Fri Aug 16 2024 15:10:35 GMT+0800 (Singapore Standard Time)

01/01.txt

@@ -0,0 +1 @@
+\v 1 Na’asaren ni Nehemia bin Hakhalya. Witu en sumedot Kislew en te’un karua nga pulu’, katoroan niaku nu witu em puri Susan, \v 2 meiy mouw si Hanani, si meta’esa’an waki se patuari-patuariku ampit se pirala tou waki Yehuda, Niaku ku minueiyla nisea en tanume se tou-tou Yahudi se neiy i kaliseiy, neiy i kase’epangi waki petetaangen wo en tanume e Yerusalem.

01/03.txt

@@ -0,0 +1 @@
+\v 3 Pokeiy nea wia niaku: “Tou-tou se minena’pe’ waki daerah maname, se neiy i kase’epangi waki petetaangen, se witu eng kapedisan wangko’ wo se witu eng ka’ada’an neiy i kase’ese’. Beton Yerusalem e minaghogharouw wo em pepalen-pepalen leloanganna e minarengisouw.”

01/04.txt

@@ -0,0 +1 @@
+\v 4 Katoroan liningaku e nabar i yi’i, rumuberouw aku maame’ wo mengasi’ eng keurean pirala nga endo. Niaku ku minoso wo masombayang witu en sinaru ni Empung pakasa’an e langit, \v 5 pokeiyku: “Ee TUHAN, Empung pakasa’an e langit, Empung si kasa wangko’ wo ke’ekel, si timiboiy witu en teta’aran wo e nupus lale’-Na witu sitou si meupus wia-Nisia wo si minena-ena’ maki’itla em perenta-perenta-Na,

01/06.txt

@@ -0,0 +1 @@
+\v 6 i wee mouw en talinga-Mu wo wuka’anouw em beren-Nu wo linganome en sombayang ni hamba-Mu en teakan i yi’i ni’i pa’ayokume witu en sinaru-Mu oat o wengi i wee se tou Israel, hamba-hamba-Mu i ti’i, ampit maaku e reiy’ sa mina’asa dosa en tinuana meiy mola nu tou Israel wia-Nikoo. O kangkasi niaku wo se kaum ne me’urangku nu simiwo mola en dosa. \v 7 Nikeiy keiy kasa mouw simelok witu-Nikoo wo reiy’ maki’itla em perenta-perenta, katataapan-katataapan wo e natoran-natoran  neiy mouw i perenta-Mula wia si Musa, hamba-Mu i ti’i.

01/08.txt

@@ -0,0 +1 @@
+\v 8 Ghenangenola e nuwu’ neiy-Mu i ower wia si Musa, hamba-Mu i ti’i, nyi’a i yi’i: Sa kouw maroba lale’, kouw laa-Ku i sabureseiyla witu nelet ne bangsa-bangsa. \v 9 Ta’an, sa kouw murikiti wia-Niaku wo minena-ena’ maki’itla em perenta-perenta-Ku ma’an matuanala nyi’a, takar ma’anouw tu’u se tou-tou neiy i kasea’mu se waki tempok e langit, se laa-Ku eruren sea sumeup wo aling-Ku waki tampa em pineleng-Ku mola kaa laa sumiwo e ngaran-Ku mena’ maname.

01/10.txt

@@ -0,0 +1 @@
+\v 10 Reiy’ ku’a re’en nisea i yi’i se hamba-hamba-Mu wo umat-Mu se neiy mouw i waya-Mumi ampit eng kaente’an-Nu kewangko’ wo ampit e lawas-Mu ente’? \v 11 Ee, TUHAN, weeanouw talinga wia en sombayang ni hamba-Mu i yi’i wo wia en sombayang ne hamba-hamba-Mu se pa’ar meide’la e ngaran-Nu, wo ma’anouw se hamba-hamba-Mu se mua’la e nendo i yi’i wo maka’ato en tongkoupusen waki sitou i yi’i.” Katoroan e ni’itu niaku i yi’i ku sumesiwo eng kekoo’on ni raja.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\v 1 Witu en sumedot Nisan en te’un karua nga pulu’ em paperenta’an ni raja Artahsasta, katoroan  e minamuali lukarku kaa laa sumadiala anggor, niaku ku minopola e nanggor wo ma’ayola nyi’a wia si raja. Karengan niaku ku paloo’ola tekur, e memang reiy’pe’ ma’an mekasa mamuali witu en sinaru ni raja, \v 2 o mueiy mouw sia wia niaku: “Ka’a eng giomu en tedur, ma’anouw tu’u koo reiy’ rara’an? Nikoo koo tantu mouw tekur ate.” Laa o ku minamuali kasa meide’.

02/03.txt

@@ -0,0 +1 @@
+\v 3 Wingkotku wia si raja: “Tumou mouw si raja i wee eng keurena! Kumura eng gioku e reiy’ laa tumedur, sa eng kota, en tampa pakuburan ne nene moyangku, e minamualimouw riberek wo em pepalen-pepalen leloanganna e mina’apu kinaan e napi?”

02/04.txt

@@ -0,0 +1 @@
+\v 4 O laa em pokeiy ni raja wia niaku: “Jadi, sapa ni’i kepa’armu?”  takar ku sumombayang  wia si Empung pakasa’an e langit, \v 5 kamurian e wingkotku wia si raja: “Sa si raja mapokeiyla le’os wo mepa’arla wia si hambamu i yi’i, i toke mouw aku mea waki Yehuda, mea waki kota pakuburan ne nene moyangku, rio aku mangunla nyi’a sumeup.” \v 6 Laa o mueiy mouw si raja wia niaku, kasuatan si permaisuri si rimuber witu esa nga wekana: “Pira eng keure koo witu em pakela-kelangan, wo kawisa ku’a re’en koo marengi?” Wo si raja si minepa’ar timoke niaku, nu reiy’ mouw niaku nu timotorla eng keurean e nedo wia nisia.

02/07.txt

@@ -0,0 +1 @@
+\v 7 Lumila’la aku wia si raja: “Sa si raja mapokeiyla le’os, weeanola aku surat-surat i wee se kumbasar-kumbasar waki daerah lewet en so’oso’an Efrat, rio sea mangintorola niaku o laa i ka’ayo aku i ka’ayola waki Yehuda. \v 8 O kangkasi e nesa surat i wee si Asaf, tumetegha’ en taman ni raja, rio sia meela niaku kayu kaa laa mepepaas en salawako-salawako witu em pepalen-pepalen leloangan waki benteng em Bait Suci, i wee em beton kota wo i wee em bale laa ena’angku.” Wo si raja si lime’ele’la em pengiweengku i ti’i, karengan e lawas ni Empungku murah en timerungla niaku.

02/09.txt

@@ -0,0 +1 @@
+\v 9 Takar meiy mouw aku wia se kumbasar-kumbasar waki daerah lewet en so’oso’an Efrat wo sumarakan wia nisea en surat-surat ni raja. Wo si raja si rimeo se panglima-panglima paseke’ wo se tou-tou mesake-sake kawalo tumeperla niaku. \v 10 Katoroan si Sanbalat, tou eng Horon, wo si Tobia, tou e Amon, si pelayan i ti’i, nu liminga eng kapualitan i ti’i, nisea se kasa oki’ ghenang kaa wawean tou se mineiy mame’inakutla eng kasejahtera’an ne tou Israel.

02/11.txt

@@ -0,0 +1 @@
+\v 11 Takar i ka’ayo mola aku waki Yerusalem. Niaku nu telu nga endo mouw maname, \v 12 tumo’orouw aku witu e nendo wengi mewali-wali se parala tou i te se timeperla niaku. Niaku ku reiy’ minakite’ula wia si seiy i te tu’u en tetiro’an laa petetuanangkula i wee e Yerusalem, e neiy i weela ni Empungku witu nateku. O kangkasi e reiy’la walina sitekapen wia niaku kacuali si sinakeangku.

02/13.txt

@@ -0,0 +1 @@
+\v 13 Tuana mouw witu e nendo wengi niaku nu kimaluar timorola em pepalen leloangan Lebak, mea waki matorome eng kembu’an Leloiy’ Naga wo em pepalen leloangan Liwoka. Niaku ku simoisapla makale’o-le’os em  beton-beton Yerusalem e minaghogharouw wo em pepalen-pepalen leloanganna e mina’apu kinaan e napi. \v 14 Laa o ku mapawee-weela em pakela-kelangangku mea waki pepalen leloangan Kembu’an wo em pusung Raja. Karengan si tekapen sinakeangku si reiy’ mete’u lumeas witu en tampa i ti’i,

02/15.txt

@@ -0,0 +1 @@
+\v 15 o ku lumongkot matas timorola en so’oso’an pera witu e nendo wengi wo ku sumoisapla ampit e makale’o-le’os em beton i ti’i.Kamurian o ku mareng, laa o ghumorem timorola em pepalen leloangan Lebak. Tuana mouw aku nu minareng. \v 16 Em baya ne makua-kuasa se reiy’ mete’u wisa e lina’angku mola wo sapa en tinuanaku mola, karengan i ka’ayomi i yi’i niaku ku reiy’pe’ minakite’ula sapa-sapa wia se tou Yahudi, le’os wia em baya ne imam, ka’apa tu’u wia em baya ne pamuka-muka, wia em baya ne makua-kuasa wo em baya ne petugas walinana.

02/17.txt

@@ -0,0 +1 @@
+\v 17 Lumila’ mouw niaku wia nisea: “Loo’on niouw eng ka’eseman em pine’antami , nyi’a i yi’i e Yerusalem e minamuali mouw riberek, wo em pepalen-pepalen leloanganna e mina rengisouw. Meiy, tu  wangunen ta sumeup em beton Yerusalem , rio kita reiy’ mouw kasi sero’an.” \v 18 Katoroan i pakite’ukula wia nisea, kumura eng kamurahna e lawas ni Empungku en timerungla niaku wo kangkasi sapa neiy i lila’la ni raja wia niaku, lumila’ mouw sea: “Nikeiy keiy timiro’ kaa laa mebebangun!” Wo ampit eng kaente’an eng keter sea muleiy tumuanala em pepa’ayangen e le’os i ti’i.

02/19.txt

@@ -0,0 +1 @@
+\v 19 Katoroan si Sanbalat, tou eng Horon, wo si Tobia, tou Amon, si pelayan i ti’i, wo si Gesyem, tou Arab, nu liminga ni’itu, sea menero-nero’la wo maoki’la nikeiy. Pokeiy nea: “Sapa em patuanan niouwla i ti’i? Sapa kouw pa’ar mererangu witu si raja?” \v 20 Niaku ku miningkot nisea, pokeiyku: “Empung em pakasa’an e langit, Nisia mouw si simiwo nikeiy minua’! Nikeiy, hamba-hamba-Na, keiy timiro’ mouw kaa laa mebebangun. Ta’an nikouw kouw reiy’ makapunya weteng ka’apa hak wo reiy’ laa ghenangen waki Yerusalem!”

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\v 1 Takar tumiro’ mouw si imam wangko’ Elyasib wo em baya ne imam, patuari-patuarina, laa o mangun sumeup em pepalen leloangan Domba. Nisea se timahbisla nyi’a wo maas em pepalen-pepalenna. Nisea se timahbisla nyi’a i ka’ayo em pewale Mea, em pewale Hananeel. \v 2 Minetawian ampit nisea se tou-tou Yerikho  mebangun, wo minetawian ampit se tou-tou i ti’i si Zakur bin Imri.

03/03.txt

@@ -0,0 +1 @@
+\v 3 Pepalen leloangan Sera’ em pebangunen ne bani Senaa. Nisea se minaas en salawako-salawako laa o maas em pepalen-pepalenna ampit eng keketep-keketep wo  eng kelam-kelamna. \v 4 Minetawian ampit nisea si Meremot bin Uria bin Hakos si matuanala em pasoupen, wo minetawian ampit nisia si Mesulam bin Berekhya bin Mesezabeel. Minetawian ampit nisia si Zadok bin Baana matuanala em pasoupen, \v 5 wo minetawian ampit nisia se tou-tou en Tekoa. Se pamuka-muka nea i te se so’o meela em palukana i wee em pepa’ayangen ni tuang nea.

03/06.txt

@@ -0,0 +1 @@
+\v 6 Pepalen leloangan Ure en sinoupla ni Yoyada bin Paseah wo ni Mesulam bin Besoja. Nisea se minaas en salawako-salawako laa o maas em pepalen-pepalenna ampit eng keketep-keketep wo eng kelam-kelamna. \v 7 Minetawian ampit nisea si Melaca, tou eng Gibeon, wo si Yadon, tou e Meronot, matuanala em pasoupen ma’an se tou-tou eng Gibeon wo Mizpa, se witu wawa’ eng kakuasa’an ni kumbasar daerah lewet talikuran en so’oso’an Efrat.

03/08.txt

@@ -0,0 +1 @@
+\v 8 Minetawian ampit nisea si Uziel bin Harhaya, si meta’esa’an tou meneniwo mas, matuanala em pasoupen,wo minetawian ampit nisia si Hananya, siesa tou sumesewok e rampa-rampa. Nisea se minapate’etep e Yerusalem i ka’ayo em beton Penar. \v 9 Minetawian ampit nisea si Refaya bin Hur, si makua-kuasa esa nga parua  wilayah Yerusalem nesa si matuanala em pasoupen. \v 10 Minetawian ampit nisia si Yedaya bin Harumaf si matuanala em pasoupen, minakatena-tena’ witu en sinaru em balena, wo minetawian ampit nisia si Hatus bin Hasabneya.

03/11.txt

@@ -0,0 +1 @@
+\v 11 Malkia bin Harim wo si Hasub bin Pahat-Moab si masoupla e weteng walina wo em pewale Paapian. \v 12 Minetawian ampit nisea si Salum bin Halohesh, si makua-kuasa esa nga parua wilayah Yerusalem walina si matuanala em pasoupen mewali-wali se oki-oki’ wewenena.

03/13.txt

@@ -0,0 +1 @@
+\v 13 Pepalen leloangan Lebak en sinoupla ni Hanun wo ne penduduk Zanoah. Nisea se minangunla nyi’a sumoup  wo minaas em pepalen-pepalenna  ampit eng keketep-keketep wo eng kelam-kelamna. O kangkasi em beton en sinoupla eng kelabotan esa nga riwu hasta i ka’ayo waki pepalen leloangan Liwoka.

03/14.txt

@@ -0,0 +1 @@
+\v 14 Pepalen leloangan Liwoka en sinoupla ni Malkia bin Rekhab, si makua-kuasa e wilayah Bet-Kerem. Sia si minangunla nyi’a sumoup wo minaas em pepalen-pepalenna ampit eng keketep-keketep wo eng kelam-kelamna. \v 15 Pepalen leloangan Kembu’an en sinoupla ni Salum bin Kolhoza, makua-kuasa e wilayah Mizpa. Pepalen leloangan i ti’i em binangunna sumoup, wineeanna atep wo i paasna em pepalen-pepalenna ampit eng keketep-keketep wo eng kelam-kelamna. O kangkasi en sinoupna em beton pusung paeruran e rano en salu, tawi en taman ni raja i ka’ayo witu e naran-naran e matumpami waki kota Daud.

03/16.txt

@@ -0,0 +1 @@
+\v 16 Witu esa nga wekana si Nehemia bin Azbuk, si makua-kuasa esa nga parua wilayah Ben-Zur, si masiwola em paseupen i ka’ayo waki saruan em pakuburan ni Daud wo i ka’ayo witu em pusung siniwote wo e wale em baya ne pahlawan. \v 17 Witu esa nga wekana se tou-tou Lewi se masiwola em pasoupen, nyi’a i yi’i si Rehu bin Bani, wo minetawian ampit nisia si Hasabaya, makua-kuasa esa nga parua e wilayah Kehila esa, i wee e wilayana.

03/18.txt

@@ -0,0 +1 @@
+\v 18 Witu esa nga wekana se patuari-patuari nea, nyi’a i yi’i si Binui bin Henadad, makua-kuasa esa nga parua e wilayah Kehila walina, si masiwola em pasoupen. \v 19 Minetawian ampit nisia si Ezer bin Yesua, makua-kuasa e Mizpa, si masoupla e weteng tumodongla, witu en saruan  em pasosoran mea waki godong lelutam, tawi e Ruuna.

03/20.txt

@@ -0,0 +1 @@
+\v 20 Witu esa nga wekana si Barukh bin Zabai masoupla e weteng tumodongla, waki Ruuna i ka’ayo witu em pepalen maghoreme em bale ni imam wangko’ Elyasib. \v 21 Witu esa nga wekana si Meremot bin Uria bin Hakos  si masoupla e weteng tumodongla, waki pepalen maghoreme em bale ni Elyasib i ka’ayo witu en tempok em bale ni Elyasib.

03/22.txt

@@ -0,0 +1 @@
+\v 22 Witu esa nga wekana em baya ne imam, se tou-tou waki Kewong e Yordan, se matuanala em pasoupen. \v 23 Witu esa nga wekana si Benyamin wo si Hasub se masiwola em pasoupen witu en saruan em bale nea. Witu esa nga weka nea si Azarya bin Maaseya bin Ananya se masiwola em pasoupen  witu esa nga weka em balena. \v 24 Witu esa nga wekana si Binui bin Hanadad si masoupla e weteng tumodongla, waki wale ni Azarya i ka’ayo e Ruuna wo i ka’ayo em Penjuru.

03/25.txt

@@ -0,0 +1 @@
+\v 25 Palal bin Uzai si masiwola em pasoupen witu en saruan e Ruuna wo witu en saruan em pewale rakek e rimoa’mi waki istana ni raja, tawi em podol petayuran. Witu esa nga wekana si Pedaya bin Paros si masiwola em pasoupen \v 26 i ka’ayo waki saruan em pepalen leloangan Rano, waki esa nga weka sedangan wo witu en saruan em pewale rimoa’. Sapa tare em baya ne budak witu em bait ni Empung se minena’ waki Ofel. \v 27 Witu esa nga weka ni Pedaya se tou-tou en Tekoa se masoupla e weteng tumodongla, waki saruan em pewale wangko’ e rimoa’ i ti’i i ka’ayo waki beton Ofel.

03/28.txt

@@ -0,0 +1 @@
+\v 28 Muleiymi waki pepalen leloangan Kawalo em baya ne imam se simiwola em pasoupen, siesa o siesa witu en saruan em balena. \v 29 Witu esa nga weka nea si Zadok bin Imer si masiwola em pasoupen witu en saruan em balena. Witu esa nga wekana si Semaya bin Sekhanya, si tumetayur em pepalen leloangan Sedangan. \v 30 Witu esa nga wekana si Hananya bin Selemya wo si Hanun, sioki’ ni Zalaf kaenem,  se masoupla e weteng tumodongla . Witu esa nga weka nea si Mesulam bin Berekhya si masiwola em pasoupen witu en saruan e ruraghna.

03/31.txt

@@ -0,0 +1 @@
+\v 31 Witu esa nga wekana si Malkia, siesa tou meneniwo mas, si masiwola em pasoupen i ka’ayo witu em bale em baya ne budak witu em bait ni Empung wo em baya ne belante’, witu en saruan em pepalen leloangan Pedaftaran wo i ka’ayo witu eng kamar atas waki ruuna. \v 32 O laa e nelet eng kamar atas witu en duuna wo em pepalen leloangan Domba em baya ne meneniwo mas wo em baya ne belante’ se masiwola em pasoupen.

03/title.txt

@@ -0,0 +1 @@
+pasal 3

04/01.txt

@@ -0,0 +1 @@
+\v 1 Katoroan si Sanbalat nu liminga, kaa nikeiy keiy kasuatan mebangun sumoup em beton, tumo’orouw e nupi’na wo nisia si kasa rara ate. Sia si menero-nero’la se tou Yahudi \v 2 wo meila’ witu en sinaru ne patuari-patuarina wo ne suraro Samaria: “Sapa mouw ee pasil em patuanan ne tou Yahudi lewea’ i yi’i? Sapa ku’a re’en nisea se mapate’etep e wo’o sapa? Sapa ku’a re’en sea laa ma’ali en sesempe? Sapa ku’a re’en sea laa sumampet witu esa nga endo? Sapa ku’a re’en sea laa tumoula sumoup em batu-batu waki ruruk e riberek e minarengisouw mina’apu tanu e nyi’i?” \v 3 Laa o lumila’ mouw si Tobia, tou Amon i ti’i, si witu en tawina: “Ma’anouw tu’u sea mangun sumoup, sa siesa nga ipus asu en talun rumenteki wo lumeler nyi’a, i karonga’ mouw em beton watu nea.”

04/04.txt

@@ -0,0 +1 @@
+\v 4 Oh, Empung meiy, lingane kumura keiy pasero’an. Purikitla en sero’ nea  tumoro eng kokong nea nuesa wo i sarakanola sea mamuali rinemu’la waki tana’ en tampa ne tinaang. \v 5 Te’a Koo mepepenetla eng kaselokan nea, wo en dosa nea te’a perere’in-Nu waki sinaru-Mu, karengan nisea se rimarala e nate-Mu ampit eng kapawinta-winta’ nea wia se tou-tou se kasuatan mebangun. \v 6 Ta’an nikeiy keiy reiy’ maena-ena’ mebangun em beton i ka’ayo esa nga parua eng kerakek wo i ka’ayo en tempok-tempokna maatoan, karengan se minapekasa bangsa se mepa’ayang ampit em pakasa’an e nate.

04/07.txt

@@ -0,0 +1 @@
+\v 7 Katoroan si Sanbalat wo si Tobia ma’an se tou Arab wo se tou Amon wo se tou Asdot nu liminga, kaa em pepa’ayangen pasoupan em beton Yerusalem e melaa wo kaa em po’opot-po’opot em beton e muleiy mouw mapenet, takar kasa mouw meupi’ sea. \v 8 Nisea nu waya se simiwola paasa-asa’an mewali-wali kaa laa meseseke’la e Yerusalem wo mesesiwola eng karingka’an maname. \v 9 Ta’an nikeiy keiy simombayang wia si Empung meiy, wo simiwola petayuran wia nisea oat o wengi karengan eng kapawinta-winta’ nea.

04/10.txt

@@ -0,0 +1 @@
+\v 10 Lumila’ mouw se tou Yehuda: “Kaente’an em baya ne mememopo eng kimo’okosouw wo e riberek eng kasape’ laker. Reiy’ makawoo keiy mebangun sumoup em beton i yi’i.” \v 11 Ta’an se kesaru-kesaru meiy se ghimenang:  “Nisea se reiy’ laa mamete’u wo reiy’ laa lumoo’ sapa-sapa, i ka’ayo kita ta witu e nelet nea, munu’ nisea wo mapaena’la em pepa’ayangen i ti’i.”

04/12.txt

@@ -0,0 +1 @@
+\v 12 Katoroan se tou-tou Yahudi se maena’ tawi nea se minakapulu’ momi mineiy ngume’enge’la nikeiy: “Nisea se laa rumego nikita waki e reiy’ sa mina’asa tampa paena’an nea.” \v 13 takar niaku ku timampala se rakyat i ki’it se kaum ne me’urang nea ampit en santi, tetura’ wo em panah waki weteng-weteng kasa kumeng waki tampa i ti’i, witu muri em beton, witu en tampa-tampa minawuka’. \v 14 Tegha’ engkula em baya nyi’a, laa o tumo’or rumedeiy wo lumila’ wia em baya ne pamuka-muka wo em baya ne makua-kuasa wo wia se tou-tou walina: “Te’a kouw meide’ wia nisea! Ghumenangouw wia si Tuhan si kasa wangko’ wo si ke’ekel  wo sumeke’ mouw i wee se patuari-patuarimu, i wee se oki-oki’ tuama wo se oki-oki’ wewenemu, i wee si ka’awumu wo em balemu.”

04/15.txt

@@ -0,0 +1 @@
+\v 15 Katoroan lininga ne kesaru meiy, kaa en tetiro’an nea eng kinakete’uan neiy mola wo kaa si Empung si mino’opolola nyi’a, takar en toro mouw nikeiy nu waya mareng mea waki beton, siesa o siea mea witu em pepa’ayangenna. \v 16 Rengan e nendo ni’itu se esa nga weteng waki se anak buahku se matuanala em pepa’ayangen, wo se esa nga weteng walina se timiboiy en tetura’, kekelung wo em panah wo minakela e labung Zirah, kasuatan em baya ne ma’aka-aka se rimedeiy witu muri ne pakasa’an kaum Yehuda

04/17.txt

@@ -0,0 +1 @@
+\v 17 se mebangun witu em beton. Se tou-tou minesa’an wo maater se matuanala em pepa’ayangenna ampit e nesa lawas wo ampit e lawas walina nisea se timiboiy e lelutam. \v 18 Susur tou si mebangun si mepa’ayang ampit mina’akesla en santi witu e rereenanna, wo witu esa nga wekaku rimedeiy si sumesengo en sesebungen.

04/19.txt

@@ -0,0 +1 @@
+\v 19 Lumila’ mouw aku wia em baya ne pamuka-muka wo em baya ne makua-kuasa wo wia se tou-tou walina: “Pepa’ayangen i yi’i en sela wo em pelas, wo nikita ta neiy i kasera witu em beton, siesa si wa’akat waki se walina. \v 20 Wo sa kouw luminga legu’an en sesebungen waki e nesa tampa, merurouw mea maname matola nikeiy. Empung ta si laa sumeke’ i wee nikita!”

04/21.txt

@@ -0,0 +1 @@
+\v 21 Witu esa nga wekana si Meremot bin Uria bin Hakos  si masoupla e weteng tumodongla, waki pepalen maghoreme em bale ni Elyasib i ka’ayo witu en tempok em bale ni Elyasib. \v 22 Witu esa nga wekana em baya ne imam, se tou-tou waki Kewong e Yordan, se matuanala em pasoupen. \v 23 Witu esa nga wekana si Benyamin wo si Hasub se masiwola em pasoupen witu en saruan em bale nea. Witu esa nga weka nea si Azarya bin Maaseya bin Ananya se masiwola em pasoupen  witu esa nga weka em balena.

04/title.txt

@@ -0,0 +1 @@
+pasal 4

05/01.txt

@@ -0,0 +1 @@
+\v 1 Takar kalinga’anouw e nga’angal kaente waki se rakyat wo kangkasi waki se weteng em baya ne tu’awewene witu se kasuat tou Yahudi. \v 2 Wawean se marekeiy: “Oki’ tuama wo se oki’ wewene meiy se kelaker wo nikeiy keiy lewo’ sa reiy’ maka’ato gandum, rio keiy toro kumaan wo tumou.” \v 3 Wo wawean se marekeiy: “Penguma’an wo e numa anggor wo em bale neiy i eram meiyla kaa laa maka’ato gandum witu e nedo kelalenan.”

05/04.txt

@@ -0,0 +1 @@
+\v 4 O kangkasi wawean se marekeiy: “Nikeiy keiy lewo’ sa reiy’ minjang loit kaa laa mear em pajak neiy i tena’la ni raja witu em penguma’an wo e numa anggor meiy. \v 5 En teakan, ma’anouw tu’u nikeiy i yi  keiy esa nga raa’ esa nga le’ona ampit se patuari-patuari esa nge bangsa meiy wo se oki-oki’ meiy se masuat  ampit se oki-oki’ nea, nikeiy keiy neiy i kase’esek minayala se oki-oki’ tuama wo se oki-oki’ wewene meiy  minamuali budak wo se pira mola oki’ wewene meiy se lewo’ sa reiy’ mayala en tou mapunyala ni tou. Nikeiy keiy reiy’ mete’u sumiwo sapa-sapa, karengan em penguma’an wo e numa anggor meiy em bitu mouw e lawas ne tou walina.”

05/06.txt

@@ -0,0 +1 @@
+\v 6 Takar kasa mouw meupi’ aku, katoroan ku liminga e nga’angal nea wo e naba-abar i ti’i. \v 7 Niaku nu minakaghenangola makale’o-le’os, ku kumulitikla em baya ne pamuka-muka wo em baya ne makua-kuasa. Pokeiyku wia nisea: “Siesa o siesa kouw kimaanola e rente waki se patuari-patuarimu!” Laa o siwoangkula wia nisea e nesa sidang jema’ah kasela. \v 8 Lumila’ mouw aku wia nisea: “Nikeiy keiy reiy’ maena-ena’ mame’inakut satoro-torona kaa laa tumubuus se kasuat tou Yahudi se neiy i wangker wia se bangsa-bangsa walina. Ta’an nikouw i yi’i awes tare mewangker se patuari-patuarimu, rio sea telesen neiy kasi!” Nisea se minenes en tou karengan se reiy’ mete’u mepepero.

05/09.txt

@@ -0,0 +1 @@
+\v 9 Pokeiyku: “E reiy’ mouw waar sapa en tinuana miouwla i ti’i! Reiy’ ku’a re’en nikouw kouw lewo’ sa reiy’ mawinta-winta’ ampit meide’la si Empung ta kaa laa mesese’epangla en tou waki sesero’an ne bangsa-bangsa walina, se kesaru-kesaru ta? \v 10 O kangkasi niaku wo se patuari-patuariku wo se anak buahku se minungangola e loit wo eng gandum wia nisea. I waya mola kita rume’ila e nutang nea i ti’i! \v 11 I waya mola kouw marengla wia nisea e nendo i yi’i kangkasi em penguma’an nea, numa anggor, numa zaitun wo em bale nea, o kangkasi re’inola e nutang nea, nyi’a i yi’i e loit ma’an eng gandum, nanggor wo e lana em pawusuken niouwmi waki nisea!”

05/12.txt

@@ -0,0 +1 @@
+\v 12 Lumila’ mouw sea: “Ni’itu e laa i wareng meiyla! Wo nikeiy keiy reiy’ laa kume’i sapa-sapa waki nisea. Nikeiy keiy laa tumuanala minakatena-tena’ tanu neiymu i perentala!” Laa o ku kumeret em baya ne imam wo rumeo nisea tumiwa’, kaa nisea se laa makatena’la en ta’ar nea. \v 13 O kangkasi i pi’ipikekula e lepetan e labungku kasuatan lumila’: “Tuana mouw susur tou si reiy’ minapatena’la en ta’ar i yi’i si laa i pi’ipiki ni Empung waki walena wo e wua’na em pine’inakutna. Tuana mouw sia i pi’ipik wo mamuali reiy’la sisapa-sapa!” Wo se minapekasa jema’ah se limila’: “Amin,” o laa sea melo’o-lo’or si TUHAN. Takar se rakyat se simiwo e minatoroan ampit en ta’ar i ti’i. Kapawinta-winta ni Nehemia si reiy’ masero kauntungan

05/14.txt

@@ -0,0 +1 @@
+\v 14 O kangkasi rengan niaku nu pinopo tanume si kumbasar waki tana’ Yehuda, nyi’a i yi’i waki te’un karua nga pulu’ I ka’ayo en te’un katelu nga pulu’ o rua em paperenta’an ni Artahsasta jadi e mapulu’ o rua nge te’un eng keurena, niaku wo se patuari-patuariku keiy reiy’ ma’an mekasa medo e weweteng minamuali hak ni kumbasar. \v 15 Ta’an em baya ne kumbasar nu reiy’pe nyi’a, se rimeriorla niaku, se kasa mawuterla em pemesa’anen ne rakyat. Kumbasar-kumbasar i ti’i se maedomi waki nisea e nepat nga pulu’ syikal perak esa nga endo i wee em bahan kekaanen wo e nanggor. Awes tare se anak buah nea se maka lela’la witu se rakyat. Ta’an niaku ku reiy’ masiwo en tuana karengan ku meide’la si Empung.

05/16.txt

@@ -0,0 +1 @@
+\v 16 Niaku tu’u ku minuleiy em pepa’ayangen em baton i ti’i, ma’anouw tu’u ku reiy’ minaka’ato penguma’an. Wo em baya se anak buahku se nierurla maname wuntul i wee em pepa’ayangen i ti’i. \v 17 Rumuber witu e mejaku se tou-tou Yahudi wo em baya ne makua-kuasa, se esa nga atus lima nga pulu’ tou, walinana wia nisea se mineiy wia nikeiy waki se bangsa-bangsa kaledong meiy.

05/18.txt

@@ -0,0 +1 @@
+\v 18 En sinadiala esa nga endo witu en tanggongangku nyi’a mouw: siesa nga ipus sapi, enem nga ipus membe’domba se kinapelengan wo se pirala nga ipus unggas, wo e minegheghioan anggor ampit e meloko-lokon susur mapulu’ nga endo. Ta’anouw, ampit em baya nyi’a i ti’i, niaku ku reiy’ make’i wewetengan e minamuali hak ni kumbasar, karengan em pepa’ayangen i ti’i eng kasa meubel se rakyat. \v 19 Oh Empungku, demi eng kasejahtera’angku, ghenangenouw e reiy’ sa mina’asa en siniwoku i wee em bangsa i yi’i.

05/title.txt

@@ -0,0 +1 @@
+pasal 5

06/01.txt

@@ -0,0 +1 @@
+\v 1 Katoroan si Sanbalat wo si Tobia wo si Gesyem, tou Arab i ti’i wo se kesaru-kesaru meiy walina nu liminga, kaa niaku ku simampetouw minangun sumeup em beton, i ka’ayo  reiy’ mola kasi sipo’opot ma’anouw tu’u i ka’ayo e nedo ni’itu witu em pepalen leloangan e reiy’pe’ neiyku i paas em pepalenna, \v 2 takar si Sanbalat wo si Gesyem  se timoke tou wia niaku ampit e nower: “Meiy, kita sumiwola pinasungkulan mewali-wali waki Kefirim, waki kewong Ono!” Ta’an nisea se mekemaksut mececilakala niaku.

06/03.txt

@@ -0,0 +1 @@
+\v 3 O laa aku mapa’ali tetoke wia nisea ampit e wewingkot: “Niaku ku kasuatan matuanala e nesa pepa’ayangen wangko’. Niaku ku reiy’ mete’u meiy! I wee en sapa em pepa’ayangen i yi’i ni’i kaena’ eng karengan ku timele’ula nyi’a wo mea wia nikouw!” \v 4 I ka’ayo makaepat sea minakiali e nower tanu ni’itu wia niaku wo susur e nyi’a ku meela wewingkot  masuat wia nisea.

06/05.txt

@@ -0,0 +1 @@
+\v 5 O laa ampit eng kenaramen masuat i wee eng kalimana si Sanbalat si minakialimi siesa anak buahna wia niaku si minalimi en surat neiy i kawuka’. \v 6 Witu en surat i ti’i neiy i kepatik: “Wawean se mengena-nena’ witu e nelet ne bangsa-bangsa wo si Gasymu si minulitela nyi’a, kaa nikoo wo se tou-tou Yahudi kouw mekemaksut laa mererangu, wo eng karengan e ni’itu kouw mebangun sumoup em beton. Awes kangkasi, i ki’it e nabar ni’itu, nikoo koo pa’ar mamuali raja nea.

06/07.txt

@@ -0,0 +1 @@
+\v 7 Awes tare nikoo koo timu’udekola se nabi-nabi se lewo’ sa reiy’ mabarla tanume en toumu waki Yerusalem, en tuana: Wawean siesa raja waki Yehuda! En teakan, e nabar tanu ni’itu e laa lingan ni raja. Eng karengan e ni’itu, meiy, kita mewali-wali rumunding!”

06/08.txt

@@ -0,0 +1 @@
+\v 8 Ta’an niaku ku minapa’ali tou wia nisia ampit e wewingkot: “Kapualitan tanu en tinotormu i ti’i e reiy’ ma’an mekasa wia. Ni’itu em bela’awa’mu i te waya!” \v 9 Karengan nisea nu waya se pa’ar mengide-ngide’la nikeiy, genangna: “Nisea se laa mayala em pepa’ayangen i ti’i, i ka’ayo reiy’ mete’u i sampetla.” Ta’an niaku e nulitna ku me’inakut esa nga kaente’an eng keter.

06/10.txt

@@ -0,0 +1 @@
+\v 10 Katoroan niaku nu minea waki wale ni Semaya  bin Delaya bin Mehetabeel, karengan nisia si kina’ape’an ma’eiy, lumila mouw sia: “I waya mola kita maatoan waki wale ni Empung, witu eng gorem em Bait Suci, wo kumusi’ em pepalen-pepalenna, karengan wawean sitou si pa’ar ma’eiy mewewunu’ nikoo, iyon,  em bengi i yi’i nisea se pa’ar ma’eiy mewewunu’ nikoo.” \v 11 Ta’an em pokeiyku: “Tou wisa ku’a re’en si tanu niaku i yi’i si laa tumingkasla en tou? Tou wisa ku’a re’en si tanu niaku i yi’i si toro  ghomoremla witu em Bait Suci wo minena’ matou-tou? Niaku ku reiy’ mea!”

06/12.txt

@@ -0,0 +1 @@
+\v 12 Karengan eng kete’uangku ulit, kaa si Empung si reiy’ timoke nisia. Nisia si timotorla e wenti’ i ti’i wia niaku, karengan si winoko’an ni Tobbia wo ni Sanbalat. \v 13 I wee e nyi’i nisia si winoko’an, rio aku mameide’la laa  o sumiwo en tuana, i ka’ayo aku makadosa. Ampit en tuana nisea se makapunyala kalempotan kaa laa mewewu’ulela e ngaranku, i ka’ayo toro sumero’la niaku. \v 14 Oh Empungku’ ghenangenouw kumura si Tobia wo si Sanbalat siesa o siesa nu mininta’ mola! Tu’un e winta’ ni nabiah Noajah wo se nabi-nabi walina se pa’ar minengide-ngide’la niaku.

06/15.txt

@@ -0,0 +1 @@
+\v 15 Takar sumampetola em beton i ti’i witu en tanggal rua nga pulu’ o lima en sumedot Elul witu e nedo lima nga pulu’ o rua nga endo. \v 16 Katoroan em baya ne kesaru meiy nu liminga eng kapualitan i ti’i, meide’ mouw em baya ne bangsa kaledong meiy. Nisea se kasa kinaliongan eng gio wo minawena’as, kaa em pepa’ayangen i ti’i en tinuanala ampit en sesawangan ni Empung meiy.

06/17.txt

@@ -0,0 +1 @@
+\v 17 Witu e masa ni’itu kangkasi em baya se pamuka-muka ne Yehuda se minapa’ali kelaker en surat wia si Tobia, wo eng kapurikitna nisea se simungkul en surat-surat waki nisia, \v 18 karengan kelaker tou waki Yehuda se makapunyala wewa’akesan en tiwa’ ampit nisia, karengan nisia nyi’a mouw si manuang ni Sekhanya bin Arah, kasuatan si Yohanan, oki’na, si minedo sioki’ ni Mesulam bin Berekhya tanume si ka’awu. \v 19 O kangkasi nisea se menoto-notor e reiy’ sa mina’asa eng kale’osan ni Tobia witu en saruanku wo e reiy’ sa mina’asa lelila’angku e reiy’ maena-ena’ neiy i wewerla wia nisia. O kangkasi si Tobia si minapa’ali en surat-surat kaa laa mengide-ngide’la niaku.

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\v 1 Nu reiy’ mouw em beton nu simampetla binangun, o ku maas em pepalen-pepelaen. Laa o poponola se menaang-menaang witu em pepalen leloangan, em baya ne kumekantar wo se tou-tou Lewi. \v 2 Pategha’an witu e Yerusalem neiyku i sarakanla wia si Hanani, patuariku, wo wia si Hananya, panglima em benteng,  karengan nisia siesa tou si toro emanen wo si meide’la si Empung lumebela ta’an se tou-tou walina.

07/03.txt

@@ -0,0 +1 @@
+\v 3 Lumila’ mouw niaku wia nisea: ”Em pepalen-pepalen leloangan Yerusalem te’a i pewewuka’ i ka’ayo siendo nu masu’ tume’etel. Wo em pepalen-pepalenna e lewo’ sa reiy’ peneten wo kelamen, kasuatan se tou malukare’ witu en tampana. I tampa mola se tumetayur-tumetayur waki elet ne penduduk Yerusalem, siesa o siesa witu en tampa-tampa petayuran wo witu en saruan em balena.” Daftar ne tou-tou se minarengi waki pasea’an \v 4 Sapa tare eng kota i ti’i em pelas wo en sela, ta’an se pendudukna se toyo’ wo e wale-wale e reiy’pe’ binangun.

07/05.txt

@@ -0,0 +1 @@
+\v 5 Takar si Empungku si mineela witu nateku en tetiro’an kaa laa ma’erurla em baya ne pamuka-muka, em baya ne makua-kuasa wo se rakyat, rio sea i patik witu en silsilah. Laa o ku matola en daftar silsilah ne tou-tou se lebe rerior minae minarengi. Witu en daftar i ti’i e niatokula neiy i kepatik:

07/06.txt

@@ -0,0 +1 @@
+\v 6 Nyi’i mouw se tou-tou em propensi Yehuda se minae minarengi waki pasea’an, nyi’a i yi’i em baya ne tinaang, eng ketarena se neiy i ater ni Nabukadnezar, raja Babel, wo se minarengi waki Yerusalem wo waki Yehuda, siesa o siesa minea waki kotana. \v 7 Nisea se mineiy mewali-wali si Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum wo si Baana. Nyi’i mouw en daftar ne tou-tou bangsa Israel:

07/08.txt

@@ -0,0 +1 @@
+\v 8 bani Paros: se rua nga riwu esa nga atus pitu nga pulu’ o rua tou; \v 9 bani Sefaca: se telu nga atus pitu nga pulu’ o rua tou; \v 10 bani Arakh: se enem nga atus lima nga pulu’ o rua tou;

07/11.txt

@@ -0,0 +1 @@
+\v 11 bani Pahat-Moab, nyi’a i yi’i se bani Yosua wo Yoab: se rua nga riwu uwalu nga atus mapulu’ o uwalu tou; \v 13 bani Zatu: se uwalu nga atus epat nga pulu’ o lima tou; \v 14 bani Zakai: se pitu nga atus enem nga pulu’ tou;

07/title.txt

@@ -0,0 +1 @@
+pasal 7

08/01.txt

@@ -0,0 +1 @@
+\v 1 Katoroan i ka’ayola en sumedot kapitu, kasuatan se tou Israel se maena’ mouw witu eng kota-kotana, \v 2 takar se minakarengan minewali minerurla se minapekasa rakyat witu eng kalasan witu en saruan em pepalen leloangan Rano. Nisea se kimiwee wia si Ezra, si kasa sigha’ eng kaol i ti’i, rio sia mali eng kaol Taurat ni Musa, nyi’a i yi’i eng kaol ukum neiy i weela ni TUHAN wia se Israel. \v 3 O laa witu e nendo kasa ketare-tare en sumedot kapitu i ti’i  imam Ezra si minali eng kaol Taurat i ti’i witu en sinaru ne jema’ah, nyi’a i yi’i le’os tuama ka’apa tu’u wewene wo susur tou si toro luminga wo mangarti.

08/04.txt

@@ -0,0 +1 @@
+\v 4 Nisia si minacala em pirala nga weteng waki kaol iti’i witu eng kalasan witu en saruan em pepalen leloangan Rano waki memo’odo i ka’ayo marorake witu en sinaru ne tuama wo wewene wo em baya ne tou se toro mangarti. Ampit eng kasa mawee ghenang se minapekasa umat se malingala em pewaca’an eng kaol Taurat i ti’i. \v 5 Ezra, si kasa sigha’ eng kaol i ti’i, si rimedeiy witu natas e mimbar kayu en siniwola kaa em peristiwa i ti’i.  witu e li’ilikna esa nga weka lele’os rimedeiy si Matica, Sema, Anaya, Uria, Hilkia wo si Maaseya, kasuatan witu esa nga weka kawii rimedeiy si Pedaya, Misael, Malkia, Hasum, Hasbadana, Zakharia wo si Mesulam.

08/06.txt

@@ -0,0 +1 @@
+\v 6 Ezra si minuka’ eng kaol i ti’i witu en saruan em beren ne minapekasa umat, karengan nisia si rimedeiy lebe rakek waki em baya ne tou i ti’i. Witu e nedo sia nu muka’ eng kaol i ti’i em baya ne tou se timo’or rimedeiy. \v 7 O laa si Ezra si limo’or si TUHAN, Empung si kasa wangko’, wo em baya ne tou se simarot ampit e : “Amin, amin!”, kasuatan minayat e lawas. Kamurian sea kumurur wo maongkot masempe wia si TUHAN ampit eng gio mina’ayo en tana’. \v 8 O kangkasi si Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, Pelaya, se nyia’ mouw se tou-tou Lewi,  se maweela teturu’ en Taurat i ti’i wia se tou-tou i ti’i, kasuatan se tou-tou i ti’i se rimedeiy witu en tampana.

08/09.txt

@@ -0,0 +1 @@
+\v 9 E weteng-weteng waki kaol i ti’i, nyi’a i yi’i en Taurat ni Empung, e winacala ampit eng kalenona, ampit wineeanla katerangan-katerangan, i ka’ayo em binacala em pangartian. \v 10 O laa si Nehemia, nyi’a i yi’i si kapala daerah i ti’i, wo si imam Ezra, si kasa sigha’ eng kaol i ti’i, wo se tou-tou Lewi se mawee teturu’ se tou-tou i ti’i, lumila’ wia nisea nu waya: “Nendo i yi’i nyi’a mouw eng kudus i wee si TUHAN, Empungmu. Te’a kouw tumekur wo mame’!”, karengan em baya ne tou i ti’i se mame’ eng katoroan nu liminga en tetotoren-tetotoren en Taurat i ti’i.

08/11.txt

@@ -0,0 +1 @@
+\v 11 Laa o lumila’ mouw sia wia nisea: “Mea mouw kouw, kumaanouw e mengaruiy wo kumoo’ mouw eng kekoo’on emis wo i papa’ali mouw esa nga weteng wia nisea se reiy’ simadia sapa-sapa, karengan e nendo i yi’i nyi’a mouw eng kudus i wee si TUHAN ta!  Te’a kouw masusah ate, karengan e mepa’a-pa’ar eng karengan si TUHAN ni’itu mouw em pakelungannu!” \v 12 O kangkasi setou-tou Lewi se rimeo em baya se tou i ti’i rio makapenes ampit e lelila’an-lelila’an: “Menesouw! Nendo i yi’i nyi’a mouw eng kudus, Te’a mouw kouw masusah ate!”

08/13.txt

@@ -0,0 +1 @@
+\v 13 Takar mea mouw em baya ne tou i ti’i kaa laa mekekaan wo mekekoo’, kaa laa memete-meteng kekaanen wo melesir mepa’a-pa’ar, karengan nisea se mangarti e reiy’ sa mina’asa e nuwu’ neiy i pakite’ula wia nisea. \v 14 Witu e nedo karua se kapala-kapala kaum ne me’urang ne minapekasa bangsa, o kangkasi em baya ne imam wo se tou-tou Lewi se minerur witu si Ezra, si kasa sigha’ e nukum Taurat i ti’i, kaa laa mesesoisap en tetotoren-tetotoren en Taurat i ti’i. \v 15 Takar eng kina’atoannala e neiy i kepatik witu e nukum neiy i weela ni TUHAN ampit e nieletala ni Musa, kaa se tou Israel se lewo’ sa reiy’ mena’ witu e lekouw-lekouw witu e nendo wangko sumedot kapitu,

08/16.txt

@@ -0,0 +1 @@
+\v 16 wo kaa waki  em baya eng kota nea wo waki Yerusalem e lewo’ sa reiy’ i pa’ayola e nabar wo em palakat em palingan: “Mea mouw waki kuntung, edonouw e laleiyna nakana en zaitun, e laleiyna nakana e lana, e laleiyna nakana e murad, e laleiyna nakan eng korma wo e laleiyna waki akana-akana rirung kaa laa siwon lekouw-lekouw tanu eng kumura neiy i kepatik.” \v 17 Takar mea mouw se tou mea medo e laleiyna-laleiyna i ti’i, laa o sumiwo e lekouw-lekouw, siesa o siesa witu natas natep em balena, witu eng kalasan nea, o kangkasi witu em podol e wale-wale ni Empung, waki pelein em pepalen leloangan Rano wo waki pelein em pepalen leloangan Efraim.

08/18.txt

@@ -0,0 +1 @@
+\v 18 Minapekasa jema’ah se minarengi waki pasea’an i ti’i se simiwo e lekouw-lekouw wo mena’ witu. Memang rengan en zaman ni Yosua bin Nun i ka’ayo nendo ni’itu se tou Israel se reiy’ ma’an mekasa sumiwo en tuana. Takar siwonola em pelesir mepa’a-pa’ar eng kasa wangko’. E weteng-weteng eng kaol Taurat ni Empung i ti’i em pewacanla susur e nendo, waki e nendo kasa ketare i ka’ayo e nendo kesampetan. Pitu nga endo eng keurena sea nu minangko’la e nendo wangko’ i ti’i wo witu e nendo kauwalu wawean em penasungkulan wangko’ minatoroan ampit e natoran. Paakuan en dosa wo em pengiweean en sombayang

08/title.txt

@@ -0,0 +1 @@
+pasal 8

09/01.txt

@@ -0,0 +1 @@
+\v 1 Witu e nendo karua nga pulu’ o epat sumedot ni’itu merurouw se tou Israel wo moso ampit minakela labung pengasi’ wo ampit en tana’ witu eng kokong. \v 2 See’ ne tou Israel se tima’atasla en tou waki em baya ne tou wo’oseiy, laa o rumedeiy waki tampana wo maaku en dosa wo eng kaselokan ne nene moyang nea.

09/03.txt

@@ -0,0 +1 @@
+\v 3 Kasuatan nisea nu rimedeiy witu en tampa, i waca mola e weteng-weteng waki kaol en Taurat ni TUHAN, Empung nea, keurean esa nga paepat nga endo, kasuatan esa nga paepat nga endo kasi nisea se matotorla em paakuan wo maongkot masempe wia si TUHAN, Empung nea. \v 4 Witu natas e naran en tampa ne tou-tou Lewi rumedeiy mouw si Yesua, Bani, Kadmiel, Sebanya, Buni, Serebya, Bani wo si Kenani. Ampit en suara menaleinteng sea maaleiy wia si TUHAN, Empung nea.

09/05.txt

@@ -0,0 +1 @@
+\v 5 Wo lumila’ mouw si Yesua, Kadmiel, Bani, Hasabneya, Serebya, Hodia, Sebanya wo si Petahya, tou-tou Lewi i ti’i: “Tumo’orouw, lo’orenouw si TUHAN Empungmu waki keure-urena i ka’ayo eng keure-urena! Lino’orouw e ngaran-Nu mulia, e neiy i rakekla minatasla e reiy’ sa mina’asa lo’or wo e normat!” \v 6 “Nikoo i te nyi’a mouw si TUHAN Nikoo koo simiwo mola e langit, yon e langit e reiy’ sa mina’asa langit ampit se reiy’ sa mina’asa pasukan perajurit ne surarona, wo em bumi ampit e reiy’ sa mina’asa em bitu natasna, wo en tasik ampit e reiy’ sa mina’asa em bitu eng goremna. Nikoo koo minee em patou-touan wia em baya nea i ti’i wo se pasukan perajurit ne suraro langit se maongkot masempe wia-Nikoo.

09/07.txt

@@ -0,0 +1 @@
+\v 7 Nikoo mouw si TUHAN, Empung si minelengola si Abram wo minali nisia rimou’mi waki Ur-Kasdim wo mineela wia nisia ngaran Abraham. \v 8 Nikoo koo minatola kaa natena e lale’ witu Nikoo wo Nikoo koo mina’akes en teta’aran ampit nisia kaa laa meweweela en tana’ se tou  Kana’an, en tana’ se tou  Het, en tana’ se tou Amori, en tana’ se tou Feris, en tana’ se tou Yebus wo en tana se tou Girgasi wia se see’na. Wo Nikoo koo minapatena’ mola en ta’ar-Mu, karengan Nikoo siulit.

09/09.txt

@@ -0,0 +1 @@
+\v 9 Nikoo koo limoo’ em peme’itan ne nene moyang meiy waki Mesir wo liminga e rekeiyan nea waki li’ilik en Tasik Teberau. \v 10 Nikoo koo minapa’ato mola eng kowa-kowa’  wo e mujizat-mujizat witu en saruan ni Firaun wo em baya ne pegawaina ma’an se minapekasa rakyat em banuana, karengan Nikoo koo mete’ula nisea se mawinta’ tingkeiy wia se nene moyang meiy. Ampit en tuana Nikoo koo minabarola e ngaran-Nu tanu eng kumura eng kaleno e nendo i yi’i.

09/11.txt

@@ -0,0 +1 @@
+\v 11 Witu en sinaru nea Koo kimewe’ en tasik, i ka’ayo sea toro lumewet timorola en tampa pera witu eng keuneran en tasik. Ta’an se mengi’it-mengi’it nisea se neiy-Mu mouw i terekla witu e rano kerarem, tanu em batu minea witu e rano kake’ekel.

09/12.txt

@@ -0,0 +1 @@
+\v 12 Ampit em pa’asek linaak Koo mina’aka-aka nisea witu e nendo oat wo ampit em pa’asek api witu e nendo wengi kaa laa meteterangla e lalan patoroan neala. \v 13 Nikoo koo minerosomi waki atas eng kuntung Sinai wo sumusuiy ampit nisea waki langit  wo mineela nisea e natoran-natoran e nadil, e nukum-ukum e nulit ma’an eng katataapan-katataapan wo em perenta-perenta e le’os.

09/14.txt

@@ -0,0 +1 @@
+\v 14 O kangkasi Koo minakite’ula wia nisea en sabat-Mu kudus  wo mineela wia nisea em perenta-perenta, katataapan-katataapan wo e nukum-Mu ampit  pinaeletan ni Musa, hamba-Mu. \v 15 E neiy-Mu mouw i weela wia nisea e roti waki langit kaa laa merere’ila e narem wo e rano neiy-Mu i rou’mi i wee nisea waki kuntung watu kaa laa merere’ila e re’o. O kangkasi Nikoo koo rimeo nisea ghumoremla wo ruberala em banua se ampit minopo en tiwa’ e neiy-Mu mouw i ta’arla meweweela nyi’a wia nisea.

09/16.txt

@@ -0,0 +1 @@
+\v 16 Ta’an nisea, se nene moyang meiy i ti’i, se mininta’ tingkeiy wo mine’eteng e lee’ wo reiy’ lele’  wia em perenta-perenta-Mu. \v 17 Nisea se simede’ laa lumale’ wo se reiy’ maghenang em pasiwo-siwon – pasiwo-siawon e maka’erangen en Siniwo-Mu mola witu nelet nea. Nisea se mine’eteng e lee’ awes tare se kimete eng kokong kaa laa mareng mea waki pabudakan waki Mesir. Ta’an Nikoo mouw si Empung si pa’ar mampungela, wo si makaupus wo tongkoupusen, si labot sabar wo minelokon e nupus lale’-Na. Nikoo koo reiy’ timele’ula nisea.

09/18.txt

@@ -0,0 +1 @@
+\v 18 awes tare, eng katoroan sea nu masiwo sioki’ ni sapi neiy i toa’ wo lumila’: “Nyi’i mouw si Empungmu si timeper nikoo rimou’mi waki Mesir!’, wo simiwo eng kakewuran wangko’, \v 19 Nikoo koo reiy’ timele’ula nisea waki padang gurun karengan e nupus wo rendem-Mu eng kewangko’. Em pa’asek linaak e reiy’ simoro’mi waki atas nea witu e nendo oat kaa laa ma’aka-aka nisea witu em pakela-kelangan, tuanakan kangkasi em pa’asek api witu e nendo wengi kaa laa materangla e lalan patoroan neala.

09/20.txt

@@ -0,0 +1 @@
+\v 20 Wo Nikoo koo mineela wia nisea e Roh-Mu le’os kaa laa ma’ajar nisea. O kangkasi e manna-Mu e reiy’ tinaang-Mu waki suma nea  wo Nikoo koo mineela rano wia nisea kaa laa merere’ila e re’o. \v 21 Epat nga pulu’ nge te’un eng keurena Nikoo nu mineela nisea kumaan waki padang gurun. Nisea se reiy’ sikakurangan, e labung nea e reiy’ teri, wo e ne’a nea e reiy’ kimesa.

09/22.txt

@@ -0,0 +1 @@
+\v 22 Nikoo koo simarakanla wia nisea eng keraja’an-keraja’an wo se bangsa-bangsa wo minetengla ni’itu wia nisea tanume en daerah paakaran, karengan nisea se rimuberla en tana’ waki si Sihon, raja em banua Hesbon wo en tana waki si Og, raja em banua Basan.

09/23.txt

@@ -0,0 +1 @@
+\v 23 Nikoo koo simiwo se oki-oki’ nea minelaker tanu se sumesena’-sumesena’ waki langit wo minali nisea mea waki tana’ e neiy-Mu i reo wia se nene moyang nea kaa laa ghoremen wo ruberan. \v 24 O laa se oki-oki’ i ti’i se ghimoremla wo rimuberla en tana’ i ti’i wo Nikoo koo timu’utukla witu en sinaru nea se penduduk en tana’ i ti’i, nyi’a i yi’i se tou-tou eng Kana’an, wo simarakanla setou-tou i ti’i, le’os se raja-raja nea, ka’apa tu’u se bangsa-bangsa en tana’ i ti’i, witu e lawas nea, rio se tou-tou i ti’i se patuananla  esa nga kepa’aran e nate nea.

09/25.txt

@@ -0,0 +1 @@
+\v 25 Nisea se rimo’obit eng kota-kota makarereen wo en tana’ rewur. Nisea se kimaat em bale-wale wuta makapumpun e minegheghioan barang le’os, en tampa-tampa rano pina’at, e numa-uma anggor, e numa-uma zaitun wo e nakana-nakana e wu’ana-wu’ana witu eng kasa ka’asa’an. Nisea se kimaan wo se minawesu wo rebur. Nisea se matou-tou mewah karengan eng kale’osan-Nu em bangko’.

09/26.txt

@@ -0,0 +1 @@
+\v 26 Ta’an nisea se reiy’ limale’ wo se merangu witu-Nikoo. Nisea se timaburila e nukum-Mu wo minunu’ se nabi-nabi-Mu se ngime’enge’la nisea ampit e maksut mesesiwo nisea murikit wia-Nikoo. Nisea se simiwo eng kakewuran wangko’. \v 27 O laa Nikoo koo simarakanla nisea witu lawas ne kesaru-kesaru nea, se sime’esekla nisea . Wo witu e nedo peme’itan nisea se rimekeiy wia-Nikoo, o laa Nikoo koo limingame waki langit wo karengan e nupus o rendem-Mu e wangko’ neiy-Mu i weela wia nisea se tou-tou se limawiromi nisea  waki lawas ne kesaru nea.

09/28.txt

@@ -0,0 +1 @@
+\v 28 Ta’an tuana sea nu maka’atola eng ka’amanan, minareng sea sumiwo e lewo’ witu en sinaru-Mu. Wo Nikoo koo simarakan nisea witu lawas ne kesaru-kesaru nea se kimuasala nisea. Minareng sea rumekeiy wia-Nikoo, wo Nikoo koo limingame waki langit, laa o tumulung nisea mineneu-neup karengan e nupus rendem-Mu. \v 29 Nikoo koo ngime’enge’la nisea ampit e maksut mesesiwo nisea murikiti  wia e nukum-Mu. Ta’an nisea se mawinta’ tingkeiy nisea se reiy’ lale’ wia em perenta-perenta-Mu wo nisea se makadosa witu e natoran-natoran-Nu, e nawes tare e minee patou-touan wia sitou si timuanala nyi’a. Nisea se timilawala em paluka kaa laa mesesaru, nisea se mine’eteng e lee’ wo so’o luminga.

09/30.txt

@@ -0,0 +1 @@
+\v 30 Ta’anouw e minete’u-te’un eng keurena Koo minapawee-weela en sabaar-Mu witu nisea. Ampit e Roh-Mu Koo ngime’enge’la nisea, nyi’a i yi’i ampit em pinaeletan em baya ne nabi-Mu,  ta’an nisea se reiy’ minadungla nyi’a, i ka’ayo Koo simarakanla nisea witu lawas ne bangsa-bangsa e reiy’ sa mina’asa wanua. \v 31 Ta’an karengan e nupus rendem-Mu e wangko’ Nikoo koo reiy’ minunengla nisea kasa uli-ulit wo reiy’ timele’ula nisea, karengan Nikoo mouw si Empung tongkoupusen wo makaupus.

09/32.txt

@@ -0,0 +1 @@
+\v 32 En teakan, ee Empung meiy, Empung si kasa wangko’, ente’ wo ke’ekel, si timiboiy witu en teta’aran wo nupus lale’-Na, Te’a mouw Koo maloo’ola apis e reiy’ sa mina’asa peme’itan em pine’an neiy momi, ne raja-raja meiy, ma’aka-aka – ma’aka-aka meiy, imam-imam meiy, nabi-nabi meiy, wo se nen moyang meiy, yon ne minapekasa umat-Mu, rengan en zaman ne raja-raja Asyur i ka’ayo e nendo i yi’i. \v 33 Ta’an Nikoo mouw si ulit witu e reiy’ sa mina’asa kapualitan en timoro nikeiy, karengan nikoo si matuanala e lale’ wo nikeiy mouw si masiwo em bu’ul. \v 34 O kangkasi se raja-raja meiy, se ma’aka-aka – ma’aka-aka meiy, se imam-imam meiy, wo se nene moyang meiy se reiy’ matuanala e nukum-Mu. Nisea se reiy’ maweeghenangla em perenta-perenta-Mu wo e nge’enge’-nge’enge’-Mu e neiy-Mu i weela wia nisea.

09/35.txt

@@ -0,0 +1 @@
+\v 35 Witu eng kadudukan tanume si raja nisea se so’o rumaghes wia Nikoo, ma’anouw tu’u Koo kimaruniamola wia nisea kelaker eng kale’osan wo simadia mola i wee nisea en tana’ kapelas wo e rewur. Nisea se reiy’ minurikiti waki pasiwo-siwon – pasiwo-siwon nea e lewo’.

09/36.txt

@@ -0,0 +1 @@
+\v 36 Loo’onouw, en teakan i yi’i nikeiy nyi’a mouw keiy budak. Iyon, wia en tana’ neiy-Mu i weela wia se nene moyang meiy kaa laa kumeipi e wua’na wo e reiy’ sa mina’asa kakaya’anna nikeiy i yi’i nyi’a mouw keiy budak. \v 37 Tana’ i ti’i e minua’la kelaker i wee se raja-raja se neiy mouw i tantu-Mula witu nikeiy karengan en dosa-dosa meiy. Nisea i ti’i se maperenta esa nga kepa’aran e nate witu en tou meiy, wo se ternak meiy, i ka’ayo keiy witu eng kase’esekan wangko.” Piagam teta’aran

09/38.txt

@@ -0,0 +1 @@
+\v 38 Tumo’otolela witu em baya nyi’a i yi’i nikeiy keiy mina’akes en teta’aran e te’etep e neiy i patik meiy ampit  wineeanla e wa’il em baya ne ma’aka-aka meiy, se tou-tou Lewi meiy,  wo em baya ne imam meiy.

09/title.txt

@@ -0,0 +1 @@
+pasal 9