Wed Oct 23 2019 12:40:28 GMT+0100 (W. Central Africa Standard Time)

01/01.txt

@@ -0,0 +1,2 @@
+\c 1 \v 1 iọgbọ e she nyakwa khi e rhọ kẹkẹ eni ẹtsẹkẹ ni e she tsẹ shi   eyẹ vhi abọ nee shi ekẹ, \v 2 Abhi e lee li rhẹ wẹ ni eyẹ eyọ, ni e te ituekẹle rhi ẹloe wẹ mẹ e gwe kyili egamhẹ oni usomhi. \v 3 Uwi obọ mhẹ abagwhoyọ, te ituekẹle mhi te
+ li kwuegbea gwuanọ emeni e zẹ ena kwu, oo ti mhẹ ẹloe khi mhi kẹkẹ wẹ shi ekẹ abhi e li laa, ghyiẹ ọgbọ aghyie Itiofilosi. \v 4 Rhẹmhi liyọ khyiẹlẹ ọ khi vha kẹ yẹsẹ oni ingmaghyie obodẹ emeni a gaa wẹna vhẹ kwu.

01/05.txt

@@ -0,0 +1 @@
+\v 5 Erhẹghẹ Ẹrọdu, oghyie Ijudea, aa mhọli ọni ọmọse ọgwho ni ẹẹ lu Izakaraya, ọnyi ẹdẹ Abijani. Ugwhẹ ọli ọ kyili omyi Erọni, eva ọli khi Elizabẹti. \v 6 Ee gaa nyele inyele ipfuasẹ rhọ khali Ishinẹgba; ee gwaba ẹẹ gbe e rhi ishi Ọnọmhọli gwhẹ. \v 7 Ama e vha vyia ọmọ, rharhi aga li Elizabẹti ọ kyia, oni ẹrhẹghẹ oyọ e she kyili ikyiọjọ.

01/08.txt

@@ -0,0 +1 @@
+\v 8 Izakaraya ọ la odalo Ishinẹgba gbega  nali, ọọ gbe ukanya ọni ọ kpeda ugamhi abhi a li kemhi wẹ  shiọ. \v 9 Abhi aa li zẹ Eni e kpeda ugamhi khi e ke li gbe oni ikanya, a liyọ rhi ideshie zẹ ọli khi ọ kee laa owuka Ọnọmhọli tosẹ itulale. \v 10 Eni iọgbọ ni e kpọẹ ni e ke legba ẹẹ pfi olema vhi elase ẹrhẹghẹ ni ọ rhẹẹ tosẹ itulale vhi elemhi owuka.

01/11.txt

@@ -0,0 +1 @@
+\v 11 Aghyiukọ ọọ ke bhale a nu Izakaraya tomugha opfọni obita oni Ọta ni a lẹẹ tosẹ itulale. \v 12 Egbe e vha gwe sheshi Izakaraya ni ọ rhọ mẹ ọli, egbegbe ulishi o bhale ọ vhi egbe. \v 13 Ama ọni aghyiukọ ọo li, "Izakaraya imhẹ gwe nu ulishi, rharhi khi a she suọ olema ẹ. Ugwhẹ ni Elizabeti ọ laa vyia ọmọ ọmọse. u laa lu ọli Ijoni.

01/14.txt

@@ -0,0 +1 @@
+\v 14 U la laa mhọli oghẹlẹ ali egbenwumhẹ, abagwhoyọ iọgbọ ebubu ee laa ghẹlẹ shi ivyiamhi ọli. \v 15 Rharhi khi ọọ laa kyili ọnọfu vhi ukpẹloe Ọnọmhọli. Ọ vha laa da ọnyọ ni ọa nwu ọgbọ wẹ khi oni o ze, Ayẹmhẹ ni o Pfuasẹ ọ laa te elemhi igwhu inyọ ọli vọsẹ ọli lasele.

01/16.txt

@@ -0,0 +1 @@
+\v 16 Iọgbọ ebubu Izulẹ e laa liegbe bhuli Ọnọmhọli ni Ishinẹgba wẹ. \v 17 Ọ la laa rhi ayẹmhẹ ali izemhi Ẹlaja rhọ kee rhẹ khali Ishinẹgba. Ọ laa khyiẹlẹ ona khi lẹ rhọ nwu ikpakomhi  eni ita bhuli eni ivhiẹ, ishọyọ khi eni ea suọ esọ khi e rhọ rhọ te ẹgbhẹli eni e pfuasẹ kee kyia. Rhẹmhi ọ laa khyiẹlẹ ona khi lẹ rhọ nwuno iọgbọ egbe shi ni Ọnọmhọli ni a she kpọ nwuno egbe shi nali."

01/18.txt

@@ -0,0 +1 @@
+\v 18 Izẹkaraya ọọ ke mhila ọni aghyiukọ, "See mhi li laa yẹsẹ ona? Rharhi khi mhi she kyili ọjọ, ugwhẹ mhẹ ọ she gwe li kyili ọjọ abagwhoyọ." \v 19 Ọni aghyiukọ ọọ ke sọ vhọ ọọ li, "Mhẹmhẹ khi Igebulẹ, ni ọ mugha odalo Ishinẹgba. Rhẹmhi a ghyie mhẹ khi mhi kaa nu ẹẹ ngme, khi mhi tsua oni usomhi aghyie ona bhuli vhẹ. \v 20 Ghe, ghe, udungme li u ke a kyila rhili a pfishi egbẹlẹ ni a rhọ laa mẹ eni ingme ena kwu, rharhi khi u waa lama  shi ingmemhi mhẹ, ni o kyila khi o la laa tsẹ shi ẹrhẹgbẹ aghyie."

01/21.txt

@@ -0,0 +1 @@
+\v 21 ẹrhẹghẹ ona, eni iọgbọ ni e legba ee mugha ẹẹ khẹ Izẹkaraya. Oo nwu wẹ ẹloe emeni e zẹ khi ọ liyọ ke tẹsẹ vhi elemhi oni owuka. \v 22 Abhi ọ ke rhọ lasele, ọ vha gwe dobẹ ẹẹ ngme wẹ khi rhẹmhi ọ gwe dobẹ sọ wẹ vhọ. Oo ke ga wẹ vhi ẹloe khi irhẹmhi ọ mẹ idowẹmẹ ni ọ rhọ liyọ tẹsẹ vhi  elemhi oni owuka. Obọ li ọ kee rhọ nu wẹẹ ngme, ọ ke kyili udungme. \v 23 Abhi ẹrhẹghẹ ukanya li ọ ke rhọ pfoo, ọọ liegbe je apfẹ ọli.

01/24.txt

@@ -0,0 +1 @@
+\v 24 Abhi eni egbẹlẹ ena e ke rhọ dọsẹ a lẹ, Elizabẹti ni ugwhẹ ọli ọọ lẹẹ mẹ. Ọ rhi egbe ọli gbhagbha elemhi ikyi ishiẹ. Ọọ li, \v 25 "Emeni Ọnọmholi ọ khyiẹlẹ na mhẹ khi ona ni ọ rhọ bino mhẹ rhi ẹwela na khi lẹ kẹ rhue mhẹ omama egbea vhi ukpẹloli iọgbọ."

01/26.txt

@@ -0,0 +1 @@
+\v 26 Nenaa, abhi imẹmhi Elizabẹti ọ ke rhọ rhamhi ikyi esesa, Ishinẹgba ọọ ghyie ọni aghyiukọ Igebulẹ je ẹvholi ni a lu Igalili ni ẹẹ lu Inazarẹti, \v 27 bhuli ọni ọmọmoshi ni ọ vha yẹsẹ ọmọse nee, ni ọmọse ni aa lu Ijosefu ọ zẹ shi ekẹ khi lẹ lẹẹ kwhẹsẹ. Ushishi Idevidi li ọni ọmọse ọ kyia, eva ọni ọmoshi ni ọ vha yẹsẹ ọmọse nee khi Imeli. \v 28 Ọni aghyiukọ ọ bhẹ bhuli ọli le, ọọ li, "Mhi tsẹ ẹ, ghyiẹ ni u nwumaa mhuẹ ẹwela! Ọnọmhọli ọ nu ẹ la!" \v 29 Ama eni ingme e sha ọli abọ uvhali otsẹ ni ogwho ona o kyia shiọ.

01/30.txt

@@ -0,0 +1 @@
+\v 30 Ọni aghyiukọ ọọ li, "Imhẹ gwe nu ulishi, Meli, rharhi khi u she mhọli ẹwela vhi obọ Ishinẹgba. \v 31 Ghee, u la laa mẹ u vyia ọmọ ọmọse, u la laa lu eva ọli 'Ijesu.' \v 32 Ọnọfu li ọ laa kyila aa gwe laa lu ọli Omyi ọni ọ yagha nẹẹ. Ọnọmhọli ni Ishinẹgba ọ laa rhi eghyiele ita ọli ni Idevidi nali. \v 33 Ọọ laa kee mhasẹ ni apfẹ Ijekọpu ẹlẹnagbọagbọ, Eghyiele ọli o vha laa mhọli ukpẹsẹ."

01/34.txt

@@ -0,0 +1 @@
+\v 34 Imeli ọọ ke ẹẹ li ọni aghyiukọ, "See a li laa mẹ ena, abhi imha khyie li yẹsẹ ọmọsẹ nee ena?'' \v 35 Ọni aghyiukọ ọọ ke sọ ọli vho, ọọ li, "Ayẹmhẹ ni o Pfuasẹ o laa bhale bhuli ẹẹ le, izemhi ọni ọ yagha nẹẹ ni Ishinẹgba o laa gwese ẹ. Ishọyọ ọni ọ pfuasẹ ni u laa vyia aa la ke lu ọli Omyi Ishinẹgba.

01/36.txt

@@ -0,0 +1 @@
+\v 36 Gwe ghee, Elizabẹti ni vha kyili apfẹ ogwho ọ she li a mẹ ọmọ ọmosẹ nenaa vhi ẹrhẹghẹ ikyiojọ, ikyi esesa li o lu ọ vhi egbe nee, ọni a kpọ ẹẹ lu aga. \v 37 Rharhi khi a vha mẹ emeni o vhaa pfo Ishinẹgba a khyieli." \v 38 Imeli ọọ li, "U waa mẹ khi ọgamhẹ ọkpotso mhi kyia. O kaa kyia yọ abhi u li ngme ọli." Iyọ, ọni aghyiukọ ọ ke pfi ọli shi ayọ vu.

01/39.txt

@@ -0,0 +1 @@
+\v 39 Oni ẹrhẹghẹ oyọ Imeli ọọ nyanya chi ekẹ vule ọọ je ẹvholi ni o la abọ esọ ọkpha, ni o la aloekẹ Ijudea. \v 40 Ọ je elemhi apfẹ Izẹkaraya a tsẹ Ẹlizabẹti. \v 41 Abhi Elizabẹti ọ ke rhọ sokwu otsẹ Imeli, ọmọ ni ọ la vhi asọmọ ọ nwu egbe lieliẹ,  Ayẹmhẹ ni o Pfuasẹ ọ bhẹ bhuli Ẹlizabẹti le.

01/42.txt

@@ -0,0 +1,2 @@
+\v 42 ọ nya unua ọ sọse oghẹle, ọọ li, "Ọni a zẹ ọte na vhi elemhi eni ikpotso li u kyia, ali ọmọ ni ọ la ẹẹ vhi asọmọ. \v 43 Oni ọgwho ona o kyia na mhẹ ena ni inyọ Ọnọmhuẹmhẹ ọ rhọ nono mẹ bhẹ vhi apfẹ ena?
+ \v 44 U waa mẹ, abhi mhi rhọ lee sokwu otsẹ ẹ vhi esọ mhẹ, rhẹmhi ọmọ ni ọ la mhẹ asọmọ ọ nwu egbe lieliẹ shi oghẹlẹ. \v 45 Ivọsẹna khi uwi ọni ọkpotso ni ọ myie lama khi ingme ni Ọnọmhọli ọ ngme khasẹ ọli khi e la laa tsẹ."

01/46.txt

@@ -0,0 +1 @@
+\v 46 Imeli ọọ li, "Avhagwu mhẹ chichi Ọnọmhọli.  \v 47 Oghẹlẹ o vọsẹ ayẹmhẹ mhẹ vhi obodẹ Ishinẹgba ọni otsumhi mhẹ.

01/48.txt

@@ -0,0 +1 @@
+\v 48 Rharhi khi ọ she bino abhi o li mhẹ vhi egbe mhẹmhẹ ọgamhẹ ọkpotso. Vhaa mẹ, te nena vu ozele kwu e laa kee lu mhẹ ọni a zẹ ọte na. \v 49 Rharhi khi ọni ọtọgbe ọ she khyieli emeni e gba na mhe, eva ọli gwe khi ọni ọ pfuasẹ.

01/50.txt

@@ -0,0 +1 @@
+\v 50 Ivhẹlemhi ọli rhẹmhi ọa tẹsẹ rhọ te ozele apfishi ozele ni eni e rhi ojima nali. \v 51 Ọ she rhi abọ ọli rhi izemhi ọli khasẹ; ọ she vẹsẹ eni rhi isamhi idu wẹ chichiegbe kwa.

01/52.txt

@@ -0,0 +1 @@
+\v 52 Ọ she kpọlọ imyi eghyie vhi eghyiele wẹ kpiale. ọ nwuno eni agbọ o gbe vule. \v 53 Ọ she rhi ẹtsẹkẹ aghyie ni eni okyiamhi ọa gbe le, ama ọ dobẹ eni ọsuemhẹ rhi elemhi apfuẹ vu.

01/54.txt

@@ -0,0 +1 @@
+\v 54 Ọ she kpaghyiẹ Izulẹ obọ ọgamhẹ ọ, ishọyọ khi ọ rhọ sato rhi ivhẹlemhi ọ khasẹ wẹ. \v 55 Abhi ọ ngme ita eyẹ Ebulahamu ali ushishi ọli ẹlẹnagbọagbọ.''

01/56.txt

@@ -0,0 +1 @@
+\v 56 Imeli ọọ nu Elizabẹti la elemhi ikyi esẹ, neni ọ ke liegbe je apfẹ ọli. \v 57 Nenaa, abhi ivyiamhi o ke rhọ rhamhi Elizabẹti ọọ ke vyia ọmọ ọmọse. \v 58 Aganyelẹ ali inyọgwho ọli ee suọ khi Ọnọmhọli ọ she khyi ivhẹlẹmhi nya vhi ivhẹlemhi, e bhale a nu ọli ghẹlẹ.

01/59.txt

@@ -0,0 +1 @@
+\v 59 Iyọ, ogbẹlẹ ozelele e bhale a fẹli ọni ọmọ. E ke lẹẹ lu ọni ọmọ ''Izẹkaraya,'' ni o kyili eva ita ọli. \v 60 Ama inyọ ọli ọọ ke sọ vhọ ọọ li, "Obho, Ijoni la laa kee lu ọ." \v 61 Ee ke eẹ li, "A vha mẹ ọgbọ elemhi ẹdẹ vhẹ ni ọ kpọ le oni eva ona."

01/62.txt

@@ -0,0 +1 @@
+\v 62 Ee ke rhi abọ nu ita li ngme abhi a kha lu ọ. \v 63 Ọni ita ọli ọọ li khi a rhi emeni a kẹkẹ a shi na lẹ, li ọ rhọ kẹkẹ, khi "Eva li khi Ijoni." Oni ingme oo nya wẹwẹ kwu aloa.

01/64.txt

@@ -0,0 +1 @@
+\v 64 Obobobọ, unu ọli o gweghyiea, olẹmhi ọli o taghyiea. ọọ ngme ọ chichi Ishinẹgba. \v 65 Ulishi o lo iọgbọ kwu ni e gaa nyele vhi egbe.  eni ingme na kwu oo gaa ga eni ẹvholi Ijudea kwu ni e la aloekẹ ekpha. \v 66 Agbọ kwu ni e  suọ emeni a mẹ e rhẹ wẹ shi idu, eẹ li, "Elọ ọni ọmọ ọna ọ kyia shiọ?" Rharhi khi obọ Ishinẹgba o la vhi agbọ.

01/67.txt

@@ -0,0 +1 @@
+\v 67 Ayẹmhẹ ni o Pfuasẹ o ke vọsẹ Izẹkaraya ni ita ọli ọọ ngme ingmemhi ogbhagbha, ọọ li, \v 68 "Ichichi khi uwi Ọnọmhọli, ni Ishinẹgba Izulẹ, rharhi khi ọ she kpaghyiẹ iọgbọ ọli obọ khi lẹẹ rhọ myie wẹ pfuese.

01/69.txt

@@ -0,0 +1 @@
+\v 69 Ọ she yasẹ okphẹ imyiepfuese ni eyẹ ni apfẹ ọgamhẹ ọli ni Idevidi, vhi iteteva ẹdẹli ọgamhẹ ọli ni Idevidi, \v 70 Abhi ọ li te unu ebolẹ ni e pfuasẹ ni a kpọ mẹ ẹrhẹghẹ ni o dọsẹ. \v 71 Ọ laa tsumhi eyẹ vhi obọ ẹbele eyẹ le ali eni ea bishi elemhi eyẹ.

01/72.txt

@@ -0,0 +1 @@
+\v 72 Ọ la khyiẹli ona khi lẹ rhọ rhi ivhẹlemhi khasẹ ita eyẹ, ali khi ọ rhọ sato ishobọ ọli ni o pfuasẹ, \v 73 Ilimhi ni ọ rhomhi ni ita eyẹ Ebulahamu. \v 74 Ọọ rhomhi ilimhi khi lẹ laa rhọ ni eyẹ, eyẹ ni a she tsumhi vhi obọ ẹbele eyẹ le, khi eyẹ rhọ dobẹ ga ọli eyẹ vhaa nu ulishi, \v 75 vhi elemhi ipfuasẹ ali igwhabhagbe rhọ khali ọli egbẹlẹ eyẹ kwu.

01/76.txt

@@ -0,0 +1 @@
+\v 76 Ingmaghyie lọ, ghyie, ọni ọmọ, a laa kee lu ọli ọbolẹ Ọnọfu nẹẹ, rharhi khi u la laa rhọ te ukpẹloe Ọnọmhọli laa nwuno odẹ ọli shi ekẹ, \v 77 khi u rhọ rhi iyẹsẹ imyiepfuese ni iọgbọ ọli, te ikpa igbe ingmobe kwa na wẹ.

01/78.txt

@@ -0,0 +1 @@
+\v 78 Rharhi ivhẹlemhi Ishinẹgba eyẹ li a te laa mẹ ena, rharhi ovọ ni o te idane a nya kwu le oo laa rhamhi eyẹ vhi egbe, \v 79 O gẹẹ rhugwhu eni e shitọ vhi alo ebili ali eni e laa arhorho egwhi. ọọ laa khyiẹlẹ ona khi lẹ rhọ sheshe eyẹ awẹ te ode ọpfọmhẹ."

01/80.txt

@@ -0,0 +1 @@
+\v 80 Iyọ ọni ọmọ ọọ womhẹloe shele ọ ze vhi elemhi Ayẹmhẹ ni o Pfuasẹ, ọ nyele vhi ekẹ apata rhili apfishi ẹrhẹghẹ ni ọ ke rhọ lasele vhi  izulẹ.

01/title.txt

@@ -0,0 +1 @@
+Iluku               Ukhomhi 1

02/01.txt

@@ -0,0 +1 @@
+\c 2 \v 2 \v 1 Nena oni ẹrhẹghẹ oyọ, oghyie Isiza Ọgọstọsi ọọ shi ushi gasẹ ekẹ a lẹẹ khi a lolo iọgbọ kwu ni e nyele oni aloekẹ oyọ. 2 Ona khi ikyiatsolo ni a rhọ lẹẹ lolo iọgbọ ni Ikwiriniọsi ọ rhọ kyili igovinọ shi aloekẹ Isiria. \v 3 Iyọ ọgbọ kwu ọ je ẹvholi ọli a rhi eva shi ekẹ shi oni ilolo.

02/04.txt

@@ -0,0 +1 @@
+\v 4 Abegwhoyọ, Ijosẹfu ọ te ẹvholi ni aa lu Inazarẹti ni o lẹẹ Igalili vu je ẹvholi ni aa lu Ibẹtilẹhẹmu ni o lẹẹ aloeke Ijudeani ni o kyili evholi Idevidi, rharhi khi ọni Ijosẹfu ẹdẹli Idevidi li ọ kyia. \v 5 Ọọ rhue Imeli mhọ obọ a rhi eva shi ekẹ, ni ọ lẹẹ mhuẹ ni o kyia khi ivyiamhi o she chi mamali.

02/06.txt

@@ -0,0 +1 @@
+\v 6 Nenaa, e kee la ayọ, ẹrhẹghẹ ivyiamhi Imeli oo ke rhamhi. \v 7 Ọọ vyia ọmọ ọmọse, ọmọjọ ọli, ọ khyili ọli shi ede. Ọ rhue ọli vhesẹshi ukhomhi asha ni a rhi emenale shi ni elamhi le. rharhi khi a vha mẹ elemhi owa ni e kwu shi.

02/08.txt

@@ -0,0 +1 @@
+\v 8 Oni aloekẹ oyọ, a mẹ erhisumhale ni e nyele obholọ rhi eloe kwu isumha wẹ ẹliyọsẹ. \v 9 Udumhija, aghyiukọ ọ bhẹ bhuli wẹ le, ikiki Ishinẹgba o gẹẹ gasẹ wẹ, ulishi oo nwu wẹ onaghyie, onaghyie.

02/10.txt

@@ -0,0 +1 @@
+\v 10 Iyọ, ọni aghyiukọ ọọ ke ẹẹ wẹ, "Imhẹ vha gwe nu ulishi, rharhi khi mhi she rhi usomhi aghyie ọnogbọ ni o rhi oghẹlẹ ghyi ọgbọ kwu. \v 11 Amo a she vyia otsumhi na vhẹ shi ẹvholi Idevidi. Lẹẹ khi Ikiristi Ọnọmhọli! \v 12 Ona khi ishẹfẹ ni a rhọ laa khasẹ vhẹ, vha laa mẹ khi a gbe ede gẹnọ ọmọfẹ shi elemhi a shi ni a rhi emenale a shi ni elamhi le."

02/13.txt

@@ -0,0 +1 @@
+\v 13 Udumhija ichoja aleghyie nebu ea de gboghyiẹ eni ighyiukọ ẹẹ chichi Ishinẹgba, ee li ẹẹ li, \v 14 "Ikiki o kyili uwi Ishinẹgba ni ọ yagha nẹẹ kwu, ọpfọmhẹ o laa ukhomhi ekagbọ iteteva iọgbọ ni egbe wẹ ea nwu ọ."

02/15.txt

@@ -0,0 +1 @@
+\v 15 Abhi eni ighyiukọ e ke rhọ pfi wẹ shi ayọ vu jee aleghyie, eni erhisumhale e ke ẹẹ li egbe wẹwẹ "Eyẹ je Ibẹtilẹhẹmu, khi eyẹ kaa rhi ẹloli eyẹ mẹ abhi eni ingme na kwu e li laa, ni Ọnọmhọli ọ gweghyiea khasẹ eyẹ ena." \v 16 Ee ke nyanya ẹẹ je obholọ, e bhale a vhẹ Imeli ali Ijosẹfu, e mẹ khi a rhi ọni ọmọ vhesẹshi elemhi asha ni a rhi emenale a shi ni elamhi le.

02/17.txt

@@ -0,0 +1 @@
+\v 17 Abhi e ke rhọ liyọ mẹ ena, ee ke gwu ni iọgbọ emeni a gwu na wẹ vhi obodẹ ọni ọmọ. \v 18 Iọgbọ kwu ni e suọ emeni eni irhisumhale e ngme o sha wẹ abọ. \v 19 Rharhi Imeli ọọ lẹẹ sa eni ingme na kwu ni ọ suọ, ọ nwuno wẹ shi udu. \v 20 Eni erhisumale ee ke liegbe je obhoni e te kpọ bhale, ee chichi Ishinẹgba shi ẹtsẹkẹ kwu ni e suọ ali ni e mẹ, abhi a le li ngme ọ khasẹ wẹ.

02/21.txt

@@ -0,0 +1 @@
+\v 21 O ke gbe ẹlelele ni a rhọ lẹẹ fẹli ọni ọmọ, e lu ọli Ijesu, eva ni ọni aghyiukọ ọ ngme khasẹ wẹ khi a lẹẹ lu ọ neni a rhọ gaa ẹẹ mẹ ọli.

02/22.txt

@@ -0,0 +1 @@
+\v 22 Abhi eni egbẹlẹ irhegbe shi ipfuasẹ e ke rhọ gba, abhi ushi Imozisi o ngme, Ijosẹfu ali Imeli ee ke rhi ọni ọmọfẹ bhale vhi elemhi owuka nẹẹ Ijerusalemu khi a kaa rhọ mhọli Ọnọmhọli obọ. \v 23 Abhi a kẹkẹ shi ushi Ọnọmhọli, "Ọmọ ọmọse ni ọ sheda gweghyie asọmọ inyọ ọlia a laa kee lu ọli ọni a rhọ ni Ọnọmhọli mhuẹ,'' \v 24 E gwe li bhale a lasẹ obo abhi ushi Ọnọmhọli o ngme, esu ava ọa liyọ igbekwhukwhu ava.''

02/25.txt

@@ -0,0 +1 @@
+\v 25 Ghe, ghee, ọmọse ọgwho ọ laa Ijerusalemu nẹẹ lu Isimiọni. Ọni ọmọse ọna ọ kyili ọgbọ ni ọ nyele inyele aghyie. Ọ mugha ẹẹ khẹ ọni ọ lẹẹ zeze iọgbọ Izulẹ idu, Ayemhẹ ni o o Pfuasẹ o la vhi egbe. \v 26 Ayẹmhẹ ni o Pfuasẹ ọ she kpọ kpe ọli epfẹ ekẹ le khasẹ ọli khi ọ vha laa gwhua neni ọ mẹ Ọnọmhọli ni Ikiristi.

02/27.txt

@@ -0,0 +1 @@
+\v 27 Ogbẹlẹ ogwho Ayẹmhẹ ni o Pfuasẹ ọọ rhi ọli bhẹ vhi owuka. Abhi ita ọli ali inyọ ọli e ke rhọ rhue ọni ọmọ bhẹ, ni ọ kyila Ijesu, khi a rhọ khyiẹlẹ nali abhi ushi o ngme, \v 28 Ọni Isamọni ọọ myie wẹ lẹẹ shi abọ, ọọ chichi Ishinẹgba ọọ li, \v 29 "Nenaa dobẹ ọgamhẹ ẹ rhi opfọmhẹ kee lẹẹ , Abhi ingmemhi ẹ o ngme, Ọnọmhọli.

02/30.txt

@@ -0,0 +1 @@
+\v 30 Rharhi khi ikpalo mhẹ e she mẹ imyiepfuese ẹ, \v 31 Ni u khyiẹlẹ vhi ukpẹloe iọgbọ kwu. \v 32 Ufulọ li ọ kyila ni a rhọ rhu ni Ijẹtasi ọ gwe kyili ikiki ni iọgbọ ẹ Izulẹ."

02/33.txt

@@ -0,0 +1 @@
+\v 33 Emeni ẹẹ ngme obodẹ ọ Oo sha ita ali inyọ ọni ọmọ abọ. \v 34 Iyọ Isimọni ọ zẹ ọte na wẹ, ọọ li Imeli ni inyọ ọni ọmọ, "Rhi esọ shi ekẹ onaghyie! ọni ọmọ ọna, ọọ la laa zẹ idemhi ali ivule iọgbọ ebubu Izulẹ ọ gwe kyili ishẹfẹ ni emeni a kpọ ngme shi ekẹ. \v 35 Abagwhoyọ, ọfẹdo o la laa gbese avhagwhu ẹ, ishọyọ isamhi ni e laa idu ebubu iọgbọ a gweghyie wẹa gboo."

02/36.txt

@@ -0,0 +1 @@
+\v 36 Ọbolẹ Ọkpotso ọgwho ni ẹẹ lu Ana, ọọ li la ayọ. Ọọ kyili omyi Fanuwẹli ni ọkpotso ni ọ la ẹdẹli Asha. Egbegbe ọkyiọjọ li ọ kyila. Ikpe ishila li ọ nu ugwhẹ ọli la, \v 37 ni ọ ke rhọ kyili ọsọrhọ elemhi ikpe egbhọ ene ikpamhi ene. Ọ vha chigbe vu owuka ọ rhi azumhi ali olema gbega ni Ishinẹgba, shi ota shi iyọsẹ. \v 38 Ayayayọ, ọ bhẹ bhui wẹ le ọ kphẹmhi ni Ishinẹgba. Ọ ngme ingme ọni ọmọ khasẹ agbọ kwu ni e mugha ẹẹ khẹ imyiepfuese Ijerusalemu.

02/39.txt

@@ -0,0 +1 @@
+\v 39 Abhi e ke rhọ gaa khyiẹli ẹtsẹkẹ kwu pfuse abhi ushi Ọnọmhọli o ngme, e liegbe bhale vhi Igalili, ẹvhue wẹ ni Inazẹrẹti. \v 40 Ọni ọmọ ọọ kee fuu shele ọọ ze, ọọ mhọli ẹgbhẹ shiọ, ivhẹlemhi Ishinẹgba ọ nu ọli la.

02/41.txt

@@ -0,0 +1 @@
+\v 41 Ukpe kwu li ita ọli ali inyọ ọli e rhẹ ye aliukpe idọsẹalẹ je Ijerusalemu. \v 42 Abhi ọ ke rhọ gbe ikpe igbe ali eva, ee ke gwe ye oni uliukpe. \v 43 Abhi e ke rhọ la obholọ a rhamhi elemhi egbẹlẹ ni e la oni aliukpe rhamhi, li e rhẹ je apfẹ. Ama ọni ọmọ ọmọse ni Ijesu ọọ kpọẹ shi Ijerusalemu ita ọli ali inyọ ọli e vha yẹsẹ. \v 44 Ee sa khi ọ degboghyiẹ ogwhẹ iọgbọ kyia, rharhi khi rhẹmhi ee kyia ni ubi bi. Ee kee nono ọli vhi ifuabọ inyọgwho wẹ ali ikpokyia wẹ.

02/45.txt

@@ -0,0 +1 @@
+\v 45 Abhi e vha ke rhọ mẹ ọli, ee liegbe je  Ijerusalemu lẹẹ nono ọli vhi ayọ. \v 46 Ee ke nono ọ, nono ọ, vhi ufuabọ iọgbọ ogbẹlẹ ozesẹ, li e ke rhọ bhale a vhẹ ọli vhi owuka khi ọ shitọ iteteva ewẹnagbọ, khi ọ rhi esọ shi wẹ ekẹ khi ọọ mhila wẹ egbọ. \v 47 Iọgbọ kwu ni e sokwu ọli oo nya wẹ aloa obodẹ iyese ọli ali isọmhi ni ọ sọ wẹ.

02/48.txt

@@ -0,0 +1 @@
+\v 48 Abhi e ke rhọ mẹ ọli, oo sha wẹ abọ. Inyọ ọli ọọ ke ẹẹ li, "Omyi mhẹ, elọ e zẹ ni u ke rhọ li eyẹ naa? Rhi esọ shi ekẹ, mhẹmhẹ ali ita ẹ eyẹ she nono ẹ, nono ẹ,'' \v 49 Ọọ wẹ, "Elọ e zẹ khi vhẹẹ nono mhẹ? Vhavha li yẹsẹ khi mhii nwemaa la akanya Ita mhẹ?" \v 50 Ama e vha yẹsẹ abhi ọ rhi eni ingmemhi eyọ ẹẹ ngme.

02/51.txt

@@ -0,0 +1 @@
+\v 51 Iyọ, ọọ ke rhọ khali wẹ je Inazarẹti ọ suọ esọ ẹẹ na wẹ. Inyọ ọli ọ nwuno eni ingme kwu shi udu ọli. \v 52 Iyọ Ijesu ọọ fuu shiọ vhi ijegbe ali ẹgbhẹ, ọọ mẹ onaghyie obọ iọgbọ ali obọ Ishinẹgba.

02/title.txt

@@ -0,0 +1 @@
+Iluke      Ikhomhi 2

03/01.txt

@@ -0,0 +1 @@
+\c 3 \v 1 Nenaa abhi o rhọ gbe ikpe igbe ali ishie ni oghyie Itiberiọsi Isiza ọ rhọ la eghyie, Ipọtiọsi Ipaleti ọ rhọ kyili Igọvina Ijudea, Ẹrọdu ọ kyili ọni ọ mhuẹ ekẹ vhi Igalili, inyọgwho ọli ni Ifilipu ọ li kyili ọni ọ mhuẹ ekẹ vhi Iturea ali Itirachonitisi, Ilisaniasi ọ li kyili ọni ọ mhuẹ ekẹ Abilẹne, \v 2 ẹrhẹghẹ ni Anasi ali Ikafasi e rhọ kyili eni e kpeda ugamhi, ingmemhi Ishinẹgba o rhọ bhẹ bhuli Ijọni ni omyi Izakaraya le vhi elemhi apata.

03/03.txt

@@ -0,0 +1 @@
+\v 3 Ọọ kyia ẹẹ kyia vhi aloekẹ okẹ Ijọdani, ọọ  ngme ngmemhi ibatizimhi inwegbelieliẹ ni o kyili igbe ingmobe kwa.

03/04.txt

@@ -0,0 +1 @@
+\v 4 Abhi a li kẹkẹ ọli. shi elemhi ebe ingmemhi Azaya ni ọ kyili ọbolẹ, "Urhuli ọgbọ o laa elemhi apata ẹẹ sọọse, oo li ẹẹ li, 'Nwuno odẹ  Ọnọmhọli egbe shi ekẹ, u khyiẹlẹ odẹ ọli sheshe.

03/05.txt

@@ -0,0 +1 @@
+\v 5 A laa suli igbilimhi eke kwu, ekpha ekeke ali enefu a sheshe wẹ tẹtẹ, edẹ ni a gọnyi, gọnyi a sheshe wẹ, a sheshe edẹ na gwagwa. \v 6 Agbọ kwu e laa mẹ imyiepfuese Ishinẹgba."'

03/07.txt

@@ -0,0 +1 @@
+\v 7 Iyọ Ijọni ọọ li eni iọgbọ ebubu ni e  bhẹ lẹẹ batazi obọ ọli, "Vhẹvhẹ ni vha kyili imyi ivhali ẹnyẹ osuẹ, ọgwho ọ ke vhi vhẹ ude khi vha na ni ofu ni oa bhale?

03/08.txt

@@ -0,0 +1 @@
+\v 8 Vha mọ ikpamhi ni e tẹ shi ipfiegbe deno egbe, imhẹẹ vha ke eẹ li egbe vhẹ, 'Eyẹ mhọli Ebulahamu vhi ita,' rharhi khi mhi gwu na vhẹ khi Ishinẹgba ọ dobẹ te eni echẹli ena vyia ivhiẹ a ni Ebulahamu.

03/09.txt

@@ -0,0 +1 @@
+\v 9 Nenaa a she lee rhi aghamhi kpẹ eni imhili eni erhẹ. Iyọ, orhẹ kwu ni o vha sheda mọ ikpamhi aghyie a laa tọ ọli gbe, a tsua ọli pfilo elemhi erhe."

03/10.txt

@@ -0,0 +1 @@
+\v 10 Iyọ iọgbọ ebubu ni e la oni agbaa ee ke mhila ọli, eẹ li, "See eyẹ ke a li nena?" \v 11 Ọọ ke sọ wẹ vhọ, ọọ wẹ, "Ọni ọ mhọli iwulu eva, ọ rhue ogwho ni ọni ọ vha mhọli pẹẹ, abagwhoyọ ọni ọ mhọli emenale ọ gwe li liyọ rhọ ni ọni ọ vha mhuẹ."

03/12.txt

@@ -0,0 +1 @@
+\v 12 Iyọ emyionoga e li bhale lẹẹ myie ibatizimhi, e gwe eẹ li, "Ọwẹnagbọ, see eyẹ nwemaa laa li?" \v 13 Ọọ wẹ, "Imhẹẹ vha myie ikpaghọlọ bu dọsẹ abhi vha kha myie."

03/14.txt

@@ -0,0 +1 @@
+\v 14 Ichoja egwho e ke gwe mhila ọli, eẹ li, "Eyẹ naa? See eyẹ ke laa li?" Ọọ wẹ, "Imhẹ vha rhi izemhi myie ọgbọkhọgbọ ukpaghọlọ, wẹ khi rhẹmhi vha rhi ushi ni o vha nwu ọgbọ a nwu ọli.  Vha dobẹ ifọta ni a fali vhe kwhese vhẹ."

03/15.txt

@@ -0,0 +1 @@
+\v 15 Abhi e li rhi ẹloe shi odẹ shi ibhale Ikiristi,  ọgbọ kwu ọọ kee bi ikhọkhọ khi a dobẹ a mẹ khi Ijọni khi ọni Ikiristi. \v 16 Ijọni ọọ ke sọ wẹwẹ kwu vhọ, ọọ wẹ, "A khi ẹẹ li Onabhi uwẹ  mhẹ, amẹ lẹ mhi rha batazi iọgbọ, ama ọgbọ ọgwho ọa bhale ni ọ mhọli izemhi dala mhẹ, imha tẹ na mhi dobẹ a taghyiẹ ọli uli ekwẹ awẹa. Ọ laa rhi ibatizimhi Ayẹmhẹ ni o Pfuase ali erhali  na vhẹ.

03/17.txt

@@ -0,0 +1 @@
+\v 17 Ọ nwu orhẹ akhakha mhọ obọ ni a tsọ akwhi ni o zẹ akọ sọ khi ọ rhọ degbe ma ekẹ kpishi ido wolọ kwu aka ọli. Ama ọ laa chi ijafu wẹ ma rhi erhẹ tosẹa ni e vha la pfua gwhe."

03/18.txt

@@ -0,0 +1 @@
+\v 18 Ingmemhi izezidu nebubu, li ọ rhọ gwu ingmemhi aghyie eni egbọ aa khasẹ eni iọgbọ. \v 19 Ijọni ọọ gwe li kpha dese oghyie Ẹrọdu shi ugwhẹ inyọgwho ọli ni ọ mhuẹ, ni ẹẹ lu Ẹrodiasi, ali ingmobe ebubu ni Ẹrọdu ọ gwe li. \v 20 Ama Ẹrọdu ọọ gwe khyiẹlẹ ingmobe ovhese. Ni ọ rhọ nwu Ijọni gwese shi elemhi ogba igwhumha.

03/21.txt

@@ -0,0 +1 @@
+\v 21 Nenaa oo ke rhamhi ẹrhẹghẹ ni Ijọni ọ rhẹẹ bataizi iọgbọ, Ijesu ọọ li batazi. Abhi ọ ke rhẹẹ pfi olema, eda oo gweghyiea. \v 22 Ayemhe ni o Pfuasẹ o kpiale abhi esu a nya vhi ijegbe, urhuli o te eda  ngme lasele, ọọ li, "Ghyiẹ khi egbegbe Omyi mhẹ. Egbe ẹ e maa nwu mhẹ gba.

03/23.txt

@@ -0,0 +1 @@
+\v 23 Ijesu lẹẹ obọ ọli, ufuabọ ikpe uye ali igbe li ọ gbe ni ọ rhẹẹ wẹna wẹ ingmemhi Ishinẹgba. Omyi Ijosẹfu ọ kyia kyila, ni ọ kyili omyi Eli, \v 24 ni omyi Imatati ni ọ kyili omyi Ilẹvi, ni omyi Imẹchi, ni omyi Ijanaa ni ọ kyili omyi Ijosẹfu,

03/25.txt

@@ -0,0 +1 @@
+\v 25 Ni omyi Imatatayasi, ni omyi Emọsi, ni omyi Inahumu, ni omyi Esili, ni omyi Inagaa, \v 26 ni  omyi Imati, ni omyi Imatatayasi, ni omyi Isemẹni ni omyi Ijosẹfu, omyi Ijoda,

03/27.txt

@@ -0,0 +1 @@
+\v 27 Ni omyi Ijoana, omyi Irhẹsa, omyi Izerubabeli, ni omyi Ishẹatiẹli, omyi Inẹri, \v 28 Ni omyi Imẹchi, ni omyi Adi, ni omyi Ikosamu, ni omyi Emadamu, ni omyi Eri, \v 29 ni omyi Ijoshua, ni omyi Elieza, ni omyi Ijorimu, ni omyi Imatati, ni omyi Ilẹvi,

03/30.txt

@@ -0,0 +1 @@
+\v 30 Ni omyi Isimiọni, ni omyi Ijuda, ni omyi Ijosẹfu, ni omyi Ijonamu, ni omyi Eliakimu, \v 31 ni omyi Imelea, ni omyi Imena, ni omyi Imatata, ni omyi Inatani, ni omyi Idevidi, \v 32 ni omyi Ijesẹ, ni omyi Obẹdi, ni omyi Iboazi, ni omyi Isamọni, ni omyi Inashọni,

03/33.txt

@@ -0,0 +1 @@
+\v 33 omyi Aminadabu, ni omyi Adimini, ni omyi Ani, ni omyi Ẹzirọni, ni omyi Iperẹzi, ni omyi Ijuda, \v 34 ni omyi Ijekọbu, ni omyi Aziki, ni omyi Ebulahamu, ni omyi Itera, ni omyi Inahọ, \v 35 Ni omyi Serugu, ni omyi Ireu, ni omyi Ipẹlẹgi, ni omyi Ẹbaa, ni omyi Ishela,

03/36.txt

@@ -0,0 +1 @@
+\v 36 Shẹla ni omyi Ikenani, ni omyi Afazadi, ni omyi Ishemu, ni omyi Inoa, ni omyi Ilamẹchi, \v 37 ni omyi Imẹtusẹla, ni omyi Enọki, ni omyi Ijaredi, ni omyi Imahalaliẹ, ni omyi Ikenani, \v 38 ni omyi Enọsi, ni omyi Iseti, ni omyi Adamu, ni omyi Ishinẹgba.

03/title.txt

@@ -0,0 +1 @@
+Iluku    ikhomhi 3

04/01.txt

@@ -0,0 +1 @@
+\c 4 \v 1 Iyọ Ijesu, ni Ayẹmhẹ ni o Pfuasẹ o vọsẹ, ọ rhọ te okẹ Ijọdani jele, Oni Ayẹmhẹ ni o Pfuasẹ oo ke rhi ọli je apata \v 2 ẹlemhi ẹlẹ egbhọ eva, okhyio ọ la ayọ nwu oli fẹẹ. Elemhi eni egbẹlẹ ena, ọ vha le emenale pẹẹ, ikposhimhi  okyiamhi o kee gbe ọli.

04/03.txt

@@ -0,0 +1 @@
+\v 3 Okhyio ọ ke ẹẹ li, "O kha kyila khi Omyi Ishinẹgba li u kyia rhi oni ẹchẹli ona mela ukphakphaa." \v 4 Ijesu ọọ ke sọ ọli vhọ, "Aa kẹkẹ oli shi ekẹ, ''Ọgbọ ọ vha nyele shi ukphakpha lọgwho, sẹkẹnẹ ingmemhi ni o te unu Ishinẹgba lasele.'"

04/05.txt

@@ -0,0 +1 @@
+\v 5 Iyọ ọni okhyio ọ ke gwe rhue ọli a nya asha ni o gaa yagha yagha, elemhi ukwukwu ẹrhẹghẹ ọ rhi eghyiele ukhomhi ekẹ agbọ kwu khasẹ ọ. \v 6 Ọni okhyio ọọ ke ẹẹ li, "Mhi laa rhi afu nẹẹ khi u rhọ mhase kee ni eni eghyiele ena kwu, ali ọsuemhẹ ni e la vhọ. Mhi dobẹ a khyiẹlẹ ena rharhi khi a she rhẹ wẹwẹ kwu shi mhẹ vhi obọ khi mhi kee rhi ẹloe kwhu wẹ, mhi dobẹ rhue wẹ a na ọni ọ gwhẹ mhẹ. \v 7 Elemhiyọ u kha lama nyẹsẹ egbe na mhẹ u gbe ga na mhẹ, ena kwu e laa kyili iyẹ.''

04/08.txt

@@ -0,0 +1 @@
+\v 8 Ama Ijesu ọọ ke sọ vhọ ọọ li, "Aa kẹkẹ ọli shi ekẹ, 'Khi u nwemaa gbe ga ni Ọnọmhọli ni Ishinẹgba, lọgwho li u nwemaa laa gbega.'"

04/09.txt

@@ -0,0 +1 @@
+\v 9 Ọni okhyio ọ ke gwe rhọ je Ijerusalẹmu ọ rhue ọli a nya obhoni atsẹghẹmhi ukhomhi owuka, ọọ li, "O kha kyia khi Omyi Ishinẹgba li u kyia, te a ayọ da kwu ekẹ gwhe. \v 10 Rharhi khi a kẹkẹ ọli shi ekẹ, 'Ọọ laa li ẹẹ khi ighyiukọ lẹ khi e rhi ẹloe kwhu ẹ,' \v 11 E gwe laa rhi abọ yasẹ vhi ekẹ, khi uu ke kpi owẹ shi ẹchẹ."

04/12.txt

@@ -0,0 +1 @@
+\v 12 Ijesu ọọ sọ ọli vhọ, ọọ li, "O laa akẹkẹshekẹ, U waa nwu Ọnọmhọli ni Ishinẹgba ẹ a fẹẹ." \v 13 Abhi okhyio ọ ke rhọ nwu ọli fẹẹ pfuse, ọ pfi ọli shi ayọ ọ vu nee.

04/14.txt

@@ -0,0 +1 @@
+\v 14 Iyọ Ijesu ọọ ke rhi izemhi Ayẹmhẹ ni o Pfuasẹ liegbe bhale vhi Igalili, okeke ọli o ga oni aloekẹ oyọ kwu. \v 15 Ọ laa owuka wẹ wẹna wẹ, iọgbọ kwu e chichi ọli.

04/16.txt

@@ -0,0 +1 @@
+\v 17 \v 16 ogbẹlẹ ogwho ọ bhẹ vhi inazarẹti, ẹvhue ni a la kwẹlẹ ọ shele. Abhi ọ li la vhọ, ọ lo elemhi owuka ogbẹlẹ ivhẹmhia, ọ vhule ni ọ rhọ zẹ Ibabo.\v 17 A rhi ebe ọbolẹ Izaya nali. ọọ kweghyiea ọlia ọ bhale a vhẹ asha ni a kẹkẹ ọli shi,

04/18.txt

@@ -0,0 +1 @@
+\v 18 "Ayẹmhẹ Ọnọmhọli o la mhẹ vhi egbe, rharhi khi a she rhi ovhili ni o kyili uwu izemhi to mhẹ vhi okhomhi, khi mhi gwu ingmemhi onogbọ khasẹ enanya, Ọ ghyie mhẹ khi mhi kaa gwu ingmemhi igbadegbea khasẹ eni a nwuno, khi mhi gweghyie izalo aloa, ali mhi myie eni ẹchọ pfuese, \v 19 Khi mhi rhi ukpe ẹwella Ọnọmhọli tsabọ."

04/20.txt

@@ -0,0 +1 @@
+\v 20 Iyọ, ọ ke gbe oni ebe ma, ọ rhue ọli ni ọni ọ rhi ẹloe kwhu ọwuka, ọa de shitọ. Iọgbọ kwu ni e laa oni owuka e wolọ alo kwu ọ vhi egbe. \v 21 Ọọ ke nu wẹ ẹẹ ngmẹ, ọọ wẹ, "Amo emeni a kẹkẹ shi oni ebe ona o she tsẹ shi vhẹ esọ." \v 22 Ọgbọ kwu ni ọ la ekẹ ayọ ọọ suọ emeni ọ gaa ngme kwu eni ingmemhi izọtena ni e te ọ vhi unu lasele e nya wẹwẹ kwu alọa. Ee li ẹẹ li, "Ọmyi Ijosẹfu mẹẹ khi ọnaa, laa khi ọa kyili lẹẹ?"

04/23.txt

@@ -0,0 +1 @@
+\v 23 Ijesu ọ ke ẹẹ wẹ, "Ingmaghyie vha laa kpe oni ekpita ona khasẹ mhẹ, 'Ọbo rhi egbe ẹ ze. Ememeni eyẹ suọ kwu khi u khyiẹlẹ vhi Ikapaniọmu, liyọ khyiẹlẹ wẹ vhi elemhi ẹvholi ana ni o kyili apfẹ ẹ abagwhoyọ.''' \v 24 Ọ gwe ẹẹ wẹ, "Egbegbingme mhi ngme vhẹ, a vha mẹ ọbolẹ ni a kpẹsẹ abọ myie vhi elemhi evholi na vyia ọli shi.

04/25.txt

@@ -0,0 +1 @@
+\v 25 Ama mhi gwu ingmaghyie khasẹ vhẹ khi esọrhọ nebu e la oni Izulẹ ẹrhẹghẹ Ẹlija, ni a rhọ pfi okpẹ idane ni amẹ o vha rhọ rhuẹ elemhi ikpe esẹ ali ukhyikhyi, ni ukwumhi o rhọ le ashakhasha oni aloekẹ kwu. \v 26 A vha ghyie Ẹlija bhuli wẹ sẹkẹnẹ ọsọrhọ ni ọ nyele Izẹrẹfati ni o mama Isidọni. \v 27 Iyọ li a gwe li mẹ eni efafe e nwu ẹrhẹghẹ Ẹlisha ni ọbolẹ, a vha mẹ ọnyiẹ wẹ ọvhese ni ọ ze ina khi Inemani.''

04/28.txt

@@ -0,0 +1 @@
+\v 28 Ofu oo lẹẹ fuu eni iọgbọ kwu ni e laa oni owuka abhi e rhọ suọ eni ingme ena. \v 29 E vu ekẹ le e rhi izemhi ali ofu kwhu ọli te oni ẹvhue a lase, e rhi ọli a rhamhi abọ esọ ọkpha oni ẹvhue wẹ, khi e rho dobẹ pfi ọli kpẹla a lo ugbilimhi ekẹ. \v 30 Ama ọọ te wẹ vhi ifuabọ a lase ọ rhọ te odẹ ọli vu.

04/31.txt

@@ -0,0 +1 @@
+\v 31 Ọ ke kpela kwu ikapaniọmu, evholi ni o la elemhi Igalili. Ogbẹlẹ Ivhiẹmhia ogwho ọọ wẹna iọgbọ vhi elemhi owuka. \v 32 Ọwẹna ọli o nya wẹwẹ kwu aloa, rharhi khi owẹna ọni a rhununa li ọọ wẹna wẹ.

04/33.txt

@@ -0,0 +1 @@
+\v 33 Oni ogbẹlẹ ọmọse ọgwho ọọ la ayọ ni ọ mhọli ayẹmhẹ okhyio ni o vha pfuasẹ, ọ rhi urhui ni o ze sọọse lasele, ọọ li, \v 34 "Elọ eyẹ rhẹ a li, Ijesu nẹẹ Inazarẹti? irhẹmhi u bhale a pfuse eyẹa? Mhi yẹsẹ ọni u kyila! Ghyiẹ khi uwi Ishinẹgba ni ọ Pfuase!"

04/35.txt

@@ -0,0 +1 @@
+\v 35 Ijesu ọọ ke kpha dese ọni ayẹmhẹ ni o vha pfuasẹ, ọọ li, "Koko unu khi u lase ọ vhi egbe le!" Abhi ọni ayẹmhẹ okhyio ọ ke rhọ pfi ọni ọmọse gbe vhi iteteva wẹ, ọọ te ọ vhi egbe a lase ọ vha kwali ọli utse. \v 36 Oo nya eni iọgbọ kwu aloa, e la ifuabọ ẹẹ ngme oni ingmemhi, Ee li ẹẹ li , "Ingmemhi nabhi eni e gwho ena e kyila? Ọ rhi afu ali izemhi shi ushi ni iyẹmhẹ ni e vha pfuasẹ e liyọ a lase pfiẹẹ.'' \v 37 Rharhi ena ingmemhi ọli oo gaa ga oni aloekẹ obholọ kwu.

04/38.txt

@@ -0,0 +1 @@
+\v 38 Ijesu ọọ ke rhọ te oni owuka a lasele ọ lo apfẹ Isimiọni. Ee bhale a vhẹ khi ọgọ Isimiọni ni ọkpotso khi eba ee to ọ, ee ke nu ọni ọkpotso lema Ijesu. \v 39 Ọọ ke bhale a nu ọli tomugha, ọ nu eni eba ngme, e vu ọli vhi ijegbe le. obobobọ, ọ chi ekẹ vule ọọ khyiẹlẹ emenale na wẹ.

04/40.txt

@@ -0,0 +1 @@
+\v 40 Abhi ọwẹ o kee rhẹẹ lo ekẹ, iọgbọ ee wolọ iọgbọ ni ee ghwua ighwuamhi ọdọdọda bhẹ ghyi Ijesu. Ọ rhi obọ nyanọ ọgbọgbọ vhi egbe ọ rhẹ we ze. \v 41 Iyẹmhẹ ikhyio e li te iọgbọ ebubu ijegbe a lasele, ee vyiẹ lase gboo eẹ li, "Ghyiẹ khi Omyi Ishinẹgba!" Ijesu ọọ kpha dese eni iyẹmhẹ ikhyio, ọ vha dobẹ wẹ ngme, rharhi khi ee yẹsẹ  khi lẹẹ khi ọni Ikiristi.

04/42.txt

@@ -0,0 +1 @@
+\v 42 Abhi ogbe o ke rhọ gbe, ọ je obhoni o vima a la. Iọgbọ ebubu e nonọ ọli kyia, kyia, li e rhọ bhale a vhẹ ọli asha ni ọ vima ni ọ la. Ee lẹẹ dua khi wẹwẹ e kpẹsẹ ọli shi ayọ khi ọọ ke vu. \v 43 Ama ọọ wẹ, "Mhii nwemaa ngme oni usomhi aghyie ni o kyili onogbọ obode aleghyie khasẹ evholi evhese nebu, rharhi khi ona li a te ghyie mhe bhale vhi ana." \v 44 Iyọ ọọ kee liyọ ẹẹ ngme eni ingmemhi kyia, kyia, vhi elemhi eni ewuka kwu ni e la aloeke Ijudea.

04/title.txt

@@ -0,0 +1 @@
+Iluku  ikhomhi 4

05/01.txt

@@ -0,0 +1 @@
+\c 5 \v 1 Aa ke bhale a vhẹ khi agbọ ebubu e rhi esọ shi ingmemhi Ishinẹgba ni ọọ ngme, abhi ọ li tomugha esọ okwu nẹẹ Igẹnẹsarẹti. \v 2 Ọ mẹ ekọ okẹ eva ni a chi lasele vhi esọ igbogbo oni okwu. Egbeifẹẹ e she kee te elemhi eni ekọ lasele ee kpee iga wẹa. \v 3 Ijesu ọ ke lo elemhi ọkọ ogwho vhọ, ni o kyili uwi Isimiọni, ọọ li ọ chi oni ọkọ vhi elemhi okẹ lase suii. Iyọ, ọ ke deshito elemhi oni ọkọ ẹẹ wẹna iọgbọ ni e laa esọ igbogboo.

05/04.txt

@@ -0,0 +1 @@
+\v 4 Abhi ọ ke rhọ ngme pfuse, ọọ li Isamọni, "Chi oni ọkọ ona chi je asha ni o limhi khi u kwu iga lo okẹ khi u nwuno ifẹ." \v 5 Isamọni ọọ ke ẹẹ li, "Ọga, rhẹmhi eyẹ gbe ikanya ekẹ ni ogbe gbe, eyẹ vha nwu etsẹkẹ pẹẹ, ama abhi u ke li ngme ọli ena, mhi kwu eni iga lo okẹ shiọ. " \v 6 Abhi e ke rhọ liyọ, ee ke nwuno ifẹ ni ebububu, eni iga wẹ ee pfanọa. \v 7 Iyọ, ee ke lu iọgbọ ni e laa ọkọ ni o kpọe khi e bhale a kpaghyiẹ wẹwẹ. E bhale a chino eni ifẹ vọsẹ eni ekọ eveveva, irhẹmhi eni ekọ e kwunolono okẹ.

05/08.txt

@@ -0,0 +1 @@
+\v 8 Ama Isamọni ni Ipitẹ, abhi ọ ke rhọ mẹ yọ, ọ de tarhugwhu vhi ẹghẹghẹ Ijesu, ọọ li, "Chi kyia na mhẹ, rharhi khi ọlingmobe mhi kyila, Ọnomhọli." \v 9 Rharhi khi irhẹmhi o nya li alọa, ali iọgbọ  ni e nu ọli la ayọ, shi akwete ifẹ ni e nwuno. \v 10 Li shi Ijemhisi ali Ijọni, ali imyi Izebedi ni emọse, li ee nu Isimiọni la. Ijesu ọọ li, "Imhẹẹ gwe nu ulishi, rharhi rhọ te amo vu u laa kee nwuno iọgbọ." \v 11 Abhi e ke rhọ chino ekọ wẹ te okẹ lasele vhi ekẹ, e dobẹ eni ẹtsẹkẹ kwu shi ayọ e rhọ khali Ijesu vu.

05/12.txt

@@ -0,0 +1 @@
+\v 12 Aa ke bhale a vhẹ khi abhi ọ rhọ bhẹ vhi ẹvhue ogwho vhọ, ọmọse ọgwho ni efafe e vọ vhi egbe kwu ọ la ayọ. Abhi ọ ke rhọ mẹ Ijesu, ọọ de talorhugwhu ekẹ ọọ lema ọli, ọọ li, "Ọnọmhọli, o kha ghọli ẹ, u dobẹ rhẹ mhẹ a pfuasẹ." \v 13 Iyọ, Ijesu ọọ nise obọa bhuli ọli, ọọ li, "O gwhẹ mhe. pfuasẹ." obobobọ eni efafe e vu ọli vhi egbe le.

05/14.txt

@@ -0,0 +1 @@
+\v 14 Ọ kpe ẹka nya vhi ukhomi khi imhẹli ọ gwu ni ọgbọkhọgbọ, ama ọọ li, "Kaa rhi egbe ẹ khasẹ eni e kpeda ugamhi ishọyọ u khyiẹlẹ ilasobo shi irhọpfuasẹ, abhi ushi Imozisi ọ ngme, khi o rhọ pfi ọtsẹ shiọ khasẹ wẹ."

05/15.txt

@@ -0,0 +1 @@
+\v 15 Ama irhẹmhi ngme ọli o ga ashakhasha kwu, iọgbọ ebubu ee bhale a kwugbe vhi asha ni ọ la khi e rhọ rhi esọ shi owẹna ọli ali khi ọ rhọ myie wẹ igwhuamhi kwa. \v 16 Ama utotona li ọ rhẹẹ je elemhi ogwha lẹẹ pfiolema.

05/17.txt

@@ -0,0 +1 @@
+\v 17 Ogbẹlẹ ogwho ọọ kee wẹna iọgbọ owẹna,  Ifarisisi ali ewẹnagbọ ishi ni e te evholi Igalili ali Ijudea bhẹ ee shitọ ayọ, ali eni e te ẹvholi Ijerusalemu bhẹ.  Izemhi Ọnọmhọli oo nu ọli la ni ọ rhẹẹ rhue iọgbọ igwhuamhi egbea.