Tue Nov 05 2019 23:27:13 GMT+0100 (W. Central Africa Standard Time)

01/01.txt

@@ -0,0 +1 @@
+\c 1 \v 1 Oni o te ugbẹkẹlẹ laa, ni eyẹ she sokwu, ni eyẹ she rhi ẹloe mhẹ, ni eyẹ she bino, ni eyẹ she rhi obọ nwu, ni o kyili obodẹ ingmemhi inyele ẹlanagbagbọ. \v 2 A rhi oni inyele khasẹ, eyẹ she gwe mẹ, eyẹ pfi ọtsẹ shi vhọ, eyẹ ngme oni ingmemhi ẹlẹnagbọagbọ khasẹ vhẹ, ni ọ kpọ li nu ọni Ita la, a rhi ọli khasẹ eyẹ.

01/03.txt

@@ -0,0 +1 @@
+\v 3 Emeni eyẹ mẹ, ni eyẹ suọ, li eyẹ gwu a khasẹ vhẹ eyọ, khi vha nu eyẹ le kee kwugbe, oni alekwugbe eyẹ o la obọ ọni Ita ali ọni Ọmọ, Ijesu Ikiristi. \v 4 Irhẹmhi eyẹ kẹkẹ ena ghyi vhẹ khi oghẹlẹ eyẹ o kẹ gba pfuse,

01/05.txt

@@ -0,0 +1 @@
+\v 5 Ona khi usomhi ni eyẹ te unu ọli suọ, li eyẹ gwu khasẹ vhẹ ena: Ishinẹgba ufulọ li ọ kyia elemhi ọli ubili ọ vha la pẹẹ. \v 6 Eyẹ khẹ khi eyẹ nu ọli lee akwugbe khi eyẹ a kyia aloebi, ọneta li eyẹ kyia eyẹ vha rhi ingmaghyie a gbe. \v 7 Ama eyẹ kha kyia elemhi ufulọ, abhi ọ li la elemhi ufulọ, li eyẹ rhọ nu egbe le akwugbe oni ọlia Ijesu ni Omyi ọli ọ rhọ shishi eyẹ ingmobe egbea.

01/08.txt

@@ -0,0 +1 @@
+\v 8 Eyẹ khẹ khi eyẹ vha li ingmobe irhẹmhi eyẹ a ghagha egbe eyẹ ingmaghyie o vha la eyẹ vhọ. \v 9 Ama eyẹ kha tanọ ingmobe eyẹ, ọ kyili ọni a rhi egbe a nya ni egbe gba na ni ọ dobẹ a yele ingmobea ọ rhi eyẹ pfuasẹ vhi umhapfuasẹ kwu. \v 10 Eyẹ khẹ khi eyẹ vha li ingmobe gwhe rhẹmhi eyẹ rhọ li shi ọpfiolẹmhi, oyọ o rhọ khasẹ khi ingme ọli o vha nu eyẹ la.

01/title.txt

@@ -0,0 +1 @@
+Ijọni ni ikhiatsolo 1

02/01.txt

@@ -0,0 +1 @@
+\c 2 \v 1 Imyi mhẹ ni e ghalẹ, irhẹmhi kẹkẹ ena ghyi vhẹ khi vhaa ke li ingmeobe. Ama a kha mẹ ọni ọ li ingmobe, eyẹ mhọli ọni ọ lema a ni eyẹ ni ọ nu ọni Ita la, Ijesu Ikiristi ni ọ pfuasẹ. \v 2 lọ mẹ ẹchọ shi ingmobe eyẹ, ama a khi eyẹ lọgwho lishi oni agbona kwu  \v 3 Ona li eyẹ te a yẹsẹ ọli, ni eyẹ rhi ishi ọli gwhẹ.

02/04.txt

@@ -0,0 +1 @@
+\v 4 Ọni ọ khi, ''Mhi yẹsẹ Ishinẹgba, ama khi ọ vha rhi ishi ọli a gwhẹ, ọneta li ọ kyia. \v 5 Ama ọni ọ rhi ingmemhi ọli gbe akanya, egbegbingme ighọli Ishinegba o she gba naa. Ona li eyẹ rha yẹsẹ khi eyẹ gba itsua kwugbe. \v 6 Ọni ọ khi lẹ toma Ishinẹgba vhọ, ọ kyili emeni e kha kyia abhi Ijesu Ikiristi ọ li a kyia.

02/07.txt

@@ -0,0 +1 @@
+\v 7 Eni e gwhẹ mhẹ, a khi ishi egbọ mhi kẹkẹ a ghyi vhẹ, ama ushi ni ẹlẹ ni vha te ugbẹkẹle suọ. Oni ushi ni ẹlẹ wẹwẹ khi ingmemhi ni u ke suọ. \v 8 Ama mhi kẹkẹ ushi ogbo a ghyi vhẹ, ni o kyili ingmaghyie obodẹ Ikiristi ali vhẹvhẹ, rharhi khi aloebi o she a daa, egbegbe ufulọ ọa gẹẹ.

02/09.txt

@@ -0,0 +1 @@
+\v 9 Ọni ọ khi elemhi ufulọ lẹ la, khi ọa bishi elemhi inyọgwho ọ, aloebi li ọ la apfishi nena. \v 10 Ọni ọ mhọli ighọli inyọgwho ọ lọ la elemhi ufulọ a je alo a vha mẹ ọzuodẹ obodẹ ọ. \v 11 Ama ọni ọ bishi elemhi inyọgwho ọ, aloebi lọ la kyia; ọ vha yẹsẹ obhoni ọa je rharhi khi ubili o she zuse ọli alo.

02/12.txt

@@ -0,0 +1 @@
+\v 12 Mhi kẹkẹ ghyi vhẹ, eni ivhiẹ ni e ghalẹ, rharhi khi a she yele ingmobe vhẹ te ikpa eva ọli. \v 13 Mhi kẹkẹ ghyi vhẹvhẹ eni ita, rharhi khi vha yẹsẹ ọ ni ọ te ugbẹkẹlẹ la. Mhi kẹkẹ ghyi vhẹ, vhẹvhẹ inọghọdọ, rharhi khi vha she nwu ọnọkhọlọ le. Mhi kẹkẹ ghyi vhẹ, vhẹvhẹ ikwukwu ivhiẹ, rharhi khi vha yẹsẹ ọni Ita. \v 14 Mhi kẹkẹ ghyi vhẹ, vhẹvhẹ eni ita, rharhi khi vha yẹsẹ ọ ọni ọ te ugbẹkẹle la. Mhi she kẹkẹ ghyi vhẹ vhẹvhẹ inọghọdọ, rharhi khi vha ze, iyọ ingmemhi Ishinẹgba e nu vhẹ la, vha she nwu ọnọkhọlọ le.

02/15.txt

@@ -0,0 +1 @@
+\v 15 Imhẹ mhọli ighọli oni agbona wẹ khi ẹtsẹkẹ ni e la vhọ. Ọgbọ kha mhọli ighọli oni agbona, ighọli ọni Ita o vha nu ọli la. \v 16 Ena khi ẹtsẹkẹ ni e la oni agbona, ọgwhẹmhẹ ẹlamhijegbe, ọgwhẹmhẹ ikpalo, ali ichichegbe agbọ; ena kwu e vha kyili uwi ọni Ita ama uwi oni agbona li e kyila. \v 17 Oni agbona ali ẹtsẹkẹ ọgwhẹmhẹ oni agbona e dọsẹ la lẹ. Ama ọnọni ọ la khyiẹlẹ abhi o ghọli Ishinẹgba ọ la nu ọli la ẹlẹnagbọagbọ.

02/18.txt

@@ -0,0 +1 @@
+\v 18 Ikwukwu ivhiẹ, ẹrhẹghẹ ikposhimhi li a la ena, abhi vha kpọ le suọ khi ẹbele Ikiristi ọa bhẹ, abhi eyẹ lia ngme ena ẹbele Ikiristi e she le bhẹ, rharhi ona li eyẹ te yẹsẹ khi ẹrhẹghẹ ikposhimhi li a ke la. \v 19 Iteteva eyẹ li e te a lase, ama eyẹ vha kpọ kyili ogwho. Rharhi eyẹ kha kpọ kyili ogwho lọ e kha khyie nu eyẹ la nena. Ivumhi ni e vu li o rhọ khasẹ khi eyẹ vha kpọ kyili ogwho.

02/20.txt

@@ -0,0 +1 @@
+\v 20 Ama a she sase ẹ rhọ te ikpa Ọni ọ pfuasẹ, vha laa yẹsẹ oni ingmaghyie. \v 21 A khi rhẹmhi kẹkẹ ghyi vhẹ rharhi khi vha yẹsẹ oni ingmaghyie, ama rharhi khi vha yẹsẹ ọ khi olẹmhi o vha la elemhi ingmaghyie.

02/22.txt

@@ -0,0 +1 @@
+\v 22 Ọgwho mẹẹ khi ọni ọpfiolẹmhi ọni ọ mẹẹ khyie khi Ijesu ọa kyili Ikiristi lọ? Ọgbọ ọnana lẹ khi ẹbele Ikiristi, rharhi khi ọ khyie ọni Ita ali ọni Ọmọ. \v 23 A vha mẹ ọni ọ la kyhie Ọni Ọmọ ni ọa mhọli ọni Ita. Ọni ọ yẹsẹ Ọni ọmọ li ọa mhọli ọni Ita abagwhoyọ.

02/24.txt

@@ -0,0 +1 @@
+\v 24 Uwi obọ vhẹ, vha dobẹ emeni vha te ugbẹkẹle suọ khi e nu vhẹ la. O kha kyia khi emeni vha te ugbẹkẹle suọ khi e nu vhẹ la, li vha rha nu Ọni Ọmọ la elemhi ọni Ita. \v 25 Agbọ ni o vha laa pfo lẹ khi obọ ni ọ shi ni eyẹ. \v 26 Irhẹmhi kẹkẹ ona ghyi vhẹ obodẹ enẹghagha khi e ke ghagha vhẹ odẹ Ishinẹgba le.

02/27.txt

@@ -0,0 +1 @@
+\v 27 A khẹ li uwi vhẹ, ovhi ni a rhọ tono vhẹ okhomhi o khyie le la vhẹ vhọ, vhavha ke gwe kyili ọni a kha wẹna. Ama abhi irhi ovhili to ukhomhi ọli o lia wẹna vhẹ ẹtsẹkẹ kwu e li yọ kyili ingmaghyie khi olẹmhi o vha la, abhi a le li wẹna ẹ eyọ, li yọ mugha nya vhọ. \v 28 Nenaa imyi mhẹ ni e ghalẹ, vha liyọ nu ọli  la, ishọyọ ọ kha liegbe bhẹ, khi eyẹ kẹ gbudu, omama o ke nwu eyẹ ukpẹloli ọ. \v 29 U kha sheda yẹsẹ khi ọ gwabha gbe, oyọ li u ke rha yẹsẹ khi ọni ọ gwabha ọ she kyili omyi Ishinẹgba.

02/title.txt

@@ -0,0 +1 @@
+Ikhomhi 2

03/01.txt

@@ -0,0 +1 @@
+\c 3 \v 1 Vhaa ghee uvhali ighọli ni ọni Ita ọ mhọli ni eyẹ, khi a rhọ kee lu eyẹ imyi Ishinẹgba, emeni eyẹ kyia lẹ khi ona. ona li o zẹ khi agbọ e vha yẹsẹ eyẹ, rharhi khi e vha kpọ yẹsẹ ọ. \v 2 Eni e gwhẹ mhẹ, nena imyi Ishinẹgba li eyẹ ke kyia, aa khyie rhọ khasẹ ne emeni eyẹ laa kyia vhi odalo. Eyẹ yẹsẹ khi Ikiristi ọ kha bhale, eyẹ la laa liabhi lẹ, rharhi khi eyẹ la laa mẹ ọli abhi ọli le li la. \v 3 Ọni ọ mhọli iregbenya onana ọ rhi udu ọ shi ayọ rhẹmhi ọ rhi  egbe ọli shi ipfuasẹ abhi ọli chẹma.

03/04.txt

@@ -0,0 +1 @@
+\v 4 Ọni ọ li ingmobe a je alo ọni ọa rhi ushi a gwhẹ li ọ kyia, rharhi ingmobe lẹ khi imha rhi ushi a gwhẹ. \v 5 Vhavha li yẹsẹ khi irẹmhi a rhi Ikiristi bhẹ khi ọ rhue agbọ ingmobe e gbea, Rharhi khi ọ vha mhọli ingmobe shi egbe. \v 6 A vha mẹ ọni ọ toma vhọ ni ọ gwe li ingmobe a je alo. Ọnọni ọ li ingmobe a je alo rhẹmhi ọ vha kpọ mẹ ọli gwhe wẹ khi rhẹmhi ọ yẹsẹ ọ.

03/07.txt

@@ -0,0 +1 @@
+\v 7 Imyi mhi ni e ghalẹ, imhẹ vha dobẹ ọgbọ ghagha vhẹ odẹa. Ọni ọ gbe a te odẹ, rhẹmhi ọ pfuasẹ, abhi Ikiristi ọ li pfuasẹ. \v 8 Ọlingmobe uwi okhyio li ọ kyia, rharhi ugbẹkẹle li okhyio ọ te li ingmobe bhẹ. Ona li o rhi Omyi Ishinẹgba bhale, khi ọ kẹ gwọghọ ikanya okhyioa.

03/09.txt

@@ -0,0 +1 @@
+\v 9 Ọni Ishinẹgba ọ vyia ọ vha li ingmobe rharhi khi ukpamhi Ishinẹgba o nu ọli la. Ọ vha gwe laa kee li ingmobe rharhi omyi Ishinẹgba li ọ ke kyia. \v 10 Ona li o rhi imyi Ishinẹgba ali imyi okhyio aa khasẹ. Ọni ọ vha gbe a te odẹ ọ vha kyili omyi Ishinẹgba, ali ọni ọ vha mhọli ighọli inyọgwho ọli.

03/11.txt

@@ -0,0 +1 @@
+\v 11 Ona khi usomhi ni vha te ekẹ suọ bhẹ, khi eyẹ mhọli ighọli egbe. \v 12 A khi abhi Ikeni ni ọ li kyili ọnọkhọlọ ni ọ rhi ibishielemhi gbe inyọgwho ọli ugbee. Elọ e zẹ ni ọ rhọ gbe ọlia? Rharhi khi a vha myie ilasobo ọ khi a myie iyi inyọgwhọ ọli.

03/13.txt

@@ -0,0 +1 @@
+\v 13 Imhẹ dobẹ ọli sha ẹ abọ, inyọgwho mhẹ,  ni agbọ ea bishi elemhiẹ ẹ. \v 14 Li ẹyẹ ke rha yẹsẹ khi eyẹ a she te egwhui tsumhi eyẹ bhẹ vhi inyele, rharhi khi eyẹ mhọli ighọli egbe. Ọni ọ vha mhọli ighọli rhẹmhi ọ gwhua. \v 15 Ọni ọa bishi elemhi inyọgwho ọli rhẹmhi ọ gbe ugbee. Ghyiẹ u li yẹsẹ khi ọni ọ gbe ugbee ọ vha mẹ agbọ ẹlẹnagbọagbọ,

03/16.txt

@@ -0,0 +1 @@
+\v 16 Ona li eyẹ te a yẹsẹ emeni ighọli o kyia, rharhi Ikiristi rhẹmhi ọ rhi agbọ li pfa eyẹ shi ekẹ. \v 17 Ama a kha mẹ ọni ọ mhọli ẹtsẹkẹ, khi ọ mẹ ọni ọa nono, khi ọ gwese udu ọ khi ọ vha mhuẹ ivhẹlemhi kwu ọ, see ighọli Ishinẹgba o ke li nu ọli a la? \v 18 Imyi mhẹ ni e ghalẹ, imhẹ vha mhọli ighọli unu ama vha rhọ shi akanya ali ingmaghyie.

03/19.txt

@@ -0,0 +1 @@
+\v 19 Ona li eyẹ rhọ yẹsẹ khi eyẹ mugha shi ingmagyhie khi eyẹ rhi udu nali. \v 20 Rharhi udu eyẹ o kha luese eyẹ, Ishinẹgba ọ fu dala udu eyẹ, ọ yẹsẹ ẹtsẹkẹ kwu. \v 21 Ọni ọ gwhẹ mhẹ, udu eyẹ o vha sheda luese eyẹ, eyẹ mhuẹ iregbeda obodẹ Ishinẹgba. \v 22 Ememeni eyẹ ke mhilali ọ laa rhi ọli ni eyẹ, rharhi khi eyẹ rhi ishi ọli gwhẹ ali khi eyẹ khyiẹli emeni e rhi egbe a nwu ọ.

03/23.txt

@@ -0,0 +1 @@
+\v 23 Ona khi ushi ọli, khi eyẹ rhọ lama shi eva Omyi ọ ni Ijesu Ikiristi ali eyẹ mhọli ighọli egbe, abhi ọ lee li rhi oni ushi ona ni eyẹ. \v 24 Ọni ọ rhi ishi Ishinẹgba gwhẹ lọ toma vhọ. Rharhi ona li eyẹ te yẹsẹ khi ọ nu eyẹ la, te ikpa Ayẹmhẹ ni ọ rhọ ni eyẹ.

04/01.txt

@@ -0,0 +1 @@
+\c 4 \v 1 Eni e gwhẹ mhẹ, Imhẹ vha lama shi ayẹmhẹ ni vha mẹ kwu vhọ, ama vha nwu iyẹmhẹ kwu fẹẹ khi vha rhọ yẹsẹ ni iyi Ishinẹgba lọ, rharhi khi ebolẹ ighagha nebu e she lo agbọ le. \v 2 Ona vha te a yẹsẹ oni o kyili Ayẹmhẹ Ishinẹgba, ayẹmhẹ kwu ni o vha myie lama khi Ijesu ọọ kyili ọgbọ bhẹ vhi agbọ o vha kyili wi Ishinẹgba, \v 3 Ona khi ayẹmhẹ ẹbele Ijesu, ni vha kpọ suọ khi ọa bhale, o shele bhẹ vhi ukhomhi ekẹ agbọ nena.

04/04.txt

@@ -0,0 +1 @@
+\v 4 Uwi Ishinẹgba vha kyia, eni ivhiẹ ni e ghalẹ,  vha she nwu wẹ le rharhi khi  ọni ọ nu ẹ la ọ fu dala ọni ọ la oni abgona. \v 5 Rharhi khi uwi oni agbona li e kyia, ememeni ea ngme kwu iyi oni agbona lọ, ingmemhi wẹ li enagbọ e rhi esọ a shi. \v 6 Ọni ọ vha kyili uwi Ishinẹgba ọ vha rhi esọ a shi eyẹ vhi ekẹ. Ina a lia yẹsẹ oni o kyili ayẹmhẹ aghyie ali ayẹmhẹ obe.

04/07.txt

@@ -0,0 +1 @@
+\v 7 Eni e gwhẹ mhẹ, eyẹ mhọli ighọli egbe, rharhi ighọli khi Ishinẹgba, ọni ọ mhuẹ ighọli lọ yẹsẹ Ishinẹgba ni ọ gwe kyili Omyi Ishinagba. \v 8 Ọni ọ vha mhọli ighọli ọ vha yẹsẹ Ishinẹgba. Rharhi khi Ishinẹgba lẹ khi ighọli.

04/09.txt

@@ -0,0 +1 @@
+\v 9 Ina li Ishinẹgba ọ li rhi ighọli ọli khasẹ eyẹ, ni ọ rhọ rhi Omyi ọli ọgwho kpe ni ọ vyia bhẹ vhi ekẹ agbọ khi eyẹ kẹ rhọ te ikpa li nyele. \v 10 Ona khi oni ighọli, a khi eyẹ kpọ mhuẹ ighọli ọli, ama lọ kpọ mhuẹ ighọli eyẹ, ni ọ rhọ ghyie Omyi ọli bhale a lasẹ obo shi  ingmobe eyẹ.

04/11.txt

@@ -0,0 +1 @@
+\v 11 Eni e gwhẹ mhẹ, Ishinẹgba ọ kha li na mhuẹ  ighọli eyẹ, rhẹmhi eyẹ ke li a mhọli ighọli egbe. \v 12 A vha mẹ ọni ọ mẹ Ishinẹgba gwhe. Eyẹ kha mhọli ighọli egbe, li Ishinẹgba ọ rhọ nu eyẹ a la ishọyọ ighọli ọli o gba ni eyẹ pfuse. \v 13 Ona li eyẹ ke rha yẹsẹ khi eyẹ toma vhọ khi ọ nu eyẹ la, rharhi khi ọ she rhi ayẹmhẹ ọli ni eyẹ. \v 14 Eyẹ she mẹ eyẹ pfi ọtsẹ shiọ khi ọni Ita ọ she ghyie Omyi ọ bhẹ khi ọ kha tsumhi agbọ.

04/15.txt

@@ -0,0 +1 @@
+\v 15 Ọni ọ lama khi Ijesu khi Omyi Ishinẹgba, lẹ ali  Ishinẹgba li e toma ogwho. \v 16 Eyẹ yẹsẹ eyẹ lama shi ighọli ni Ishinẹgba ọ rhọ ni eyẹ. Ishinẹgba lẹ khi ighọli, ọni ọ mhuẹ ighọli ọ mhuẹ Ishinẹgba, Ishinẹgba ọ nu ọli la.

04/17.txt

@@ -0,0 +1 @@
+\v 17 Ona o she rhi ighọli gba shi eyẹ vhi iteteva, khi eyẹ rhọ mhuẹ iregbeda ogbẹlẹ igwẹzọ, rharhi abhi ọ li, iyọ li eyẹ li li vhi oni agbona. \v 18 Ulishi ọ vha laa ighọli. Ama ighọli ni o gba pfuse rhẹmhi ọa kwhu ulishi pfia, rharhi khi ulishi ẹchọ li o rha ni ọgbọ. Ama ọ ni ulishi ọa nwu ighọli o vha khyie gba nali pfuse.

04/19.txt

@@ -0,0 +1 @@
+\v 19 Rhẹmhi eyẹ mhọli ighọli rharhi khi Ishinẹgba lọ kpọ mhuẹ ighọli eyẹ. \v 20 Ọgbọ ọ khẹ khi, ''Mhi mhuẹ ighọli Ishinẹgba'' ama ọ ke a bishi elemhi inyọgwho ọ, ọneta lọ kyia, rharhi khi ọni ọ mhuẹ ighọli inyọgwho ọ, ni ọ vha mẹ ẹloe, ọ vha dobẹ a mhuẹ ighọli Ishinẹgba, ni ọ vhaa mẹ ẹloẹ. \v 21 Ona  khi ushi ni eyẹ te obọ vhẹ mẹ: Ọni ọ sheda mhọli Ishinẹgba, ọ nwemaa lia mhọli ighọli inyọgwho ọ abagwhoyọ.

04/title.txt

@@ -0,0 +1 @@
+Ukhomhi 3

05/01.txt

@@ -0,0 +1 @@
+\c 5 \v 1 ọ lama khi Ijesu khi Ikiristi lẹ li Ishinẹgba ọ vyia. Ọnọni ọ laa mhuẹ ighọli ọni ọ te obọ ọni Ita bhẹ rhẹmhi ọ li mhọli imyi ọli abagwhoyọ.  \v 2 Ona li eyẹ rhọ yẹsẹ khi eyẹ mhọli ighọli imyi Ishinẹgba---ni eyẹ sheda mhọli ighọli Ishinẹgba ni eyẹ rhi ishi ọli gwhẹ. \v 3 Ona khi ighọli Ishinẹgba---khi eyẹ rhọ rhi ishi ọli gwhẹ. Ishi ọli e vhaa nwunu.

05/04.txt

@@ -0,0 +1 @@
+\v 4 Rharhi khi ọgbọ kwu ni Ishinẹgba ọ vyia rhẹmhi ọ nwu oni agbona le. Irhọshiọ eyẹ khi li o nwu  agbọ le. \v 5 Ọgwho ọ nwu oni agbona le? Lẹẹ khi ọni ọ lama khi Ijesu khi Omyi Ishinẹgba.

05/06.txt

@@ -0,0 +1 @@
+\v 6 Ọna lọ te ikpa amẹ ali ọlia bhẹ-Ijesu Ikiristi. A khi ikpa amẹ lọgwho ọ te bhẹ, ama amẹ ali ọlia. \v 7 Rharhi khi asẹ li e pfi ọtsẹ shiọ: \v 8 Ọni Ayẹmhẹ, oni amẹ ali oni ọlia. wẹwẹ asẹ li ee lama ni egbe.

05/09.txt

@@ -0,0 +1 @@
+\v 9 Agbọ e kha myie ọtsẹ ni eyẹ, ọtsẹlẹ Ishinegba li oo gba nẹẹ. Rharhi khi ọtsẹlẹ Ishinẹgba khi ọ she pfi ọtsẹ ni Omyi ọ. \v 10 Ọni ọ lama shi Omyi Ishinẹgba lọ pfi ọtsẹ ni egbe ọli. Ọni ọ vha ke lama shi Ishinẹgba vhọ ọneta lọ kyia, rharhi khi ọ vha lama shi ọtsẹ ni ọ myie ni Omyi ọ.

05/11.txt

@@ -0,0 +1 @@
+\v 11 Oni ọtsẹ khi Ishinẹgba ọọ rhi agbọ ẹlẹnagbọagbọ ni eyẹ, abhagwhoyọ, oni agbọ o la ọni Omyi ọli vhi egbe. \v 12 Ọni ọ mhọli ọni Omyi Ọmọse ọ mhọli inyele. Ọni ọ vha mhọli ọni Omyi Ishinẹgba ni ọmọse ọ vha mhọli inyele.

05/13.txt

@@ -0,0 +1 @@
+\v 13 Ena ingme na mhi kẹkẹ ghyi vhẹ khi vha kẹ yẹsẹ khi vha she mhọli agbọnọlapfo-vhẹvhẹ ni vha lama shi eva ọni Omyi Ishinẹgba. \v 14 Iregbeda ni eyẹ mhuẹ rhọ khali ọ khi eyẹ kha mhilali ẹtsẹkẹ abhi o ghọli ọ, rhẹmhi ọa suọ eyẹ.    \v 15 Eyẹ kha yẹsẹ khi ọa suọ eyẹ-ememeni eyẹ mhilali kwu eyẹ yẹsẹ khi eyẹ laa mhọli ọli.

05/16.txt

@@ -0,0 +1 @@
+\v 16 A kha mẹ ọni ọ mẹ khi inyọgwho ọli khi ọli ingmobe ni o vha laa pfi egwhui, ọọ nwemaa pfi olema Ishinegba ọ rhi agbọ nali. mhia ngme obodẹ ingmobe ni o vhaa pfi egwhui. A mẹ ingmobe ni o vhaa pfi egwhui-a khi lẹẹ mhi ẹẹ khi ọ pfi olema shi. \v 17 Umhagwabhagbe kwu khi ingmobe-ama a mẹ ingmobe ni o vhaa pfi egwhui.

05/18.txt

@@ -0,0 +1 @@
+\v 18 Eye yẹsẹ khi ọni Ishinẹgba ọ vyia ọ vha li ingmobe. Ama ọni Ishinẹgba ọ vyia irhẹmhi ọ pfa egbe ọ shi ekẹ, ọnọkhọlọ ọ vha laa dobẹ mhuẹ emeni ọ li ọli. \v 19 Eyẹ yẹsẹ khi uwi Ishinẹgba li eyẹ kyia, Eyẹ yẹsẹ khi oni agbona o laa obọ ọnọkhọlọ.

05/20.txt

@@ -0,0 +1 @@
+\v 21 \v 20 Ama eyẹ yẹsẹ khi Omyi Ishinẹgba ọ she rhi iyẹsẹ ni eyẹ, khi eyẹ yẹsẹ ọli ni ọ kyili ingmaghyie,  khi eyẹ la elemhi ọ ni ọ kyili ingmaghyie-ni ọ kyili Omyi ọ ni Ijesu Ikristi. Lẹ khi ọni egbegbe Ishinẹgba ali agbọ ẹlẹnagbọagbọ.\v 21 Imyi mhẹ ni e ghalẹ, chi egbe ikwhumhi le.

05/title.txt

@@ -0,0 +1 @@
+Ukhomhi 5

front/title.txt

@@ -0,0 +1 @@
+Ebe Ijọni ni ikhiatsolo

manifest.json

@@ -32,6 +32,8 @@
 		}
 	],
 	"parent_draft": {},
-	"translators": [],
+	"translators": [
+		"pastor philip agboaye/ ivie language"
+	],
 	"finished_chunks": []
 }