ilo_jhn_text_reg/20/16.txt

\v 16 Kinuna ni Jesus kenkuana, "Maria." Timmalliaw isuna, ket kinunana iti Aramaiko a pagsasao, "Rabboni" a kayatna a sawen ket, "Maestro." \v 17 Kinuna ni Jesus kenkuana, "Saannak a sagiden, ta saanak pay a simang-at iti Ama; ngem mapanka kadagiti kakabsatko ket ibagam kadakuada a maipangatoakon kenni Amak ken Amayo, ti Diosko ken Diosyo." \v 18 Napan ngarud ni Maria Magdalena ket imbagana kadagiti adalan, "Nakitak ti Apo" ket imbagana dagitoy a banbanag a naibaga kenkuana.