\v 13 Akwiza kwawa akamanguzi kuno inkhwale azyiza nu kwizula pano palinji ivisakasa. Akatondotondo inganda ayiliwilizya pa visakasa. \v 14 Pano inganda yapisile, palyanye papela pa lupalang'ang'a piza pawa itunthu ngati a utuvibama utuswepe. \v 15 Pano awanthu wa Izirayeli watuweni, watili wonga ku muwuye, ''Wuzye atwani too?'' Watamanyile ukuti twalinji a twani. Mose atili kwe woliwo, ''A mukate wuno e Yawe apile mwemwe ukuti muwalya.