ilo_eph_text_ulb/05/08.txt

\v 8 Ta naminsan a dakayo ket kinasipnget, ngem ita ket lawagkayon iti Apo. Isu a magnakayo a kas annak ti lawag. \v 9 Ta ti bunga ti lawag ket amin a kinaimbag, kinalinteg, ken kinapudno. \v 10 Ammoenyo ania iti makaay-ayo iti Apo. \v 11 Saankayo a makipaset kadagiti saan a nabunga nga ar-aramid iti kinasipnget. Ngem ketdi, ibutaktakyo dagitoy. \v 12 Ta dagiti banbanag a naaramid babaen kadakuada iti nalimed ket nakababain unay nga iladawan.