See in Reader
1 line
1.4 KiB
Plaintext
1 line
1.4 KiB
Plaintext
\v 14 Gɔ́ɔgɔ aŋa moɔnɔ́ bahɔ a ŋgaá go úhúné buisí a amɔ́: "Buimée bɔ́ɔbɔ, bó dúfenye ɛkádɛ́ o? o mo gundie ga amɔ́: Na ombɔ́gɔ yɛ́hɛ́ yá bogaaga, Kanɛ Mesúge a mba có húmíe naá gɛdɔŋɔ gá Egíbítene, naá nnyaŋá ya boɔlɛ́; \v 15 kanɛ́ aŋa Falaɔ́ŋɔ a mbaá lɛ a dɔ́bɔ a lelenye odɛ́má yɛ́hɛ́ goŋaá a dɛ có dɛ́ɛ́ná dɛ ɛ́da, Kanɛ Mesúge go fúugie moɔnɔ́ uŋkimée ba busío go bébíene naá gɛdɔŋɔ gá Egíbítene, a bayɛga ba busío go bébíene naá batɔ, gó ɛ́da húme naá ba busío go bébíene naá nnyama. Go busío moánɛ gɔ́ɔ páananamɔ́ Kanɛ Mesúge go gɛbáágá, gɛnɔ́mɔtɔ́ giimée gá busío go bébíene, páŋana moɔnɔ́ ba busíio uŋkimée go bébíene naá bahaŋa bámɛ." \v 16 Bó ná bɛ́ɛmba gieninye naá ombɔ́gɔ yáhɔ, gɔnɔ́ aŋa bieninye bá nobɔ́lɔ naá oʼíso yáhɔ; goakɛ́, na ombɔ́gɔ yɛ́hɛ́ yá bogaaga gɔ́ɔ Kanɛ Mesúge a mbaá có húmíe naá Egíbítene. \v 17 Aŋa Falaɔ́ŋɔ a mbaá dɛ́ɛ́ná boɛ́nɔ go dómba, Asaŋa a lɛ́ kanɛ go bó indie naá pɛ́ ya gɛdɔŋɔ gá Befilisitine, gɔgɔ́ akɛ́ aŋa yɛ́ mbaá lɛ pɛ́lápáŋɛ́; goakɛ́ Asaŋa a amɔ: "Boɛ́nɔ bó mbaá lɛ bá békikilidie odɛ́má, bó gunde na nnyimé naá Egíbíte naá go ɛ́na gá bidé." |