tdn_1co_text_reg/05/11.txt

\v 11 Ta’an e neiyku i patikla wia nikouw nyi’a mouw, rio kouw te’a makasewok ampit se tou,  ma’anouw tu’u si matotor en touna patuari, nyi’a mouw sitou sa’amek, te’etew, sumesempe em paepungen, menenero’, tetoeken, ka’apa menenowo; ampit se tou tuana te’a mouw kouw ma’an mekasa kumaan mewali-wali. \v 12 Karengan ampit eng kuwasa sapa ku’a re’en ku ma’akim’la nisea, se witu luar en jema’at? E reiy’ ku’a re’en nikouw kouw ma’akim i te se witu en jema’at? \v 13 Nisea se witu luar en jema’at se laa akimen ni Empung. I ure’ mouw se tou simiwola eng kalewo’an witu eng keuneran niouw.