tdn_1co_text_reg/10/14.txt

\v 14 Karengan e ni’itu, ee patuariku waya i koupus, wa’akatenola em pasempean paepungen! \v 15 Niaku ku mesesusuiy wia nikoo tanu se tou-tou sama’, Pemili-milingenola nuesa sapa e neiyku i lila’la! \v 16 Reiy’ ku’a re’en eng kower patotoran syukur, witu nyi’a kita matotorla syukur, nyi’a mouw em paasa-asa’an ampit e raa’ ni Kristus? Reiy’ ku’a re’en e roti pinemete-mete’ tala nyi’a mouw em paasa-asa’an ampit e nouwak ni Kristus? \v 17 Karengan e roti nyi’a mouw e nesa, takar nikita, ma’anouw tu’u kita laker, ta esa nouwak, karengan nikita nu waya ta minaka’ato weteng witu e roti esa i ti’i.