Wed Oct 23 2019 13:50:40 GMT+0100 (W. Central Africa Standard Time)

11/24.txt

@@ -0,0 +1 @@
+\v 24 Ayẹmhẹ ni o vha pfuasẹ o kha vu ọgbọ egbe le, rhẹmhi ọ rhaa te aloekẹ ekhakha oa nono ivhiemhia. Ọ vha ke mẹ, ọọ li, 'Mhi gwe lielie egbe a je apfẹ na mhi kpọ te vu. \v 25 Ọ kha ke bhale, ọ mẹ khi ọ liabhi owa ni a pfiomhia kpiẹkpiẹ, khi o khyiẹ li gboo. \v 26 Iyọ rhẹmhi ọni ayẹmhẹ obe ọa vu ọa wolọ iyẹmhẹ ebe oshila evhese ni e vhiemhi dala ọli bhẹe, Wẹwẹ kwu e lono ọ vhi egbe e gaa nyele ayọ. Iyọ, agbọ ọni ọgbọ o ke bhale a vhiemhi dala agbọ ọli ni ikyiatsolo."

11/27.txt

@@ -0,0 +1 @@
+\v 27 Ọ ke liyọ ẹẹ ngmee, ọkpotso ọgwho ọọ ke yasẹ urhuli vhi ekẹ ni o torhugwhu oni agbaa, ọọ li, "Aa zọte ni asọmọ ni o vyia ẹ ali ẹnye ni o fẹli ẹ." \v 28 Ama ọ ke ẹẹ li, "Eni e suọ oni usomhi ni e rhọ gbe, wẹwẹ li Ishinẹgba ọ zẹ ọte naa!"

11/29.txt

@@ -0,0 +1 @@
+\v 29 Abhi oni agbaa o ke rhọ le shiọ, Ijesu ọọ li, "Oni ozele ona ozele obe lọ. E vha nono ishẹfẹ, ama a vha mẹ ishẹfẹli ni aa rhọ laa na wẹ sẹkẹnẹ ishẹfẹli Ijona. \v 30 Abhi Ijona ọ le li kyili ishẹfẹ ni iọgbọ Ininẹvi, iyọ li Omyi Ọmọse ọ li laa kyili ishẹfẹ ni oni ozele ona.

11/31.txt

@@ -0,0 +1 @@
+\v 31 Oghyie ikpotso ni ọ la obhoni o kpọkẹ ọ laa vule ogbẹlẹ igwẹzọ ọ rhi iluemhi ni iọgbọ eni ozele ona, rharhi khi irhẹmhi ọ te obhoni agbọ o kpẹsẹ vu a rhi esọ shi ẹgbhẹli Isolomọni, ọnọfu dala Isolomọni ọ la ana.

11/32.txt

@@ -0,0 +1 @@
+\v 32 Iọgbọ Ininẹvi e laa vule luese iọgbọ oni ozele ona, rharhi khi ee nwegbe lieliẹ ni Ijona ọ rhọ ngme ingmemhi Ishinẹgba khasẹ wẹ, vha gwe ghee, ọnọfu dala IJona ọ la ekẹ ana.

11/33.txt

@@ -0,0 +1 @@
+\v 33 A vha mẹ ọgbọ ni ọ rhi akpa a rhu ọ ke rhi ọli a shi asha ni o gbhagbha wẹ khi ufu ughwughwu, ama asha ni o yagha ni a rhi akpa nya ishọyọ eni e lo ayọ e ke rhi oni ufulo a mato. \v 34 Ukpẹloli ẹ lẹ khi ufulọ ijiegbe ẹ. Ukpẹloe ẹ o kha ti, ijiegbe ẹ kwu li oa vọ ifulọ. Ama khi ukpeloli ẹ khi o vha ti, ijiegbe ẹ kwu li ọa vọ ubili. \v 35 Rharhiyọ, gwẹ kyia khi ufulọ ni o lẹ vhi egbe oo ke kyili ubili. \v 36 O kha kyia yọ, khi ijiegbe ẹ kwu o vọ ufulọ, a vha mẹ o pfọni o la kyili ubili vhọ, iyọ rhẹmhi ijiegbe ẹ kwu o ke laa liabhi ufulọ o lia gẹẹ o gẹẹ sagha rhugwhu ẹ."

11/37.txt

@@ -0,0 +1 @@
+\v 37 Abhi ọ ke rhọ ngme pfuse, Ifarisisi ọgwho ọọ li ọ bhale a nu lẹ le emenale vhi apfẹ lẹẹ, iyọ Ijesu ọ ke lo ayọ ọ deshitọ. \v 38 Oo ke nya ọni Ifarisisi aloa abhi ọ vha li kpọ kpabọa neni ọọ le emenale ẹlogbode.

11/39.txt

@@ -0,0 +1 @@
+\v 39 Ama Ọnọmhọli ọọ ke ẹẹ li, "Nena, vhẹvhẹ eni Ifarisisi vhaa kpe oshimhi ikolo ali ivhelea, ama elemhi vhẹ e vho ẹtsẹkẹ itoegbe ali onobe. \v 40 Vhẹvhẹ emọse ni vha mholi ẹgbhẹ! A khi ọni ọ ma oshimhi ọli li ọ gwe li ma elemhi ọ? \v 41 Vha rhi emeni e la elemhi ọ ni enanya, ishọyọ ẹtsẹkẹ kwu e ke pfuasẹ na vhẹ.

11/42.txt

@@ -0,0 +1 @@
+\v 42 epfua khi uwẹ vhẹ Ifarisis, rharhi khi vhaa zẹ arhue ogwho vhi igbe le, vhi ikpagho ni vhaa mẹ vhi ebe ni vha gwa vhi shi ishemhi vhẹ. ama vha rhi obọ gbe ikhyiẹli ingme te odẹ ali ighọli Ishinẹgba. Oo ti khi ọgbọ ọ rhọ gwabha ke gbe ọ gwe mholi ighọli ni Ishinẹgba, ọ vha gwe li chi obọ je oshimhi vhi ikhyiẹli ẹtsẹkẹ ni e kpọle abagwhoyọ.

11/43.txt

@@ -0,0 +1 @@
+\v 43 Epfua khi uwẹ vhẹ Ifarisisi, rharhi khi itekwu ni e kpalo vhi ewuka li ea gwhẹ vhẹ ali otsẹ ekpẹ vhi atuokyi. \v 44 Epfua khi uwẹ vhẹ, rharhi khi irhẹmhi vha liabhi iji agbọ ni a vha shi ẹfẹẹ shi, ni iọgbọ e rhọ te ikhomhi wẹ dọsẹ la lẹ e vha yẹsẹ."