\v 3 Mósɛsɛ go bólɛga gaayá gá Asaŋa: kanɛ́ Kanɛ Mesúge go mo dɔ́ŋɛnɔ naá mmoɛná ya ogɔndɔ, a amɔ́: "Náana gɔ́ɔ o gaá ná gálágáláa na nnyaŋá ya Yɔ́kɔbɔ, o gɔnɔ go oyana baaná bá Ɛ́sɛlahɛ́ɛlɛ go amɔ́: \v 4 "No lɛ́ ɛ́náalú aŋa ndɔ́mɔ́ ŋaáalú batɔ bá Egíbítene, na nɛɛ́nɛ ndɔ́mɔ́ nyó bádóɛ́gɛ́náalú naá bɛbaga bá ɛnɔŋɔ, mbúú úlé nabɔ naá yɔmɔ́ɔ. \v 5 Godɔ́ɔdɔ, no amɔ́ no ɔ́bɔ ukelú yámɛ, no beŋe gɛlada bugúle gámɛ, no ná bɛ́ɛmba boɛ́nɔ bámɛ naá mɛɛ́nɔ miimée, goakɛ́ cí iŋkimée ɛ lɔ́mɔ́ yamɛ; \v 6 no ná bɛ́ɛmba go busío bámɛ bufuŋe bá bedúmbí bɛbáágá naá Asaŋa, gɔnɔ́ gɛdɔŋɔ gimmúmpúu. Dogálɔ dɔ́ɔdɔ o háananamɔ́ go oyana baaná bá Ɛ́sɛlahɛ́ɛlɛ dɔ́dɔ́ɔ." \v 7 Mósɛsɛ go nco gunde, go dɔ́ŋɔnɔ bafɛanɔ́ɔ bá boɛ́nɔ, go bó dúmbinye dogálɔ duimée dɔ́ɔdɔ, gɔgɔ́ aŋa Kanɛ Mesúge a mbaá mo lɔsɔ́nɛ́nɔ́ɔ.