Compare commits
10 Commits
65ac523635
...
794231c2ea
Author | SHA1 | Date |
---|---|---|
mahanaim | 794231c2ea | |
mahanaim | bbc41d693f | |
mahanaim | 89ab9e6863 | |
mahanaim | d837734ed7 | |
mahanaim | 9da57b8733 | |
mahanaim | fc450aef39 | |
mahanaim | ceac00bcba | |
mahanaim | 6a32e3615a | |
mahanaim | 49ec62317f | |
mahanaim | 0dd91132c8 |
|
@ -1 +1 @@
|
|||
13 Witu e neman em baya nisea i yi’i, se minate mouw tanume se tou-tou reiy’ minaka’ato sapa neiy i ta’arla i ti’i, ta’an se waki i te wa’akat o maloo’mi nyi’a wo se mengape-ngapeiy wia nisia wo se maakula, kaa nisea nyi’a mouw se tou wo’oseiy wo mato’u-to’up wia em bumi i yi’i. 14 Karengan nisea se limila’ en tuana se mapaloo’o-loo’ola, kaa nisea ampit e lelo se menero e nesa ranotana’.
|
||||
\v 13 Witu e neman em baya nisea i yi’i, se minate mouw tanume se tou-tou reiy’ minaka’ato sapa neiy i ta’arla i ti’i, ta’an se waki i te wa’akat o maloo’mi nyi’a wo se mengape-ngapeiy wia nisia wo se maakula, kaa nisea nyi’a mouw se tou wo’oseiy wo mato’u-to’up wia em bumi i yi’i. \v 14 Karengan nisea se limila’ en tuana se mapaloo’o-loo’ola, kaa nisea ampit e lelo se menero e nesa ranotana’.
|
|
@ -0,0 +1 @@
|
|||
\v 15 Wo sa wona’na witu eng kapualitan i ti’i sea ghumenangla en tana’ asal, e neiy nea mouw i tele’umi, takar nisea se awesouw makapunyala eng kalempotan kaa laa marenge witu. \v 16 Ta’an en teakan nisea se malelola e ranotana’ lebe le’os nyi’a i ti’i e nesa ranotana’ sorgawi. Karengan e ni’itu si Empung si reiy’ meirang totoren Empung nea, karengan Nisia si minangintiro’ mola e nesa kota i wee nisea.
|
|
@ -0,0 +1 @@
|
|||
\v 17 Karengan e neman takar si Abraham, eng katoroan nisia neiy i wa’awa’la, mapasempela si Ishak. Nisia, si simungkulola en ta’ar i ti’i, si mina’arla em pa’ar minapasempela sioki’na pengesan, \v 18 ma’anouw tu’u wia nisia neiy mouw i lila’la: “See’ se asal waki si Ishakouw se laa totoren see’mu.” \v 19 Karengan nisia si ghimenang, kaa si Empung si maka kuwasa meteto’ori se tou-tou ma’anouw tu’u waki elet ne tou minate. Wo maname nisia en tanu mokan si simungkulola nisia sumoup.
|
|
@ -0,0 +1 @@
|
|||
\v 20 Karengan e neman takar si Ishak, kasuatan maaloo’o rou’ mea waki rerior, o meela em berkatna wia si Yakub wo si Esau. \v 21 Karengan e neman takar si Yakub, eng katoroan tawi mouw e nedona laa mate, o merkatla se rua urang ni Yusuf, laa o sumempe kasuatan timebe witu eng kokong em bewulu’na. \v 22 Karengan e neman takar si Yusuf melelaa eng kepepatena si minabarla en tanume eng kinererou’na ne tou-tou Israel wo mower en tanume en duiy-reruiyna.
|
|
@ -0,0 +1 @@
|
|||
\v 23 Karengan e neman takar si Musa, sia nu neiy mouw i patoumi, si neiy i kirongla eng keurean telu nga sumedot ne tu’ana, karengan nisea se limoo’, kaa sioki’ i ti’i si wulouw eng giona wo nisea se reiy’ meide’la em perenta ni raja. \v 24 Karengan e neman takar si Musa, nu taretumou mouw, si masede’ totoren oki’ ni keke’ Firaun, \v 25 karengan nisia si lebe pa’ar peme’itan eng kapedisan ampit se umat ni Empung ta’an i te kaa laa kasuatan makeipila eng kasenaangan waki dosa. \v 26 Nisia si mapokeiyla em pesesero’an karengan si Kristus tanume eng kakaya’an lebe wangko’ ta’an i te em baya em budel Mesir, karengan en tu’usanna neiyna i torola wia en tetoro.
|
|
@ -0,0 +1 @@
|
|||
\v 27 Karengan e neman takar nisia si timele’u mola e Mesir ampit e reiy’ meide’la eng kaupi’an ni raja. Nisia si timaang masuat tanu nisia nu limoo’ sapa e reiy’ paloo’ola. \v 28 Karengan e neman takar nisia si simiwola em Paskah wo em pemi’ipikan raa’, rio si mememuneng se oki-oki’ polon te’a lumeler nisea.
|
|
@ -0,0 +1 @@
|
|||
\v 29 Karengan e neman takar nisea se limeasome en Tasik Mea’ masuat tanu limeasla en tana’ pera, eng kasuatan se tou-tou Mesir se timenem, eng katoroan nisea nu mina’awa’ nyi’a kangkasi. \v 30 Karengan e neman takar i karewa mouw em beton-beton Yerikho, nu reiy’ mouw eng kota i ti’i nu linedongla pitu nga endo eng keurena. \v 31 Karengan e neman takar si Rahab, wewene sa’amek i ti’i, si reiy’ kimi’it minapuneng mewali-wali ampit se tou-tou lewo’, karengan nisia si simungkulola se tumetegha’-tumetegha’ i ti’i ampit e le’os.
|
|
@ -0,0 +1 @@
|
|||
\v 32 Wo sapape’ kasi e lewo’ sa reiy’ totorengku? Karengan niaku ku laa kareiy’awesan e nedo, sakawisa aku laa mesesusuiyla en tanume si Gideon, Barak, Simson, Yefta, Daud wo si Samuel wo se nabi, \v 33 eng karengan e neman timu’utukola eng karaja’an-karaja’an, masiwola eng kaulitan, maka’ato sapa neiy i ta’arla, menet en semur ne singa-singa, \v 34 munu’la e napi kasa hebat. Nisea se neiy mouw i kaliseiyi waki weren en santi, minaka’ato mola kaketeran witu eng kalewea’an, minaente’ mola witu em paseke’an wo minewe mola mundur se pasukan-pasukan ne suraro wo’oseiy.
|
|
@ -0,0 +1 @@
|
|||
\v 35 Se ina’-ina’ se simungkulouw sumoup se tou-touna se minate mouw, karengan se tino’ori. Ta’an se tou-tou walina se minayala en touna pedisen wo se so’o sumungkul em pewewaya’an, rio sea maka’ato eng kato’oran e lebe le’os. \v 36 Wawean kangkasi se sinero’an wo winetuan, awes tare se tinorongku wo pinenjarala. \v 37 Nisea se linawala, ghini’ighir, winunu’ ampit en santi; nisea se limepu ampit e limabung eng kuli’ ni domba wo eng kuli’ ni membe’ kasuatan peme’itan eng kareiy’awesan, eng kase’esekan, wo em papedisan. \v 38 Eng kaoatan i yi’i e reiy’ waar i wee nisea. Nisea se limepu waki patar kaerisan wo waki kakuntungan, witu eng goa-goa wo em boang-woang eng kuntung.
|
|
@ -0,0 +1 @@
|
|||
\v 39 Wo nisea nu waya se reiy’ minaka’ato sapa neiy i ta’arla i ti’i, ma’anouw tu’u e neman nea e minee mola wia nisea e nesa kasairian e le’os. \v 40 Karengan si Empung si timiro’ mola e nesa lebe le’os i wee nikita; reiy’ ampit nikita nisea se reiy’ mete’u i ka’ayo wia eng kareiy’siperoan.
|
|
@ -0,0 +1 @@
|
|||
\c 12 E nge’enge’ rio tumentem witu e neman \v 1 Karengan nikita ta makapunyala kelaker sairi, tanu mokan e linaak se limedongi nikita, meiy mouw kita mangkulela em baya em pemesa’anen wo en dosa en tuana maape’la nikita, wo melelowa’an ampit en tentem witu em palowa’an neiy i tantula i wee nikita. \v 2 Meiy mouw kita tumuanala nyi’a ampit em beren neiy i katoro wia si Yesus, si ma’aka-aka nikita witu e neman, wo si minali e neman ta i ti’i wia eng kareiy’siperoan, ampit kimawila eng kakumengan tentem mesa’an en salib sawel e mepa’a-pa’ar en tiniro’la i wee Nisia, en teakan si rimuber witu esa nga weka lele’os e reruberan ni Empung. \v 3 Ghenangenola reiy’ maena-ena’ Sia, si tentem timanggong em peroan kahebat i ti’i witu en tou-Na waki suat ne tou-tou makadosa, rio te’a kouw malewea’ wo merangkut e narapan.
|
|
@ -0,0 +1 @@
|
|||
\v 4 Witu em pemalo-malo’an niouw mesaru en dosa nikouw kouw re’ipe’ mina’ayo matiisla raa’. \v 5 Wo minaliurola ku’a re’en nikouw witu e nge’enge’ e masusuiy wia nikouw tanu wia se oki-oki’: “Heiy oki’ku te’a mapokeiyla apis en teturu’an ni Tuhan, wo te’a mouw oki’ ghenang sakawisa koo nge’enge’an-Nala; \v 6 karengan si Tuhan si metu sitou si’i koupus-Nala, wo Nisia si sumasa sitou si paakun-Nala tanume sioki’.”
|
|
@ -0,0 +1 @@
|
|||
\v 7 Sa kouw lewo’ sa reiy’ tumanggong en sesu’i; Empung si mangintuanala nikouw tanu sioki’. Waki wisa ku’a re’en eng kina’atoan sioki’ si reiy’ winetuan ni ama’na? \v 8 Ta’an, sa wona’na kouw i kewayami waki sesu’i, e lewo’ sa reiy’ peme’iten ne susur tou, takar nikouw kouw e reiy’ mouw oki’, ta’an nikouw kouw oki-oki’ wure’na.
|
|
@ -0,0 +1 @@
|
|||
\v 9 Tumodongla nyi’a: waki si ama’ ta e uli-ulitna kita maka’ato sesu’i, wo nisea se sighi’in ta; sa tuana reiy’ ku’a re’en nikita ta lewo’ sa reiy’ lebe lale’ wia si Ama’ e reiy’ sa mina’asa roh, rio kita toro tumou? \v 10 Karengan nisea se timuru’ nikita witu nedo e potot minatoroan ampit en sapa ni’i papokeiy nea le’os, ta’an Nisia si mawetu nikita i wee eng kale’osan ta, rio kita maka’ato weteng witu eng kakudusan-Na. \v 11 Memang susur en sesu’i witu e nedo sia neiy i weela e reiy’ mapa eiymi e mepa’a-pa’ar, ta’an e mengasi’. Ta’an eng kamurian sia mua’la em bu’ana eng kaulitan e mineela le’os wia nisea se linatina.
|
|
@ -0,0 +1 @@
|
|||
\v 12 Karengan e ni’itu ente’enola e lawas lewea’ wo eng kurur magho’ogho’; \v 13 wo rondorenola e lalan i wee e ne’amu, i ka’ayo si pekol te’a i kaseki’, ta’an si male’os.
|
|
@ -0,0 +1 @@
|
|||
\v 14 Me’inakutouw tumou le’os ampit em baya ne tou wo ki’itenouw eng kakudusan, karengan reiy’ ampit eng kakudusan e reiy’ siesa tou tu’u si laa lumoo’ si Tuhan. \v 15 Tayuranouw rio te’a wawean siesa tou tu’u si ma’akati en tou waki e nupus karunia ni Empung, rio te’a tumou e namut e pe’it lumentuti karungkea’an wo eng kumewurla laker tou. \v 16 Te’a mouw wawean tou si minesa’amek ka’apa si makaserit eng kumeng tanu si Esau, si minangker eng hak kapolonanna i wee esa nga piring kekaanen. \v 17 Karengan nikouw kouw mete’u, kaa eng kamurian, eng katoroan nisia nu mesesungkul em berkat i ti’i, nisia si neiy i sede’, karengan nisia si reiy’ minaka’ato kalempotan kaa laa melele’osla eng kaselokanna, ma’anouw tu’u sia simero nyi’a ampit e minangatetiisla lue’.
|
|
@ -0,0 +1 @@
|
|||
Pemesa’anen e wuter \v 18 Karengan nikouw kouw reiy’ mineiy wia eng kuntung en toro leleren wo napi e melaya-layas, wia eng karibe’ebengan, kareiydeman, wo e reghes tumokol, \v 19 wia legu’an en sesebungen, wo legu’an en simiwo nisea nu liminga nyi’a se minaleiy, rio te’a kasi mesesusuiy wia nisea, \v 20 Karengan nisea se reiy’ tumaang malinga em perenta i yi’i: “Awes tare sa si tekapen tu’u si lumeler eng kuntung, sia si lewo’ sa reiy’ lawanla ampit em batu.” \v 21 Wo eng kasa mekeide’en em peleloo’on i ti’i, i ka’ayo si Musa si limila’: “Niaku ku kasa kineide’an wo kasa matenggo’ogho.”
|
|
@ -0,0 +1 @@
|
|||
\v 22 Ta’an nikouw kouw mineiy mouw wia eng Kakenturan Sion, waki kota ni Empung matou-tou, Yerusalem sorgawi wo wia se manga riwu-riwu malaikat, se esa nieruran kerame, \v 23 wo wia se jema’at ne oki-oki’ polon, e ngaranna neiy i kakelat waki sorga, wo wia si Empung, si minakimla em baya ne tou, wo witu e roh-roh ne tou-tou ulit se minamuali mouw reiy’siperoan, \v 24 wo wia si Yesus, Pangelet en teta’aran weru, wo wia en daa’ pemi’ipikan, e masusuiy lebe ente’ ta’an en daa’ ni Habel.
|
|
@ -0,0 +1 @@
|
|||
\v 25 Alarenouw rio kouw te’a sumede’ Nisia, si minee nuwu’. Karengan sa wona’na nisea, se simede’ Nisia si mina’ayola e nuwu’ ni Empung wia em bumi, si reiy’ i kaliseiy, sapape’ kasi nikita, sa kita lumengemi waki Nisia si masusuiyi waki sorga? \v 26 E nedo ni’itu en totor-Na e ghimo’ogho’la em bumi, ta’an en teakan Nisia si mineela en ta’ar: “Mekasape’ kasi Niaku laa ghumo’ogho’la e reiy’ kaa em bumi i te, ta’an i te e langit kangkasi.”
|
|
@ -0,0 +1 @@
|
|||
\v 27 E lelila’an “Mekasape’ kasi” en timudu’ wia em pasoupan witu en sapa en toro i gho’ogho’la, karengan sia si siniwola rio minena’ tataap sapa e reiy’ i kagho’ogho’la. \v 28 Ni’itu mouw, karengan nikita ta simungkul eng karaja’an e reiy’ i kagho’ogho’la, meiy mouw kita tumotor syukur wo rumaghes wia si Empung i ki’it eng kenaramen e mekepa’aren wia-Nisia, ampit sumighi’ wo meide’. \v 29 Karengan si Empung ta nyi’a mouw si api makarengisen.
|
|
@ -0,0 +1 @@
|
|||
Pasal 12
|
|
@ -0,0 +1 @@
|
|||
\c 13 E nge’enge’ wo en sombayang lelawir \v 1 Alarenouw e nupus pepatuarian! \v 2 Te’a kouw lumiur mee teto’upan wia se tou, karengan ampit e masiwo en tuana se pirala tou ampit e reiy’ kinete’uannala si minee minakirola kumaan se malaikat-malaikat.
|
|
@ -0,0 +1 @@
|
|||
\v 3 Ghenangenola se tou-tou ukuman, karengan nikouw nuesa kangkasi nyi’a mouw kouw tou-tou ukuman. Wo ghenangenola se tou-tou tinuanala waya’an em pa’ar, karengan nikouw nuesa kangkasi kouw matou-toupe’ wia eng kaoatan i yi’i. \v 4 Satorona nikouw nu waya kouw wuta en sesighi’ witu em pinekawengan wo te’a mouw kouw mekekewurla en tetekelan, karengan se tou-tou sa’amek wo se sumesa’amek se laa akimen ni Empung.
|
|
@ -0,0 +1 @@
|
|||
\v 5 Te’a mouw kouw mamuali hamba e loit wo pa’awesenola en toumu ampit en sapa em bia nikoo. Karengan si Empung si minuwu’ mola: “Niaku ma’an mekasa ku reiy’ laa mayala nikoo wo Niaku ma’an mekasa ku reiy’ laa tumele’ula nikoo.” \v 6 Karengan e ni’itu ampit e me’eman nikita ta toro lumila: “Tuhan nyi’a mouw si Ma’ale-ale’ku. Niaku ku reiy’ laa meide’. Sapa ku’a re’en en toro tuananla ni tou witu niaku?”
|
|
@ -0,0 +1 @@
|
|||
\v 7 Ghenangenouw se ma’aka-aka – ma’aka-aka miouw, se minayo mola e nuwu’ ni Empung wia nikoo. Weeanola ghenang eng kesampetan em patou-touan nea wo asaranouw e neman nea. \v 8 Yesus Kristus si tataap masuat, le’os eng kaawi’in ka’apa tu’u e nendo i yi’i wo i ka’ayo eng keure-urena.
|
|
@ -0,0 +1 @@
|
|||
\v 9 Te’a mouw kouw i peseseipla e minegheghioan teturu’ ne wo’oseiy. Karengan e le’os nyi’a mouw, kaa e nate miouw e niente’ ampit e nupus karunia wo reiy’ ampit e minegheghioan kekaanen e reiy’ mawee ka’ara’an wia nisea se maki’itla e natoran-natoran eng kekaanen tanu e ni’itu. \v 10 Nikita ta makapunyala e nesa mezbah wo se tou-tou se masempungla en dasing se reiy’ toro kumaan waki sapa em bitu eng ghoremna. \v 11 Karengan e nouwak ne tekapen-tekapen e raa’na niali ghimorem mea waki tampa kudus ni Imam Wangko’ tanume en tetule i pare’i en dosa, en tinunu witu luar en dedasingan.
|
|
@ -0,0 +1 @@
|
|||
\v 12 Ni’itu mouw kangkasi eng karenganna si Yesus si pineme’itanola witu luar e leloangan kaa laa mekekudusla se umat-Na ampit en daa’-Na nuesa. \v 13 Karengan e ni’itu meiy mouw kita mea wia-Nisia waki luar en dedasingan wo tumanggong eng kasero’an-Na. \v 14 Karengan wia nyi’i nikita ta reiy’ makapunya tampa paena’an e tataap; nikita ta masero eng kota e laa meiy.
|
|
@ -0,0 +1 @@
|
|||
\v 15 Karengan e ni’itu meiy mouw kita, eng karengan Nisia, ta reiy’ maena-ena’ mapasempela en tetule syukur wia si Empung, nyi’a i ti’i en tetotoren en sumping e mewangko’la e ngaran-Na. \v 16 Wo te’a mouw koo maliur masiwo le’os wo mee sesawang, karengan en tetule-tetule en tuana mouw e mekepa’aren wia si Empung. \v 17 Lale’enola se ma’aka-aka – ma’aka-akamu wo tu’utukouw wia nisea, karengan nisea se menayu-nayur witu si imukurmu, tanume se tou-tou se lewo’ sa reiy’ mesa’anla witu nyi’a. Ampit e lalan ni’itu nisea se laa tumuanala nyi’a ampit e melaya-laya’, e reiy’ ampit e nga’angal i penga’angal, karengan eng kapualitan i ti’i e reiy’ laa maali kamang i wee nikoo.
|
|
@ -0,0 +1 @@
|
|||
\v 18 Sumombayangouw reiy’ mena’ i wee nikeiy; karengan nikeiy keiy me’eman, kaa e nate leno meiy nyi’a mouw e le’os, karengan witu eng gorem e reiy’ sa mina’asa kapualitan nikeiy keiy mepa’arla e nesa patou-touan e le’os. \v 19 Wo eng kenaramen wuntul niaku ku ngume’enge’la nikouw, rio kouw tumuanala nyi’a, rio aku lebe repet i warengi wia nikouw.
|
|
@ -0,0 +1 @@
|
|||
\v 20 Takar si Empung e le’os eng kale’osan, eng karengan en daa’ teta’aran e ke’ekel e minaali momi sumoup waki elet ne tou minate si Rumerawir Wangko’ ne reiy’ sa mina’asa domba, nyi’a i ti’i si Yesus, Tuhan ta, \v 21 satorona si mapalekepla nikouw ampit e reiy’ sa mina’asa e le’os kaa laa metetuanala eng kepa’aran-Na wo ma’ayangla witu eng gorem ta sapa e mekepa’aren wia-Nisia karengan si Yesus Kristus. I wee Nisia mouw eng kewangko’an i ka’ayo eng keure-urena! Amin.
|
|
@ -0,0 +1 @@
|
|||
\v 22 Wo niaku ku ngume’enge’la nikouw, ee patuari waya, rio e lelila’an-lelila’an e nge’enge’ i yi’i en sungkulen niouw ampit eng kepa’aran em pa’ar e nate, ma’anouw tu’u tu potot i te en suratku i yi’i wia nikouw. \v 23 Kete’uanola, kaa si Timotius, patuari ta, si minae mouw. Makarengan nu reiy’ mouw nisia nu mineiy, niaku ku laa lumalese nikouw mewali-wali ampit nisia
|
|
@ -0,0 +1 @@
|
|||
\v 24 I pa’ayo mola en tabea wia em baya se ma’aka-aka nikouw wo em baya se tou kudus. Sungkulenouw en tabea waki se patuari-patuari wia Italia. \v 25 E nupus karunia rumapitla nikouw nu waya
|
|
@ -0,0 +1 @@
|
|||
Pasal 13
|
|
@ -33,7 +33,8 @@
|
|||
],
|
||||
"parent_draft": {},
|
||||
"translators": [
|
||||
"mahanaim"
|
||||
"mahanaim",
|
||||
"John Roring"
|
||||
],
|
||||
"finished_chunks": [
|
||||
"front-title",
|
||||
|
@ -138,6 +139,39 @@
|
|||
"11-05",
|
||||
"11-07",
|
||||
"11-08",
|
||||
"11-11"
|
||||
"11-11",
|
||||
"11-13",
|
||||
"11-15",
|
||||
"11-17",
|
||||
"11-20",
|
||||
"11-23",
|
||||
"11-27",
|
||||
"11-29",
|
||||
"11-32",
|
||||
"11-35",
|
||||
"11-39",
|
||||
"12-title",
|
||||
"12-01",
|
||||
"12-04",
|
||||
"12-07",
|
||||
"12-09",
|
||||
"12-12",
|
||||
"12-14",
|
||||
"12-18",
|
||||
"12-22",
|
||||
"12-25",
|
||||
"12-27",
|
||||
"13-title",
|
||||
"13-01",
|
||||
"13-03",
|
||||
"13-05",
|
||||
"13-07",
|
||||
"13-09",
|
||||
"13-12",
|
||||
"13-15",
|
||||
"13-18",
|
||||
"13-20",
|
||||
"13-22",
|
||||
"13-24"
|
||||
]
|
||||
}
|
Loading…
Reference in New Issue