tdn-x-remboken_act_text_reg/20/17.txt

\s Paulus Sumirita Witu Si Penatua Efesus \v 17 Witu miletus, Paulus rumeho tou msko tu Efesus, wo rumeho se penatua jamaat mai wia nisia. \v 18 Wo kaayo mei sea, mai wia nisia, sia lumila "kailekan niumong, kumuranyaku maidop wia nantara niu witu kalambotan nendo, timuur naeku limeek witu Asia. \v 19 Kaampit malayan si empung witu karendahan nate, pakaampiten lue' wo mendam pemawa - maawaan ka pasia - siasan ne tou Yahudi. \v 20 Kumura wo aku raai tumahang kapaarangku mahabar wia nikau witu pakasa kabergunaan wo majar nikau tusinaru netou laker wo witu waleesa mako tumbale walina. \v 21 Kasa maulir mawehe kasaksian, leos witu setou - tou Yahudi, kaapa setou Yunani, kumura partobatan witu si empung wo maiman witu empungeta Yesus Kristus.