tdn_1co_text_reg/07/12.txt

\v 12 Wia se tou-tou walina niaku, e reiy’ si Tuhan, limila’la: sa wawean siesa patuari si makatu’awewenela siesa tou reiy’ maka eman wo siesa wewene i ti’i si pa’ar tumou mewali-wali ampit nisia, te’a mouw si patuari i ti’i meteta’atasla nisia. \v 13 Wo sa wawean siesa tu’awewene maka tu’atuamala siesa tuama reiy’ maka eman wo si tuama i ti’i si pa’ar tumou mewali-wali ampit nisia, te’a mouw sia meteta’atasla si tuama i ti’i. \v 14 Karengan si tu’atuama reiy’ maka eman i ti’i si linenasola ni tu’awewenena wo si tu’awewene reiy’ maka eman i ti’i si kinudusola ni tu’atuamana. Sa wona’na e reiy’ tuana, tantu mouw se oki-oki’mu nyi’a mouw se oki’ kewur, ta’an en teakan nisea nyi’a mouw se oki-oki’ kudus.