Wed Jul 19 2017 10:24:19 GMT+0100 (W. Central Africa Standard Time)

06/01.txt

@@ -0,0 +1 @@
+\v 1  Si eyi pe ẹngwu awu nini, do tu asọ viki waa mụkọrọ ọiza inọvidi aza nini, fuvọ dẹẹ zu ree u nini.  Aava vọọ yọ, we ze re ọgu dọọ funi ụvọ Ada awu nini ana yi ineeku. \v 2 Fuvavọ, waa mẹ ọiza, asuu showu ẹngwa u, vene ọfatuvaku nini mẹẹ mẹ ini Isinagọgu, ọnri ini orere di aza ẹzu ga waa.  Irẹiza mi ka wu nin ka ẹẹ si ọgu anini dọ da.

06/03.txt

@@ -0,0 +1 @@
+\v 3  Ama, waa mẹ ọiza, asuu zẹẹ ki ụvọfa awu ọọ yẹ isa ọni ụvọri awu aa mẹ.  \v 4  Fuvavọ, wa mẹ ọiza awu ini angwumi.  Ada awu ene ree wu ini angwumi vee si wu atọ ani.

06/05.txt

@@ -0,0 +1 @@
+\v 5  Waa tuo ozurenu, asuu mẹ vene ọfatuvaku nini.  Fuvọ ki ee si kẹnẹ dinẹ tuo ozurenu ini Isinagọgu ọnri ini orere di aza ẹẹ zu ree wa.  Irẹiza mi ka awu, ini ka ẹẹ si ọgu anini dọ da.  \v 6  Ama, waa tuo ozurenu, ngwu irẹngwu awu.  Wee gu oze awu da, du wa tuo ozurenu shi Ada awu ana yi ini angwumi, umọnọ Ada awu ene ree ẹtẹ ini angwumi vee si wu atọ ani.  \v 7  Waa tuo ozurenu nini, asuu ku irẹka ọruru kẹnẹ kẹnẹ nini, vene Ijẹntairi nin mẹẹ mẹ fuvọ ki ee roo ka Oshomoshi vaa wu ozurenu anini fuvọ irẹyi ọruru.

06/08.txt

@@ -0,0 +1 @@
+\v 8  Asuu mẹẹ vene wa, fuvọki Ada awu nin ọọ yẹ isẹnẹ vọrọ ku wa nyi nin, duu ve fisue nin.  \v 9  Fuvavọ, wa tu ẹngwu ozurenu ọnọni nini; Ada ayi ana yi ineeku, ya da yi irẹsha wu.  Navọ di ijọva awu ọọ vẹẹ.  Daa ava mosisi awu inẹshẹ venebiri ama mẹẹ ineeku.

06/11.txt

@@ -0,0 +1 @@
+\v 11 Si isari ọi irajini yi.  \v 12  Si aichamai vaya yi venebiri imẹ si aichama aza nẹsa nin vaya nini.  \v 13  Asuu turayi na ngwu ini amore, ama dọitu funi ụvọ ọzọ ọshimi ọnọ.  Fuvọ ki ijọva vaa yau, ụkata vaa yau, ụga vaa yau, pooro pooro. Amin

06/14.txt

@@ -0,0 +1 @@
+\v 14  Fuvọ ki waa si aichama aza vaya nini, di Ada awu ana yi ineeku dọ nzẹ si aichama awu vaya awu.  \v 15  Ama, wa zi si aichama, anini vaya nini, Ada awu ọi za si aichama awu vaa yau.

06/16.txt

@@ -0,0 +1 @@
+\v 16  Waa za bi ba awẹ nini, a suu kareyi vene ọfatuvaku nini anaa vẹngwu shi ka aza ẹ zu yẹ kẹni aa ba awẹ.  Irẹiza mi ka wu, ẹẹ si ọgu anini dọ da.  \v 17  Ama, wa ba awẹ nini, nyineyi awu, duwa da angwẹ sisi irẹsu awu, \v 18  doti asa aza ẹnẹsa nin yẹ ku waa bawẹ nini, ọchishi Ada awu nin ana ini angwumi kẹnẹ.  Ada awu nini enee re ẹtẹ ini angwumi vaa si ọguu yuu nini.

06/19.txt

@@ -0,0 +1 @@
+\v 19  Asuu ku ọgu tẹ yi ẹngwu awu nin ini ẹshẹ, izi uchacha va ya ri ọọ, do ze kure, ọnri ki ọọyi dọ zẹ chaka irẹsha, do ne yi oo.   \v 20  Ama, ku ogu te yi engwu awu nin ineeku, izi uchacha rai zua ri oo, dọi zue ku ure, do oyii nini rai zua chaka ireshi nee yioo.  \v 21  Fuvọki izi ogu awu nin raa yaa, izọ ọni ọtuturuma awu nini zẹ va yi yi ya.

06/22.txt

@@ -0,0 +1 @@
+\v 22  Iri vi ẹtẹ ofeyi yi ẹngwu ọza.  Fuvavọ, iri awu oo zoza, ẹtẹ ofeyi vaa ngwu ini ẹngwu awu bo.  \v 23  Ama, iri awu oo du ẹngwu awu bo ve shi yi oozi.  Fuvavọ ọọviki ẹtofeyi ana yi ini inẹ awu ọi vi oozi obooro, oozi ọnọ mẹ va bani tuu!  \v 24  Ozi ọza ọnya ọmẹ va zu fẹkẹ ọga ẹẹva fuvọki ọ vaa kuayi ọnya, do si irẹyi ọsa; ọivọ vavi, dọ si ayi tuni ọnya, dọ va si eyi wu ọsa.  Wai zua fẹkẹ Oshomoshi, du zaa fẹkẹ oguu.

06/25.txt

@@ -0,0 +1 @@
+\v 25 Fuvavọ ma kaa yuwu nin, ka asuu mẹ ariro inọpati ẹshẹ awu ka suu vaa ri navẹki suu vee fu ọnri ka suu vee si ku ẹngwu awu nin.  Ifẹ ọza we ree zi funi isọri, navẹ ki ẹngwu ọza we ree zi funi ita?  \v 26  Ree unomi nini ini ẹbẹẹba ẹmẹ chire, ẹma faa dẹ ẹva ne pere tuni ufọ, ama Ada awu nin ana yi ineeku aa pawa.  Navẹki wa zi nyi ubani funi unomi nini?

06/27.txt

@@ -0,0 +1 @@
+\v 27  Yere ọnya ini awu nin, ana vaa zu zirẹngwu afasha, dọ duvọ ọnya tuni ifẹ ọgọdọ ani?   \v 28  Sẹ nẹ vẹ duwa sha afasha inọpati awuru nini?  Ro irẹyi ododo ana shi tu navi, ẹẹ mẹẹ fu.  Ẹma makanya, ẹma ze shi shi ita.  \v 29  Di ma kaa yuwu nini ka Isoromọni mẹ shaku nyi ụbani netu, azẹ zi mẹẹ ẹngwu vene ọnya ini ododo ẹnẹẹ.

06/30.txt

@@ -0,0 +1 @@
+\v 30  Oshomoshi ra vọọvọ si ụzoza ku aavi, ọnu wee re rajini, ama ufuọ de ne ngwu ini ebeira, uu we ro ka ọi zua si ita ene zoza fu navọ kuwu ẹngwu nini?   Ọdọwu awu nini o weyi.   \v 31  Fuvavọ asuu sha afasha ka "Si vaa rii" navẹki "Si vee fuu" ọnri ka "Si vee chire".

06/32.txt

@@ -0,0 +1 @@
+\v 32 Fuvọki isẹnẹni ọni Ijẹntairi esi zii zi.  Ada awu nini ana yi ineeku ọi yẹ ki ọvọrọ ku wa nyi isẹnẹni nini.  \v  33  Ama, bidi sii ijọva Oshomoshi ọnri ọmimẹ ọiza ani da, ụmọ ọnọ, dọ vaa si isa anavọ bo tuọ yuwu nini.  \v 34  Fuvavọ, asuu sha afasha fuvọ ufuọ, fuvọki ufuọ vaa sha afasha ẹngwu ani, ọkushi ọnya ọnya ẹ nyi ọshimi ana fuu waa; si eyi pe irajini kẹnẹ.

06/title.txt

@@ -0,0 +1 @@
+Irẹsu 6

07/01.txt

@@ -0,0 +1 @@
+\v 1  Asuu mi ishiọji aza, kaa vaa mi ishiọji yuwu.   \v 2  Fuvọki ishiọji ọnu ra mẹ ya aza, ana vaa mẹ yuwu, ọnyaa ọnu ra simi sa yọza, ana vaa simọ yuwu.

07/03.txt

@@ -0,0 +1 @@
+\v 3  Sẹnẹ vẹẹ du wee re ẹchichi ana yi ini iri ọzọfuwa wu ama wa zi tẹsi ọchi ọvọọvọrọ ana yi ini iri awu? \v 4 Ụmẹ va zu kaa yọ ọzọfuwa kaa "Navọ ma si ẹchichi ana yi ni iri awu kuraa, inaama ọni ọchi ọvọọvọrọ yi ini iri awu"?  \v 5  Ẹwu ọfatuvaku! Bidi si ọchi ọvọọvọrọ ana yi ini iri awu daa, ụmọnọ du ree ẹtẹ ẹtẹtẹrẹ, du wa zu si ẹchichi ana yi ini iri ọzọfuva awu kuraa.

07/06.txt

@@ -0,0 +1 @@
+\v 6 Asuu si isa ana vọ ọnini yi irezi nini; asuu zẹ si iriweyi tẹtẹ tu inọvidi uraa nini.  Ọzi vavọ, ẹẹ vaa kuafu shio parafu, ụmọnọ dẹ vara eyi, dẹ naa awu vaa shaa.

07/07.txt

@@ -0,0 +1 @@
+\v 7 Fisue isa, ka ava sii yuwu nini, wee si isa u vee ree nini.  Fisue oze, ka ava soze zuwu nini.  \v 8  Aza turaza ana ra fisue, o ve ree dọọ, ọnu re sisi, u ve ree; ọza ọna ravi ko fisue oze, ava naa yọọ.  \v 9  Yere ọza ọnya ini awu nini, ọnọ ozi ani ve fisue akara, dọọ si irẹta yọọ kẹ?  Navẹ ki ọọ fisue isenyi, dọọ si isẹchichi yọọ kẹ?

07/11.txt

@@ -0,0 +1 @@
+\v 11  Aviki ẹwu naa aza ẹshimi ọ yẹ a mẹẹmẹ si isa ozozaa yi ezi awu nini, ụmẹ si ve roo ki Ada awu nini ana yi ineeku ọ zaa si isa ozozaa yi aza ana raa fisue?   \v 12  Fuvavọ, isaturisa ọnu re sii ka aza ẹ mẹẹ ka awu vẹẹ,  ọnu ra zẹ mimẹ ka awa naa, fuvọki ọnọni ọ vi ofi ọnri ọkisẹẹ nini.

07/13.txt

@@ -0,0 +1 @@
+\v 13  Zi oze dẹẹrẹ ngwu ireshi nini, fuvọki oze ana na ngwu izi aza yẹ vurii, vana ganaa, dọ zẹ yi ini eyi gede.  Aza na zi oze ọnọ vana ruru.  \v 14  Ama, oze ana na ngwu ini ẹshẹ pooro pooro vana faana, dọọ zẹ ya dẹẹrẹ.  Aza chee kẹnẹ ene ree.

07/15.txt

@@ -0,0 +1 @@
+\v 15  Si eyi pe ẹngwu awu nini fuvọ ọkisẹẹ anapẹ nini, ana si ụpa atẹmẹ kuẹngwu, ama ọdumi oduvi ẹnẹ vii ininẹ.  \v 16  Uu va yẹ waa zirẹngwu ẹtutu anini.  Ọza wa va zu fa osinkara finẹẹsu agagana, navẹki a fa eezu finiẹẹsu ikei?  \v 17  Ọchi ozozaa vana tu ẹtutu ozozaa, dọ ọchi ọshimi dọ tu ẹtutu ẹshimi.

07/18.txt

@@ -0,0 +1 @@
+\v 18  Ọchi ozozaa ọi zua tu ẹtutu ọsbimi, navẹki ọchi ọshimi dọọ tu ẹtutu ozozaa.  Ọchi bo ana ra zi tu ẹtutu ozozaa, vana vaa ma, dẹ nee ngwu ini ira.  \v 20  Fuvọki, zirẹngwu ẹtutu anini, ọnu va si yẹ wa.

07/21.txt

@@ -0,0 +1 @@
+\v 21  Ai vi aza bo ana shi mi ka, Ananyiyi, Ananyiyi ọnọ va ngwu ini ijọva ineeku, ọ zi vi ẹnẹ naa mẹ osisi Ada ami ana yi ineeku renya.  \v 22  Aza ẹruru va kaa ami inọ ọkushi ọnọ ka, Ananyiyi, Ananyiyi, iya ra zi kisẹẹ ini irẹsha awu, di zẹ si irẹsha awu du azeeshi nini jinẹ, di zẹ mẹmu ụkọrọ oshishozei renyi renyi ini irẹsha awu?  \v 23  Ụmọnọ, mvaa kaa yi wa ini eyi gede, ka "Maa zi yẹ wu nini oshẹẹtẹ!  Furẹ ẹmi eeyi nini, ẹwu ọnukọrọ ọshimi"

07/24.txt

@@ -0,0 +1 @@
+\v 24 Fuvavọ, aza bo ana ra wu irẹyi ami, dọ vaturaa, va venebiri ọnuvira ana da reshi aani tuni irẹsu rẹta.  \v 25  Orishi mẹ zu, dọọ ọshaara na, shi ashi mẹ kuu, ireshi ono ozi wuu, fuvọka adaa tuni irẹsu rẹta.

07/26.txt

@@ -0,0 +1 @@
+\v 26 Ama, aza bo ana ra wu irẹya ami, dọ ra zi vaturaa, va venebiri ọnura ana da ireshi aani tu ini irẹsu ezii.  \v 27 Orishi mẹ zu, dọọ ọshaara na, da ashi kuu, di ireshi ọnọ wuu vasha boo.

07/28.txt

@@ -0,0 +1 @@
+\v 28  Ụmọọni Ijesu ka irẹyi ẹnẹni ta, isa bo ọnọ zu wa, dọ vi oshisheyi ya aza ọkọni ẹnẹẹ.  \v 29  Fuvọka ọ zu wa vene ọza ana nyi ụmọ, ozi vene oyofi nini.

07/title.txt

@@ -0,0 +1 @@
+Irẹsu 7

08/01.txt

@@ -0,0 +1 @@
+\v 1  Ụmẹ ọni Ijesu chi finẹsufa vẹẹ da, di aza ọkọni vatura.  \v 2 Re, ọni ikuọbani ọnya mẹ vẹẹ tuo, dọọ kwẹtẹ inọvidi aani, dọọ ka "Ananyiyi, ọọvi ki wee si, u vaa zuu mẹ ki ma ni".  \v 3  Di ijesu tanuvọ kaniọ, dọ kaa, "Mee si ẹngwa wọ ni".  Ụmumọ di iku ọbani aani ta.

08/04.txt

@@ -0,0 +1 @@
+\v 4  Ijesu dọ kayọ, "Re ki wa zi ka yi ọzọnyọnyi. waa na, na siẹngwu zu arufa, du waa na misẹ ọni Imosisi si shẹtẹ ka mẹẹ, doti ọvi iveenu yuwa ki ẹngwu awu ọọta".

08/05.txt

@@ -0,0 +1 @@
+\v 5  Ụmẹ ọni Ijesu ngwu Ikapanamu, di oshirẹsu ashoja ani Romani, do vee tuo, dọ kaa,  \v 6  Ananyiyi, ozida mi osuafu suavọ, do rimanya ineeshi.  \v 7  Di Ijesu kaa yọ kaa, "Maa vẹ di mava fuẹngwu sha".

08/08.txt

@@ -0,0 +1 @@
+\v 8  Oshirẹsu ashoja ọnọ dọ tuoshi, dọ kaa, Ananyiyi ma zi fu ọza ọnu va zu ngwu ireshi ani, shai si irenu kaa ki ẹngwu oziafu ami ọọ ni.  \v 9  Ẹmi nyẹmbẹ vana yi ini afu ọnumọ, di ẹmi zẹ nyi ashoja nin ana yi inafu ami, maa kaa yi ọnọni ka wana, di ọọ naa.  Maa kaa yi ọsa kaa wavẹ, dọọ vẹ, ọnri ka maa kaa yi ozida mi "ka ọ mẹ ọnọni dọ  mẹẹ".  \v 10  Ijesu mẹ wu irẹyi ani, do sheeyi, dọ va kayi aza ẹna vaa vatura, "Ini irẹiza ma ka yu nin, mei rire ọza ana nyi ẹngwu ọdọwu ọnọni ini ẹtẹ Isrẹni da".

08/11.txt

@@ -0,0 +1 @@
+\v 11  Ma kaa wu, aza vaa vẹ fi izi ọyi jinẹ furẹ, ọnri izi ọyi zi ngwu ẹtẹ dẹẹ yatu pe Abrahami, Aiziki ọnri Ijakọbụ ini ijọva Oshomoshi, dẹ gaa ri sọri.  \v 12  Ama, ẹnẹna vi ozi ijọva izọ evee ne wa na ngwu ini oozi ẹnẹ vaya jorere, dẹ za kura anyi.   \v 13  Ijesu ọọva ka yọ oshirẹsu ashoja ọnọ, "Wa na, ọ si yawu venebiri u mẹ nyọ ọdọwu", di ẹngwu ozida ini efi ọnọ gẹdẹ gẹdẹ  ta..

08/14.txt

@@ -0,0 +1 @@
+\v 14  Ụmẹ ọni Ijesu ngwu ireshi Ipita, oo re ọnyi osi Ipita mẹ su tẹtẹ, di iva a mẹẹ.  \v 15  Di Ijesu vaa si ụvọ kaniọ ụvọ, di iva ọnọ fini ẹngwani.  Ụmọnọ do kuẹẹtẹ, do suwa ọzọga.

08/16.txt

@@ -0,0 +1 @@
+\v 16   Ọmẹ tu oruva, da ku  aza ẹruru ọna nyi ifẹ azeeshi vee tuo. Ọọ si irẹyi ani du ifẹ azeeshi ẹnẹ jinẹ, dọ ze fu iku anini boo  sha.  \v 17  Ini oze ọnọni, da si irẹyi ana zẹnẹ wu, Aisaya ka vẹshẹ kaa: Ọni ụvọta ọọ si ẹngwu ani di iku ayi ọnri ẹngwuọzi renyi renyi.

08/18.txt

@@ -0,0 +1 @@
+\v 18  Ijesu me re aza ọkọni ana vara kara, dọ kẹ fizọ, dẹni akajinẹ irẹfu Iganini.  \v 19  Ụmọ avọ  ọ yofi ọnya do  tuo, dọ kaa "Ọzuọzisa, mva vaturawu irasha turirasha ọnu raa nọ.  \v 20  Di Ijesu kaa yọ kaa "Irada ẹnyi usi anini, avọ ọni Ụnomi nini mẹ zẹ nyi nyi irẹngwe, ama ozi ọza ọọ zi nyi izẹ nọ va su.

08/21.txt

@@ -0,0 +1 @@
+\v 21  Eziafu ani ọsa o kaa yọ ka, Ananyiyi daka yimi oze di me nene oku ada mi da.              \v 22  Ama di, Ijesu kaa, "Vatura mi, di ụwa na vọ doku nin ki eene oku anini".

08/23.txt

@@ -0,0 +1 @@
+\v 23  Ijesu mẹ ngwu ẹpa di eziafu ani vatura ngwuọ.  \v 24  Ashi ọbani ọọ kuẹẹtẹ inẹsu irefu, netu kaa ennyi ọ dọ ku ẹpa.  Ama di Ijesu aa suara.  \v 25  Di eziafu ani ve tuo, dẹ shaa, dẹ kaa, "Dọ yi tu Ananyii, Yee vee su".

08/26.txt

@@ -0,0 +1 @@
+\v 26  Ijesu ọ ka yuwa kaa, "Sẹnẹvẹ du wee shangwa nin kẹ?" ọdọwu awu nin o wei oo!  Di ọ va kuẹẹtẹ dọ tu ashi ọnri irefu ofuvọ, da ashi za dinẹ keeri.  \v 27  Di ọ sha azanẹ eyi, dẹ ka "Ye rẹngwu ọza ọnọni vi kẹ? di ashi ọnri irefu wu rei tuo renu.

08/28.txt

@@ -0,0 +1 @@
+\v 28  Ẹfi ọni Ijesu vẹ aka ọfuva irẹkura Igadareni, da anẹru ẹva ana nyi ifẹ azeeshi vẹ tuo.  Fini irikuta ẹnẹ furẹ vẹ, bẹri ọiku ọshimi; ọzi nyi ẹzẹna va zayi naa para waa fu.  \v 29  Dee nowu zẹtẹ, dẹ kaa, "Sẹnẹ ku ẹyi rẹwu gẹ, ẹwu ozi Oshomoshi?   Ụwa vi izọni kuwa vaa muya riyi, di ẹfi ayi ọta ngwa vee tu?

08/30.txt

@@ -0,0 +1 @@
+\v 30  Ụra ẹruru ẹnyi yi zọọ, di ẹẹ tẹẹtẹ ri izẹnaa zi gọdọ yuwa.  \v 31  Di ifẹ azeeshi ẹnẹ dipẹ yi Ijesu kaa "Waa du yi jinẹ, navọ di ya nawu ini inẹ ụra ẹnẹni".  \v 32  Ijesu ọ ka yi wa kaa, "Waa na!"  Ẹmẹẹ jinẹ vẹ, dẹ na ngwu ini inẹ ụra ẹnẹ, di ụra ẹnẹ boo zue gidi gidi chi fini irẹsufa na ngwu ini irefu, de vuu shi ini enyi.

08/33.txt

@@ -0,0 +1 @@
+\v 33  Di aza ẹnẹ, eme re  ki ụra ẹnẹ zue fiizọ, naa ngwu ini irẹkura, na kaa isa boo ana mẹ, paapa ini ọpati ẹnẹ ọnọvi ka ẹnyi ifẹ azeeshi.  \v 34  Di ani irẹkura ẹnẹ boo jinẹ vẹ tu Ijesu.  Ụmẹ ọni ee ree, de dipẹ yọọ ka ọọ jinẹ fini ọkakooro ọnọ.

08/title.txt

@@ -0,0 +1 @@
+Irẹsu 8

10/01.txt

@@ -0,0 +1 @@
+\v 1  Ijesu ọọ shi eziafu ani ẹwurẹva, vabẹ dọ si ụmọ yuwa ka ẹẹ du ifẹ azeeshi jinẹ doti ẹzẹ fu aza iku ọnri ẹngwuọzi anii renyi renyi shaa..

10/02.txt

@@ -0,0 +1 @@
+\v 2 Irẹsha eziafu ẹwurẹva ẹnẹ yi. Ọzi ipaapa ọnọ vi Isimoni ana zẹ shishi Ipita vabẹri Anderu ọọnyara ani; Ijemisi ọnri Ijọọnu ọnyara ani ana ve ezi Izebedi. \v 3  Ifiripi, Ibatolomeu, Itọmọsi, vabẹri Imatiu ọdiimana, Ijemisi ozi Afiyọsi shi Itadiyọsi.  \v 4 Isimoni ọnavi Iziroti shi Ijudasi Iskarioti ọna bafu aani.

10/05.txt

@@ -0,0 +1 @@
+\v 5  Ẹnẹni ọni Ijesu tu itụ jine.  Dọ ka yuwa ẹnẹ ẹwurẹva, kaa "Asuu ni izẹni Ijẹntari nini raa, ọnri ka asu ngwu irẹkura ọni ani Isamaria ọnyi ọnyi".  \v 6 Akikọnọ, na netu atẹmẹ ọi ireshi Isirẹni ẹnẹ vu;  \v 7  Ụmaa na, wa ka irenube ọiza kaa 'Ijọva ọi neku ọ gurẹt da'.

10/08.txt

@@ -0,0 +1 @@
+\v 8 Ẹnẹngwu raazi, fụwa yọ sha, ene ne su sha wa ọniku ọbani nini, mẹ wa ni duu ifẹ azeeshi nin jinẹ.  Ọọfẹ ọni u dọọ ọọfẹ ọni u raa si ọ yuwa.  \v 9 Asu zi igoonu, isiriva, navẹ ki ikupa tuni ampo au nini.  \v 10 Asu za ẹpamo waa jinẹ nin, navẹ ki auru ọbẹrẹ, navẹ ki ivata ọ nyi orupa, navẹ ki ọchi ọkẹtẹ fuvọ ka ọni abaro va na si isọri ani yii.

10/11.txt

@@ -0,0 +1 @@
+\v 11 Irẹkura turi irẹkura ọnu ra ngwu, shọvi ka ọbani navẹ ko weyi, u si ọzọ ebebani ọna va zu zu ọdọwu azaga, u ya pee wa netu ẹfi ọnu va fii zọ.  \v 12  Waa ngwu ireshi ọnọ, du ku aza bo.  \v 13  Ireshi ọnọ ra vọiza navọ doti ẹngwu au ọọ ya bẹrẹ wa.  Ama ọọzi vọiza navọ doti ẹngwuọrọ au ọọ varama ve tuu.

10/14.txt

@@ -0,0 +1 @@
+\v 14  Ini ayi ẹnẹ naa zi zẹ dọwu nin, navẹ ka ẹna zi zẹ wu irẹyi au nin, waa fi ini reshi ọnọ navẹ ki irẹkura ọnọ, bani ezi ọi reshi ọnọ fi ini ufu au nini tuzo.  \v 15 Maa kaa yuwu nin ka ọvaa rọ ete ayi Isodomi ọnri Igomọra ẹngwu ini ọkushi ishọọji funi irẹkura ọnọ.

10/16.txt

@@ -0,0 +1 @@
+\v 16 Re, maa tu u nini itu jinẹ vene atẹmẹ ini akaakana ọdumi nini, ootu du we nuvira vene isẹchichi nini, ama du mẹ vene onekuku ana raa ma mẹ ọza ọshimi.  \v 17  Wa zama ẹtẹ nini!  Aza va zau nin na ngwu ini iragu, ẹẹ vaa si inori tu u nin ini isinagọgu.  \v 18  A vaa zau nin ni ọvidi igomina nini shi oshinọyi nini fuvọ ami doti ọsi vi iveenu yu wa shi ijẹntari nini.

10/19.txt

@@ -0,0 +1 @@
+\v 19  Ụmẹ nẹ raa zau netu wa, asu shafasha isọvọri ki u wa ka nin, navẹ ki  u mẹmẹ vaa kaa nin.  \v 20  Fuvọ ka avaa si isẹnu vaa ka yu u nin ụmẹ oo si tu.  Fuvọ ka ọzi vi ẹwu ọnọ va karẹyi, ama ifẹ ayi Ada wu vaa zirẹngwu awu karẹyi.

10/21.txt

@@ -0,0 +1 @@
+\v 21  Ẹnyara va veyi kẹngwu dẹ wu ẹngwu, di ada za ozi ani dọ wọ.  Ezi va kuẹtẹ tu ada ọnri ọnyi dẹẹ mẹ ka awu wa.  \v 22  Aza boo vaa kwayi awu fuvọ irẹsha mi.  Ama ọna raa si ẹngwu dọ ne tu ẹtẹ, a va dọọ tu.          \v 23  Ụmẹ ọni ẹ raa muya ru u ini irẹkura ọnya, u zue fi izọ, du wa ni irẹskura ọsa fuvọ ka irẹiza ọni maa ka yu u, ka weyi zua zi irẹkura boo ana yi Isirẹni taa di ozi ọza ọ va varama vẹ.

10/24.txt

@@ -0,0 +1 @@
+\v 24  Ọza anaa kọsuẹ isa ọ mẹ funi ọga ni, navẹ ka di ozida ayi ụbani fu ọga ani.               \v 25  Ọza a naa kọsuẹ ve nee vene ọza anaa zuọ, ozida doo vene ọga ani.  Aa vi ka ẹẹ shi ada irẹshi Ibezeboobu, irẹsha ana vaa shi ani irẹsha ani me ve duvii tu kẹ!

10/26.txt

@@ -0,0 +1 @@
+\v 26  Fuvọ avọ asu shi angwa anini, fuvọ ka ọzi nyi isẹnẹ tẹẹ da zaa sii zu, ọi zẹ nyi nyi isa ọna tẹẹ ona da zaa ye.  \v 27  Isa ọni mi ra ka yu u ini oozi, kaa ini eyi vovo, ọnu ra wu tu ini ụto, showu ani inẹsu ireshi.

10/28.txt

@@ -0,0 +1 @@
+\v 28  Asu shangwa ẹnẹ naa wu ẹchẹngwu dẹ ra ma zu wu ifẹ.  Akikọnọ u nyi angwashi ọza na va zu wu ifẹ ọnri ẹchẹngwu ineeku ira.  \v 29  Awa raa ma na unomi ọnyọpandẹdẹ ẹva ikọvọ?  Tuavọ tuavọ ọ zaa nyi ọnya ana vaa javọ di Oshomoshi ra zaa yẹ.  \v 30  Ama ẹyii ana yi ini rẹsu au vana zika.  \v 31  A su u shi angwa, waa nyi ụbani funi ọnyọpandẹdẹ ọruru nin

10/32.txt

@@ -0,0 +1 @@
+\v 32  Ọza ana raa dọ renu ami ini ọvidi aza ẹnẹmi zẹ va di dọ renu aani ini ọvidi Ada mi ana yi ineeku.  \v 33  Ama ọza ẹnẹ re yi mi tẹtẹ ini ọvidi aza, vọni ẹmi ze vee yi tẹtẹ ini ọvidi Ada ana ineeku.

10/34.txt

@@ -0,0 +1 @@
+\v 34  Asu ro ka ẹngwuọrọ anim za vẹ ẹshẹ ọnọni, ọzi vi ẹngwuọrọ, ama irẹku.  \v 35  Fuvọ kii maa va mẹ kaa ozi ọnọru o veyi irazi ki ada ani, di ozi ọnyẹnẹ ọọ veyi irazi kọ ọnya ani, shi ose ozi ki ọnyi ọva ani.  \v 36  Ani ireshi ọza ẹnẹ vi ọnivi ani.

10/37.txt

@@ -0,0 +1 @@
+\v 37  Ọza ẹnẹ ree sirẹyi ada navẹ ka ọnyi funa mi, ọzi fu vaa ami.  Ọza ene ree sirẹyi funa mi ọzi fu vaa ami. \v 38  Ọza na raa zi chema ọchi avashi ani doti ọ vatura mi ọzi fu vaa ami. \v 39  Ọza nee si ifẹ ani vọnọ vaa javọ.  Ama ọza ọni ifẹ ani raa javọ fuvọ ami vee ree si   ̣

10/40.txt

@@ -0,0 +1 @@
+\v 40  Ọza ne ree su wu ọzọga, vene si mi ọzọga, oze ne  ree si mi ọzọga vene ze sisi ọza ne tumi ọzọga.  \v 41  Ọze ne re si ọkisẹ ọzọga fuvọ ka ọkisẹ ọni vene vee re ọgu ọkisẹ dọ; ọze ne re si ọnirẹiza ọzọga fuvọ kọ vi ọniẹiza, vene ve re ọgu ọnirẹiza dọ.

10/42.txt

@@ -0,0 +1 @@
+\v 42  Ọzaturọza ọna raa mẹ ọiza yi ezieweyi ẹnẹni fuvọ kẹ vi eziafu aa mi shọọ vi ka enyi kẹnẹ ọ nẹ ka yuwa, ma kaa yuu ini irẹiza ka ọzi nyi ọgu ani mẹ va sii jaa vọ̣.

10/title.txt

@@ -0,0 +1 @@
+Irẹsu 10

16/01.txt

@@ -0,0 +1 @@
+\v 1 Ani Ifarisi ọnri Isadusi nini veetu Ijesu dẹ zamare.  Dẹ kaa yọ, si ụkọrọ ọsisi ẹfi furi ovurukutu zu ẹni.   \v 2  Ama dọ tu woshi, dọ kaa yuwa ka, "Ụmẹ oruva retu, du kaa nini ka ẹtẹ vee zoza, fuvọki egushi yi nani".

16/03.txt

@@ -0,0 +1 @@
+\v 3  Aviki ini ọnẹnẹ yọ, du kaa ka ẹtẹ ozee zoza fuvọki egusha ẹvi dọ simẹ guna guna venebiri ki orishi ava zu.  Waa yẹ amẹmẹ ki sẹnẹ egusha sizu nini, ama waizu ki sẹnẹ vi ọsisi zu ẹfi nini.  \v 4  Fuẹrẹvẹ oduvi ọnri ọsẹrẹka nini eesi ọsisi zu, ama ọzi nyi ọsisi zu ana vaku siyi wa, ọsifini ọi Ijona.  Efiavọ, Ijesu dọ fii da anini dọọ na.

16/05.txt

@@ -0,0 +1 @@
+\v 5  Ẹfi ẹnẹ eziafu ani tu akọsa, dẹ tamayi ka ẹnẹ zi si iburẹdi.  \v 6  Ijesu dọ kayi wa ka, "si eyi pe ẹngwu awu nini duwa yarazi nini fuvi osisi ani Ifarisi ọnri Isadusi nini.  \v 7  Di eziafu ani ge roo, dẹ ka, "fuvọki yazi si isọri ọnọ yuwa ẹnẹ si karẹyi ọnọni".  \v 8  Ijesu ọọ yi isa oni eero, dọ ka, "Ẹwu nini ọna nyi ọdọwu oweyi, sẹnẹvẹ du we roo inakakana awu nini kaa fuvọ ki wazi si isọri nini, ono wa sii kareyi onini"?

16/09.txt

@@ -0,0 +1 @@
+\v 9 Wazi yi yẹ nini, navẹki wazi tamayi iburẹdi ẹshi ana ga yi aza akaashi ọnzẹshi, dẹri, di inẹ anini shi, ọnri ka, wazi yẹ uji ya ana si ku ewuri ọna vẹtẹ?  \v 10  Navẹki iburẹdi shimba ọni aza akaashi oze ẹẹna ri, ọnri uji ya, ana si ku ọna vẹtẹ shi?

16/11.txt

@@ -0,0 +1 @@
+\v 11 Sẹnẹvẹ duwa zi nyi ọyiyẹ nini, ki aivi irẹyi iburẹdi ọnimsi ka nini?  Si eyi pe ẹngwu awu nini, duwa si eyi petẹ yi osisi awu ọni Ifarisi ọnri Isadusi nini.  \v 12  Ẹfiavọ dẹ vaa yẹ ka ọzivi osisi awu ọna si iburẹdi wu, ama ozi si eyi petẹ yi ọzizu aza ayi Ifarisi ọnri Isadusi nini

16/13.txt

@@ -0,0 +1 @@
+\v 13 Ini ẹfi ọnọni, Ijesu mẹvi ini ọkakoro ana guri Isesena Ifiripai, dọ fọ eziafu ani ka "Ẹni aza kaki Ozi Ọga ọvi kẹ?  \v 14  Dẹ kaa, "Azẹnyi ki Ijọọnu Ibapitisi, azẹnyi ki Enaija; di azẹnẹsa ki Ijerimaya navẹki ọnya ini ọkisẹẹ nini".  \v 15  Dọ ka yuwa, "Ama ọnọ wu, ẹnẹ ẹwu kẹ ki mavi kẹ?  \v 16  Isimoni Ipita dọ tuoshi, kaa, "Ẹwu ọnọ vi Ikiristi, ozi Oshomoshi ọna yaraa".

16/17.txt

@@ -0,0 +1 @@
+\v 17 Ijesu otuoshi, dọ ka yọ ka "Ẹdabẹrẹ ọnọ vi yuwu Isimoni ozi Ijona, fuvọka ọzivi ẹchẹngwu ọnri anya ọnọ shafu irẹyi ọnọni sha yuwu, ama Ada mi ọna yi ineeku,  \v 18  maa zẹ kayuwu tuọ ki, ẹwa vi Ipita, ini rẹsu irẹta ọnọni ọni mvaa di ichọchi ami tu.  Ojoze ineeku ọrọkọtọ ọizu eberee u kurẹku, do funa u.

16/19.txt

@@ -0,0 +1 @@
+\v 19  Maa si ụkọkọrọ ọyi ijọva ineeku ọiza yuwu.  Isẹnu raa su ini ẹshẹ vana vaa su ineeku ọiza, isa ọnu raa ngwara ini ẹshẹ, vana vaa nmgwara ineeku ọiza".  \v 20  Ẹfiavọ, Ijesu dọ si ụmọ kaa yi eziafu ani kasi ẹka yi ọzọ nyọnyi ki ọni ọ vi Ikiristi.

16/21.txt

@@ -0,0 +1 @@
+\v 21 Furẹ ẹfiavọ, Ijesu dọ kaa yi eziafu ani ki ọni bẹdọ vaa ni Ijerusarẹmu naa rụya ini oze ọruru ini ụvọ azẹku, oshirẹsu arufaa nini beri oyofi nini, dẹẹ wuni ama, daa va sha ọni kụẹtẹ ini ọkushi ọfụta.  \v 22  Ụmọnọ Ipita dọ siọ noboka, dọ tuo ofuvọ kaa, "Ọọ kaa isa ọnọni  ọ gọdọ yuwu ọnanyi, isọnọni ọza mẹ ni ẹshẹ awu".  \v 23  Ama Ijesu dọ vareyi, dọ ka yi Ipita kaa "Vara, nin aa ma mi ẹwu eshu! ọmọza sẹdu ọnu vi, fuvọki wee zi si isa ẹna vi ayi Oshomoshi, ama isẹnẹ vi ayi aza nini.

16/24.txt

@@ -0,0 +1 @@
+\v 24 Ijesu dọ va ka yi eziafu ani, "Ọnyi ẹzẹnẹ re si ki ọnọ vaturami, o re ki ọnọ yi ẹngwu ani tẹtẹ, dọ si ọchi avashi ani, dọ vaa turami".  \v 25  Fuvọki, ẹzẹna sii ka ọna di ifẹ ani tu vene ve neeta, ọnyi ẹzẹnẹ ni ifẹ ani ta fuva mi, o veere dọ.  \v 26  Sẹnẹ vi ogu yi ẹzẹna ra nyi ẹshẹ ọnọni bo ama do ni ifẹ ayi ani ta? sẹni ọza va zu si vara ifẹ ani kẹ?

16/27.txt

@@ -0,0 +1 @@
+\v 27 "Fuvọki, ozi ọza vaa vẹ ini ụga ayi Ada ani bẹri angẹni nini.  Ẹfi ọnọ ọva si ọgu ozoza yọ fuvi isẹnẹ mẹ.  \v 28  Irẹiza, ma ka yuwu, azẹnyi ini akakana awu nin ana dinẹ tuzọ naani, ezee su netu ẹfi ẹnẹ va si re ki ozi ọza ọnọ aa vẹ ini ijọva ani".

16/title.txt

@@ -0,0 +1 @@
+Irẹsu 16

18/01.txt

@@ -0,0 +1 @@
+\v 1  Ini ẹfi ọnọ, ezirama ani de vee tu Ijesu, dẹ fọọ ka "Ene fu kẹ ini ijọva ọi ineeku"?                 \v 2  Ijesu dọ shi ozi oweyi ọnya pe ẹngwu ani, dọ siọ va furawa, \v 3  dọ ka "Inọrẹiza,  ọọ zivi kuwe veni ezueyi, wai zu aa ngwu ijọva ineeku.̇

18/04.txt

@@ -0,0 +1 @@
+\v 4  Fuvavọ, ẹzẹnara vẹ ngwu shẹtẹ vene ozi oweyi ọnọni, ono fu kekere ini ijọva ineekụ.  \v 5  Ẹzẹnara si rẹsha mi dọ siọ si ozi oweyi ọnọ ọzọga vene ze si mi ọzọga. \v 6  Ama ẹzẹnara mẹ ki ezi eweyi ẹnẹ si vi kẹẹ dọ mi wu, kẹ̣ chamai, odashi fu ke zu irẹta ọkwọsẹ gẹ ọbẹ, de ne ngwu ni akakani irefu.

18/07.txt

@@ -0,0 +1 @@
+\v 7  Odu ẹshẹ ku fuvọ ki ụmẹ ojiji venebiri ọni ya aani.  Aayẹ kụ ụmẹ ọshimi ọnọni vaa vẹ ama odu ọzọnọ kụ ani ụmẹ ọshimi ọnọni zirẹngwa ani vẹẹ.  \v 8  Ụvọ awụ navẹki ụfu awụ ra mẹ kj wa misa ọshimi, daa neta.  Odashi kụwa ngwu inẹshẹ pooro pooro ruvọ ọnri afu irẹjiji, funi kụ wa si ụvọ ẹviva ọnri afu ẹviva na ngwu ineeku ọrọkọtọ na.̇

18/09.txt

@@ -0,0 +1 @@
+\v 9  Iri awu̇ ọ raa mẹ, kụ wa mi isọ ọshimi tuọ nẹta.  Ọọdashi kụ wa ngwu inẹshẹ̣̣ pooro pooro beri iri ọnya funi ke newụ na beri iri ẹviva wụ.

18/10.txt

@@ -0,0 +1 @@
+\v 10  Navọ du we re kuwa zi si eyi wu ezueyi ẹnẹni fụvọ ki angẹni anini, ọnitu Oshomo-shi, va naa si ẹfi boo kureyi shirẹ Ada mi ana yi ineeku.  \v 11  Fụvọ ki Ozi Ọza vana vaa dọ ọnọ vi kọọ vụ tu.

18/12.txt

@@ -0,0 +1 @@
+\v 12  Ụmẹ ree tu? Ọza raa nyi atẹmẹ  ẹchẹshi, dọ̣ ọnya inani vụ, ọ wa navọ ẹchẹshi fụrẹ ọnya ana vọ tuni irẹsufa, do si ọnya enevụ na?.  \v 13  Aa vi kore ọnya ọnọ, ọvaa jujẹ inẹẹsu ani fini ẹchẹshi furẹ ọnya ene re zi vu. \v 14  Avọ ọnọ mẹ razi vi osisi Ada wụ ana yi ineeku, ki onya ini ezueyi ẹnini kọ ọvara ovivu.

18/15.txt

@@ -0,0 +1 @@
+\v 15  Ọnọfụva mi, raa mẹ ọshimi kau vẹ, na du wee ne tuo, ẹwu riọ anava, dụwa kaa yọ ọshimi ọnọ mẹ kau vẹ, ọnọvi ku waa dọ ọnọfụva awụ ọnọ varama. \v 16  Ama avi kọziva bewaatọ, si ọza ọnya navẹ ki ẹva bẹrẹ ẹngwu awụ̣, fụvọki irẹyi onivenu ẹva navẹki ẹta fụvi dụ wa nyi onivenu ana si afu irẹyi shẹtẹ.

18/17.txt

@@ -0,0 +1 @@
+\v 17  Aavi ki ozi, bewaatọ kaa yi ichọc̣hi, ọzi ve bi ichọchi atọ, ụmavọ dụụ kụya vene Ijentari ọnri ọdi mana.

18/18.txt

@@ -0,0 +1 @@
+\v 18 Ini irẹiza, maa kaa yụụ nini isa turisa ọnụụ ra su inẹshẹ vana vaa su ineeku.  Isaturisa ọnuu ra ngwara inẹshẹ vana vaa ngwara ineeku.  \v 19  Di ma zẹ ki ka yụụ nin ka aa vi ki eẹva ini awu nini ẹẹ si ọma vi ọnya ini isa ẹnẹ re fusue, Ada mi ana yi ineeku vana va mẹẹ yiwa.  \v 20  Izẹ na aza ra gwẹ ẹva navẹ ki ẹta re pere gu tu ini rẹsha mi, mva yini akakana anini.

18/21.txt

@@ -0,0 +1 @@
+\v 21  Ụmavọ, Ipita dọ vẹ vaa fi Ijesu, "Ananyimi O" ụpẹ ri ka ya ọnọ fụva mi vaa chamai yimi di ma vaa tangwa si aichama ani vaya ni kẹ?  Ụpẹ shimba wayọ?  \v 22  Ijesu o voshi kaa, " Ma zi ka yụ ki ụpẹ shimba" ama otu ụpẹ ẹbẹrẹta rẹwu inoze shimba.

18/23.txt

@@ -0,0 +1 @@
+\v 23  Fuvavọ, ijọva ineeku o veni oshinọyi ọnya o nee si kọ naa bere ozida ani yaafu ẹkẹshi ọnọ si yiwa. \v 24  Ọmẹ vẹrẹ kẹnẹ dọọ si ọ zu dasi ozida ọnya ve tuo ana riọ ụta itarẹnti ampo ẹbẹrẹva ri ẹwu.  \v 25  Ọmẹ razi nyi ẹkẹshi ọnọ vesi sụta, dọ ọga ani ka ana ọnri ose, shi ezi vabẹri isọnọ nyi boo doti o sio suta ọnọ rii.

18/26.txt

@@ -0,0 +1 @@
+\v 26 Inani, dọ ozida ni dọ sẹdu, dọ va kwẹtẹ, dọ kaa, "Ẹwụ ọga mi si ẹfi nyi mi, vaa sụta ọnim ru u boo".  \v 27  Inani, dọ ọga ani nyi ayụva ani ụta ọnọ riọ dọ siọ vaya ni, dọva fụrẹ ụvọ kọọ na.

18/28.txt

@@ -0,0 +1 @@
+\v 28  Ozida ọnyanya ọnọ mẹ nẹshẹ dọ re ọno̱ nrịọ gẹ̣ vi ozida ana riọ ụta idinari ẹchẹshi, dọ ụvọ shiobẹ, dọ kaa "Si mi ụta ọnu ri mi". \v 29  Ama di ozida ọfụva ọnọ kuẹtẹ dọ dipẹ kaa, "nyi shụrụ yimi, mve suu ụta varama", do nẹ ngwu ni ẹngwani  kọ si ẹkẹshi yọni.

18/30.txt

@@ -0,0 +1 @@
+\v 30  Ama, do ozida ipaapa yi.  Akikọnọ dọ na dọ nee ngwẹngwa netu ụmẹ ọnọ vẹ zụụ su ụta ọnọ riọ.  \v 31  Ụmẹ ọni ezida anavọ re isọnọ mẹ, di ayi kụwa.  Dẹ na kaa yi ọga anini isa boo ọnọ mẹ.

18/32.txt

@@ -0,0 +1 @@
+\v 32  Inani, dọ ọga ozida ọnọ shiọ, dọ ka,"Ẹwụ ozida ọshimi ọnọni maa sụta ọnọ boo vayụwụ fụvọ kụwa dipẹ yimi.  \v 33  Dọviki waizụ vayi ọnọ ọfụva awụ veni mmẹ vaya wụ?

18/34.txt

@@ -0,0 +1 @@
+\v 34  Di ayi kwọ ọga ani, dọ siọ chire ẹnẹnaa suyaa riọ ọza ụvọ netu ụmẹ ọnasi sụ ụta ọnọri boo. \v 35 Avọ ani Adamu ana yi ineeku mẹ zẹ va mimẹ yụwụ nini aaviki ọzọnyọnya awụ nini ọzi si aichama ọnọfụva ani vayani fini ọtuturuma

18/title.txt

@@ -0,0 +1 @@
+Irẹsu 18

20/01.txt

@@ -0,0 +1 @@
+\v 1 Ijọva ineeku ovene adareshi ana kụẹtẹ ini ọnẹnẹ viri viri ko ne nee si anabaro, ana vaa mụkọrọ ini ụbazi ani.  \v 2 Ẹmẹ gẹ sofụ ani  yẹ ngwu, dọ gẹrẹngwu yiwa kọni va suwa Idẹnariyọsi ọnya ini irẹkụshi; dọ kẹ ninubazi awọni.

20/03.txt

@@ -0,0 +1 @@
+\v 3 Ọmẹ zẹ mi iwakati ẹta dọ rẹ shi anabaro ọsa ini ofu ana dinẹ kẹvẹ, dẹ razi nyi isẹnẹẹ mẹ. \v 4  Dọ kaa yụwa ka, " Ẹwụ noze, ngwu nubazi, dụwa mụkọrọ nini kim vaa si u isẹnẹ̣ ra sẹri yuwụ nini."Dẹva na vẹrẹ ụkọrọ.̇

20/05.txt

@@ -0,0 +1 @@
+\v 5 Ọmẹ jinẹ inọpati iwakati shinọnyi ọnri iwakati ishinna dọ viki isọnyọnya ọnọ ka yi anabaro ọsa nin. \v 6 Ọmẹzẹ tu iwakati ẹwụ̣rọnya dọ zẹ jinẹ tụra, do re anabaro ọsa ẹẹ zẹ dinẹ̣ kẹnẹ.  Dọka yiwa ka, 'Sẹne̱vẹ duu dinẹ kẹnẹ, dọzinyi ọnụ waa mẹ nini fuọ nẹṇẹ?'. \v 7 "Dẹ kaa yuwa  ka, 'Fụvọki ọzi nyi ẹzẹ na shii uu nin ụkọrọ'.  Dọ ka yuwa ka, "Ẹwụ ngwu ụbazi dụwa na mụkọrọ nini'.

20/08.txt

@@ -0,0 +1 @@
+\v 8 Ọmẹ tu oruva, ọza aa nyu ụbazi dọ kaa yi ọga ọnukọrọ ani ka, "Shi ọnukọrọ ẹnẹ, dụwe su wa ụta finẹ ẹsu ene keke vẹ na ngwu ni ọni paapa". \v 9 Ụmẹ ani anabaro ana dọ ini iwakati ẹwurọnya vẹ̣ de su wa idinariyọsi ọnya ọnya.  \v 10 Ụmọni anabaro ipaapa nini vẹ de ro kẹnvaa dọọ funa avọ.  Ama, dọ viki idinariyọsi ọnya ọni ọzọ nyọnya ra anini dọ.

20/11.txt

@@ -0,0 +1 @@
+\v 11 Ẹfi ẹnẹ suwa ụta, inẹ anini ozi shine tuọ, de ne tu ẹzẹ na nyi ụbazi. \v 12 Dọ ka 'Iwakati ọnya ọni anabaro nini ana vẹ keke si mụkọrọ, ama wa mẹẹ si eyi ru wa ụta ẹbẹbẹ, ẹyi ọnọviki ka ya mụkọrọ fu, dii vana yinọ ọyi fi inọnene.

20/13.txt

@@ -0,0 +1 @@
+\v 13 Ama adareshi ọnọ dọ tụoshi, dọ kaa yi ọzọnya ra anini ka,'Ọtami, ọzọnyi isa odụvi ọnim mẹ kawu vẹ.  Navẹki aivi idẹnariyọsi ọnya ọnẹ mi rẹwu gẹ kaa tụ"?  \v 14 Disẹ vaa yawu, dụwa si si oze awụ.  Ẹmi ọnọ zẹyi ki mve si anabaro ẹnẹ keke vẹ ụta ọnyọnya ọnim siwu nini.

20/15.txt

@@ -0,0 +1 @@
+\v 15 Navẹ̣ki mazi nyi ụmọ ki mẹ ni isimi nyi o me zemeyi.  Navẹki ụwa fuvọnọ mọikụ ki ma shụvọsha". \v 16 Navọ duwa yẹ ka, ana vi okeke vaa vi ọni paapa, ọni paapa dọ vi ene keke".

20/17.txt

@@ -0,0 +1 @@
+\v 17 Ẹfi ọni Ijesu aa shirẹ ni Ijerusarẹmu, dọ shi eziafu ani ewụrẹva tuo boka ẹ maa na inoze, dọ ka yuwa ka,  \v 18 "Re yaa shirẹ ni Ijerusarẹmu, avaa si ozi ọza chiri oshirẹsu arufa ọnri oyofi nini ụvọ.  Ẹ vaa jivi isuu yọọ;  \v 19 dẹẹ va siọ chiri Ijẹntairi nin ụvọ kẹ mẹ dẹ nyai ijampa, dẹ wuọ ini ẹsu ọchi avashi.  Ama ọkụshi ofụta, avaa shaa kụẹẹtẹ'.̇

20/20.txt

@@ -0,0 +1 @@
+\v 20 Inaani, ọnyi ezi Izebede, dọ vẹ tu Ijesu bẹrẹ ezi anẹru ani.  Oo nyima, rẹsu yọọ, do fisue isa fini ụvọ ani.  \v 21 Ijesu dọ fọọ ka, "Sẹnẹ ya wu ọtuturuma onu wee si"?  Dọ tuoshi, dọ ka, "Si ụmọ kaa doti eziami anẹru ami ẹviva ẹnẹni ẹ zu yatu ini ijọva ineeku awu, ọnya inuvọọri, ọnya inuvọọfa".

20/22.txt

@@ -0,0 +1 @@
+\v 22 Ama Ijesu do tuoshi, dọ ka, "Wazi yẹ isa ọnụ wee fisụe ani?.  Ụmẹ va zuu si ipa fu enyi ụya ọni mve fu nini"? Dẹ̣ kaa yọ ka, "Iiva zuu fuo". \v 23 Dọ kaa yuwa ka, "Maa vana yẹ kuu vee zuu fuo nini.  Ama ini kụwa yatu tụni ụvọọri ọnri ụvọọfa ami, ọzivi ẹmi ọnọ vaa mẹ ono, fuvọki Ada mi ọ teni tẹtẹ da yi ẹnẹnọ va siọ yi". \v 24 Ụmọni eziafu ani ẹwụ anavọ wụ irẹyi ọnọni, dẹ mọiku kokoro shi ọọnyara ẹviva ẹnẹ.

20/25.txt

@@ -0,0 +1 @@
+\v 25 Ama, Ijesu dọ shi waa pẹngwu, dọ ka "Waa yẹ nini kọ ọdọvidi Ijẹntairi nini vana sụkata kuwaazi, di azẹbani anini dẹ mẹ ụmọ tụrawa rẹsu.  \v 26 Ama ọzi sẹrẹ kọ vọọ ya inakakana awụ nini.  Akikọnọ, ọzaturọza enee si kọ ọnọ nyu ụbani inakakana waụ nini vọnọvọri kọ savọ vi ozida awụ nini, \v 27 ọnri ki ọzaturọza enee si kọnọvi ọdọvidi inakakana  awụ nini, bẹdọ vi ozida awụ nini. \v 28 Venebiri Ozi Ọza mẹ razi vẹ̣ ka va mozida yọ ni, ama ọọ vẹ kọnọ va mozida, dọ ọnọ si ifẹ aa wọni vara yi aza ẹrụrụ.