Mon Mar 27 2017 17:15:10 GMT+0200 (Paris, Madrid (heure d’été))

01/01.txt

@@ -0,0 +1 @@
+\v 1 Kala Mokonga dadyongi na babasu, kaphenokua a baotu nyongo,genduasi na apheasi. \v 2 Ka besande aumia aoyonga na besu kaphe enake,mbeambisa ba nkengei a nkumba bubui,goto kaphendeke yedagi Mokonda buyi. \v 3 Ye ande bena na bosegi na meni ka tambea ke;Abaosimbia kema bubui ka omgbomgbo a boabi ndeke.Baa tokisa bojede,aiki njagamuku a mema bomgbomgbo guu na koba.

01/04.txt

@@ -0,0 +1,2 @@
+\v 4 Ande amakanga  nkiki  konyena Malaika, kabu ina nde aduneanja konyena inabo.
+ \v 5 Ka nyongua  gea animbe kaolua a Malaika, Mokonga dangodi esa moti:<<Onde Mikiamo, eme neoboko kesande?>>na goto:<<Eme nebande abe kaye,na ye abande keme miki?>>

01/06.txt

@@ -0,0 +1 @@
+\v 6 Na goto,aoba nangisi mbokeani mosa ka Mokonda,aoyonga:<<Bamalaika bobu a Mokonga,bamophe bodoko.>> \v 7 Aokumia bamalaika abaoyonga:<<Abaogea  Malaika ndeke bande maiphiano,na babedanigi ndeke baoba insa akoola>>.

01/08.txt

@@ -0,0 +1,2 @@
+\v 8A oba na ngodi miki:<<mbata ndeko,ee Mokonga,ebisani esabubui na bubui>>.
+<<Mgbanga kobuame ndeko ande mgbanga a doni: \v 9 Okondi bophoo,obei bojede,aunge Mokonga,Mokonga ndeko, akosii owe gamba a maseye,abaokondea konyena badako>>.

01/10.txt

@@ -0,0 +1,2 @@
+\v 10 Goto<<mosa owe,Mokota,dobisi china Mokonga,na kaba ande ekuma a njangako.
+\v 11 Ndo abungande,owe oikande na benu bobu bokpeganande beya bongo, \v 12 Nowe ogudumande bea koti;nau baanganisande bea ngombe;n'owe oikato bondo mooto,na basaga ndeko kayipheku>>.

01/13.txt

@@ -0,0 +1 @@
+\v 13 Goto animbe kaolua a Malaika, Mokonga dangodi esa moti:Ika njagamukuani,mgbanga nebise babibia ako bea kema bisia echinjiako?>>.\v 14 Kageae Malaika bobu bana mema ebedanigi ka nyongo a Mokonga,beteki kabedaneaga bundo bada eka boami?

02/01.txt

@@ -0,0 +1 @@
+\v 1 Ka nyongo nde n'ndo asokeni lelenga nyongo kpe n'nde dha bheiki bekebike osaga ka kposokana.

02/02.txt

@@ -0,0 +1 @@
+\v 2 Ka nyongo nde aoba nande ka labande dha badyongi na Bamalaika bao mesia kakpe,na kisi bodjede na deketa atotokisi azabu a doni.\v 3 Basi besu belamande namnasina aoba na beke ambi wokovu bamgbomgbo namnande?Atuka bopheli a muna Mokonga,mbusa obelekea motesu na bundo dha bamooki; \v 4 Nadye Mokonga aobelekea na abo kimoti ka njilia,na gaba zawadi a memande n'nda na nkiki,bia bondo dakondi sasake.

02/05.txt

@@ -0,0 +1 @@
+\v 5Ka nyongo nde dha kabisi a Malaika Mokonga n'nde a biki,aunde belabika golake.\v 6 Kagea nkpa moti koma imoti atungami aoyonga nkpa nde eka ata ka gakaake?ao muna bakpa ka lelengake.

02/07.txt

@@ -0,0 +1,2 @@
+\v 7 Ondidisi ka saa aboa kusi a Malaika ololisi mukiti a obebo ombisi gola ndjakako.
+\v 8 Umbisi kema bubui kusi etindiake.Ka nyongo nde kabisa kema kusiake,kasagi kema moti nde baka bisi kusiake.Ngaa bekenimbe to kema moti n'nde babisi kusiake.

02/09.txt

@@ -0,0 +1 @@
+\v 9 Ngaa bemoni Yeso,dha bangii saa na boa kuusi a Bamalaika,ka nyongua tambaga  a kukua,ba lobisi mokito a obebo na bokutu,kagea kongola a Mokonga a kengee kukua ka nyongua kila nkpa.\v 10 Ka gea abiki na baniki basii ba kidie n'obebo, atomemi kandje,ka nyonguake,na ka gbagake kema bubui aiki,digimisa Muame  ba mgbomgbo a boami ndiabo kaphe a tambaga.

02/11.txt

@@ -0,0 +1 @@
+\v 11 Nkpa nde aokombi n'obe mbo baokombi benu bobu bonde bakpa moti, kanga soni,\v 12 Netobeande inako ka bananji na nelembande bokutu.

02/13.txt

@@ -0,0 +1,2 @@
+\v 13 Nebisa ande bekea ndeamo na baniki ndiamo bunde Mokonga damophi subia Yeso.\v 14 Ka gobea,baniki badatu magia na ngobo n'obe bonde otodadu;ao beekea akue kankpato abungisi aphe a Nketi;
+\v 15 Nukua bobu bunde dabatu ka buiki a kokobe,kabanga kukua.

02/16.txt

@@ -0,0 +1 @@
+\v 16 Ngaa dakatondu katina a Bamalaika ngaa atondu n'ebokoti a Abulahamu.\v 17 Ka bondo atokeni kengeana na munamake ka nyongo bubui,abe muana bambombo na ngomi ka nyongua Mokonga.\v 18 Na kabende ba kengisi katombagake aenei tanbea bunde bao tombaga.

03/01.txt

@@ -0,0 +1 @@
+\v 1 Ka nyongo ndo banadji bakpa nde banda na nkiki belekeani bia Yeso ntekisi ba Mokonga na Mokota phumi na mbo belekei.\v 2 Dha mbeeki ndea mbe dambisi,bia bondo Mosa dha kendu ndiake bubui.\v 3 Ka nyongo nde nkpando bantangi baombia asii kotinga  Mosa abea nkpa na pheki endu ana bodoko  tinga endu ndeake.\v 4 Ngaa kisi endu nkpa ambe apheki kagea dye apheki kema bubui ande Mokonga.

03/05.txt

@@ -0,0 +1 @@
+\v 5 Na Mosa dande mbeeki kendu ndiake bubui ubate Nketisi ka botomi alaba ndo ba dyongande mbusa.\v 6 Kageae Kiisito,bia miki guendu ndiake ande endu ndiake: Ande endu ndiasu,aoba na bebedi bokpekpe ndeasu.Nina nsebeo esa bubui.

03/07.txt

@@ -0,0 +1 @@
+\v 7 Bende,aoba na mema nde n'nda na nkiki a nyongi:Keeke,aoba na bokande esoake;\v 8 Bokoge  memanu akpe aoba na kadunbe saa a belisa,besa a tombaga ka nkanga.

03/09.txt

@@ -0,0 +1 @@
+\v 9 Bhi Abanu a mokengisi na kengeni baona tambeani basaga nkama gena.\v 10 Ka nyongo ndo netobeli na ebokoti nde neonyonga:Ba bungi ka memabo na ba katubi aphendiamo.\v 11 Aoba na netuani ka beli ndiamo,bakangiande ka bodjeme ndeamo.

03/12.txt

@@ -0,0 +1 @@
+\v 12 Lelegani,munadji,kabe ka memaanu nkpa moti kanga mema adjede kanga beekea;Na katanisana  na Mokonga badoo, n'nda n'kusi.\v 13 Kageae phelanani esa bubui kesande ba keke;ngaa kabenu moti kagea ka bodjede odemadyo.

03/14.txt

@@ -0,0 +1 @@
+\v 14 Ka nyongo nde bedye bapheli a muna Mokonga.aoba na bebedye bokpekpe ophangeo na sungia.\v 15 Wani photo bao dyongea?keeke,aoba na booka nde esoake.Bokoge mono memanu bokpekpe beasa abeli.

03/16.txt

@@ -0,0 +1 @@
+\v 16 Manai animbe mbeli kasande batoki? n'ndapho bundo batoki na Misili.Dabatambi na Mosa?\v 17 Nande nkpasina mbe doni adjede kamuaka boku na gena?n'nda bundo dha badjenani.Nabo kiinda ndiabo daagu ka nsenge?\v 18 Nande nkpasina anoophisi kagea bokongiande ka bodjeme ndiake,tondo bundo ndeketi?\v 19 Sungia beeni kagea baka tokeku ngia ka nyongo a kanga belekeabo.

04/01.txt

@@ -0,0 +1 @@
+\v 1 Mokonga dasoku besu gea asophande aphe angia kamuumbio neke.co bedieni bonjanja kabembe na kabesu mochi mbee aukande aphe agea kau.\v 2 Ngaa debeoki tonyongoanja bea bundo dabatu ka nkanda.Bo dabaokiu,kenge tada kakema mochi,ka nyongo nde dabaka beekeani na bunde da baoki nyongo ndo.

04/03.txt

@@ -0,0 +1 @@
+\v 3 Besu ibundo bebeeki baunge  beokia ka muumbiondo bindo Mokonga dadyongite,<<ka bondo,deophi ka bei ndeamo gea,<<Bakangieku tanda ka nji nde deobongisi  kaubikau!>>ndo na gea te muumbio nadye bei.Ngaa,Mokonga dagobi too ekuma neke kabeno akonja a Mokonda. \v 4 Co,buku a Mokonga adyongi oma imochi ka nyongo a esa a ko njia njaga ibe(7)be,<<Mpo Mokonga aumbia kesa anjaga ibe(7),aosaga ekuma ndeke bhui.>>\v 5 Adyongi goto to komando be<<Beo nenipho ambe bagea nde ka muumbio ndemo>>

04/06.txt

@@ -0,0 +1 @@
+\v 6 Bii bakpa nde dabaoki nyongua nja ka mosa-mosa dabakangi ka nyongo a kanga beekeanebo.co ka bondo,bakpa bunengbo ba dyeto na phe a ngia ka muumbio ndo.\v 7 Babondo unde Mokonga abisi goto esa mochi.Esa kaye bao mophana <<Kesande>> bindo Mokonga dadyongisi Daudhi mbusa a basaga basii nyongo nde dadundu gea, <<Kesande kabe na booki eso a Mokonga, boko kpangisembe memanu.>>

04/08.txt

@@ -0,0 +1 @@
+\v 8 Co,kaphe Yusua na deengeisi bakpa ndo kamuumbio,abe mbusa adye,Mokonga dakayongiye esa nengbo.\v 9

04/12.txt

@@ -0,0 +1 @@
+\v 12 Ubanim gea,nyongo a Mokonga ana bopkepke aphoto otoka tokokisa kema asii. aophea phee bea ngoa nde aophea nci gbogbo.aongia na tongana subia memaasu phee,aoga aodjua ka ongokana na menge, aobisa ubase.Atena nyongo amophe na kanisiande aka mema a nkpa.\v 13 N'na na ka kema nde Mokonga dha konji n'nde esomeani kiso ake.Kema bubui ato ntumbu mosa ake.Ao ubau.Ye goto aambe betomia nde nyongo asu bubui mosa ake.Yeso ande nto bei aphe a ngbongbo phee ka phoasu.

04/14.txt

@@ -0,0 +1 @@
+\v 14 Co,bii bena ntobei-aphe a ngbongbo phee mbe datongami na kaba nande Yeso muna Mokonga,bete temiseni beekeande beotomiaga mosa a bakpa.\v 15 Ngaa, ntobei-aphe a ngbongbo mbe benadye,dye aotoka naso kui ngomi ka tambaga  na boelu nesu aka mema.Co,yedangi ka tombaga ka kema bui beabesu,kanga dye gea ndiu bodjede.\v 16 Bii abo,bebikeni mosa a  kankanga a bonjanja a Mokonga kanga ngaka ngaa,ko unge betoande ngomi na bonjanja ekondi,mbe asoe ngande ka mbeno nde bena sikii.

05/01.txt

@@ -0,0 +1 @@
+\v 1 Ntobei phea angbongbo bhuake Mokonga aambe dasombu sosobe a bakpa,aobisa ka bedanaga ekuma neke ka phoabo.Ande geate nto bei pheando aambe aophuia sadaka na tobua phea danga-danga ka nyongo a bodjede.\v 2 Bii ye sasake ana boelu akamema,aunge aotoka n'ekui ngomi bunde baogea bodjede kanga a ubai na ka nyongo nde babungigi.\v 3 Kabondo unge akeni a bedanege ekuma ndo kaphoa bodjede a bakpa bunengbo photo ka phoa ineke.

05/04.txt

@@ -0,0 +1 @@
+\v 4 N'na na nkpa mde aotoka  na bedi bokutundo kaye sasake.Mokonga tondo a ambe aomopha nkpa,bindo dha mophani a loni.\v 5 Apho to boka Kiisito.N'na ye sasake ambe dhebisii bokutu anto-bei phea a ngbongbo.Ye,datoi ndiu uka mbe  dadyongi ka phoake gea,<<Obe onde miki moko ndeamo.Kesande eme nende abako.>>

05/06.txt

@@ -0,0 +1 @@
+\v 6 Aphoto bindo badundu koma nengbo    gea,<<Obe onde ntobei-phea ka saga na saga bea nkoko indo a meeki Sedeke.>>

05/07.txt

@@ -0,0 +1 @@
+\v 7 Mbeno nde Yeso datu ka Mokonda,daondengemisaga Mokonga kememi neso aphe nao gama ngaa, Mokonga a ambe daotoka amisa ake ka kukua.Ka nyongo edidisa ake unge Mokonga daoki ememindo.\v 8 Nanga bii datu Muna Mokonga,dagoigi edidisa ka tambaga bui.

05/09.txt

@@ -0,0 +1 @@
+\v 9 Ka nyongo nde dakaoki ye ka kema, ayeto aba china a boamia a kameyo ka bakpa bobu bunde baomokaye.\v 10 Ngaa,Mokonga dha nkomi gea ande ntobei-phea a ngbongbo bea nkoko indo amekise deki.\v 11 Co,bena nyongo asii a yongai agake aphe ka ubisa anu basenga, bobato ka digimisa a kema.

05/12.txt

@@ -0,0 +1 @@
+\v 12 Ka nyongo nde boye nyenyisi mbino asii phee,atokeni bube baphangigi.Nanga a baabo,bophoto na siki agoisaga anu nyongo a bububua a phei ndea Mokonga. bophogo goto tonasiki a unga,n'na ndiu opha anu eea akpe.\v 13 Ngaa,nkpa nde ao unga aphoto miki.N'na ubapha asii a nyongo a kodoni.\v 14 Eea a kpeandiu to ka bakpa nde bamoti ngaa,baembani ye na katisana a kema anja na kema a yede.

06/01.txt

@@ -0,0 +1 @@
+\v 1 Co,biabo bedeketeni goisaga moo a nyongo nde dha bakpangi goisaga i ka nyongo a Kiisito.betutusieni ye to koisaga kaetete a bakpa nde ba moti beke cunecu ye goto goisaga a moo a nyongo nde a ketia tambea  a yede na beekea a Mokonga.\v 2 Bophei ka nyongo a obatiso,ka nyongo a bisa a njaga,ka nyongoa djudjudka ka kukua bakpa nde dabaku na nyongo a tena nyongo a sugiaga.\v 3 Ndo ngo begeande aoba Mokonga na sososi.

06/04.txt

@@ -0,0 +1 @@
+\v 4 Ngaa,bakpa nde ba deketi tambea nebo a keke goto ka tambea nebo a kala na batuye subi a oanga ndea Mokonga,na biiye ka kebu a koba na toa a mema a Mokonga.\v 5 Ba photo odiia nyongo anja ndea Mokonga na ooka bokpekpe a matunde abikande,\v 6 Bakpanddo baka tokeku ye goto baketie tamba a bomongo akoibenga,bankokeigi goto muna Mokonga guame mea ankpato na opha a bakpa bunengbo aphe a bomake.

06/07.txt

@@ -0,0 +1 @@
+\v 7 Co,mbeno nde odho aondisa ibho a mbua nde aokaga guu ina teisa a mbondangandanga kaenga a bakpa nde bagubi,Mokonga abisi njagake gua odho ndo.\v 8 Aga keoba odho ndo naoteisa mbo adjede n'inde a ngenge ngenge,odho ndo n'na na kantiti,Mokonga abibi a semeaga i.Sungiaga a i a to toboa i.

06/09.txt

@@ -0,0 +1 @@
+\v 9 Co baya,nanga beyonga bo,bengekise ka mema asu gea aphe a boamia a kamema ndo bo ka u ande aphe anja.\v 10Mokonga n'na mema akpe kaboseku ekuma nenu na ekondi nenu kaphuake ngaa,dho bophendanigi nabii bophoto obedaniaga babeiki bune ngbo.

06/11.txt

@@ -0,0 +1 @@
+\v 11 Co,mophe asu ande gea te nkpa buake sosobe anu atetemisi ekuma na ka sungiaga,kagea te nsebeo nenu atotokeane.\v 12 Bii abo,boko bembe bakusi.Beani ndiu nyongo a bakpa nde batetemisi beekea ngaa,bundo baunge batoande botiko a mokondeMokonga dauku.

06/13.txt

@@ -0,0 +1 @@
+\v 13 Co,mbenu nde Mokonga dabisi moko ka Abulahamu,daophi toka inaake sasake ngaa,Mokonga dakatu na nkpa angbogbo konyenya ye kaopha kinaake.\v 14 Mokonga aoyonga be,<<Eya kabisa njaga, nekobisiande njaga.kebokoti,nebikisande ebokoti neko.>>\v 15 Bii Abulahamu dabisi memake ka mokondo kanga ela,mokonde Mokonga daoku kaphoake aototo keana kaye.

06/16.txt

@@ -0,0 +1 @@
+\v Mbeno nde bakpa baoopha,baoopha kina ankpande a angbongbo.Opha aunge agake odjusa ongana bui kasungiaga i.\v 17 Mokonga daimi opha gua mokoka ubisa bakpande batoande bodiko a moko gea,Mokonga ka ketieeka tanda mongo nde abisi ka phoa nkpa.\v 18 Co,Mokonga aokoana opha,ande geate nyongo ibendo atodoni,katinga negeku.Ngaa,Mokonga katokeku nasodemi.Ka nyongo indo unge bena bokpekpe a ka mema.Co,besu ibunde bheti bedungi ye to nsembeo ande mosa asu.

06/19.txt

@@ -0,0 +1 @@
+\v 19 Nsembeo ndo ande nkigisio a mema asu.Esimbii phee,aongia subi a endu ndea Mokonga,aotongana ngombe nde adaki kio a oma a mokonga.\v 20 Oando unge yeso dangi mosasu kapho asu nga,aye ntombei -phoa angbongbo a kanga sungiaga mbea nkoko indo a meekisedheki.

07/01.txt

@@ -0,0 +1 @@
+\v 1 Meekisedheki nde datu Muame a Salemo.Datu photo ntombei-phea ndea Mokonga mena bupkepke bhui.Ye ambe dage ondhanisa Abalahamu mbeno nde Abalahamu daonja kaphe a emani nekiti baeme.Aodondani ye na ye,meekisendeki aombisa njaga gua Abalahamu.\v 2 Ye ambe Abalahamu da mophi photo phaeka mochi a nkama a nkumba bui ndea babedi. Kantiti ainando meekisi ndeki andepho <<Moame aokondoni>>datu photo Muame a ka Salemu ande gea te<<Moame a bojeje.>>\v 3 Abhake n'Amake ba kaubhi kana,batata kephoto bana ubhikana.Mbino a nkpangeo aendake na mbino a kukuake nna kuubikana.Ka nyongo nde a kengiani  na Muna-Mokonga,ye aiki ye to ntombei-phea meo.

07/04.txt

@@ -0,0 +1 @@
+\v 4 Co,onanipho!Meekisedheki ana bokutu ka nyongo nde nanga Abhalahamu abatatasu,damophi phaeka mochi a nkama nkuba nde dadhuki ka mosunge.\v 5 Andiu ekongo a bana Lawi unge eophi ndea mosa a esosi kabobenda phaeka mochi a nkama a nkumba a ba Isilaeli nga,baunde batombei-phea.Co,phaekando,atokande ka njaga a bamunamabo,nanga bobu baba photo kekombo ndea Abhalahamu.\v 6 Co,meekisendeki daka gake,kekombo ndea Lawi.Ye andiu obeda phaeka mochi a nkama a nkumba ndea Abhalahamu datune.Mbusai,aombisa njaga gua Abhalahamu imbe ande mene a moko ndea Mokonga.

07/07.txt

@@ -0,0 +1 @@
+\v 7 Eya!Atokanga kanga.Nphenga tondo a ambe ambhisa njaga gua a miki.\v 8 Co,bana Lawi bunde baobeda phaeka mochi ao nkama bande bakpa bunde bao kuwa.Mekise ndeki gake aambe abedi phaekando.Buku a Mokonga ayongi gea,ye ande meyo.\v 9 Bii Abhalahamu aphui ye phaeka mochi a nkama ndo ka njaga a bamunamako.\v 10 Nga,Abhalahamu dadondani na neekisedheki,Lawi n'aphoto ka sopho a Abhalahamu.

07/11.txt

@@ -0,0 +1 @@
+\v 11 Co,eophi ndeke ndea Mosa asosi gea ka batoa k'ekombo ndea Lawi to unge basoboande kabo kekuma a ntombea-phea.Atu gake oba na babedanigi ekuma ndo kanga kiseke,ambe ntombei-phea bangbo bea nkoko ameekisedheki mmbe nn'a kekombo ndea Aloni akidiani kabo?\v 12 Nga,ekombo a batobei-phea ndea Mokonga aoangana ambe eophi aangane photo.

07/13.txt

@@ -0,0 +1 @@
+\v 13 Ande gea te nyongo nde bayongi kaphoa Mokota nesu nga,ye a k'ekuma nengbo nde ka bo moci ka bhedanigimbemono tanda ekuma a ntombei-phea kete-opheo.\v 14 Eya,Mokota ndesu aubikana gea abokoteani kekuma ndea Yudha,nnde mosa dakayongi ka mema ka phoa i mbeno nde daoyonga nyongo a batobei-phea.

07/15.txt

@@ -0,0 +1 @@
+\v 15 Eya!A ye to bhase gea ntombei-phea bangbo mmbe a mbea meekisedheki.\v 16 Ekuma a ntombei-phea ineke cina i nn'aombea nyongo a ekuna.Anjio ka bopkepke a enda meyo.\v 17 Bindo buku a Mokonga a yongi gea,<<Onde ntombei phea meyo mbea nkoko a meekise ndeki.>>

07/18.txt

@@ -0,0 +1 @@
+\v 18 Co,beoni  gea ete Mokonga dadeketi eophi a kala nga u dakatu na bukpekpe, photo na nkantiti.\v 19 Nga eophi ndea mosa dakatu otoka totokisa ka kema.Beoni ndiu goto gea be ye gake nansebeo anja phee,ka nyongo a nsebeo ndo unge beombhimisia Mokonga.

07/20.txt

@@ -0,0 +1 @@
+\v 20 Mokonga da kagi nndo nkanga opha.Bune ngbo da bagi kekuma anto mbei-phea ka opha.\v 21 Co,kaphoa Yeso,Mokonga da ophi njiu mbeno nde dangodi gea,<<Mokota daophi na ka sikieku ku ye na u.Onde ntobei-phea meyo.>>

07/22.txt

@@ -0,0 +1,2 @@
+\v 22 Ka bondo unge Yeso ayeto nkpande akakamisi ongana anja phe konyenya nnde a mosa.\v 23 Gu indo,bato bei-phea bune ngbo da babiki ka nyongo nde da baoguaga.Dabakatoki ye tutuisa a ekuma.
+\v 24 Yeso a ndiu oenda meyo.Ekuma neke a nto bei-phea nna na kasungiaga.

07/25.txt

@@ -0,0 +1 @@
+\v 25 Ka nyongo indo unge aotoka amisa ka bakpa ka mema na ka sungiaga bunde baomiisia Mokonga ka phe nde a ke nga, Yeso aoenda meyo ka ndengemisaga a Mokonga kaphoabo.\v 26 E ya!Yeso ande ntobei-phea angbongbo mmbe akeni doni ka besu.Ande mena bonjanja phee,kanga kiseki,kanga bodjookio.Datigani phee na batua-bodjede,Mokonga da mophi bokutu phee ka nyenya kema bhui anakoba.

07/27.txt

@@ -0,0 +1,2 @@
+\v 27Yeso atingani na batobei-phea ba ngbongbo bunde a mosa.Ye nna na siki atoboa phea esa bu i ka nyongo a bodjede neke,mbusa i,ka nyongo a bodjede a bakpa bobhu.Mbeno nde dabisi nyama ake kopheo mongo imochi,nndo asungiigi tobo.
+\v 28Bakpa bunde eophi ebhisi mbea bato bei-phea,bana kiseki.Co,moyo a Mokonga nde  dayongi nn'aopha mbusa aeophi aunge aophangi ndiu bhase gea Muna-Mokonga ande nto bei-phea mmbe akeni doni a doni k'ekuma ndo ka saga na saga.

08/01.txt

@@ -0,0 +1 @@
+\v 1 Co,nyongo a ngbo ka nyongo a ngbo danga-danga nde beyongi aungee:Bena nto bei-phea angbongbo mmbe abindo betoki kayonga i.Ye aambe aiki ye to na kobha ka njaga a muku a kankaanga a kokota a Mokonga mena a bukpekpe.\v 2 Aobhedanaga ekuma ndeke subi a oma  a bonjanja.Oma ndo  ande  ema a doni nnde Mokota ambe acumi,na bakpa.

08/03.txt

@@ -0,0 +1 @@
+\v 3 Nto bei-phea a ngbongbo bhuake, bambisi ka mphuia sadhaka na ka phuia photo opheo.Co,akeni photo gea mmbe aso ambe na kema ndeke a phuiande.\v 4 Ngatu oba Kiisito n'aka odo ambe dakatu tanda nto bei-phea nga,kabeana n'eophi ndea mosa,a na bakpa nde baophiaga sadhaka.\v 5 Bundo baobedhanaga na bao bea nphangio na kaengeko a kodoni nde a nakobha.Atobindo Mokonga dansosi mosa kea abhedanege ka mbeno apheka a ema.Dangodi be,<<Obedanaga be to bindo dekophi kaengeko i gua mamba.>>

08/06.txt

@@ -0,0 +1 @@
+\v 6Kekende gake,ekuma ndea Yeso agu inde a bato bei-phea bune ngbo nga,ye adjukanisi ionga nde anyenyi nndo a mosa nnde tinai a ka moko anja phea ka nyenya nnde a mosa.\v 7 E ya,ionga a mosa datu na kiseki.Ka nyongo indo unge ambe aangane n'inde a koibe.

08/08.txt

@@ -0,0 +1 @@
+\v 8 Mokonga aphekeigi bakpa neke aogea be<<Mokota ayongi be:Onani esa nde aobika neonganande na ba Isilaeli photo na ba Yudha n'ionga a keke.\v 9 Longa ndo kabeku bindo deogani na batatabo esa nde de dungi ka njaga katokisa abo na Misii.Mokota ayongi goto gea,ka nyongo nde dabakataei ionga ndo aunge nedeketi gake.

08/10.txt

@@ -0,0 +1 @@
+\v 10 Co,ionga nde neoganande na ba Isilaeli mbusa a esando ungee nebisande eophi nemo subia a ubapha abo. Nedunduande photo u ka mema abo.Nebande Mokota nebo,nabo babande bakpa nemo.

08/11.txt

@@ -0,0 +1 @@
+\v 11 Nkpa sosobe abo ka bekuye na siki a goisaga ndake,kabe muna-make gea te ambe amumbe Mokota nga,bakpa bhobu bamumbhande,kpanga ka baniki na sungiaga ka bagbega.\v 12 Neimande bodjede nebo,na kekanisieeka ye ka kema nde dabagi adjede.>>

08/13.txt

@@ -0,0 +1 @@
+\v 13 Co, bi Mokonga ayongi ka nyongo a ionga a keke,ande gea te nndea mosa a ye to akala.Co kema a ye oba a kala,aongbega ande gea te obibi a kukua.

09/01.txt

@@ -0,0 +1 @@
+\v 1 Co,ionga a mosa datu photo na moango danga-danga a bhebhea a Mokonga na oma a bonjanja nnde a ka mokonda.\v 2 Ka bondo unge dabacumi endeu nde dabapheki na eme.Oma a ka mosa-mosa a endu ndo debaoophana oma a bonjanja.Subia omando unge dhababhisi obhea,meja na mokati aopheo ka Mokonga.

09/03.txt

@@ -0,0 +1 @@
+\v 3 Oma a ko i be da baoophana oma ka bodjadja phe.Mbhongo ambae aunge da katisani oma ndo  aibe.\v 4 Subi oma akoibe ndo unge dadu na miki a menja nnde bakophei na olo katoboa gae a ophea.Datu photo na sanduku a i yonga nnde dabakombei na olo oma bhubhui.subia sanduku ndo datu na mbeka nde babongisigi na olo n'na na maana subii.Datu photo na Motumbo ndea Aloni nndea daphui maya.Datu na mbete nde Mokonga da dundu eophi nde a ke kau.\v 5 Gua sanduku,datu na iii a bakelumbhi ka phangia gea Mokonga mena boabi a o a.Baka lumbhi bundo imbio a kepupe a bo daongbukumia m'bombio aomande da baduka magia ka ima a bodjede a bakpa.Co,keke nde beketomieku nyongo ka u bhibhibhi.

09/06.txt

@@ -0,0 +1 @@
+\v 6 Mbeno nde kemando bhui dadhondanigi ye,batobei-phea ndea Mokonga bangiaga esa bhi k'oma a ka mosa ka bhedanaga ekuma nebo.\v 7 Co,ntobei-phea angbongbo to aambe andiu aongia subi a oma a ko ibe mongo imoci ka saga moci.Ye,nn'aobhika mosa a Mokonga kanga a magia a nyama k'opheo a ka phoake sasake,photo a bojede nde bakpa  bagi kanga a magia a nyama k'opheo a ka phoake sasake,photo ka phoa a bojede nde bakpa bagi kanga ubha i.

09/08.txt

@@ -0,0 +1 @@
+\v 8 Bondo unge mema a Mokonga aphangi gea:Aphe a ngia k'oma a bonjanja phee kaukukanimbe mbeno nde moanga a mosa aphoto bei.\v 9 Nndo ande bea meni ka matu nnde.Ande gea te:Sadaka na opheo a banyama nn'aotoka n'atokisi bonjanja subi a mema a nkpa nde aobea moango ndo.\v 10 Nndo bhui atondo ka nyongo a kema a koea,kema a onoa na moango danga-danga  a sokosa a bojede a nkpa.Kantiti indo dasungiigi ka mbeno  nde Mokonga dabongisigi moango a keke.

09/11.txt

@@ -0,0 +1 @@
+\v 11 Co,Kiisito aambe akidi ka gea abe ntobei-phea angbongbo a kema anja nde aobhika.Angi subi a ema angbo nde ande  a bonjanja phee konyenya ndo a mosa.Ema ndo,nna bakpa baunge babongisigi na njaga abo.Ande gea ta nna kema a ka mokonda nnde baconji.\v 12 Nna gake ka nyongo a magia a buku a meme na magia a bamponjo a buku a ngombe,dabhisi ndhiu magia ake sasake ka phea,mpo a to ongia mongo imoci tondo k'oma a bonjanja phee, aosokodaga ka bojede nesu doni, beoba na boamia a meyo.

09/13.txt

@@ -0,0 +1 @@
+\v 13 Bindo,asii asosi, baokpanjiaga magia a meme na magia a ngombe na ebhu a mponjo a ngombe nkei mmbe bantobu gu a bakpande ba gi bojede.Mpo bojede a ka nyama abo aotoka.\v 14 Co,kabe nndo bui n'ande doni,ande gea te magia a Kiisito a na bukpekpe phe konyenya nndo bhui. Nga,ka mema a meyo,Kiisito dabhisi ende a ke sasake ka Mokonga be a nyama aphe nde nna na kidoti.Magia ake aunge aosokosa ubhapha asu katoka k'aphe nde asobotea ka kukua,ka gea bembendanege Mokonga mmbe aoenda.\v 15 Ka nyongo         indo unge Kiisito ande moonganisi a ionga a keke.Daku ka tokisa a bakpa a boyede nde da baogea u ka mbeno a ionga a kala.Ka bondo bunde Mokonga eophani batoka na batoi nkuba nde beoku nnde kaujukaneka.

09/16.txt

@@ -0,0 +1 @@
+\v 16 Nga,omonde baoba a gabhisana a nkuba a bei,aanja boengekise gea nkpa nde adundu baoba ndo aye n'aku.\v 17  E ya,baoba a gabisana a nkumba a to na kantiti ambe mene i aku.Agake oba na kakumbe,baoba ndo ka bimbe na kantiti.

09/18.txt

@@ -0,0 +1 @@
+\v 18 Ka bondo unge nanga ionga a kala dakakpangimbe kanga a duukana a magia.\v 19 E ya!Mosa datomi a bakpa bobhu moango danga-danga bindo eophi asosi, pho aobeda magi a mponjo a ngombe na magia a muku a meme,a photo obeda ibo.Aobeda gbutu-gbutu a me nde baophana isopo,aoboaga na mgoi anje,ao kanisaga u ka buku nde dadundu eophi subii.A photo ocadisiaga bakpa.\v 20 Oa,n'aoyonga be,<<nnde ande magia nde aengekisi ionga nde Mokonga dabhisi sosobe ake na benu ka gea te boambe u.>>

09/21.txt

@@ -0,0 +1 @@
+\v 21 Dagi photo bogu a eme na gu a nkumba bui nde daobhedanaga ne k'ekuma a Mokonga.\v 22 Co,ande bea bindo eophi asosi gea bojede bhubhui a to otoka ka duukana a magia.Aoba magia na kaduukanimbe ande gea bojede kaimikimbe.

09/23.txt

@@ -0,0 +1 @@
+\v 23  Co,kabe moango ndo unge aotokisa bojede a kema nde atondo iii ndo ana kobha,akeni gake kodoni a kema a na koba a be na phea nde a anja phee konyenya indo.\v 24  Co,Kiisito dakangi oma a bonjanja  nde bakpa bapheki na njaga abo.Nndo a to iii a oma a bonjanja ndoa doni.Angi ndiu doni na kobha,oma ande ye,keke nde a ye mami mosa a Mokonga ka phoasu.

09/25.txt

@@ -0,0 +1 @@
+\v 25 Nga,tobei-phea a ngbongbo ndea ba Yudha aoga k'oma a bonjanja phee mongo imoci ka saga bhui.Aongia na magia a nyama.Co,Kiisito kangi gake na koba ka gea  abhise enda ake k'opheo mongo asii;\v 26 Nga,atuoba n'abo,ambe datambigi mongo asii kpanga a konja a mokonda.Co,kekende ka mbeno a sungiaga,Kiisito aonekani to mongo imoci ka gea aime bojede ka bii ye sasake aku bea nyama aphea.

09/27.txt

@@ -0,0 +1 @@
+\v 27 Bii nkpa bhuake ato okua mongo imoci,mbusa a kukua Mokonga aotena nyongo neke,\v 28  A to bindo Kiisito dabisi to nyama ake mongo imoci  ka ima a bojede a bakpa basii.Asenekaeka goto goto mongo a ko ibe.Seneka ndo,kabeku ye kaima a bojede abande ndiu ka amisa abunde bao mbondeaga.

10/01.txt

@@ -0,0 +1 @@
+\v 1 Eophi ndea mosa a to na imbio a kema anjanja nde aobhika.Nna gake ophangia kodoni a kema kau.Na nga bakpa bakuia opheo ndo ka saga bhubhui,nna tanda otokan'aimi bojede a bakpa nde baobhika mosa a Mokonga.\v 2  Atukoba n'aotoka, ambe bakpa nde baobea moango ndo, Mokonga aoima bojede nebo mongo imoci tondo.Ambe baka ye kooyoka batoa-bojede na bakatu ye ophuia k'etete a opheo.\v 3 Co,ka opheo ndo,bakpa bandiu okanisia bojede nebo ka saga bhubhui.\v 4 Nnde ande ka nyongo nde magia a muku a ngombe na muku a meme nn'aotoka n'atokisi bojede.

10/05.txt

@@ -0,0 +1 @@
+\v 5 Ka bondo unge,mbeno angia a Yeso ka mokonda dayongi gea,<<Dokokondi opheo na sadaka,o ndiu o conja nyama a kokpa ka phoni.\v 6  Opheo na sadaka a ima a bojede kaobengei.\v 7  Deyongi be,co,eme ye, nebiki ototokisa kema nde obe Mokonga okondi nga,bondo unge badundu ka phoani subi a buku neko>>.

10/08.txt

@@ -0,0 +1 @@
+\v 8 Kiisito dayongi pho be,<<Obe dokokondi opheo,sadaka,banyama a toboa guu a ete opheo na sadaka a ima a bojede, nndo dakaobongei>>.Nga opheo ndo bhui,eophi ndea mosa to unge a sosi.\v 9  Mpo Kiisito a goto otutuisa yonga be, <<Co, eme ye,nebhiki ototokisi kema nde Mokonga okondi.>>Oa,Mokonga aophuia mongo a kala ka bhisa nnde a keke.\v 10 Co,Yeso atotokisi kema nde Mokonga dakondi.Aophisa nyama ake sasake to mongo imoci ka phea.Ka nyongo indo unge bojede a ka mema asu aimiki.

10/11.txt

@@ -0,0 +1 @@
+\v 11 Ande doni gea,ntobei-phea bhuake ao mamaga esa bhui ka bhedanaga ekuma neke.A photo ophuiaga nkoko a opheo nde nna tanda otoka ima a bojede.\v 12  Kiisito dabhisi ndiu nyama ake sasake k'opheo imoci tondo ka ima a bojede.Mbusa a i, aoika ka njaga a muku a Mokonga ka saga na saga.\v 13 Oa unge aobondea gea te, Mokonga aobhise babibia neke kusi a ecinji ake.\v 14  Ka sadaka ndo tondo moci,aina a bojede k'esa bhui ka bunde etangi batoa-bonjanja.

10/15.txt

@@ -0,0 +1 @@
+\v 15 Mema a Mokonga photo asodigimisii bii a yongi pho,\v 16  <<Mokota a yongi be: Nnde ande ionga nde neongani na bo mbusa a b'esa ndo.Nebhisande eophi nemo ka mema abo na dundua i ka ubapha abo.>>

10/17.txt

@@ -0,0 +1 @@
+\v 17 Goto,<<Kekanisieku bojede nebo na tambea nebo ajede>>.\v 18 Co,kabe bojede n'aimigi,sadaka aima bojede nna ye na kantiti.

10/19.txt

@@ -0,0 +1 @@
+\v 19 Co baya!Ka nyongo a magia a Yeso unge beke na ka ngaka  ka ngia k'oma abonjanja phee.\v 20 Ye asokodei aphe akeke a boamia ka nyenyea bhongo a gbae a endu a Mokonda.Bhongo ndo ande nyama ake sasake.\v 21 Co,bena ntobei-phea angbongbo mmbe emamei batoa-Mokonga.\v 22 Kabundo,bembhiimisieni Mokonga na mema a kodoni nnde atumi na beekea,photo na nyama nde besokoni u na ibo nde a anja.

10/23.txt

@@ -0,0 +1 @@
+\v 23 Beambeni akpe nsebeo nesu nnde beotomisiga mosa a bakpa nga,Mokonga nn'aotinganisa moko neke.\v 24 Beengani ka gea te nkpa na nkpa atotokise ekondi na ekuma anja ka dhake.\v 25  Bekedeketembe dhondanaga kimoci bindo bakpa  buangbo baembani na deketa i.Bekpagisanegeni goto phee nga,boonigea esa a ja a Mokota a ye to bhibhi.

10/26.txt

@@ -0,0 +1 @@
+\v 26 Co,aoba na bebeeki sekisiaga a bojede mbusa a ubha bhase kodoni,nna ye na phea nde abei ka ima a bojede.\v 27 Kema nde ajigi gake a to bondeaga a tena nyongo akpe nnde aobangisa,photo na nsa angbo nde eekekisagande babibia ndea Mokonga.

10/28.txt

@@ -0,0 +1 @@
+\v 28 Bakpa babe babe kabe basao aoba na bamamei nyongo a nkpa bhuake mmbe datingiigi eophi ndea mosa,baommoa nkpa ndo kanga ngomi.\v 29  Co,bookanisia bo?Nkpa nde aom'benjiaga Muna-Mokonga, kakeni bantambisisege akpe phee?Nga,ye nn'aoona kantiti a magia a ionga nde aimi bojede neke,abhomi photo Mema mmbe asoubhisi bonjanja ekondi ndea Mokonga.

10/30.txt

@@ -0,0 +1 @@
+\v 30 Nga,beomuubha mmbe dayongi, <<Eme aambe negisiande,eme aambe nepheande.>>A goto oyonga gea, <<Mokonga atenande nyongo ndea bakpa neke.>>\v 31  Co,ande ngomi ka nkpa nde Mokonga mene a bukpekpe aotena nyongo neke akpe.

10/32.txt

@@ -0,0 +1 @@
+\v 32 Kanisiani pho kema nde datotokeani ka benu mbeno nde dobotoi oanga ndea Mokonga.Mbusa a indo abhoa bootambaga akpe phee,bo gake  ophiphia u.\v 33  Bakpa bunengbo sosobe anu dabakpangi pho bhoma abo na tambisaga abo mosa a bakpa bunengbo sosobe anu boogama bunde dabaotambaga.\v 34 Nga,dobokui ngomi dunde dabatu ka mekako.Bo photo obeekea na maseye uta a nkumba nenu ka nyongo nde dobouubha gea bona etoi anja phee nnde nn'auujukana.

10/35.txt

@@ -0,0 +1,2 @@
+\v 35 Bokodeketembe nsebeo nenu nga,ka nyongo indo unge botoande ophendo angbo.\v 36  Co,akeni bobe na moingi mpo bototokise kema nde Mokonga akondi ka bondo unge botoande kema nde danooku.
+\v 37 Badundu subi a buku a Mokonga be, <<Ajigi mbeno abhoa phee ka gea mmbe aobhika,abhiki to,kaiphie ku.

10/38.txt

@@ -0,0 +1 @@
+\v 38 Nkpa nde ande ntoa-doni mosa ani,aendande ka nyongo a beekea.Agake oba n'ecoe,mema ani kabeku na maseye ka ye.>>\v 39  Beke bakpa nde beocoa ka beekea na ga bungaga.Be ndiu bakpa nde bem'beeki Mokonga ka gea te asoamise ka mema.

11/01.txt

@@ -0,0 +1 @@
+\v 1 Beekea a Mokonga ande digimisa kema nde be ye to na besebei.Ande photo ubha a doni gea bekeoona atotokeanande.\v 2 Ka mbeno a mosa,Mokonga daebeeki batoa-kala ka nyongo a beekea nebo.\v 3 Ka nyongo a beekea aunge beubhi gea te Mokonga daconji mokonda k'esa ake nga,kema nde beoona datotokeani k'inde nna oonekana.

11/04.txt

@@ -0,0 +1 @@
+\v 4 Ka nyongo a beekea,Abeli daphui phea anja phee ka Mokonga konyenya nnde a kaina.Ka nyongo a beekea ndo unge Mokonga ayongi gea Abeli ande ntoa-doni nga,Mokonga dabeeki phea neke.Nanga bii Abeli aku ye,beekea neke aphoto n'aosophea.

11/05.txt

@@ -0,0 +1 @@
+\v 5 Ka nyongo a beekea ndea Enoka, Mokonga dantoisi na kobha na kaku.Dakaonekani ye nga,Mokonga aambe dantoisi.Buku a Mokonga ayongi gea,mosa a ga ake na ye,Enoka daogea kema nde daom'bongea Mokonga.\v 6 Co,kanga a beekea nna na nkpa nde aotoka n'ekondisigi na Mokonga.Nkpa nde aombhiimisia akeni abeekee gea te, Mokonga a bei.A photo ophenda bundo baonkaba.

11/07.txt

@@ -0,0 +1 @@
+\v 7 Ka nyongo a beekea ndea Noa, Mokonga dantomigi nyongo a kema nde dakaonimbe,aobeekea nyongo nde Mokonga ayongi kanga a ngaka,aoseka koko angbo ka amisa ake n'ekombo neke bhui.Ka bondo unge dateni nyongo a batoa ka mokonda akpe.Ka nyongo a beekea, Mokonga aontanga ntoa-doni.

11/08.txt

@@ -0,0 +1 @@
+\v 8 Ka nyongo a beekea,Abhalaamu dabeeki mophani ndea Mokonga gea te,atoke ka nji neke age ka nji nde Mokonga  damoku gea atoe u ka botiko.Abhulaamu aotoa kanga ubha oma nde aoga.\v 9 Ka nyongo a beekea,dage koika ka nji amoko ndo bea mokeni.Daiki ka ema k'imoci na Isaka na Yakobo bunde dabatoi to moko ndo moci ndea Mokonga;\v 10 Nga, Abhulaamu daobondeaga nji nde Mokonga daangi na dakumi ngeo i akpe mbeno a mopheko i.

11/11.txt

@@ -0,0 +1 @@
+\v 11 Ka nyongo a beekea,sala photo ka kophomi ake datoi bukpekpe a kumba a eme nanga bii datu ngomba.Datu bondo ka nyongo nde dansebei Mokonga,mmbe damoku gea te,abande  ama k'ebokoti.\v 12 Ka bondo unge ka nyongo a nkpa moci, mmbe daphomi ye to phee,aoba n'ebokoti n'abiki bea baseengoa na bea mbume a ka mpephe a obenge nnde nkpa nn'aotoka tanga i.

11/13.txt

@@ -0,0 +1 @@
+\v 13 Subi a beekea nebo,baokua bobhu kanga toa a kema nde Mokonga deoku.Co bo,dabaoni gake n'a photo danga,baosesea u.Mpo baodigimisa gea,dabatu bakeni,nji nesu nna ka mokonda.>>\v 14 Co,bakpa baoyonga bo,ambe baphangisi bhase gea baokaba nji nde baendande ka u bea nji nebo a bokoteana.

11/15.txt

@@ -0,0 +1 @@
+\v 15 Atuoba na bakanisi nji nebo a kala, ambe dabatu na mbeno aja abo ko.\v 16 Eya,dabakondi ndiu nji anja phee,ande gea,nji a n'ego.Ka bondo unge Mokonga nn'aokua na soni a ophana ake Mokonga nebo.A bo ka nyongo nde Mokonga dabongisigi ka bo nji.

11/17.txt

@@ -0,0 +1,2 @@
+\v 17 Co,ka nyongo a beekea,Abhalaamu damphui Isaka ka phea mbeno nde Mokonga dantombisi ka digimisa a beekea neke.Nanga bii dantoi ngomu ndo ka moko.
+\v 18 Mokonga aongea,<<Ka beana na Isaka aunge obande na basuko basii.>>\v 19 Nga,Abhulaamu daoubha te Mokonga ana bukpekpe a jujukisa a nkpa n'aku.Ka bondo unge Mokonga dansikisii anake. Nndo ande bea mphangio a jujuka ka kukua.

11/20.txt

@@ -0,0 +1 @@
+\v 20 Ka nyongo a beekea,Isaka dabhiki njaga gu a Yakobo na Esau nnde atomi nyongo nebo nde abhikaeka.\v 21 Ka nyongo a beekea,Yakobo mbeno nde datu bhibhi a kukua,aobhisa njaga gu a bana-Yosephu gbogbo abo,aombhebha Mokonga n'etumii ka sese a motumbo neke. \v 22 Ka nyongo a beekea,babokoti a Mosa baonsomea ka basonge basao,mbusa a bokotena ake nga,dabamoni mbenje na anjanja.Dabakabangi gake eophi ndea moame.

11/23.txt

@@ -0,0 +1 @@
+\v 23 Ka nyongo a beekea,babokoti a Mosa baonsomea ka basonge basao,mbusa a bokoteana ake nga,dabamoni mbeje na anjanja.Dabakabangi gake eophi ndea moame.\v 24 ka nyongo a beekea, Mosa, mbeno nde datu nkpa angbongbo, dakakondi bamophane gea ande muna-nseka nde ba moame Phalao.\v 25 Dakondi ndiu gea,atambege kimoci na bakpa ndea Mokonga.Aoya ba na maseye ka mbeno a bhoa ka bojede.\v 26 Daubhi gea,tondea ake bindo dabantondii Kiisito,ana bokambia angbo phee konyenya etoi bhubhui nde datu ka Misii nga,daobhisa mophe ake k'ophendo nde Mokonga amphendande.

11/27.txt

@@ -0,0 +1 @@
+\v 27 Ka nyongo a beekea,Mosa datoki na Misii kanga a banga esuia ndea moame. Aosuia u bea nkpa nde aomoona Mokonga mmbe bakaomoona n'iso.\v 28 Ka nyongo a beekea,Mosa dagi Pasaka a ka mosa-mosa, aososea ba Isilaeli gea basie magia ka iganga a endu nebo gea malaeka a kukua kemembe ba anga ba Isilaeli.

11/29.txt

@@ -0,0 +1 @@
+\v 29 Ka nyongo a beekea,ba Isilaeli dabajabhi obenge a otona,n'aphu.Bii ba Misii dabakengi gea bo,obenge aomia, baotinda bobhu ko!\v 30 Ka nyongo a beekea,ba Isilaeli dabatimbi Yeiko ka besa ngia njaga(6).K'esa a ko ngia njaga ibe(7),bogao a ete nnde datimbi u aongbookana.\v 31 Ka nyongo a beekea, laabha nke a iebe dakaku kimoci na babibia ndea Mokonga nga,deesesi anja basoni-emani.

11/32.txt

@@ -0,0 +1 @@
+\v 32 Co,neyonge ye goto bo?Ke ye na mbeno a tomiaga nyongo moci-moci ndea Gidioni, Balaka,Samusoni,Yephuta,Dhaudhi photo Samuele na baotu-nyongo.\v 33 Ka nyongo a beekea nji ndea baame. Dabaobhedanaga ka kokota nebo na kodoni na toa a kema nde Mokonga daoku. Bakpa buangbo dabadaki aphe-noko a basimba.\v 34 Bakpa buangbo dabakasidi mbeno nde dabemaki ka nsa a kae.Bakpa buangbo dabatu bauka ka mbeno a emani ka beaga ekombo ndaea bakeni.

11/35.txt

@@ -0,0 +1 @@
+\v 35 Datu photo na ka bake nde dabeboni goto bundo dabasi na bajujuki ka kukua. Bakpa buangbo gake bii dabetumigi baokua,baoya gea bakekodembe.Dakondi to kukua,ka nyongo nde dabakondi ndiu jujuka ka kukua,baoba na enda anja phee a meyo.\v 36 Buangbo goto dabenephei na binda abo.Dabeboege na ngoi a ngoa baomakea ka mekako.\v 37 Baobeta buangbo n'ete baokua.Dabetenigi buangbo na ngea gbutuka ibe.Dabeme buangbo na pindi.Buangbo dabaokoba na baoli mpoko a bamogogo na nnde  bameme.Dabaendi ka kiuka,tambaga na gea a bojede ka phoabo.\v 38 Eya,mokonda dakakenani na bakpa bea bundo.Dabaondandabiaga ka nkankda na mamba.Baoda ka kubhu a ete na kubhu a odo.