adn_reg/42-MRK.usfm

\id MRK
\ide UTF-8
\h MARKUS
\toc1 MARKUS
\toc2 MARKUS
\toc3 mrk
\mt MARKUS

\s5
\c 1
\cl Pasal 1
\p
(Yohanis Pembaptis Okarisang)
\v 1 Hooro mateng fetan oa ai nang med Yesus Kristus ba, lahtal ai ho ei araham.
\v 2 Orupaba, hul mong nabi Yesaya o kitap ommi honi: "Nedun, nanome ba na ahou ey ho nasotur tahau samam, sari horofe masak sekbur panen med ereeng; \f + \ft Maleakhi 3:1 \f*
\v 3 Ainu mong laboknu ani gurun nomi toh lofe eh: sekbur panen med lahtal ereeng, sekbur anok mulang med araham." \f + \ft Yesaya 40:3 \f*

\s5
\v 4 Okmudmi honin hee, Yohanis ba name ofail anok sarani ho, ara mong gurun hami horo hee, salofe iomfom e ma na ifail, haninfe lahtal idot uampo.
\v 5 Selfo araham ho, nameba ara mong Yudea med Yerusalem mi ho, hok sobarpi Yohanis abung sodot sokahal ubang nok horo hee, Yohanis sipi afail mong Yordan mol mi.
\v 6 Yohanis ofenho, unta o uil fe, name obeng ho gar anok bolang amfe, anok kod mate, sama. O sapu uil ho tifah, o named ho, fain sey med kafe.

\s5
\v 7 Yohanis saneme tofang ara huktang, mipanekta honim hee ainuba minak tinok nemotaho hok malik hel okalom hei horo afetangdi sah.
\v 8 Nariho na seyfe puin ifoil, sobo sariho, saroh bolang fe puin ifail. (Yohanis Yesus Afoil)

\s5
\v 9 Selho araham ho, Yesus mong natsaret mo hok, Galelia mi, nak horo hee Yohanis Yesus med Yordan sei mol homi afoil.
\v 10 Mangsei mi hel nok hee, Yesus dan honi hee burang sariduring, a med Roh ho orupa aiu uklo honi hel Yesus arita.
\v 11 Nok horo hee saalepang honi hee amang pak nu sorga mi hok, Arihoro no ai nomhel, na ari u karang." (Setang Yesus Pate)

\s5
\v 12 Mangnok horo he Roh Yesus arasam gurun palik mi Yesus ara mong labok gurum homi ho olufang tareng erut, setang ari.
\v 13 Mong labok gurun miho Yesus ara eleme ho mi olufangho tereng erut, seta ari pate. Yesus ara monghemomiho binanta falefang tofang o anai med mala ikat hok sana ubaleta. (Yesus ara mong Galelia Mi)

\s5
\v 14 Yohanis nem mangapain hee Yesus hok Galelia mi mateng fetang ba lah tal mi ho saumateng.
\v 15 Saubang: sel anam lalital obang soem ho fanangam iomfoni mateng fetang udume." (Yesus sosakola Aibar Olofe oa ai Nanang)

\s5
\v 16 Selmu mi ho Yesus lame-lame mong danau Galelia tut ho ta, Yesus sa Simon med odiail, Anderias, Ahol, Sipi danau homi puko feu eh feduk sipiho name ablap oname.
\v 17 Nok horohee, Yesus sipi ara mateng, mae nataain honie naihau namenok fe puku tafeu.
\v 18 Simon med Anderias hano noang sopuko meng horo hee fa ata ain.

\s5
\v 19 Sel ho mi sa lame miu lelet apitek hee, Yesus dan Yakobus bo Sebedius o ai, med adiail Yohanis ho ahol, ara ei ta sopuko ano noke.
\v 20 Sohoromi hee, Yesus ha nonoang sipi olofe manghoro sipi somang Zebedeus med name sipi ara mih ho med homi eita amihing horo hee sipi sam Yesus ata ain. (Kuasa Yesus ommi Afom Apahang)

\s5
\v 21 Horo hee sipi Kapernau mio heir horo sel palol asel mi, sohorohee Yesus med aome bang omle med name afom apahang.
\v 22 Name omupir o fompak mateng pak maeh fedek sa name a fom ho, arupa mangfedek name okti ti nok honi e mang fedek ahli taurat honi nene.

\s5
\v 23 Selho arahamho, mong kumpulan banghomi ailote mu setang ari tamang horo hee sabeat,
\v 24 samateng, "Yesus ariho natsaret hinung habaso sah piknai ho mi? Ahal a hok ho ahok nimine soti? Na ihol ari horo bolang lahtal mihok!"
\v 25 Sobo, Yesus asiud, ara mateng, por! haraain aiho ommihel!"
\v 26 Selhomi Roh ariingho aiho odang beat hel teeng.

\s5
\v 27 Namenok tofong om upir horohee sipi satan hooni, naba soe? Fompak habar nu bo okuasa ra! Yesus roh sah ho ahouhel roh sah ho ata ain."
\v 28 Sohoromiho hamoi lamail mitoh horoba Yesus ani ho lil Galelia palikho mipir. Simon oobofo med name tofang anok Birang

\s5
\v 29 Sipi mong kumpulanbang homihel Yesus med Yohanis sammong Simon e Andrias o bang mi.
\v 30 Simon o ob ofoho tareh ho asel mode tasok. Sipi sohoro hee obto opan atanho a Yesus ara mateng.
\v 31 Yesus sammong abto emele abung homi sohoro he sa obto ho saatang mi puin bakungtoh, horo hee otasokho suhuin - sohorohee obtoho sipi u baleta.

\s5
\v 32 Fed mud dil pana honi hee, sipi name mode med name setang tamaho arahok Yesus abung.
\v 33 Sohomi horo hee name tofang sipi o lubang ara sear homi.
\v 34 Yesus name mode tofang-tofang ho anok birang nok horo hee sasetang ara lil; sasetang nun ho ehap haai mateng, fedek sipi ahol. (Yesus Saaome nokhe sa Fompak Umatang)

\s5
\v 35 Lalami ba dilsel tabarung Yesus satel toh sam emele oh nu mi, horo hee sa hemomi a ome.
\v 36 Sahoro hee Simon med o bengta ho sam Yesus lap.
\v 37 Sipi manglap ahol horo hee sipi Yesus ara mateng, name tofang arilapeh.

\s5
\v 38 Sohomi ho, Yesus sipi aramateng, mapi sam bang palik o fanang homi honie na, fom pak ho med sipi di ara mateng fe, fedek hooro eife nahok.
\v 39 Mang horo hee Yesus sammong lame Galelia ho mipir. Yesus fompak ho ubang mong name o kumpulan bangha mi nok hee, sa setang ara lil. (Nape hape Burang anak Birang)

\s5
\v 40 Ai nuba mode hape burang anok ho hok Yesus olap-sari ainuho sasefaur muding Yesus ekfa selmi nok he sa Yesus abang ara mateng, mang fedek a inungso, a nohape burangho anok suhun.
\v 41 Mang horo he Yesus odamur farufing asel ommud, horo he Yesus satang ahodfa, aiho ator nokhe Yesus aino aramateng: Na inung, noamba ohape burangho suhun.
\v 42 Sosel horomi he ai modeho ohepe burangho suhun.

\s5
\v 43 Yesus aiho ahou hanoang sam bo daiehho Yesus aiho ehap. Yesus aiho ehou hanoangsam bo daiehho Yesus aiho ehap.
\v 44 Na aramateng, nahoo eiho mangano horodi naden u sipi ara mateng nene. Sobo, sam afah ahirho imam etub nok hani he onaba so ara apeu med obirangho arahan mang fedek Musa uparenta eh honi anok utub umaring sipi ahou hol.

\s5
\v 45 Honin sobo, aiho sam horo he sasarinaho bit nok horo he samang umatang lame eleme arian. Horo eife, Yesus epetan petang sam kota leam nene, sabo samong lulingmi, mong eme ohfe mi, name tofang-tofang mong emele arian araho solame hok Abung.

\s5
\c 2
\cl Pasal 2
\p
(Yesus Doit uampo Med name tuung ano Birang)
\v 1 Sawi Selho mangmi alai, Yesus saborho Kapernaum mi, name maeh bite.
\v 2 Sari ara mong bang miam. Nang horo he'e name to fangho lubung bang om homi afeng alihing sam mong sear adilefa, horo he'e sa fompa ho u name ara mateng.

\s5
\v 3 Horo he'e name pirut aitu unghod nu ho supi tefang olapho.
\v 4 Hunin sobo supi olap fa sah fe'de name sari buir mang horo he'e supi Yesus emota ho mi bang ado ari, mang during horaham ho supi arahel atarang.

\s5
\v 5 Sari ho arahan ho, Yesus dun supi oudume ara, sa ai tuung hod ho ara mateng, o no ai o done ho na uampo am.
\v 6 Hunin sobo Ahli Taurat aynu ho mih som mi tanut,
\v 7 Minaba e fe sa mateng ho nin u bang? Sasano lahtal solo ano hunin horo fe doie nunho nampo no?

\s5
\v 8 Yesus supi om aho o hamoy bokang fe alay. Sa supi ara mateng minaba e fe tanut hunin ho ara iom mi?
\v 9 O taro ro horo mino, mateng med name tu ung hod ho ara ham, ro doie nonho na uampo, em na ubang ho toh, eme ho tefang e lame?

\s5
\v 10 Hunin e i ahol name no ay ho o kuasa ara palile mate mi puin doic nun ho uampo." Yesus ai tuung ho ara mateng,
\v 11 Na ara mateng: toh, o buh med, abor obang leam.
\v 12 Ai tuung hod he meng horo hee sahir toh. Sa sobuh med no sa hel luling lehel name tofang arahan homi. Name homiko barpi lahtal o tino ahel horo hee supi lahtal ani utarain, hero hee supi ubang ho na honim ho niday ahol. (Lewi Yesus Ataan)

\s5
\v 13 Yesus foil sam mong Danau adileam, horo he e name ho barpi ulubung lubung horo he e Yesus name he afom apahang.
\v 14 Yesus lame fa eh, sa dun Lewi ahol, Alfius o ay, mong pajak mana emele mimieh. Horo, hee Yesus ara mateng, maeh nataain, mang horo hee Lewi sahirtoh mang ataain.

\s5
\v 15 Yesus mong name Lewi o bang mirah naade eh, o om mi ho name pajak u falihing di ara lafoh emeid name do'e e ahal panen di ara, bang homi am fe supi ham-ham Yesus ara naade med. O sakola aibar nun ara. Asel ho name tofang di ara, mang horo he supi Yesus atain.
\v 16 Sari sel ho aura ham ho Ahli Taurat oy nu ho supi ho Farisi hinu dun sam hunin hee Yesus, name doit ahal panen e'med name pajale utalihing. Sara ham mih navade eh, supi Yesus e sakola aibar num atan. Mitarale nin fe sa name pajak talihing e med name doie panel ho ara ham-ham Naade?

\s5
\v 17 Ho ara ham ho Yesus supi o mateng maeh sa o, aborho, namebirang ho elafurung lap nene hunin sobo naime ba omade horo name lho, e name abul nonho na ho olofe nene, sobo name doie ahal nun horo. (Puait Utaain)

\s5
\v 18 Yohanis o sakola aibar e med Farisi hinung supi malihing atep. Name oynu ho atan minaba e fe Yohanis asakola aibar e med name Farisi o sakola aibar sara malihing atep, honinbo osakola ai bar ho emalihing atep mene?
\v 19 Horo hee Yesus supi omateng abor, abul em alay pengantin lote tenang elbar ho puae ataam honimsobo pengantin lote ho dai ham-ham supiara? Pengantin lote ho supi dai sara ham-ham e, supi ho pau ade nene .

\s5
\v 20 Hunin sobo o hain maeh pengan lote ho name med, sari hair huni horo supi cuil puae hene.
\v 21 Fen habar ho puin fen pah ba peh am ho bulang ho name e panen eh nene. Asel ho fen habar ba puin fen pah peh bulang ko sa uilpeh, no he o'peh ho sa mang mate ta.

\s5
\v 22 No hee name Anggor baru ho e med kantong kukit ba paham ho e mi ahuin eh nene. So atino ahol fe hee. Anggor ho sauit kantoni med kantong kulit homi hee sa uilpeh hunin fe Anggor e med. Kantong ho so alo sah foil o bor mi anggor habar ho med kantong kulit habur ommi taro." (Yesus ho Tuhan hair palolsa Emota)

\s5
\v 23 Hair sabat nu arahan Yesus aha dil mi lame, alai salame om ho miho o sakolah aibar tabubul ala atir.
\v 24 Horo hee Farisi hinu atan, aday edun, minaba e fe supi naho panen naho hair sabat alahaun?"

\s5
\v 25 Horo hee sa supi o mateng abor i sura bolang ho taam am emday, naba hunin horo fe daut panenam ho, rarahan sari med, o name nun ara fetang ho kurang bo med malihing?
\v 26 Mitaroknife sa lahtal o bang om ke mid. Sel ho arahan ho abiata mate puin sari ho imam mate horo hee roti ba persembahan ho imam-imam so adeno hunin sobo roti ho supi foil med name nonun ba supi abung hoen?"

\s5
\v 27 O'ataan hunin hee Yesus, Farisi himung arama teng hari sabat ho sa panen med name no arahan, e med heir sabat ho arahan nene sa emola.
\v 28 Huninfe, nameno, ai horoba Tuhan, hunin fe, hair sabat ho sa emota.

\s5
\c 3
\cl Pasal 3
\p
YESUS HAIR PALOL MI NAME ANO BIRANG
\v 1 Sel nu mi Yesus sam A'ome bang leam, sari o Sinagoge, om le'mid he e name mode nu ho atang habuden min.
\v 2 Sipi Yesus ho edun, Ai ho ma atino name mode ho' anok birang nok em ha'aimi ho name mode atang den le min. Hemo mi ho name Yesus o ahal ho edumeh fe de hair ho hair bolang. mang fe'de Yesus name mode ho ano birang. Honi e sipi Yesus ho o se'bur lap.

\s5
\v 3 Yesus name mode ho olofe. so nok Ahritoh nameno tofang o anai homi.
\v 4 Yesus ubang ho Hair Bolang om homiho Pi nanok panen horo abuleme, "Nasah panen horo abul? name ano illuling eme name amine?" horo he'e, sipi por.

\s5
\v 5 Mang horo hee Yesus ai ba atang den'le min ho o love, Sono atang ahir. horo hee ai mode ho satang air birang med.
\v 6 Sel ho araham ho name Farisi sahir toh sam Herodian ara som nu honi sipi Yesus o'sebur lap amine. NAMENO TOFANG YESUS O'LAP MA

\s5
\v 7 Yesus sahir toh so sakola aibar ho let mong sei a'lofe honi sobo name tofang ba Galilea om mi ho barpi Sari ve ata'ain sari ho name Yudea mi,
\v 8 Yerusalem mi, Idumea, med mong vale Yerusalem mol, Tirus med Sidon, name tofang ho barpi Yesus omateng pa ata'ain lap ma.

\s5
\v 9 Fekde name no tofang bi, horo Yesus so sakola ai'bar aramateng hi ey nu med ere'eng honi supi ha'ay Sari amu'muin e.
\v 10 Fekde Yesus name no tofang anok birang, honi sobo name no' tofang ba mode om mi'ho dai mateng eh uil-uil sipi di Yesus ho o'lap ma ator honi e sipi birang ho ahol.

\s5
\v 11 Sobo name oba roh sah om mi hodi ma, u'ada' ahol med araham, honi sipi di ahol, "Ari horo so atino Lahtal ai!"
\v 12 Horo he'e, Yesus sipi e, hap' ha'ay ubang ho Nari so honi e. YESUS SAKOLA AI BAR AIRNU FALING ALO U TUB

\s5
\v 13 Mang horo e Yesus doe ta mid name o lofe barpi ma o inung ata'ain ho so barpi ara olap ma.
\v 14 Sa so sakola pir air'nu faling alo barpi ara tohuil honin e sa sipi ahou name afom apahang,
\v 15 honin am fe o kufa med sipi en, honin sipi puin setang-setang nu ate'tel.
\v 16 Yesus sakola ai bar airnu faling alo u tub: sari ho Simon Petrus,

\s5
\v 17 Yakobus, Zebedeus o ai, med Yohanis, o di ail Yakobus. sari horo Yesus ani den Boanerges, o lel he'e "Guruh o ai,"
\v 18 Anderias, Filipus, Bartolomeus, Matius, Tomas, Yakobus, Alfeus o ai, Tadeus, Simon name Zelot,
\v 19 med Yudas Iskariot, A hu sah. YESUS O KUFA HO LAHTAL MI HO.

\s5
\v 20 Mang horo he'e, Yesus sam bang nu lemid, horo he'e name no tofang ho o lubung, horo he'e Yesus e med O sakola ai bar ara na'ade sah.
\v 21 Horo fe Yesus O keluarga ma eh ho sari u tanut e no nene, sipi om ho Yesus ho sipi uil ara sam ubang hani arasam.
\v 22 horo he'e Ahli-ahli Taurat ba Yerusalem mi ho sipi ubang ho, "sari ho Beelzebul om mi am!" med "Sa setang o kufa puin setang ate-tel."

\s5
\v 23 Mang horo he'e Yesus sipi o lofe barpi ho' honi am fe Sa apapail puin, "sari ho taroni fe setang puin setang ate-tel?
\v 24 Mang fekde bang nu pali nu tari butung sa e sobo-bom sara mali.
\v 25 Med, mang fekde bang nu tari taberang sobo-bom, bang pali ho tari sah.

\s5
\v 26 Mang fekde setang sahir toh sobo-bom tari taberang, sa e sari tahang nene, honi sobo o mateng o lurung ho o amuid mi.
\v 27 Name nu di e berani nene, sam name kufa o bang le'am, obit kawaic ho u tot, asala o a'ainang ho sa name kufa ho apeid, e honi am fe sa obang ho ad no."

\s5
\v 28 " Na na, o'tino ho ubang i'ramateng, name no air'nu ba doic ahal panen fani med at mi hel ho u ampo no.
\v 29 Honi sobo, ano sari so Hamoi Bolang ho ara kalufe sari ho o ampo a'ay, honi sobo sa ahal fekde doic so em.
\v 30 Fekde, Taurat o'om hul sipi ubang ho, "hamoi sah om mi. YESUS O LELANG ABUL

\s5
\v 31 O ata'ain honin he'e, Yesus ofo med o uding bar ho luling mi toh, sipi ahou Yesus o lofe.
\v 32 Ho araham ho name no tofang Yesus e fading efalofe mi mih, honi'am fe sipi mateng, "Edun, i'fe med o uding bar luling mi ari lap eh."

\s5
\v 33 Horo he'e Yesus sipi o mateng abor, "Anohoro nife med no uding bar?"
\v 34 Honi am fe Sa mateng Ne dun, i'ri mih eh horo nife, med i'ri mih eh horo No uding bar!
\v 35 Fekde, ano name nu so Lahtal o parenta ho alol ata'ain nono sari horo No uding lote bar, med No uding ob bar, honi sari horo Nife."

\s5
\c 4
\cl Pasal 4
\p
TUA NU SO FIN BAHITE
\v 1 Fed, Yesus Sa name ajar mong danau o aloma mi name nok tofang ta'unung Yesus olap hok lafok bik horo fe Sa ey tabid om mimih mong danau. Mi panek'ta name tofang ho ara mong ta'at ta, mong danau mi.
\v 2 Fed, Sa name nok tofang ara huktang med name lafo araham honin sobo apapay mateng. ona ara huktang sa ubang med name tofang araham,

\s5
\v 3 "Alepang! name nu ho sam fin bahite.
\v 4 Sam so fin bahite honin fe naba so ara, e lufang nene hee sa fin bahite. Den muj sekbur adi lehel, sobo hiw hok, e adeam.
\v 5 Den muj mong foy karang lehel bo taai apitek nak'afay ho hara'ain abow bo taay e ulnene.

\s5
\v 6 Mi panekta fed bune nak'afay ho tama'ain fekde o alimang haai, nak'afay ho malot.
\v 7 Habuden muj mong namang'atang hel honin e namang ara abow namang nak'fay arap horo hee min, honin he nak'fay ho abung opir haay.

\s5
\v 8 Honin sobo, opitek muj faay onok lehel abow bung'ta pir'ara, abow, sa lafoh mate, honin e o lafo ho hey ertow alihing, hey ertalang alihing, med hey ratnu alihing."
\v 9 Honin fe, Yesus Sa ubang, "Ariano so afel ara honin hee alepang, se honin sa alepang!"

\s5
\v 10 Sel nu mi Yesus solo, name e fading ho, barpi med o aykabar pir ernu faling alo, ta'ain pak med en o pak ho apapay mateng horo.
\v 11 Horo hee, Sa foy supi ara huk'tang, natafuning kerajaan Allah hodi name di en am. Honim sobo, med name nok ray araham. Ernu turlo u huk'tang om mi ho appay mateng,
\v 12 Honin e supi barpi edun, supi edun sobo ahol nene; med supi alepang sobo supi ahol nene. honin hee supi haay som afom med u ampo." TUA NU SAM FOM MATENG HO MED APAPAIL MI

\s5
\v 13 Honin fe Yesus supi aramateng, "Mateng apapail ho i ahol so'em a'ay so? Taronin fe i'ri hara'ain ahol barpi apapail mateng ho ahol em a'ay?
\v 14 Fin bahite u hu'tang he ho sari ho fom'pak mateng'pak.
\v 15 Supi ho mang fe'dek nameno ba muj se adi le'hel, eleme ho fom'pak horo se u'mateng he fe'dek supi ma'eh honin hara'ain setang hok u tot med. Fom'pak ba supi a'lepang honin sobo supi u'hutang.

\s5
\v 16 Honin sobo, supi ba muj mong foy fa'ay sara tolol ho le hel ho fom'pak u'alepang apano honin e med som mi meng.
\v 17 Honin sobo, supi o hu dume ha'ay honin fe se'lal o u'dume o mangtanai supi mi paneta ho susah em name hasara. fedek fom'pak alol nene, supi hara'ain muj.

\s5
\v 18 Honin fe name beng mang fedek horo muj mong namang araham mi. Supi mang fedek name tofang ba fom'pak u'alepang,
\v 19 sobo om'bol ong pali mate ho mi honin fe ari'ing fai horo ano kafac honin fe u mama horo panen aten ba madong aratanay fom'pak horo honin fe karang lapeit horo fe sa e hil nene.
\v 20 Taronin fe, supi ba mong fa'ay o no le'hel horo fe supi ba fom'pak u'alepang med som mi honin fe ano fedek ho ertow alihing, ertalang alihing, med ratnu alihing." APAPAIL HO LAMPU HO ARAHAM

\s5
\v 21 Horo hee Yesus sa ubang med supi, "Mitaroknin fe lampu ho arahui med ekfa mi meng em med dek efar meng? Taroknin lampu ho abul hee med lampu ekfatak atuhin?
\v 22 Taronin fe ara mang fedek natafuning fedek ha'ay u'hutang e. honin sobo, na haay natafuning ho, haay honin fek a'ubang.
\v 23 sobo ari ano so fedek afel ara, honin hee, u'alepang honin fe sa se'alepang!"

\s5
\v 24 Honin fe, Yesus supi aramateng dun fe naba so supi a'lepang hu ba supi puin ho puin ari huk sobo ho honinfe. dai ara eh o' horo puin med ei'ta.
\v 25 Honin fe ano so e ara, sa uy med en so. honi sobo ano so e haai naba so e ara horo pi abung med." APPAIL HO MED NAAFAY ARAHAM

\s5
\v 26 Honin fe, Yesus ubang Kerajaan Allah horo fe mang fekde name nu ba fin bahite ong faay ta.
\v 27 Fin bahite ho so tar eh med toh dil'lel med dil'pana, honi fe nakafac ho sahel hee o'dor honin fe abow. tek sobo ahol tarok, ninfe ara.
\v 28 Faai ho untu opir sobo sobobom o a'ainang o'dor, honin fe obuling med namej o afai-afai mong o'om mi
\v 29 Honin sobo, namej afai-afai ho adobe, name so hara'ain tareng, horo fe ul o med mi ho ara eh am." APAPAIL HO SAMED SINA FALEY HO ARAHAM

\s5
\v 30 Honin fe, Yesus ubang ho, "i, naba akala fe i med o araham Kerajaan Allah? em, ubang apay mateng tarok nin pi ahol he'e?
\v 31 Kerajaan Allah ho mang fekde na afai ho di bahite faai ta honin sobo na afay ho mang fekde mateng apapail ho pali mate ta,
\v 32 sobo sel nu mi sabahite, na afai ho sa abow, honin fe mak mi mate bik. honin fe hiu ernu tong lulingham ahol, so barang aten hel lama efar mi."

\s5
\v 33 Naba mang lafoh apapail honin ho Yesus mateng bolang med supi araham naba fe ahol supi ma'eh.
\v 34 Sa haai mateng med supi ahol nene. apail mateng ho sa ubang barpiam, mitata o sakola aibar. YESUS SA HAMOY MATE HO ANOK TINING

\s5
\v 35 Fed, mak sel horo, mang noam hel, Yesus so sakola aibar, a'u mae pi sam eleme nu, danau."
\v 36 Mi panek ta name lafoh horo, supi naba puin Yesus araham supi hel ey om lehel, eleme so. Yesus ara honin fe ey nun barpi ara ham-ham sari ara.
\v 37 Horo he'e, hamoi mate horo okarang fed bob mate ey ahel few, horo hee ey horo fe sey afeng.

\s5
\v 38 Honin sobo Yesus ara por omtining, ey amot mi honin fe supi amuh.
\v 39 Honin fe, Yesus toh fe si'ud. hamoy horo he'e sa tang e hap, "por! Tining e ma!" horo, he'e hamoy sonok, fed so abul-abul tining.

\s5
\v 40 Honin fe, sa foy mateng med supi en, tarok nin i baroit? i u dume aai?
\v 41 Supi baroit bik-bik fed sabit name nu araham ano so ba ho? mang fekde hamoi mate fed tang honin fe alol atain!"

\s5
\c 5
\cl Pasal 5
\p
NAMENU GADARA HO HAMOY SAH ANOK SUHUIN
\v 1 Supi sam tang ho alai, gadara palik homi.
\v 2 Yesus hey ta'hel. name nu ho hano no'ang be'in dere ta' sari o name tabur Yesus a'hol.

\s5
\v 3 Sari o dere fe ta'tar name apuin sah, apec di sah.
\v 4 sari e, va apec sah sa'mang a'hi name e ku'fa nene.

\s5
\v 5 di'lel dil'pana sa doy ta am'ma sa voy puin sa no bamed.
\v 6 day let sa dun Yesus ahol sa teeng sam Yesus e'va sel mi'mih.

\s5
\v 7 so atino sa bit naba so pi anay fe ha o Yesus na aramateng ha'ay nano sah e!"
\v 8 sobo Yesus aramateng name no om ho mi hel!"

\s5
\v 9 Honin Yesus atan "hani naba?" horo, sa bit, "nani Legion nani tofang."
\v 10 sa Yesus abang ni ha'ay sam e se pali ho'omi.

\s5
\v 11 tong doy ho buy tofang, doy abung na'ade he.
\v 12 setang ho Yesus abang, Yesus inung horo setang ho hel sam."
\v 13 buy o om'mi tofang rib alo te'eng pe ta muj, den te'eng tang le'hel.

\s5
\v 14 mang horo name buy bu'ang ho name ahol naba so araham'
\v 15 horo name ho Yesus name tabur ho no birang horo name baroic.

\s5
\v 16 supi na ho ahol supi med name aramateng fekde taronin ey fe na'ho ara.
\v 17 horo fe name Yesus aramateng toh bang ho e'let.

\s5
\v 18 horo Yesus mid hey ta ai'tabur ho bit no he'e sang di Yesus ara lame.
\v 19 horo Yesus e u'inung nene habor sam ho name aramateng Yesus o u'karang.
\v 20 horo name sam o mateng name ba na om' u'pir fekde Yesus na panen name u'sahoir. YAERUS O'AI HO ANO FETANG MED OB NU HO O'FUY ANO TA'AT

\s5
\v 21 Ho araham Yesus hey ta sam danau adi ta name tofang abung sa danau adi ta.
\v 22 Gereja o mate e ani Yairus samang ho Yesus e fa sel mi'mih.
\v 23 so ati'tino Yesus abang ho'oni no ai'ob ka'ay nu ho eday min fe ma Hatang ta'puin honin he sa birang so fetang.
\v 24 Yesus med Yairus arasam name tofang Yesus ata'ain ari fading.

\s5
\v 25 name ob nu ho o'fuy her tun ernu faling alo.
\v 26 sa susah ho ahol lufang lafurung tofang abung kafac di hel oh' sobo name ob ho e no nene mang sah.
\v 27 sa Yesus ani ma'eh name ob o Yesus o lap ho amod fe lol. name o anay o kod ator.

\s5
\v 28 name ob ho na o kod ator he'e na birang.
\v 29 so horo he e o fuy di ta'at avah senang.

\s5
\v 30 Yesus mang sa hol u kufa ara, Sa sadimang name atan hano so no kod ator.
\v 31 horo o sakola atan ha naba fe edun ha name lubung ari paksa hano so nator.
\v 32 Yesus dun e fading hano so na ho panen.

\s5
\v 33 mang horo ai ob baroic bi'bil sa ho Yesus e'va sel mi.
\v 34 Yesus ai ob ho aramateng ho iman hano birang. il'luling puin habor sam.

\s5
\v 35 Yesus day mateng he, name piralo tow Gereja mi "ho' ai minam ha naba fe Guru ho ariko?"

\s5
\v 36 horo fe Yesus e a'lepang nene naba fe bit sa Gereja o mate ho aramateng baroic e hu dume.
\v 37 Yesus e u'inung nene o ata'ain ho Petrus, Yakobus, Yohanes, med Yakobus.
\v 38 horo supi sam Gereja o haneng o bang mi name lo'il den ahain den sahoir ama mate.

\s5
\v 39 horo Yesus mid supi aramateng naba ey fe i loy den ahaian eka ho emin nene sa nop so."
\v 40 sobo supi Yesus o hasal, Yesus supi aramateng i'barpi hel Yesus omang ofo ho med ai ho name bang mi ai ho ara.

\s5
\v 41 horo he'e sa ai ka'ay ho atang apuin, sa bit ho'oni.
\v 42 ai ob ho toh horo he'e sa lame o hur ho tun ernu faling halo horo name tofang o atino bit.
\v 43 Yesus supi ahou ati'tino naho'o ho name nu di e'ahol nene ai ho ahou na'ade.

\s5
\c 6
\cl Pasal 6
\p
YESUS MONG O BANG ASEL MI NAME BAHUT
\v 1 Yesus sa abul sam sobang so pali le'am. O sakola ai'bar ata'ain sam obang asel le'am. hair ho araham Yesus name afom apahang a, o'mebang.
\v 2 Hair o mitalang mi, Yesus samid Gereja bang mi name afom apahang, name tofang ma'eh Yesus o fom'pa, "mateng pak name so u sahoir mang homi name utaain ai ho na ho, sataromi med' na, hol dil, ma'eh ho ano fe mi ho? mitaro ni fe sa na o tahoir ho panen. satang puin aten.
\v 3 Sari o e Maria o ai nene, o diail horo ba Yakobus, Yoses, Yudas med Simon? ahal horo o'uding obbar ba ara tara ho?" mang honi, sipi somnu honi am fe sipi Yesus ho sipi bahut.

\s5
\v 4 Mang homi, Yesus sipi ara mateng, "taro-taro mi name ba Lahtal o mateng pak fetang u na me afom apahang honi name u dala ahol. honi sobo o bang o pali mi ho name e u ada ahol nene."
\v 5 Mong o bang o lelang mi Yesus sa e na ba pi uta hoir e ho panen nene sobo samang satang atel med name mode ho tapuin honi name birang.
\v 6 Sa sahoir, asel name e'o, tino bit nene o'om mi sa hel bang arian name afom apahang. YESUS SAKOLA AI'BAR HO SA U SUPI AHOU

\s5
\v 7 Yesus sa so sakola pir airnu faling alo sa olofe sa dalam alo sa u, a'hou sam hamoi sah ho a suhuin.
\v 8 Sa u sipi ahou, u, au i lame toh om mi ho i dob fe puin na mej di e puin nene e seng di med napah mi med i heng apeit nene, honi so bo supi,
\v 9 i e om pilang horo puin haai kod alo mang e.

\s5
\v 10 Yesus sipi ahou, aramateng, i sam taromi name o bang om ho lemid ho ni he'e homi sam ibor name e i'ri.
\v 11 Sobo name e i'iri med nene, i e fa omaru ho med bang bang ho ta, atote sipi o baleta om mi

\s5
\v 12 Supi fom mateng pak fetang ho puin nameno afom apahang supi som afom. sobo supi som afom.
\v 13 Homi supi setang supi ahin alol, honi sobo name mode tofang, hodi iping puin arum sam sobirang. HERODES SA YESUS O MATENG MA'EH

\s5
\v 14 Afen Herodes sa Yesus ho ani ahol ani ma'eh am sobo name ubang ho Yohanis name afoil e sofetang sahir toh, name min o ani homi safetang sahir toh om mi sa name no, om upir horo sa panen o fetang om ho mi.
\v 15 Den bita, "sariho Elia." honi sobo den bita "Ai ho name nabi u a hou e."

\s5
\v 16 Herodes ma'eh sa hubang ho, "Yohanis na lafung med horo so fetang am!" YOHANIS NAME AFOIL E HO NAME AMINE
\v 17 Aven Herodes so, so name a'hou, honi e sam Yohanis ho apuin apec arasam hukung bang. om'mi fekde Herodias, fekde o di, ail Filipus o'ob ho sa ara fekde Herodes, Herodias ho ara nikah am.

\s5
\v 18 Yohanis sa Herodes aramateng ulang-ulang, "ho o, pa, e no nene pa, sah fe sa u Herodes aramateng i di'ail o, ob fe med."
\v 19 Herodias som puin Yohanis ataain, om, ho Yohanes ho amine honin sobo sa amine sah fekde Herodes sa Yohanes ho el baroic. sa ahol honin he'e name om abul, om bolang.
\v 20 Herodes o atino, bit Herodes ma'eh Yohanis om, u'pir sobo Herodes sa Yohanes o, mateng alepang apano.

\s5
\v 21 Ho, araham Herodes afain sel o hair mi afain o sel ho mi Perjemuan panen, sa name pangka puin mate-mate, air'nu mong Galilea mi.
\v 22 Herodias sa sabea honi e Herodes om ano sanang apang ano no, afen ai ob lafat ho, "Abang naba fe u i'nung e named en."

\s5
\v 23 Herodes sa som mi a'hi, som mi a'muj. ana bafe u'bang honi, named en. "sobo na mate puin ho o di na a'bang, ha den med en."
\v 24 Lafat ob ho sa sabor, sa sofo ara mateng, "na, naba nu fe bang?" ofo o mateng abor, "Yohanes Pembaptis e lafung horo."
\v 25 med, mang ho mi ai ob lafat ho, afen atan a'naba fe u'inung named en mang homi, ai lafat afen o'mateng abor, Yohanes name afoil "elafung horo med dulang mi nen."

\s5
\v 26 Afen om muj fekde sumpa ho ataain name ba'ara na'ade sei'na o mi'ta o ai ob lafat sa e bahut nene.
\v 27 Afen sa so name ari'ing ahou u parenta honi e Yohanes e lafung med dulang mi fit sam ai ob lafat ho en. honi e sa med sofo en. name ari'ing afen ahou sam mong hukung bang Yohanes lafung med.
\v 28 Mang homi Yohanes elafung sa atel med dulang mi sa med ai lafat ho en honi e ai lafatfit sam sofo en.
\v 29 Yohanes o'tenang el'bar ma'eh sopi sam o' bo ho med apot. YESUS SA NAME RIB IVIHING AH ROTI MEDE ADE

\s5
\v 30 Sel ho araham, Yesus sakola ai'bar ara ta'u'nung sa supi atan i naba fe panenam em i naba fe e'u supi aramateng am.
\v 31 Yesus sa supi o lofe aramateng, "i barpi ma honi e pi sam pali o tining fe le'am pi homi a'ir api'te." fekde, name tofang sam e ho e, pi nakde di e tom tining nene.
\v 32 Yesus med o sakola, ara mid eyta supi sam pali o tining o leam.

\s5
\v 33 Tofang sadail teeng taat lol sam bang pali ari'an, sam, supi mi sotur sam'am fe Yesus o sakola ho fo'il sam.
\v 34 Yesus sam mol adi, ho tatoh sa dun nameno tofang, homi om'muj, sa e'dun honi Nub ba o'bu'ang a'ai honi manghomi Yesus natofang u supi aramateng.

\s5
\v 35 Dil'pana e ham, Yesus o sakola ai'bar ho Yesus aramateng, "eleme ho, o eleme oh homi e dil'pana lufang am.
\v 36 Sakola ai'bar Yesus aramateng, name tofang ho, ahou sabor sam bang pali ari'an, namej lap fel e ade."

\s5
\v 37 Yesus supi aramateng ingso namej med supi en ade. sakola ai'bar Yesus atan e honi fe ning so seng rat alo hofit sam na mej fel med supi en ade?"
\v 38 Yesus supi atan Roti pa,' den ara ira i dai sam e dun fe so, atino sam edun "roti pa, ifihing ab pa' alo."

\s5
\v 39 Yesus supi ahou saba'ang mih den bana lew ho ta mih.
\v 40 name tofang ho saba'ang mih. den pir ratnu den a'ir ifihing.
\v 41 Mang homi Yesus roti pa ifihing ab pa alo, Sa atel puin saburang e dun sa o'tanai no bit. honi am fe Sa roti ho ahi kari-kari honi am fe sakola ai'bar puin name tofang ho ah.

\s5
\v 42 Name no, barpi ade sam ato in doro alel.
\v 43 Lote bar pir rib ifihing roti ho ade sobo, o alihing so ara.
\v 44 Botang a'ir nu faling alo. SEL H'AIR HO ARAHAM YESUS SA SEI' TA TOH LAME.

\s5
\v 45 Mang homi, Yesus so sakola ai'bar parenta supi ahou barpi mid ey ta sam mong Betsaida bang ho leam, mang homi saname tofang, ho ahou sabor.
\v 46 Sa supi ahou sabor, honi e sa sam doita a'o'me.
\v 47 Sel ho araham dil'pana, supi o' ey ara mol o ham ham ho mi, Yesus solo taat ho tatu fe

\s5
\v 48 Sa so sakola ai'bar ho edun, supi ey ta, susa malo a'hol fekde hamoy ho, e mele ari'an ho lol ho sariputang e dai ey dod. supi u'kuru honi bu'ang dil'pana o, miut mi. Yesus supi adang ho, sobo om supi alai ano.
\v 49 Homi supi dun honi, he'e Yesus mol adung ta lame eh. sobo supi e'tanut so. mang homi sakola ai bar o'lofe.
\v 50 supi barpi dun Yesus ahol supi baroc. sobo, Yesus supi aramateng, "Tining. Ho o Nari! Baroc E."

\s5
\v 51 Mang ho mi Sa mid supi ara ey' om'mi, horo hamoy tining, mang homi supi so u'sahoir.
\v 52 Fekde, supi e o'a'sala dai fekde kufa, roti pa ifihing sobo supi om ho dai ado beeh. YESUS SA NAME TOFANG ANO, BIRANG

\s5
\v 53 Yesus med o sakola ai'bar ara, mang ho alai supi mid Genesaret o fa'ai ta do tong.
\v 54 supi mang ey om ho mi hel, name sari'an ho Yesus ahol,
\v 55 sel ho araham, sari'an te'eng bang pali ari'an name mode med buh mi balo'il fetang ho fekde Yesus o nen supi ahol am.

\s5
\v 56 Homi Yesus Sa hel pa'li ari'an Desa ari'an kota-kota ari'an, name mang ma'eh, name mode name fit sam ho mi atarang emele ba name tofang ara homi. honi sobo Sa supi e'fa'fan, ano namenu so no Jubah o' alomang ho mi puin em Jubah o alomang, ho mang ator di sa birang no.

\s5
\c 7
\cl Oasel  7
\p
HUKUM ALLAH MED USULU ASALA NAMENOK
\v 1 Name Farisi nunho sari taunung supihok Yesus med Ahli Taurat pirden sara mong Yerusalem mi hok.

\s5
\v 2 Honinfe, supi edun hee Yesus o sakola aibar atang sokome, elamnene mangpuin roti ade eh.
\v 3 Honinfe, name Farisi e med Yahudi sobarpi ui satang hafok sam atang afel lol fe supi nakde fedek supi o bapbale o usulu asalaho supi puin.
\v 4 Emed, Yahudi hinung ho mong emeletaunung ho mi hok supi e nakde dai fedek supi satang hafok dai. E honin sobo usulu asala bengtofang fe supi med puin mangfedek pembasuhan cawan-cawan, kendi-kendi, bejana- bejana tembaga.

\s5
\v 5 Name Farisi med ahli-ahli Taurat supi Yesus atan mi naba eife o sakola aibar ho o fetang ho r bapbale o usulu asala ho e ataain nene honin am fe atang so komeeh supi puin roti ade?

\s5
\v 6 Yesus supi aramateng, "Yesaya omateng ho abul fairaham iri ho aba kalufe, fedek ara hul oleh: 'Bangpalik o name ho zatfe puin nariu ada ahol, honin sobo om heleho nelet.
\v 7 Supi nariuada ahol sobo e abul nene, fedekparentaba puin fom pahang ho namenok ei panen.

\s5
\v 8 lahtal o perentah ho imed umat mimeng inamenok o usulu asala horofe ia puin dume."
\v 9 Yesus di bala-bala supi ara mateng lahtal o perenta ho iebang honine i usulu asala horofe ia puin dume.
\v 10 Musa ubang ho, 'imang ife ho uada ahol u hormat, 'ano name nuso purhak belbasa med somang sofo araham o hukung ho min.'

\s5
\v 11 Ano name nuso, sofo somang naba o untufe ana bung medam, sari ho sanok korban persembahan,
\v 12 honi sobo i esam ubangnene imang naba horo med imang ife araham di,
\v 13 mangfekde Lahtal omateng bolang ho anok aai'fekde usulu asala ho ipuin mong diing bab emeng. Ho nin amfe bengtofang i foil parenta mangfedek honi.

\s5
\v 14 Horofe Yesus name tofang ho olofe ara amteng, "iri ho barpi nei alepang honine i ahol.
\v 15 Mang naba nuso hok namenok umlehel sariho esah nene, mang naba nuso mong namenok umnihel horosah."
\v 16 Ano name nuso afel boi ara hohee samaeh alepang!

\s5
\v 17 Horo hee Yesus mang bang om lema name tofang e ut sakola aibar ma perumpamaan ho u ta ain.
\v 18 Yesus supi ara mateng e honife iri di e ahol nene? Iri di ahol naba hofe namemok um lehel ho e sah nene?
\v 19 fekde o madong ho e madong namenok um mihoni sobo atokfemi o sabor honihe mongfahlafomi.

\s5
\v 20 Horo hee sa u bang ho "naba so namenok om mihelhoro sah.
\v 21 Mong namenok om mi hotanut o sah doch ahal, tau dur, name amine,
\v 22 name ooblap, name ona esah, na o sah panen, name adimang abor, tanut toang, sompuin name ataain, name e bit eng el, sanok karang karang, bodokamuke.
\v 23 Na o sah karang ho barpi mong nanemok om mi hel horo nasah." AI OBOB NUHO O UDUME HO ARA MONG SIROFENISIA MI

\s5
\v 24 Emele homi, Yesus sahirtoh sam mongbang ani tirus, sidon. sabang om lemid e honi e haai nameden ahol e honi sobo name o.
\v 25 Maeh he e Yesus ara, horofe ai obnuho o ai ob ho setang halup horofe o fo ho'k Yesus e'fa sel mimih.
\v 26 Ai obho name Yunani Siro-Fenisia mi a fain. Sahok Yesus abang honi e setang ho ai ho mi e setang ho ai ho mi helsam.

\s5
\v 27 Yesus ai obho ara mateng ubang ho no ai kabar ho sotur na ade eh. Fe'de e rupa neneho no ai ka'bar o roti ho emed bel en nene.
\v 28 E honi sobu ai obho sa Yesus ara mateng abul Tuhan, bel aibar ho sa mejafar o ai kabar o namej a meh mejataher ho sa ade.

\s5
\v 29 Yesus ai obho ara mateng fe'de anaho ubangan a sam honi he e satang ho ai aden.
\v 30 Ai obho ara sabor bangmi he e o ai ho toh sobo setang ho sam am. NAME AFEL PALA' ANO'LEL

\s5
\v 31 No' horo hee, Yesus Tirus mi hel sam Sidon alay mong Galilea, mi sari ho Dekapolis bang mi.
\v 32 No amfe supi ay nu afel pala' hu' tang sah. Ara ho' Yesus o lap ho' supi Yesus abang honi e satang med ay ho tameng.

\s5
\v 33 No' horo hee, Yesus ay ho ara sam name tofang elet. Honin amfe sa satang pa' med ay ho afel boy mi', nok honi hee sa maley ano', honin amfe sa alibung di ator.
\v 34 Horo hee, Yesus sapong fa' atel burang tadun sa a englay baling nok am fe sa u bang, "Efata!", olel hee "Sari during!"
\v 35 Horo mi honin hee ay afel ho lelam, alibung ba mid afu' abir ho salalung horo hee ay ho mateng no' am.

\s5
\v 36 No' hee, Yesus supi ehap sari naho u bang e med name beng ara mateng e. Sa u hap eh sobo name so u bang eh.
\v 37 Name no' air nu sahoir supi u bang ho ay ho na ono' panen. Fede' sa name afel pala' ano' lel, name amang sah ano' mateng no'.

\s5
\c 8
\cl Oasel 8
\p
ROTI PA'ITITO, NAME PIR RIBUT ADE ALI HING
\v 1 Mi nu mi honi hee, name tofang ray taunung sobo namej haay Yesus so sakola ay bar o lofe a ra mateng.
\v 2 "Name no' tofang hoo nom esah bik fede' supi nara tareng tou om mi am sobo namej haay.
\v 3 Supi malihing om mi honi e na supi ahow sabor so bang el ari an ahal sam seham naden supi ano' fe'de supi let ho'."
\v 4 Horo o sakola ay bar o mateng a bor pitaromi roti med puin supi ah? fe'de pi pali' taimang mi.

\s5
\v 5 Horo hee, Yesus supi atan, "i roti pa' den? Supi o mateng a bor, "pak itito."
\v 6 No' horo hee Yesus name tofang ho parenta supi ahow faay ta mih, no' horo hee sa roti pak itito ho med u mahen sah bang, no' honi hee sa apeh kari-kari honi am fe med so sakola ay bar en honi e puin supi ah.

\s5
\v 7 Sakolah ay bar di oab kari' pite' ara. Yesus o mahen sah bang, honi amfe med sakola ay bar a how med name tofang ho e dalam.
\v 8 Supi na'de sam a to' in, horo hee o ameh-ameh ho supi taunung barpi honi hee botang i tito afeng.
\v 9 Name na'de ho raham ho ma o tofang pir ribut. Nok hee Yesus supi ahow sabor sam.
\v 10 No' horo hee Yesus med sakola ay bar mid ey ta sam Dalmanuta mi. YESUS ABANG SURGA O TANDA U TUB

\s5
\v 11 Med Farisi nun ho ho' Yesus ara tutul, sam Yesus abang surga o tanda utub honie puin Yesus a pate.
\v 12 No' horo hee yesus Roh mi a englay batin, no am fe sa hu' tang, "Taro' ni fe sel ho om mi ho o tanda fe bang? na i ra hu' tang abul fe ho fed sel ho o om mi ho tanda pa' nu di e i etub nene."
\v 13 No' heni hee Yesus sabor mid eyta sam nuh nu ta am. NAME FARISI EMED HERODES OM SAH

\s5
\v 14 Sakolah ay bar roti sibung, pite' le ara ey om mi eh.
\v 15 Horo Yesus supi a uw, iri u taro' no' name om sah ho uma-maeh! Name Farisi nun med Herodes om sah."

\s5
\v 16 No' horo hee supi mih sara gahain nu-nu som a her med oba e roti ara huil nene ho ara mateng.
\v 17 Horo, Yesus na ho ahol horo sa supi ara mateng, Taro' nife iri ba e roti puin nene ho i u i ra hu'tang? i e maeh e ahol day so? em i i om ano' a dobe am?

\s5
\v 18 Em i e' fail ara sobo, i e dun no' ahol nene? eme i i fel ara bo, i e maeh nene? i si bung am so.
\v 19 Ho' raham ba na roti pak i fihing apeh kari-kari med name pir rib i fihing ah ba, ameh-ameh ba i taunung ho botang den a feng? supi o'bor botang air nu faling alo.

\s5
\v 20 "No' honi hee, roti pak i tito med name pir ribut ho, ameh-ameh ba i taunung ho botang den afeng?" supi o' bor botang i tito.
\v 21 Horo hee sa supi ara mateng, "Taro' nife i e maeh day? YESUS BETSAIDA MI NAME E' FAIL SAH ANO' BIRANG

\s5
\v 22 No' hee, Yesus med o sakola ay bar sam mong Betsaida pali mi. Eseseh honi hee, name oy nu ay e' fail sah ara ho' Yesus abang honie sa ator.
\v 23 Yesus name e' fail sah ho a tang puin hel desa ho e let. No am fe, Yesus sat maley puin e' fail ho luh Satang med tameng, honi am fe sa atan, "A ahal na den ahol?"

\s5
\v 24 No' honi hee, ay e' fail sah ho dun lafining mid no' fe sa hu'tang, na dun name ahol sobo mang fe'de tinuntoh ba la me eh honi.
\v 25 Horo yesus foil sateng med e fail ho tameng, sa se' fail alel sa birang am sa dun na' ahol hee lelam.
\v 26 Horo hee Yesus a how sabor sobang leam, "sobo haay desa homie." YESUS HO KRISTUS

\s5
\v 27 Horo hee, Yesus med so sakola aybar ara, sam mong Kaisaria Filipi o desa-desa mi. Sam seham mi Yesus supi a tan, "Name tofang ubang ho, nari hoo ano so?"
\v 28 Supi o' bor, "Yohanes Pembabtis, den honi hee Elia, o' mi tofang hee nabi-nabi nun horo o nu."

\s5
\v 29 Yesus foil supi atan, "i ahol hee nari hoo Ano so?" Horo Petrus o' Bor Ari ho Kristus.
\v 30 Yesus supi ano' na uma. Nari hoo haay name den ara mateng e. YESUS SO MAAR AHOL ITO MED NAME EMARING

\s5
\v 31 Horo hee, Yesus so sakola ay bar ajar Lahtal ay ho sa maar mahip ahol mong yahudi o tumo mi, imam-imam o lafung mi, med ahli-ahli Taurat, supi a do do fa a do do ma sam so amine, honi sobo mi tareng tou honi hee sa so fetang.
\v 32 Yesus sari na ho ubang lel-lel horo Petrus sa Yesus baring sa hoy mi am fe sa ehap.

\s5
\v 33 Sobo Yesus so sakola ay bar edun am fe sa Petrus ara mateng, "Setang! hel sam fe'de o tanut ho e lahtal ey tanut nene, sobo na me' no' fe' ey' tanut.
\v 34 No' horo hee Yesus name tofang med sakolah aybar olo fe sa supi ara mateng, A' no nu so om ho nataain.

\s5
\v 35 Fe'de ano nu so sobo so laman ho esah honi hee sa uil suhuin. honi sobo ano nu so sobo saloman ho esah nene, fe'de nari med injil honi hee sa fetang so em ho med.
\v 36 Fe'de o untu ho naba palik mate ho o ano sey sobo minumi suhu in?
\v 37 Naba fe med puin sobo saloman ho abor?

\s5
\v 38 Fe'de ano nu so pali' mate ho ota ho nari med fom pak mateng pak ho u mala fed sel daic ahal ho om mi he minu mi Lahtal aiy med so mang med malaikat ara kemuliaan puin ho' he Lahtal ay di mala ani bit.

\s5
\c 9
\cl Oasel 9
\p
\v 1 Honi fe Yesus sipi aramateng, "fed Na ati'tino i'ramateng name pirden tufe ho'o sipi e min nene am sam Lahtal Ai so ho." YESUS MUSA MED ELIA
\v 2 Fed o tareng talang ta honi he'e Yesus, Petrus, Yakobus, Yohanis Sa aday sam doy lafining ta' no he'e Yesus sipi ahoy mi suhuin am.
\v 3 Jubah hafel puin am na hafel pali tah o araham ha'ai.

<<<<<<< HEAD
\s5
\v 4 Miseh-seh Musa med Elisa supi araham homi Yesus ara mateng.
\v 5 Mang homi, Petrus, Yesus ara mateng, "Rabi, elemehoc no' mak pireleme tou aten nu Yesus nu Musa, nu Elia.
\v 6 Fe'de, Petrus ahol nene i naba ubang fe'de barpi haroit.
=======
\v 4 Mise seh, Musa med Elia sipi araham homi Yesus aramateng he.
\v 5 horo he'e Petrus Yesus aramateng, "Rabi teleme ho'o no ma pi teleme tou aten fe' nu Hey nu Musa ey nu Elia ey."
\v 6 fekde Petrus ahol nene sa naba hubang, fekde sipi barpi baroic.
>>>>>>> f0c09632215e784e60ca7856337eb34f9f9c3879

<<<<<<< HEAD
\s5
\v 7 Homi taiving hel supi baloi mateng pak tong taviing bokta ubang ho, ho oro noai nona esah emaeh.
\v 8 Mateng no' suhuin am Yesus so ara.
=======
\v 7 homi he'e tafi'ing hel sipi baloy pir mateng pa tong tafi'ing bo ta ata'ain hel hubang ho, "ho'oro No Ai Na no na Esah Ey ma'eh ey Halepang!"
\v 8 So homi sipi dun lame he'e, a ai am sey lahal Yesus solo.
>>>>>>> f0c09632215e784e60ca7856337eb34f9f9c3879

<<<<<<< HEAD
\s5
\v 9 Supi doetahel Yesus ubang laholam ano horo di ubang sam Lahtal ai fetang name min anai homi sahirto.
\v 10 Mateng pak ho u satan-satan min fetang taroniso
=======
\v 9 Sipi doy ta sabor hel horo he'e, Yesus sipi aramateng hubang ho' naba i'ahol am, name aramateng nene sa Lahtal Ai sofetang name min o anay homi Sahir toh.
\v 10 Horo he'e, mateng pa ho sipi u apuin no he'e sipi u satan-satan name min o nay fetang ho taroni?
>>>>>>> f0c09632215e784e60ca7856337eb34f9f9c3879

<<<<<<< HEAD
\s5
\v 13
\v 11 Horo Supi Yesus atan Eliauil-uil hok.
\v 12 Yesus name om ara-ara mateng, Elia sa uil sotur ho fe naernu ho sa atiling no. Sobo Lahtal ay ho taromi fe'de sa uil-uil malo tofang alai med anok sah sah di.
=======
\v 11 Horo he'e, sipi Yesus atan, "ahli Taurat ubang ho Elia somitur ho so?"
\v 12 Horo he'e, Yesus sipi aramateng hubang ho, "Elia ui sotur ho fe na airnu sa atiling no. med, Lahtal Ai ho taronin fekde Sa uil-uil malo tofang alay med Ano sah-sah di?
\v 13 Honi bo, Na i'ramateng fekde Elia ho am so horo pi ano tanut he ho, honi fe sipi o tanut ano an fekde o araham ho hul ol meng.
>>>>>>> f0c09632215e784e60ca7856337eb34f9f9c3879

\s5
\v 14 Minu mi Yesus, Petrus, Yakobus, med Yohanis, sabor so sakola aibar o'lap sipi edun, name tofang sakola aibar ho fading e. ahli Taurat sakola aibar ara sara tetang e.
\v 15 Name barpi seng atel dun he'e Yesus so ma'e'
\v 16 Horo Yesus sipi atan, "naba ey fe ahli Taurat airnu i'ra tenang e?"

\s5
\v 17 Nu tofang anay homi O ta'ain ho, "habor Guru, na no ai lote fito A'bung fekde hamoi sah arami horo sa amang sah.
\v 18 Honi fe hamoi sah ara o'bo mi'am, honi he'e, sa sari foh few fa'ay ta hel horo he'e at malei her safing hir, horo he'e e adobe atang adobe. na O sakola aibar ahow am hamoi sah o ahin, honi sobo sipi emota sah."
\v 19 Med, Yesus sipi o mateng abor u'bang ho, "a'ri ho o udume a'ai! o lufang tareng den ta na ara i'ra fe? ai arama Nolap ma!"

\s5
\v 20 Horo he'e sipi ai arama Yesus o lap. so horo mi hamoi sah Yesus edun ahol, horo he'e sa eka'ai ho hodang afe'fa. horo he'e sa ol fa'ai ta sat malei ara hel.
\v 21 Mang horo he'e, Yesus ai o mang atan, "tareng den ani'am so eka'ai ho hamoi sah mi ho?" o mang o'abor, "dai kaai ta so.
\v 22 Honin he'e, hamoi sah ho minunu he'e few afail le hel den sey le hel sam hamoi mang suin. honi sobo, mang fekde a naden panen so honi he'e, nari u'karang nari tulung nari muling."

\s5
\v 23 Yesus aramateng u'bang o, "mang fekde a ahol med? ho he'e name Yesus ho o atino bit,"
\v 24 Honi he'e ai ho o'mang ahain lofe, "u'bang ho! nari u'karang fe, honi e na o'tino bit!"
\v 25 Yesus edun honi he'e name tofang-tofang ho lubung eh, horo he'e Yesus hamoi sah ho asi'ud hubang ho, "i'ri ho'omi sah Na hi'hin ha'ai foi om'mi nene!"

\s5
\v 26 Horo he'e Yesus hamoi sah ho ahou luling le hel ha'ai foi ai om'mi eh. ai mang fekde name min ham honin honi no name no tofang ho u'bang ho, "ai minam!"
\v 27 Horo he'e, Yesus ai ho atang apuin ahou toh, homi he'e ai toh ham.

\s5
\v 28 Honi Yesus madong bang om, sakola aibar ata'ain mid bang om sipi Yesus aramateng, "taroni fe ni naho ahin sah?"
\v 29 No Na i'ramateng, "sari ho hel sah honi sobo ha a'ome puin he'e no." YESUS SO MIN HO U APAIL MATENG

\s5
\v 30 Tur mi Yesus so sakola aibar ara lame sobo Galilea o lang alay honi. lame he sobo Ei tanut name ahol sa u sa'ain.
\v 31 Fekde, Sa sosakola aibar aday sipi saramateng, "u'bang ho Namenok Ai uil-uil med namenok atang mi meng, honi he sipi amine honi. sobo, name mang amine no, min tareng tou sofetang sahir toh name min o anay homi."
\v 32 Honi sobo, Yesus sipi aramateng u'bang ho, ho sakola aibar o mateng ho, o lel ho sipi e ahol nene honi he sipi baroic Atan. YESUS O SAKOLA AIBAR MATE FE HONI U'TU-TUL

\s5
\v 33 Minu mi, Yesus so sakola aibar aday arasam Kapernaum leam. mang sam horo he'e Sa bang om le mid am, Yesus sipi atan, "se lay lol ho o i'naba fe u'bang he?"
\v 34 Honi sobo, sipi mang por fekde se lay lol ho sipi saramateng ma hano honi horo pi lafung.
\v 35 Mang horo he'e, Yesus mih So sakola aibar pir airnu faling alo ho Sa sipi o lofe. aramateng u'bang ho, "ano honi horo fe om sano name tur fe, honi he'e sa sano name so'fe fe an-an ernu turlo ho sa barpi u so'fe fe tofang u'karang tofang esah."

\s5
\v 36 Honin no he'e, Yesus ai ka'ay nu olofe med sipi abung homi afa toh. Sa sipi aramateng u'bang ho,
\v 37 "Hano honi horo Nani puin ai ka'ay ho'o med u sey ano, honi he'e o rupa sa Nari med ano sey honi am, hano honi horo Nani med u sey ano'am. ho he'e sa e Nari med nene sobo, aiba Na hou ho horo fe sa med'am soba ho." NAME HAMOI SAH AHIN YESUS ANI PUIN

\s5
\v 38 Yohanis Yesus aramateng, "u'bang ho Yesus fed ni edun name ba Ani puin sing setang alol he ho, fed ong ho'omi ni ahin alol fekde sari ho eta'tain nene ho e."
\v 39 Honi sobo, Yesus sipi a'uw, "ha'ay sipi ahin eh fekde sipi e Nani puin na sah panen nene, honi sobo sipi na sah panen e sipi Ne bit.

\s5
\v 40 Fekde, ano honi horo e tari lafang nene, sa ma tara toh.
\v 41 Fekde, Na Na abul bit i'raham soba ho, mang ano horo sey tu'ay nu med en fekde i'ri ho Kristus ata'ain, soba ho o fali e suhuin ey nene." DOIC HO O RUPA TARONIN

\s5
\v 42 "Ano honi horo soba ai'kabar ba sa u dume med Yesus u'ab atuhuin sa osah bit sari name honi ho foi hel afah hu leng hini e fitsam tang mi fev.
\v 43 Hitang ho sa doic panen bo ho arahamam, honin he i'tang ho tato fev. mino bi i'tang deden le puin sam surga bang le'am homino, honi sobo so i'tang alo ho he'e hafail bang ey soba ho.
\v 44 Emele ho hip di min nene hafail di emin nene.

\s5
\v 45 Med, i'efa ho sa doic panen bo ho araham, honin he i'efa ho tato fev, mino bi i'efa deden le puin sam surga bang le'am ho mino, honi sobo i'efa alo ho he'e afail bang ei soba ho,
\v 46 Emele ho hip di min nene hafail di emin nene.

\s5
\v 47 Med, i'efai ho sa doic panen bo ho araham, honin he'e i'efai ho doke fev, mino bi i'efai deden le puin sam Lahtal O Bang Bolang le'am ho mino, honi sobo i'efai alo ho he'e afail bang ei soba ho,
\v 48 Emele ho hip di min nene hafail di emin nene.

\s5
\v 49 Fekde, namenok ho barpi ho o rupa ha'hey e'med lel honi fe.
\v 50 Ha'hey ho nok, sobo ha'hey ho abole'am, anok taroni fe sa ator? piri horo tanok ha'hey tom ho mi namenok ho barpi aranok."

\s5
\c 10
\cl OASEL 10
\p
SEL'HIC SELET E ARAHAM
\v 1 Nok hee Yesus emele honi hellame, mong Yudea palik med Yordan mol hoso alay fa, homi name tofang taunu foil o lubung, nok hee biasa ho safoy supi ajar.
\v 2 Nok hee Farisi hinu foil olaphok taain puin ari pate, "lotenu soob atain fe honi ho mak nok em aay?"
\v 3 Yesus supi o taain pak abor, "Musa naba parenta fe u ira huk tang?"
\v 4 Supi ubang ho, anolote nuso soob atain he e surak satain e panen am fe satain.

\s5
\v 5 Honi sobo Yesus supi ara mateng ubang ho asel iom mi tetang horo ele, Musa parentah ho hul ien.
\v 6 Honi sobo mong aai nang homi Lahtal name nok aten ho den lote den ob.

\s5
\v 7 Horo ele, lote fe honi ho uil-uil sofo soma atain.
\v 8 Nok hee aloho sanok hirnu, horo hee supi ho ealo neneam, honi sobo hir nu.
\v 9 Honi fe naba so Lahtal anok nu am, name nok haai asak e.

\s5
\v 10 Nok hee bang ommi ho osakola aybar foil na ho utaain.
\v 11 Horo hee sasupi ara mateng ubang ho, "mang ano haro soob atain he'e fai beng ara nika he'e sa ahal panen so ob araham.
\v 12 Sobo ob taro so lote atain e foil beng ara nika di sa so ahal panen."

\s1 YESUS AYKABAR U BERKAT
\s5
\v 13 Name tofang e kabar ara hok Yesus olap hok ho o sakola aybar u hab.
\v 14 Yesus sakola aybar o hap ho mang maeh horo he e sa ariing, nok he e saubang ho, ekabar ho senolap ma! Supi tahang nene fe'de e il luling ho ekabar honi horo ona.

\s5
\v 15 Mang ano horo il luling med fe so he e, sanok ekabar kaay honi fe.
\v 16 Nok hee Yesus ekabar afoh satang taahir supiu berkat.

\s1 NAME KAFACH YESUS ATAAIN U SAAIN
\s5
\v 17 Yesus sari utarok lame bit honi he e, namenu te eng hok abung ekfafan nok he e atan, "naba honi horo napanenfe na il luling so em ho na med?"
\v 18 Horo hee Yesus ara mateng ubang ho, "Naba e fe iu bang ho nari ho nok?" Nameden enok nene, selal Lahtal solo.
\v 19 Iri ho hukung ahol: "Name amine e, ahal panen e, taudur e, ladima labor e, aba kalufe e, adahol med ife iman araham.

\s5
\v 20 Horo he e name ho arahuk tang ubang ho, "Guru, naday bouw kaay ta honi he e, barpi ho naalol ataain oham."
\v 21 Honin bo, Yesus aforayho edun he e sa om esah nok he e saaramateng ubang ho,"Nanu day okurang, aborsam e okafach ho fail e med name sasah en.
\v 22 Honi bo mateng pak ho puin um anuk susah sapuin, sabor, fede e satanut so kafaich tofang ahol.

\s5
\v 23 Nok he e, Yesus dun safading sefalofe e sa so sakola aybar are mateng ubang ho, "Name kafach il luling soen ho med fe honi ho susabik!
\v 24 Sakola aybar o mateng pak usiud, sobo Yesus foi supi ara mateng ubang ho,"O no aybar, surga lefa fe ho so susabik.
\v 25 Unta nu bating bay lolfa ho mi nok, sobo name kafach sorga lefa fe ho susabik."

\s5
\v 26 Sakola aybar mang siud ta, e usara huktang ubang ho anoso mak sorga ho med?
\v 27 Yesus supi edun e ubang ho, "piri name nok tetaraham he e, tom upir honibo Lahtal e araham he e tom o upir aay.
\s1 YESUS ATAAIN O UNTU
\v 28 Petrus Yesus ara mateng ubang ho,"Edun, ninaernu ho meng oh e ni ataain!"

\s5
\v 29 Yesus ubang ho, "Na ubang abul uara mateng, mateng den e ara day, nameba sobang atain, eme souding lote bar, eme sauding ob bar, eme sofo, eme soma, eme ay, eme but, asel nari e med surak bolang,
\v 30 Ba fed masa ho omi foy nanu med diaay ho, bang e med uding lote, med uding ob, med ofo med ay, med but, e med susa malo, e med sama mong maeh ho, fetang so em.
\v 31 Ehonisobo name tofang ba oa aynangmi ui-ui sofek, oba mong o amuij mi sotur.

\s1 YESUS VOY SO MIN UBANG
\s5
\v 32 Supi selol mid Yerusalem leam, Yesus supi ahoy milame supi apa nok, name ba supi ataain ho baroch, Yesus supi ara sabor osakola aybar pir ernu faling alo ara, naba so mipanekta sa adangtoh ho sa u supi ara mateng, O
\v 33 mateng,"E dun pi Yerusalem lemid eh, name nok ay ui med iman-iman e, ahli Taurat en, supi hukung sam min med name ba e Yahudi nene araham.
\v 34 Supi uil anok sah-sah, maley o puich beh par, amine, honibo tareng o mitow mi sasahirtoh.

\s1 YAKOBUS E YOHANES PEKBANG
\s5
\v 35 Honiamfe, Yakobus e Yohanes, Zebedeus o aybar, Yesus olap hok,"Supi ubang ho, Guru niom ho a nanu panen niraham nabafe ni bang."
\v 36 Yesus supi ara mateng ubang ho,"Nabaso iom uma naakala ien?"
\v 37 Supi ara mateng ubang ho, niri ho o anu tub mong atang tani lol mih e nuho mong atang fiing lol mih, mong omura rame om mi.

\s5
\v 38 Honisobo, Yesus supi ara mateng ubang ho nabafe ibang, ie ahol nene, imak nok em aay cawan ba nauil na feho isona soeme iri baptis, sobo baptisan ba puin nari baptis horo?
\v 39 Supi ubang ho,"Ni kufak toh! Horo he e Yesus supi ara mateng ubang ho, cawan banana ho ina, baptisan ba puin bari baptis ho puin iri baptis.
\v 40 ehoni sobo, mong fiing lol mih med tani lol mih fe ho named iensah, sobo nameba Lahtal utarak horo eleme.

\s5
\v 41 Mang maeh horo he e, sakolah aybar pir ernu Yakobus e Yohanes e ariing.
\v 42 Horo he e Yesus supi olofe e ara mateng ubang ho, i ahol supi ba parenta o aneng bo e Yahudi nene ho, o panen o rupa supi semota, mede parenta omate nun kaer aden semo mota lap.

\s5
\v 43 Sobo iri ho e honin nene. Honinfe ano so om mate uma fe, iri ho so uil-uil inok kaay lama.
\v 44 Nok he e mang ano horo om sanok e otur anok inai ho mi fe he e, uil-uil kaai lam beng ho anai.
\v 45 Fe'de e name no ai di hok hobo e esah ukarang bang nene honibo esah ukarang puin hok, e solaman ho med name tofang ereeng.

\s1 BARTIMEUS EKFAIL SAH YESUS ANOK BIRANG
\s5
\v 46 Yesus med osakolah aybar, emed name tofang ara sam Yerikho mi. Yesus e sakolah aybar med name tofang Yerikho mi hel lame bit he e name nababang nu ekfail sah sari ho Bartimeus, Timeus o ay, sekdi tamieh.
\v 47 Samaeh he e Yesus Nazaret mi ho am, salofe samateng,"Yesus Daud o ay, nari ukarang!"
\v 48 Name tofang ehap ahow por, honi bo samang beat ta, "Daud o ay nari ukarang."

\s5
\v 49 Yesus aer horo he e, saubang ho,"O lofe e ara mateng ubang ho, om anok dume! ahirtoh sa o lofe."
\v 50 Name e fail sah ho toh jubah hing Yesus olap ma.

\s5
\v 51 Yesus ara mateng ubang ho,"Naba fe om uma napanen araham?" Name ek fai sah ho o abor ubang ho,"Rabi nase dun nak ahol."
\v 52 Horo he e Yesus ara mateng,"Lame o ndume so anok birang. so sel homi horo hee sa dun nak ahol horo he e sa Yesus ataain selai-lai lol.

\s5
\c 11
\cl Osael 11
\p
YESUS YERUSALEM LAAM
\v 1 Minu mi, supi eday sam Yerusalem ba Betfage e Betania abung sari ho tong Zaitun doy ta Yesus sakola aybar pir alo olofe ahou.
\v 2 Horo he e sasakola aybar ara mateng isam desa honi noni he e Keledai nu ha na unod eh, name nu e tamih di day afateng e ara ho.
\v 3 Name den i tan naba ey ve i na ho panen? ubang ho Tuhan so puin honi amfe sa holong ho'.

\s5
\v 4 Horo supi sam honi he e Keledai muda ho sear mi nod eh, horo he e supi afetang
\v 5 Name pir den ba honi tufeh ho supi atan mi naba ey fe keledai ha i a afateng?
\v 6 Yesus o mateng horo supi puin abor, "Horo he e name ho mang supi e dun oh horo he supi lame am.

\s5
\v 7 Horo he e, supi keledai ho ara ho Yesus abung, so ven ho hing med keledai ho tameng no am fe Yesus mid tamih.
\v 8 Horo he e name tofang so fen ho med se' bur mi pep den he e tibeh med se'bur mi meng.
\v 9 Name tofang ho lame den so fe' den so tur no' he e supi lofe "A ni u tarain! illuling med en ari ba Tuhan ani puin ho'.
\v 10 Illuling med Daud o bap bale! En fe'de na ono' o ham ho fito Ani u tarain emele lafining mi."

\s5
\v 11 Horo he e Yesus sam Yerusalem mi sa mid Lahtal o bang om mi sa airnu turlo ho edun no' he e sa so sakola aybar pir air nu faling alo ho ara sam Bethania mi he e fed hel am. YESUS A ONG EPUJ E A O ME
\v 12 Horo he e mi dilel supi Bethania mi sabor Yesus so a lepang he e sa malihing am.

\s5
\v 13 Horosa a ong sel nuho let edun he e beh mamang. Sa foil sam a ong ho edun ahal na den ara a ong ho ta sam ti ho abung he e saedun na den a hol nene, honi sobo o beh so ara.
\v 14 Horo Yesus a ong ho ara mateng,"Ari ho name den e o pir ade nene sam so em." Sakola ay bar di madi. YESUS SAM A O ME NBANG MI

\s5
\v 15 Om mi saname homi ho sa ahin alol fe'de name Lahtal obang om mi nafeil eh horofe sa name seng tiling o meja bakung edod alaifeu med korsi-korsi, nameba hiu uklo fail e ho. w
\v 16 sa name ehap i ha ai foil barang fito bang bolang ho alai nene.

\s5
\v 17 Mang horo he e, Yesus sipi sakola hubang, "Ho sura pa' ho e ahol nene? No bang ho a o me bang honin sobo i ano' ta u bang."
\v 18 Horo he e, imam-imam o lafong tumo' bar air nu ahli Taurat sipi mateng maeh horo sipi se bur lap taro nin e sipi amine. Sobo sipi baroit Fe'de name no tofang o mateng pa ho sipi am dai upir.
\v 19 Fe'de dil pana am Yesus so sakolah aybar ara bang ho elet.

UDUME LAHTAL MI MED IEY A NO
\s5
\v 20 Lala mi, ho alai a ong sel ho e dun taat am ta sam tarubing le hel lam.
\v 21 Petrus sami um ma sa Yesus atan, "Rabi, e dun! A ong sel nu ba a e pur e ho taat am!"

\s5
\v 22 Horo, Yesus sa abor, "O u du me ho Lahtal fe mi.
\v 23 Na abul-abul ira mateng a no name nu so ubang ho doi, 'Ho tefang aluil pong tang mino',' ha ai i om upir e honi sobo o tino bit, naba horo fe sabit he e sa ara masa uil-uil ara taraham.

\s5
\v 24 Honin fe na ira mateng, naba honin horo fe i u a o me nabang o ti no'bit he e i med am.
\v 25 Honin fe i to aome iri u ampo honin sobo iom ho a i nu ho day ataian ehso he e imang tong surga miho di e iri u ampo nene.
\v 26 Honin fe, i e sipi o doyt u ampo nene, pi mang Lahtal di pi doyt u ampo nene."

YAHUDI O' LATUNG YESUS O' KUFA U TAAIN
\s5
\v 27 Horo sipi foil ho Yerusalem mi Yesus Bait Allah, mi lame eh he e, imam-iman o lafung, ahli Taurat, Yahudi, o tu mobar, sipi ho o lap.
\v 28 Mang horo he e sipi a tan, naba kufa fe a puin baleta eh e me a no so med en fe a ano' lame eh.

\s5
\v 29 Yesus sipi ara mateng nataain pa nu med u i tan no mateng abor, honin amfe na ira mateng, nan di naba kufa fe na puin, na ho panen eh na u ira mateng.
\v 30 Baptisan Yohanes ho o surga mi ho e me name no' mi ho amba? No mateng ho abor!"

\s5
\v 31 Horo he e sipi ta unung sara gahain nufanu atan numanu atan ubang ho mang fe'de pi abor surga, mi he e sa uil abor taro ninfe i e o tino bit nene?'
\v 32 E honin, sobo pi abor, 'Name no' femi'? Lafung air nu name tofang u baroit fe'de sipi ahol barpi Yohanes ho so atiti no' nabi.
\v 33 Honinfe sipi Yesus ho mateng abor ni e ahol nene, horo he e Yesus sipi ara mateng ubang ho, ho o ni nari di honin na e ira mateng nene, naba kufa fe na puin na ahol nene.

\s5
\c 12
\cl Oasel 12
\p
APAPAI HO MED ANGGUR DIL SA HO MANANG
\v 1 Horo he'e Yesus apapai nu'u sipiara valeng. Name nu nu anggur dil u karasang. Sa o vo peie vadingtovew, lavo a rung ho mi anggur ding. Bang aten dil om ham mi atuhuin. Anggur maliley no' he'e sa talal den manang, no' he'e sa sam pali' beng taam.
\v 2 Hid lap o sel sa namenu tahow talal den abung, anggur o untu med.
\v 3 Honin sobo, sipi sari aiy ho apuin no' he'e beh no' he'e ara lil, satang oh sabor

\s5
\v 4 Horo he'e sa voi so name nu tahaow sipi en sobo sipi elavung mi beh'no he'e ari panen ano mala, maniang.
\v 5 Savoi name nu tahaow, sobo sipi amine. na ho, o ara name tovang araham, den beh, den amine.

\s5
\v 6 Dil aneng ho, Aiy pir nu, sa sona u karang b'i. Sa voi sona tahaow, sam sipi o, lap, n'o sa bita sipi uiy no, ay ho uada ahol.
\v 7 Honin sobo talal den ho sipi sara hu'tang horo dil a, neng ba pi mang amine, honin e, o kavaic ho pi mang an'o tey.

\s5
\v 8 Ho ro he'e sipi apuin no' he'e amine. No'he'e tevang anggur dil amot mi vew.
\v 9 Naba ve anggur dil aneng panen? sa ho' sa talal den amine, no'he'e sa anggur dil ho med name beng e'n.

\s5
\v 10 I vom pa'mateng pa'ho'o ta'an am em day. Voi ba, atang molang o sah bit e vew am ho, sano' voi asel.
\v 11 Ong'ho'oro Tuhan o panen o aten. panen aten ho'o so mi eng pir. pi day ahol.
\v 12 Horo he'e sipi o se'bur lap e' apuin sobo, sipi name tovang el baroic. Yesus apapai valeng eh'ho sipi ve bit eh. horo he'e sipi Yesus el te'eng sam.

\s5
\v 13 Horo he; e sipi name Farisi pir den den, name Herodian ahow ho'Yesus o lap, honin e sipi somateng puin Yesus o ahal lap.
\v 14 Sipi ho'horo he'esipi Yesus aramateng, Guru ni ahol a ri so atino. Name beng mateng a e alepang nene, o, panen a' ahol nene. ho'e aLahtal o se'bur atino ba a puin name gur eh. Lavung vali med kaisar ve en em a'ai?
\v 15 Ni so manang em ni so e manang nene? Honin sobo Yesus sipi o kaluve ahol am, sa sipi aramateng taronin ve i napate? Dinar nu med nen e' na e dun ve.

\s5
\v 16 16 Horo he'e sipi vit ho'horo he'e Yesus sipi ara mateng, ano'o gambar, ano'o nahul so ba ho'o? sipi o'abor bita kaisar o gambar e, o nahul.
\v 17 Horo he'e Yesus sipi aramateng, na o'ba kaisar ei ho med kaisar en, Lahtal ei ho med Lahtal en. Sipi saher med Yesus araham.

\s5
\v 18 Horo he'e, name Saduki u bangbita name min e sovetang nene. sipi ho'Yesus abung sipi Yesus atan, sipi bita
\v 19 ''Guru, Musa nahul bita name ba o u'ding lote min ob solo ad meng, sobo ai a'ay. uding lote ho uiy uiy o'b alove ho med e ai a'vainmed so uding e'mele mi.

\s5
\v 20 Name pir itito sara di'ai, di'ai a'ainang ho, ob nu med sobo sa min o vol o heb a'ai.
\v 21 No'he'e di'ai o mi alo mi voi ob ho med bo min o vol o heb a'ay, honi sobo di'ai o mi tow mi.
\v 22 Di'ai pir itito ho, o vol, o heb a'ay, o, a'muij mi ob hodi min.
\v 23 Name minso vetang sahirtoh, o'sel, ob ho ano, o'ob horo abul? ved'e di'ai pir itito barpi ob ho med an'o so, ob.

\s5
\v 24 Yesus sipi o mateng, abor ho oro i puin e i no natu e fe'de su ra bolang i om upir o naba Lahtal o atino?
\v 25 fe'de sipi name nim o, anay ho mi so fetang, sa hir toh sipi o anai ho mi den sari med nene sobo, sipi o rupa mang fe'de malaikat sorga mi honi.

\s5
\v 26 Ong name min ba so fetang sahirtoh, fom pa mateng pa ba musa o sur a mi ho i taan am em day, namang na huding, Lahtal ara mateng nari ho oro, "Abraham o Lahtal, Ishak o Lahtal Yakub o Lahtal?"
\v 27 Sari e name min o Lahtal nene, sobo name fetang Lahtal."

\s5
\v 28 No hee ahli Taurat o anai homi nu ho sipi o tutul u a lepang sa edun Yesus sipi o mateng abor hoo a hala aiy sa Yesus ataan hulung e parenta taro ro mi a tino?
\v 29 Yesus o abor hukung o a ai nanang ho u alepang Israel hinu pi Tuhan Lahtal ho so pi Tuhan.
\v 30 No hee u karang esah med Tuhan Lahtal araham om abel puin e med o laman e med o tanut e med o ku'fa.'
\v 31 Med o mi alo mi Esah u karang med, name beng a raham o rupa mang fe'de a raham eh honi.

\s5
\v 32 Horo hee, ahli Taurat, ara mateng ari so a tino Guru! A natino, febit eh a bit eh ho na sara nu. Na beng aai seilal sari horo.
\v 33 E med esah u karang tom abul puin e med o moa puin e med ku'fa ara puin o rupa mang fe'de o bo ara ham eh honi. so, mi a tino o rupa korban persembahan apew eh honi.
\v 34 No Yesus edun hee ay ho so om ra puin mateng abor eh sa ubang Lahtal o bang ho a e'elet nene.

\s5
\v 35 Sa Lahtal o bang mi name Gureh hee Yesus u bang ho ahli-ahli Taurat taroninfe i ubang ho Kristus ho Daud oai?
\v 36 Roh bolang alay Daud ubang ho, 'Tuhan nodiing nobab ara mateng: Natangtani alol mih, na falefang nun med e'fafar.'
\v 37 Daud solo bu saubang Kristus ho 'Tuhan.' Honin sobo ma' taroni, Kristus ho soaai? Horo, name tofang apa no u alepang.

PANEN MED AHLI TAURAT ARAHAM
\s5
\v 38 Yesus name gur pel eh ho,"Saubang ho naumang ahli Taurat kod lai mang e lameh ho, sipi ey tanut ho, sipi u ada ahol ara e mele tofang mi,
\v 39 no he e sipi e mele mi mate ara Aomebang mi emed, emele mi mate milafining ara nak ade seyna emele mi.
\v 40 Sipi ob alofe o bang u tot, aome pa ano lai bi sipi o hukung salang tarovebi."

\s5
\v 41 Horo he e, Yesus mih ahoy pati persembahan en, name so persembahan med pati om mi amiuj ho sa e dun, name kafaic e so mi tofangso oersembahan o mi tofang med pati om mi amuij.
\v 42 No horo he eob alofe lahal nu eiy persembahan ho seng hir paalo o tofang ho seng nu araham.

\s5
\v 43 Horo he e Yesus so sakolah aybar olofe ara mateng, nana o mi ati no bit uiramateng obalofe lahal nu ho o eip persembahan ho so mi tofang bi sa, med pati persembahan om mi amuij, name beng ey alahain.
\v 44 fe'de sipi beng ey ho sipi so tofang ey araham meng sobo ob alofe lahal ey ho sa sosah so lahal e med fetang e med o karasang.

\s5
\c 13
\cl Pasal 13
\p
YESUS SEL O'MUIJ MI HO', U' FOM PAHANG Lahtal O Bang Ho' Ari' Eham
\v 1 Horo, hee Yesus Lahtal o bang homi hel sam, horo hee o' sakola ay nu atan ubang ho, "Om hul, edun foe nun e' med bang nun hoo' no' no'
\v 2 Horo Yesus o'bor, i bang no'no, hoo edun eh em a'ay? Foi pa' nu di uil-uil e ara foi beng ta seh nene barpi ho sa uil taru tung." Mode maar O A'aynang

\s5
\v 3 Horo hee, ongo Yesus ara tong Zaiton doe ba ahoy Lahtal o bang palol en ho tamih eeh, Petrus, Yakobus, Yohanes e' med Anderias ho' Yesus solo'le fe Atan.
\v 4 A' niemaring fe' den fe afang-afang ho uil-uil ara, ma' naba honin horo sano' o utub honin fe nanun ho hanoang o' a muij mi?

\s5
\v 5 Mang horo hee Yesus homi sipi ara mateng, "Umama honie name den ho' ira fa sesah lol e'.
\v 6 Fede' name tofang uil Nani puin ho' ubang ho 'Nari horo ba Sari, honie sipi name tofang med sesah felol.

\s5
\v 7 Mang fe'de i mali tale' mae'h med e mali tale' o'moi, i ha'ay baroch' e fe'de barpi-pi ho, ara fe sobo barpi ho e o sel o'muij mi dai.
\v 8 Asel bang pali' uil-uil setoh sara mali, mede afenbang e afenbang uil setoh sara mali, Pali'ladidin eleme ri'an, uil-uil hilmalihing, horo mangfede' name safain o modemaar a'ainang honi.

\s5
\v 9 Ho nin sobo ari u'buang, fede' ma' sipi iri med botang dasing ap o' sear mi, mede name ira sam mong sobang palol mi iri beh, i uil-uil Sanhedrin, med afen nun ho e'dang apong'dang toh, asel Nari, sipi ino' ahal o mateng pa' ahol med sipi araham.
\v 10 Honin fe, sura' bolang o'pa ho hanoang sotur puin bang ernu emaring.

\s5
\v 11 Med, mangfede' sipi ira sam med name en am di, ha'ai iom upir e; ma' nabafe i ubang, honin sobo, o se'l homi nabaso ara Haltafoil iraham horo ubang, fede' hu'tang eh ho e iri nene, hunin sobo, hamoy bolang soba.
\v 12 Name sara di' matu di uil-uil sari med min o tapuil, mede Omang e ai, di. aikabar sofo-somang ra'toh, sam so amine.
\v 13 mede Name om halimang name barpi uil-uil ira sah, asel Nani ho'e. honin sobo, ai ba sa som tahang sam o' muij mi, il'luling fetang soem uil samed." NA SAHKARANG HORO ASAHAINABITE ASEL

\s5
\v 14 Sobo, mang fede' i edun, name ri'ing kabesar-kaerlal ho ara seleme fe sa e mi toh nene, ho hee Sipi ba ara mong Yudea mi ho uil-uil teeng tong doe' taam.
\v 15 Name ba ara tong bang ado ta ho ha'ai hel e, soem om bang om le mid so na aernu ho arahel luling lehel disah.
\v 16 Mede, name ba ara mong but mi, ho ha'ai sabor so kod lay ho med e.

\s5
\v 17 Sam sel haer homi sipi tabang am, sipi ba ongo dai afo'oy eh, med o ba dai ai te'ten to en naeh ho.
\v 18 U aome, honi e sah karak ho'o, ha'ai maab sah ovang fe mi ara e.
\v 19 Asel sel haer homi ho, modemaar mate uil ara o sel, mode maar mate hoo e' ara day, mong o a'ai nang ta Lahtal naaernu aten pali' ho ta, sam fed ho'o mimeng, horo sari modemaar ho foi ara nene sama emeng.
\v 20 Honi fe mang fede' Lahtal sel haer ho e'toang nene, hee nameno' nun ho pir nu di e' il luling med di ha'ai. honin sobo asel Sa u tara' horo ei fe oba sa u tara' am, horo Sa sel haer ho ano toang.

\s5
\v 21 Horo hee, ahal name den ira mateng 'edun, Yesus ara ho'omi!' Soem 'Sa ara hemo mi!' Sari ho i o atino' bit e.
\v 22 Fe'de name sari upapain, nabi upapain, di ara satel toh so afang-afang akala puin sesah med name Sa u'tara am ho ereeng.
\v 23 U'ma Ubuang! barpipi ho dai eh ta hee, Na u ie maring am.

\s5
\v 24 Sobo, sel haer ho araham, mode maar mate ho, mang alai, 'Fed lel ho sano' pana e, ul di e lel nene.
\v 25 Ibing nun ho di tong burang ta muij hel, emed ho nie na' o atino' nun ba ara burang ta di sari o'dang. LAHTAL AI OHO' OMA
\v 26 Horo he'e, sipi uil-uil Lahtal Nameno' ai, tafiing bo' tahel ba' lel madal ho edun.
\v 27 Horo hee Sa Malaikat ho ahou o name ba sa utara' mong hamo'y eng ut el mitoh, mong pali'mol asel mi, sam pali' o taporta mi, burang o' tapor lol.

\s5
\v 28 Gurpel ara mong Aong bo' o u papain: mang fe'de o'bale nun ho bala am hee o beh nun ho upuin am, ho hee i ahol bite fed bune o sel fanang am.
\v 29 Iri di ba orupa honin, i edun mang fede'naaernu ho ara am, ho hee i mang ahol Sa ho fanang am, ara ong sear mi.

\s5
\v 30 Na o abul'bul Na ira mateng, toto'htohmou hoo e sam amuij dai hee, naaernu ho ara so.
\v 31 Pali' mol e burang uil suhuin, sobo No fom pa' bolang e suhuin ei nene." UMAMA MEDE UBUBU'ANG
\v 32 Honin sobo Osel otapeng ho, mang name nu di e ahol nene, malaikat nun tong bang bolang mi di e'hol nene, mang so Ai di e'hol nene, Omang solo ahol.

\s5
\v 33 Umama'o, iri u'bubuang. asel osel den Sa uil ho i e'hol nene.
\v 34 Na ho'o mang fede' Name nu senu u'lame eh honi, bang mi hel sam horo he' naba so ara bang mi ho mede O'ramih atangmi, ubu'ang, karesang sipi ri'an puin, e mede' Name sear buang ahou uma, so bubuang eh.

\s5
\v 35 Honin fe, ububu'ang asel se'l den bang aneng sabor ho' Fed hel, soem dilpana, soem tunham hiu u'le, soem mang lalami,
\v 36 Ahal-aha, seh-seh Sa ho' Ihol he'e i nop eh ereeng.
\v 37 Naba fe Na u ira mateng hoo, Na uil med name barpi ara mateng: 'iri u'bubuang!"

\s5
\c 14
\cl Pasal 14
\p
Yesus Amine O Se'burlap
\v 1 Hair mate Paskah med hair mate namej o hanir a'ai o sel ho halo day ham, Yahudi o nametur o tumo'bar sari lap ta unung se'bur lap taro'nife Yesus u pain amine fe.
\v 2 Sipi saragahain u, pi ha'ai hair mate , om ho mi panene ma'le serang aernu tabarang bo'. Lamanem Tarubing o iping Puin Yesus Adule

\s5
\v 3 Selnu araham Yesus Betania mi, ara Simon hapeburang ade obang om mi mih na'ade eh, ai ob nu sei manem butiling nu puin ho, sa butiling otel ho apo' horo o iping ho med Yesus elafung ta uhuin luh,
\v 4 Honin bo, name oinu ubang, tarunin fe i iping o fali mate ho mang tanai aburat urusa ho ni?
\v 5 fe' de iping ho mino' bi' hee fail seng rat tow med e oseng ho med name sah lahal fe e dalam nene, horo sipi ai ob hu e'riing.

\s5
\v 6 Honin sobo Yesus sipi ara mateng ubang ho, se honi, i naba u e' riing om ano' muij, sa na o no' fe panen ma naraham so ba ho,
\v 7 name lahal ho ara ira se masing, i om sel taro mi fe i ukarang hee o no' fe panen puin sipi araham, honin sobo Na e ira se masing nene.
\v 8 ai ob hoo sa na o no' fe panen, ai ob hoo sotur iping manem puin nahop, sari ho puin no min o sel adang.
\v 9 Na atitino' ira mateng mang taro taro mi ong pali' mate ta name sura' bolang o pa' ho bit umateng, naba fe sa panen naraham am hoo name uil bit puin ari uma." Yudas Yesus o se lap

\s5
\v 10 Yudas Iskariot, sarihudi sakola pir airnu faleng alo hu om mi, sa sam Yahudi otumo' bar name om ara airnu abung Yesus alorang supien.
\v 11 Yudas mang supi ara mateng horo hee supi apang mino' horo supi ara paha' hu seng med en, hore hee Yudas Yesus o se'bur lab.   Hair Mate Onameij

\s5
\v 12 Hair o' a'nang, hair namej o hanir aai, sel ho name paska o nub ai amine, sakola aibar ho' Yesus atan, e mele taro fe Auinung e nisam paska o sei nameij utaro'e pi ade na'.
\v 13 Yesus supi au ubang, i sam bang hemo leam, ma a i name lote nu sei dong tefang eh ahol.
\v 14 Sari ai horo i ataain sam bang tarofe sa om lemid, i bang aneng hu atan, ni tung u bang hu, emele tarofe na mi no sakola aibar ara Paskah o naade.

\s5
\v 15 Hunin hee maa sa e mele hu utub, sari emele hu tong lafeni, mate berang, i huni sei na meij utaro' amihing."
\v 16 Sakola aibar alo hu lame sam bang hu mi hee name fe Yesus bit hu so mi ap' supi sei na mej utaro, amihing no' horo hee supi sabor

\s5
\v 17 Sam dil pane he Yesus med o sekola aibar pirairnu faleng alo ara ho'.
\v 18 Supi mih na'de eh, Yesus ubang, Na atitino' ira mateng, pinade ham ham sobo i nei ho mihu name nu om sah ma nara ham.
\v 19 Sekola ai bar mid oh, supi Yesus atan, maa e nari nene tih'.

\s5
\v 20 Yesus ubang ho, inang airnu faleng alo horo ano so satang no mako om lehel hee horo.
\v 21 Name no' sa uil sabor sam, sura' bolang u bang huni, sobo ai ba ei panen fe name no' Ai name a no' sah sah hu, o mi no'bi sari ai hu na me afain e. Yesus O bo' ano' uma ma ei

\s5
\v 22 Sari sel hu raham supi mih na'de Yesus karepo med, sa satang taahir hal tafoil medta, sa ahid med sekola aibar en sau bang, med, ho'ro no bo'.
\v 23 No' horo, sa fail mako atel, omahen no' bit, samed supi en na.
\v 24 Yesus supi ara mateng, hooro Nofui her name tofang e reeng.
\v 25 Na ira mateng, fed ho' mi Na anggur hoa na nene am, sam sel numi fe Na anggur o no' hu na, tong bang bolang Lahtal emele mi.

\s5
\v 26 Naade no' hee supi dal o rang no' hee supi sam Zaitun doi ta. Yesus o sakola ai bar ma a el teeng fe
\v 27 Yesus supi ara mateng, sam sel nu mi, maa i barpi nel teeng oh, ara sura' bolang mi u bang eh. Na nub o buang hu aminefe, sobo onub rai hu tabite oh. Zakharia 13:7

\s5
\v 28 Honin sobo, Na nofetang nahertoh am, Na notur mong Galilea leam am.
\v 29 Sobo, Petrus Ara mateng bite,"Masiki sipi barpi e'l teeng di, na so Ara tohuil eh."

\s5
\v 30 Horo, Yesus ei'bor bite, Na aramateng petang, fed pana hoo, hiulote di e u'le mi alo dai, a uil Nara kalufe mi tou am."
\v 31 Honi sobo, Petrus tetangtoh foil o'bor, "Masiki na ara ham-ham min di, na foil Ara kalufe di a'ai!" Sakola ai'bar beng di ubang honi. YESUS GETSEMANI MI

\s5
\v 32 Horo hee, Sipi sam emele nu ani Getsemani ho mi, Sa so sakola ai'bar ra'mateng, " i hoo mi mih eh, e Na fa aome fe."
\v 33 Horo Sa Petrus, Yakobus mede Yohanis Ara sam, sipi baroic afah mi, e sipi hah.
\v 34 Horo Sa sipi ra'mateng, "No laman pe ' bi' sam edai Na mang u min. honin fe i so hoo mi eh, iri ubu'buang."

\s5
\v 35 Horo hee, Sa sipi elet pite' Sa faai ta faur muding, aome, ahal mangfede' sel sah ho elet.
\v 36 Horo, Sa aome, opa' ho, " Abba, Nimang, naaernu barpi A 'hol, o no'bit. maarmahip hoo atel med Naraham. sobo haai Nei nom alol e' sobo Ei om fe alol."

\s5
\v 37 Horo hee, Ai sabor ma sakola aibar olap, edun hee aibar nop oh, horo Sa Petrus ara mateng, "Simon, taro'ni fe anop? i taro'ni fe nari buang od nu om mi disah?
\v 38 Iri u bu'buang e aome, honie falefang ho iri mi muij e. Roh ho e'lol, sobo bo'mate moleng."
\v 39 Horo hee, Sa fol sam semele mi aome, aome pa' o aai nang horo Sa foil ulamelol.

\s5
\v 40 Horo, Sa foil ma sipi edun hee, sipi nop oh, asel e'fai tarofe, ma'a naba fe puin O mateng abor.
\v 41 Mang honi horo hee, Yesus foil fa sabor ma o mitou mi, horo sipi ara mateng, " E i dai nop suhuin eh, noam ba toh, osel an am. i daidun, Nameno' Ai, name alorang med name doch'al atangmi meng am.
\v 42 Ihertoh, mae pi sam. edun, name nari fail ho ara fanang am." NAME YESUS APUIN

\s5
\v 43 Mang horo, Yesus dai ong hu'tang eh hee, O sakola ainu, Yudas ho reala nun ara ho' sipi ney'rab sarian, fede' Yahudi bang ho o name mate, torat o om hul dilmaeh, tumo' bar nun so sipi ahou.
\v 44 Aiba Yesus fail name en ho utub nu med name tofang ho aramateng, bite, "Ano fe na amuning hee horo Sari. i horo apuin e, ara sam na iedun eh.
\v 45 Yudas mang ho' horo hee, sa rak mong Yesus abung toh, ubang ho, "Rabi!" sa Yesus amuning.
\v 46 Mang horo hee, name Yesus apuin.

\s5
\v 47 Sobo sakola ai nu toh, ney bara' name O tumo' nu afel hor 'hi'.
\v 48 Horo, Yesus name tofang ho aramateng, "Minaba ei fe i ney'rab fe ho' napuin, mang fede' nari name tau honi?
\v 49 E dilel ri'an Na ira mong Lahtal obang mi, ifom ipahang eh ho e, i e napuin nene. Sobo sei honi e, Sura' bolang om no' an."
\v 50 Horo'le hee, sipi barpi Elet el' teeng oh.

\s5
\v 51 Afor ai nu di ara Yesus atain lame eh, ai ho sabo fe puin sow, name edai apuin.
\v 52 Sobo, sa sari bara' a'boi teeng am, o sabo ho muij so ol'eh. YAHUDI O'BA'AY OM'RA YESUS O'HAL LAP

\s5
\v 53 No' horo, sipi Yesus ara sam Yahudi o name mate olap. hoe, abaay kapal, Tumo nun, mede Torat o omhul nun barpi taunung am.
\v 54 Ho e, Petrus ho let-let lame Yesus atain ho'o Name mate o hemang mi am, mongo name buang fe ara gau mih, afail pau' eh.

\s5
\v 55 Abaay kapal, hu' ap dasing afel o name, Yesus o atan afel o'hal lap, o se lap, taro' nin fe sipi amine no', sobo sipi e O ahal ahol nene.
\v 56 Asel, name tofang ho kalufe med kalufe ta, Yesus ara toh o se lap, sobo sipi o kalufe ho e sari nene mamang.

\s5
\v 57 Mang horo, name lubung oi'nu toh, hu'tang ladimang puin Yesus aratoh, sipi ubang ho,
\v 58 "Ni maeh Sa hu'tang, 'Na Lahtal obang ba name no' satang puin aten ho, ari' bahite, honi sobo, tareng tou le' hee, Na foil beng aten no' sari bang name e satang puin aten nene.
\v 59 Sobo, sari O mateng hoo ei araham, sipi o kalufe ladimang ho, e saraham nene.

\s5
\v 60 Mang maeh horo, mate nu ham mi sahertoh, Yesus atan, "A taro'ni fe name nun ho o taan pa' ba ara toh eh ho e o'bor nene?
\v 61 Honin di Yesus mang poram e o'bor nene. horo aba'ay mate ho foil atan, "Ari so ti'no' Mesias, Lahtal Ai ba name oti'no' bit?"
\v 62 Horo, Yesus o mateng abor, "Nari horo ba hoo, sel nu mi, i uil ahol Nameno' Ai ara tong Mate lafining atang tani lol mih, honin am fe ham-ham ho' tafiing bo'ta."

\s5
\v 63 Horo hee, aba'ay mate sahertoh so kod karang ho apeh, ubang ho, " Naba ei fe pi foil o sah lap eh?
\v 64 O mateng pa' sah ba i maeh ham. honin ba i u hu' dasing ap ema? horo hee sipi Ai ho hukung amine fe med en.
\v 65 Name oi'nu malei o pahur, E'fai apec, beh par, horo hee ara mateng ubang ho, No amba adai tahaaer pa' nu ubang." Horo name buang nun med beh par'. PETRUS YESUS U KALUFE

\s5
\v 66 No'horo, Petrus dai name mate o bang hemang ho mitoh eh hee, o'ramih ob nu ho.
\v 67 O'ramih ob ho dun hee Petrus dai afail pau eh, horo sa Petrus atan, "Ari di Yesus ba Nasaret hinung atain eh em haai."
\v 68 Sobo, Petrus ta aba u'bang ho, "Na Sari ai ho e' hol nene, mede a'naba fe bit eh na e pahang nene." horo e satoh sam sear mi hee, hiulote di u'le.

\s5
\v 69 O'ramih ob ho Petrus edun, horo hee, sa foi name rai hu ara mateng, sari ai hoo, ai fale hu o ara bang nu so.
\v 70 Honin bo Petrus dai kalufe eh, dai eh hee name nun ba homi tufeh ho foil atan, "ari ho di Ai tale hu obeng so, fekde i'ri hu Galilea hinung ho."

\s5
\v 71 Sobo, Petrus futung pauj, sepur se ha' bite, "Ai ba ibit eh ho, na e ahol nene.
\v 72 Mang horo hee, hiulote di u'le omi alomi horo Petrus Yesus o mateng pa' ba otareng u aramateng am ho sa uma, "hiu lote e u'le mialo dai hee, a uil nara kalufe mitow am, mang horo Petrus ahain emari mang tafoil.

\s5
\c 15
\cl Pasal 15
\p
YESUS PILATUS O SEAR MI
\v 1 Mang lalami, name mate, tumo' bar, torat o omhul nun, om'ra aeru, mede soldaij sipi barpi taunung sara gahain. horo hee sipi Yesus apec, ara sam Pilatus O sear mi.
\v 2 Horo, Pilatus Atan, "Ari horo Yahudi hinung o Afen ho? Horo, Ai o'bor, "ari so na ubang eh."
\v 3 Mang horo hee, mate nun, om'ra aernu, Yesus o ahal bit ta'foi foi.

\s5
\v 4 Horo, Pilatus foil atan, "Nabai e fe a e'bor nene? edun, sipi o'hal lap mang tofang bi puin Aratoh Oselap."
\v 5 Honin sobo, Yesus e'bor nene horo ei fe Pilatus di saher. YESUS MED BARABAS

\s5
\v 6 Haer mate Paskah araham, Pilatus o asala panen serang bar ei lol, name sapiri mi ho nu ano' il.
\v 7 Ai nu ani Barabas sapiri mi name riing nun ho ara asel sipi name amine, na asain karang ohaer nu mi.
\v 8 Name tofang ho' Pilatus abang, honin e sa so asala foil panen sipi araham.

\s5
\v 9 Horo, Pilatus sipi ara mateng ubang ho, "I inung em haai, na Yahudi o afen hoo ro ano' il ie reeng?"
\v 10 Asel sa ahol tumo' om'ra nun Yesus ara ho o searmi asel sipi om ataain.
\v 11 Honin sobo, mate nun, om'ra aernu ho serang om med honin sipi Pilatus abang, Barabas fe ano' il.

\s5
\v 12 Horo hee, Pilatus foil serang nun atan, "Naba honin horo na uil panen ai ba i ubang Yahudi o afen hoo araham?"
\v 13 Horo hee, sipi mang beat, "A'ri hel haleng!"

\s5
\v 14 Horo hee, Pilatus sipi ara mateng, "Taroni fe? nasah otaroro Sa panen am?" Sobo, sipi mang beat biing-biing ta, "A'ri hel haleng!"
\v 15 Asel name tofang om anono' Pilatus Barabas fe ad ano' il sipi ereeng, horo Yesus ho heifi' puin par no' med sipi en arasam hel haleng. YESUS ELELE' MED ARIASARA

\s5
\v 16 No' horo hee, soldaij nun Yesus ara sam afenbang, ong Hu'botang dasing ap obang mi, soldaij nun solofe taunung.
\v 17 Horo, sipi Nofang duilou med en mang, no' hee sipi hide mang nu di hanang med Yesus en putang.
\v 18 No' horo hee, sipi aba-aba u ada'hol ubang ho, "Adamahen, Name Yahudi o afen!"

\s5
\v 19 Horo hee, sipi ul bo' nu puin Elafung mi beh, malei o pahur, E'fa fan.
\v 20 Sipi Yesus elele' no horo hee, Nofan duilou ho hing, ofen fede' foil en mang. horo sipi arahel luling mi arasam hel haleng. YESUS HELTI TAHIL
\v 21 Horo hee, sipi name selol amumuin taten-ten Kirine hinung ani Simon hodi mong so lelang mi ho' Alexander Rufus omang, ahou helti ho tefang.

\s5
\v 22 Horo hee, sipi arasam eleme nu ani Golgota mi, olel he bite "lafung tarop eleme"
\v 23 sipi araka mur sei gau med en, sobo sa e med nene.
\v 24 Horo, sipi hel haleng, no' hee, Sipi ofen med sedalam, o kara feu ano so fen o taroni' ho med sarian.

\s5
\v 25 Sel ho'raham, od tou hee, sipi hel haleng.
\v 26 Horo hee, sipi nahul puin o'hal lap o pa' ho, "Yahudi Hinung o afen"
\v 27 horo hee, sipi name tau alo di hel ara haleng, name tau nu tani 'lol e name tau nu ho fiing 'lol.
\v 28 Honin fe, Sura' bolang ho ano' an. ba ubang bite, "Sari ai ho name taudur ara taan."

\s5
\v 29 Horo hee, name selol eh ho eng el, sipi safel feu ubang ho, "Hoi! ari horo Lahtal obang ho ari'bahite, bo tareng tou le hee a aten pir faleng,
\v 30 Adai obobom ano' il, e helti ho ta hel.

\s5
\v 31 Name mate, om'ra aernu di Yesus eng el, u sara hu'tang bite, "Sa name beng ho ano' il no' hoe, sobobom sano' il sah!
\v 32 Se honi sa Mesias ba Israel o afen ho helti ta hel honin e pi o tino' bit." Name tau alo ba Yesus alol hel haleng hodi ebit eng el. YESUS O MIN

\s5
\v 33 Ho'raham ho, od o mitalang mi pali'mate pana sam od o mi tieinu mi.
\v 34 Mang od o tieinu ho mi hee, Yesus lofe biing-biing "Eloi, Eloi, Lama sabakhtani." o lel hee, "No Lahtal, No Lahtal minaba ei fe a nari feu?
\v 35 Mang maeh horo hee, Name oinu homi tufeh ho sara hu'tang bite, "Edun, Sa Elia o lofe eh,"

\s5
\v 36 Horo, ai nu teeng li bung med araka aruhuin mi bal, ul bo' nu mi te' atel med Yesus en ahou na, sa ubang ho, "Sei honi pi mang edun ahal Elia ho' sona arahel."
\v 37 Horo hee, Yesus aheu mate-mate horo hee aeng muij.
\v 38 Mang horo hee, Nofang mate ba ara tong Lahtal obang palol mi ho peh talaang o alo, tong lafining homi sam pong lama ho lehel.

\s5
\v 39 So horo hee, Soldaij nun ho o lafung, fa Yesus ahoi ho mitoh Yesus O aeng ta'hol ho, ubang bite, "Atino' Ai ho Lahtal ai"
\v 40 Ho araham ho, ob bar oinu, ara homi, let-let dun ho eh, sipi ho, Maria Makdalena, Maria Yakobus afor Ofo, Yoses med Salome.
\v 41 Ho araham Yesus mong Galilea mi, sipi atain, u baleta. hemo mi ho ob bar beng tofang ho Yesus ara sam Yerusalem. YESUS APOT

\s5
\v 42 Sari ho'raham dilpana am, asel haer sadia tining rameng fa haer Sabat ho lefa,
\v 43 Yusuf Arimatea ho, sari name mate, name u ada'hol, bo sari di Lahtal o bang bolang oho' oma ho adanang eh, Som ano' dume sam Pilatus Abung, Yesus o bein ho bang.
\v 44 Pilatus so mi siud asel Yesus o min ho maeh. Horo hee, sa soldaij nun o lafung olofe atan, "Atino' Yesus ho so min am?"

\s5
\v 45 Pilatus mang soldaij nun o lafung abung maeh, horo he sa Bein ho med Yusuf en.
\v 46 Horo, Yusuf sabo afel fel, Yesus o bein ho arahel sabo afel ho puin baloi, med derelafo ba foi doe fe aping ho om mi atarang. horo sa foi mate aol ma derelafo sear ho atelang.
\v 47 Maria Magdalena, med Maria Yoses ofo, sipi Yesus eleme mi atarang ho ahol.

\s5
\c 16
\cl Pasal 16
\p
(Yesus Min So Fetang O Hamoi)
\v 1 Ho araham sel palol mang tadoo, Maria Magdalena, Maria, Yakobus ofo, me de Salome Na manem Fell am horo sipi om sam Yesus o be'in Ahop.
\v 2 Mang lalami, selo'aainang, don ho araham, Fed mang po' sipi hoo, dere lafo mi.

\s5
\v 3 Sipi satan, "Ano so ma'a Foi ba dere lafo at atelang eh ho aol?"
\v 4 Sobo, E ara fe'du nene honin hee sipi dun mid hee, sipi dun hee foi mate bi-bi ho laolam.

\s5
\v 5 Horo hee sipi mid dere lafo, om homi he, sipi seng atel dun hee name lote mate nu sabo afel so muij ara tani lol mi e'h, horo sipi u siud.
\v 6 Horo hee name lote ho sipi aramateng, "haay siud e, Yesus Nazaret hinung ba hel ti tahil min horo i lap? sa min sobo fetang am, sa e ara hoo mi nene, edun ema eleme mi meng ba oo..
\v 7 Honin sobo, na ihow, i sam mong o sakola ai bar ho ara mateng mi tata Petrus bite, Sa mi so tur ara mong Galilea mi am, i sam mong hee i a holam, o rupa ba sa i ra mateng am honin."

\s5
\v 8 Horo hee, sipi tabite teeng luling lehel dere lafo ho elet asel sipi baroich bibil, u saher sipi om upir huu mang ano ahol di sipi hu'tang sah asel sipi baroich, (Fe na ernu turlo ba u sipi ahow am ho, med Petrus e otenang el bar ho aramateng toang, horo hee Yesus so sobobom sipi ahow atiting mong fed po' le lol sam pong fed muij le lol honi e Hamoi Bolang e med e u min so em nene sobo fetang so em sam so em. So'tino.) Yesus Sobo' Med So Sakola Aibar O Petang

\s5
\v 9 Yesus min so fetang ho araham lalami sel o aainang, don om homi, Ai sobo mi so tur med Maria Magdalena o petang. Maria horo ba hamoi sah itito tamang ho Yesus so ano birang.
\v 10 Horo he e, sasam name o ba Yesus ataain ho aramateng asel sipi day ara ahain ave' om mi.
\v 11 Sipi mang maeh bite Yesus ho sofetang am, orupa ba sa ahol honin sobo sipi e o atino ubang nene.

\s5
\v 12 Sari ho no' hee, Yesus foi sobo' med name o petang mi beng nu sari ho name pir alo sam so bang em leam faleng horo day seham hee Yesus ho sobo' med sipi o petang am.
\v 13 Horo hee, sipi sabor ho sobeng sovar aramateng sobo o beng o var di e o tino u bang nene. Yesus So Sakola Ai Bar Aramateng

\s5
\v 14 Ho' horo hee, Sa foil' so bobom sobo' apetang o sakola aibar pir ernufalingnu ho etub. Sari o araham sipi barpi ta'unung mih naade eh, horo he e sa sipi aramateng asel sipi ho som abaang ho ey mede sipi om ah adobe kongbay ho e, osel ba Yesus min sovetang sobo' med sipi e petang edun ba u hu'tang eh ho sipi den e o tino' ubang nene.
\v 15 Horo hee Sa sipi aramateng, "i sam pali mate ho mi pir fom pa' bolang ho mede nabave na aten ahome ho aramateng so barpi.
\v 16 honin e o ba maeh o tino bit ho sey bolang puin afoil honin e sa fetang soem ho sa med, sobo o ba e o tino bit nene ho hukung salang.

\s5
\v 17 Sipi ba o tino bit ho naernu ba o rupa honin ho ma' sipi ataain: sipi Yesus ani ve puin hamoi sah ahin alol; sipi uil-uil mateng habar puin hu'tang;
\v 18 sipi mon apuin di e naden nene, mede mang so dafang sah ve na di sipi e u min nene, sipi satang med name mode ta'ahir ator hee name birang.'' Yesus Savohlil Bang Bolang Leam

\s5
\v 19 Yesus Lahtal Ai sipi aramateng no horo hee, Sa savohlil Bang Bolang leam ara tong Lahtal o tani lol mi mih.
\v 20 Horo he sipi sam fom pa' u name ara hu' tang mang taro-taro mi asel Lahtal sipi ey ta baleta, sipi fom pa bolang ano dume mede o tub maring ara sipi ta.