kqn-x-lubango_exo_text_reg/38/21.txt

\v 21 Kusaambakanya biintu byoonse bya kya kwiikalamo, akya kya kwiikalamo kya lushimuno, byo kyaseendelwe ku loondela mikaambizho yakwa Mosesa. Yajiinga miingilo ya beena Levi ne mukaambizho wakwa Itamala mwaana Alona ngauzhi. \v 22 Bezalela mwaana Uli mwaana Hula, kufuma ku mukooka wa beena Yuda, waleengele biintu byoonse byo akaambizhe aye Yehoba Mosesa. \v 23 Oholyaba mwaana Ahisamaka, kufuma ku mukooka wakwa Danyi, wa ingijle na Bezalela noobe nkwaansho, noobe seendwe wayuukisha, kabiji noobe usona pa kisapa na toonge wafiituluka, wachiluluka, ne wachijisha.