 nisia i kalo’ositi si kina’adetan minea waki Firdaus wo nisia si liminga e lelila’an-lelila’an e reiy’ i keila’la, e reiy’ toro i totorla ni tou. \v 5 Witu sitou i ti’i niaku ku laa mesesawa’, ta’an witu en touku nuesa niaku ku reiy’ laa sumawa’, reiy’ siwalina witu eng kalewea’an-kalewea’angku.
|
|
@ -0,0 +1 @@
|
|||
\v 6 Karengan sa wona’na niaku ku laa mesesawa’la kangkasi, niaku ku reiy’ mouw tou we’engel kasi, karengan niaku ku meila’la eng kaulitan. Ta’an niaku ku metaang en touku, rio te’a wawean tou si rumekenla wia niaku e lumantouwla ta’an e linoo’ nea wia niaku ka’apa e lininga neala wia niaku. \v 7 Wo rio aku te’a rumakekla en tou karengan em pinapaloo-loo’an – pinapaloo-loo’an e wuntul i ti’i, takar niaku ku wineean esa tetune witu eng gorem e le’onaku, nyi’a i ti’i siesa tou tetoke ni Iblis kaa meiy lumalesi niaku ampit eng kaketena, rio aku te’a rumakekla en tou.
|
|
@ -0,0 +1 @@
|
|||
\v 8 En tanume eng kapualitan i ti’i niaku ku makatelu mouw maaleiy wia si Tuhan, rio si tetoke ni Iblis i ti’i si rumo’u wia niaku. \v 9 Ta’an e wingkot ni Tuhan wia niaku: “Awesouw e nupus karunia-Ku i wee nikoo, karengan awes tare e witu eng kalewea’anouw eng kuwasa-Ku e mamuali reiy’ siperoan.” Karengan e ni’itu kasa lebe pa’ar niaku mesawa’ witu eng kalewea’angku, rio eng kuwasa ni Kristus en tumumpa tumerungi niaku. \v 10 Karengan e ni’itu niaku ku senaang wo kasa pa’ar witu eng gorem eng kalewea’an, witu eng gorem em papedisen, witu eng gorem eng kapedisan, witu eng gorem em pasiasa’an wo eng kase’esekan eng karengan si Kristus. Karengan sa aku lewea’, takar niaku ku ente’.
|
|
@ -0,0 +1 @@
|
|||
\s Eng kalieiyan ni Paulus \v 11 E nulit niaku ku mina we’engelouw; ta’an nikouw kouw limupu niaku. Eng kaulitna niaku ku lewo’ sa reiy’ lo’oren niouw. Karengan ma’anouw tu’u ku reiy’ simakapenoron ma’an oki’ i te tu’u, ta’an witu e reiy’ sa mina’asa eng kapualitan niaku ku reiy’ kala wia se rasul-rasul e wuntul i ti’i. \v 12 E reiy’ sa mina’asa wo’o sapa e minapatuu’la, kaa niaku nyi’a mouw ku esa rasul, tinuana mola witu eng keuneran niouw ampit e reiy’ sa mina’asa kasabaaran kaa eng kowa’-kowa’, e maka’erangen-maka’erangen wo eng kuwasa-kuwasa. \v 13 Karengan witu eng kapualitan wisa ku’a re’en o kouw neiy i murila sa pasuatela ampit se jema’at-jema’at walina, reiy’ si walina ta’an i te witu eng kapualitan i yi’i, nyi’a i ti’i kaa niaku nuesa ku reiy’ minamuali esa pemesa’anen wia nikouw? Ampunganola eng kareiy’adilangku i yi’i!
|
|
@ -0,0 +1 @@
|
|||
\v 14 Eng kaulitna en teakan i wee mouw eng kateluna niaku timiro’ kaa laa lumalesla nikouw, wo niaku ku reiy’ laa i tanula e nesa pemesa’anen i wee nikouw. Karengan e reiy’ em budelmu em penerongku, ta’an i te nikouw nuesa. Karengan e reiy’ se oki-oki’ se lewo’ sa reiy’ merurla em budel i wee se tu’ana, ta’an i te se tu’a mouw i wee se oki-oki’na. \v 15 Karengan e ni’itu niaku ku pa’ar tumulela eng kapunya’angku, awes tare tumulela en touku i wee nikouw. Ni’itu mouw sa aku kasa moupusla nikouw, ma’an tu’una niaku ku kasa mouw reiy’ awes i pakoupusla?
|
|
@ -0,0 +1 @@
|
|||
\v 16 Le’osouw, niaku nuesa ku reiy’ i tanula siesa pemesa’anen i wee nikouw, ta’an – nikouw kouw limila’la – witu eng kawilesangku niaku ku mine’etesouw nikouw ampit em biles kawilesan. \v 17 Ni’itu mouw mekasa mouw ku’a re’en niaku minedomi kamang waki nikouw karengan siesa tou waki elet nea, si neiyku i toke wia nikouw? \v 18 Memang niaku ku kimiwee mola si Titus kaa laa mea wo mewali-wali ampit nisia niaku ku timoke si patuari e walina i ti’i. Sapa ku’a re’en si Titus si maedomi kamang waki nikouw? Reiy’ ku’a re’en nikeiy nu rua keiy matou-tou i ki’it e roh e masuat wo reiy’ ku’a re’en nikeiy keiy mawinta’ i ki’it eng kenaramen e masuat?
|
|
@ -0,0 +1 @@
|
|||
\v 19 Nure mouw wona’na kouw mapokeiyla, kaa nikeiy keiy laa mererapit en tou witu en saruan niouw. Witu en sinaru ni Empung wo kaa si Kristus keiy limila’: em baya nyi’i, ee patuari-patuariku i koupus, e minamuali kaa laa mebebangun e neman miouw.
|
|
@ -0,0 +1 @@
|
|||
\v 20 Karengan niaku ku lieiy, kaa sakawisa niaku meiy niaku ku matola nikouw kouw reiy’ tanu e neiyku i kepa’arla wo nikouw kouw matola niaku ku reiy’ tanu si neiy miouw i kepa’arla. Niaku ku lieiy sa laa wawean pesali’isi’an, iri ate, nupi’, me’uku-ukum en tou nuesa, sero’, matena-tena’an, katingkeiyan, wo eng karungkea’an. \v 21 Niaku ku lieiy, kaa sakawisa ku meiy kasi, Empungku si laa kumumengla niaku witu en sarun niouw, wo kaa niaku ku laa mengasi’ witu se laker tou se witu e nedo limangkoiyla se simiwo en dosa wo se reiy’pe’ kasi minakedo’mi waki kakewuran, pesa’amekan wo kareiy’siadatan en tinuana neala.
|
|
@ -0,0 +1 @@
|
|||
Pasal 12
|
|
@ -0,0 +1 @@
|
|||
\c 13 \s Ngege’enge’ – ngenge’enge’ kasa kesampetan \v 1 E nyi’i nyi’a mouw i wee eng kateluna niaku mineiy wia nikouw: Tare mouw ampit e lelila’an ne rua ka’apa telu tou sairi e nesa kapualitan en sah. \v 2 Wia nisea, se witu e nedo limangkoiyla se simiwo en dosa, wo wia em baya ne tou walina, neiy mouw i lila’kula eng kasa ketareanna wo niaku ku laa lumila’la nyi’a mekasape’ kasi – en teakan witu e nedo niaku nu minewa’akatan ampit nikouw minakatena’ tanu witu e nedo kine’e eiyku eng karuana – kaa niaku ku reiy’ laa meneselela nisea witu e nedo niaku nu meiy kasi.
|
|
@ -0,0 +1 @@
|
|||
\v 3 Karengan nikouw kouw pa’ar e nesa tuu’, kaa si Kristus si mengila-ngila’ ampit e nieletangku, wo Nisia si reiy’ lewea’ witu nikouw, ta’an i te si makakuwasa witu eng keuneran niouw. \v 4 Karengan e ma’anouw tu’u Sia neiy mouw i salibla karengan eng kalewea’an, ta’anouw Nisia si matou-tou karengan eng kuwasa ni Empung. Memang nikeiy nyi’a mouw keiy lewea’ witu Nisia, ta’an nikeiy keiy laa tumou mewali-wali ampit Nisia i wee nikouw karengan eng kuwasa ni Empung.
|
|
@ -0,0 +1 @@
|
|||
\v 5 Wa’awa’anouw en toumu nuesa, sapa ku’a re’en nikouw kouw minena-ena’ timaga’ witu e neman. Soisapenola en toumu! Sapa ku’a re’en kouw reiy’ ma’emanla en toumu, kaa si Kristus Yesus si witu eng gorem en tou miouw? Karengan sa reiy’ tuana, kouw reiy’ taang i wa’awa’. \v 6 Ta’an niaku ku maarap, kaa nikouw kouw mete’u, kaa e reiy’ nikeiy si reiy’ taang i wa’awa’.
|
|
@ -0,0 +1 @@
|
|||
\v 7 Nikeiy keiy masombayang wia si Empung, rio kouw te’a sumiwo lewo’ e reiy’ o rio keiy pakaloo’o-loo’ola taang i wa’awa’, ta’an i te rio nikouw i yi’i kouw toro sumiwo sapa e le’os, ma’anouw tu’u nikeiy nuesa keiy paloo’ola reiy’ taang i wa’awa’. \v 8 Karengan nikeiy keiy reiy’ mete’u sumiwo sapa-sapa sumu’usuk eng kaulitan; en toro siwon neiy nyi’a mouw ni’i wee eng kaulitan.
|
|
@ -0,0 +1 @@
|
|||
\v 9 Karengan nikeiy keiy mepa’a-pa’ar, sakawisa keiy lewea’ wo nikouw kouw ente’. Wo nyi’i mouw e neiy i sombayang meiyla, nyi’a i ti’i rio kouw mamuali reiy’ siperoan. \v 10 Ni’itu mouw eng karenganna e mekasa i yi’i niaku ku minatikla wia nikouw eng katoroan niaku nu minewa’akatan ampit nikouw, rio sa aku witu eng keuneran niouw, niaku ku reiy’ kalupuan mewewinta’ kete i ki’it eng kuwasa neiy i anugerahla ni Tuhan wia niaku kaa laa mebebangun wo e reiy’ kaa laa rumewala.
|
|
@ -0,0 +1 @@
|
|||
\s Tabea \v 11 Kesampetanna, patuariku waya, mepa’a-pa’arola, pe’inakutenola en toumu rio reiy’ siperoan. Sungkulenouw e reiy’ sa mina’asa e nge’enge’ku! Esa nga ate esa nga ghenangouw nikouw, wo tumou mouw witu e le’os eng kale’osan; takar si Empung, kembu’an e nupus wo e le’os eng kale’osan si laa rumapitla nikouw! \v 12 Mee mouw tabea siesa wia se walina ampit en siong e kudus. Tabea waki em baya ne tou kudus wia nikouw.
|
|
@ -0,0 +1 @@
|
|||
\v 13 E nupus karunia ni Tuhan Yesus Kristus, wo e nupus ni Empung, wo em paasa-asa’an e Roh Kudus e rumapitla nikouw nu waya.
|
|
@ -0,0 +1 @@
|
|||
Pasal 13
|
|
@ -33,7 +33,8 @@
|
|||
],
|
||||
"parent_draft": {},
|
||||
"translators": [
|
||||
"sherlyagustina"
|
||||
"sherlyagustina",
|
||||
"john roring"
|
||||
],
|
||||
"finished_chunks": [
|
||||
"front-title",
|
||||
|
@ -123,6 +124,42 @@
|
|||
"10-05",
|
||||
"10-07",
|
||||
"10-09",
|
||||
"10-11"
|
||||
"10-11",
|
||||
"10-13",
|
||||
"10-15",
|
||||
"10-17",
|
||||
"11-title",
|
||||
"11-01",
|
||||
"11-03",
|
||||
"11-05",
|
||||
"11-07",
|
||||
"11-10",
|
||||
"11-12",
|
||||
"11-14",
|
||||
"11-16",
|
||||
"11-19",
|
||||
"11-22",
|
||||
"11-24",
|
||||
"11-27",
|
||||
"11-30",
|
||||
"11-32",
|
||||
"12-title",
|
||||
"12-01",
|
||||
"12-03",
|
||||
"12-06",
|
||||
"12-08",
|
||||
"12-11",
|
||||
"12-14",
|
||||
"12-16",
|
||||
"12-19",
|
||||
"12-20",
|
||||
"13-title",
|
||||
"13-01",
|
||||
"13-03",
|
||||
"13-05",
|
||||
"13-07",
|
||||
"13-09",
|
||||
"13-11",
|
||||
"13-13"
|
||||
]
|
||||
}
|
Loading…
Reference in New Issue