Thu Aug 08 2024 11:49:21 GMT+0800 (Singapore Standard Time)

06/24.txt

@@ -0,0 +1,2 @@
+\s E winta’ ni Elisa witu nedo en Samaria nu kinepung
+\p \v 24 Nu reiy’ mouw i tu si Benhadad, raja Aram, si minerurla se minapekasa surarona, laa o maju kumepung en Samaria. \v 25 Takar mamuali mouw eng kelalenan hebat waki Samaria eng keurean sea nu kimepung nyi’a, i ka’ayo e nesa kokong ni keledai e maka arga uwalu nga pulu’ syikal perak wo esa nga paepat te’i ni pombo e maka arga lima syikal perak. \v 26 Mekasa eng katoroan si raja Israel makelang witu natas em beton, meiy mouw siesa wewene rumapotla eng kapualitanna wia si raja, kasuatan rimekeiy: “Tulungenouw, ee tuangku raja!”

06/27.txt

@@ -0,0 +1 @@
+\v 27 Wingkotna: “Sa si TUHAN si reiy’ tumulung nikoo, ampit en sapa ku’a re’en niaku tumulung nikoo? Ampit e wua’na em pasirian ku’a re’en ka’apa e wua’na em papuusan e nanggor?” \v 28 Kamurian mueiy mouw si raja wia nisia: “Wawean sapa?” Wingkot ni wewene i ti’i: “Wewene i yi’i si limila’ wia niaku: I wee momi sioki’mu tuama, rio kita kumaan nisia wia e nendo i yi’i, wo wo’odo kita kumaan sioki’ku tuama. \v 29 Jadi keiy limutu’ sioki’ku wo kumaan nisia. Ta’an eng katoroan niaku nu limila’ wia nisia witu e nendo tumodongla nyi’a: I wee momi sioki’mu, rio kita kumaan nisia, takar si wewene i yi’i si kimirongla sioki’na.”

06/30.txt

@@ -0,0 +1 @@
+\v 30 Katoroan si raja nu liminga e lelila’an ni wewene i ti’i, kurensangenna mola e labungna; wo eng kasuatan sia nu makelang witu natas em beton, kaloo’anola ne tou kelaker, kaa nisia si minake roko’ pengasi’ witu eng kuli’ e nouwakna. \v 31 Laa o lumila mouw si raja: “Teinti’i mouw wona’na si Empung mukum niaku, awes tare e lebe ta’an e ni’itu, sa timele’upe’ eng kokong ni Elisa bin Safat witu natas e nouwakna wia e nendo i yi’i.”

06/32.txt

@@ -0,0 +1 @@
+\v 32 Sapa tare si Elisa, si merube-ruber witu em balena, wo em baya ne tu’a-tu’a se rimuber mewali-wali nisia. Raja si rimeo siesa tou kumelang rumeriorla nisia, ta’an nu reiy’pe’ si rereoan i ti’i nu i ka’ayola wia si Elisa, Elisa si limila’ mola wia em baya e tu’a-tu’a i ti’i: “Mete’u ku’a re’en nikouw, kaa si mememunu’ i ti’i si rimeo tou kaa laa mesesabouw eng kokongku? Maato-ato mouw, sakawisa si rereoan i ti’I meiy, makarenganou menet em pepalen wo taangenouw sia rio sitou i ti’i te’a megheghorem. Reiy’ ku’a re’en em palinganouw eng ke’angan ni tuangna witu e murina?” \v 33 Kasuatan sia nu masusuiy ampit nisea, meiy mouw si raja matola nisia. Lumila’ mouw si raja wia nisia: “Eng kaulitna, eng kacilaka’an i yi’i nyi’a mouw em baki si TUHAN. Ka’a ku’a re’en aku maarape’ wia si TUHAN kasi?”

07/01.txt

@@ -0,0 +1 @@
+\c 7 \v 1 Laa o lumila’ mouw si Elisa: “Linganouw e nuwu’ ni TUHAN. Teinti’i mouw e nuwu’ ni TUHAN: Wo’odo e wo’o wona e nedo tanun nyi’i esa nga sukat topong kasa le’os e laa maka arga esa nga syikal wo e rua sukat jelai e laa maka arga esa nga syikal waki pepalen leloangan Samaria.” \v 2 Ta’an si perwira, si minamuali ajudan ni raja, miningkot si abdi ni Empung, pokeiyna: “Ma’anouw tu’u si TUHAN si sumiwola ansouw-ansouw waki langit, ma’an tu’u eng kapualitan i ti’i e wona’na mamuali? Wingkot ni abdi ni Empung: “Eng kaulitna nikoo koo laa lumoo’ nyi’a ampit em berennu nuesa, ta’an e reiy’ laa kumaan sapa-sapa waki nyi’a.”

07/title.txt

@@ -0,0 +1 @@
+Pasal 7