\v 20 Nachuna tiku stsankgakgoy xlitalakgapasni Coat, wa levitas tiku naxkatatapakgsikgoy xlitalakgapasni Coat, xkgalhikgoy kachikin nima xkamaxkikanit nak xliputsan, xalak xlitalakgapasni Efraín. \v 21 Xlakan kamaxkika Siquem chi xkasakgatnikan xlakgstipanin xkakiwin Efraín, akgtum kachikin niku lhan xtatsekglhi tiku kanichuna xkatsi xmakgninan, Gezer chu xkasakgatni, \v 22 Kibsaim chu xkasakgatni chu Bet Horón chu xkasakgatni, xliputum akgtati kachikin.