tdn_1co_text_reg/10/11.txt

\v 11 Em baya nyi’a i yi’i en timoro mola nisea tanume em pa’asa-asaran wo neiy i patikla kaa laa mamuali ngenge’enge’ wia nikita nu matou-tou witu e nedo, wisa en zaman kesampetan e mina’ayo mouw. \v 12 Karengan e ni’tu seiy si mapokeiyla, kaa nisia si te’etep rimedeiy, maato-ato mouw rio sia reiy’ i ka’anu! \v 13 Em pewa’awa’an-pewa’awa’an em pine’an niouwla nyi’a mouw em pewa’awa’an-pewa’awa’an karengan, e reiy’ limantouwla eng kaente’an ni tou. Karengan si Empung si lale’ wo karengan e ni’itu Nisia si reiy’ laa mayala nikouw wa’awa’an e lumantouwla eng kaente’annu. Witu e nedo nikouw nu wa’awa’an Nisia si laa meela wia nikoo e lalan merero’ula, i ka’ayo kouw toro tumanggong nyi’a.