Compare commits
10 Commits
b5eba686b2
...
53edf8b290
Author | SHA1 | Date |
---|---|---|
mahanaim | 53edf8b290 | |
mahanaim | 83f2a35dd6 | |
mahanaim | ea18a97c06 | |
mahanaim | d1d1a3988e | |
mahanaim | 18bea8e0c9 | |
mahanaim | 425491d35d | |
mahanaim | 8e377ccc96 | |
mahanaim | 3fd8544c8c | |
mahanaim | 9b3c44a7dd | |
mahanaim | 3ab0e3bd07 |
|
@ -0,0 +1 @@
|
|||
\v 13 Nisia si minaya momi nikita waki kuwasa kareiydeman wo simoro’la nikita witu eng Karaja’an ni Oki’-Na i koupus; \v 14 witu Nisia nikita ta makapunya en tetubuusan ta, nyi’a i ti’i em paampungan en dosa.
|
|
@ -0,0 +1 @@
|
|||
Kapaketa-ketarean si Kristus \v 15 Nisia nyi’a mouw si lumian ni Empung si reiy’ paloo’on, si polon, si lebe i paketa-ketare wia e reiy’ sa mina’asa en siniwola, \v 16 karengan e witu Nisia mouw en siniwo mola e reiy’ sa mina’asa wo’o sapa, waki sorga wo wia e napul, em paloo’ola wo e reiy’ paloo’ola, le’os e reruberan ni raja, ka’apa tu’u eng karaja’an, le’os se mapere-perenta, ka’apa tu’u se makuwa-kuwasa; e reiy’ sa mina’asa wo’o sapa si simiwola Nisia wo i wee Nisia. \v 17 Nisia si wia eng kasa ketareanna ta’an e reiy’ sa mina’asa wo’o sapa wo e reiy’ sa mina’asa wo’o sapa em bitu Nisia.
|
|
@ -0,0 +1 @@
|
|||
\v 18 Nisia mouw si kokong e nouwak, nyi’a i ti’i en jema’at. Nisia mouw si polon, si kasa ketare-tare timo’ori waki elet ne tou minate, i ka’ayo Nisia si kasa i paketa-ketare witu e reiy’ sa mina’asa wo’o sapa. \v 19 Karengan e minapekasa kawuta’an ni Empung e mepa’ar mena’ witu Nisia, \v 20 wo kaa Nisia mouw Sia manginle’osela e reiy’ sa mina’asa wo’o sapa ampit en tou-Na, le’os em bia e napul, ka’apa tu’u em baki sorga, nu reiy’ mouw Nisia nu timuanala em pinanginle’osan kaa en daa’ en salib ni Kristus.
|
|
@ -0,0 +1 @@
|
|||
\v 21 O kangkasi nikouw eng ketareanna kouw matou-tou wa’akati waki si Empung wo nikouw kouw simu’usukla-Nisia witu e nate wo eng genang tanu em pakaloo’o-loo’ola witu em pasiwo-siwonnu e lewo’, \v 22 en teakan em pinanginle’osen-Nala, witu eng gorem e nouwak ni Kristus kaa eng kinepatean-Na, kaa laa metetampala nikouw kudus wo reiy’ sisering wo reiy’ siwalulang witu en sinaru-Na. \v 23 Karengan e ni’itu nikouw kouw lewo’ sa reiy’ tumentem witu e neman, mena-ena’ te’etep wo reiy’ moghe, wo te’a pa’ar i pa’ensongi waki paarapan e Injil, e lininga miouw mola wo e neiy mouw i abarla wia minapekasa eng kaoatan wia em bawa’ e langit, wo niaku i yi’i, Paulus, ku minamuali mouw sumesempung e nyi’a.
|
|
@ -0,0 +1 @@
|
|||
Pasempungan wo em peme’itan ni Paulus \v 24 En teakan niaku ku mepa’a-pa’ar kaa niaku ku toro peme’itan karengan nikouw, wo melelekepla witu e le’onaku sapa e reiy’ awes witu em peme’itan ni Kristus, i wee e nouwak-Na, nyi’a i ti’i en jema’at. \v 25 Niaku ku minamuali mouw sumesempung ne jema’at i ti’i minatoroan ampit e lukar neiy i emanla ni Empung wia niaku kaa laa mapawee-weela e nuwu’-Na ampit eng kawutana wia nikouw, \v 26 nyi’a i ti’i em pengiro-ngirong neiy i kakirong waki abad o abad wo waki see’ o see’, ta’an en teakan neiy i papaloo’o-loo’ola wia se tou-tou kudus-Na. \v 27 Wia nisea si Empung si pa’ar mapakite’ula, kumura eng kekaya wo eng kewangko’na em pengiro-ngirong i ti’i witu e nelet ne bangsa-bangsa walina, nyi’a i ti’i: Kristus si witu eng keuneran niouw, Kristus nyi’a mouw si paarapan witu eng kewangko’an!
|
|
@ -0,0 +1 @@
|
|||
\v 28 Nisia mouw si neiy’ i abar meiyla, sakawisa susur tou se nge’enge’an neiyla wo susur tou se turu’un neiyla witu e reiy’ sa mina’asa en sama’, kaa laa ma’aka-akala se susur tou wia eng kareiy’siperoanan witu si Kristus. \v 29 Ni’itu mouw em pe’inakutengkula wo em pemalo-malo’angkula ampit e reiy’ sa mina’asa eng keter minatoroan ampit eng kuwasa-Na, e mepa’ayang ampit eng kaente’na witu niaku.
|
|
@ -0,0 +1 @@
|
|||
\c 2 \v 1 Karengan niaku ku pa’ar, rio kouw mete’ula, kumura eng kawuterna em pe’inakutan en tinuanakula i wee nikouw, wo i wee nisea se waki Laodikia wo i wee em baya nea, se reiy’pe’ sumine’u niaku nu touna, \v 2 rio e nate nea e mineibor wo nisea se maesa’an witu e nupus, i ka’ayo sea maka’ato e reiy’ sa mina’asa eng kakaya’an wo eng ka’emanan em pangartian, wo sumine’u em pengiro-ngirong ni Empung, nyi’a i ti’i si Kristus, \v 3 karengan witu Nisia mouw neiy i kakirong e reiy’ sa mina’asa em budel en sama’ wo en tine’u.
|
|
@ -0,0 +1 @@
|
|||
\v 4 Eng kapualitan i yi’i ni’i lila’kula, rio te’a wawean si mepeponge’la nikouw ampit e lelila’an-lelila’an wangun. \v 5 Karengan ma’anouw tu’u niaku nuesa ku reiy’ witu e nelet miouw, ta’an witu e roh niaku ku mewali-wali ampit nikouw wo niaku ku limoo’ ampit e mepa’a-pa’ar eng katu’utulna em patou-touannu wo eng kate’etepan e nemanmu witu si Kristus.
|
|
@ -0,0 +1 @@
|
|||
Kawuta’an em patou-touan witu si Kristus \v 6 Nikouw kouw simungkulola si Kristus Yesus, Tuhan ta. Karengan e ni’itu satorona em patou-touannu e minena-ena’ witu Nisia. \v 7 Satorona kouw kumalat witu Nisia wo i redeiy’ witu natas-Na, satorona kouw maawes eng kate’etep witu e neman neiy mouw i turu’la wia nikoo, wo satorona natemu lumokon ampit en syukur.
|
|
@ -0,0 +1 @@
|
|||
\v 8 Maato-ato mouw, rio te’a wawean si maruiy nikoo ampit en tine’una reiy’ sisapa wo reiy’ ulit i ki’it en teturu’ see’ o see’ wo e roh-roh eng kaoatan, ta’an e reiy’ i ki’it si Kristus. \v 9 Karengan witu Nisia mouw minena’ eng kenaramen e nouwak e minapekasa eng kawuta’an ka-Empungan,
|
|
@ -0,0 +1 @@
|
|||
\v 10 wo nikouw kouw winuta mola witu Nisia. Nisia mouw si kokong em baya ne mapere-perenta wo ne makuwa-kuwasa. \v 11 Witu Nisia kouw sinunatola, e reiy’ ampit en sunat en tinuanala ni tou, ta’an ampit en sunat ni Kristus, neiy i karedeiyi waki pinangkulala e nouwak e makadosa, \v 12 karengan ampit Nisia kouw neiy i le’osela witu em baptisan, wo witu Nisia kouw ki’it to’oreni kangkasi kaa eng ka’emanannu witu em pepa’ayangen eng kuwasa ni Empung, en timo’oromi Nisia waki se tou minate.
|
|
@ -0,0 +1 @@
|
|||
\v 13 Nikouw kangkasi, ma’anouw tu’u eng ketareanna kouw minate kaa eng kaselokannu wo eng karengan e reiy’ sinunat eng kenaramen lahiriah, nikouw kouw tinou mola ni Empung mewali-wali ampit Nisia, nu reiy’ mouw Nisia nu minampungela e reiy’ sa mina’asa eng kaselokan ta, \v 14 ampit e rime’ila en surat e nutang, kaa eng katantuan-katantuan e nukum e mature wo meiwet nikita. Wo ni’itu e rine’i- Nala ampit e mina’asekla nyi’a witu eng kayu salib: \v 15 Nisia si minangkulomi se mapere-perenta wo se makuwa-kuwasa wo si simiwola nisea pa’aton ne kelakeran witu eng kamang-Na witu nisea.
|
|
@ -0,0 +1 @@
|
|||
Seronouw eng kapualitan e waki atas \v 16 Karengan e ni’itu te’a mouw kouw mewewayala sitou mukum nikouw tanume eng kekaanen wo eng kekoo’on ka’apa tanume e nendo wangko, en sumedot weru ka’apa tu’u e nendo Sabat; \v 17 em baya nyi’a i yi’i eng kumalenoan i te witu en sapa e lewo’ sa reiy’ meiy, kasuatan e rupana nyi’a mouw si Kristus.
|
|
@ -0,0 +1 @@
|
|||
\v 18 Te’a mouw kouw mewewayala eng kamangmu po’opolela ni tou si menowo-nowo makumengla en tou wo meraghes wia si malaikat, ma’an kimete ate witu em pineleloo’-pineleloo’ wo reiy’ ampit en to’otolan memangko-mangko’la en tou kaa eng genangna eng kaoatan i te, \v 19 eng kasuatan nisia si reiy’ timiboiy te’etep wia si Kokong, waki wisa e minapekasa nouwak, en tinobol wo wina’akes e noa-oat wo e wingkol-wingkol minamuali esa, minaka’ato eng kapatou e nempungenna.
|
|
@ -0,0 +1 @@
|
|||
\v 20 Sakawisa kouw minate mouw mewali-wali ampit si Kristus wo neiy mouw i kewayami waki se roh-roh eng kaoatan, ka’a ku’a re’en kouw timu’utukla en toumu witu e minegheghioan natoran, en tanu mokan nikouw kouw matou-toupe’ wia eng kaoatan: \v 21 Te’a mekeka’apang e nyi’i, te’a mepepe’an e ni’itu, te’a meleleler e nyi’i; \v 22 em baya nyi’a i ti’i en tanu i te em pakakas minapuneng kaa em pepaken wo eng kimi’it i te em perenta-perenta wo en teturu’-teturu’ ni tou. \v 23 E natoran-natoran i yi’i, ma’anouw tu’u tu paloo’ola wuta en sama’ ampit e raghes siwoan nuesa, tanu eng kumumengla en tou, mangimpedis en tou, reiy’la si ka’ara’anna e reiy’ siwalina kaa laa mapateu-teula em patou-touan eng kaoatan.
|
|
@ -0,0 +1 @@
|
|||
Pasal 2
|
|
@ -0,0 +1 @@
|
|||
\c 3 \v 1 Karengan e ni’itu, sa kouw to’oreni mewali ampit si Kristus, sumero mouw eng kapualitan waki atas, witu e wisa si Kristus witu, rimuber witu esa nga weka lele’os ni Empung. \v 2 Ghenangenola eng kapualitan waki atas, e reiy’ wia napul. \v 3 Karengan nikouw kouw minate mouw wo em patou-touannu neiy i kakirong mewali ampit si Kristus witu eng gorem ni Empung. \v 4 Sakawisa si Kristus, nyi’a mouw si patou-touan ta, mapaloo’o-loo’ola en tou ee sangali, nikouw tu’u kouw laa mapaloo’o-loo’ola en tou mewali ampit Nisia witu eng kewangko’an.
|
|
@ -0,0 +1 @@
|
|||
Tou weru \v 5 Karengan e ni’itu wunu’enola witu en toumu e reiy’ sa mina’asa wo’o sapa eng kenaramen eng kaoatan, nyi’a i ti’i em pesa’amekan, makari’irisen, serit, serit lewo’ wo kangkasi eng kasorodoan, e masuat ampit em pasempean paepungen, \v 6 em baya nyi’a i ti’i e mapa eiymi eng kaupi’an ni Empung [witu se tou-tou lewo’]. \v 7 Eng ketareanna nikouw kangkasi kouw timuanala eng kapualitan-kapualitan i ti’i eng katoroan nikouw nu matou-tou witu nyi’a. \v 8 Ta’an en teakan, i tea’ mouw em baya nyi’a i yi’i, nyi’a i ti’i e nupi’, kasa moupi’, kalewo’an, sero’, wo e lelila’an-lelila’an sa’amek e mare’umi waki sumamu.
|
|
@ -0,0 +1 @@
|
|||
\v 9 Te’a mouw kasi kouw metetowoan, karengan nikouw kouw minangkulola en tou ure ampit eng kalakuanna, \v 10 wo minake mola en tou weru e reiy’ maena-ena’ pawerunla kaa laa maka’ato en tine’u e ulit i ki’it e lumian ni Khalikna; \v 11 witu eng kapualitan i yi’i e reiy’ mola kasi tou Yunani ka’apa tou Yahudi, tou makasunat ka’apa tou reiy’ makasunat, tou Barbar ka’apa tou Skit, ata ka’apa tou merdeka, ta’an si Kristus nyi’a mouw si waya-waya wo si witu eng gorem e reiy’ sa mina’asa wo’o sapa.
|
|
@ -0,0 +1 @@
|
|||
\v 12 Karengan e ni’itu, tanume se tou-tou pineleng ni Empung se kinudusla wo i koupus-Nala, pakenola en tongkoupusen, kamura’an, kakumengan e nate, karinda’an wo eng kasabaaran. \v 13 Sumabaarouw kouw siesa witu se walina, wo ampunganola siesa wia se walina sakawisa siesa tou si kasa mesesuli’ witu se walina, masuat tanu si Tuhan si minampungola nikouw, kouw sumiwo mouw kangkasi en tuana. \v 14 Wo witu natas em baya nyi’a i ti’i: pakenola e nupus, tanume e wewa’akes mangiesala wo mangireiy’siperoanla.
|
|
@ -0,0 +1 @@
|
|||
\v 15 Satorona e le’os eng kale’osan ni Kristus e merenta witu e natemu, karengan i wee e ni’itu mouw kouw kineretola mamuali esa nouwak. Wo syumukurouw. \v 16 Satorona e lelila’an ni Kristus e mena’ ampit e reiy’ sa mina’asa eng kakaya’anna witu e nelet miouw, i ka’ayo nikouw ampit e reiy’ sa mina’asa en sama’ kouw mee teturu’ wo matogoran siesa o se walina wo kasuatan mekantarla mazmur, wo lelo’or-lelo’or wo eng kekantaren rohani, o kouw tumotor syukur wia si Empung witu eng gorem e netemu. \v 17 Wo e reiy’ sa mina’asa wo’o sapa en tinuana miouwla ampit e lelila’an ka’apa em pasiwo-siwon, tuananola em baya nyi’a i ti’i witu e ngaran ni Tuhan Yesus, kasuatan tumotor syukur kaa Nisia wia si Empung, Ama’ ta.
|
|
@ -0,0 +1 @@
|
|||
Paato-atoan e nelet e weteng-weteng ne me’urang \v 18 Heiy tu’awewene-tu’awewene, tu’utukouw wia si tu’atuamamu, tanu eng kumura e lewo’ sa reiy’na witu si Tuhan. \v 19 Heiy tu’atuama-tu’atuama, i koupusola si tu’awewenemu wo te’a mouw masiwo e reiy’ waar witu nisia. \v 20 Heiy oki-oki’, lale’enola se tu’amu witu e reiy’ sa mina’asa kapualitan, karengan ni’itu mouw em bangun witu si Tuhan. \v 21 Heiy ama-ama’, te’a mouw pereraranla e nate ni oki’mu, rio te’a tewang e natena.
|
|
@ -0,0 +1 @@
|
|||
\v 22 Heiy hamba-hamba, lale’enola si tuangmu si wia eng kaoatan i yi’i witu e reiy’ sa mina’asa kapualitan, te’a witu i te en sinaru nea kaa laa mangimpa’arela nisea, ta’an i te ampit eng kepa’aran e nate karengan e meide’la si Tuhan. \v 23 Sapa tu’u kangkasi en siwon niouw, siwonouw ampit em pakasa’an e natemu tanu ni’i wee si Tuhan wo e reiy’ i wee sitou. \v 24 Nikouw kouw mete’u, kaa waki si Tuhanouw kouw laa maka’ato weteng e neiy i tantula i wee nikoo tanume en tetoro. Kristus nyi’a mouw si tuang wo nikouw kouw hamba-Na. \v 25 Seiy i te si masiwo eng kaselokan, nisia si laa tumanggong eng kaselokanna i ti’i, karengan si Tuhan si reiy’ maloo’ tou.
|
|
@ -0,0 +1 @@
|
|||
Pasal 3
|
|
@ -0,0 +1 @@
|
|||
\c 4 \v 1 Heiy tuang-tuang, sumiwo mouw e nadil woredeiy witu si hambamu; ghenangenouw, kaa nikouw kangkasi kouw makapunya tuang waki sorga.
|
|
@ -0,0 +1 @@
|
|||
\v 2 Tumentemouw witu en sombayang wo witu e ni’itu tumegha-teghamouw kasuatan matotor syukur. \v 3 Sumombayanguouw kangkasi i wee nikeiy, rio si Empung si muka’la em pepalen i wee em paabaran neiy, i ka’ayo keiy toro sumusuiy en tanume em pengiro-ngirong ni Kristus, eng karengan e nyi’a niaku ku pinenjarala. \v 4 Ampit en tuana niaku ku toro mapaloo’o-loo’ola nyi’a tanu eng kumura e lewo’ sa reiy’na.
|
|
@ -0,0 +1 @@
|
|||
\v 5 Tumou mouw ampit e wuta en sama’ witu se tou-tou luar, i pepeka’ara mola e nedo wia. \v 6 Satorona e lelila’an-lelila’annu e reiy’ siena’na wuta e nupus, te’a tewang, i ka’ayo kouw mete’u, kumura kouw lewo’ sa reiy’ mee wewingkot wia se susur tou.
|
|
@ -0,0 +1 @@
|
|||
Pakusi’ wo en tabea \v 7 Em baya eng kapualitan-kapualitangku e laa i pakite’ula ni Tikhikus wia nikouw, si patuari ta i koupus, si hamba e lale’ wo si ka’ampit sumesempung witu si Tuhan. \v 8 Nisia si neiyku i reo wia nikoo ampit e maksut, rio kouw mete’ula eng kapualitan neiy wo rio sia mibor e natemu. \v 9 Nisia si neiyku i reo mewali-wali ampit si Onesimus, si patuari ta lale’ wo i koupus siesa tou waki eletmu. Nisea se laa makite’ula wia nikoo e reiy’ sa mina’asa wo’o sapa e minamuali wia nyi’i.
|
|
@ -0,0 +1 @@
|
|||
\v 10 Tabea wia nikouw waki si Aristarkhus, ka’ampitku esa nga penjara wo waki si Markus, paanaken ni Barnabas – en tanume nisia nikouw kouw minaka’ato mola ower; sungkulenouw sia, sakawisa sia meiy wia nikoo – \v 11 wo waki si Yesus, si nginaranala Yustus. Se telu i te tou i yi’i se witu e nelet nea nu makasunat se minamuali ka’ampitku esa nga papa’ayangen i wee eng Karaja’an ni Empung; nisea i ti’i se minamuali mouw mengengibor niaku.
|
|
@ -0,0 +1 @@
|
|||
\v 12 Tabea waki si Epafras wia nikouw; nisia siesa tou witu e neletmu, si hamba ni Kristus Yesus, si reiy’ mena’ makiwee witu en sombayangna i wee nikouw, rio kouw rumedeiy te’etep, tanume se tou-tou e sela mouw wo se maka ka’emanan wuta ampit e reiy’ sa mina’asa kapualitan neiy i kepa’arla ni Empung. \v 13 Karengan niaku ku toro mee kasairian en tanume nisia, kaa nisia si kasa me’inakut i wee nikouw wo i wee nisea se waki Laodikia wo se waki Hierapolis. \v 14 Tabea wia nikoo waki si tabib Lukas i koupus wo waki si Demas.
|
|
@ -0,0 +1 @@
|
|||
\v 15 I pa’ayola en tabea meiy wia se patuari-patuari waki Laodikia; wo kangkasi wia si Nimfa wo se jema’at se witu em balena. \v 16 Wo sakawisa en surat i yi’i neiy mouw i wacala witu nelet miouw, pe’inakutenola ,rio ni’i wacala kangkasi waki se jema’at Laodikia wo rio en surat ni’i wee se Laodikia ni’i wacala kangkasi wia nikoo. \v 17 Wo i pa’ayo mola wia si Arkhipus: Weeanola ghenang, rio em pasempungan en sinungkulmu witu si Tuhan ni’i kelangmula kawutana.
|
|
@ -0,0 +1 @@
|
|||
\v 18 Tabea waki niaku, Paulus. Tabea i yi’i e neiyku i patik ampit e lawasku nuesa. Ghenangenola en torongkuku. Nupus karunia e rumapitla nikouw.
|
|
@ -0,0 +1 @@
|
|||
Pasal 4
|
|
@ -33,7 +33,8 @@
|
|||
],
|
||||
"parent_draft": {},
|
||||
"translators": [
|
||||
"mahanaim"
|
||||
"mahanaim",
|
||||
"John Roring"
|
||||
],
|
||||
"finished_chunks": [
|
||||
"front-title",
|
||||
|
@ -42,6 +43,39 @@
|
|||
"01-04",
|
||||
"01-07",
|
||||
"01-09",
|
||||
"01-11"
|
||||
"01-11",
|
||||
"01-13",
|
||||
"01-15",
|
||||
"01-18",
|
||||
"01-21",
|
||||
"01-24",
|
||||
"01-28",
|
||||
"02-title",
|
||||
"02-01",
|
||||
"02-04",
|
||||
"02-06",
|
||||
"02-08",
|
||||
"02-10",
|
||||
"02-13",
|
||||
"02-16",
|
||||
"02-18",
|
||||
"02-20",
|
||||
"03-title",
|
||||
"03-01",
|
||||
"03-05",
|
||||
"03-09",
|
||||
"03-12",
|
||||
"03-15",
|
||||
"03-18",
|
||||
"03-22",
|
||||
"04-title",
|
||||
"04-01",
|
||||
"04-02",
|
||||
"04-05",
|
||||
"04-07",
|
||||
"04-10",
|
||||
"04-12",
|
||||
"04-15",
|
||||
"04-18"
|
||||
]
|
||||
}
|
Loading…
Reference in New Issue