\v 11 Ngarud laglagipenyo a dakayo idi ket Hentil iti lasag. Naawagankayo a "dagiti saan a nakugit" babaen iti naawagan a pannakugit iti lasag nga inaramid dagiti ima dagiti tattao. \v 12 Ta iti dayta a tiempo ket naisinakayo manipud kenni Kristo. Ganggannaetkayo kadagiti tattao iti Israel. Ganganaetkayo kadagiti tulag iti kari. Awanankayo iti talged maipanggep iti masakbayan. Awanankayo iti Dios iti lubong.