\c 2 \v 1 Nggekalik so gabe Wali sam lo pen go,"Kuklue nanglik ey Moab lo semu go,nggano namon-namon tete sogo tebok dali go sik so,At lo ide keba iti go ngga tandali go ya kwa lek.Nemot lo iram-iram Edom go don koynopuitgo sung so mo lemoy dali.
\v 2 Ngganemot sik so At lo nemotnang nlo nogo koy mo iti,koy ngganemot lo iram-iram go yap keliot tegoup-tegoup go yam so koy lo me kui,kuim so mea lemoy. \v 3 At lo nemotnang go demu nebut o pepen go sedue yam so mea kwa,nggano nemotnang go wengkabui-wengkabui but go mea kebong nemotnang ey kerlam-kerlam so.
\v 4 Kuklue nangglik ey lo semu go,ngga no namon-namon tete sogo tebok dali go sik so,nemotnang no iti go ide keba ngga tandali go St logo ya kwa lek.nemotnang lo Wali Aya go Demu Trui tui go mo wayang,nggano demu trui nemot nogo kwa keng go sik so,nemot no Wali mo waluk,nemotnang asi babu lo mambut tap wamoy mlue pepen go no mo duk. \v 5 ngga ogo so At lo koy Yehuda blo nogo mo iti,nemotnang go iram yap tegoup-tegoup go Yerusalem sogo,koy iti nemot lo yam so mea kuim dali.
\v 6 Wali sam nebut logo nggekalik so gabe pen,"Kuklue nanglik ey Israel lo semu go,ngga no namon-namon tete sogo semu dali go tebok go sik so,At lo koy ide keba nemot-nemotnang lo duoy nay sogo so sedue kabung Wali demu trui no mokeng go,si kamea sedue sono mo iti kamea nang sogo so.
\v 7 Sedue kabung taut kua go sung blo so suisuing go,nemotnang lo sedue kabung nggenemot nemotnang lo masi lo sung blosono gualing go kekonok,nggano sedue kabung ide keba iti go lo tegan lo dok go kalik wali suisuing go nogo,nemotnang lo tap kua seni go idi a way so ngunguok. \v 8 Nggano nemotnang dewi so pupu go sip mit lo,amble keba sedue kabung taut kua go sung blo sogo lo,duoy nang sogo so,nemotnang sono namboynya iti go ngganemot sey go blo lo sesedek,nggano anggur koy ide keba ogo so glung go anggur ngganemot a nemotnang lo nemot go demat ta so kokong go,susu bu so wiwit go yap no suing lak go dedrop.
\v 9 Genam ngge nemot lo,Ki Wali ku mam;"At lo sedue kabung Amori walong di aras kali walong go,nggano nemotnang go don di Tarbantin go don kalik go,At lo pu go mo leguot. \v 10 At dali lo motnang sedue kabung Israel Mesir sik sgo mo wawi go pung,nggano kukunan di kwa pung go bata go blo lo mo wawi go klong ku yagui empat puluh yam so sedue Amori go nan no suing genang sogo.
\v 11 Genam dali lo motnang go duo yap At lo wengkabui-wengkabui so mo lemoy,ngano duo negout -duo negout tamot-tamot so m lemoy.Ngganemot kalik so At lo motnang sedue kabung Israel nogo mo lemoy,motnang mo senung,no motnang kwa senong go kalik so wali koklong,ngge wali sam klaut lo pen go. \v 12 No,mottang lo At lo kuoy go sedue nabi-nabi no tebok genang sogo,motnang lo way so nemot nang no anggur bu a leguit go dedrop.Nggano motnang lo tamot-tamot nemot no pu go,motnang lo nabi-nabi nemot nogo se pen,Wali Aya go duiduing lemoy klong genang no pen mo,mottang sono go,dea sono go kwa pen.
\v 13 Motnang sikum,At lo motnang go sip motnang lo suisuing go ngganemot no piam ide keba iti go glung genang sogo ide,At lo kleta blo no gandum mata so suk go,nggano tega lo lek go king go dok go ide kalik so mea tra. \v 14 Sedue kabung kunala sedue kon ide keba nggenemot sik sogo klaya genang ngga ba sono go ya kwa kok,sedue don seguong so suisuing go,don tandali nemot no tebok genang sogo,yakwa tebok dali,nggano ple sedue sogo sedue,piam ide keba nggenemot basik sogo su souy sogo ya kwa pung.
\v 15 Mot ple day so tutuk go ta yakwa piam go sedue,ule yakwa kong dali.Nggano kuda blo lo uwet go kekap go sedue,susuoy sogo ya kwa pung dali. \v 16 Ngga ple sedue sogo don kangok gosuali ya kwa tra go sedue,don seguong so koklong go,nemot ku ngganemot no pung go nogo,nemot suali so amble keba kwa go so,saysuk temoy ule so mea kap."Ngganemot kalik so Wali sam nogo gabe mo klik.
\c 3 \v 2 \s Pupentui Israel Nego \v 1 Wali numbut tupya,woy dem go numbut motang sgo,he sude kabung Israel,motnang nangray sgo nga Genam ro tigo pung go nan Mesir siksgo,nemgo wali nembut.\ 2 Mot sogong ya Genam gabe sunung yaptram temung kukenan ge bronogo,ngganemot sogoso,Genam ide mot brono motgo piam nangray sikso.
\v 3 Seya namon duo tap masi klam-klam sgo ya klong yangga nemot nang yanggoso. \v 4 Ya tu p singa go nembut kluim duen banogo nenemgo menay kwagono,kayang ya waklo singa nogot nemgo put sikso sogo-sogo kwa merak kono?
\v 5 Yakunung winok sadobano nan blo sno ne tegan kwa tega nemot brosno?Ne sogo-sogo kwa mlak kono? \v 6 Yakna kangong bano yasu numbut mo tot,seya kwa tra bubong nemgo brung?ne ku piam go yakna kang no mopung ngane mot kalik woypem ro prok ko?
\v 9 Sepen ga nasip-nasip Asdodan no nansip-nansip ga nan Mesir,puya,"Sepluep ga medium-medium samaria no ikumya s'go karikgo kurim ka ngok ko ga bano pung gano. \v 10 "Nemotnang kwasnung tasam suigo semunang s'go ngge Wali numbut"Nemotnang ro gablro-gablo tasam sasuik dont ey pletengang nansip-nansip nemotnang go."
\v 11 Ganemot sgoso,ngge wali nembut Ki Wai Ira go,"Mogo plesi so genang nemotro motsiksgo,don mea iti gano mgo nansip-nansip mia gluik!" \v 12 Ge Wali numbut:"Sude menay kalik so singa namon go rom basik so don nakom ey kama dop tumung tong ey itigo,gamomot karikso sude kabung Israel Samaria no suinggo mia iti go pung nemgo sipsdek sring no,gano nemgosip suing siring no.
\v 13 Tupya gano tgan numbut so lemoy gano plesing Yakub go tang,"Ki Wali numbut. \v 14 Kuganomot no genam ide keba mea iti Israel no nam go tasam piam tasam piam sigso,genam dari ro idek ba tugun sagoi-tugun sagoi ga Betel gano matu-matu tugun sagoi kasngong pedeng go nansno ma pui.
\v 15 G'namro mea tarong kudarip yap kram-kramso yap inim ey,yap-yap gaja go numbeim rgo mia kebong gano yap-yap kangok ko kasyo me kusop,"Wali numbut.
\c 4 \s Samaria kabung mani-mani Wali Sikso guom go \v 1 Setup sam nggeno,motnang sapi-sapi basam,meduim Samaria bo sogo,nemot lo sikabung-sikabung don kwa go nesring go,nggano sikabung drang kwa go gwaling go,nggano nomogo woy-woy no nembut pugo:Iti go weng a imot ya drop go! \v 2 Ki Wali lo tanat ko nomogo wali klaut nogo,ikum,ku gemang weng mot nogo,ku ngganemot lo mea idok kaysungga,nggano mgo tumung itak ko dasi yano lo mea lek.
\v 4 Wenga Betel no,sagui pung so,Gilgal no,kangok so s'muya sagui n'mot!Seiti go weng mogo taiti wadikua-wadikua so,nggano mogo taiti tanamon tong go ku nangglik noseiti go weng. \v 5 Taiti klum iti nang sogo roti teguop ey goa se iti,nggano taiti nomogotang sa nemogotang so,ngga nemot a motnang kwa yang go nggabe,mot sikabung Israel?Nggekalik so gabe Wali sam lo pen go klik go.
\v 6 At lo mo waslang demening go klaut so go iti dali go dak laya seguoh a mogo yakena no, ngge tumung a ngga nang klay imugo sip no ga be, ngga mo lemoy dali mot nang genam nogo ya kua tugu-ey, Wali sam. \v 7 .Genam a mot nang blonogo kuaiti, maning nangglik banu no seni iti so, yam so lekoy.
\v 8 Yakena namon nangglik klonggo yakena temung no bu dlop so, bu nemot dlop ko nogo bu numuey maning tradali, ngga mo lemoy go ikum go motnang genm nogo yakua teguey dali," Wali sam. \v 9 Genam lo mot nang blono dalu sadui gandum gewang iti mendop mataso mo iti. mogo kim, daguit gano usu usu anggul no yam so mo dam. ngga mo lemoy dali go mot nang genam nogo yakua tuguey dali. wali sam.
\v 10 Genam lo mot nang temung nogo kwo mok sadui mea iti banim go sikabung mesil lo tla go kalik. tengang kaluang lo genam lo mot nang go dou neguot-douneguot yam so mo but ko kebong, ngga nemot dey mogo kuda-kuda boy bano betep go ey. at lo nemot piayam go seni mogo usenemu sedek ko sip no iti go e mogo nebem ba logo e dop ngga nang yam so lemoy dali motnang genam nogo yakua teguey daline wali sam. \v 11 Genam lo motnang temuso idi okwot-idiikwot so mea semu, banim go kalik so ki wali lo sodom e gomora ey koy pit ko kalik so at lo mea semu ngga mo lemoy motnang genam nogo kwa tuguey dali ne, Wali Sam.
\v 12 Ngga nemot sogo, mot nang nogo genam lo ya ge kay so mea semu, mot israel, yang ge ka, at lo ya ge kay so mea semu, yay ey suing nemot dey tegui sogo mogo kiwali, Mot Israel. \v 13 Ikum, nemot lo mo semu medium-mediumnggano nebuit mo semu,mongok dali nemogo kunala duing,nemot lo woy wadikua go kukium so mo semu nggano wasi lo mo gu waling sip-sip kukanan blonogo Ki Wali ut so nan so lemoy go sui