Wed Oct 23 2019 14:20:43 GMT+0100 (W. Central Africa Standard Time)

15/17.txt

@@ -0,0 +1 @@
+\v 17 Ama abhi ẹgbhẹ ọni ọmọ ni ọ kpọkẹ ọ ke rhọ dele ni ọ ke rha mẹ egbe ọli mẹ, ọọ li, 'Egamhẹ ongmẹ ita mhẹ ọ rhue vhi akanya ni ea le emenale kpọẹ egbe le nena, mhẹmhi la ekẹ ana ena, gwhu a ni okyiamhi! \v 18 Mhia vu ekẹ ana le mhi bhuli ita mhẹ, mhi li ẹẹ li, "Ita, mhi she li ingmobe kwu aleghyie Ishinẹgba, ali ghyiẹ. \v 19 Imha gwe tẹ ni aa lu omyi ẹ ni ọmose; rhẹ mhẹ kyili ukwhomhọgwho elemhi egamhẹ ni ea ga ẹ."

15/20.txt

@@ -0,0 +1 @@
+\v 20 Iyọ li ọni omyi oni ọmọse ni ọ keke ọ li bhuli ita ọli le. Abhi ọ kee rhẹẹ bhẹ ni ọ rhọ khyie la obhoni odẹonuẹ, ita ọli ọ mẹ ọli, elemhi ee vhala ọli, ọ naa nwu ọli, ọ pfipfi ọli unu. \v 21 Ọni ọmọ ọọ li, 'Ita, mhi she li ingmobe kwu Ishinẹgbe ali ghyiẹ. Imha gwe tẹ ni a gwe a kee lu omyi ẹ ni ọmọse.'

15/22.txt

@@ -0,0 +1 @@
+\v 22 Ọni ita ọli ọọ li eni egamhẹ ọli, 'Vhaa nyanya rhi ode ni o somhote bhẹ, vha rhi ọli kwu ọli vhi egbe, vha rhi ukwhi shi ọli vhi abọ, vha gwe rhi ekwẹ shi ọli vhi awẹ. \v 23 Ishọyọ vha nwuno ẹna ni e nwemaa gba lasele khi vha gbe ọlia. Khi eyẹ kee le eyẹ a ghọdọ. \v 24 Rharhi khi ọni omyi mhẹ ọna, ọọ gwhua, nenaa, ọ she gwe nyele. Ọọ waa, nenaa a she mẹ ọli.' Ayọ li e te to oghẹlẹ ali ighọdo vhi ekẹ le.

15/25.txt

@@ -0,0 +1 @@
+\v 25 Ọni ẹrhẹghẹ ona omyi ọli ni ọjọ ọ ye ishemhi. Abhi ọ ke rhẹẹ jele ni ọ rhọ chi mama apfẹ, ọ sokwu ikphema ali ishimhi. \v 26 Ọ ke nyalu ọgamhẹ ọgwho ọ mhilali emeni a mẹ. \v 27 Ọni ọgamhẹ ọọ li, Inyọgwho ẹ ọ she te obhoni ọ ye jele iyọ ita ẹ ọ she gbe ududumhi ẹna rharhi khi ọ jele ijele egbenwumhẹ.'

15/28.txt

@@ -0,0 +1 @@
+\v 28 Ọni omyi ọ ni ọjọ ọọ kee mhọ ofu, ọ vha lama lo elemhi apfẹ, ita ọli ọ ke lasele vhi atuodẹ, ọ lemali. \v 29 Ama ọni omyi ọ ni ọjọ ọọ li ita lẹẹ, 'Ghee, ikpe nebu na mhi te a ga ẹ abhi ogwhumha, Imha gbe ushi ẹ ogwho gwhe, ama u waa li nwu omyi ẹlamhi na mhẹ gbea nye emenale ni ikpokyia mhẹ gwhe, \v 30 Ama abhi omyi ẹ ọ ke rhọ bhale, ni o kyia khi ọ she rhi ẹpfue ẹ nono ikpotso pfuse ọ pfuẹ ọsuemhẹ kwa, li u mẹẹ gbe ududumhi ena na ena.'

15/31.txt

@@ -0,0 +1 @@
+\v 31 Ọni ita ọli ọọ li, 'Ọmọ, ẹrhẹghẹ kwu li u rhọ nu mhẹ la, emena mhi mhọli kwu iyi ẹ loọ. \v 32 Ama oo dea khi eyẹ rhọ khyiẹlẹ uliemhi egbenwumhẹ, rharhi khi ọni inyọgwho ẹ ọna ọọ kpọ gwhua, nenaa ọ she ke gwe nyele; ọ kpọ waa, nenaa a she ke gwe mẹ ọli.'"