Fri May 10 2024 12:42:45 GMT+0700 (Western Indonesia Time)

25/07.txt

@@ -1 +1 @@
-\v 8 \v 7 Abraham go yagui 175 no pung gono, srong so gemang pedueng.
+\v 7 Abraham go yagui 175 no pung gono, srong so gemang pedueng. \v 8 ...

36/01.txt

@@ -0,0 +1,2 @@
+\c 36 \s
+Esau lo tui go tang \v 1 Ngge Edom so usi go, Esau go tang gabe. \v 2 Nan Kanaan kabung nangglik ey, Esau lo idok go. Yangga, Elon sedue Het go denun Ada, nggano, Oholibama sedue Hewi, Zibeon go mamtaton denun Ana lo tui go, i \v 3 Nggano, Ismael go denun Basmat, Nebayot go demanon.

36/04.txt

@@ -0,0 +1 @@
+\v 4 Ada lo tui go Elifas.Basmat lo tui go Rehuel. \v 5 Nggano, Oholibama lo tui goYeush,Yaelamnggano Korah.Ngga naklay nan Kanaan no tui go duo

36/06.txt

@@ -0,0 +1 @@
+\v 6 Ngga blo idi lo, nemot go duo-kabung ey seduekabung naklay eygo ikak go, nan meno sono, Esau gemang ip. Nemot go yap tengglam ba sogo taut, menay, nan Kanaan so ikak go naklay ey ip go gemang klong. Yakob-a, gemang itak. \v 7 Yakob sik so banom so Esau klong go, nemot go taut, menay, yap ba sogo seduekabung naklay, taut naklay miam dega go nogo. Nan ngga no, klay go nogo, menay tendam genang yakua. Ngga tang sogo so, Esau-a gemang ip go klong. \v 8 Kumeduim Seir no, Edom so pu go Esau gemang got-bawon.

36/09.txt

@@ -0,0 +1,2 @@
+\v 9 Sedue Edom go mlena Esau sik so pung go tang, ngge kalik gabe: \v 10 Esau senun Ada lo tui go sedue denok, Elifas. \v 11 Elifas lo tui go sedue denok taidi yam so, yangga:T'eman,Omar,Zefo,Gaetam
+nggano Kenas. \v 12 Elifas go kabung koybutasemu go sui Timna. Timna lo tui go sedue , Amalek.

36/13.txt

@@ -0,0 +1 @@
+\v 13 Esau senun namon tete sogo Basmat. Basmat lo tui go sedue denok Rehuel. Rehuel logo sedue 4 yam so, yangga:Nahat,Zerah,Syamanggano Miza. \v 14 Esau senun meno Oholibama lo tui go: Ana ngga Zibeonj mamtaton. Zibeon lo tui go sedue nangglik ey, yangga:Yeus,Yaelam,nggano Korah.

36/15.txt

@@ -0,0 +1,2 @@
+\v 15 Trang-trang Esau lo tui go, ngge gabe: Esau go danon trang Elifas, saula tang ngge go mamui so lemoy. Ngga, tang ngge go trang so gabe lemoy, yangga:T'eman,Omar,Zefo,Kenas, \v 16 Korah,Gaetamnggano Amalek.
+Nemotnang ngga, Esau go senun Ada lo tui-sing go.

36/17.txt

@@ -0,0 +1,3 @@
+\v 17 Esau go danon Rehuel, tang ngge go mamui:Nahat,Zerah,Syamanggano Miza.
+Nemotnang naklay ngga, Esau go senun Basmat lo tui go. \v 18 Esau senun Oholibama Ana go denun lo tuigo tang:Yeush,Yaelamnggano Korah. \v 19 Ngga naklay Esau sik so pung go tang gemang. 
+\s Seir lo tui-sing go tang

36/20.txt

@@ -0,0 +1,6 @@
+\v 22 \v 20 Nan Edom seduekabung Seir lo ke go tang, ngge sedue Hori, yangga tang:
+Lotan,
+Syobal,
+Zibeon,
+Ana, \v 21 Disyon,
+Ezer,nggano Disyan. Lotan,Timna

36/23.txt

@@ -0,0 +1,2 @@
+\v 23 Syobal ngga tang:Alwan,Manahat,Ebal,Syefo
+nggano Onam go mamui. \v 24 Zibeon go danon namon ey, yangga:Aya eyAna ey.Bulakay buput kaseglok pay so nglangin go keleday so uwawi gono gemang tegu-sing.

36/25.txt

@@ -0,0 +1,3 @@
+\v 25 - Disyon go nglangin ngga Ana. \v 26 Disyon ngga tang:Hemdan,Esyban,Yitrannggano Keran go mamui.
+Ana lo tui go denun klaya go sui, Oholibama. \v 27 Tang:Bilhan,Zaawan,
+nggano Akan go mamui ngga Ezer. \v 28 Tang Us ey Aran eygo mamui ngga Disyan

36/29.txt

@@ -0,0 +1,2 @@
+\v 29 Ngga tang-tang Hori nan Edomsogo,Lotan,Syobal,Zibeon,Ana, \v 30 Disyon,Ezernggano Disyan.
+\s Edom sogo deguena-deguena

36/31.txt

@@ -0,0 +1 @@
+\v 31 Israel nogo deguena maning kua pung go nogo, deguena-deguena ngge lo nan Edom ta gabe mlak. Yangga: \v 32 yakena Dinhaba sogo Beor go danon, deguena Bela. \v 33 Yakena Bozra sogo Zera go danon, deguena Yobab.

36/34.txt

@@ -0,0 +1,2 @@
+\v 34 Nan Teman sogo, deguena Husyam. \v 35 Yakena Awit sogo Bedad go danon, \v 36 deguena Hadad l
+Yakena Masreka sogo

36/37.txt

@@ -0,0 +1,3 @@
+\v 37 deguena Samla.
+Yakena Rehobot butuo ketang sogo, \v 38 deguena Saul. \v 39 Akhbor go danon, deguena Baal-Hanan.
+Yakena Pahu sogo, deguena Hadarm

36/40.txt

@@ -0,0 +1,3 @@
+\v 40 Esau ba sik so pung go tang Edom ngge kalik gabe:Timna,Alwa,Yetet, \v 41 Oholibama,Ela,Pinon, \v 42 Kenas,T'eman,
+Mibzar, \v 43 Magdiel,nggano Iram.
+Tang nemotgo-nemotgo nan sip so suing gono, sui gemang temuit-sing.

36/title.txt

@@ -0,0 +1 @@
+Pasal 36

37/01.txt

@@ -0,0 +1,3 @@
+\c 37 \s 
+Yusuf ey ntatonnang ey \v 1 Nan Kanaan nglangin Isak logo yakena no, Yakub gemang got-nawon. \v 2 Yakob go yaptenglam no lemoy go nebutpen ngge kalik gabe.
+Danon Yusuf go yagui 17 yam no ntaton trangnang ey, kambing-domba yay sogo gemang keng. Yangga, Bilha lo tui go ey Silpa lo tui go danon, nglangin go senun koybutasemu lo tui go duo-yap. Ntatonnang lo pupluok go taybat-taybat, Yusuf lo klong go, nglangin nogo gemang pepen

37/03.txt

@@ -0,0 +1,2 @@
+\v 3 Seni so, Yusuf ngga sedueseni yam no, tui go nogo nglangin go klum Yusuf nogo kangok dega. Danonang temu nogo klum ey kua kerlam.
+Ku meno no, amka teguop seni gok, Yusuf nogo so Yakob lo gemang semu-nawon. \v 4 Ntaton trang-yap ikum go: “Yusuf nogo-a aya klum kangok ba? Atnang nogo ey kua kerlam?” Ikle-ikle so Yusuf nogo gemang semu-netenawon. Yusuf eygo suey so nemotnang kua ngengam.

37/05.txt

@@ -0,0 +1 @@
+\v 5 Ku meno so, wadisedi so Yusuf lo gemang srek. Sedi ngga ntatonnang no pen go, ntatonnang dabuipiam kangok so Yusuf nogo gemang tetra. \v 6 Wadisedi ngga, ntatonnang sono Yusuf lo ngge kalik gemang pen: “Tup-kelo ya!

37/07.txt

@@ -0,0 +1 @@
+\v 7 Wadisedi so, usu so imot naklay sagot ibot go, imotgo-imotgo pluoso-pluoso gemang dok-sing. Genam lo dok go tete-a kong go wisi so ip. Motnang lo dok go tete weng go, genam lo dok go mit lo wok teguot go, ngga ey, genam lo dok go sagot sono gemang unuik-sing.” \v 8 Sedi ngga tup gono, ntatonnang lo way so tenguo go: “Mot lo duing go, atnang nogo deguena so mot-a ya lemoy lo?” Sedi ngga ey nglangin no nebut pepen go tang so, ntatonnang dabui ikle kangok so gemang tra.

37/09.txt

@@ -0,0 +1,2 @@
+\v 9 Nggano, wadisedi meno srek go, ntatonnang no gemang pen dali: “Wadisedi so genam lo ikum go: ‘woy ey banu ey, nggano ut top 11 yam so weng go genam go suongku no gabe unuik-sing.” \v 10 Sedi ngga klong go nglangin no gemang pen dali. Nggano, nglangin lo gemang bebat: “Sogo kalik go sedi yabung? Mot lo duing go, genam ey mia ey, nggano mot go akanang naklay weng go mot no susubu ya wit?” \v 11 Yusuf nogo, ntatonnang logo dabui ikle-seguong so. No, nglangin-a dabui ba lo sedi ngga go seni tega-tenawon.
+\s Yusuf duoy so nay go nan Mesir no wawi go klong go

37/12.txt

@@ -0,0 +1,2 @@
+\v 12 Ku meno no Shikem sono, nglangin go kambing-domba yay so, Yusuf go akanang lo wawi go klong gono, \v 13 Yusuf so Yakob lo gemang we-tenawon: “Nan Shikem no imot go kambing-domba yay so, akanang suisuing go mit no mot se klong!” Nggano, Yusuf lo yang go: “Ngga suey lo aya!” \v 14 Nglangin lo pu go: “Akanang ey kambing-domba eygo ikum sogo be. Nemotnang suey seguong so? Nggano, genam nogo weng go se pen.”
+Ngga ey, Hebron pay itak go Yusuf gemang klong. Ku walong kua luik gono, Shikem no Yusuf gemang pung.

37/15.txt

@@ -0,0 +1 @@
+\v 15 Nggesono-nggasono, ntatonnang so maning uwet gono, sedue meno gemang tegu-nawon. Nggano, sedue ngga lo usi go: “Sogo so wet-togoy?” \v 16 way so Yusuf lo wa go: “Akanang, kambing-domba yay so suisuing goso, wet-tugu go se. Nemotnang aya mo senong?” \v 17 Sedue ngga lo pu go: “Ngge sik sogo nemotnang mo klong. Nemotnang lo pu gono, genam tup go: “Dotam sono” nemotnang gemang klong-lak.” Nggano, Dotam sono mesip so, ntatonnang mit sono keng go, Yusuf koklong go nemotnang gemang ikum.”

37/18.txt

@@ -0,0 +1 @@
+\v 18 Nemotnang mit no maning kua pung gono, ket sik so nemotnang lo Yusuf mo ikum. Nggano, Yusuf but genang klay gemang pen. \v 19 Ngge kalik nemotnang goso gemang pen: “Ikum-a! Sedi so sesrek go sedue ngga uweng go. \v 20 But-eyon gono, bumu ba no nemot go temoy mea betep. Ngga no mea pu: ‘menay iseng eygo lo uluk go mo dam.’ Nemu luik genang, nemot lo srek go sedi ngga, sogo kalik so ya lemoy?”

37/21.txt

@@ -0,0 +1 @@
+\v 21 Nemotnang go atuia ngga, Ruben tup gono Yusuf susuoy genang so, gemang pu: “Nemot-a kua but! \v 22 Bumu ngge ba sono mea betep-eyon. No, nemot demun kua but, kin kua pi.” Ngga kalik Ruben lo pu go, duiduing: ‘susuoy so itak go yap no Yusuf pu go klong genang so.’

37/23.txt

@@ -0,0 +1 @@
+\v 23 Nemot go akanang mit no Yusuf pung gono, Yusuf go amka teguopl go ngga, nisno so gemang sok. \v 24 Nggano, ku lo lek go, bumu ba sono gemang betep.

37/25.txt

@@ -0,0 +1 @@
+\v 25 Ten so nemotnang dedam gono, tang Ismael sik sogo amble duo, yakena Gelead sik so nan Mesir no, nay so koklong go gemang ikum. Nemot go menay unta blo nogo, ‘rempah-rempah’ ey ‘kismis’ eygo naynang so king go koklong. \v 26 Nggano, ntatonnang no Yehuda lo gemang pu: “Imot go sat but-eyon gono yakot so suing go, nemot go seni sogo kalik ya?

37/27.txt

@@ -0,0 +1 @@
+\v 27 Ngga sedue tang Ismael no ya nay go! Nemot nogo iseng-a kua taling! Nemot ngga imot go sat gemang.” Ngga ey, Yehuda lo pen go nebut no, ntatonnang gemang keng. \v 28 Nan Midianm sik sogo sedue-sedue nay sogo ngga koklong go. Ngga ey, bumu ba sik so Yusuf tandali sok gono, sedue Ismael no 20 keping perak lo gemang nay-nenawon. Nggano, nay sogo sedue-sedue nggan lo nan Mesir sono Yusuf king go gemang klong.

37/29.txt

@@ -0,0 +1 @@
+\v 29 Ruben kua senong, bumu ngga no Ruben tandali pung go, Yusuf kua ikum-srenawon. U sogo so, nemot go amka gemang tegrok-nawon. \v 30 Tandali ntatonnang mit no klong gono, gemang we-tenawon: “Bumu ba sogo denok ngga kua go. Nggeasui go, sogo kalik ya semu-lu?”

37/31.txt

@@ -0,0 +1 @@
+\v 31 Nggano, kambing meno nemotnang lo tong go, Yusuf go amka kambing kin ba no gemang yuom. \v 32 Yusuf go amka ngga ey, nemotnang lo motdak go iti go, nglangin sono gemang klong. Ngge kalik gemang pen-nenawon: “Amka ngge tap so atnang lo iti go, ngge aya go duo go amka?” \v 33 Yakub amka ngga kekay so nemu so se kling-nawon. Ngga no gemang pu-tenawon: “Yang! Ngge genam go duo go amka lo. Menay iseng eygo lo nemot mo uluk. Esang! Menay iseng eygo lo, Genam go duo Yusuf sruep go mo dam. Nemot mo kebong sang.”

37/34.txt

@@ -0,0 +1 @@
+\v 34 Yakob go amka teglok-nawon go, genuing amka-a kok go got-tenawon. Kuno-kuno Yusuf u so kukluo. \v 35 Nemot go danonnang ey denun eygo lo weng go nemot umlue go. No, nemotnang lo umlue go nogo kua tup-srenawon. Nemot lo pu go: “Genam kebong go nogo, genam go duo ngga u-a senang so mea kukluo.” Yusuf tang sogo so, Yusuf genuing-a Yakob got-tenawon. \v 36 No, Yusuf-a deguena go yap yay sogo, plewengkabui Potifar sono sedue Midian ngganemot lo Yusuf gemang nay.

37/title.txt

@@ -0,0 +1 @@
+Pasal 37

38/01.txt

@@ -0,0 +1,2 @@
+\c 38 \s 
+Yehuda ey Tamar ey \v 1 Ku ngganemot nogo, ntatonnang itak go Yehuda-a gemang klong. Yakena Adulam so Hira ey gemang suisuing. \v 2 Ngga sogo, kabung denok meno gemang. Nan Kanaan sik sogo Sua go denun, Yehuda ey ta keduik go. Nggano, Yehuda lo gemang iti.

38/03.txt

@@ -0,0 +1 @@
+\v 3 Keduong so nemotnamon lo tui go duo, Er so nglangin lo gemang temuit. \v 4 Namon tete sogo sedue dali tui go, Onan so gemang temuit. \v 5 Nggano, Kezib so Yehuda suisuing gono, nangglik tete sogo sedue dali tui go, Syela so gemang temuit.

38/06.txt

@@ -0,0 +1 @@
+\v 6 Danon trang Er nogo so, Tamar-a Yehuda lo gemang tong. \v 7 Er go taybat kangok dega seni. Ngga tang sogo so Woy Wali Iram dabui piam go, Er-a gemang kebong.

38/08.txt

@@ -0,0 +1 @@
+\v 8 Nggano, ntaton Onan so Yehuda lo pu go: “Mot ngge Er go sat. Klong-a! Aka logo kabung nalo mot lo duk-a! Aka go duduing mot lo se lemoy. Ngga tang so, mot go aka nogo duo tui genang.” \v 9 No, Onan mo senong, ‘nemot logo duo nggga nemot go sui no mea kua degut.’ Ngga tang sogo so, kabung ngga ey Onan saduikenok go nogo, nemot go nenbu dia sono gemang pipi. Ntaton trang nogo duo tui genaning so. \v 10 Tasam ngga tang sogo so, Woy Wali Iram dabui piam go, Onan gemang kebong dali.

38/11.txt

@@ -0,0 +1 @@
+\v 11 Nggano, denun duo go Tamar so, Yehuda lo gemang pu: “Klong-a, mot go aya-mia mit so se suisuing, e.. genam go duo Syela babu gono.” Ngga kalik pu go ngga, Yehuda suali tra go, Syela kabung ngga iti go, ntaton namon kalik mangne ya kebong dali. Ngga ey, nemot go unen nglangin go yap no Tamar gemang klong.

38/12.txt

@@ -0,0 +1,2 @@
+\v 12 Ngga blo idi lo, Yehuda senun gemang kebong. Genuing yam so suing gono, nemot andua Hira, Yehuda lo pu go Adulam sik sogo, Timna no, nemot go domba dit so ndok go sip sono, gemang kenawon. \v 13 Tamar tup-natun go, siomasi Yehuda, nemot go domba dit ndok so, Timna sono mea weng. \v 14 Sedue mo kebong go amka-a sok go, way so amka meno-a kok go, nebuemnamu-a amka meno lo kebet. Ngga ey klong go, Timna sono koklong go, yakena yataput Enaim so gemang got-tenatun.
+Yang! Tamar mo senong: ‘Yehuda go danon sat Syela mo kangok’ duonguot ngga eygo nemot maning kua tong ne.

38/15.txt

@@ -0,0 +1 @@
+\v 15 Yehuda koklong go, Tamar ikum-nawon go, nemot lo duing go: ‘ngge kamea kabung gabe!’ Amka lo nebuemnemu mo kebet go nogo. \v 16 Ngga ey, dagu sono Yehuda klong gono, gemang usi-tenawon: “Drang kata yam so ya pu lo?” Seni so, Yehuda kua senong, ‘ngge nemot go duokabung tang go.’ Nggano, Tamar lo pu go: “Aya go ba so lo!”

38/17.txt

@@ -0,0 +1 @@
+\v 17 Nggano, Yehuda lo pu: “Kambing nok meno-a, mot nogo so ya tong-kundu!” Way so Tamar lo pu go: “Ngga suey lo! No, namboyna go taut-a se itak lo, e… aya logo kambing ngga, genam go ta no iti gono taut ngge tandali mea idok.” \v 18 Nggano, Yahuda lo gemang usi: “Namboyna go sogo-a ya iti?” Way so Tamar lo pu go: “Genam no mot go stempel nemot go tegan ey teguoli eygo-a se iti-sando.” Nggano, taut ngga nemot sono Yehuda lo gemang ikak. Ngga ey, saduikenok-kenatun go, Tamar duo ey gemang nenguon.

38/19.txt

@@ -0,0 +1 @@
+\v 19 Tamar yap sono klong gono, nebuemnemu no kut go amka truk go, sedue mo kebong go amka-a way so kok go, gemang got-tenatun. \v 20 Ku kata yam so suing gono, Hira, Yehuda lo mot-dak go gemang klong. Nemot go menay ey iti gono, nemot go taut ngga tandali ikak genang so. No, Hira logo kabung ngga kua tegu-srenawon.

38/21.txt

@@ -0,0 +1 @@
+\v 21 Enaim sogo sedue kabung no Hira lo usi go: “Kamea kabung ngge sogo, nago so suisuing?” Ngga sogo sedue kabung lo way so pu go: “Ngge sogo, kamea kabung kua suisuing” \v 22 Nggano, tandali Yehuda mit no Hira klong gono gemang pu: “Kamea kabung ngganemot, genam kua tegu go se. Ngga sogo, sedue kabung lo pu go: “Ngge sogo kamea kabung kua.” \v 23 Yehuda lo pu go: “Nuey-a taut ngga-a nemot nogo so itak-a! Imot nogo suongsut-a kua taling. Nemot nogo drang iti genang so, genam lo mo usey. No, nemot kua tegu go sogo so kua iti.”

38/24.txt

@@ -0,0 +1 @@
+\v 24 Banu nangglik yam no, Yehuda deguo gemang tup: “Mot go duokabung tap duo gabe mo nenguon.” Nggano, tamot motdak go Yehuda lo gemang pu-tenawon: “Nemot wawi go weng go, koy no nemukiki so puit-dak go se kebong!” \v 25 Tamar wawi go koklong gono, nglangin siomasi Yehuda sono, nebut gemang pung. Tamar lo pu go: “Duo ngge so lemoy go nglangin, taut ngge go sedue, ngge nemot logo duo gabe. Se ikum, stempel tegan ey, teguoli ey. Nando go mo, genam nemot logo duo gabe.” \v 26 Yehuda lo taut ngga nemu so kling gono, gemang we-tenawon: “Kabung ngga kua kuklue sang. Nemot nogo, genam go idekeba kua taling go nogo. Nemot-a genam go duo Syela no genam lo itak genang sogo.” No, Tamar eygo Yehuda tandali go sadui kua kenok.

38/27.txt

@@ -0,0 +1 @@
+\v 27 Duo tui genang ku pung gono, Tamar lo duo namon ey gemang tui. \v 28 Duo tui sogo no, duo meno go ta-a banim gemang pung. Nggano, nemot so tebok go kabung lo, ta ngga mlak gono, buom-buom sogo dan lo gemang dok. Tebok go kabung lo pu go: “Ngge banim tui go duo gabe.”

38/29.txt

@@ -0,0 +1 @@
+\v 29 No, duo ngga lo tandali nemot go ta gemang lek. No, duo meno dali-a banim gemang tui. Nggano, nemot so tebok go kabung lo pu go: “Pung sogo so, ngga kalik mot lo motdak goso be!” Banim tui go du ngga go sui, Pereso so gemang temuit. \v 30 Ngganemot no, ntaton sat ta no dan buom-buom ey dok go gemang tui dali. Nemot go sui, Zerahp so gemag temuit.

38/title.txt

@@ -0,0 +1 @@
+Pasal 38

39/01.txt

@@ -0,0 +1,2 @@
+\c 39 \s
+Potifar go senun ey Yusuf ey \v 1 Mesir sono Yusuf wawi go mo klong. Nan Mesir no pung go, deguena go yap yay sogo plewengkabui Potifar sono, sedue-sedue Ismael ngga lo Yusuf gemang nay. \v 2 Woy Wali Iram lo Yusuf no tebok go nogo, kebali-kebali nemot lo pupluok go naklay seni ey lelemoy. Nemot go tuam sedue Mesir ngganemot go yap ba so, Yusuf gemang suisuing.

39/03.txt

@@ -0,0 +1 @@
+\v 3 Nemot lo pupluok go naklay seni ey lelemoy go, Potifar, Yusuf go tuiam, ngga kalik ikum go mo senong, Woy Wali Iram lo Yusuf no tebok go nogo gabe. \v 4 Ngganemot nogo, Yusuf nogo Potifar go yakay kangok. Ngga tang sogo so, nemot go yap dabui ba no, tebok genang so, Yusuf gemang pay-nawon. Nemot go yap ey yaptenglam eygo ba naklay, Yusuf lo tamlak genang so, Yusuf seguong sono gemang itak.

39/05.txt

@@ -0,0 +1,2 @@
+\v 5 Ku ngganemot sik so, Yusuf tang sogo so, sedue Mesir ngga go yaptenglam nogo, Woy Wali Iram go taitiklum kangok so gemang uweng. Nemot go yap ba sogo, usu sogo naklay, Woy Wali Iram go taitiklum gemang uweng. \v 6 Yusuf go ta ba sono Potifar go sogo-sogo naklay gemang itak. Ngga kalik go tang sogo so, nemot go yap ba sogo usey genang sogo naklay, Potifar tang go kua tebok. No, nemot go tendedam-a, nemot tang sogo gemang uusey.
+\s Yusuf ngguot teguo go

39/07.txt

@@ -0,0 +1 @@
+\v 7 Ngga ey, ku kata yam so suing gono, Yusuf ey srek so Potifar senun naklay mo duing-tun. Ngga ey, srek sogo so Yusuf gemang poplong. \v 8 No, tenguo gono, Yusuf lo gemang we-tenawon: “Esang mia, demu kua go! Genam go taba sono tuiam Potifar lo, nemot go naklay-naklay mo itak. Ngga tang so, sogo-sogo yap ngge ba sogo nogo, kunala duing kua goso mo itak. \v 9 Yap ngge ba nogo aya tuiam ey genam eygo don mo kerlam. Genam go ta ba no sogo-sogo kua itak go kua. No, mia tang go-a aya tuiam go, genam logo yakua mlak. Tayba kuaseni go ngga, genam yakua pluok, kuklue Ki Wali Iram nogo genam yakua pluok dali?”

39/10.txt

@@ -0,0 +1 @@
+\v 10 Kuno-kuno kamso, Potifar senun lo mumlue. No, duongguot ngga nemot ey srek genang yakua. \v 11 Ku meno so, sedue kabung temu kua, yap ba kebali so Yusuf gemang degut. \v 12 Yusuf go amka no, Potifar senun lo lek gono gemang pu: “Weng-a saduikenok-mleyon sogo se!” No, tateglok go Yusuf gemang kap. Kekap gono, kabung ngga go ta temoy no amka-a gemang itak.

39/13.txt

@@ -0,0 +1 @@
+\v 13 Potifar senun ikum go, Yusuf kap go amka-a ta temoy no mo itak ba? \v 14 Kebali sedue kabung usi gono, gemang pen-tenatun: “Ikum-a! Iblani duo ngga, yap ngge ba no, genam go sedue lo wawi go weng go. Imot nogo suongsut nemot lo taling go. Genam go degu ba sono nemot degut go, genam ey saduikenok so poplong. \v 15 No, wak genam lo klung go tang so, dia sono nemot gemang kap. Nemot go amka-a, genam go ta temoy no gabe itak.”

39/16.txt

@@ -0,0 +1 @@
+\v 16 Nggano, Yusuf go amka ngga, Potifar senun lo tui go gigit, e…kebali sik sogo kenin gemang pung. \v 17 Dabuikoy-dabuikoy ey, keda so kenin sono gemang pen-natun: “Ikum-a! Iblani duo ngga, yap ngge ba no mot lo wawi go weng go. Imot nogo suongsut nemot lo taling go. Degu ba sono nemot degut go, genam ey saduikenok sogo so gemang plong. \v 18 No, wak genam lo klung go tang so, dia sono nemot gemang kap. Genam go ta temoy no, nemot go amka-a gabe itak.”

39/19.txt

@@ -0,0 +1 @@
+\v 19 Ngga tup-nawon go, Potifar kangok so dabuipiam gemang tra. \v 20 Nggano, nemot lo pu goso, deguena go kebalisedue so tega go boy ba sono, Yusuf gemang betep.

39/21.txt

@@ -0,0 +1 @@
+\v 21 No, Woy Wali Iram lo tebok go nogo, Yusuf nogo klum kangok so gemang taling. Boy wengkabui Yusuf nogo yakay kangok. \v 22 Boy ba kebali semu genang don, Yusuf go ta sono boy wengkabui lo gemang itak. Boy ba sogo sedue naklay Yusuf lo gemang tetaling. \v 23 Yusuf lo suey so mo sesemu go nogo, Yusuf no mo itak go kebali ngga wengkabui logo kua sesemu. Yusuf no Woy Wali Iram lo tebok go nogo, nemot lo pupluok go kebali naklay, seni ey gemang lelemoy.

39/title.txt

@@ -0,0 +1 @@
+Pasal 39

40/01.txt

@@ -0,0 +1,2 @@
+\c 40 \s
+Boy ba sogo sedue lo srek go sedi Yusuf lo seni pen go \v 1 Ngga blo idi lo, Mesir go deguena nogo kuklue, bu so iti go ey, ten so iti go sedue eygo lo gemang pluok. \v 2 Ngga tang so, kebali sedue namon ngga nogo, deguena go dabuipiam kangok. \v 3 Nemotnamon, plesedue wengkabui go yap ba sogo boy, Yusuf eygo ba sono gemang betep.

40/04.txt

@@ -0,0 +1 @@
+\v 4 Boy ngga ba sogo, nemotnang walong so mo suing. Boy ba nogo kebali tetaling genang so, Yusuf-a boy wengkabui lo gemang taling. \v 5 Ku meno wadi go, deguena no bu so iti go ey ten so iti go eygo lo, sedi bukerlam go gemang srek-klenawon. No, nemot go seni-a banom-banom.

40/06.txt

@@ -0,0 +1 @@
+\v 6 Ngga utep go, nemotnang mit no Yusuf weng go, nebuemnemu usukso, nemotnamon gemang ikum-nawon. \v 7 Nggano, Yusuf lo usi go: “Nggeasui go, sogo temoy no, motnamon go nebuemnemu, u suk-a ne?” \v 8 Nemotnamon lo wa go: “wadi atnamon sedi srek go. Nemot go seni senong go pen genan sedue, kua go.” Nggano, Yusuf lo pu go: “Yang! Ki Wali Iram seguong logo so, sikabung go sedi senong go, seni mea pen. Sedi nemot-a, pen-klesando ya!”

40/09.txt

@@ -0,0 +1 @@
+\v 9 Nggano, deguena no bu so iiti golo gemang pen-nawon: “Genam go suong ku no, anggul nuik pung go, sedi so gemang ikum-tu. \v 10 Anggul nuik ngga temoy nogo kali-kali, nangglik ey pung-sing. Nemot go kali temoy nogo, dop demening pupung go, un ey pung go kekayso bata. Nggano, seni tagot-anatun go, kekayso mo sengin dali. \v 11 Woy ngganemot nogo, deguena go bu so dedrop go tegun, genam lo iti go susuing. Anggul sengin ngga, genam lo buo go, deguena go tegunbu ba sono gemang sik-tu. Nggano, deguena lo drop genang so gemang iti.”

40/12.txt

@@ -0,0 +1 @@
+\v 12 Ngga ey, Yusuf lo pu go: “Sedi go seni ngge kalik: ‘nanglik ey kali wo go ngga, ku nanglik. \v 13 Ku nangglik ngge ba no, boy ba sik sogo, deguena lo mot taitak go mea pung. Nggano, kebali banim go dali no, mot mea kebali. Banim go kalik, deguena nogo bu iiti genang so mea pu.

40/14.txt

@@ -0,0 +1 @@
+\v 14 No, mot mo suey go nogo, genam sogo kua kay, se duing dali! Deuena nogo, genam sogo nebut nase pen dali. Boy ba sik sogo, genam pung dali genang. \v 15 Yang! Genam ngge, sedue Iblani, wawi go weng go. Nan Mesir ngge nogo, genam kuklue kua semu. No, boy ba nogo genam tebadali betep go.”

40/16.txt

@@ -0,0 +1 @@
+\v 16 Deguena go ten so iiti go senong go: “Bu so iiti go sedue go sedi, nomot go seni suey.” Nggano, Yusuf no nemot lo gemang pu-tenawon: “Sedi so genam lo srek dali go: ‘loti kala nangglik ey wengkabui blono, genam lo kong gono gemang koklong. \v 17 Blo da sogo kala ba nogo, sukmeno-sukmeno sogo muk gemang king. No, mukseney ngga, wi lo weng go gemang dedam.”

40/18.txt

@@ -0,0 +1 @@
+\v 18 Ngga ey, Yusuf lo pu go: “Sedi go seni ngge kalik: ‘kala nangglik ngga, ku nangglik. \v 19 Ku nangglik ngge ba no, deguena lo pu go mot go wengkabui, sedue lo mea tong. Nggano, di no nglung go, mot go saysuk kedong wi lo mea dam.”

40/20.txt

@@ -0,0 +1 @@
+\v 20 Ku nangglik dali no, deguena tui go ku mea pung. Nemot go kebali sedue naklay nogo so, walop kangok go gemang kong-nawon. Nemot lo pu go, bu so iiti go sedue ey, ten so iiti go sedue ey, boy ba sik sogo gemang pung. Wawi go, kebali sedue go nemuku sono gemang weng. \v 21 Bu so iti go sedue-a, nemot go kebali banim go dali sono gemang taling-nawon. \v 22 No, ten so iiti go sedue-a, kebong genang sogo idekeba gemang pu-nawon. Ngga naklay, Yusuf lo pen go kalik se lemoy-anatun.” \v 23 No, bu so iti go sedue ngga, Yusuf nogo kunala kua duing. Naklay seni, Yusuf sogo kunala nemot se kay-sing.

40/title.txt

@@ -0,0 +1 @@
+Pasal 40

41/01.txt

@@ -0,0 +1,2 @@
+\c 41 \s
+Mesir go deguena logo sedi Yusuf lo seni pen go \v 1 Yagui namon dali suing gono, Mesir go deguena lo, sedi gemang to-nawon. Ngge kalik: Sedi so Nil bu ketang so, deguena ip go got-tenawon. \v 2 Bu ba sik so kekay so, sapi diteguop go, taidisonamon yam so gemang pluep-lak. Ngga ey, neguen so dedam klong. \v 3 Nggano, sapi diteguop go mit no, sapi temu, yangkle-yangkle sogo, suk lo don-a dok go, taidisonamon yam so, gemang pung dali. Pung dali go, bu ketang no gemang ip-lak.

41/04.txt

@@ -0,0 +1 @@
+\v 4 Ngga ey, sapi diteguop go kangok go-a, yangkle-yangkle sogo lo gemang gut-sing. Nggano, usne sik sogo, deguena gemang bong-nawon. \v 5 Tandali usne so srek gono, sagot teguop so seni go sengin go, pluo taidisonamon yam so, sedi so tandali gemang ikum-nawon. \v 6 Nggano, sagot sakuok sogo seni kua go, pluo taidisonamon yam dali so, gemang ikum dali.

41/07.txt

@@ -0,0 +1 @@
+\v 7 Ngga ey, saguot seni kango go pluo-a, sakuok sogo pluo lo gemang gut-sing. Nggano, usne sik sogo, deguena gemang buong-nawon. \v 8 Wadikua deguena bong go, dabui ba yakay kua suey kua so tra-tenawon. Ngganemot sogo so, kunala sedue, blue sedue nan Mesir sogo naklay gemang usi-sing nawon. Sedi pen-nawon go, no, klay duo-nang go logo, sedi ngga go seni yakua pen

41/09.txt

@@ -0,0 +1 @@
+\v 9 Ngga ey, deguena go bu so iiti go kebali sedue lo, deguena no gemang pen: “Nggeasui go genam lo, kuklue go mea pen-alu; \v 10 Seni so, kunayum go, ten so iti go ey genam ey gono, aya deguena dabui piam go. Nggano, at namon aya go yap ba sogo boy no mo betep. \v 11 Ku meno so wadi go, atnamon lo sedi gemang srek. Atnamon go sedi ngga go seni kua kerlam.

41/12.txt

@@ -0,0 +1 @@
+\v 12 Iblani nguot atnang ey boy ba sogo, nemot kebali wekabui. Plesedue wengkabui go kebali sedue. Sedi ngga, nemot no atnamon lo pen gono, nemot lo seni gemang pen. \v 13 Ngga naklay, nemot lo pen go kalik seni, gabe lemoy. Yangga: genam-a tandali genam go kebali dali no, aya deguena lo pu go gabe semu. Nggano, ten so iti go-a, kebong genang idekeba-a gemang iti.”

41/14.txt

@@ -0,0 +1 @@
+\v 14 Nggano, deguena lo pu go, boy ba sik sogo Yusuf wawi go keda so pung go, dit ndok go, amka inim-a kok go, deguena sono klong go gemang ip. \v 15 Deguena lo pu go: “Sedi so genam lo srek go. Sedue klaya nang go logo, sedi ngga go seni pen genang yakua. No, genam no, sedue lo mo pen: mot logo, sedi go seni mea pen. Ngga, genam sono se pen-sando.” \v 16 Yusuf lo pu go: “Aya deguena! Genam tang go logo ngga, kua pepen. No, sedi go seni nemudi sogo, Ki Wali Iram seguong logo-a mea pen.”

41/17.txt

@@ -0,0 +1 @@
+\v 17 Nggano, deguena lo pu go: “Bu Nil ketang so sedi so, genam ip go suisuing. \v 18 Ngga ey, bu ba sik so, taidisonamon yam so sapi gemang pung. Sapi ngga kangok-kangok dega go, saysukbu idop-idop ey, bu ketang lo neguen so gemang dedam.

41/19.txt

@@ -0,0 +1 @@
+\v 19 Nggano, bu ba dali sik so, sapi temu taidisonamon yam so gemang pung. Sapi ngga yangkle-yangkle sogo, suk lo don no sebut go, donluong-a nemu kua blup. Nan Mesir ngge nogo, sapi ngga kalik go kua ikum seni. \v 20 Pla iti, sapi kangok-kangok dega go, saysukbu idop-idop eygo taidisonamon yam sogo ngga-a, sapi yangkle-yangkle ngga lo gemang gut-sing. \v 21 No, sapi yangkle-yangkle sogo ngga go saysuk, kua babu ne. Nemotnang yangkle-yangkle so ne. Ngga ey, genam gabe buong.

41/22.txt

@@ -0,0 +1 @@
+\v 22 Nggano, tandali genam srek gono, sedi gemang srek dali. Genam lo ikum go, sagot tang klaya gono, sot taidisonamon yam so, seni babu go, mo sengin go gemang ikum. \v 23 Ngga ey, sagot tang meno no sot temu, taidisonamon yam dali so, yawet sogo sakuok sogo pung go gemang ikum dali. \v 24 Seni eygo sengin go ngga-a, yawet sogo sakuok sogo lo gemang gut-sing. Sedi ngga, kunala sedue, blue sedue no genam lo mo pen. No, nemot go seni, nemotnang logo kua pen-newon.”

41/25.txt

@@ -0,0 +1 @@
+\v 25 Nggano, Yusuf lo deguena no gemang pu-tenawon: “Sedi namon ngga go seni kerlam. Seni so, aya deguena no, Ki Wali Iram lo mo pen: ‘sogo-a Nemot lo ya lemoy-yon?’ \v 26 Sapi taidisonamon yam sogo ngga, yagui taidisonamon yam so. Nggano, sagot tang klaya go, sot taidisonamon ngga, yagui taidisonamon dali. Sedi namon ngga go seni kerlam.

41/27.txt

@@ -0,0 +1 @@
+\v 27 Sapi taidisonamon ey, sagot taidisonamon eygo ngga, yagui taidisonamon yam dali no, tenkua go kluongku pung-ayun genang gemang. \v 28 At lo pu-tu go kalik, aya deguena no, Ki Wali Iram lo mo taling, sogo-a nemot lo ya lemoy-yon? \v 29 Yagui taidisonamon santugun go ngge, ten mata sogo, usu wasma naklay, sogo-sogo tong kua tong go. Nan Mesir naklay no, ngga mea lemoy.

41/30.txt

@@ -0,0 +1 @@
+\v 30 Ngga blo idi logo, yagui taidisonamon dali, ten kua go kluongku mea pung-ayun. Yagui taidisonamon yam sogo, ten mata sogo ngge kunala mea kay-sing. Kluongku ngga kangok dega seni go nogo, nan naklay mea lekuoy seni. \v 31 .. \v 32 Danamon so aya lo sedi srek go, nemot go seni, tasam ngga Ki Wali Iram lo dali mo semu-sing. Ngga, keda so mea lemoy-asiun.

41/33.txt

@@ -0,0 +1 @@
+\v 33 Ngga sogo so, sedue klaya duo kunala eygo, iguong kalong eygo-a, aya lo se taling. Nan Mesir seding no sading no, kebali ngga nemot lo pluok genang. \v 34 Ngga ey, kebalisedue temu, aya deguena lo se taling-sing dali. Ngga ey, don nemotnang nogo se iti.

41/35.txt

@@ -0,0 +1,2 @@
+\v 35 Wasma seni tanamon so wasey go, idi-a tegek go yakena-yakena no klik go ten yap ba sono, Nemotnang lo, senginku, yagui taidisonamon ngge ba no iyaluim genang. Yaluim gono, nemotnang lo yay mea suisuing. \v 36 Kluongku, yagui taidisonamon pung gono dam genang wasma ngga-a gemang. Ngga tang sogo so, ten logo blung meakua leguot.”
+\s Nan Mesir no gubernur so Yusuf temuit go

41/37.txt

@@ -0,0 +1 @@
+\v 37 Yusuf go kunala ngga, deguena ey nemot go kebalisedue eygo lo, gemang yang-nenawon. \v 38 Nggano, nemotnang no deguena lo gemang pu: “Yang sedue meno-a, imot logo ya kua taling gabe. Ki Wali Iram go waglo lo ngunguok go, nemot ngge-a gabe.”

41/39.txt

@@ -0,0 +1 @@
+\v 39 Yusuf sono deguena lo, gemang pu-tenawon: “Ngga naklay, mot no Ki Wali Iram lo mo pen. Ngga sik so ikum go, mot-a kunala kalong eygo sedue gabe. Nggano, mot logo, suey so senong go mea kebali dali. Mot-a kunala blong eygo sedue. \v 40 Gubernur so mot, genam lo gabe tetemuit. Mot nogo keng duduk-a, genam go blung naklay logo mea. Mot blo nogo, don blo sogo genam-a klaya gabe.” \v 41 Ngga ey, deguena go taglang sik sogo iwontuk, "cap" ey klik go deguena lo sok go, Yusuf go taglang no gemang kok-nawon. Nggano, gemang pu-tenawon: “Ngge, kokok go tang so, nan Mesir naklay no gubernur so, genam lo gebe temuit-situgu.”

41/42.txt

@@ -0,0 +1 @@
+\v 42 Ngga ey, amka lenan walong go, susuot sogo Yusuf nogo gemang kok. Nggano, samondan nemot go blindon nogo, gemang glong dali. \v 43 Nggano, kuda lo lek go kebleng, Yusuf koklong genang sogo, deguena go namon tete sogo-a gemang iti dali. Nggano, nemot yay suing go, ta kokong genang sogo, gemang iti dali. Nemotnang ngga banim temu no koklong, gemang ya pupu-klong: “Ka! Ka! Tap se itak-klong! Nggakalik so, nan Mesir naklay nogo gubernur so, Yusuf gemang temuit.

41/44.txt

@@ -0,0 +1 @@
+\v 44 Yusuf no deguena lo pu go: “Genam ngge deguena. Genam lo gabe pupu: “Mot lo kua yang go, sedue klayanang go logo, nan Mesir naklay nogo, sogo-sogo yakua pluok gabe.” \v 45 Ngga ey, Yusuf nogo, Mesir go sui deguena lo gemang temuit-nawon. Yangga, "Zafnat-Paaneah" so gemang temuit. Nggano, Yusuf nogo kabung klaya, gemang tong-nawon dali. Kabung ngga go sui, Asnat Potifera go denun. Yakena Heliopolis go imam so kebali go.

41/46.txt

@@ -0,0 +1 @@
+\v 46 Deguena Mesir go kebali tamlak go, pupluok go nogo, Yusuf go yagui 30 yam no. \v 47 Yagui taidisonamon senginku ba nogo, wasma seni sengin go, naklay mata dega seniso, ususomani-yapsomani.

41/48.txt

@@ -0,0 +1 @@
+\v 48 Yakena-yakena go ten yap ba no, sagut ngga Yusuf lo yaluim go gemang degut-sing. \v 49 Sagot seni go, miam dega ey, beap kaseglok kalik go tang sogo nogo, Yusuf lo tagu i genang yakua.

41/50.txt

@@ -0,0 +1 @@
+\v 50 Seni so, kluongku ngga, maning kua pung gono, duo sedue denok namon ey, Yusuf senun Asnat lo gemang tui-natun. \v 51 Nggano, Yusuf lo pu go: “Genam go dabui sadui-iseng, genam go aka-yap nogo, Ki Wali Iram logo tang so, mo kay seni gabe.” Ngga tang sogo so, sedue denok trang sogo, “Menasye”q so gemang temuit. \v 52 Nggano, tandali Yusuf lo pu go: “diding ba logo ku no, genam nogo duo, Ki Wali Iram lo mo iti.” Sedue denok namon tete sogo sui, “Efram”r so gemang temuit

41/53.txt

@@ -0,0 +1 @@
+\v 53 Nan Mesir nogo senginku, yagui taidisonamon yam sogo ngga, gemang lung-sing. \v 54 Ngga blo idi logo, kluongku yagui taidisonamon dali, gemang pung. Yusuf lo pen go kalik gemang lemoy-anatun. Kukunan blo naklay, kluongku ten kua go ku, gemang pung-anatun. No, nan Mesir naklay nogo, dali-dali mo ta go ten gemang.

41/55.txt

@@ -0,0 +1 @@
+\v 55 Nan Mesir sogo blung, yam so ten lo se …, deguena no weng go, nemotnang lo ten gemang wadong. Nggano, deguena lo pu gono, ‘Yusuf sono nemotnang gemang weng-lak.’ Nggano, Yusuf lo pen go naklay no, nemotnang gemang keng-netenawon.* \v 56 Kangok so naklay kluongku ngga se lelemoy. Nan Mesir naklay sono, deguo gemang dayap-anatun: ‘yakena-yakena sogo ten yap, Yusuf lo mo tenuing-sing. Nggano, Mesir sikabung nogo so, ten gemang nay-sing. \v 57 Kukunan seding-seding sik sogo, Yusuf sono weng go, duoy lo ten king-netenawon. Seni so, kluongku tenkuago ngga, naklay kangok dega seni. Kukunan naklay nogo, nago-nago nogo ten yam so, se kua-anatun.

41/title.txt

@@ -0,0 +1 @@
+Pasal 41

42/01.txt

@@ -0,0 +1,2 @@
+\c 42 \s
+Nan Mesir no ten duoy lo king so Yusuf go akanang klong go \v 1 Yakub tup-nawon go, ‘nan Mesir sogo ten gemang'. Nggano, danonnang no gemang pu-tenawon: “Motnang yakot so, sogo so got-ketegoy? \v 2 Genam tup go, 'nan Mesir sogo, ten gemang'. Mesir no klong-a! Ten lo imot leguot eygo se. Klong go, ten duoy lo iti gono se weng.” \v 3 Nggano, ten duoy lo iti so nan Mesir sono, Yusuf go ntatonnang tanamon ngga gemang-nenawon. \v 4 No, ntaton Benyamin-a, Yakob lo pu goso, kua keng-srenawon. Ntaton Yusuf kalik kalong blo no klak eygo so.

42/05.txt

@@ -0,0 +1 @@
+\v 5 Nan Kanaan nogo, ten kua dali go so, nan Mesir sono Yakob go danonnang, sikabung temu ey mata so, duoy lo ten iti so gemang klong-lak. \v 6 Kukunan sedingno-sedingno goso, ten so nenay go wengkabui ngga, Yusuf lo gubelnul so ta gemang mlak. Ngga tang so, nemot go akanang weng go, Yusuf go suongku no genang unuik-nenawon.

42/07.txt

@@ -0,0 +1 @@
+\v 7 Nemot go akanang ikum go, Yusuf-a, mo senong-nawon. No, kua senong go kalik, wamoy so gemang semu-nawon. Nisono so, kangok so nemotnang no gemang usi: “Motnang nago sik sogo sedue-sedue?” Way so nemotnang lo pu go: “Atnang ngge Kanaan sik sogo sedue-sedue wa!” \v 8 Yang, nemotnang-a, Yusuf lo mo senong. No, Yusuf-a nemotnang logo, kua senong-nesrenawon.

42/09.txt

@@ -0,0 +1 @@
+\v 9 Nggano, nemot go sedi, nemotnang so srek go ngga, gemang duing-nawon. Ngga ey, nemotnang so gemang pu-tenawon: “Motnang ngge nemusom sogo sedue-sedue gabe. Nuluik so, motnang go gabe. Atnang go nan ngge nogo, don kua go nago no gemang?” \v 10 Nemotnang lo tenguo go: “Kua sang, tuiam! Atnang weng go, duoy lo ten iti genang seguong so wa sang. \v 11 Atnang ngge, tang klaya go seguong gabe. Aya tuiam, sang! Atnang ngge sedue suey-suey go. Nemusom sogo sedue kua.”

42/12.txt

@@ -0,0 +1 @@
+\v 12 Yusuf lo pu go: “Motnang ngge no weng go, atnang go yakena ngge don kua go, nemu luik sogo so wamoy mlue so weng go.” \v 13 No, nemotnang lo wa go: “Atnang ngge, naklay go 12 yam so. Atnang go aya klaya, nan Kanaan so gemang. Atnang sik sogo, klaya duo-a mo kebong. Nggano, nggeasui go, sat sogo-a, atnang go aya ey gemang suing.”

42/14.txt

@@ -0,0 +1 @@
+\v 14 Yang seni so lo, genam lo pu go kalik. Motnang ngge nemusom so weng go, sedue-sedue gabe.” \v 15 No, motnang ngge seni sogo senong genang. Deguena go sui no gabe pu-situgu: “Ngge sono motnang go sat ngga, maning kua wawi go weng go, nan Mesir sik sogo motnang yakua itak go klong.” \v 16 Motnang sik sogo klaya duo-a, klong go wawi go se weng. Boy ba no temu-a namboy mea degut. E… motnang lo pen go ngga seni so taling gono, itak go motnang mea klong-lak. Nggakalik kua lemoy go, ngge deguena go sui tang sogo so, motnang ngge nemusom so weng go plesi gabe.” \v 17 Nggano, kunanglik yam so, boy ba no nemotnang gemang tega.

42/18.txt

@@ -0,0 +1 @@
+\v 18 Ku nangglik tete no, Yusuf lo gemang pu-tenawon: “Genam ngge, Ki Wali Iram nogo suali ey. Ngga tang sogo so, motnang mea susuoy-silu. No, klaya ngge-a se plok-kelo! \v 19 Monang lo pen go nebut ngga, seni so taling genang, motnang ngge nemudi sogo sedue. Motnang sik sogo klaya duo-a, boy ba no mea betep. Temu-a ten ey king go se klong-lak. Motnang go yap-tenglam ten sogo, ten king go se klong-lak. \v 20 Nggano, motnang go sat wawi go, ngge sono genam mit no se weng. Ngga tang so senong genang, seni so motnag lo pen go nebut ngga seni ey. Kebong genang idekeba, motnang nogo meakua iti-lu.” Gubernul lo pu go ngganemot, nemotnang lo gemang yang.

42/21.txt

@@ -0,0 +1 @@
+\v 21 Nggano, nemotnang go seguong so, gemang sok-netenawon: “Yang! Nggeasui imotnang nogo, idekeba taling go ngge, imot go sat no banim imot lo taling go taybat, ngga sik sogo idekaba gabe. Kamso nemot lo pu go, no, nemot go nebut nogo, imot lo kua tup ne. Nemot-a, imot mo ikum, nemot ide kangok so tra go. Ngga tang sogo so, nggeasui go, imot nogo iseng ngge taling go, gabe tra-eton.” \v 22 Ruben lo pu go: “Banim go motnang no at lo mo pu: “Denok ngga nogo sogo-sogo iseng kua taling. No, genam go nebut nogo motnang lo kua tup ne. Ngga tang sogo so, nemot kebong go idekeba waydali, imot no gabe tetaling.”

42/23.txt

@@ -0,0 +1,2 @@
+\v 23 Nemotnang lo pepen go nebut, Yusuf mo senong. No, nemotnang logo ngga kua sesenong. Yusuf eygo nemotnang nogo, sedue meno lo, tandali pepen go nogo. \v 24 Nemotnang itak gono, Yusuf klong go ngga ba no, u gemang klou-nawon. Tandali Yusuf weng gono, pu go, Simeon nemotnang go nemu damoy so gemang dok-nenawon. \v 25 Nggano, Yusuf lo pu go: “Nemot go akanang lo iti go weng go tenkeba, ten se king-sing. Nggano, nemotnang go duoy-a, nemot go-nemot go tenkeba ba no tandali se king-sing. Ngga ey, nemotnang go tapten se dok dali.” Nemot lo pu go kalik, gemang semu-nenawon.
+\s Nan Kanaan no Yusuf go akanang tandali klong go