ilo_mat_text_ulb/14/28.txt

\v 28 Simmungbat ni Pedro kenkuana ket kinunana, "Apo, no sika dayta, bilinennak nga umay kenka dita rabaw ti danum." \v 29 Kinuna ni Jesus, "Umayka." Isu nga immulog ni Pedro manipud iti bangka ket nagna iti rabaw ti danum a mapan kenni Jesus. \v 30 Ngem idi nakita ni Pedro ti angin, nagbuteng isuna. Idi mangrugi isuna a lumned, nagikkis isuna ket kinunana, "Apo, isalakannak!"