Wed Nov 06 2019 16:11:16 GMT+0100 (Hora padrão África Centro Oeste)

04/01.txt

@@ -0,0 +1 @@
+\v 1 Ngeng'eki Petelo ndia Yoani basangake mbali boa bato, bankanga, la kapiteni eka nkengi bi lowulu loka Wangi, la Basadukayi, baabelele, \v 2 bakaswake ibango balakake bato pe balimbolake mbo bi lami la bakundwelo l'itina lika Yesu. \v 3 Baawute, pe baatike oko lowulu lo ikamba kuu nko la mbise losio, ibango eliki ngengo le ikolo. \v 4 Yaaka wuke bo bato bakoyoka ilako, bayembe, bosio boka bele boyiake mpika la nkoto bitano.

04/05.txt

@@ -0,0 +1 @@
+\v 5 Oki mbise losio, ba nkumu la bingambi bi nza, la basoneli bakosame oko Yelusalema, \v 6 pe Ana, engambi e nkanga, la Kayapa, la Yoani, la Alesandala, la bankina yima oko ibotwa lika engambi e nkanga. \v 7 Bayemie ntomwa oko etetei pe baayubole boe, nyo bokela bine oko nguya le ngamoni laape oko lina lika nani?

04/08.txt

@@ -0,0 +1 @@
+\v 8 Ngako Petelo anyote la Elimo le Tee, pe aatepele ndee, Nkumu bika bato, la bingambi bi nza! \v 9 Laa botoyubola so lene lama la esali le dilo l'itina lika ekoko eko, laape asobika ngamoni,\v 10  bopaaka eyebane ok'ole nyoankumela pe ok'ole bato bankuma ba Yelusame nyoe oko lina lika Yesu Masiya le bosi Nazaleta, one oki nyo bokakiake ok'ingengola, yaaka Wangi asookundole yima oko bawi, l'itina li nde, boto one asoyemala oko ntondo le nyo la bienge wembu.

04/11.txt

@@ -0,0 +1 @@
+\v 11 Nde Yesu ale iwe likoboywa la nyo balwi, nde pe asoyala iwe li ikono. \v 12 Lobiko pe ntaloyime ok'ole boto onkina ye, ibango ntembia lina linkina ye lisakopawua oni nse ok'eteti eka bato l'itina boe toyosone mbika-bika la lio.

04/13.txt

@@ -0,0 +1 @@
+\v 13 Ngeng'eki bo basisiake nkusa eka Petelo ndia Yoani, pe eki bo bayebake boe ntaambe bato ba yekasana la bekanda ye, pe bato bampatoyeka mbo ye, bakabake pe baalimbetele boe bayalake boa Yesu ndiemo. \v 14 Yaaka oki bo balendake boto oko losobika, nyemala ndia bo ndiemo, ntaayosonoko nkalola ye.

04/15.txt

@@ -0,0 +1 @@
+\v 15 Batepele boe bapaswe oko bosale bo Ekokayolo, pe bakatepele boe, \v 16 Tokele ngamoni lama la bato bane? Ibango esoyebana ok'ole bato bankuma ba lamba oni Yelusalema boe, elimbetelo esokelwa oko babo ba bo. Ntangoyosono ntonatona ye, \v 17 yaaka toapekele nsoe bayale nkoyitia ntepela lama la lina line lonkina ye, nkanga lobo lone ntesosonda mpanganyala. \v 18 Ngako baabesie pe baapekele boe bayale nkoyitia ntepela pe ndakalaka oko lina lika Yesu lonkina nkia nio ye.

04/19.txt

@@ -0,0 +1 @@
+\v 19 Yaaka Petelo ndia Yoani baakalole boe, laa lokolama oko beso baka Wangi loe toetotie nyo ntondo eka notie Wangi, bobekeke loboeko. \v 20 Yaaka l'itina lika mbo bi yeba so pe bi yoka so, ntatoyosone ntwenye ntepele bio ye.

04/21.txt

@@ -0,0 +1 @@
+\v 21 Yaaka baakanele lonkina pe baatungole, ibango ntayeneke dweli longa bo baatika oko ikamba, ibango la wuke bo bato; ibango bato bankumela bateliake Wangi l'itina lika mbo bisokelwa. \v 22 Ibango boto oko losokelwela elimbetelo eko le lobiko asakosonda mpela ntuku binei.

04/23.txt

@@ -0,0 +1 @@
+\v 23 Ngeng'eki bo basoba mboka, base ok'ole bato ba bo nkika, pe baasangele bonkika bo mbo binkuma biki bingambi bi bankanga la bingambi bi nza baatepele. \v 24 ngeng'eki bo basoyoka ngako, banangole bayoyi ok'ole Wangi la bobonda bomo, pe batepele boe, Nkumu lenene; awu okelake Liko, la nse, la losi, la biemba binkumela bil'oko eteyi le bio. \v 25 Otepelake oko munya boka Dawidi botii bo wu, papa le so, la nguya eka Elimo le Tee wue, Bakini basokayumola pe bato basoyalola boyeli bo ntontoo itina be?

04/26.txt

@@ -0,0 +1 @@
+Nkumu bi bolongo basobeleme, bingambi basokakosia, la nyemala esongo la Nkolo pe Masiya le nde.

04/27.txt

@@ -0,0 +1 @@
+\v 27 Ibango basokakosia oni nza ene ok'ole Yesu Botii bo wu bo bokolami, bone boki wu osoloke la losole nzitomola. Elode ndia Pilato la bakini, ndamia la bato ba Yelusalema \v 28 Baokakosia la nkele binkuma biki lobo lo wu lolangake la wango bo wu ntondo wue bingokelwa.

04/29.txt

@@ -0,0 +1 @@
+\v 29 Pe akoboko, Nkolo, solendaka biango bebo, pe paaka bantamba ba wu mboka wue bayosone ntepele Nsango le wu la nkusa le wuke, \v 30 lelo oni ngeng'ene esembola wu lobo lo wu la mbikie bato pe la nkele bilimbetelo bi nkabakaba oko lina lika botii bo wu bo bokolami Yesu. \v 31 Nkako oki bo babotitiake, ndieko eki bo bakosamake esuku esukasane. Boankumela banyotake la Elimo le Tee, pe la bonzenze balakake nsango eka Wangi.

04/32.txt

@@ -0,0 +1 @@
+\v 32 Wuke bo bayambi baliki la bobonda bomo la pe itangeli limo. Laa omo lo bo asoba biemba, ntaitole biemba bi nde nkika ye, yaaka biemba binkumela biliki nko ndiemo. \v 33 Ntomwa pe balakake la nguya wuke lobo lo bokundwelo baka nkolo Yesu, pe iyangi liinene liliki ndiemo la boankumela.

04/34.txt

@@ -0,0 +1 @@
+\v 34 Oko etetei le bo nkia boto omo ntaliki la bokamba, ibanmgo bane bankumela bakoliki la itia, laa pe lowulu, baiteke, pe bayake la bensongo bekokolamaka la bosio boka biemba bikotekwa, \v 35 pe baisembole oko bakolo baka ba ntomwa. Ngako baikapake ok'ole boto la boto kweli nga oki nde aliki la bokamba.

04/36.txt

@@ -0,0 +1 @@
+\v 36 Yosepa, lokotolwaka la ba ntomwa Balanaba, (lole kalomo loe Wana lo bonzenze), Bo-Lewi, bosiKupulu, \v 37 aliki la itia, pe aiteke, pe aye la bensongo (faanga) oko ntondo le bakolo baka ntomwa.

04/title.txt

@@ -0,0 +1 @@
+Bokapo 4

05/01.txt

@@ -0,0 +1 @@
+\v 1 Yaaka wele bomo lina Anania, ndia ilaka li nde Sapila, bateke itia, \v 2 yaaka amonye yeti le bensongo (faanga) beki nde abae. Ilaka pe ayambe nko ngako. Aye la yeti le bensongo (faanga), pe aetike oko ntondo le bakolo baka ba ntomwa.

05/03.txt

@@ -0,0 +1 @@
+\v 3 Yaaka Petelo aotepele ndee, Anania, Satana asoyotia bobonda bo wu wue odimbe Elimo le Tee pe omonye yeti le bosio bo bensongo (faanga) be itia bokobo be? \v 4 Ngengo eki lio lelo ntaitekwe, ntailiki li wu? pe ngengo eki lio litekwe, ntailiki oko babo ba wu? Osotangela oko bobonda bo wu nkele ngako itina be? Ntokelili bongala ok'ole bato ye, yaaka ok'ole Wangi. \v 5 Eki Anania asoyoka bayoyi bako, akite oko nse pe awe. Bomo bo wuke bowute bankumela bakoyoka loboeko, \v 6 yaaka bilenge bayemale, pe baolinge oko bisenda, baopasole oko bosale pe baokunde.

05/07.txt

@@ -0,0 +1 @@
+\v 7 Ilaka li nde pe ayotwe swe, mpika oko mbise mpoma bisato, yaaka ntayebaka lobo losokelwa ye. \v 8 Petelo aoyubole ndee, ontepelake, botekili li nyo oko bosio bone? Nde pe akalole ndee, Oo, la bosio nko bo.

05/09.txt

@@ -0,0 +1 @@
+\v 9 Petelo aotepele ndee, Bokayoke la nzengise Elimo eka nkolo itina be? Solenda bakolo baka bakundi bak'ilaka li wu bal'oko munya bo lowulu, pe bangokobela oko bosale dweli nko lo. \v 10 Akite ta-taa oko bakolo ba nde pe awe. Bilenge bayotwe swe, pe batane boe akosowa, pe baobele oko bosale, pe baokunde ndiemo ndia ilaka li nde. \v 11 Bamo bo wuke bowute ekinda enkumela, la pe bato bankuma bakoyoka loboeko.

05/12.txt

@@ -0,0 +1 @@
+\v 12 Bilimbetelo wuke la bimwenge bikelwake oko babo baka ntomwa ok'etetei eka bato pe baliki boankumela la bobonda bomo oko mbalasa eka Solomo. \v 13 Ok'etetei eka bato bankina nteliki nkia la boto omo lokokakasanaka la ndamem'oko esuku le bo ye, yaaka bato baateliake wuke;

05/14.txt

@@ -0,0 +1 @@
+\v 14 pe Nkolo asangiake bosio ba bayambi nsonde ba ntonda, wuke bo bele pe wuke bo beto. \v 15 Ngako basampiake bakoni oko mboka le bo oki bayakoleke, pe baatikake okontange pe oko nkalanga l'itina boe nkia elimo eka Petelo eleke oko liko lika bamo baabo ngeng'eki nde ayakokende. \v 16 Wuke bo bato ba nza, la ba ntundu le Yelusalema bakosame, pe bayake la bakoni, la bato bakoliki la bilimo bi be, pe boankumela babikake.

05/17.txt

@@ -0,0 +1 @@
+\v 17 Ngako engambi e nkanga ayemale, ndia bankumela bakoliki ndiemo la nde bane ba ekinda le, Basadukayi , pe banyotake baa la ikeke, \v 18 pe bawute ntomwa, baayotie oko lowulu lo ikamba.

05/19.txt

@@ -0,0 +1 @@
+\v 19 Yaaka la botio ntomwa eka Nkolo alipole bikuke bi lowulu lo ikamba, pe aapasole, pe aatepele ndee, \v 20 boyemalaka, bolekaka la ndake bato mbo bine bi bokolo oko lowulu loka Wangi. \v 21 Eki bo basoyoka ngako, bayotwe swe oko lowulu loka Wangi la loyekelo lo mpendu, pe balakake bato. Ngako engambi e nkanga aye, ndiemo ndia bakoliki la nde, pe abesie Ekokayolo enkuma, la bingambi bika basi Yelusalema, pe batome nkenge basopose ntomwa oko lowulu lo ikamba.

05/22.txt

@@ -0,0 +1 @@
+\v 22 Yaaka oki nkengi base, ntaatana ntomwa oko lowulu lo ikamba ye, yaaka bayitie la nsango boe, \v 23 Toyenili lowulu lo ikamba lokandi nko nta kwekwe, pe nkengi bayemi oko munya bo mboka, yaaka ngeng'elipoli so lowulu, ntatotanili nkia boto ok'etei ye.

05/24.txt

@@ -0,0 +1 @@
+\v 24 Eki kapiteni eka nkengi bi lowulu loka Wangi ndia bingambi bi bankanga bayoke ngako, balingatanake lama la lobekelo, la dweli longa lo loboeko lokuma. \v 25 Yaaka boto omo aye la ntepele bo ndee, Bololenda! Bele beko beki nyo boyitiake oko lowulu lo ikamba, bayemi oko lowulu lo Wangi bato ndakalaka.

05/26.txt

@@ -0,0 +1 @@
+\v 26 Oki mbis'eko, Kapiteni eka nkengi ase ndia bapolisi mpose ntomwa, yaaka la wembu ye; ibango balotake bato nkanga ntaasoabola bawe. \v 27 Yaaka baye la bo pe baayemie oko etetei eka Ekokayolo. Engambi e nkanga aayubole ndee, \v 28 Toepekelake ntondo wembu soe boyale nkolaka oko lina line lonkina ye, pe bosonyotia Yelusalema enkumela la balako ba nyo, pe bakana botoyimbe so l'itina lika balongo baka boto one.

05/29.txt

@@ -0,0 +1 @@
+\v 29 Yaaka Petelo ndia ntomwa binkina, batepele boe, Ebongo nko tototie Wangi ntondo eka ntotie bato. \v 30 Wangi boka bapapa ba so asakokundola Yesu one oki nyo bodiakake la nkakie nde oko bote. \v 31 Wangi asoosangia sangaa oko lobo lo nde lo ndeli nga Nkumu pe bobikie la mpae Yisalaele mboka le bokalomoli bo bebonda pe bosawue bo bobe. \v 32 So tole batati baka bio mbo biko, ndiemo soa Elimo le tee one losaka Wangi ayitomola ok'ole bane bao baototia.

05/33.txt

@@ -0,0 +1 @@
+\v 33 Eki bo basoyoka ngako, bakaswe oko bebonda, pe balangake boe baadiake. \v 34 Yaaka Bapalosi bomo lina Gamaliele, lokoliki bolaki bo bekengo, boto lo lumu lo dilo oko beso aka bato bankumela, atepele ndee bapasole ntomwa yembe nio oko bosale.

05/35.txt

@@ -0,0 +1 @@
+\v 35 Aatepele ndee, bele be Yisalaele, bobaaka nkepo lama la mbo binkuma bi yanga nyo nkelakela ok'ole bato bane. \v 36 Ibango yembe ngengo edie wuke ye Teuda apaswake la ntepele ndee, nde boto lo mpipa, pe bana bele wuke balamemake boa nde, mpika-mpika la bato benkama beneyi. Nde adiakwake, pe bako bankumela bakoobengaka bapanganyale tia-tia, pe bayoyalaka binsonsele. \v 37 Oko mbisa le nde, oko nsio bi basonelo ba bena, Yuda le bosi Galilaya apaswe, akuye bato oko loselele lo nde. Nde pe awe, pe bako bankumela bakoobengake bapanganyale.

05/38.txt

@@ -0,0 +1 @@
+\v 38 Akoboko metepela mie bokalamolaka bienge ok'ole bato bane, boalakiake totolo, ibango laa boyeli bone, laa pe esali ene eyima ok'ole bato engolimoa pie. \v 39 yaaka laa eyima ok'ole Wangi, nyo ntabongoyosono nkumie bato bane ye, bobaaka nkepo nkanga ntoosoyemala esongo la Wangi.

05/40.txt

@@ -0,0 +1 @@
+\v 40 Baoyambele, pe ngeng'eki bo basobesia ntomwa, baapioke bemiekwa, pe baalake boe bayale nkolaka oko lina lika Yesu, ngako pe baatungole. \v 41 Ngako bapaswe oko Ekokayolo, bayokake nyinga ibango basotolwa bandwa bonyoko lama la lina li nde. \v 42 Yaaka ntaatwenya ndakalaka oko lowulu lo Bowangi pe oko mbulu bi bo nkika ye, balakake nsango dilo boe Yesu ale Masiya.

05/title.txt

@@ -0,0 +1 @@
+Bokapo 5

06/01.txt

@@ -0,0 +1 @@
+Oki bio nsio biko, bosio boka bayambi bofulake, pe Bayuda bane bakotepelaka iyoyi lika Ba Ela, batabanake l'itina lika Baebele, ibango beto basakolela bele ok'etetei le bo bakambake nkia ngengo le nkepo biemba bi losio la losio.

06/02.txt

@@ -0,0 +1 @@
+\v 2 Ngako Ba-diomu la bapele bakosie le bayambi, pe batepele boe, Ntekolame la so ntenye ilako lika Wangi l'itina li nkele esali eka mesa, \v 3 ngako bambale boyalolaka bele besambiale ok'etetei le nyo, bato balia lumu lo dilo, bane basonyota la Elimo le tee pe la lianya, pe tongoatika oko kio esali eko. \v 4 Yaaka so tongotika bebonda oko mbotitia pe oko ilako ndaka-laka.

06/05.txt

@@ -0,0 +1 @@
+\v 5 Iyoyi liko liyokie esuku enkuma nyinga, pe basole Setepano, wele bokonyotaka la boyambi pe la Elimo le tee ndia Pilipo, la Polokolo, la Nikanola, la Timona, la Palamena, la Nikolao, bokalomwi bo bobonda boto lo Antiokiya. \v 6 Baayemie yemaa oko ntondo eka ntomwa, pe ngeng'eki bo basoseya mbotitia, baanangiake babo baabo.

06/07.txt

@@ -0,0 +1 @@
+Ilako lika Wangi lifule, pe bosio boka bayeki oko Yelusalema bonyotake nta wuke, pe wake bo bankanga bayambake ilako.

06/08.txt

@@ -0,0 +1 @@
+\v 8 Setepano lokonyotaka la basoyi pe la nguya, akelake bimwenge la bilimbetelo binene oko beso baka bato \v 9 Yaaka baamo bakoliki oko esuku lekotolwaka esuku eka Basoswe, la basi Kulene, la Baalesandalia, la pe bako bakoyimak'oko KIlikia pe la Asia, bayemale biango nkelakela boa Setepeno.

06/10.txt

@@ -0,0 +1 @@
+\v 10 Yaaka ntaayosonoke nsonde boyeli boka elimo ekotepelaka la nde ye. \v 11 La mbisa basongimie bele benkina la ntepele boe, tosakooyoka la bayoyi ba nkiosole Mose pe Wangi.

06/12.txt

@@ -0,0 +1 @@
+\v 12 Bayumole esuku, la bingambi bi nza la pe basoneli. Baye pe baowute, pe baokoole kuu oko Ekokayolo, \v 13 pe bayimie ntepelaki bi bongala. Bo batepelake boe, Boto one ntatwenye ntepele mbo bi nkisole ndie ene le sesoo le le bekengo. \v 14 Ibango tosakooyoka atepela ndee Yesu ene le bosi nazaleta, angoyimba ndiene, pe angokalomola bekengo beki Mose atolaliake. \v 15 Bato bankumela bakoliki oko Ekokayolo baosisiake yee, pe bayeneke boso bo nde nkonga boso boka ntomwa eka Wangi.

06/title.txt

@@ -0,0 +1 @@
+Bokapo 6

07/01.txt

@@ -0,0 +1 @@
+\v 1 Ngako engambi e nkanga ayubole ndee, mbo biko bile nko ngako? \v 2 Yaaka Sepepano atepele ndee, Bambale ba bele la ba papa, boyoka! Wangi bo binkembwa ayeneleke ndia papa le so Abalayama, ngeng'eki nde aliki oko Mesopotamia, lelo ntalambili oko Halana. \v 3 Aotepele ndee, Yima oni nse le wu pe ndiemo wua besangema, be wu, pe lekaka oko nse eko enga mi nkolakia.

07/04.txt

@@ -0,0 +1 @@
+\v 4 Mbis'eko ayime oko nse eka Bakalandea pe asolamba oko Halana. Ayalake ako edie nko iwa lika ise li nde. la mbisa Wangi aoyimie oko kio ndieko, Pe aoyotie oko nse ene elamba nyo lene. \v 5 Yaaka ntaopa engondi oko kio ndieko ye, nkia eteni le ndie ekolama la ekata le lokolo ye. Yaaka aotikele ileno nde ndee, angopa kio pe ok'ole ibotwa li yaka mbisa le nde, nkonga nse le bo nkika, oko ngengo empa nde lelo ntabali wana ye.

07/06.txt

@@ -0,0 +1 @@
+\v 6 Wangi atepele pe lonkina ngane ndee, bato ba ibotwa li nde Abalayama bangolamba oko nse enkina nga ngendia, pe bangoyala bantamba oko kio nse eko, pe bangonyokwa mpela benkama beneyi. \v 7 Wangi atepele ndee, Mi ngosambisa ibotwa liko lingoatika bantamba, pe oko mbis'eka bio mbo biko bangopaswa pe bangontiela oni ndiene. \v 8 Aopa bokengo bo bosuti mbekebeke, ngako abote Yisaka pe aobeke bosuti oko losio lo mwambi. Yisaka pe abote Yakobo. Yakobo pe abote bankaka ba so diomu la bapele.

07/09.txt

@@ -0,0 +1 @@
+\v 9 Bankaka bayokele Yosepa ikeke, pe baobeke oko Ezipeto. Yaaka Wangi aliki la nde ndiemo, \v 10 pe aobikie oko mbadadi bi nde binkumela, pe aopa boboto la boyeli oko beso baka Paalo nkumu le Ezipeto. Nde Paalo aoyalie nkumu le mbotu bi Ezipeto, pe le lowulu lo nde lonkuma.

07/11.txt

@@ -0,0 +1 @@
+\v 11 Yaaka nzala le wembu la mbabali le bolaka bo wuke bibele oko nse le Ezipeto pe oko Kanana enkumela, ngako bankaka ba so ntaaliki la ile ye. \v 12 Yaaka Yakobo ayoke nde oko Ezipeto basangu bal'oko, ngako atome ba papa ba so mbala le ntondo. \v 13 Oko mbala le bipele, Yosepa aka yebie ok'ole bambale ba nde, pe ibotwa lika Yosepa liyebanake ok'ole Paalo polele.

07/14.txt

@@ -0,0 +1 @@
+\v 14 Yaaka Yosepa atome lotomo babesie ise li nde, la ibotwa li nde linkuma, bato ntuku bisambiale la bitano. \v 15 Ngako Yakobo akitele oko Ezipeto, pe awe nkako, nde nkika pe la ba papa ba so dweli nko lo. \v 16 Baabelake oko Sekeme nkundama oko ilengi liki Abalayama asombake oko Sekeme ok'ole bana Hamola, oko bosio bo ba palata.

07/17.txt

@@ -0,0 +1 @@
+\v 17 Yaaka ako oki ileno liki Wangi atike oko Abalayama lisobeleme, bato banyotake nta wuke oko Ezipeto,\v 18  kuu la ngeng'eki nkumu apaswe oko Ezipieto, lompatoyebaka Yosepa. \v 19 Nkumu eko ayangele ibotwa li so boyeli, anyokole ba papa ba so, l'itina ndee baboke bana ba bo nio nio dia, nkanga ntaasobika.

07/20.txt

@@ -0,0 +1 @@
+\v 20 Okokio ngeng'eko Mose abotwe, nde pe wana lo dilo oko beso baka Wangi. Baokosie benzali besato oko lowulu loka papa le nde. \v 21 Ngeng'eki basoseya mpasole nde, wana lo weto oka Paalo aopose, pe aobongole nkonga wana lo nde nkika.

07/22.txt

@@ -0,0 +1 @@
+\v 22 Ngako Mose abongwake la boyeli bonkuma boka basi Ezipeto, pe aliki la nguya le ntepela pe oko bisali bi nde.    \v 23 Yaaka eki nde asoyia mpela ntuku bineyi, atangelake oko bobonda bo nde ndee asolende bambale ba nde, ba-Yisalaele. \v 24 Atane omo lo bo al'oko bodingatano, pe aosunge. Akiake bosi Ezipeto la mbikie bolibeli. \v 25 Atangelake ndee bambale ba nde bayeba boe, Wangi angoapa lobiki oko babo ba nde, nkane bo nkika ntaayebake ye.

07/26.txt

@@ -0,0 +1 @@
+\v 26 Oko mbise losio atane bapele ba bo balo etumba, pe akeke la nzisena lolango lo bo. Atepele ndee, bele beko nyo bole bambale, bokakela bobe itina be?\v 27  Yaaka boto oko lokokelaka bobe ok'ole mbale le nde aosikomole, atepele ndee, Boto nani lokotikili wu engambi pe ntendi le so? \v 28 Okana ondiake nga wu odiakake bosi Ezipeto?

07/29.txt

@@ -0,0 +1 @@
+\v 29 Lama la bayoyi bako, Mose ase boloti oko nse le Midiana, pe abote bana bapele ako kio nse eko. \v 30 Oko bakumelo baka mpela binkina boneyi, ntomwa eka Wangi ayenele la nde oko epetelo le ibebe li twe oko yemba emfukisa le bosobe oko engenza le Sanai.

07/31.txt

@@ -0,0 +1 @@
+\v 31 Eki Mose asoyene loboeko, akabe, pe ngeng'eki nde asisake mpika la ndendalenda, iyoyi lika Nkolo lipaswe lioe, \v 32 Mi Wangi boka ba papa ba wu, Wangi boka Abalayama, la Yisaka, la Yakobo. Yaaka Mose asakatanake pe alotake ndendalenda.

07/33.txt

@@ -0,0 +1 @@
+\v 33 Nkolo aotepele ndee, Yimiaka sapato oko bakolo ba wu, ibango ndie ene le yemi wu ele mbotu bi sesoo. \v 34 Nsoyene bonyoko boka bato ba mi oko Ezipeto, pe nsoyoka bekimi be bo, pe nsokitela ntungole bo. Nko akobo'ene yaka! Nkotoma oko Ezipeto.

07/35.txt

@@ -0,0 +1 @@
+\v 35 Lama la kio Mose eko eki baboyake boe, boto nani okosooli wu engambi pe ntende le so? Wangi aotome nga engami pe botungoli la lobo loka ntomwa eka Wangi lekoyenele la nde oko yembe emfukisa. \v 36 Nde nd'oko lokoapasola pe alakiake bimwenge la bilimbetelo oko Ezipeto pe oko nzale le losi lo Balongo, pe oko boleki mpela binei. \v 37 Mose nde boto okotepelaka ok'ole bato ba Yisalael ndee, Wangi angoyemiela bobambi nkonga mi ok'etetei eka bambale ba nyo.

07/38.txt

@@ -0,0 +1 @@
+\v 38 Nde nd'oko lokoliki oko ekinda oko boleki, ndiemo ndia ntomwa eka Wangi ekoyokaka la nde ntondo oko engenza le Sinai, ndiemo pe ndia ba papa ba so. nde pe abae mbo bi bokolo bisaka nde aepa. \v 39 Ba papa ba so ntaalangake ntontie nde ye. yaaka baokisoloke pe bebonda be bo benkuma beyitie ntangela Ezipeto. \v 40 Batepele Alona boe, otokelelake so biangi be leka oko ntondo le so; ibango l'itina lika Mose one lokotopasola oko nse le Ezipeto, ntatoyebe lobo losoobele ye.

07/41.txt

@@ -0,0 +1 @@
+\v 41 Oki bio nsio biko bakele ndobe oko dweli loka itumbe li nyate, pe bapake mbeka ok'ole kio eteko eko, pe bayokake nyinga l'itina lika esali le babo ba bo nkika. \v 42 Yaaka Wangi, kalomo, aatwenye nde ndee basosangolaka bioto be liko, nkonga osaka lo losonwa oko bokanda boka bobambi loe, Nyo bopake nyama bikodiakwa pe mbeka bi mi mpela ntuku binei oko boleki nyo Bayisalaele?

07/43.txt

@@ -0,0 +1 @@
+\v 43 Oo, bobele bongumbe bo Boleke, pe boto boka Wangi Lapana, ndobe bikelili nyo l'itina li nsangole bio. Pe mi ngoebela oko mbise Babela.

07/44.txt

@@ -0,0 +1 @@
+\v 44 Ba papa ba sa baliki la bangumbe bo bokomo oko boleki, bone boki bo bo badwake oko dweli loki Mose ayeneke. Nkonga oki one lokoyokaka la nde aotepelake ndee, aokele nk'oko dweli lo itindia liki nde ayeneke. \v 45 Pe oko mbiseko ba papa ba so baobele ok'ole Yoswa oko mbotu bika babotwa bane baki Wangi apasole ntondo eka ba papa ba so. Eliki ngako kuu nk'oko Dawidi. \v 46 Nde lokoswakolama oko beso baka Wangi, pe abotitie ndee abalele Wangi boka Yakobo ndie.

07/47.txt

@@ -0,0 +1 @@
+\v 47 Yaaka Solomo aobokele lowulu. \v 48 Yaaka one losonda-liko ntalokolambe oko mbulu bisobokwa la babo baka bato ye, nkonga oki bobambi atepele ndee, \v 49 Liko lile mata le mi bonkumu, nse ele ndie eyemala bakolo ba mi. Nkolo atepele ndee, Bongombokela lowulu lo ngamoni? Ndie lina be engoyala iyolia li mi? \v 50 Te mbali lobo lo mi lokokelaka biemba bine binkumela ye?

07/51.txt

@@ -0,0 +1 @@
+\v 51 Nyo bato ba betu wembu! Bakinoli oko bebonda pe oko batoi! Seko, nyo boyemalake esengo la Elimo le Tee, nyo bole kweli nkonga ba papa ba nyo.\v 52  Te ba papa ba nyo, ok'etetei eka babambi, lompa bo ntabanyokolo nani? Badiake bane bakobambaka l'itina lika loya loka bokolami.  Akoboko nyo bosoyala baseki pe badiaki ba nde, \v 53 nyo, nyo bane, bakoba bekengo bekopawuaka yima oko beka ntamwa bi liko pe ntaboetotili ye.

07/54.txt

@@ -0,0 +1 @@
+\v 54 Eki bo basoyoka mbo biko, bakaswe oko bebonda be bo pe nkweti bi benyo ba bo biyokane. \v 55 Yaaka Setepano anyotake la Elimo le Tee, alendake Liko, pe ayene binkemwa bika Wangi, la Yesu wema oko lobo loka Wangi lo ndeli. \v 56 Atepele ndee, nsoyene liko lisolifwa, pe Wana oka boto wema oko lobo loka Wangi lo ndeli.

07/57.txt

@@ -0,0 +1 @@
+\v 57 Yaaka bo basine batoi ba bo, bapame la bayoyi ba wembu, pe base mbango la bobonda bomo ok'ole nde. \v 58 Baopasole oko bosale bo nza, pe baobole bawe. Batati batike bisenda bi nde oko bakolo baka elenge emo le wele, lina Saula.

07/59.txt

@@ -0,0 +1 @@
+\v 59 Ngako babole Setepano bawe, ngeng'eki nde abotitiake ndee, Nkolo Yesu , yambaka elimo le mi! \v 60 Akukame la babolongo ba nde, pe apame la iyoyi li wembu ndee, Nkolo, ntoabalelake bobe bone ye! Eliki nde asoseya ntepele ngako asampeme.

07/title.txt

@@ -0,0 +1 @@
+Bokapo 7

08/01.txt

@@ -0,0 +1 @@
+\v 1 Saula pe anyiminyake iwa li nde. Oko losio loko bonyoko bo wuke bobelele ekinda le Yelusalema, pe boankumela bapanganyale oko be nse be Yuda la Salomono, yimia nko ntomwa. \v 2 Yaaka bele bekolamemaka oko mbotitia bakunde Setepano pe baobele la bilelo bi wuke. \v 3 Yaaka Saula anyokoloke ekinda. Ayotwake oko lowulu la lowulu pe akuyake bele la beto, pe aabokake oko lowulu lo ikamba.

08/04.txt

@@ -0,0 +1 @@
+\v 4 Ngako, bane bakopanganyala basakokende ntundu la ntundu nsango dilo ndakalaka. \v 5 Pilipo pe akitele oko nza bi Solomono, pe aalakake mbo bika Masiya.

08/06.txt

@@ -0,0 +1 @@
+\v 6 Wuke bo bato bayambe mbo biki Pilipo atepelake la bobonda bomo ako oki baolendake pe oki bo boyeneke bilimbetelo biki nde akelake. \v 7 Ibango bolimo bi bonzumba bipaswe ok'ole bato la iyoyi li bopami bo wembu, pe bakatatali la bikoko babike, \v 8 pe nyinga le wuke eyalake oko kio nza eko.

08/09.txt

@@ -0,0 +1 @@
+\v 9 Wele bomo aliki, lina li nde Simona, nde akelake benkanga ntondo oko kio nza eko pe, pe bato ba Somolono bakabake wuke la nde, pe akabesiake ndee, nde ale boto lonene. \v 10 Bato bankumela baoyokitiake, la bato ba nionio, la bato banene, pe batepelake boe, Boto one alia nguya eka Wangi bototolwa bonene. \v 11 Baototiake, ibango yima edie lenene aakelake bimwenge la bokanga bo nde.

08/12.txt

@@ -0,0 +1 @@
+\v 12 Yaaka ako oki bo basoyamba ilako lika Pilipo li nsango dilo le Bonkumu boka Wangi pe lina lika Yesu Masiya, la bele la beto bayinwe. \v 13 Simona nde nkika pe ayambake, pe ngeng'eki nde asoseya nyinwa, ayale edie ndiemo ndia Pilipo, pe oki nde ayeneke bilimbetelo la bisali bi nguya bikokelwa, akabe.

08/14.txt

@@ -0,0 +1 @@
+\v 14 Eki ntomwa basoyoka boe basi Solomono basoyamba nsango dilo eka Wangi, baatomiake Petelo ndia Yoani. \v 15 boapele batulue oko pe babotitie l'itina li bo boe  babaeElimo le Tee. \v 16 Ibango lelo Elimo ntakiteli nkia ok'ole boto omo ye, yaaka basakosia nyinwa oko lina lika Nkolo Yesu nko nyinwa ntontoo. \v 17 Ngako ntomwa baasangie babo, Elimo le Tee.

08/18.txt

@@ -0,0 +1 @@
+\v 18 Eki Simona lekoliki nkanga asoyene ndee Elimo esopasua la bosangie bo babo baka ntomwa, ayangake mpae bo bensongo (faanga),\v 19  pe atepele ndee, bompaake la mi nguya l'itina mie boto onkeni onga mi nsangia babo abae Elimo le Tee.

08/20.txt

@@ -0,0 +1 @@
+\v 20 Yaaka Petelo aotepele ndee, Paaka bensongo (faanga) be wu beponde ndiemo la wu! Ibango otangela wue obongo mbae ikapo lika Wangi la bensongo (faanga). \v 21 Ntombia yeti, la pe eteni le lobo lone ye, ibango bobonda bo wu ntabonge kweli oko beso baka Wangi ye. \v 22 Ngako kalomolaka bobonda bo wu boyime oko lobo lone lo bobe, pe botitiaka ok'ole Nkolo laape itangeli line lil'oko bobonda bo wu lingokosawuela. \v 23 Ibango nyene mie awu ol'oko bololo boka lonyongu pe oko balalo baka bobe.

08/24.txt

@@ -0,0 +1 @@
+Yaaka Simona aokalole ndee, Nyo bobotitie ok'ole Nkolo l'itina li mi nyoe nkia lobo lomo oko line bisa nyo botepela ntaenkitelake!

08/25.txt

@@ -0,0 +1 @@
+\v 25 Ngako eki ntomwa basoseya botato pe ndakalaka iyoyi lika nkolo, bayitie oko Yelusalema pe balakake nsango dilo oko nza wuke bi Solomono.

08/26.txt

@@ -0,0 +1 @@
+\v 26 Ntomwa eka nkolo atepele Pilipo ndee, Yumwaka pe lekaka la lowu oko ntundu le ngele oko mboka etulwa oko Yelusalema la nse oko Gaza, oko ndieko le polele. \v 27 Ayumwe pe ase la londe. Wele bomo bosi Etiopia l'okoliki ekobe, boto lonene botii boka Kandake nkumu le weto le Etiopia, boto lokokosiaka bensongo (faanga) be nde benkuma, asake oko Yelusalema la mbotitia; \v 28 pe aliki oko mboka le bayitielo. Aliki anse oko liko li ikalo li nde pe atangake bokanda boka bobambi yesaya.

08/29.txt

@@ -0,0 +1 @@
+\v 29 Elimo atepele Pilipo ndee, leka osoyetwe oko ikalo liko. \v 30 Ngako Pilipo ase oko la lobango, pe aoyoke mbo bika bobambi Yesaya, pe atepele ndee, Owuta mbo bi tanga wu itina? \v 31 Atepele ndee, Laa boto ntandibweli bio itina ye, ngoyosono la nzeba-yeba ngamoni? Ngako abesie PIlipo ndee asangeme anse ndia nde ndiemo.

08/32.txt

@@ -0,0 +1 @@
+\v 32 Elamoli le bokanda boki nde ayakotange eliki ngane, Abelwe oko ndie le bodiakelo nkonga mbata, nkonga wana lo mbata aliki totolo oko ntondo eka bokololi bo nde bo bioso, ngako ntalipola munya bo nde ye. \v 33 L'itina lika bototie bo nde, botendi bo kweli boboyuake ok'ole nde boyo nani longolimbola l'itina lika ibotwa li nde? Ibango losio lo nde lososia oni nse.

08/34.txt

@@ -0,0 +1 @@
+\v 34 Lo lokengi atepele Pilipo ndee, Ontepelake, bobambi bone atepela ngane l'itina lika nani, l'itina li nde nkika la pe l'itina lika boto onkina?\v 35  Pilipo alipole munya bo nde, pe abange la lio isono liko, pe aolakake nsango le dilo eka Yesu.

08/36.txt

@@ -0,0 +1 @@
+\v 36 Eki bo basakokende oko mboka, bayie oko losi lomo, pe lokengi atepele ndee, Sondenda mi! Lobo lina be lo nkambia mi nyinwa? \v 37 Pilipo aotepele ndee, Laa osoyamba la bobonda bonkuma, obongo.  Aokalole ndee, nzamba mie Yesu Masiya ale wana oka Wangi. \v 38 Ayemie ikalo, pe bo banswapele bakitele oko losi, la Pilipo, la lokengi, pe aoyine.

08/39.txt

@@ -0,0 +1 @@
+\v 39 Eki bo basoduwua oko losi, Elimo eka nkolo apose Pilipo, pe lokengi ntaoyitia nyene-yene ye, yaaka ase nza le nde la nyinga. \v 40 Yaaka pilipo ayenele oko Azoto, pe asakokende oko nza binkuma la ndaka-laka nsango dilo kuu nko oki nde ayie oko Kaisalia.

08/title.txt

@@ -0,0 +1 @@
+Bokapo 8

09/01.txt

@@ -0,0 +1 @@
+\v 1 Yaaka Saula lelo ayangelake bayeki baka nkolo nko biango be iwa. Asake ok'ole engambi e nkanga, \v 2 pe aoyubole bekanda l'itina lika bikinda bi Damaseke, l'itina ndee onkeni longa nde aba oko bikinda biko eyale weto, eyale wele, ayosono mbute bo pe aabele oko Yelusalema.

09/03.txt

@@ -0,0 +1 @@
+\v 3 Oki nde asakokende, ayie mpika la Damaseke, pe nsasi bi yima oko liko biokesele mbala emo. \v 4 Akite oko nse pe ayoke iyoyi liotepela lioe, Saula! Saula! Te onyokolo mi bokobo be?

09/05.txt

@@ -0,0 +1 @@
+\v 5 Saula atepele ndee, Te awu nani, Nkolo?  Nde pe akalole ndee, mi Yesu ene le nyokolo wu; \v 6 yaaka yumwaka, yotwaka oko nza, pe bangokotepele lobo lobongo wu la nkela-kela. \v 7 Yaaka bele bene bekosakokende la nde bayemalake nko minya nsinama. Bayoke lio iyoyi liko yaaka ntayene kia boto ye.

09/08.txt

@@ -0,0 +1 @@
+\v 8 Saula ayemale, oki nde asolipola beso, ntayene nkia yemba ye, baowute oko lobo, pe baobele kuu nko Damaseke. \v 9 Aliki ako nsio bisato nyene-yene ye, ndekeleke ye, mina-mina pe ye.

09/10.txt

@@ -0,0 +1 @@
+\v 10 Boyambi bomo aliki ako Damaseke lina li nde Anania. Nkolo aotepele yima oko boyenelo ndee, Anania! Nde pe atepele ndee, mi mione, Nkolo. \v 11 Nkolo aotepele ndee, Yumuaka, lekaka oko bongala botolwa lina Alima, osoyalole boto lo Talasia lina li nde Saula, oko lowulu loka Yuda, ibango abotitia, \v 12 pe akosoyene wele bomo, lina Anania ayaka mbute nde oko beso l'itina ndee ayene lonkina.

09/13.txt

@@ -0,0 +1 @@
+\v 13 Yaaka Anania akalole ndee, Nkolo nsakoyoka mbo l'itina lika wele boko, oko minya beka bato wuke, mbo wuke bi bobe bisa nde akela ok'ole bakolami ba wu oko Yelusalema . \v 14 Ane pe alia bonkumu bo yima ok'ole bingambi bi bankanga la mbute bankumela bane babesia lina li wu. \v 15 Yaaka Nkolo aotepele ndee, leka la lowu, ibango nsakoosolo ndee la mbele lina li mi ok'ole biwumo, la pe oko bankumu, pe ok'ole bana ba Yisalaele. \v 16 Ibango mi ngoolakia nde mbo wuke bibongo nde nzoke mbabali la bio, oko lina li mi.

09/17.txt

@@ -0,0 +1 @@
+\v 17 Anania ayumwe pe ayotwe oko lowulu loko, asangie Saula babo, pe atepele ndee, mbale Saula! Nkolo, nde Yesu l'ekoyenele la wu oko mboka eki wu oyake, antomili nde ndee oyene lonkina pe onyote la Elimo le Tee. \v 18 Biemba nkonga mposo bi nsi bikite tataa yima oko beso ba nde, pe ayene lonkina. Ayumwe pe ayinwe, \v 19 ale pe ile, abae wembu. Ayale bana nsio ndia bayambi ba Damaseke,

09/20.txt

@@ -0,0 +1 @@
+\v 20 pe ayotwe oko bekosamelo tataa la ndake bato ndee Yesu, nde ale wana oka Wangi. \v 21 Bato bankumela bakooyokitiaka bakabake pe batepele boe, Te one mbali bonyokoli boka bankumela bakotoloko lina line oko yelusalema? Asoya pe ane nko la wango bo mbute bo pe la mbele bo ok'ole bingambi bi bankanga? \v 22 Yaaka Saula anyote la nguya, pe alakiake polele ndee Yesu, nde ale Masiya, ngako Bayuda bane bakoliki oko Damaseke ntaayosonoko nkalola ye.

09/23.txt

@@ -0,0 +1 @@
+\v 23 Eki nsio wuke bisoleka, Bayuda bakakosie la wango bo ndiake nde, \v 24 yaaka boyeli bobo boyebane ok'ole Saula. Bakengeke bikuke bi nza la botio la wane, la wango boe baodiake, \v 25 yaaka bayambi baotulole oko botete la botio oko ikusu li bipele bi nza.

09/26.txt

@@ -0,0 +1 @@
+\v 26 La mbis'eko, ase oko Yelusalema, pe akekake nkosama ndia bayambi, yaaka boankumela baomangake ibango ntabayambake boe ale boyambi. \v 27 Yaaka Balanaba aopose pe ase nde ok'ole ntomwa pe aatepele nde Saula ayeneleke ndia Nkolo oko mboka, pe ndee Nkolo aotepele pe lonkina ndee Saula alakake lina lika Yesu la nguya wuke oko Damaseke.

09/28.txt

@@ -0,0 +1 @@
+\v 28 Ngako aliki ndia bo ndiemo oko Yelusalema, nzotwa pe la mpaswa, \v 29 pe alakake lina lika Nkolo la nguya wuke. Ayokake pe akelake biango ndia Bayuda bane bakotepelake iyoyi lika Ba-Ela. Yaaka bakekake nko la ndiake nde. \v 30 Eki bambale basoyeba ngako, baobele oko Kaisalia, base la nde kuu nko Talasia.

09/31.txt

@@ -0,0 +1 @@
+\v 31 Ngako totolo eyoyalaka oko Ekinda ntundu binkuma bi Yuda, la Galilaya, la Samalia. Bakembake pe bakendeke la bomo ok'ole Nkolo pe la bosungi boka Elimo le Tee, pe bafulake. \v 32 Petelo asakokende oko nza binkumela, la mbisa ayie ok'ole Bakolami bakoyalaka oko nza lina Luda.

09/33.txt

@@ -0,0 +1 @@
+\v 33 Atane boto omo ako, lina li nde Enea, bokatatali bokolambaka nk'oko ntange mpela mwambi. \v 34 Petelo aotepele ndee, Enea! Yesu Masiya akobikia wu! Yumwaka oyite lokalanga lo wu. Ayumwe tataa. \v 35 Bankumela bakolambaka oko Luda pe oko Salono baoyene pe bakalomole bebonda ok'ole nkolo.

09/36.txt

@@ -0,0 +1 @@
+\v 36 Boyambi bomo ayalake oko Yapo, lina li nde Tabita, kalomo loe Doluka. Nde aliki boto lo bisali bi dilo pe apake bakapo ba isei wuke. \v 37 Oko bio nsio biko akone wale pe awe. Baosose pe baotamie oko nsamba le liko le lowulu.

09/38.txt

@@ -0,0 +1 @@
+\v 38 Yaaka Luda eliki mpika la Yapo, ngako eki bayambi basoyoka boe Petelo ale oko Luda, baotomie bele bepele la mbotitie nde boe, Ntoyalake edie, yaka oni ole so! \v 39 Petelo ayumwe pe ase ndia bo loselele. Eki nde asoyia, baobele oko etei le nsamba le liko le lowulu. Beto bankuma basakolela balaka baliki ndiemo boa nde balelake, pe baolakiake benkto, la bakasaka, la bisenda binkumela biki Doluka akekake ngeng'eki nde aliki ndia bo.

09/40.txt

@@ -0,0 +1,4 @@
+\v 40 Yaaka Petelo aapasole baonkumela oko bosale, akukeme la babolongo pe abotitie. La mbise ayelele ebembe pe atepele ndee, Tabita! KUndwa! Weto alipole beso ba nde pe eki asoyene Petelo, akatike anse. 
+\v 41 Petelo aopa ikanzo, aoyimie pe abesie Bakolami, la beto basakolela balaka, pe aayambie weto la lokeno komoso. 
+\v 42 Lobo lone loyebatanake oko Yapo enkuma, pe bato wuke bayambele Nkolo. 
+\v 43 Petelo pe ayale yembe ngengo le wuke oko Yabo oko lowulu loka Simona bo mposo bi nyama. (bikoto).

09/title.txt

@@ -0,0 +1 @@
+Bokapo 9

10/01.txt

@@ -0,0 +1 @@
+\v 1 Oko Kaisalia wele bomo, lina li nde Kolonelio aliki; nde kapiteni le poloto le basoda bakobeswaka Baitalia. \v 2 Aliki boto lo mbotitia pe alotake Wangi, la nde la bato ba nde bankumela. Apake bato bakapo ba isei wuke, pe abotitiake ok'ole Wangi ngengo binkumela.