Sun Apr 21 2024 06:33:25 GMT+0200 (South Africa Standard Time)

01/01.txt

@@ -0,0 +1 @@
+\c 1 \v 1 Awono e majina ja ana ja Yizalele waze aile mu Engitu nyi Yakomba , lunga nyi lunga nyi akwa jiko lyenyi : \v 2 Lubene , Simone , Levi , nyi Yuda , \v 3 Isakale , Zebulone , nyi Benjamine , \v 4 Dane , Nafitali , Gad , Nyi Ashele . \v 5 Kwoka cha atu eswe zuwo lya yakomba apwile makumi shimbyali mukwalula . Yosefwe te kali kulu mu Engitu .

01/06.txt

@@ -0,0 +1 @@
+\v 6 Mba Yosefe , nyi ayayo eswe , nyi akwa chisemuko chize cheswe yafwa . \v 7 A-Yizalele okele chikolo , alumbamine nyi kukangana ejile nyi kupwa ukujikiza ; chifuchi yichitakana nyi ayo .

01/08.txt

@@ -0,0 +1 @@
+\v 8 Mba aswanyishineho mwanangana weka wa Engitu , yoze te kakanyingikine Yosefe . \v 9 Yamba kuli atu jenyi ngwenyi , " Talenu , akwa Yizalele kanoko kanatuhyana kanakangana nyi tachi kutuhyana . \v 10 Tweyenu , tulinge kuli ayo mana , kuchina matwalililaho kwoka , mumu nyi ngwo jita yize , makalichinga nyi akwa kole jetu , akatu zwelese , mba akahichike chifuchi . "

01/11.txt

@@ -0,0 +1 @@
+\v 11 Keshika yasela tupatashi akwa mukwapinjisa nyi milimo yikolo . A-Yizalele ka  atungilile membo Falau : Pitome nyi Lamese . \v 12 Alyoze chipwe a Engitu amwesene lamba , o ahyanyine kwoko yalitanda kweswe . A Engitu evwile kupiha chinji A-Yizalele .

01/13.txt

@@ -0,0 +1 @@
+\v 13 Akwa Engitu A-Yizalele kuzata milimo yikalu chinji . \v 14 Yashata milimo yikalu ya ndambo nyi tujolo , nyi ya milimo yeka nyi yeka ya mu minda . Milimo yo yeswe yina kazangiwa kuzata yina kapwa yikolo .

01/15.txt

@@ -0,0 +1 @@
+\v 15 Mba mwanangana wa Engitu yahanjika nyi yifunguji akuli Ahepeleu ; jina lwa umuwika kapwile Shifila , nyi mukwo puwa . \v 16 Ngwenyi , " Muze munufungula mwana kuli mapwo waka A-Hepeleu , atalenu muze masema . Nyi ngwo mwana wa lunga , numushihe lume ; mba nyi ngwo wapwo , atwame nyi mwono . " \v 17 Alyoze yifunguji evwilile woma Zambi kalingile ngwe chize mwanangana wa Engitu ambile kuli ayo ; mba chocho o echele ana amalunga nyi mwono .

01/18.txt

@@ -0,0 +1 @@
+\v 18 Mwanangana wa Engitu watambikile e yifungaji , yamba kuli ayo ngwenyi , " Kuchi te nwalinga chino , nyi kufunga ana amalunga nyi mwono ? " \v 19 Yifunguji ambile kuli Falau ngwo , " Mapwo ja Ahepeleu keshi ngwe mapwo ja Engitu . Kakwete tachi kakulyanga kusema shimbu chifunguji kanda achi heta . "

01/20.txt

@@ -0,0 +1 @@
+\v 20 Zambi wakingile awano yifunguji . Atu okele kuhyana nawa ejile nyi kupwa nyi tachi .  \v 21 Mumu yifunguji hakuvwila woma Zambi , iye wahele yisemuko . \v 22 Falau yahana shimbi kuli atu jenyi , " Eswe ngwenyi , 'ana amalunga eswe masemuka nwambilile mu lwiji , mba mwana mweswe wa pwo atwame nyi mwono . "

01/title.txt

@@ -0,0 +1 @@
+Kapetulu  1

02/01.txt

@@ -0,0 +1 @@
+\c 2 \v 1 Mba umwe lunga wa kumunyachi wa Levi yambata pwo wa ka Levi . \v 2 Mwe pwo yapwa nyi ufumba yasema mwana walunga . Muze amwene ngwo mwana wapema naye , wamuswekele tukweji atatu .

02/03.txt

@@ -0,0 +1 @@
+\v 3 Muze te kahashile nawa kumusweka , yamutungila kamutonga kamanenga ya kashila kaso nyi usolosashi . Mba yasamo mwe mwana yakatumbika ku ngenge ya lwiji . \v 4 Ndumbwenyi yamanyina kusuku hanga amone yize muyilingiwa kuli mwe Kemba .

02/05.txt

@@ -0,0 +1 @@
+\v 5 Mwana wa Falau ya palumuka ku lwiji nyi kusana mba tuvumbi twenyi te kanendangana kusesa lya lwiji . Yamona ka mutonga mukachi kamanenga yatuma kavumbi kenyi kuya nyi ku mwanjila ko . \v 6 Muze hakapakula , ya monamo  mwana . Talenu , mwana kanalili yamuvwila keke yamba ngwenyi , " Au kali umwe mwana wa Ahepeleu . "

02/07.txt

@@ -0,0 +1 @@
+\v 7 Mba ndumbu ya mwana yahula mwana Falau ngwenyi , " Nguye ngukufupile pwo waka hepeleu apwe ndenji a kulelele yono mwana nyi ? " \v 8 Mwana wa Falau yamba kuli iye ngwenyi , " Yako " . Mba ndumbu ya mwana yaya nyi kutambika naye ya mwana .

02/09.txt

@@ -0,0 +1 @@
+\v 9 Mwana Falau yamba kuli naye ya mwana ngwenyi , "Tambula mwana yono uka ngulelele ye , mba mungu kakufweta . " Mwe mwana pwo yatambula mwana yamulele . \v 10 Muze mwana hakola , yamutwala kuli mwana wapwo wa Falau , neye yamupwisa mwanenyi . Yamuluka Mose ngwenyi , " Nguna ka mwanda  mu meya . "

02/11.txt

@@ -0,0 +1 @@
+\v 11 Muze Mose hakola , yaya kuli atu jenyi yamona milimo yo kukola . Yamona nawa umwe mukwa Engitu kanashihi ka Hepeleu  , umwe wa mu atu jenyi . \v 12 Yatala sali nyi sali , muze amwene ngwo kushi mutu nyi mweumwe ya shiha ka Engitu nyi kumuvumbika mu masekeseke .

02/13.txt

@@ -0,0 +1 @@
+\v 13 Tangwa lya kawileho yaya , nawa talenu tu Hepeleu aali kanazwele . Yamba kuli yoze waluwishile , " Yika unalambila usoko we ? " \v 14 Mwe lunga ngwenyi , "Unakakupwisa kupwa tetekeli nawa mukwa   kuyula hakachi ketu ? Unazange kungu shiha ngwe chize washihile mukwa Engitu ? " Mose yevwa woma ngwenyi , " Kuma chuma nalingile hachinyingika akwetu . "

02/15.txt

@@ -0,0 +1 @@
+\v 15 Mba muze Falau hevwa yino , yafupa kushiha Mose . Alyoze Mose yamuchina Falau kuya nyi kutwama kuchifuchi cha Mindyane . Kuze yatwama kusesa lya shima lya meya . \v 16 Alyoze hako wa ku mindyane kapwile nyi ana amapwo shimbyali . Yeza , yataha meye , nawa ya zalisa yingolongolo ya kunwisa mbunga ya yimuna ya tato . \v 17 Nyi tufunga yeza ngo ahanga , mba Mose yakatuka yeza nyi kwakwasa . Yanwisa ye mbunga ya yimuna .

02/18.txt

@@ -0,0 +1 @@
+\v 18 Muze ana amapwo ahilukile kuli tato , yahula ngwenyi , " Mba yika nwahilukila washi musono ? " \v 19 Yakumbulula ngwo , " Mukwa Engitu katupululanga kuli tufunga . Yatutahila meya yanwisa nyi yimuna . " \v 20 I ye wambile kuli anenyi amapwo ngwenyi , " Mba kuli ko ali ? Kuchi te nwamuhichika mwe lunga yoze ? Mutambikenu hanga alye kulya nyi yetu . "

02/21.txt

@@ -0,0 +1 @@
+\v 21 Mose wataijile kutwama nyi lunga yoze , yoze wahanyine mwanenyi wa pwo Zipola mu ulo . \v 22 I ye wasemene mwana walunga , nyi Mose wa mulukile ngwo Ngeshome ; yamba ngwenyi , " Mumu kunapwa njize mu chifuchi cha mbala . "

02/23.txt

@@ -0,0 +1 @@
+\v 23 Hakupalika shimbu mwanangana wa Engitu yafwa . Mba Yizalele atwile mikuma mumu ha upinji wo . Alilile chikolo hanga akwasa , mba kulila cho chahetele kwilu  kuli Zambi mu muha upinji wo . \v 24 Muze Zambi hevwa mikuma yo , Zambi yewuluka usendo wenyi uze akolesele nyi Apalahama , nyi Izake , nyi Yakomba . \v 25 Zambi wamwene lamba lya Izalele , yevwila keke .

02/title.txt

@@ -0,0 +1 @@
+Kapetulu  2

03/01.txt

@@ -0,0 +1 @@
+\c 3 \v 1 Alyoze muze te Mose wapwile nyi kufunga yimuna ya Yetolu tato weno , hako wa ku Mindiane . Mose watwalile yimuna kusuku mukachi ka puya yaheta ha Helepe , ku mulundu wa Zambi . \v 2 Kuze kangelo ka Yehova ya musolokela  mumulengi wa kahya mumusenge . Mose yatala , nyi kumona , chiputa china lekwoka , alyoze kuchawemene . \v 3 Mose yamba ngwenyi , " Mangyuchikundameko hanga ngumone chakukomowesa chino , kuchi mba che chiputa kuchisolo kuwema . "

03/04.txt

@@ -0,0 +1 @@
+\v 4 Muze Yehova hamona ngwenyi hakundama amone , Zambi yamutambika mukachi ka chiputa ngwenyi , "Mose , Mose . " Mose ngwenyi , " Yami uno . " \v 5 Zambi ngwenyi , " Kanda ukundama kukamwihi ! Zula haku kumolu je , mumu homa unamana hasandu kuli yami . " \v 6 Yeselaho nawa ngwenyi , "Nguli Zambi ya atatenu , Zambi ya apalahama , Zambi Izake , nyi Zambi wa yakomba . " Mose wafukile ku meso , mumu wevwile  woma hakutala Zambi .

03/07.txt

@@ -0,0 +1 @@
+\v 7 Yehova ngwenyi , " Chamwenemwene hinamona lamba lya atu jami waze ali mu Engitu . Hinevwa kulila cho hamulonga wa akwa lutwe lyo , ngunanyingika lamba lyo lyeswe . \v 8 Hina hulumuka hanga ngwapulule kufuma kutachi ja akwa Engitu nyi kwafumisa mu chifuchi chize nyi kwa twala mu chifuchi chipema , chifuchi chinene , ku chifuchi  chazalamo yamwa nyi wuchi ; ndo ku chihela cha Akanana , cha  A- hete , Aamole , Apelize ,Ahite , nyi Ajebuse .

03/09.txt

@@ -0,0 +1 @@
+\v 9 Chenacho kulila cha atu ja A-Izalele hichaheta kuli yami . Keshika , hinamona chize anamwesa lamba kuli akwa Engitu . \v 10 Halyapwila , ngunakutumu kuli Falau hanga ukatuhwise atu jami , A- Izalele , mu chifuchi cha Engitu . "

03/11.txt

@@ -0,0 +1 @@
+\v 11 Mba Mose yakumbulula Zambi ngwenyi , " Yami  iya , hakwamba nguye kuli Falau  ngu katuhwise A- Izalele kufuma mu Engitu ? " \v 12 Zambi yamba ngwenyi , "Chamwenemwene mungukapwa nyi yena . Achino muchikapwa chinyingi kuli yena ngwo yami nakutuma . Muze mukatuhwisa atu wano mu Engitu , munukeza nyi kunguwaila ha mulundu uno . "

03/13.txt

@@ -0,0 +1 @@
+\v 13 Mose yamba kuli Zambi ngwenyi , " Muze munguya kuli akwa A- Izalele nyi kwalweza ngwo , 'Zambi yatulamba twenu hangutuma kuli yenu , ' mba nyi makahanjika kuli yami ngwo , 'Jina lyenyi iya ? ' Mba yami kuchi mungukakumbulula  kuli ayo ? " \v 14 Zambi yamba kuli Mose ngwenyi , "NGULI CHIZE NGULI . " Zambi ngwenyi , " Chatamba " Kwalweza I-Zalele , 'YAMI NGULI  kangutuma kuli yenu . "' \v 15 Zambi yamba nawa kuli Mose ngwenyi , "Ukalweze A- Izalele ngwo , ' Yehova , Zambi wa tulamba twenu , Zambi ya Apalahama , Zambi ya Izake , nyi Zambi ya Yokomba , hangutuma kuli yenu . Lino lye jina lyami ndo ku myaka nawa chenacho  makanguvulwoka  nyi waze makasemoka akulutwe . '

03/16.txt

@@ -0,0 +1 @@
+\v 16 Yako ukakungulule myata eswe ja A-Izalele hamuwika . Ukalweze ngwo , ' Yehova  , Zambi yatulamba twenu , Zambi ya Apalahama , ya Izake , nyi Yakomba hasolokela kuli yami ngwenyi , " Umwenemwene hinanu tala hinamona chize ananulingi mu Engitu . \v 17 Ngunamishiki kunufumisa kulamba lya mu Engitu  nyi kunutwala mu chifuchi cha Akanana , Ahite , Amole , Apelize , Ahive  nyi Ajebuse , mu chifuchi mwatwama yamwa nyi wuchi . " \v 18 Kumakakwivwa . Yena nyi myata ja A-Izalele nukaye kuli mwanangana wa Engitu , nyi kumulweza ngwo , 'Yehova , Zambi ya Ahepelewu  , hatusolokela . Halyapwila twalemba tutaize tuye ungeji wa matangwa atatu mu puya , hanga tuye tukalambule milambu kuli Yehova , Zambi yetu . '

03/19.txt

@@ -0,0 +1 @@
+\v 19 Alyoze ngunanyingika kwamba ngwo mwanangana wa Engitu kechikanutaijisa kuya , shina kwoko lyenyi kuli shinjika nyi tachi . \v 20 Mungukolola kwoko lyami nyi kwalamba akwa Engitu nyi ndundo nyi kwalweza yilayi yize mungukalinga kuli ayo . Mba yeswe nyi yahwa , kumakanwechako nukaye . \v 21 Mungukanupwisa akwa vumbi kumeso ja akwa Engitu  , hanga muze munukatuhuka , kunuchi kaya moko - moko . \v 22 Pwo mweswe akete palata nyi olu nyi mahina kuli mwenyembo wenyi mukwa Engitu yoze alisulangana nenyi mazuwo . Nukajike anenu amalunga nyi amapwo . Chenacho munukapupa akwa Engitu . "

03/title.txt

@@ -0,0 +1 @@
+Kapetulu  3

04/01.txt

@@ -0,0 +1 @@
+\c 4 \v 1 Mose yakumbulula , " Mba nyi ngwo kangufulyelele chipwe kungupanjika nyi kwamba ngwo , 'Kachi Yehova kakusolokelele ' ? " \v 2 Yehova yamba kuli iye ngwenyi , " Yika unakwata mukwoko lye ? " Mose ngwenyi , " Mulumbu . " \v 3 Yehova ngwenyi , " Umbile hashi , " Mose aumbilile hashi , yiwalumuka kapela . Mose yamuchina .

04/04.txt

@@ -0,0 +1 @@
+\v 4 Yehova yamba kuli Mose ngwenyi , " Kundama umukwate kumuchila . " Iye wakundamine nyi kukwata kapela . Yiwalumuka mulumbu nawa . \v 5 " Chenacho hanga afulyele ngwo Yehova , Zambi yatulamba twe twetu , Zambi ya Apalahama , Zambi ya Izake , nyi  Zambi ya Yakomba , hanasoloka  kuli yena . "

04/06.txt

@@ -0,0 +1 @@
+\v 6 Yehova yamba kuli iye nawa ngwenyi , " Njisa kwoko lye  mutulo ye . " Mose yanjisa kwoko lyenyi mu tulo . Alyoze muze halichiza , talenu , kwoko yilipwa nyi mbumba , litoma to ngwe neve  . \v 7 Yehova yamba ngwenyi , "Njisa kwoko lye mutulo nawa . " Mose yanjisa kwoko lyenyi nawa mutulo , muze hali tuhwisa , wa limwene kupwa lingunu , nawa ngwe mujimba wenyi weswe .

04/08.txt

@@ -0,0 +1,2 @@
+\v 8 Yehova ngwenyi , " Nyi kechi kakufulyela
+- Nyi kachi kakupanjika ku chilayi chami chitangu nyi kuchifulyela , kumakafulyela ku chilayi cha muchali .  \v 9 Nyi kechi kafulyela nawa ku yilayi yino yaali ya tachi jami , chipwe kukupanjika ku liji lye , ukaswite meya amukalwiji ukamwangine hashi . E meya  mukaswita kumakalumuka manyinga hashi . "

04/10.txt

@@ -0,0 +1 @@
+\v 10 Alyoze Mose yamba kuli Yehova ngwenyi , " Mwene , chanyingikine kuhanjika , chipwe kumatangwa akunyima kufuma ha tangwa lize nwahanjikilileho nyi yami ndungo yenu . Nguli mutu wakuhanjika makoke limi lyami lilemu . " \v 11 Yehova yamba kuli iye ngwenyi , " Iya watengele kanwa ka mutu ? Iya wakupwisa mutu kupwa kamama hanji kufwa matwi chipwe kumona ? Hi yami Mwene  ko , Yehova  nyi ? \v 12 Kashika halyapwila yako , mungukapwa nyi kanwa lye mungukakulongesa yakunjika . '' \v 13 Alyoze Mose ngwenyi , "Mwene , nalemba tuma kama mutu weka mweswao  unazange kutuma . "

04/14.txt

@@ -0,0 +1 @@
+\v 14 Mba Yehova yapihilila nyi Mose . Yamba ngwenyi , " Mba nyi Alone , yamba , ka Levi keshiko nyi ? Ngunanyingika ngwami nahasa kuhanjika kanwa . Chenacho , kaneza nyi kukupatwiza , muze makumona , kumakawahilila mu mbunge  yenyi . \v 15 Yena mukamwambulwila maliji waze makatela kuhanjika . Yami mungukapwa nyi kanwa lye nyi hamwe nyi kanwa lyenyi , nawa mungukanulongesa enweswe yakulinga . \v 16 Makakuhanjika kuli atu . Makapwa chakuhanjikilako che , nyi yena mukamumanyinako ngwe yami , Zambi . \v 17 Ukambate mulumbu uno mukwoko lye . Ukalinge nenyi yilayi . "

04/18.txt

@@ -0,0 +1 @@
+\v 18 Mose yahiluka kuli tato weno Yetulo yamwamba ngwenyi , " Ngutayize kama nguhiluke kuli usoko jami mu Engitu ngu katale shina achili nyi mono nyi ka . " Yetulo yamba kuli Mose ngwenyi , " Yako mukuwunda . " \v 19 Yehova yamba kuli Mose mu mindiane ngwenyi , " Yako , hiluka ku Engitu , malunga eswe afupile kukushiha hanafu . " \v 20 Mose yambata pwo lyenyi anenyi amalunga ha chimbulu . Yahiluka ku Engitu , yambata nyi mulumbu wa Zambi mukwoko lyenyi .

04/21.txt

@@ -0,0 +1 @@
+\v 21 Yehova yamba kuli Mose ngwenyi , " Muze hiwahiluka ku Engitu , chatamba kulinga yilayi yeswe kumeso ja Falau yize hinasa mutachi je . Alyoze mungukakalisa mbunge  yenyi , hanga akahonese e atu kuya . \v 22 Ukamulweze Falau ngwo , ' Chenacho anambe Yehova ngwenyi : Izalele iye mwanami walunga , mwanami mutangu , \v 23 chenacho ngunakulweze , " Echa mwanami aye , hanga aka ngu waile . "Mba muze usolo kumwechako hanga aye mungukashiha mwane  , mwane mutangu . "'

04/24.txt

@@ -0,0 +1 @@
+\v 24 Mba mujila , muze ufuku hiweza hauhwimino , Yehova yalitakana nyi Mose yafupa kumushiha . \v 25 Haze hene Zepola yanda liwe lya kuhela yateta musosha wa mwanenyi , yasa ha molu ja lunga wenyi , mba yamba ngwenyi , " Chamwenemwene yena kuwapwa lunga wa manyinga kuli yami . " \v 26 Mba Yehova yamwecha . Haze hene pwo yamba ngwenyi , "Yena kuwapwa lunga lyami wa manyinga " mumu ha ungalami .

04/27.txt

@@ -0,0 +1 @@
+\v 27 Yehova yamba kuli Alone ngwenyi , " Yako mupuya ukalitakane nyi Mose . " Alone yaya , yalitakanyina ha mulundu wa Zambi , yamusweswenya . \v 28 Mose wambululwile Alone maliji eswe waze Yehova amutumine nyi kwambulula ha yilayi yeswe yize Yehova amulwezele kulinga kupalikila mutachi jenyi .

04/29.txt

@@ -0,0 +1 @@
+\v 29 Mba Mose nyi Alone yaya yakungulula myata eswe ja Izalele hamuwika . \v 30 Alone walumbunwine maliji eswe waze Yehova alwezele Mose . Yalinga nyi yilayi yize Yehova amulwezele kulinga kumeso ja atu . \v 31 E atu afulyelele . Muze evwile ngwo Yehova hamona akwa Izalele lamba , lize amwenesele yahetamisa mitwe yo nyi kumuwaila  Zambi .

04/title.txt

@@ -0,0 +1 @@
+Kapetulu  4

05/01.txt

@@ -0,0 +1 @@
+\c 5 \v 1 Hanyima yayino yuma , Mose nyi Alone yaya nyikwamba kuli Falau ngwo , " chocho Yehova , Zambi wa A - Izalele , ngwenyi :  ' Echa atu jami aye , hanga akangulingile chiwanyino mu puya .''' \v 2 Falau yamba ngwenyi , " Iya mwe Yehova ? Yika mungupajika liji lienyi nyikwecha A - Izalele kuya ?  Chamunyingikine Yehova ; chikwo , nawa chikwecha A- Izalele kuya . "

05/03.txt

@@ -0,0 +1 @@
+\v 3 O yamba ngwo , " Zambi ya A - Hepreu  hatakana nyi yetu . Twechenu tuye ungeji matangwa atatu mu puya tukalambule yitapo kuli Yehova Zambi yetu kuchina iye matulundumukina nyi chilungo hanji nyi katana ." \v 4 Alyoze  mwanangana wa Engitu yamba kuli ayo , " Mose nyi Alone kuchi te nunachiza atu kumilimo yo ?  Hilukenu kumilimo yenu." \v 5 Iye nawa yamba ngwenyi , haliapwila nuli atu amuchifuchi chetu , himunuechesa milimo yo . "

05/06.txt

@@ -0,0 +1 @@
+\v 6 Tangwa lizeliene , Falau yahana shimbi kuli tutapashi twa atu hamwe nyi tupita two . Iye yamba ngwenyi , \v 7 " Chishikulingiwa , kanda nuhana mwambu kuli atu wakutenga nawa tumenga . Echenu akaye ene akakonge mwmbu . \v 8 Keshika , twikenu hali ayo kwalula chizechene cha tumenga ngwe kunyima . Kanda nutayiza kutepululako , mumu hanapu auvwa nyi milimo . Kashika anatete ngwo , ' tweche tuye tukalambule yitapo kuli zambi yetu  .´ \v 9 Tohesenu milimon yamalunga yikalu hanga akahondangane alyoze akahone kupajika maliji amhuza.

05/10.txt

@@ -0,0 +1 @@
+\v 10 Mba e tupatashi atuhukile hamwe nyi tupatashi two yambulwila atu. O yamba ngwo , " chocho anambe Falau ngwenyi ; ' chichikunwaha mwambu . \v 11 Yenu yenwene nukande mwambu kweswako munuuwana , alyoze milimo yenu nyiyimwe  mwitepuluka . '''

05/12.txt

@@ -0,0 +1 @@
+\v 12 Chocho e atu alimwangine ndusu muchifuchi cheswe cha Engitu nyikukunga zhachi hanga ajitenge ngwe mwambu . \v 13 Tupataji akapalishile e atu ngwo , "hwisenu milimo yenu , ngwe chizechene nwapwile nyikutambula mwambu . " \v 14 O tupatashi twa Falau twalambile tupatashi twa A - Izalele , waze ene malunga aselele kutala akwa milimo . O tupatashi two ahulishile kuli ayo ," yika kunwahetesele kulinga tumenga , chazau nyi chamusono , ngwe chizechene nwakuli kunyima ?"

05/15.txt

@@ -0,0 +1 @@
+\v 15 Mba tupataji twa kuli A - Izalele yaheta kuli Falau nyi kuteta kuli iye . O yamba , "kuchi te nunalingi chize nyi yetu ngamba jenu ? \v 16 Kushi nawana  mwambu wakuhana ngamba je, alyoze kanatwambe ngwo , "tengenu tumenga ! Etu , ngamba je hikanatulambe , alyoze mumu hamulonga wa atu je ." \v 17 Alyoze Falau wambile ngwo , " nuli nyi uvwa ! nuli nyi uvwa ! Munwamba ngwo , ' tweche tuye tukalambule kuli Yehova .' \v 18 kashika yenu nulinge milimo yenu . Kushi cheka mwambu manwaha , alyoze ndo munuhetesa kwalula cha tumenga ."

05/19.txt

@@ -0,0 +1 @@
+\v 19 Muze tupita twa A - Izalele amwene ngwo himapwa mukupinda a alwezele , " kunuchi kutepula ku milimo ya tumenga ya tangwa nyi tangwa ." \v 20 O yatakana Mose nyi Alone , o yamana haze lya lilapa atuhukile nyi kumeso ja Falau . \v 21 O yamba kuli Mose nyi kuli Alone , "Yehova anutale nawa unupatwila , mumu hinwatutenga kulumbuka ku meso ja Falau nyi atu jenyi . Hinwahana katana mukwoko lyo akatushihe ."

05/22.txt

@@ -0,0 +1 @@
+\v 22 Mose yahiluka kuli Yehova nyikwamba ngwenyi , "Mwene , kuchite hiwanehenena kupinda kuli atu ano ? Yika te chitangu nunakangutumina ? \v 23 Mumu hanga nahetele kuli Falau mukuhajika mu jina lyenu , iye hananehe kupinda kuli ano atu , chipwe kupulula atu jenu kunwapulwile nyichimwe ."

05/title.txt

@@ -0,0 +1 @@
+Kapetulu  5

06/01.txt

@@ -0,0 +1 @@
+\c 6 \v 1 Mba Yehova yamba kuli Mose ngwenyi , "Halyapwila mukamona chize yami mukalinga kuli Falau . Mokamona chino , mumu iye makaecha kuya hamulonga wakwoko lyami lya tachi . Mumu hakwoko lyami lya tachi , iye makahumahaze lya chifuchi chenyi ,"

06/02.txt

@@ -0,0 +1 @@
+\v 2 Zambi yahajika nyi mose ngwenyi , " yami Yehova . \v 3 Nalisolwele kuli Apalahama , nyi kuli  Izake , nawa nyi kuli yakomba ngwami yami Zambi mukwa tachi jeswe ; Alyoze kuzhina lyami , Yehova , o kangunyingikine . \v 4 Nakolesele nyi usendo wami nyi ayo , hamulonga mungwaha chifuchi cha Kanana , chifuchi chize cha ujize wo , chifuchi chize azangile . \v 5 Chocho nawa , hinevwa mikuma ya A - Izalele hanaakase kuli A- Engitu , alyoze hineuluka usendo wami .

06/06.txt

@@ -0,0 +1 @@
+\v 6 Kashika , amba kuli A - Izalele , Yehova . Mukanuchiza mu undungo wa Engitu , mukanupulula nyikutachi jenyi . Mukanupulula nyiku tachi jami , nyi ilinga inene ya upatwilo . \v 7 Mukanutwala yami mwene ngwe atu jami , nawa mukapwa Zambi yenu . Enu munukanyingika ngwenu Yehova zambi yenu , wanuchijile mu upiji wa Engitu .

06/08.txt

@@ -0,0 +1 @@
+\v 8 Mukanuhetesa muchifuchi chize  ngwenyi  alishingile nyi kuhana kuli Apalahama , nyi kuli Ezake nawa nyi kuli yakomba . Mungunwahaacho ngwe chihinga . Yami Yehova ."' \v 9 Mose wahajikile kuli  A - Izalele , alyoze pajikile kuli iye mumu hakulipupula chaupiji wo ukolo .

06/10.txt

@@ -0,0 +1 @@
+\v 10 Yehova yahajika kuli Mose , ngwenyi , \v 11 "yako ukambile Falau , mwanangana wa A - Engitu , akeche atu ja A - Izalele muchifuchi chenyi ." \v 12 Mose yahajika kuli Yehova ngwenyi , " nyi A - Izalele kapajikile kuli yami , yami chanyingikine kuhajika ?"  \v 13 Yehova yamba kuli Mose nyi kuli Alone . Wahele shimbi hali A - Izalele nyi hali Falau ,  mwanangana wa A - Engitu , kuchiza A - Izalele  muchifuchi cha A - Engitu .

06/14.txt

@@ -0,0 +1 @@
+\v 14 Wano miata jamajiko ja akako ngwo : Ana amalunga ja Lupeni , mwana mutangu wa A - Izalele , ana jenyi Hanoki , Palu , nyi Hezerone , nyi Kome . Ano apwile majiko tulamba twa Lupeni .  \v 15 Ana amalunga a Simone akwamajiko jenyi wano , nyi Yamule , nyi Yamine , nyi Ohate , nyi Yakine , nyi Zohane , nyi Sholo - mwana walunga wa umwe pwo mukwa Kanana . Ano apwile majiko tulamba twa Simone .

06/16.txt

@@ -0,0 +1 @@
+\v 16 Ano e majiko ja ana amalunga a Levi , hamwe nyi kulita nyi yisemoko yo . Wano apwile Ngeshone , nyi Kohate , nyi Malali . Levi wapwile nyi miaka ya mono kulaji ja miaka nyi makumi atatu a miaka nyi miaka shimbiali . \v 17 Ana amalunga a Ngeshone wano Lipini nyi Shimei , kulita nyi majiko jo . \v 18 Ana amalunga a Kohate wano nyi Amalame , nyi Izehale , nyi Heprone nyi Uziele . Miaka ya mono wa Kohate yapwile kulakaji lya miaka nyi makumi atatu a miaka nyi miaka yitatu . \v 19 Ana amalunga a Malali wano nyi Mahile nyi Mushi . Afumine kuminyachi ya  A - levi , kulita nyi isemuko yo .

06/20.txt

@@ -0,0 +1 @@
+\v 20 Amalame wambachile Yokepete , ndumbu wa tato . Yasema nenyi Alone nyi Mose . Amelame katwamine kulakaji lya miaka nyi miaka  nyi makumi atatu amiaka nyi miaka shimbiali mba yafwa . \v 21 Ana amalunga a Izehale wano Kola , Nefwe , nyi Zikili . \v 22 Ana amalunga a Uziele wano Mishale , Elezapwa nyi shitili .

06/23.txt

@@ -0,0 +1 @@
+\v 23 Mba Alone wambachile Eleshipa , mwana wapwo wa Aminandambe , ndumbu wa Nashonen. Iye yasema nenyi Nandambe nyi Ambihu , Eleazale nyi Itama . \v 24 Ana amalunga a Kola wano  Asele , Elekana , nyi Apasa . O apwile akwamajiko tulamba twa Kola . \v 25 Eleazale , mwana walunga wano Alone , wambachile umwe wakuli ana amapwo a Aputiele . Iye yasema nenyi Finechase . Wano te miata ja akwamajiko ja akako ja A - Levi , kulita nyiminyachi yo .

06/26.txt

@@ -0,0 +1 @@
+\v 26 O ano malunga ali Alone nyi Mose kuli wano Yehova yamba ngwenyi , "chizenu A- Izalele muchifuchi cha Engitu , nyikulita nyi izavu yamalunga yo ," \v 27 Alone nyi Mose o ahujikile nyi Falau , mwanangana wa A - Engitu , akaataijise kuchiza A - yizalele mu Engitu . Wano e a Mose nyi Alone .

06/28.txt

@@ -0,0 +1 @@
+\v 28 Muze Yehova wahajikile kuli Mose muchifuchi cha Engitu , \v 29 yamba kuli iye , " Yami Yehova . Hajika kuli Falau , mwanangana wa Engitu , chisechene ngunambe kuli yena ." \v 30 Mba Mose yamba kuli Yehova ngwenyi , " Ami chanyingikine kuhajika , mba  ngwe te kuchi Falau mevwila kuli yami ?"

06/title.txt

@@ -0,0 +1 @@
+Kapetulu  6

07/01.txt

@@ -0,0 +1 @@
+\c 7 \v 1 Yehova yamba kuli Mose , "See , hinakupwisa ngwe zambi kuli Falau . Yayenu Alone mapwa profeta ye. \v 2 Mukahajika yeswe mungwamba kuhajika . Yayenu Alone makahajika kuli Falau hanga akeche atu ja A - yizalele kutuhuka muchifuchi chenyi .

07/03.txt

@@ -0,0 +1 @@
+\v 3 Alyoze mukakolesa mbunge ya Falau , mungukamwesa yilayi iji yatachi  jami , yikomokeso yiji , muchifuchi cha Engitu . \v 4 Hindu Falau kechi kevwa kuli yena , chocho mungukatambika kwokwo lyami hali Engitu nyikuchizako yizavu  yami , atu jami , atu ja A - yizalele , akatuhuke muchifuchi cha Engitu hayilinga yinene yaupatwilo . \v 5 Atu ja Engitu makanyingika ngwo yami Yehova muze hinatuhuka nyikwokwo lyami nyi kuchiza A - yizalele hakachi ko."

07/06.txt

@@ -0,0 +1 @@
+\v 6 Mose nyi Alone alingile chino ; Kulita ngwe chocho Yehova wambile kuli ayo . \v 7 Mose wapwile nyi makumi nake amiaka , nyi Alone wapwile nyi makumi nake a miaka nyi miaka yitatu muze apwile nyikuhajika kuli Falau .

07/08.txt

@@ -0,0 +1 @@
+\v 8 Yehova  yamba kuli Mose nyi kuli Alone , " \v 9 Muze Falau mamba kuli yenu , 'nukalinge chilayi ; hohene muwamba kuli Alone , ' Anda mulumbu we umumbile  hashi kumeso ja Falau , hanga alumuke kapela ."' \v 10 Mose nyi Alone ayile kuli Falau , nawa o alingile ngwe chocho Yehova ambile . Alone wambilile mulumbu hashi kumeso ja Falau nyi ngamba jienyi , mba yiwalumuka kapela .

07/11.txt

@@ -0,0 +1 @@
+\v 11 Hohene Falau wasanyikile akwamana nyi akwa tufutafuta . O alingile chimuwika nyi umbanda wo . \v 12 Mutu  ha mutu wambilile mulumbu wenyi hashi , nyi milumba yalumukine tupela . Mba mulumbu wa Alone waminyine tupela tyo . \v 13 Mbunge ya Falau yakalile , yiye kakevwile , ngwe chocho yehova ambile .

07/14.txt

@@ -0,0 +1 @@
+\v 14 Yehova yamba kuli Mose ngwenyi , " mbunge ya Falau yikolo , alyoze iye hakanyisa nyi atu ja A - yizalele kuya .  \v 15 Yako kuli Falau nyi chimenemene muze maya kumeya . Umane kusesa lyalwiji umushimbwile , Ukwate nyi mulumbu mukwoko yose halumuka kapela .

07/16.txt

@@ -0,0 +1 @@
+\v 16 Wambe kuli iye , 'Yehova , Zambi wa A- Hepereu , hanga tuma  nguhajike kuli yena , " Echa atu jiami aye , o hanga akanguwahile mu puya . Nyi haliapwila kanda uchipajika ." \v 17 Yehova kanambe yino : " Mba hali yino munyingika ngwo yami Yehova . Mungulamba hameya amukalwiji ka naile nyi mulumbu uli mukwoko lyami , nyikalwiji malumuka manyinga . \v 18 Nyi yishi alimulwiji mafwa , nyi emeya mulwiji kumoma . Nyi o A - Engitu kechi kuhasa kunwa meya amukalwiji . ""'

07/19.txt

@@ -0,0 +1 @@
+\v 19 Mba Yehova yamba kuli Mose , " hajika kuli Alone , 'Anda mulumba we nyi kwolola kwoko lye helu lyakalwiji ka Engitu , nyihakalwiji ko , nyi hakapila ko  , nyi hayitende , nyi hamashima jo , hanga meya jo akalumuke manyinga . Ukalinge chino hanga mukapwe manyinga ndusu muchifuchi cheswe cha Engitu , chipwe nyi musapa  ja mutondo nyi mu sapa ja mawe . "'

07/20.txt

@@ -0,0 +1 @@
+\v 20 Mose nyi Alone alingile ngwe chocho Yehova ambile . Alone wazundwile mulumbu nyi kulamba ha meya lya lwiji , mumeso ja Falau nyi ngamba jenyi . Meya eswe alumukine manyinga . \v 21 Yishi mulwiji  kafwile , nyi emeya mulwiji aputukile kuma . O A - Engitu kahashile kunwa meya mutulwiji two , nyi  manyinga apwile muchifuchi cha Engitu mweswe . \v 22 Mba yimbanda a Engitu alingile chinochene nyi umbanda wo . Mba mbunge ya Falau yakalile , nyi iye wakanyine kwivwa kuli Mose nyi kuli Alone , ngwe chizechene Yehova hanambe chikapwe .

07/23.txt

@@ -0,0 +1 @@
+\v 23 Mba Falau walumukine nyikuya muzuwo lyenyi . Iye kakaseleko nyi emana kuino . \v 24 A- Engitu eswe ashimine mulwiji nyi kutonda meya akunwa , mba kakahashile kunwa  meya amulwiji . \v 25 Hapalikile nyi matangwa shimbiali hanyima Yehova halamba kalwiji .

07/title.txt

@@ -0,0 +1 @@
+Kapetulu  7

08/01.txt

@@ -0,0 +1 @@
+\c 8 \v 1 Mba Yehova yamba kuli Mose , " Yako kuli Falau nyi kumulweza ngwo , ' Yehova kanambe yino ngwenyi : " Echa atu jami aye akanguwaile  . \v 2 Nyingwe kusolo kwecha o aye , mungukalamba chifuchi cheswe nyi yula -  yambwota  . \v 3 Tulwiji mutuzala nyi yula - yambwota . Ayo mwikatuhuka nyikuya mumazuwo jo , nyi  kumihela yo , nyi nyi hamihela yo . Ayo mwikaya nyi mumazuwo ja ngamba je . Ayo mwikaya nyi kuli atu je   , nyi mu fono we mu mboke je wa kuchikilamo . \v 4 Yula- yambwota muyiza kuli yena , kuli atu je , nyi kungamba je . ""

08/05.txt

@@ -0,0 +1 @@
+\v 5 Yehova wahanjikile kuli Mose , " Hanjika kuli Alone , anda mulumbu lye  nyi kolola kwoko lye helu lya lwiji , nyi haipila , nyi hayitende , nyi kuchiza yula- yambwota muchifuchi cha Engitu . "' \v 6 Alone wa olwele kwoko lyenyi ha meya a Engitu , nyi yula - yambwota yatuhukile nyi kulisanda chifuchi cha Engitu . \v 7 Alyoze nyi imbanda alingile chinochene nyi umbanda wo ; Anehene yula - yambwota kuchifuchi cha Engitu .

08/08.txt

@@ -0,0 +1 @@
+\v 8 Mba Falau wasanyikine Mose nyi Alone nyi kwamba ngwo , "Lemba kuli Yehova iye hanga akachize yula - yambwota kumeso jami nyi kumeso ja atu jami . Mba mungukecha atu nyikuya , hanga o akaye nyikulambula kuli Iye . " \v 9 Mose wambile kuli Falau ngwenyi , " Unatela kupwa nyilisesa lyakwambila yami shimbu katekulembele , nyi ngamba je , nawa nyi atu je , hanga yula - yambwota yiakatuke hali yela nyi mumazuwo  jenu alyoze ikatwame mulwiji . "

08/10.txt

@@ -0,0 +1 @@
+\v 10 Falau yamba , " Hamene ." Mose yamba ngwenyi , chcoho chilite nyi liji lye , hanga unyingike ngwo kukushi weka malita nyi Yehova , Zambi yetu . \v 11 Yula - yambwota kumwikatuka kuli yena , mumazuwo je , ku ngamba je , nyi ku atu je . O kumakatwama wika mulwiji ." \v 12 Mose nyi Alone o ayile kutuhuka kumeso ja Falau , mba Mose yalilila kuli Yehova hakutwala kuyula - yambwota yize anehene kuli Falau .

08/13.txt

@@ -0,0 +1 @@
+\v 13 Ywhova walingile ngwe chocho Mose wechile : E yula - yambwota wapwile mumazuwo , nyi haze , nyi mumande yafwile . \v 14 Alyoze o atu akungile milumba , nyi chifuchi chanukine . \v 15 Alyoze muze Falau amwene ngwo kuhwima chiliko , wakolesele mbunge yenyi nawa kapajikile kuli Mose nyi Alone , ngwe chizechene Yehova ambile .

08/16.txt

@@ -0,0 +1 @@
+\v 16 Yehova yamba kuli Mose ngwenyi , " Ambila Alone , ' Zundula mulumbu wenyi kumulamba afufuta hashi , hanga alumuke yina ndusu muchifuchi cheswe - cha Engitu . "' \v 17 O alingile chino . Muze Alone azundwile mulumbu wenyi nyi kumulamba afufuta hashi , nyi yina asumine atu nyi yimuna . Nyi fufuta ya hashi yalumukine yina ndusu muchifuchi cheswe cha Engitu .

08/18.txt

@@ -0,0 +1 @@
+\v 18 O yimbanda esekele nyi umbanda wo kuneha yina , alyoze ahonene . Halyapwila yina asumine atu nyi imuna . \v 19 Mba yimbanda yambile kuli Falau ngwo , "  Awu we munwe wa Zambi . " Alyoze mbunge ya Falau yakalile , nyi iye kakapanjikile kuli ayo . Ngwe chizechene Yehova wambile Falau malinga .

08/20.txt

@@ -0,0 +1 @@
+\v 20 Yehova yamba kuli Mose ngwenyi , katuka nyi chimenemene nyi kumana kulutwe ja Falu shimbu maya kulwiji . Hanjika kuli iye , 'Yehova kanambe yino : " Echa atu jami aye hanga angulembe yami . \v 21 Mba nyikate kuchi  kuecha atu jami , mungu tuma mazaji a jiji kuli yena , ku ngamba je , nyi ku atu je , nyi mumazuwo je  . Mazuwo ja Engitu mazala nyi mazaji  a jiji , nawa nyi haze hashi o matwama .

08/22.txt

@@ -0,0 +1 @@
+\v 22 Mba hatangwa lize mungukahandununa chifuchi cha ngoshone , chifuchi chize atu jami atwama , hanga mazaji a jiji kechi kapwamo . Chino muchilingiwa hanga ukanyingike ngwo yami Yehova uli hakachi kachifuchi . \v 23 Mungukahandununa hakachi ka atu jami nyi atu je . Chino chinyingi cha tachijami muchi lingiwa hamene . ""  \v 24 Yehova walingile chocho , nyi chizaji chinene cha jiji chejile  nyi kunjila muzuwo ja Falau nyi muzuwo lya ngamba jenyi . Ndusu nyimuchifuchi cheswe cha Engitu , che chifuchi hichipiha mumu hama zaji a jiji .

08/25.txt

@@ -0,0 +1 @@
+\v 25 Falau watambikile Mose nyi Alone nyi kwamba , " Yako , Ulambule kuli Zambi ye muchifuchi che . " \v 26 Mose yamba ngwenyi , "Kuchatutelele kulinga chocho , nyi kulambula cha kuli Yehova Zambi yetu muyipihila A -Engitu , Nyi kate mutulambula milambu mumeso jo yize muyipihila A-Engitu , kechi kutwa mawe ? \v 27 Ka , uli ungeji wamatangwa atatu akuya mu puya hanga tuka tunge , hanga tukalambule kuli Yehova Zambi yetu , chizechene iye matwamba . "

08/28.txt

@@ -0,0 +1 @@
+\v 28 Falau yamba ngwenyi , " Mungunweha nuye nuka lambule kuli Yehova Zambi ye mupuya . Chino wika kanda uya kusuku . Ngulembelenu ko . " \v 29 Mose yamba ngwenyi , " Mwe halyapwila mungukatuka kuli yena , mungulemba kuli Yehova hanga mazaji a jiji akukatuke . Alyoze chino kanda ulinga nyi kuliunga cheka nawa kuchi kwecha atu jetu aye nyikulambula kuli Yehova . "

08/30.txt

@@ -0,0 +1 @@
+\v 30 Mose wakatukile kumeso ja Falau wayile nyikulemba kuli Yehova . \v 31 Yehova walingile chizechene Mose wechile ; nawa iye wachijile mazaji a jiji kuli Falau , nyi kungamba wasalile . \v 32 Mba Falau wakalishile mbunge shimbu yino nawa , alyoze iye kechele atu kuya ka .

08/title.txt

@@ -0,0 +1 @@
+Kapetulu  8

09/01.txt

@@ -0,0 +1 @@
+\c 9 \v 1 Hohene Yehova yamba kuli Mose ngwenyi , " Yako kuli Falau ukambe kuli iye ngwenyi , ' Yehova , Zambi wa Hepeluwu , kamba ngwo : " Echa atu jami aye hanga aka nguwayile . "  \v 2 Nyi yena mwakwika kuusolo kwecha aye , \v 3 kwoko lya Yehova muli kaneha chilungo chipi hali tuvwalu , nyi hali  matanga . \v 4 Mba Yehova kumakahandunua hakachi ka yimuna ja Izalele nyi ja Engitu , alyoze hali yimuna ja Izalele nyiumwe makafwa wakuhi .

09/05.txt

@@ -0,0 +1 @@
+\v 5 Yehova yatongola tangwa , yamba ngwenyi , " Muchikapwa hamene mwe mukalinga chuma chino muchifuchi . "" \v 6 Yehova yalinga chuma chino muze hikwacha : A- Izalele ku kwafwile , nyiumwe chimuna . \v 7 Falau yatuma akatale , mba  kumanyi kuli yimuna ja A- Izalele kukwafwile chipwe umuwika . Alyoze mbunge ya Falau yakalile ,  kechele atu kuya

09/08.txt

@@ -0,0 +1 @@
+\v 8 Yehova yamba kuli Mose nyi kuli Alone ngwenyi " Zomona moko aali atoo nyi uto wa kulutengo . Yena  , Mose , Wutakumune mutetela kumeso ja Falau . \v 9 Mba kumuwalumuka fuufta yikepekepe ha chifuchi cheswe cha Engitu . Kmuwalumuka mahute a kuneha yivunda nyi hali atu nyi hali tushitu ndusu mu chifuchi cheswe  cha Engitu . " \v 10 Chocho Mose nyi Alone yanda uto wa ku lutengo nyi kumana kumeso ja Falau . Mba Mose yatakumuna uto mu tetela . Uto yiwalumuka mahute a kuneha yivunda nyi hali atu nyi hali tushitu .

09/11.txt

@@ -0,0 +1 @@
+\v 11 Akwa tufutafuta kahashile kumana kumeso ja Mose mumu ha mahute , mumu mahute apwile hali ayo nyi A- Engitu eswe . \v 12 Yehova yakalisa mbunge ya Falau , chocho Falau kakevwile kuli Mose nyi Alone . Ngwe chizechene Yehova wambile kuli Mosse chize Falau makalinga .

09/13.txt

@@ -0,0 +1 @@
+\v 13 Yehova yamba kuli Mose , " Wulimeneka chimenemene , ukamane kumeso ja Falau , nyi kwamba kuli yiye , ' Yehova , Zambi wa A- Hepeleu , chino che anambe :  " Echa atu jami aye  a kanguwayile . \v 14 Chisuho chino kumungutuma yilungo yami yeswe hali yena lume  , nyi hali ngamba je  nyi atu je . Kumungukalinga chino hanga nukanyingike ngwe hashi heswe wakuhi nyi umwe walifwa nyi yami .

09/15.txt

@@ -0,0 +1 @@
+\v 15 Mumu halyapwila kachi nolola kwoko lyaminyi kulamba yena nyi atu je nyi yikola , kachi munukakuwa hashi . \v 16 Alyoze mumu ha chikuma chino hinakwaha mwono :  hanga kakulweke tachi jami , ,hanga jina lyami akalyambujole hashi heswe . \v 17 Yena hindu wunalinangamisa mukulimika nyi atu jami kusolo kwecha aye .

09/18.txt

@@ -0,0 +1 @@
+\v 18 Panjika ! Hamene ngwe yino wola kumungu kanokesa chiwe chinene chamakelekeshi , chize kanda mona mu Engitu chize ku myaka  ndo halyapwila . \v 19 Keshika halyapwila , tuma malunga apupwise kunjisa yimuna yo hamwe  nyi waze eswe ulino  mu yambu nyi kwa njisa muzuwo . Mutu  mweswe nyi kashitu mweswe nyi waze ali mu yambu nyi kechi kwaneha kuzuwo - che chiwe mu chikanoka hali ayo , nyi kufwa kumafwa . ""

09/20.txt

@@ -0,0 +1 @@
+\v 20 Alyoze ngamba amwe ja Falau waze evwile maliji ja Yehova apupwishile yimuna yo nyi ngamba jo nyi kwanjisa mumazuwo . \v 21 Alyoze waze alengulwile liji lya Yehova yahichika ngamba nyi yimuna yo mu yambu .

09/22.txt

@@ -0,0 +1 @@
+\v 22 Yehova yamba kuli Mose , " Olola kwoko lye kwilu hanga kukapwe chiwe mu chifuchi cheswe cha Engitu , hali atu nyi tushitu , nyi ha yeswe yakusoka mu yambu mu chifuchi cha Engitu . " \v 23 Mose yazundula kwilu mulumbu wenyi , mba Yehova watumine kukulunguza , nyi chiwe nyi njaji , yihulumuka hashi . Yehova  yanokesa chiwe ha chifuchi cha Engitu . \v 24 Chocho kwapwile chiwe nyi njaji kulichinga nyi chiwe , nyi kuhenya henya  chiwe cha makelekeshi chize kanda chipwa mu chifuchi yeswe cha Engitu chize haze haputukilo kupwa vungu .

09/25.txt

@@ -0,0 +1 @@
+\v 25 Ndusu chifuchi cheswe cha Engitu , chiwe  chalambile yuma yeswe mu yambu , atu nyi tushitu . Chiwe yichishiha  mitondo yamu yambu nyi ku makuna mitondo yeswe . \v 26 Muchifuchi wika cha Ngoshene , muze mwatwamine A-Izalele , kumwapwile chiwe .

09/27.txt

@@ -0,0 +1 @@
+\v 27 Mba Falau yatuma yasanyika Mose nyi Alone . Yamba kuli ayo , " Shimbu yino navulumuna . Yehova yiye mukwa ululi , yami nyi atu jami tuli yingulungulu . \v 28 Liwumbenu kuli Yehova , mumu kukulunguza cha tachi nyi chiwe yichahyanamo . Mungunwecha nuye , kunuchi kutwama nawa . "

09/29.txt

@@ -0,0 +1 @@
+\v 29 Mose yamba kuli yiye , "Cheswe mungutuhuka muchihunda mungolola moko jami kuli Yehova . Kukulunguza kumuchihwa , chipwe kukuchi kapwa nawa chiuwe . Mujila yino ukanyingike ngwe hashi heswe ha mbala ha Yehova . \v 30 Alyoze ha kutwala kuli yena nyi ngamba je , ngunanyingika ngwami  chipwe halyapwila kunuchi kwononokena Yehova Zambi lume . "

09/31.txt

@@ -0,0 +1 @@
+\v 31 Halyapwila wande nyi Sevanda yalambiwile , mumu te sevanda hiyapwa nyi mafufu , nyi wanda hiwatemuna yitemo . \v 32 Alyoze tiliku nyi kuyalambiwile mumu te kanda yichikola . \v 33 Muze Mose yahichika Falau nyi chihunda , yolola moko jenyi kuli Yehova ; mba kulunguza nyi chiwe yalitwaminine , nyi vula yalitwaminyine kunoka nawa hashi .