Fri Aug 09 2024 11:19:04 GMT+0800 (Singapore Standard Time)

14/26.txt

@@ -0,0 +1 @@
+\v 26 Karengan si TUHAN si limoo’o mola kumura eng kape’itna em peme’itan ne tou Israel i ti’i: e mina’apu mouw minere’i le’os e rakek ka’apa tu’u eng kumeng eng kadudukanna, wo reiy’la si tumetulung i wee se tou Israel. \v 27 Ta’an si TUHAN si reiy’ limila’la  kaa Nisia si laa rume’ila e ngaran Israel waki solong e langit; Jadi Nisia si timulung nisea ampit nieletan ni Yerobeam bin Yoas.

14/28.txt

@@ -0,0 +1 @@
+\v 28 Esa nga lebena waki na’asaren ni Yerobeam wo e reiy’ sa mina’asa en tinuananala wo eng kapahlawananna, kumura sia maseke’, wo kumura sia minarengla en Damsyik wo eng Hamat-Yehuda witu eng gorem Israel, reiy’ ku’a re’en em baya nyi’a i ti’i neiy i kepatik witu eng kaol sejarah ne raja-raja Israel? \v 29 Kamurian si Yerobeam si minaka’ato paena’an mewali-wali ampit se nene moyangna, raja-raja Israel. Takar si Zakharia , oki’na, si minamuali raja simawelela nisia.

15/01.txt

@@ -0,0 +1,2 @@
+\c 15 \s Azarya, raja Yehuda
+\p \v 1 Witu en te’un karua nga pulu’ o pitu en zaman ni Yerobeam, raja Israel, Azyara, oki’ ni Amazia raja Yehuda si minamuali raja. \v 2 Sia si makaumur mapulu’ o enem nge te’un witu e nedo sia nu minamuali raja wo e lima nga pulu’ o rua nge te’un eng keurena sia maperenta waki Yerusalem. Ngaran ni ina’na nyi’a mouw si Yekholya, waki Yerusalem. \v 3 Sia si matuanala sapa e nulit witu em beren ni TUHAN, e minakatena-tena’ tanu en tinuanala ni Amazia, ama’na.

15/04.txt

@@ -0,0 +1 @@
+\v 4 Ma’anouw tu’u tuana, eng kakenturan-kakenturan patulean e reiy’ neiy i wa’akatla. Bangsa i ti’i se masempepe’la wo matunu en tetule waki kakenturan-kakenturan i ti’i. \v 5 Takar si TUHAN si minapatorola eng katula wia si raja, i ka’ayo sia minerara’an lepra i ka’ayo e nendo kinepepatena, , wo minena’ witu e nesa wale pasea’an. Wo si Yotam, oki’ ni raja, si kimapalala e istana wo makelangla em paperenta’an witu se rakyat em banua iti’i

15/06.txt

@@ -0,0 +1 @@
+\v 6 Esa nga lebena waki na’asaren ni Azarya, wo e reiy’ sa mina’asa en tinuananala, reiy’ ku’a re’en em baya nyi’a i ti’i neiy i kepatik witu eng kaol sejarah ne raja-raja Yehuda? \v 7 Kamurian si Azarya si minaka’ato paena’an mewali-wali ampit se nene moyangna, wo nisia si kinuburla witu e li’ilik ne nene moyangna waki kota Daud. Takar si Yotam, oki’na, si minamuali raja simawelela nisia.

15/08.txt

@@ -0,0 +1,2 @@
+\s Zakharia, raja Israel
+\p \v 8 Witu en te’un katelu nga pulu’ o uwalu en zaman ni azarya, raja Yehuda,  Zakharia oki’ ni Yerobeam, si minamuali raja witu se Israel  waki Samaria. Sia si minerenta enem nga sumedot eng keurena. \v 9 Sia si matuanala sapa e lewo’ witu em beren ni TUHAN tanu en tinuana mola ne nene moyangna. Sia si reiy’ mina’akati waki dosa-dosa ni Yerobeam bin Nebat, e minua’la se tou Israel se minakadosa kangkasi .

15/title.txt

@@ -0,0 +1 @@
+Pasal 15