Sat Sep 26 2020 17:00:39 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Bǝ ɓa yivǝ Yesu kristi; nə fih deu utanla kəlei muasem vou. Leinənə chuesə susueni. \v 2 Yohanna  nabi kubi və Fih, tansa biagang nə Yeso klristi, lei nəngnə kpəmha uɓanə. \v 3 Biagang ɗji kulei vənə də zam ɓei wuii,ɓaleivənəha də liirə bi ɓan'yvi, ɓaleivənə də ngarə kə nəngvinə tangseu  ni. Bisə nvii ɓə bapping.

01/04.txt

@@ -0,0 +1 @@
+\v 4 Yohann, takə səlei komfih nə hywii'iu tangsa Asiya: Biagang kuɓai ɓakə ɓai ta'nvəfih sə yivənə susueni, ɓai yivənə də wurə chua, ɓai yivənə wurə, tangsa lei kwang nə hyuii'iu bəkurə vou. \v 5 Sə Yeso kristi, yivə nabi agang kunəng, yivənə iinachi tangsa leivə ɓwiirə, yivənə mualei yivah fangwam kukənə. Takə sə yivə də yiɗi ɓi lo nəng-aɓaiɓi ɓain hwuii. \v 6 U maɓi kə vah angah, yivangah tangsa Fih davou-bi'agang ɓai samɓai ji ɓai'ukə tənkrə.Amin.

01/07.txt

@@ -0,0 +1 @@
+\v 7 Aɓa  dəu wurə ɓalein chii; lei nəngha ɓaunɓa, ɓalei vənəha də  gɓadang bə chue nəng-aɓai. Lei hyua nəha fangwam ntata bivou. ẽẽ, amin. \v 8 "Mikə nachi ɓai chichua", ẽnlee fih, yivənə u susuenə, ɓai  nachi, ɓai yivənə də wurə, tangsa garə vou."

01/09.txt

@@ -0,0 +1 @@
+\v 9 Mi, Yohanna-hyuii ɓa yivənə də chue yiɓai ɓai vah-angah   ɓai  muyan tangsa Yeso-tangsa hyuanə də ɗukə Patǝmo bisə bivə fi  ɓai  bi agang nə ku Yeso. \v 10 Mila tangsa kwang viivə Fii. N'lii chua wuii ɓamang chombwa. \v 11 Ei na'a, " A vẽẽ nəngnə a ɓa tangsa ɗǝrenwol, yang a dǝkə lei kom fii nǝ hyui'iu-tangsa hyua Afisu, takǝ Smyrma, takə Perghamum, takǝ tiyatira, takǝ Sardis, takə Philadelphia ɓai Layodisiya."

01/12.txt

@@ -0,0 +1 @@
+\v 12 Nmyem  ɓa wuii watsing dǝ nambii, nǝngɓǝng myem nɓa lei ɗua agarǝ ni hyuii'iu. \v 13 Tangsa ɗua agarǝ ɓi nɓa yi yivǝ, ya nəng yasǝ viila wukǝ kukabu, ɗuaɓǝ ga eingyaung.

01/14.txt

@@ -0,0 +1 @@
+\v 14 Ku ɓai ɗɀamku kavou ɓamang munǝng'ii-vou ɓamang  mǝngnǝn yuatei, nəng ɓamang lyem ɗua. \v 15 Nwanǝng hyuabu dǝ hyuim ɓamang kaɓi, ɓamang kaɓi anǝ ei myem mu kafu nǝ, wuiiu ɓamang mǝngnə dǝ eirǝnǝ. \v 16 U muan ɖjin hyui'iu nau analee, ɓai muam nwau lemla nina'iu dǝ ii tangsa nwau. puachiu dǝ hyuim ɓamang ɗuafii  nǝ dǝ bua tsala nǝ.

01/17.txt

@@ -0,0 +1 @@
+\v 17 Nǝn ɓaukǝ nǝ, n'ochiu ɓamang yivǝnə ɓuinə. U ɗji nau analee kum nǝngɓǝ u na'ah, " Bi aɓiɓinka. Mikǝ nachi mikə chichua, \v 18 yivənə kunə u ɓuɓuii, amma aɓa min ku ha ntakərə! Mila ɓai  nǝng ɓai nwakom ɓua ɓalei tsaku.

01/19.txt

@@ -0,0 +1 @@
+\v 19 Manngɓǝng, a vii nǝngnǝ a ɓanǝ, nɓatsing susueni, nɓang wu nala chua ani. \v 20 Kasǝ bi anǝ hyuehyuerǝ tangsa jing nǝ aɓa nam a nalee ni, ɓai ɗua nǝ aɓa hyui'iu: Nɖjing  nǝ hyui'iu nǝ nlei malaika hyui'iu tangsa kom gu Fii, lei ɗua nǝ hyui'iu nǝ leikǝ kom gu Fii.

02/01.txt

@@ -0,0 +1 @@
+\v 1 Takǝ sǝlei malaika tangsa kom gu Fii nǝ Afisu viikǝ: Nǝngnǝ kǝ bivǝ yivǝnǝ mua lein ɗjin tangsa nau analee ɓai yivǝnǝ dǝ ho tangsa lei ɗua zinariya  hyui'iu, \v 2 " N'ibǝ nǝngnǝ ɓa chuai ɓai nwatsum samɓei ɓai munyãã. N'ibǝn ɓabaɓa ji nyinyi ɓa sǝlei chue nǝng-abai. N' ibǝn ɓa nyi leivǝnǝ eina'ah lein leivǝ ta tsum vǝ fii, lein lei leu, ɓa ɓalein lein leivǝ nwa'iu.

02/03.txt

@@ -0,0 +1 @@
+\v 3 N'ibǝn ɓala ɓai muyang, ɓa chue yiɓai wanǝ bisǝ iim, biɓa ɓiɓinka. \v 4 Hyuam dǝ ɓairǝ bisǝ ɓa yi bǝ yiɗi bǝɓa nachi chua. \v 5 Ba kem manǝngɓǝng bǝnǝ ɓa olanǝ. Ba tubi ɓa chuei nǝngnǝ dǝɓa chuerǝ nachi nǝ. Nǝ ɓa tubi ,leun, min wu  min iikǝ ɗuanǝng dji tangsa ɓaini.

02/06.txt

@@ -0,0 +1 @@
+\v 6 Amma ɓala ɓalei nǝngnǝ: Hyua ɓa dǝ ɓai sǝlei nǝngni Nikolatiya chue nǝ, langɓǝn yiɗi leu. \v 7 Yiivǝnǝha la ɓai ɓwacuii lii nǝngnǝ kwang dǝ nakǝ lei kom gu Fii la. Leivǝha chue agang min dǝlei larǝ ein tang tangsa kanǝ la ɓai hurǝ, nǝ vavǝ Fii ni.""

02/08.txt

@@ -0,0 +1 @@
+\v 8 Takǝ sǝlei malaika nə kom gu Fii tangsa Smyrna ñvii, " nəngnəkə bivǝ Fii, yivǝnǝng ukə  naci ukǝ cicua, yivǝnǝ ɓuii ĩ tangsa ɓua. \v 9 N'ibən dǝɓa nwa yiɓei, amma ɓan leivǝ nwaɓi. N'ibǝleivǝnǝ dei na'a lein lei Yahudawa nǝng. amma  lein leileu. Lein lei dǝ bgarǝ kǝ mun,kuluim.

02/10.txt

@@ -0,0 +1 @@
+\v 10 Biɓa ɓiɓi kan tangsa  nǝngnǝ taɓan cue yiɓei sunǝngka. Ɓaɓa! munku.lum de yiɗi bǝ taakǝ .lei vaka kǝ bursǝna hyang dokǝ u nyiɓa, yang dokǝ ɓa chue yiɓei tangsa buni hyua. Ɓa tsani ɓa dǝ biagang wukǝ viinǝla ɓan ɓuikǝrǝnǝ, yang mkin d mhur anǝtǝngkǝrǝnǝ. \v 11 Yivǝnǝha la ɓai ɓuacuii un lii nǝngnǝ kwang dǝ nakǝ lei kom gu Fii. Yivǝnǝha ĩtangseu yang u  ba'u lii zhǝǝrǝu tanghsa ɓuirǝ a nǝng na'iu.""

02/12.txt

@@ -0,0 +1 @@
+\v 12 "A vii kǝ lei malaika nǝ tangsa kom gu Fii nǝ Birgamas manǝngni, nǝngnǝ kǝ bivǝ Fii  nǝ la ɓai nwamauam na'iu. \v 13 n'ibǝnǝ dǝɓa kulang, bǝnǝ langɓǝ munkulum kula. Amma mua nasǝ iim tsala. Ibǝn ɓa mua  nasǝ biagang ɓaib tanghsa viivǝ Antibas yivǝ nabiagang mi, leiva gang minǝ eihya tangsa ɓaini bǝɓǝ munkulum kula.

02/14.txt

@@ -0,0 +1 @@
+\v 14 Lei nǝngla nliilarǝ leu ɓai makǝ, mala ɓalei vaka la dǝ mua  bǝ nyinasǝnǝng vǝ Blil'amu tsala, nǝn u nyinala ka Balak nǝ ulei tei ɠɓabu ci leiva Israilanǝ, yankǝ ei tangnǝngtang nǝ ei dǝkǝ (gumaka) yang ei chue hyua. \v 15 Manǝngɓǝng, leivakala mjua bǝ nyinasǝ nǝng vǝ Nikolatawa tsala.

02/16.txt

@@ -0,0 +1 @@
+\v 16 Manǝngɓǝng, ɓa tubi! Nǝ nalang min wu ɓai yemrǝ  sǝmai min taɓuii aleikǝ ɓai ɗuakǝ tangsa nwam. \v 17 Yivǝnǝla ɓei ɓuacuii ulii nǝmgnǝ kwang dǝ nakǝ lei eklishiya la nǝ! Yivǝnǝha cue takǝrǝu yang min deu nǝng-agang, lanfǝ min deu htei avou ɓai iin afuh ei nvii kutei, iinɓǝ yivǝka yaung ibǝu, yivǝ ɓuasǝu dǝ biagang sǝuni.""

02/18.txt

@@ -0,0 +1 @@
+\v 18 Takǝ sǝlei malaika tangsa eklishiya Tiyatira nǝ, vii ; lei nǝngnǝ ,kǝ bivǝ yi Fii, yivǝnǝ la ɓai  nǝng man lyem ɗua, kabu ɓaman ɓii a hyumrǝ. \v 19 N' ibǝnǝngnǝ ɓacue nǝng: Bǝ yiɗibǝɓa ɓai bi'agangɓa ɓei bǝ dǝku ɓai munya ɓa. N' ibǝng nǝngnǝʋɓa cue susueni pei anǝ naci nǝng.

02/20.txt

@@ -0,0 +1 @@
+\v 20 Nǝnglang liikǝlarǝ ɓai makǝ leu: Dǝman ɗǝ munya ɓai yiheinǝ kǝ Jezebel, nǝ dǝu ɗuku kǝ yivǝ ta nswacum. Tangsa bǝ nyinasǝnǝng vou u ƒǝm leivǝm ,myemkǝ leivǝ cue hyua yang ei tangnǝngtang nǝ ei hyuii kǝ (giumaka) la. \v 21 N'deu vii nakǝ u tubi, uu yiɗi  bǝ tubio rǝleu tangdsa nǝngaɓai vou.ɓ

02/22.txt

@@ -0,0 +1 @@
+\v 22 A'lee! min wau ku nǝngluerǝ nǝngzhee, yang leivǝnǝ lueɓeukǝnǝ eincue yiɓei wanei, seinǝ eitubi tangsa nǝng-aɓai ɓaukǝnǝ. \v 23 Min gɓa leihyuii ɓei ɓua min hyarǝ, yang deukǝ lei eklisiya ibǝ mikǝ yivǝnǝ ibǝ kembi ɓei nyi-nyi. Min dǝ kowani yivǝ bisǝ nǝngnǝ ucuenǝ.

02/24.txt

@@ -0,0 +1 @@
+\v 24 Amma wukǝsǝ niuɓanǝ tangsa hyua Tiyatira, Yivɛnǝha muabǝ nyinasǝ nileu, ɓaleivǝnǝ ibǝ nǝngnǝ deɗukǝ nwacum vǝ munkulum leunǝ-Dǝmin naɓala, ndzǝɓa yiɓei akala kuɓaiu'. \v 25 Tangsa nǝngah aka fa, ɓa muanasǝ biagang ɓai htsaladeukǝn wu.

02/26.txt

@@ -0,0 +1 @@
+\v 26 Yivǝnǝha mua biagang  vou tsala yang cue nǝngnǝng cuenǝng wukǝ tǝnkǝrǝun, u min  deu samɓai fangwam ha. \v 27 Unmualeina ɓei kana ɓii, ɓaman sem hua un ualei tangsa hai cua-cua; \v 28 yadda Dam dǝmkǝnǝ, mima min deu djing a nwadjuaɗi. \v 29 Yivǝnǝ la ɓai ɓuacuii linǝngnǝ kwang dǝ nakǝ eklisiya lanǝ,

03/01.txt

@@ -0,0 +1 @@
+\v 1 Takǝ sǝlei malaika nǝ eklisiya Sardis ni nvii: Nǝngnǝkǝ bivǝ yivǝnǝ mua kwangh ni hyui'iu avǝ Fii ɓeilein djing nyi hyui'iu," N'ibǝ nǝngnǝ ɓa cue nǝng. Bǝniɓa hyin wanǝ nǝngɓǝ cue ɓala ɓei hunrǝ amma ɓa ɓuiin, \v 2 Ba'i ɓa cue nyiu nǝngɓǝ, bisǝ u bappi bǝ ɓuirǝn. bisǝ n'ɓa nwacum ɓaɓa tǝnkǝleu ci Fi.

03/03.txt

@@ -0,0 +1 @@
+\v 3 Ɓa kem, leinǝngnǝ ɓa mua nǝ ɓa leeha. Ɓa deu garǝ, ɓa tubi. Nǝfǝ ɓa ileun yang, min wu ɓamang leinǝng innǝng, Ɓa baɓa ibǝ viinǝ min wuɓa kǝlau. \v 4 Dǝmin naɓala innlei vaka la kpawau tangsa Saridis leivǝnǝ nǝngyasǝ vei cue ɓisǝ leu. Ein hocuahai ɓeimkǝ, ein yanǝngyasǝ avou, bisǝ lein leiva agang.

03/05.txt

@@ -0,0 +1 @@
+\v 5 Leivǝnǝ chikuleinǝ lein ein yanǝ yasǝ avou, nba ɓankǝ iunn tangsa ɗǝrenwol a hurǝ wau, min na kiunn kǝ damla ɓalei malaikuvou. \v 6 Yivǝnǝha la ɓai ɓuacuii leenǝngnǝ kwang dǝ nakǝ lei eklishiya la."""

03/07.txt

@@ -0,0 +1 @@
+\v 7 takǝ sǝlei malaika nǝ tangsa eklishiya nǝ Filidefiya in vii: ''Nǝngnǝ bivǝ yivǝnǝn ukǝ garǝ ɓei biagang-umjua nǝngɓeinvwakom vǝ Dauda, uɓai yivǝka yaung lamrǝ, ulam yivaka jyaung ɲlamrǝ. \v 8 N'ibǝng nǝngnǝ ɓa cue nǝng, n'lei chi ɓai nwakom a ɓairǝ hyivǝ yaung n'lamrǝ, n'ibǝn ɓala ɓei samɓei a chuoni, amma dǝɓa muakǝ (girmamawa) bim n'tsa'nwa inyǝm leu.

03/09.txt

@@ -0,0 +1 @@
+\v 9 Baɓa leivǝ ɗji nyilei sǝkom gu Fii vǝ munkulum, leivǝ a lein Yahudawa lanfǝ lein leu, deki nangnwa'iu ha. Min cuelei einwu wei baɗuang lei hyua chiɓai, yang ei wu wein ibǝ dǝmin yiɗi ɓa. \v 10 (Tunda) nǝɓa mualei bǝ dǝ nwayang ɓa kukurǝ munya, mima min muaɓa na hyinla tangsa bǝ ƒǝmbǝ ni dǝ kulei vǝnǝng  avǝ fangwam nǝ. \v 11 Dǝmin wurǝ ssusueni. Ba mua nǝngnǝ ɓala ɓeukǝnǝ tsala, yang hyivaka yaung n'ɗǝ naɓaiu.

03/12.txt

@@ -0,0 +1 @@
+\v 12 Min chuei yivǝnǝha tan (nasara) tangsa bǝ gu Fim yang, u ba u ieu yilau. Min vii ku iying Fimku, iying vah angah vǝ Dam (Urshalima afuh, nǝ wu ɗuiye sǝ Fii), ɓai inying afuh. \v 13  Yivǝnǝ mha ,la ɓei ɓuacuii lee nǝngnǝ kwang dǝ nakǝ lei eklishiya lanǝ.""

03/14.txt

@@ -0,0 +1 @@
+\v 14 Wukǝ sǝlei malaika nǝ tangsa hyua Layodikiya ni vii: Nǝngnǝ kǝ bivǝ ngwang, yivǝnǝ nawa'iu ɓei bǝ  nabi agang kunǝng, ɓei yivǝ muakunǝngnǝ Fi manǝ. \v 15 N' ibǝ nǝngnǝ ɓa  cue  nǝng, ɓa lǝlla leru ɓa tǝta'nh leu. N' yiɗi ko ɓa tǝta'nh ko ɓa lǝlla! \v 16 Nǝng nǝ cue nǝ a dzi nǝngtangsai, ɓang lărǝ lǝu fǝn ntarǝ lǝu, min ɗəmɓan ɗem nwam.

03/17.txt

@@ -0,0 +1 @@
+\v 17 Ana nǝma, 'nǝng ci nǝng ma la, le nǝng ci nǝm kpa ing, ng gwa nǝng a ka lǝu.' A ibǝ lǝu man yivǝ nǝ nǝng ma kpam yaun nǝ, yiɓai ma kpa ing, man yivǝ nǝ nǝng ma yaun nǝ, man yivǝ nǝng gbamnǝng, nyi ma lueng fǝm. \v 18 A kan cui ma li bim: A lyia tai hwyimrǝ nǝ ei mamarǝ nǝ kanam, yang ka mem kǝ yivǝ nǝng ci nǝng, ɓai le nǝng'yasǝ a vǝu, yang ka kikǝ bwa'nyi ma bi sǝku muangka, ɓai djikwain ka fie nǝng mai ka ɓabǝ ɓai nǝngma.

03/19.txt

@@ -0,0 +1 @@
+\v 19  Yivǝnǝ ha dǝmin nyi, uɓǝ dǝmin nyiu nasǝ nǝnga kurǝ. Nǝ manǝngɓǝng, a cue kagan a mem. \v 20 A ɓǝ, ng djila nwakom dǝmin gba nwakom ɓǝrǝ. Nǝ yivǝnǝ ha li wuim nǝ ɓai nwakom yang, min wu tangva vǝu, min tang cwahai ɓaiu kǝ, u cwuhai ɓaimkǝ.

03/21.txt

@@ -0,0 +1 @@
+\v 21 Yivǝnǝ ci kung, min dǝu na ung ku cwahai ɓaim kǝ ku bǝ kurǝm, kǝ nwa mam nǝn ng ci kum ng'ku cwahai ɓai Dam ku kurǝ vǝu. \v 22 Yivǝnǝ ha la ɓai ɓwacwing, li nǝngnǝ Kwang Fi dǝ narǝ kǝ le ikǝlishiya la nǝ.

04/01.txt

@@ -0,0 +1 @@
+\v 1 Cwa le nǝngni mɓa, nǝngɓǝng ɓa ɗuiye ɓai. Wui nǝn li na'nwaci nǝ dǝ nabi ɓaim kǝ ɓaman cwumbwua, a, "A wusǝm bǝni yang kǝng tanasǝ le nǝng nǝ djwau wurǝ nǝ." \v 2 Mi tangsǝ Kwang Fi, nǝngɓǝng ɓa bǝ kura ei djǝ ɗuiye, yivaka la ku ku. \v 3 Yivǝnǝ ku ku ni u ihala ɓa jaspa ɓai karneli. Nyam la bǝ kuri ɓi. Nyam ɓǝ ɓaman emera.

04/04.txt

@@ -0,0 +1 @@
+\v 4 Bapi bǝ kurǝ ɓi le nǝngkurǝ la hyua iriu nanya, ɓa le vanga la hyua iriu nanya ku ku, ai ya le nǝng'yanǝng a vǝu, ɓa lei nǝng'baiku a hyumrǝ vai yiva. \v 5 Ku nǝngkurǝ ɓi, le hyimrǝ ɗua i bǝbi, ɓai le bwabǝ, ɓai gamvau dǝ gbamrǝ. Le ɗua la hyĩiu dǝ ngarǝ ci bǝkurǝ ɓi, le ɗua bǝng le kwang vǝ Fi hyĩiu.

04/06.txt

@@ -0,0 +1 @@
+\v 6 Ci bǝ kurǝ ɓi, gǝlass la hyumla ɓaman kristal. Bapi ɓai tangsǝ bǝ kurǝ ɓi, le nǝng aka la hurǝ lei la, nǝng lei dǝ ɓabǝ ci ɓai cwa.

04/07.txt

@@ -0,0 +1 @@
+\v 7 Tangsǝ le nǝng ni, a na'nwaci sǝu ɓamang hywia, nǝng na'iu sǝu ɓaman hĩau, nǝng nata sǝu, pwaciu ihala ɓai yivǝ, a nǝng nan'nya sǝu ihala ɓai zhĩnzhĩ nǝ dǝ yaye ni. \v 8 Le nǝngnǝ hũhũrǝ kule nan'nya nǝ, kon aka cing ha tangsǝ le la  ɓai kantsæ kǝ hyicwung, nǝng yisǝ le hyua ɓai ye kǝ. Ingvyĩ ɓai ɗuafi ei kǝi lǝu de na a, "Garangrang, garangrang, garangrang kǝ Fi ang'nga nǝ la vǝɓi nǝ ́ɓai susue nǝ, yivǝnǝ la ɓai yivǝnǝn wurǝ nǝ.

04/09.txt

@@ -0,0 +1 @@
+\v 9 Nǝ le nǝng nǝ hũhũrǝ nǝ dǝ ngarǝ, ei kă, ei nga kǝ yivǝnǝku kukai ni, yivǝnǝ ku ka'ing bǝ tǝngrǝu yaun, \v 10 yang le vang'nga ɓǝ fa bai hyua ci yivǝni ku ku kai ɓini. Ei bai hyua ci yivǝni hũhũrǝ ku ka'ing bǝ tǝngrǝ vau yaun nǝ, e ai le nǝngbǝiku yiva kule ci bǝ kuri ɓi a, \v 11 "A kem yang bǝ mua ngarǝ ɓai kărǝ ɓai tsarǝ Yicueva ɓi ɓai Fi ɓi. Ma mă le nǝng kpam, yua ma dǝ, nǝng ɓǝi fuu nǝng ɓai mă le.

05/01.txt

@@ -0,0 +1 @@
+\v 1 Nǝng ɓǝng ɓa na nali vǝ yivǝnǝ ku kukai ni, kwandjua la ei vyi nǝng ciu ɓai cwu. Ei vai le nwõ ɓalai nǝng-vai-nǝng. \v 2 Nɓa gwang malaika bǝla dǝ nabi ɓai wui tsa, "Wang ban ɓai kwandjua ɓǝ ɓa le nǝng vai nwõ?

05/03.txt

@@ -0,0 +1 @@
+\v 3 Yivaka yau tang ɗuiye ko fangwam ni bang ɓai kwangdjua ɓǝ ko zam. \v 4 Ng tata zhĩ la, yivaka yaun ei ciu nbang ɓai kwangdjua ko bǝ zamrǝ. \v 5 Yivaka tsing tangsǝ le vanga ɓi nambi a, "Bi tatang ka. A ɓa Hwiaɓ vai nwakava vai Yahuda, Yũam'nyi Dauda cikung. Ung bau ɓai kwandjua ɓai le nǝng vai nwõ hyi'iu.

05/06.txt

@@ -0,0 +1 @@
+\v 6 Ng ɓa Nǝngbungam dzi nǝngtangsǝ kakurǝ ɓai lai nǝngnǝ hũhũrǝ nǝ tangsǝ le vanga ɓǝ. Nǝngbungam ɓa ɓaman ei hyaun hyia. Le iko hyi'iu ɓai le nǝung hyi'iu; leɓi kǝ le kwang Fi hyi'iu nǝ cum tangsǝ fangwam hakpam. \v 7 Uta tau mua kwandjua nǝ na nali vǝ yivǝni kukǝ kukai ni.

05/08.txt

@@ -0,0 +1 @@
+\v 8 Nǝngbungam ɓai kwangdjua ɓǝ nǝngɓa le nǝngnǝ nang'nya hũhũrǝ nǝ ɓa lai vang'nga nang'nya fabaiciu. Kon akaha tangsǝ le mua molo nau ɓai yilang zinariya yila ɓai bǝ ngũrǝ vai vǝ vǝ Fi.

05/09.txt

@@ -0,0 +1 @@
+\v 9 A lei ɓim a fu, "A kem bǝ dǝ kwangdua nǝ man ɓai le nǝngnǝ evaikǝ nwõ nǝ. Ma ei fie nǝngɓǝ a li'a zaivǝ kǝ Fi la tangsǝ le nwa, liem, zaivǝ ɓa le hyua. \v 10 A mem le kǝ hyua ɓa le kunlau nǝng hyĩau Fi ɓi nǝ, lein mua fangwam na."

05/11.txt

@@ -0,0 +1 @@
+\v 11 Ng ɓa nǝngɓǝng li wui le malaika bapi sǝ kakurǝ ɓi ɓa le nǝngnə hũhũrǝ nə ɓa le vang'nga ɓa. Kparǝ vai hunhyĩ-hyua bǝ hyua ɓa le hunhyĩ-hyua le hunhyĩ-hyua. \v 12 Ei na ɓai wui tsarǝ, "Nǝngbungam efiu nǝ, U kem bǝ mua tsarǝng, nǝngcinǝng, yiurǝ, samɓai, ngarǝ, ɓai nkărǝ."

05/13.txt

@@ -0,0 +1 @@
+\v 13 Ng li le nǝngnǝ ha ei ma nǝ ɗuiye ɓai hyua ɓai nyi hyua ɓai ku nwãm dǝ narǝ a, "Tsǝ yivǝnǝ ku ku kakurǝ ɓai Nǝngbungam, nkãrǝ, ngãrǝ, hyĩrǝ ɓai tsarǝ bǝ muabǝ, fangwam bǝ tǝngrǝu yaun." \v 14 e nǝngnǝ hũhũrǝ nan'nya nǝ na a, "Nji mangɓǝ!" nǝngɓǝ le vang'nga fa luehyua ɓai kule nǝngɓǝi ei hyĩu bǝ.

06/01.txt

@@ -0,0 +1 @@
+\v 1 Mɓa, vie nǝ Nǝngbungam ɓǝ ɓai tsing tangsǝ le nǝngni hyui'iu avai nwõn nǝ, nǝngɓǝng  ng li tangsǝ le nǝng ni hũhũrǝ ni nang'nya nabi ɓai wui ɓaman ganvǝu a, "Awu!" \v 2 Mɓǝ, nǝnɓǝ bua ka la kavǝu. Yivanǝ pĩ bua nǝ kantãun la naun, ei dǝu nǝngmuaku. U wu un yivǝnǝ ciku kǝu cikuu.

06/03.txt

@@ -0,0 +1 @@
+\v 3 Nǝngbungam ɓǝ ɓai nǝngvai nwa a na'iu, ng li nǝng a hũhũrǝ a na'iu na a, "Awu!" \v 4 Bua kala i kahyĩ (red). Yivǝnǝ dǝ arǝ ai dǝu nwa u ɗǝ larǝ fangwam, yangkǝ zaivǝ hyia ha. Yivǝnǝ dǝ arǝ ei dǝu gwang gãfang.

06/05.txt

@@ -0,0 +1 @@
+\v 5 Nǝngbungam ɓǝ ɓai nǝngvai nwa  a nata, nǝngɓǝng li nǝng a hũhũrǝ a nata na a, "Awu!"  mɓa bua ɓi, yivǝnǝ dǝ arǝ mua le kwang na'iu kanau. \v 6 Nli nǝng'akala ihala ɓai wui tangsǝ le nǝng ni nang'nya hũhũrǝ nǝ na a, "Nǝng'nyi alkama ku dinari tsǝng, ɓa le nǝng'nyi nǝng barli nata ku dinari. Bie ɓa nauni nuĩ ɓai mǝngka.

06/07.txt

@@ -0,0 +1 @@
+\v 7 Nǝngbungam ɓǝ ɓai nǝngvai nwa a nanya, nǝngɓǝng li nǝng a hũhũrǝ a nanya na a, "Awu!" \v 8 Nǝngɓǝng ɓǝ bua ɓǝla sǝu vyĩvyĩrǝ. Yivǝnǝ dǝ a bua bǝnǝ iung Bwa, Hade muakǝ cwu. Ei dǝ le tsarǝ ku fangwam bǝ nang'nya, ai hyia bǝ ɓai hyium, ɓa vuom ɓai nǝngzhĩ ɓa le hyiam ɓǝngvu fangwam.

06/09.txt

@@ -0,0 +1 @@
+\v 9 Nǝngbungam ɓǝ ɓai nǝngvai nwa  a nahyĩ, mɓa ɓwanyi bagadi hũrǝ vaivǝ nǝ ei hyia bi bivǝ Fi ɓai bi bǝ nabi vai nǝ ei mua. \v 10 Ei tata ɓai wui, "Nkem ɗau, Yicueva kunəng kpam, garangrang ɓai ka'gang, sai na cue kita kǝ levǝnǝ la ku fangwam ni kǝ wa fa nwahem hwyĩ ɓi? \v 11 Kon wa ha tangsə le ei dǝu nǝng'yasǝ'ǝ vau, ei nale la ai'mi nala cuani sai nyile hyile le muangsam ɓale  hyile levǝnǝ ei hyile bi Fi nǝ ne hyiale ɗakǝni.

06/12.txt

@@ -0,0 +1 @@
+\v 12 Nǝngbungam ɓǝ ɓai nǝngvai nwa a hwĩtsung nǝngɓǝng ɓa hyua yǝu ɓai tsa. Fie ʤ‌ũrə mem kaɓi ɓaman zanǝng bazhĩ, fihwĩm mem ɓaman hwyĩ. \v 13 Le ‌ʣǝng nǝ ɗuiye ni o hyua ɓaman ka vai ei yanka nǝ ɗuanglǝu kǝta daidenǝ yua dǝ wõrǝnǝ. \v 14  Ɗuiye kwam ɓaman kwangʣua nǝ ei kwam-kwamrə nǝ.Le tai ha ɓalai gwam nwam yibənə le la nə.

06/15.txt

@@ -0,0 +1 @@
+\v 15 Nəngɓə le yiva fangwam, ɓale vanga, ɓale gwa le soja, levǝ nǝngcinǝng, ɓa levǝnǝ tsatsarǝnǝ, ɓai kon waha, le mongtsǝm ɓa levǝ ei yilei na nǝ ei yue bwa tai ɓa le ɓǝng tai, \v 16 ei nakə le tai la ɓa le ɓamtai a, "Ɓa o ku ɓi! Ɓa lam ɓi nǝng yivǝ ni ku kukai ni ɓai bǝ bwaci vǝ Nǝng'bungam. \v 17 Fi bǝ bwaci vai wung. Nwang ban dzirǝ?"

07/01.txt

@@ -0,0 +1 @@
+\v 1  Ci cwasǝu, mɓa le malaika nang'nya dzi nwa le lungrǝ fangwam nag'nya, ei mua le yua ni nang'nya yang bi le yua ɓǝ wang ku nwãm ko ku ka kai. \v 2 Nɓa malaika ka la i nyi dǝ wurǝ, u mua nǝngvai'nwa vǝ Fi nǝ hũhũrǝ nǝ. U tata'a ɓai wuie tsarǝ kǝ le malaika nǝ nang'nya levǝnǝ ei dǝ le nwa ei nauni hyua ɓai nwam ka nǝ: \v 3  "Ɓi ɓa nauni hyua ɓai nwam ɓa le ka kǝ, sai ne tam nǝng nwangpwaci le mongsǝm vǝ Fi ɓi.

07/04.txt

@@ -0,0 +1 @@
+\v 4 Ng li pkarǝ vai vǝ nǝ ei tam nəng nwapwaci ni: 144,000 ei tamǝng nwapwaci le nwakava vai Israila ha pkam. \v 5 hunhwĩ hyua hyua irǝu na'iu (12,000) tang nwaka va vai Juda ei van nwapwaci le, hunhwĩ hyua hyua irǝu na'iu (12,000) tang nwaka va vai Ruben ei van nwapwaci le, hunhwĩ hyua hyua irǝu na'iu (12,000) tang nwaka va vai Gad ei van nwapwaci le, \v 6 hunhwĩ hyua hyua irǝu na'iu (12,000) tang nwaka va vai Asher ei van nwapwaci le, hunhwĩ hyua hyua irǝu na'iu (12,000) tang nwaka va vai Naftali ei van nwapwaci le, hunhwĩ hyua hyua irǝu na'iu (12,000) tang nwaka va vai Manassa ei van nwapwaci le,

07/07.txt

@@ -0,0 +1 @@
+\v 7 hunhwĩ hyua hyua irǝu na'iu (12,000) tang nwaka va vai Simion, hunhwĩ hyua hyua irǝu na'iu (12,000) tang nwaka va vai Levi, hunhwĩ hyua hyua irǝu na'iu (12,000) tang nwaka va vai Issaka, \v 8 hunhwĩ hyua hyua irǝu na'iu (12,000) tang nwaka va vai Zebulun, 12,000 tang nwaka va vai Yisu, hunhwĩ hyua hyua irǝu na'iu (12,000) tang nwaka va vai Benjami ei van nwapwaci le.

07/09.txt

@@ -0,0 +1 @@
+\v 9 Cua le nǝngni nǝngɓǝng ɓa, gwang ʣung zaivǝ kpala nǝ yivǝ nǝ ban zamrǝ nǝ yaung tangsǝ le ku yua, le nwakava, zaivǝ ɓa le nwa dzi ci kakurǝ vǝ Nǝngbungam.  Ei ya nǝng'yasǝ'ǝ vau ɓa le yanka dibino le, \v 10 de ɗubǝ ɓai wui tsa a, "Yuangrǝng a Fi ɓi  nǝ ku kukakuri ni ɓai Yinǝngbungam!"

07/11.txt

@@ -0,0 +1 @@
+\v 11 Le malaika ʤi bapi ɓai kakurǝ nǝ ɓai bapi ɓa le vang'ngã ɓa le nǝngnǝ hũhrǝ nang'nya, nǝngɓ ei bǝi hyua ɓai nwaku le ci kakurǝ ɓi. Ei hwĩun Fi \v 12 a, "Dzing mangɓǝ! nkãrǝ, yiurǝ, bǝ dǝ nkãrǝ, hyĩrǝ, tsarǝ ɓai samɓai a vǝ Fi ɓi ka'ing ka'ing! "Dzing mangɓǝ!

07/13.txt

@@ -0,0 +1 @@
+\v 13 Yivaka tangsǝ le vang'nga ɓi ɓim a "Lewa yanǝng kavau ne, ei i lampa? \v 14 Ng nau la, "Baba, ma ibǝ," nəngɓəu namla a, "Leɓi kə levənə wu tangsə yiɓai ang'nga ni. Ei lo le nǝng'yasǝ vai mem kavǝu ɓai hwyĩ  Nǝngbungam.

07/15.txt

@@ -0,0 +1 @@
+\v 15 Nǝngnǝ cue ei ji ci kakurǝ vǝ Fi de nkãurǝ ingvĩ ɓsi ɗuafi nwakom Fi. Yivǝnǝ ku kakurǝ ni un lamble bai ngãrǝ vo. \v 16 Vom ɓai ling'mǝng mua le kau. Fie djũrǝ ɓai ɗuaka gbale wa. \v 17 Nǝngbungam nǝ ku ɓǝng kakurǝ ni, ung memkǝ yivǝ gbã le rǝ. Ung olekǝci, ung ta le kǝ bǝ nǝ mǝng hũrǝ dǝ ɓula nǝ. Fi n'fii le nǝngmǝng nǝng le fi ha kpam.

08/01.txt

@@ -0,0 +1 @@
+\v 1 Nǝngbungam ɓǝ ɓai le nǝngvai nǝng a hwĩ'iu, nǝngɓǝ bǝ gam ɗuiye a awa tsing. \v 2 Nǝngɓǝng ɓa le malaika hwĩ'iu dzi ci Fi ni, nǝngɓai ei dǝu le cuambwa ni hwĩ'iu.

08/03.txt

@@ -0,0 +1 @@
+\v 3 Malaika ka mua basǝin cwum turare ku bagadi na. Ei dǝu le turare kpala yang kǝu dǝ ɓai bǝ ngũ Fi vai vǝ mua cwa Fi ku bagadi turare zinariya ci kakurǝ. \v 4 Hwyĩ-ɗua turare ɓǝ ɓai bǝ ngũfi vai vǝ mua cwa Fi, i ci Fi kana malaika ɓi. \v 5 Malaika ɓǝ ɗǝ basǝin yila ɓai ɗua ku bagadi. Nǝngɓǝu wa wu fangwam, nǝngɓǝ gamvau gbam, bwuabǝ, hyĩm le ɗua nəngɓə hyua yeu.

08/06.txt

@@ -0,0 +1 @@
+\v 6 Le malaika hyĩ'iu nǝ mua tsuambua nauni, masǝ  le bǝ ta bǝ  irǝ. \v 7 Malaika na nwaci i tsuambua vau, nǝngɓa nǝng'hwyũatai ɓai ɗua kwaha ɓai hwyĩ ei wakǝta ku fangwam yang kǝi cum bǝnata, ei cum le ka bǝnata ɓa le yankaɓia.

08/08.txt

@@ -0,0 +1 @@
+\v 8 Malaika a nǝng na'iu i tsuambua vau nǝngɓa nǝng'aka ɓaman taing ngã ɗua dǝ lirǝ, ei wuo kǝta ku nwãm. Nǝngɓǝ nwãn bǝnata mem kǝng hwyĩ, \v 9 nǝng nata vai nǝngnǝ tangsǝ nwãn ni ɓwi ɓa le nǝng nata vai fua'mǝng ɓankǝ.

08/10.txt

@@ -0,0 +1 @@
+\v 10 Malaika a nǝng nata i tsuambua vau, nǝngɓǝ gwang djǝng ɓǝla dǝ hwĩmrǝ ɓaman ɗua fa o ɗuiye ku nǝng nata vai mǝng ɓa le bǝ ɓurǝ vai mǝng. \v 11 Ing djǝng ɓǝ nǝngɓǝ kǝ Ka'nyirǝ. Le mǝng bǝnata mem nyi-nyirǝ. Levǝ kpala ɓui tsǝ le mǝng ni nyi-nyirǝnǝ.

08/12.txt

@@ -0,0 +1 @@
+\v 12 Malaika nǝng nang'nya i tsuambua vau nǝn ɓǝ ei gba nǝng nata vǝ fie'djũrǝ ɓai nǝng nata vǝ fihwĩm ɓa le djǝng. Nǝng nata vai cue danguji. Nǝng nata vǝ ƒi ɓai nǝng nata ingvyĩ ci ɗua lǝu.

08/13.txt

@@ -0,0 +1 @@
+\v 13 Mɓa , nǝngɓǝng lizhĩngzhĩ dǝ yarǝ ɗuiye dǝ ɗubǝ ɓai wui tsarǝ a, "Aɓa tǝng'yang, Aɓa tǝng'yang, Aɓa tǝng'yang ɓa levǝ nǝ ku fangwam ni bi nyiu le tsuambua nǝ lei malaika nata irǝ nǝ.

09/01.txt

@@ -0,0 +1 @@
+\v 1 Malaika a nahwĩ i tsuambua vau. Na djing ɓǝ la ɗuiye o hyua, djing ɓǝ ei dǝu nǝngɓai nwakom ɓua bǝtǝngrǝu yaun nǝ. \v 2 U ɓai ɓua nǝ bǝ tǝngrǝu yaung nǝ, nǝngɓǝ hwyĩɗua i ɓua ɓi ɓaman  ɗua tang ɓua. Fiedzũrǝ ɓai hyua mem kaɓi bi hwyĩɗua ni dǝ i bua ni.

09/03.txt

@@ -0,0 +1 @@
+\v 3 Tang ɓua ɓi nǝngɓǝ hwyĩɗua i bǝ bi, ei dǝ le tsarǝ kǝ'nwa le hyĩng fangwam \v 4 Ei na le la a bie ɓangkǝ vu, le yangka ko ka-nka sai levǝ nǝ ei tamnǝng vǝ Fi nwapwaci vai lǝu nǝ.

09/05.txt

@@ -0,0 +1 @@
+\v 5 Ei dǝ le na bǝ hyia levǝ ɓǝ lǝu, eing dǝyiɓai kǝ levǝ fihwĩm nawhĩ. Zhĩrǝ bǝ tabǝ vai ɓaman zhĩrǝ bǝ tabǝ vǝ hyĩng nǝ ta yivǝng. \v 6 Fieɓi, zaivǝn ɓabǝ bwa ciu wa. Eing ɓa bǝ bǝ ɓuirǝ, bwan hwing yileng'yi.

09/07.txt

@@ -0,0 +1 @@
+\v 7 Le kulung ɓǝ ihala ɓa le taaɓui. Nǝngɓǝ la ku le ihala ɓa le nǝngbaiku ɓi. Pwacile ihala ɓa le pwaci zaiyivǝ. \v 8 Djãmku le ihala ɓai djãmku lehai. I le ihala ɓa i le hwyũ. \v 9 Lela ɓa le nǝng'yasǝ ɓaman le nǝng'yasǝ ɓi. Wuing nwakantsãng le ɓaman wui kalo vai bua ɓaman le bua nǝ hwie dǝ taa nwaɓui nǝ.

09/10.txt

@@ -0,0 +1 @@
+\v 10 Le la ɓai kahĩng tabǝ kǝnwa vai hyĩang. Kahĩng le, lela ɓai tsarǝ nǝ eing nauni zaivǝ fihwĩm nahwĩ. \v 11 Malaika bwa nǝ bǝ tǝngrǝu yaung nǝ ku ɓaman yi kule. Ing'ng ɓai nwa'yi Hibǝru nǝngɓǝ kǝ Abaddon, ɓai nwa'yi Grik nǝngɓǝ kǝ Apollion. \v 12  Ɓa ɓaa! Yiɓai ana'nwaci pai. Cua sǝu le yiɓai aka la na'iu dǝ wurǝ na.

09/13.txt

@@ -0,0 +1 @@
+\v 13 Malaika a hwĩtsũng i tsuambua vau, nǝngɓǝng li wui a ka dǝ irǝ tsǝ le iku bagadi ɓi (golden), nǝngɓǝ kǝ bǝnǝ Fi la nǝ. \v 14 Wui ɓǝ nabi kǝ malaika a hwĩtsũng nǝ mua tsuambua nǝ a, "Ɓa yinǝ kǝ le malaika nǝ ei tsaa le tsǝ nwãn Yufureti ni." \v 15 Le malaika nang'nya nǝ ei ma le bi awa ɓǝ, fi ɓi, fihwĩm ɓi, ha ɓi ei yilena wei hyia le nǝng'nata vǝ zaivǝ.

09/16.txt

@@ -0,0 +1 @@
+\v 16 Ng l kparǝ vai soja nǝ ku ku cua bua ni, kule 200,000,000. \v 17 Manǝng ni nǝngɓǝng mɓa le bua nǝ tangsǝ vyĩm (my vision) ni ɓa levǝnǝ dǝ a bua ɓǝ nǝ: Nǝng'yatsǝ vai kăhhyĩ ɓaman ɗua (red), ɓama kaɓi, kavau , dǝ hwĩmrǝ ɓaman mǝngɗui. Ku le bua ɓa ihala ɓai ku le hwyã nǝngɓǝm, ɗua ɓai hwyĩɗua ɓai ɗuavau dǝ irǝ nwa le.

09/18.txt

@@ -0,0 +1 @@
+\v 18 Ei hyia levǝ nǝng'nata ɓa le nǝngzhĩ nǝ: ɓai ɗua, ɓai hwyĩɗua ɓai ɗuavau nǝ dǝ  le  nwa le ni. \v 19 Tsarǝ vai bua ɓǝ lang le nwa le ɓa le kahing le. Kahing le ɓamang le dzǝu, le la ɓa le kunǝ de dǝ le nǝngzhĩ kǝ levǝnǝ.

09/20.txt

@@ -0,0 +1 @@
+\v 20 Nyiu le zaivǝ, levǝnǝ nǝngzhĩ ɓa hyia le lǝu nǝ, ei la bǝ taacua kǝ le nwacum vai lǝu, ei yila tsǝ bǝ hyiau le ĩyang (demons), ɓa le nǝngɓui kaɓie (gold), kabie-vau (silver), kabie-hyĩ, ɓa le tai ɓa le ka, le nǝngnǝ ei ɓai ɓa li ɓǝu, ɓa bǝu, ba howa. \v 21 Ei taacua kǝ bǝ hyiabǝ vai lǝu, ɓai bǝ ɓabǝ vai lǝu, ɓai le nwacum bǝ cueyua vai lǝu.

10/01.txt

@@ -0,0 +1 @@
+\v 1 Nǝngɓǝng ɓa gwang malaika ka la dǝ wurǝ ɗuiye. Ei kiu ɓǝng ci. Nyam la ka ku. Pwaciu ɓaman fiedzũrǝ nǝngɓǝ ka bu ɓaman le ka-ta ɗua. \v 2 U mua yi kwandjua ɓǝ la ɓaiɓairǝ nãun nǝngɓǝu u tam kabu a nali ku nwã a nami ku hyua.

10/03.txt

@@ -0,0 +1 @@
+\v 3 Nǝngɓǝu bwabǝ ɓai wui ɓaman taa vǝ hwyĩa. Nǝu tataa ni, nǝngɓǝ le gamvau ni hwĩ'iu nabi tangsǝ le wui le. \v 4 Le gamvau nǝ hwĩ'iu nabi, tamin vyĩrǝ, nǝngɓang li wui ɗuiye dǝ na a, "A yue le nǝngnǝ le gamvau nǝ hwĩ'iu nanǝ. Bie vyĩng ka."

10/05.txt

@@ -0,0 +1 @@
+\v 5 Malaika nǝ ɓai tam bu ku nwãm ɓai hyua ni, ɗǝ nau ɗuiye. \v 6 U hwyĩnǝng ɓai yivǝni ku ka'ing ka'ing ni, yivǝnǝ ma ɗuiye ɓa le nǝngnǝ hyua ni ɓa le nǝngnǝ tangsau ni, le nwãng ɓa le nǝngnǝ tangsau ni. Nǝngɓǝ malaika ɓǝ na a, "Bǝ dzurǝ yaun. \v 7 "Fi nǝ la malaika a nǝng hwĩ'iu tabǝ i tsuambua vau, bǝ bi nǝngɓǝ nǝng a yuerǝ vǝ  Fi yilarǝ.

10/08.txt

@@ -0,0 +1 @@
+\v 8 Wui nǝn li ɗuiye ni nam bi ka la: "Ata ta mua kwangdjua nǝ ɓaiɓairǝ na malaika nǝ djã kabu ku nwãm ɓai ku hyua." \v 9 Nǝngɓǝng ta sǝ malaika ɓǝ, ng'naun nakǝ u dǝm yi kwangdjua ɓa. U nam la a, "A ɗǝ a tang. Tang nwa main man li larǝun li, tang yua main man li nyirǝung li."

10/10.txt

@@ -0,0 +1 @@
+\v 10 Ng ɗǝ yi kwandjua ɓa na malaika ɓi nǝngɓǝng tang, Ng li lalarǝ nwam ɓaman cwang, nǝngɓǝ cicwasǝu nǝngɓǝng li tang yuam nyi-nyirǝ. \v 11 Yivaka, nam bi, "Djũa man nabi kan na ku zaivi, le hyua, le nwã ɓa le yiva."

11/01.txt

@@ -0,0 +1 @@
+\v 1 Ei dǝm ki ɓǝ la ɓaman ka nyi nasǝ nǝng. Ei nam la a, "A i a a nyi kom vǝ Fi ɓai bagadi, ɓa le vǝ nǝ dǝ hyĩaunǝng tangsǝu ni. \v 2 Bie nyi cwa kom ɓǝ baifang ka, bǝ ɓǝ ei dǝ kǝ le Yuavang. Ei tam van'ngã garǝ bu fihwĩm hung'iu iriu na'iu.

11/03.txt

@@ -0,0 +1 @@
+\v 3 Min dǝ tsarǝ bǝ nabi kǝ le na nwam na'iu bu 1,260 ei ya nǝng'yasǝ nyibi." \v 4  Le na nwa bi ɓǝ kǝ le ka zaitun na'iu ɓa le ka'djĩ-ɗua nǝ dji ci Yicueva fangwam ni. \v 5 Nǝ yivaka la dǝ yiɗi bǝ nauni le rǝng, ɗua i nwa le li le buei vai. Yivǝnǝ ha gwala tan hyia le rǝng ng'ɓui mangɓǝ.

11/06.txt

@@ -0,0 +1 @@
+\v 6 Le na nwa nǝ la ɓai tsarǝ nǝ eing lam ɗuiye yan mǝng ba nãun daide nǝ de nakǝ bi nǝ. Le la ɓai tsarǝ nǝ ei mem mǝng kǝng hwyĩ yang ei gba fangwam ɓai le nǝngzhĩ ha yua le dǝ ɗǝ nǝ. \v 7 Nǝ ne tǝngkǝ bǝ nabi vǝing, yang hyĩam-ɓǝngvu nǝ i bua ni bǝ tǝngrǝu yaun nǝ wun ta ɓui ɓa le kǝ. Un tang leng tang ɓai ɓui kǝ.

11/08.txt

@@ -0,0 +1 @@
+\v 8 Kwamɓui leng ei ku nǝng'ngã vang'ngã (Nǝ dǝ ɗu a Sodom ɓai Masar) ɓǝ nǝ ei pi Yicueva vai la nǝ. \v 9 Bu nata ɓai cũrǝ nwã, le vaka tangsǝ le zaivǝ, ɓa le nwãkava, ɓa le nwã ɓa le hyia ng ɓa le kwamɓui le, ei gwala ei cui le kwamɓui ɓǝ dzum wa.

11/10.txt

@@ -0,0 +1 @@
+\v 10 Levǝnǝ ku fangwam nǝ ng li larǝn li, ei gbǝ-gbãn ku le. Eing cuo le nǝngdǝnǝng kǝ hala nǝngnǝ cue nǝ le na'nwa nǝ na'iu nǝ nauni levǝnǝ ku fangwam ni. \v 11 Cue bu nata ɓai ka cuani, hũrǝ tsǝ Fi wung ta sǝ leng ta yang ei i eing djirǝbu dji. Bǝ ɓiɓi tsala o ku levǝ ni ɓa le nǝ. \v 12 Yang eing li wui ɗuiye dǝ na le la a, "Ɓa wu bǝnǝ! Yang eing i ǝng ta ɗuiye ɓǝng le ci, le buei vai mɓa le ɓai nǝng.

11/13.txt

@@ -0,0 +1 @@
+\v 13 Vie ɓi, hyuan yiyău ɓai tsakǝ, hyua nwã tangsǝ va ɓi dei, nyi levǝnǝ i bǝbi ni, ɓi mua le, ei dǝ ngãrǝ kǝ Fi nǝ ɗuiye ni. \v 14 Ɓa ɓaa! Yiɓai ana'iu pai. Yiɓai anata dǝ wurǝyemla.

11/15.txt

@@ -0,0 +1 @@
+\v 15 Malaika a hwĩ'iu i tsuambua vau, wui ɓǝ la nabi ɓai tsa a, "Va fangwam memkǝ va vǝ Yicueva ɓing ɓai Kristi vaung, ung muana ka'ing ka'ing."

11/16.txt

@@ -0,0 +1 @@
+\v 16 Nǝngɓǝ le vangã nǝ ku ku le kakurǝ ci Fi ni, ei fa ebai hyua ei hyĩau Fi. \v 17 Nǝngɓǝ ei na a, "Ɓi daa nkãrǝn, Yicueva Fi Angã, yivǝnǝ la ɓai yivanǝ la nǝ. A ɗǝ ngãrǝ ma a tsang, a banyi bǝ lue yiva mang.

11/18.txt

@@ -0,0 +1 @@
+\v 18 Yua le kuhyua ɓankǝng, ci ma wuyang. Vie wung nǝ man cue kita kǝ levǝ nǝ la ɓui nǝ, le muangsǝm ma nǝ dǝ na nwamanǝ, levǝ nǝ dǝnyi-nyi le tsǝ mai ni, ɓa levǝ nǝ dǝ ɓiɓi ĩng ma nǝ, levǝ vangã ɓa le mong. Vi wung nǝ man nauni kǝ levǝ nǝ ɖ nauni fangwam nǝ.

11/19.txt

@@ -0,0 +1 @@
+\v 19 Nǝngɓǝ va Fi ɗuiye ɓai , nǝngɓǝ ei ɓa akwama (ark) gwanwa vau tangsǝ va Fi.  Le ɗua hyĩm, dǝ wa ɓai tsa, gamvau gbam, hyua yeu, nəngɓə mǝng nǝng hwãtai  na ɓai tsa.

12/01.txt

@@ -0,0 +1 @@
+\v 1 Gwang nǝngɓǝ la ei ɓa ɗuiye: yihai ɓǝ tsăsǝ ɓai fiedjũrǝ ɓai fiehwĩm kabu ɓa le nǝngbaikun djǝng ni hyua iriu na'iu ku. \v 2 U ɗǝ yua nǝngɓǝ dǝu tataa nǝngzhĩ ci yi.

12/03.txt

@@ -0,0 +1 @@
+\v 3 Nǝngɓǝ nǝng aka i ɗuiye: A ɓa! Gwang dzau ka ka hyĩ ɓai le iku hwĩ'iu ɓa le nǝngmuaku ni hyua. \v 4 Kahĩng'u gba le djĩng ɗuiye walekǝta hyua. Djǝu ɓǝ dji ci yihaini dǝ tanǝngzhĩ yi nǝ, yang nǝu ci yi ɓǝng kǝri tang yimong ɓǝ.

12/05.txt

@@ -0,0 +1 @@
+\v 5 U ci yă yiɓui, yivǝ nǝn mua leva hapkam fangwam ɓai kaɓi vau. Ei ɗǝ yi yihai ɓǝ ei takǝ tsǝ Fi ɓai ka kurǝ vau, \v 6 nǝngɓǝ yihai ɓǝ hwii ta ɓǝngvu, bǝnǝ Fi mau la nǝ, yang kǝ djinǝng sǝu bu 1,260.

12/07.txt

@@ -0,0 +1 @@
+\v 7 Nǝngɓǝ ɓui i ɗuiye. Mikailu ɓa le malaika vau iku djau ɓi, djau ɓǝ ɓale malaika vau iku le. \v 8 Djau ɓa tsa bǝgang nǝn tangkǝ ɓui ɓǝ lau. Ba ka yaung ɗuiye bi vau ɓa le malaika vau. \v 9 Gwang djau ɓǝ,  djau a kwi nǝ de ɗu kǝ, yivǝ nǝng aɓai kon Mungkulung nǝ djǝ nwa fangwam kpam nǝ, ei wuo kǝta fangwam ɓa le malaika vau ei wale kǝta hyua.

12/10.txt

@@ -0,0 +1 @@
+\v 10 li wui ɗuiye bai tsa kǝ, "Susue nǝ yuangrǝ Fi, ɓai tsarǝ, ɓai va vǝ Fi ɓi ɓai tsarǝ vǝ Kristi vau wung. Yivǝnǝ dǝ dei le hwĩ ɓi nǝ ei wokǝtang hyua, unǝ dǝu dei le kǝ viha ci Fi ni.

12/11.txt

@@ -0,0 +1 @@
+\v 11 Ei taung ɓai hwyĩ vǝ Nǝngɓungam bai bi vai. Le nwa bwa yiɗi hũrǝ le lau. \v 12 Ɓa li larǝ ɓa nǝ le ɗuiye ni ɓa le vǝ nǝ ku bǝ bi ni. A ɓa tǝng'yang ɓa levǝ nǝ ku fangwam ni, ɓai nwãm, yivǝ nǝng aɓai wung sǝ ɓa, ɓai ci buarǝ, u ibǝng nyi bu kpaun.

12/13.txt

@@ -0,0 +1 @@
+\v 13 Djau ɓa ibǝ ei wau kǝta hyua, u nyam cwa yihai nǝ ci ya yiɓui nǝ. \v 14 Ei de yihai ɓǝ le nwakangtsãin na'iu nǝun yakǝ ye ɓaman zhĩngzhĩ nǝ, yang kǝu ta bǝ  nǝ ei mau la ɓǝngvu ni. Bǝ ɓa nǝngɓǝ eing djining sǝu bǝ bi a vie cuani bai nwõ bǝ ni djau ɓǝ yaun nǝ.

12/15.txt

@@ -0,0 +1 @@
+\v 15  Djau ɓǝ pãm mǝng kǝta nwã ɓaman nwãm yang kǝu ikǝ mǝng gbamrǝ nǝ wun hyia yihai ɓǝ nǝ. \v 16 Nǝngɓǝ, hyua yung yihai ɓǝ. Hyua ã nwõ mi nwãm  nǝ djau ɓa pãm kǝta nwõ ni. \v 17 Nǝngɓǝ djau ɓǝ i ɓai ci ta bǝn taɓui ɓa le yi yihai ɓǝ. Levǝ nǝ mua bi vǝ Fi nǝ ɓa le vǝ de nabi Yeso nǝ. \v 18 Nengɓǝ, djau ɓǝ dji ku hyuang'hwyĩ.

13/01.txt

@@ -0,0 +1 @@
+\v 1 Nǝngɓǝng ɓa hyĩamɓungvu dǝ i nwãm. U la ɓa le iku hyua bai ku hwĩ'iu. Le iku bǝ nǝngɓǝ kǝ le nǝngbaiku hyua, kon ku aka ha dǝ dei Fi ɓai em kǝ. \v 2 Hyĩamɓungvu nǝng ɓa nǝ ihala ɓai hwyĩ. Kabu ɓamang kabu ɗuavu, nwõ bamang nwã hwyã. Djau ɓǝ dǝu ngãrǝ, ɓai kakurǝ vau ɓai tsarǝ muabǝ na.

13/03.txt

@@ -0,0 +1 @@
+\v 3 Hyĩamɓǝngvu ɓǝ ka i ɓama ei hyiau hyia, nǝngɗua vau nǝ pai samɓai nǝ cilarǝng. Tsǝɓi mua levǝ fangwam kpam nǝ ei mua kǝ cwa hyĩamɓǝngvu ɓǝ nǝ. \v 4 Ei hyĩau djau ɓǝ. Djau ɓǝ dǝ tsarǝ vau kǝ hyĩamɓǝngvu ɓǝ. Ei hyĩau hyĩamɓǝngvu ɓǝ dǝ na a, "Wa kǝ nwã hyĩamɓǝngvu ɓǝi?" "N'wang mba gbaha ɓaiu kǝ?"

13/05.txt

@@ -0,0 +1 @@
+\v 5 Hyĩamɓǝngvu ɓǝ ei dǝu nwã nabie ɓai tsa le ɓai eim Fi. Ei yeu nabi ɓai tsa fihwĩm hung'iu iriu na'iu. \v 6 Hyĩamɓǝngvu ɓǝ ã nwõ dǝ dai Fi ɓai em: dǝu dei ing Fi, ɓai bǝnǝ Fi ku la nǝ ɓa levǝ ku ɗuiye ni.

13/07.txt

@@ -0,0 +1 @@
+\v 7 Hyĩamɓǝngvu ɓǝ ei dǝuna bǝ taɓui ɓa levǝ muacua Fi, u tangle ɓai ɓui kǝ. E dǝu tsarǝ ku le nwãkava, zaivǝ, le nwã ɓa le kuhyua. \v 8 Levǝnǝ kpam fangwam ni hyĩau u, yivǝnǝ ha ei cue i'ung  tang Kwangdzua Hũrii vǝ Yinǝngbungam ni ei fiu tun bǝ marǝ fangwam lǝu,